ព្រឹត្តិការណ៍តាំងពិព័រណ៍រថយន្ត២០២៦នេះ បានបើកសម្ភោធ និងកាត់ខ្សែបូរ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។

នាឧកាសនោះ ឯកឧត្តមឧបនាយករដ្ឋមន្ត្រី បានលើកឡើងថា ពិធីពិរណ៍ថ្ងៃនេះជាសក្ខីភាពបញ្ជាក់យ៉ាងច្បាស់ថា វិស័យយានយន្តនៅកម្ពុជាកំពុងទទួលបានការចាប់អារម្មណ៍យ៉ាងច្រើន និងទំនុកចិត្តកាន់តែខ្លាំងពីសំណាក់អ្នកវិនិយោគ ពាណិជ្ជករ និងអ្នកប្រើប្រាស់ ដែលជាសក្ដានុពលមួយក្នុងការជួយជំរុញកំណើនសេដ្ឋកិច្ចជាតិ។

ឯកឧត្តម ក៏បានគូសបញ្ជាក់ដែរថា «កម្ពុជាបានវិវត្តន៍ពីប្រទេសដែលមានក្រុមហ៊ុននាំចូលតិចតួច និងគ្មានការដំឡើងរថយន្តសោះ មកជាប្រទេសដែលមានរោងចក្រដំឡើងរថយន្តម៉ាកល្បីៗដូចជា Toyota, Isuzu និង BYD ជាដើម»។

វេទិការនេះ ក៏មានវត្តមានក្រុមហ៊ុនរថយន្ត ​Jetour ដែលបានប្រកាសលក់រថយន្តរបស់ខ្លួនបានរហូតដល់ ២ លានគ្រឿង នៅទូទាំងពិភពលោក ពោលគឺចាប់តាំងពីចូលប្រឡូកក្នុងទីផ្សារជាលើកដំបូងនៅក្នុងឆ្នាំ២០១៨ មក។ ក្រុមហ៊ុន Jetour បានធ្វើតាមយុទ្ធសាស្ត្រ Travel+ របស់ខ្លួន ដែលផ្តោតលើរថយន្តប្រភេទ SUV ត្រូវបានរចនាឡើងសម្រាប់ការប្រើប្រាស់ប្រចាំថ្ងៃ និងការបើកបរបែប Off-Road កម្រិតស្រាល។ បច្ចុប្បន្ន ម៉ាកយីហោនេះដំណើរការនៅក្នុងប្រទេស និងតំបន់ចំនួន ៩១ ជាមួយនឹងហាងលក់ និងផ្តល់សេវាកម្មជាង ២ ០០០ កន្លែងនៅទូទាំងពិភពលោក។

ទន្ទឹមគ្នានេះ ក៏មានក្រុមហ៊ុន សៃលុន (Sailun Tire Cambodia) ជាក្រុមហ៊ុនផលិតសំបកកង់ឡានធំជាងគេនៅកម្ពុជា ដែលកំពុងប្រតិបត្តិការច្រវាក់ផលិតកម្ម ផលិត ចែកចាយក្នុងស្រុក និងនាំចេញទៅទីផ្សារតាមប្រទេសជុំវិញពិភពលោក។ រោងចក្រផលិតសំបកកង់ឡាន បាននិងកំពុងស្រូបទាញទិន្នផលកៅស៊ូ ប្រមាណជាង ៣០% នៃទិន្នផលកៅស៊ូសរុប គិតតែក្នុងឆ្នាំ ២០២៤ ប្រមាណ ៥ ម៉ឺនតោន និងបានកែឆ្នៃទិន្នផលកៅស៊ូក្នុងស្រុកប្រមាណ ១ សែនតោនគិតជាសាច់ប្រាក់ប្រមាណជាង ២០០ លានដុល្លារអាមេរិក ក្នុងឆ្នាំ២០២៥កន្លងទៅ។

លើសពីនោះ ក្រុមហ៊ុនប្រេង PETRONAS ក៏មានការតាំងបង្ហាញផលិតផលក្នុងស្តង់ពិព័រណ៍ និងប្រូម៉ូសិនពិសេសៗជូនដល់អតិថិជនផងដែរ។

គូសបញ្ជាក់ដែរថា ពិព័រណ៍រថយន្ត២០២៦ គឺជាព្រឹត្តិការណ៍អន្តរជាតិឈានមុខគេមួយរបស់កម្ពុជាសម្រាប់បច្ចេកវិទ្យារថយន្ត ចល័តភាព និងគ្រឿងបន្លាស់រថយន្ត ដែលបានបង្ហាញពីការផ្លាស់ប្តូរទូទាំងប្រទេសឆ្ពោះទៅរកអគ្គិសនីភាវូបនីយកម្ម ឌីជីថលូបនីយកម្ម និងបច្ចេកវិទ្យាឆ្លាតវៃ៕

The post ឡានទំនើបៗលំដាប់ពិភពលោក កំពុងបង្អួតបច្ចេកវិទ្យានៅភ្នំពេញ appeared first on .

សម្តេចធិបតី ថ្លែងដូច្នេះ ក្នុងពិធីបើកការដ្ឋានស្ថាបនាស្ពានអាកាសភ្លោះ តាមបណ្ដោយមហាវិថីសម្ដេចតេជោ ហ៊ុន សែន ប្រសព្វជាមួយនឹងផ្លូវជាតិលេខ ២ ស្ថិតនៅព្រំប្រទល់រាជធានីភ្នំពេញ និងខេត្តកណ្ដាល នៅព្រឹកថ្ងៃទី១៧ ខែមិថុនា ឆ្នាំ២០២៤។

នាឱកាសនោះ សម្តេចធិបតី បានថ្លែងថា «បើនិយាយអំពីរាជធានីភ្នំពេញពីការវិវឌ្ឍន៍ យើងឃើញថាក្នុងរយៈពេលប៉ុន្មានទសវត្សនេះ រីកទាំងបរិមាណ និងគុណភាព។ដោយបរិមាណសំដៅទៅលើចំនួនផ្ទៃដីរបស់រាជធានីភ្នំពេញបានកើនពី៣០០គីឡូម៉ែត្រការ៉េ ទៅជាង៦៩ម៉ឺន ជិត៧០ម៉ឺនគីឡូម៉ែត្រការ៉េ»។

សម្តេចធិបតី បន្តថា បច្ចុប្បន្ន ប្រជាពលរដ្ឋរស់នៅ និងស្នាក់នៅបម្រើការងារនៅរាជធានីភ្នំពេញបានកើនជាង៣លាននាក់។លើសពីនេះ មធ្យោបាយធ្វើដំណើរ ម៉ូតូ រថយន្ត មានការកើនឡើងដល់ប្រមាណជាង២លានគ្រឿង។

បើតាមសម្តេចធិបតី ទៅមុខទៀតនឹងបន្តកើនឡើងទៀត។ហើយសម្តេចធិបតីក៏មិនអាចឱ្យអ្នកភ្នំពេញឈប់ទិញឡាន ទិញម៉ូតូនោះដែរ គឺមានតែលើកទឹកចិត្ត ដើម្បីបន្ថែមមធ្យោបាយឱ្យបងប្អូន រដ្ឋមានតែខិតខំដោះស្រាយនូវបញ្ហាកកស្ទះ កសាងហេដ្ឋារចនាសម្ព័ន្ធបន្ថែម។

សូមជម្រាបជូនផងដែរថា ពាក់ព័ន្ធនឹងការកកស្ទះនៅរាជធានីភ្នំពេញនេះដែរ បើតាមសម្តេចធិបតី ក៏បានបញ្ជាក់ថា ការដោះស្រាយហេដ្ឋារចនាសម្ព័ន្ធផ្លូវផ្លូវថ្នល់ ពិសេសប្រព័ន្ធដឹកជញ្ជូនសាធារណៈក្រោមដី គឺកិច្ចការសំខាន់ដែលត្រូវរួមគ្នាគិតគួរឱ្យអស់លទ្ធភាព ដើម្បីបញ្ចៀសការកកស្ទះ ស្របពេលដែលកំណើនពលរដ្ឋនៅភ្នំពេញ។ហេតុនេះ ដើម្បីដោះស្រាយបញ្ហាកកស្ទះ និងសម្រួលដល់ការស់នៅរបស់ពលរដ្ឋនៅទីក្រុងភ្នំពេញ កាន់តែងាយស្រួល និងសំបូរបែប គឺក្រៅពីគិតប្រព័ន្ធដឹកជញ្ជូនសាធារណៈនៅលើដីហើយនោះ ក៏ត្រូវរួមគ្នាគិតទៅដល់ប្រព័ន្ធដឹកជញ្ជូនក្រោមដីឱ្យប្រទេសទំនើបបន្ថែមទៀតផងដែរ៕

The post សម្តេចធិបតី ហ៊ុន ម៉ាណែត៖ បច្ចុប្បន្ន រាជធានីភ្នំពេញមាន ម៉ូតូ រថយន្ត ធ្វើដំណើរប្រមាណជាង២លានគ្រឿង appeared first on .