មហាព្រឹត្តិការណ៍ពិព័រណ៍អាពាហ៍ពិពាហ៍សប្បុរសធម៌ដ៏ធំប្រចាំឆ្នាំ ២០២៥ នៅកម្ពុជា នឹងមានការអញ្ជើញចូលរួមសម្ពោធបើក ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ព្រមជាមួយគណៈអធិបតី អ្នកមុខអ្នកការគ្រប់លំដាប់ថ្នាក់ជាច្រើនរូប។ កាន់តែរំភើបអស្ចារ្យគឺ ដឹ ព្រេមៀ សែនធ័រ សែនសុខ នឹងមានរៀបចំធ្វើពិធីរៀបមង្គលការជូនគូស្រករគ្មានលទ្ធភាពចំនួន ៥ គូទូទាំងប្រទេស។

លោក មាន សំអុល នាយកគ្របគ្រងការអភិវឌ្ឍន៍អាជីវកម្ម តំណាង ដឹ ព្រេមៀ សែនធ័រ សែនសុខ មានប្រសាសន៍ថា៖ “ការរៀបចំពិព័រណ៍នេះធ្វើឡើងក្នុងគោលបំណង ប្រមូលផ្តុំគ្រប់សេវាកម្មអាពាហ៍ពិពាហ៍ទាំងអស់មកដាក់តាំងបង្ហាញពីផលិតផល សេវាកម្មនីមួយៗក្នុងថ្ងៃតែមួយ ផ្ដល់ងាយស្រួលដល់ គូស្វាមីភរិយាថ្មីរដូវកាលថ្មីត្រៀមខ្លួននិងស្វែងយល់បាននូវការសម្រេចចិត្ត ថែមទាំងចំណេញពេលវេលាក្នុងការរៀបចំប្រកបដោយប្រសិទ្ធភាព។ ម៉្យាងវិញទៀត មហាព្រឹត្តិការណ៍ក៏ជាផ្នែកមួយក្នុងការផ្សព្វផ្សាយ វប្បធម៌ និងប្រពៃណីអាពាហ៍ពិពាហ៍ខ្មែរ ដែលជាអត្តសញ្ញាណជាតិដែលមិនអាចខ្វះបាន ជាពិសេស ការបង្ហាញទម្រង់សម្លៀក បំពាក់ប្រពៃណីស្របតាមពេលវេលា និងសម័យកាលប្រកបដោយក្រិតក្រមបានត្រឹមត្រូវបំផុត។

លោក បន្ថែមថា៖ “យើងសង្ឃឹមថា ការរៀបចំពិព័រណ៍នេះនឹងផ្តល់ឲ្យលោកអ្នកនាងបានទទួលនូវអារម្មណ៍កាន់តែរំភើប ទន្ទឹងរងចាំចូលរួមក្នុងពិព័រណ៍អាពាហ៍ពិពាហ៍ឆ្នាំ ២០២៥ នេះដែលជាព្រឹត្តិការណ៍ជាប្រវត្តិសាស្រ្តកក្រើកធំជាងគេក្នុងរាជធានីភ្នំពេញក្នុងរយៈពេលប៉ុន្មានថ្ងៃខាងមុខនេះ។ សូមស្ថាប័នដៃគូផ្សព្វផ្សាយ ជួយផ្សាយបន្តនូវពត៌មានដ៏រំភើបនេះទៅកាន់សាធារណៈជនឲ្យបានជ្រាប និងចូលរួមឲ្យបានច្រើនកុះករទទួលយកនូវឱកាសដ៏កម្រនិងបទពិសោធន៍ដ៏អស្ចារ្យនេះ។

អ្វីដែលពិសេសនោះគឺ ពិព័រណ៍ ក៏បានរៀបចំការប្រគុំតន្ត្រីខ្នាតធំដោយកំពូលតារាចម្រៀង លោក ជី ដេវិត លោកលឹម តិចម៉េង នឹងលោកទេព ពិសិដ្ឋក៏ដូចជាសិល្បៈករសិល្បៈការនី ជាច្រើនរូបទៀត នឹងមានរៀបចំជាកន្លែងកូនក្មេងតូចៗកម្សាន្ត Kid Playground យ៉ាងធំទូលាយទំហំជិត ១០០០ម៉ែត្រការ៉េ មានស្តង់អាហាររាប់សិបស្តង់សម្រាប់អតិថិជនទទួលទានអាហារផងដែរ ដើម្បីត្រៀមទទួលអតិថិជន មកទទួលទាននៅមជ្ឈមណ្ឌល ដឹ ព្រេមៀ សែនធ័រ សែនសុខ រាជធានីភ្នំពេញ។

សូមជម្រាបជូនថា មហាព្រឹត្តិការណ៍ពិព័រណ៍អាពាហ៍ពិពាហ៍លើកទី ២ នឹងមានរៀបចំនូវវេទិកាតុពិភាក្សាទាក់ទងនឹងចំណេះដឹងជាច្រើនទៀតដូចជា ការយល់ដឹងពីប្រវត្តិភ្លេងការទំនៀមទម្លាប់ ដេញពេលវេលាថ្ងៃរៀបមង្គលការ និងសេដ្ឋកិច្ចប្រចាំថ្ងៃទាក់ទងនឹងសេវាកម្មផ្គត់ផ្គង់អាពាហ៍ពិពាហ៍ផងដែរ៕

The post មហាព្រឹត្តិការណ៍ពិព័រណ៍អាពាហ៍ពិពាហ៍សប្បុរសធម៌ដ៏ធំប្រចាំឆ្នាំ ២០២៥ នៅកម្ពុជា គ្រោងនឹងរៀបចំឡើងបីថ្ងៃដោយ ដឹ ព្រេមៀ សែនធ័រ សែនសុខ ជូនគូស្រករគ្មានលទ្ធភាព ៥ គូទូទាំងប្រទេស appeared first on .

ក្នុងសន្និសីទសារព័ត៌មានស្តីពីពិព័រណ៍អាពាហ៍ពិពាហ៍នា ថ្ងៃទី១៣ ខែកញ្ញា ឆ្នាំ២០២៤ លោក មាន សំអុល នាយកគ្របគ្រងការអភិវឌ្ឍន៍អាជីវកម្ម តំណាង ដឹ ព្រេមៀ សែនធ័រ សែនសុខ បានលើកឡើងថា៖ មហាព្រឹត្តិការណ៍ពិព័រណ៍អាពាហ៍ពិពាហ៍លើកទី១ ដែលនឹងត្រូវធ្វើឡើងរយៈពេលបីថ្ងៃនាថ្ងៃទី២០-២១-២២ ខែកញ្ញា។

លោកបន្ថែមថា គូស្វាមីភរិយាថ្មីរដូវកាលថ្មី ដែលកំពុងជួបប្រទះនឹងផលវិបាកក្នុងការស្វែងរកសេវាកម្មដែលល្អសម្បូរបែប និងគួរជាទីទុកចិត្ត អាចបម្រើសេវាកម្មនៅក្នុងថ្ងៃសិរីសួស្តីបានយ៉ាងដិតដល់ដល់នោះ ព្រឹត្តិការណ៍នេះនឹងក្លាយជាឱកាសមួយយ៉ាងសំខាន់ ដល់គូស្វាមីដែលត្រៀមដឹកដៃចូលរោងការ អាចត្រៀមខ្លួន ស្វែងយល់ឲ្យបានច្បាស់លាស់ ក្នុងការជ្រើសរើសយកសេវាកម្មដែលខ្លួនពេញចិត្ត ដើម្បីអាចចាត់ចែងរៀបចំពិធីមង្គលរបស់ខ្លួនប្រកបដោយភាពរលូន និងមានប្រសិទ្ធភាព រួមជាមួយនឹងឱកាសអាចទទួលបាននូវការបញ្ចុះតម្លៃ ការប្រឹក្សាយោបល់ជាមួយអ្នកជំនាញ ព្រមទាំងអាចស្វែងរកនូវសេវាកម្មថ្មីៗ ដែលធ្វើឲ្យថ្ងៃមង្គលសិរីកាន់តែមានភាពអធិកអធម ពោរពេញដោយកិត្យានុភាពជាទីបំផុត។

មហាព្រឹត្តិការណ៍ពិព័រណ៍អាពាហ៍ពិពាហ៍រៀបចំធ្វើឡើងនៅ ដឹ ព្រេមៀ សែនធ័រ សែនសុខ នាពេលឆាប់ៗខាងមុខនេះ ក៏ជាផ្នែកមួយក្នុងការផ្សព្វផ្សាយវប្បធម៌ និងប្រពៃណីអាពាហ៍ពិពាហ៍ខ្មែរ ដែលជាអត្តសញ្ញាណជាតិមិនអាចខ្វះបាន ជាពិសេសការបង្ហាញទម្រង់សម្លៀកបំពាក់ប្រពៃណីឲ្យស្របតាមពេលវេលា និងសម័យកាលប្រកបដោយក្រិតក្រមត្រឹមត្រូវបំផុត។ មួយវិញទៀត ព្រឹត្តិការណ៍នេះដែរ ក៏មានវេទិកាពិភាក្សាទាក់ទងនឹងចំណេះដឹងជាច្រើនដូចជា ការយល់ដឹងពីប្រវត្តិភ្លេងការទំនៀមទំលាប់ ដេញពេលវេលាថ្ងៃរៀបមង្គលការ និងសេដ្ឋកិច្ចប្រចាំថ្ងៃទាក់ទងនឹងសេវាកម្មផ្គត់ផ្គង់អាពាហ៍ពិពាហ៍ផងដែរ។

សូមជម្រាបបន្ថែមថា ព្រឹត្តិការណ៍ពិព័រណ៍អាពាហ៍ពិពាហ៍ដ៏ធំនេះ ក៏នឹងមានការអញ្ជើញចូលរួមសម្ពោធបើកដោយលោកជំទាវបណ្ឌិត ពេជ ចន្ទមុនី ហ៊ុនម៉ាណែត និងគណៈអធិបតីជាច្រើនរូប។ អ្វីដែលកាន់តែពិសេស ក៏មាននូវការរៀបចំប្រគុំតន្ត្រីខ្នាតធំ កំដរអារម្មណ៍ទស្សនិកជន និងរីករាយជាមួយកំពូលតារាចម្រៀងល្បីៗប្រចាំប្រទេសកម្ពុជា រួមមានលោកឧកញ៉ា ខេមរៈ សេរីមន្ត អ្នកនាង មាស សុខសោភា លោក ដួង វិរៈសិទ្ធ លោក ម៉ម ពេជ្ជរិទ្ធ លោក លឹម តិចម៉េង លោក វណ្ណ ថាន់ ក៏ដូចជាសិល្បៈករសិល្បៈការនីជាច្រើនរូប អមដោយកន្លែងកម្សាន្តសម្រាប់ក្មេងតូចៗ Kid Playground យ៉ាងធំទូលាយទំហំជិត ១០០០ម៉ែត្រការ៉េ និងស្តង់អាហាររាប់សិបកន្លែង ត្រៀមទទួលអតិថិជនមកទទួលទាន នៅមជ្ឈមណ្ឌល ដឹ ព្រេមៀ សែនធ័រ សែនសុខ រាជធានីភ្នំពេញ៕

The post ចំណេញពេល ចំណេញថវិកា! ដឹ ព្រេមៀ សែនធ័រ សែនសុខ ត្រៀមរៀបចំមហាព្រឹត្តិការណ៍ពិព័រណ៍អាពាហ៍ពិពាហ៍ធំជាងគេមិនធ្លាប់មាន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អគារទាំងពីរទីតាំងនេះ អាចដាក់គ្រែសម្រាប់ព្យាបាលអ្នកជំងឺបានជិត២ពាន់គ្រែ ក្នុងនោះអគារដឺព្រេមៀ សេនធ័រ សែនសុខអាចដាក់បានជាង១ពាន់គ្រែ និងអគារវិមានពិភពថ្មីសែនសុខ អាចដាក់បានពី ៦០០ទៅ៧០០គ្រែ។ នៅដើមសប្តាហ៍ក្រោយនេះនឹងអាចដំណើរការសម្រាប់ដាក់អ្នកជំងឺបានហើយ។

គិតត្រឹមរយៈពេល​២៤​ម៉ោង ប៉ុណ្ណោះរាជធានី​ភ្នំពេញ​បាន​ប្រកាស​រក​​ឃើញ​អ្នក​ឆ្លងកូវីដ១៩ ចំនួន៤៩២នាក់។ នៅទូទាំង​ប្រទេសកម្ពុជា​បាន​​រក​​​ឃើញ​អ្នក​ឆ្លងកូវីដ១៩ ចំនួន ៦១៨​នាក់ ខណៈអ្នក​ជាសះស្បើយ​មាន​ចំនួន​៦០​នាក់ គិត​ត្រឹម​ថ្ងៃនេះ៕

សូមចុចអាន

The post អ្នកជំងឺច្រើនពេក អគារដឺព្រេមៀ សេនធ័រ និងវិមានពិភពថ្មីសែនសុខ ត្រូវបានយកធ្វើជាកន្លែងព្យាបាលអ្នកជំងឺកូវីដ-១៩ appeared first on .