យោងតាមរបាយការណ៍ របស់អគ្គនាយកដ្ឋានកសិកម្មស្តីពីស្ថានភាពនៃការនាំចេញផលិតផលដំណាំក្នុងរយៈពេល៩ខែឆ្នាំ២០២៥ បានបង្ហាញថា គិតត្រឹមរយៈពេល៩ខែ ឆ្នាំ២០២៥កន្លងមកនវ ការប៉ាន់ស្មានតម្លៃគិតជាទឹកប្រាក់ ដែលទទួលបានពីការនាំចេញផលិតផលដំណាំមានជាង ៣ ៨៨៨ លានដុល្លារ ក្នុងនោះតម្លៃការនាំចេញផលិតផលដំណាំក្រៅពីស្រូវ-អង្ករមានជាង២ ៣៧៨លានដុល្លារ តម្លៃពីការនាំចេញស្រូវមាន ១ ០៥៤ លានដុល្លារអាមេរិក និងតម្លៃពីការនាំចេញអង្ករមានជាង៤៥៥ លានដុល្លារ។

បើតាមរយបាយការខាងលើ, ការនាំចេញផលិតផលដំណាំសំខាន់ៗនៅក្នុងរយៈពេល៩ខែឆ្នាំ២០២៥នេះមាន ស្រូវនាំចេញកើនឡើង៦៧,០៣% អង្ករកើនឡើង៣៣,៧៤% ដំឡូងមីស្រស់ថយចុះ១៦,៥៧% ចំណិតដំឡូងមីក្រៀមកើនឡើង៥៧,៦២% គ្រាប់ស្វាយចន្ទីកើនឡើង៩,៥៣% ផ្លែស្វាយស្រស់ថយចុះ៤,០៤% ផ្លែចេកស្រស់កើនឡើង៣៣,៣២% គ្រាប់ពោតកើនឡើង១១៦,៩៦% ផ្លែមៀនស្រស់កើនឡើង២៩,០៩% និងផលិតផលដំណាំចំនួន៩៥មុខផ្សេងទៀតកើនឡើង១០,០១%។

បាយការណ៍បានបញ្ជាក់ថា ការនាំចេញផលិតផលដំណាំក្នុងរយៈពេល៩ខែ ឆ្នាំ២០២៥ ទោះបីមានកំណើនចំនួន៣០,៤៣ភាគរយ ក៏ពិតមែន តែផលិតផលដំណាំមួយចំនួនមានការថយចុះ ដែលបណ្តាលមកពីមូលហេតុ៖(១)ការនាំចេញដំឡូងមីស្រស់ថយចុះ ដោយសារប្រជាកសិករបំប្លែងពីដំឡូងមីស្រស់ទៅក្រៀម និងកែច្នៃ ជាម្សៅ ដើម្បីអាចរក្សាទុកបានយូរ និងមានតម្លៃខ្ពស់។ ជាក់ស្តែង ក្នុងរយៈពេល៩ខែ ឆ្នាំ២០២៥នេះ ការនាំចេញដំឡូងមីក្រៀមកើនឡើងចំនួន ៥៧,៦២% និងម្សៅដំឡូងមីកើនឡើងចំនួន ៨៣,៤៩% បើធៀបនឹង រយៈពេលដូចគ្នាឆ្នាំ២០២៤។ (២)ការនាំចេញផ្លែស្វាយស្រស់ថយចុះ ដោយសាររោងចក្រដំណាប់ស្វាយក្នុងស្រុកបានប្រមូលទិញផ្លែ ស្វាយស្រស់មកកែច្នៃជាដំណាប់ស្វាយដើម្បីនាំចេញទៅទីផ្សារក្រៅប្រទេស។ ពោលគិតត្រឹមរយៈពេល ៩ខែឆ្នាំ២០២៥នេះការនាំចេញដំណាប់ស្វាយមានការកើនឡើងចំនួន២៧,៥៤ភាគរយបើធៀបនឹងរយៈ ពេលដូចគ្នាឆ្នាំ២០២៤។

របាយការណ៍ធ្វើការសន្និដ្ឋានថា ស្ថានភាពនៃការនាំចេញផលិតផលដំណាំក្នុងរយៈពេល៩ខែឆ្នាំ២០២៥ មានការកើនឡើងចំនួន២,៥លានតោន ក្នុងនោះការនាំចេញស្រូវកើនឡើងជាង២,១លានតោន។ ការនាំចេញផលិតផលដំណាំក្រៅពីស្រូវ-អង្ករកើនឡើងជាង៣៤ម៉ឺនតោន និងការនាំចេញអង្ករកើនឡើងជាង១៥ម៉ឺនតោន បើធៀបទៅនឹងរយៈពេលដូចគ្នាក្នុងឆ្នាំ២០២៤៕

The post កម្ពុជាប្រមូលទឹកប្រាក់បានជាង៣៨០០លានដុល្លារ ក្នុងការនាំចេញផលិតផលដំណាំ រយៈពេល៩ខែ appeared first on .

របាយការណ៍ខាលើ បានគូសបញ្ជាក់ថា “ក្នុងរយៈពេល៧ខែឆ្នាំ២០២៥ ការប៉ាន់ស្មានតម្លៃគិតជាទឹកប្រាក់ ដែលទទួលបានពីការនាំចេញ ផលិតផលដំណាំមានជាង៣ ១៨៣ លានដុល្លារ ដែលក្នុងនោះតម្លៃការនាំចេញផលិតផលដំណាំក្រៅពីស្រូវ-អង្ករមានជាង២០៦៦ លានដុល្លារ, តម្លៃពីការនាំចេញស្រូវមានជាង៧៧៨ លានដុល្លារ និងតម្លៃពីការនាំចេញអង្ករមានជាង ៣៣៩ លានដុល្លារអាម៉េរិក។ ចំពោះការនាំចេញផលិតផលដំណាំក្រៅពីស្រូវទៅប្រទេសថៃតាមផ្លូវទឹក មានចំនួន ២៥៥ លានដុល្លារស្មើនឹងប្រមាណ ៨ភាគរយ បើប្រៀបធៀបនឹងតម្លៃនៃការនាំចេញសរុប”។

បើតាមរបាយការណ៍ ការនាំចេញផលិតផលដំណាំក្នុងរយៈពេល៧ខែ ឆ្នាំ២០២៥, សម្រាប់ស្រូវនាំចេញកើនឡើង៧៧ភាគរយ, អង្ករកើនឡើង១១ភាគរយ, ដំឡូងមីស្រស់ ថយចុះ៧ភាគរយ, ចំណិតដំឡូងមីក្រៀមកើនឡើង៦០ភាគរយ, គ្រាប់ស្វាយចន្ទីកើនឡើង៩ភាគរយ, ផ្លែស្វាយស្រស់ថយចុះ៦ភាគរយ, ផ្លែចេកស្រស់កើនឡើង២១ភាគរយ, គ្រាប់ពោតថយចុះ២០ភាគរយ, ផ្លែមៀនស្រស់កើនឡើង២៣ភាគរយនិងផលិតផលដំណាំចំនួន៨១មុខផ្សេងទៀតកើនឡើង១ភាគរយ។

របាយការណ៍បានបង្ហាញឱ្យដឹងទៀតថា ការនាំចេញផលិតផលដំណាំក្នុងរយៈពេល៧ខែ ឆ្នាំ២០២៥ ទោះបីមានកំណើនឡើងជាង៣១ភាគរយ  តែផលិតផលដំណាំមួយចំនួនមានការថយចុះ ដែលបណ្តាលមកពីមូលហេតុដូចខាងក្រោម៖(១)-ការនាំចេញដំឡូងមីស្រស់ថយចុះ ដោយសារប្រជាកសិករបំប្លែងពីដំឡូងមីស្រស់ទៅក្រៀម និងកែច្នៃ ជាម្សៅ ដើម្បីអាចរក្សាទុកបានយូរ និងមានតម្លៃខ្ពស់។ ក្នុងរយៈពេល៧ខែ ឆ្នាំ២០២៥នេះ ការនាំចេញ ដំឡូងមីក្រៀមកើនឡើងជាង៦០ភាគរយ និងម្សៅដំឡូងមីកើនឡើងជាង៧៣ភាគរយ បើធៀបនឹង រយៈពេលដូចគ្នាឆ្នាំ២០២៤។

(២)-ការនាំចេញផ្លែស្វាយស្រស់ថយចុះ ដោយសាររោងចក្រដំណាប់ស្វាយក្នុងស្រុកបានប្រមូលទិញផ្លែ ស្វាយស្រស់មកកែច្នៃជាដំណាប់ស្វាយដើម្បីនាំចេញទៅទីផ្សារក្រៅប្រទេស។ គិតត្រឹមរយៈពេល ៧ខែ ឆ្នាំ២០២៥នេះ ការនាំចេញដំណាប់ស្វាយមានការកើនឡើងជាង២១ភាគរយ បើធៀបនឹងរយៈពេល ដូចគ្នាឆ្នាំ២០២៤និង (៣)-ការនាំចេញគ្រាប់ពោតក្រហមថយចុះ ដោយសារការបិទព្រំដែនជាឯកតោភាគីរបស់ប្រទេសថៃ ទើប មិនអាចនាំចេញពោតក្រហមទៅកាន់ប្រទេសថៃបាន៕

The post កម្ពុជាប្រមូលចំណូលពីការនាំចេញផលិតផលដំណាំប្រមាណ ៣ ១៨៣ លានដុល្លារ ត្រឹមរយៈពេល៧ខែ appeared first on .

គួរជម្រាបជូនផងដែរ កាលពីថ្ងៃទី៦ ខែមិថុនា ឆ្នាំ២០២៥ លោក គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានប្រកាសដាក់ឱ្យដំណើរការខ្សែច្រវាក់ផ្គត់ផ្គង់ចេកស្រស់របស់ក្រុមហ៊ុន ខេមបូឌា បាណាណា ដែលបានសម្រេចបោះទុនវិនិយោគលើដំណាំចេកនៅកម្ពុជាកាលឆ្នាំ២០២០ ដើម្បីចូលរួមចំណែកក្នុងការបង្កើនល្បឿនអភិវឌ្ឍន៍វិស័យកសិកម្មកម្ពុជា និងបានផ្តល់ការងារដល់បុគ្គលិក និងកម្មករខ្មែរជាង៩០០នាក់។

បើយោងតាមមន្ត្រីជាន់ខ្ពស់ក្រសួងកសិកម្មខាងលើបញ្ជាក់ថា ក្រុមហ៊ុនបាននឹងកំពុងប្រមូលផលផ្លែចេកអំបូងលឿងនៅលើផ្ទៃដី ៥០០ហិកតា និងកំពុងដាំនៅលើផ្ទៃដីចំនួន ២០០ហិកតាបន្ថែមទៀត ដោយរំពឹងថា នឹងទទួលផល នៅឆ្នាំ២០២៦។ បច្ចុប្បន្ន ក្រុមហ៊ុនកំពុងផ្គត់ផ្គង់ផ្លែចេកស្រស់នៅតាមផ្សារទំនើបនៅកម្ពុជា និងវេចខ្ចប់នាំចេញទៅប្រទេសចិន ដោយបាននាំចេញចំនួន ២ម៉ឺនតោន ក្នុងឆ្នាំ២០២៤ និងគ្រោងបង្កើនដល់ ៣ម៉ឺនតោន ក្នុងឆ្នាំ២០២៥នេះ។

បច្ចុប្បន្នកម្ពុជាមានផ្ទៃដីដាំចេកអំបូងលឿងចំនួន ២១ពាន់ហិកតា និងផ្ទៃដីប្រមូលផលចំនួន ១៥ពាន់ហិកតា ដោយទទួលបានបរិមាណផលសរុបចំនួន ៤០ម៉ឺនតោន ជាមួយនឹងទិន្នផលជាមធ្យម ២៥តោនក្នុងមួយហិកតា។

ក្នុងឆ្នាំ២០២៤ កម្ពុជាបាននាំចេញផ្លែចេកស្រស់ចំនួន ២៦ម៉ឺនតោន ក្នុងនោះ ២៥ម៉ឺនតោន ស្មើនឹង៩៥% ទៅកាន់ទីផ្សារប្រទេសចិន ខណៈដែល៥%ផ្សេងទៀត ទៅកាន់ប្រទេសវៀតណាម កូរ៉េខាងត្បូង និងម៉ាឡេស៊ី។ តួលេខនេះបង្ហាញថា ប្រទេសចិនគឺជាគោលដៅ និងទីផ្សារនាំចេញផ្លែចេកស្រស់ធំជាងគេរបស់កម្ពុជា៕

The post ការនាំចេញផ្លែចេកស្រស់ក្នុងខែមិថុនា ឆ្នាំនេះមានកំណើនថមថយជាង១៥ភាគរយ appeared first on .

យោងតាមរបាយការណ៍ស្តីពីស្ថានភាពនៃការនាំចេញកសិផលក្នុងរយៈពេល៧ខែ ឆ្នំា២០២៣ របស់អគ្គនាយកដ្ឋានកសិកម្ម បានបង្ហាញថាការនាំចេញកសិផលទៅក្រៅប្រទេ សដែលអគ្គនាយកដ្ឋានកសិកម្ម ទទួលបានផ្អែកលើប្រព័ន្ធទិន្នន័យគ្រឹះភូតគាមអនាម័យជាតិ មានបរិមាណសរុបជាង ៤,៥តោន ក្នុងនោះអង្ករមានចំនួនជាង៣៦ម៉ឺនតោន, ស្រូវមានជាង១,៥លានតោន និងកសិផលក្រៅពីស្រូវ អង្ករមានជាង២,៦លានតោន  ទៅកាន់ទិសដៅ៦៨ប្រទេស មានការថយចុះជាង១៩% បើប្រៀបធៀបនឹងរយៈពេលដូចគ្នាក្នុងឆ្នំា២០២២។

របាយការណ៍ដដែលគូសបញ្ជាក់ថា «ក្នុងរយៈពេល៧ខែ ដើមឆ្នំា២០២៣ ការប៉ាន់ស្មានតម្លៃគិតជាទឹកប្រាក់ ដែលទទួលបានពីការនំាចេញកសិផលមានចំនួនជាង២.៦២៩លានដុល្លារអាមេរិក ដែលក្នុងនោះតម្លៃពីការនាំចេញអង្ករមានជាង៣១៣លានដុល្លារអាមេរិក តម្លៃពីការនាំចេញស្រូវមានជាង៥០៤លានដុលា្លរអាមេរិក និងតម្លៃការនំាចេញកសិផលក្រៅពីស្រូវអង្ករមានជាង១.៨១១លានដុល្លារអាមេរិក»។

របាយការណ៍លើកឡើងថា ការនាំចេញកសិផលក្នុងរយៈពេល៧ខែ ឆ្នំា២០២៣ មានការថយចុះជាង១៩% ដោយសារ វិបត្តិសេដ្ឋកិច្ចសកលលោក បណ្តាលឱ្យការបញ្ជាទិញទំនិញគ្រប់ប្រភេទមានការថយចុះ និងបង្អាក់ចរន្តពាណិជ្ជកម្ម,កំណើននៃការស្រូបទាញយកវត្ថុធាតុដើមក្នុងស្រុកដើម្បីផលិតចំណីសត្វ និងការកែច្នៃក្នុងប្រទេសបណ្តាលឱ្យមានកំណើននៃការស្រូបយកកសិផលស្រស់មកកែច្នៃ, ផលិតកម្មដំណំាមួយចំនួនមានការថយចុះ ដោយសារស្ថានភាពមិនច្បាស់លាស់ខាងទីផ្សារ និងបញ្ហាបម្រែបម្រួលអាកាសធាតុនំាឱ្យប៉ះពាល់ដល់ទិន្ន័យ និងគុណភាពនៃដំណំា, ការនាំចេញដោយគ្មានការស្នើសុំវិញ្ញាបនបត្រភូតគាមអនាម័យ តាមច្រករបៀងទៅកាន់ប្រទេសវៀតណាម និងប្រទេសថៃ មួយចំនួនមិនមានការកត់ត្រា។

តាមរបាយការណ៍ជាដំណោះស្រាយចំពោះមុខ គឺជំរុញវិស័យឯកជនស្វែងរកដៃគូបញ្ជាទិញឱ្យបានច្រើនជាងទីផ្សារដែលមានស្រាប់, ជំរុញការវិនិយោគក្នុងវិស័យកសិឧស្សាហកម្ម ដើម្បីលើកកម្ពស់ផលិតភាពនិងជំរុញការនាំចេញផលិតផលកែច្នៃ,ជំរុញការផ្សព្វផ្សាយអំពីផលិតផលកសិកម្មកម្ពុជាឱ្យកាន់តែទូលំទូលាយនៅក្នុងវេទិកានិងពិព័រណ៍នានា ដើម្បីទាក់ទាញការវិនិយោគ និងពង្រីកទីផ្សារផលិតផលកសិកម្មកម្ពុជា,ជំរុញវិស័យឯកជនក្នុងការចូលរួមវិនិយោគលើការផលិតធាតុចូលកសិកម្ម នៅក្នុងស្រុកដើម្បីកាត់បន្ថយថ្លៃដើមផលិតកម្ម។

របាយការណ៍ធ្វើការសន្និដ្ឋានថា កំណើននៃការកែច្នៃកសិផល បានជួយស្រូបយកវត្ថុធាតុដើមក្នុងស្រុក ដោយបានចូលរួមចំណែកបង្កើនតម្លៃបន្ថែមដល់ខ្សែច្រវាក់តម្លៃដំណាំ,ថ្វីត្បិតតែការនំាចេញកសិផលពីទីផ្សារក្រៅប្រទេសមាននិន្នាការថយចុះបន្តិចមែន ប៉ុន្តែមិនបណ្តាលឱ្យប៉ះពាល់ដល់អ្នកផលិតឬមានបញ្ហាចាល់លក់មិនអស់នោះឡើយ៕

អត្ថបទ៖សារេត

The post កម្ពុជាទទួលបានប្រាក់ចំណូលពីការនាំចេញកសិផលជាង២.៦២៩លានដុល្លារ ក្នុងរយៈពេល៧ខែ appeared first on .

នៅក្នុងជំនួបនោះ លោក ងិន ឆាយ បានលើកឡើងថា ប្រទេសកម្ពុជាមានផលិតផលកសិកម្មដែលមានសក្តានុពល និងមុខដំណាំជាអាទិភាព ដែលកម្ពុជាបានធ្វើការនាំចេញទៅកាន់ទីផ្សារក្រៅប្រទេសរួមមានជាអាទិ៍អង្ករប្រណិត ផ្លែស្វាយស្រស់ គ្រាប់ស្វាយចន្ទី ផ្លែមៀនស្រស់ ផ្លែចេកអំបូងលឿង និងម្រេចជាដើម។

ក្នុងឱកាសនោះ លោក បានបង្ហាញពីបំណងនាំចេញផ្លែស្វាយស្រស់ក្នុងប្រទេសកម្ពុជា ទៅកាន់ទីផ្សារសហរដ្ឋអាមេរិក និងស្នើឱ្យមានផលិតផលកសិកម្មកម្ពុជា ជាពិសេសផ្លែឈើស្រស់នៅលើទីផ្សារសហរដ្ឋអាមេរិកកាន់តែច្រើនមុខបន្ថែមទៀត និងជួយបង្កើតមជ្ឈមណ្ឌលស្រាវជ្រាវ ដើម្បីជំរុញការប្រើប្រាស់ Biological Control Agent (BCA) ក្នុងការងារការពារដំណាំ ព្រមទាំងជួយបណ្តុះបណ្តាលធនធានមនុស្សរយៈពេលវែងនៅសហរដ្ឋអាមេរិក ពាក់ព័ន្ធនឹង Post-Harvest Plant Quarantine Treatment Research for Market Access,Fruit FlyManagement ផងដែរ។

ជាការឆ្លើយតប លោក John Hurley បានបង្ហាញពីដំណើរការនៃ ការចរចាបើកទីផ្សារសម្រាប់ការនាំចេញកសិផលកម្ពុជាទៅសហរដ្ឋអាមេរិក ព្រមទាំងបានបង្ហាញការគាំទ្រ និងប្តេជ្ញាធ្វើការរួមគ្នាជាមួយភាគីពាក់ព័ន្ធ ដើម្បីជម្រុញការងារចរចារបើកទីផ្សារនាំចេញផ្លែស្វាយពីកម្ពុជាទៅកាន់សហរដ្ឋអាមេរិកបានកាន់តែឆាប់រហ័ស។

គួរឱ្យដឹងថា ក្នុងឆ្នាំ២០២២ កម្ពុជាបាននាំចេញផ្លែស្វាយស្រស់ទៅក្រៅប្រទេសប្រមាណ ១៦ម៉ឺន២ពាន់តោន មានការថយចុះ ៣៣% បើធៀបនឹងឆ្នាំ២០២១។ដោយឡែក ការនាំចេញផ្លែស្វាយស្រស់កម្ពុជាក្នុងខែមករា ២០២៣នេះ បានប្រមាណ ១១,៨៧១ តោន ក្នុងទំហំទឹកប្រាក់ជាង ២,៣ លានដុល្លារអាម៉េរិក ក្នុងនោះកម្ពុជាបាននាំស្វាយស្រស់ទៅប្រទេសវៀតណាមចំនួន ៩,៥៤៣ តោន, ថៃចំនួន ២,៣២២ តោន និងកូរ៉េចំនួន ៥,៧៦ តោន ផងដែរ។

បើតាម អ្នកវិនិយោគកសិ-ផលិតកម្ម និងនាំចេញដំណាំឈើហូបផ្លែ ធ្លាប់បានឱ្យដឹងថា ចាប់ពីខែមីនា ឆ្នាំ២០២៣ ទៅ ការនាំចេញផ្លែស្វាយស្រស់ និងដំណាប់ស្វាយពីកម្ពុជាទៅក្រៅប្រទេសនឹងមានកំណើនជាងនេះព្រោះវាជារដូវកាលប្រមូលទិន្នផលស្វាយ៕

The post កម្ពុជា មានបំណងនាំចេញផ្លែស្វាយស្រស់ ទៅកាន់ទីផ្សារសហរដ្ឋអាមេរិក appeared first on .