ថ្លែងក្នុងសន្និសីទសារព័ត៌មាន ស្ដីពី «ភាពជោគជ័យក្នុងរយៈពេល ៥ឆ្នាំកន្លងមករបស់រដ្ឋបាលខេត្តតាកែវ» កាលពីថ្ងៃទី២ ខែមីនា ឆ្នាំ២០២៣ លោក អ៊ូច ភា អភិបាលខេត្តតាកែវ បានលើកឡើងថា ​​ប្រជា​ពល​រដ្ឋខេត្តតាកែវ ​ក្រៅ​ពី​ការ​ងារ​កសិកម្ម ពួកគាត់​នាំ​គ្នារវៃអំបោះ​សូត្រ​ធ្វើ​ជា​សំពត់ ហូល​​ ផាមួង​ បាន​យ៉ាង​ល្អ​​​ប្រណីត។ លោកថា មុខរបរនេះ ក៏កំពុងជួយបម្រើទីផ្សារសូត្រក្នុងស្រុក កាត់បន្ថយការនាំចូល ធ្វើឱ្យសិប្បកម្មតម្បាញហូល-ផាមួងដំណើរការប្រកបដោយនិរន្តរភាព ពលរដ្ឋនៅមូលដ្ឋានមាន 

លោកបន្តថា៖ «សិប្បកម្មប្រពៃណីត្បាញហូល-ផាមួង ពិតជាបានលើកកម្ពស់ប្រពៃណីវប្បធម៌ត្បាញហូល-ផាមួងដែលជាមរតករបស់បុព្វបុរសខ្មែរ និងជាពិសេសណែនាំឲ្យបរទេសបានស្គាល់ពីតម្លៃសូត្រខ្មែរតាមរយ:ផលិតផលនានាដែលផលិតចេញពីសូត្រ ជាមួយគ្នានេះ  ខេត្តតាកែវ មានស្រុកចំនួន ៣ ដែលមានសិប្បកម្មប្រពៃណីផលិតហូលផាមួង មានកីតម្បាញចំនួន ១.២៩២កី ដែលអាចផលិតហូល ផាមួង បានជាមធ្យម ៣.៨៧៦ក្បិនថែមទៀត»។

គួរបញ្ជាក់ដែរថា ខេត្តតាកែវ ក្រៅពីមានសិប្បកម្មផលិតហូលផាមួងហើយនោះ បច្ចុប្បន្នខេត្តតាកែវា មានក្រុមហ៊ុនវិនិយោគ និងរោងចក្រធំៗនៅក្នុងខេត្តមានដូចជារោងម៉ាស៊ីនកិនស្រូវខ្នាតធំមានចំនួន ០២កន្លែង នៅក្រុងដូនកែវ និងស្រុកត្រាំកក់, រោងចក្រ សហគ្រាសធុនធំមានចំនួន ៨៣កន្លែង ប្រើកម្លាំងពលកម្មសរុបចំនួន ៥៦.៣៧៧នាក់ ស្ត្រី ៤៤.០០២នាក់។ជាងនេះទៀត​ ខេត្តនេះ ក៏មាន រោងចក្រធុនតូច មធ្យម និងសិប្បកម្មកំពុងដំណើរការដែលបានសុំប្រកាសពីក្រសួង និងចុះបញ្ជីនៅមន្ទីរ(មូលដ្ឋាន)មានចំនួន ៥៧៧កន្លែង ប្រើប្រាស់កម្លាំងពលកម្មសរុបចំនួន ៧.៦៤៥នាក់ ស្ត្រី ៤.៦៥៣នាក់ថែមទៀត៕ អត្ថបទ៖ ពិសី  

The post សិប្បកម្មប្រពៃណីក្នុងស្រុកចំនួន៣ នៅខេត្តតាកែវ អាចផលិតហូល ផាមួង ជាមធ្យមបានជិត ៤ពាន់ក្បិន appeared first on .