សិក្ខាសាលានេះ ធ្វើឡើងក្រោមអធិបតី លោក ហេង សុធី អគ្គនាយក នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ដោយមានការចូលរួមពី លោកបណ្ឌិត Manzul Kumar Hazarika នាយកមជ្ឈមណ្ឌលព័ត៌មានភូមិសាស្ត្រ នៃវិទ្យាស្ថានបច្ចេកវិទ្យាអាស៊ី លោក-លោកស្រីជាតំណាងមកពីក្រសួងកសិកម្ម រុក្ខាប្រមាញ់ និងនេសាទ តំណាងក្រសួងធនធានទឹក និងឧតុនិយម តំណាងក្រសួងរៀបចំដែនដី នគរូបនីយកម្ម និងសំណង់ តំណាងក្រសួងអភិវឌ្ឍន៍ជនបទ តំណាងវិទ្យាស្ថានជាតិស្ថិតិ និងតំណាងមកពីអគ្គនាយកដ្ឋានចំណុះក្រសួងសាធារណការ និងដឹកជញ្ជូនជាច្រើនរូបផងដែរ។

សិក្ខាសាលានេះត្រូវបានរៀបចំឡើងក្នុងគោលបំណងពង្រឹងសមត្ថភាពបច្ចេកវិទ្យាជូនដល់មន្រ្តីរាជការឱ្យស្របតាម «ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជាឆ្នាំ២០២១-២០៣៥» ដើម្បីជំរុញការគ្រប់គ្រងវិស័យសាធារណៈកាន់តែមានតម្លាភាព និងប្រសិទ្ធភាពខ្ពស់។

សម្រាប់វិស័យដឹកជញ្ជូនតាមផ្លូវទឹក ផ្លូវសមុទ្រ និងកំពង់ផែ បច្ចេកវិទ្យាផ្កាយរណប និងបញ្ញាសិប្បនិម្មិតគឺជាមធ្យោបាយដែលផ្តល់សារៈសំខាន់ជាច្រើន មានជាអាទិ៍ ១). ការតាមដាន និងព្យាករណ៍ពីស្ថានភាពនៃផ្លូវទឹក និងផ្លូវនាវាចរណ៍ឱ្យកាន់តែមានភាពសុក្រឹត ដែលជួយកាត់បន្ថយការចំណាយ និងពេលវេលាបានយ៉ាងច្រើន ២). ការគ្រប់គ្រងចរាចរណ៍នាវា និងសកម្មភាពកំពង់ផែបានតាមពេលវេលាជាក់ស្តែង (Real-time) ដោយការវិភាគទិន្នន័យពីផ្កាយរណប ដើម្បីធានាសុវត្ថិភាព និងប្រសិទ្ធភាពនៃការដឹកជញ្ជូន ៣). ការកំណត់កូអ័រដោនេទីតាំងភូមិសាស្ត្រ ទីតាំងគម្រោង និងសកម្មភាពនានាបានយ៉ាងសុក្រឹត និងរហ័ស ៤). ទិន្នន័យដែលទទួលបាននឹងជួយឱ្យមន្ត្រីពាក់ព័ន្ធអាចប្រើប្រាស់សម្រាប់ធ្វើការវិភាគ និងជាជំនួយសម្រាប់ការពង្រឹងភាពធន់និងការរៀបចំផែនការហេដ្ឋារចនាសម្ព័ន្ធ ឱ្យកាន់តែមានប្រសិទ្ធភាពខ្ពស់ មាននិរន្តរភាព និងអាចប្រើប្រាស់ក្នុងការឆ្លើយតបទៅនឹងការប្រែប្រួលអាកាសធាតុ ដែលជាបញ្ហាប្រឈមជាសកលនាពេលបច្ចុប្បន្នផងដែរ៕ អត្ថបទ៖ហ្សាលីន

The post ស្ថាប័នជំនាញ ជំរុញការប្រើប្រាស់ទិន្នន័យអង្កេតការណ៍ពីផ្កាយរណប និងបញ្ញាសិប្បនិម្មិតនៅកម្ពុជា appeared first on .

លោក ហេង សុធី អគ្គនាយកនៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ បានឱ្យដឹងថា ជំនួបនេះ រៀបចំឡើងក្នុងគោលបំណងផ្លាស់ប្តូរយោបល់ និងឈ្វេងយល់បន្ថែមពីឱកាសវិនិយោគក្នុងវិស័យដឹកជញ្ជូនផ្លូវទឹក ផ្លូវសមុទ្រ និងកំពង់ផែរបស់ព្រះរាជាណាចក្រកម្ពុជា។

លោកថា ការមកឈ្វេងយល់នេះ គឺក្រោយពេលអាមេរិក ពីការបានបង្ហាញនាពេលកន្លងមកពីគម្រោងអភិវឌ្ឍន៍អាទិភាពសំខាន់ៗ ដែលមានក្នុងផែនការយុទ្ធសាស្ត្រ ១០ឆ្នាំ ស្តីពីការដឹកជញ្ជូនផ្លូវទឹក ផ្លូវសមុទ្រ និងកំពង់ផែកម្ពុជា(២០២៦-២០៣៥) រួមមានជាអាទិ៍៖ ឧស្សាហកម្មផលិតនាវា ការចុះបញ្ជីនាវានិងការត្រួតពិនិត្យលក្ខណបច្ចេកទេសនាវា ការអភិវឌ្ឍប្រព័ន្ធគ្រប់គ្រងចលនានាវាចរណ៍ និងការពង្រឹងសន្តិសុខ សុវត្ថិភាព និងបរិស្ថានក្នុងវិស័យដឹកជញ្ជូនផ្លូវទឹក ផ្លូវសមុទ្រ និងកំពង់ផែ។

សូមជម្រាបថា តាមរយៈជំនួបពិភាក្សាខាងលើនេះដែរ ក្រសួងសាធារណការ និងដឹកជញ្ជូន ក៏បានគូសបញ្ជាក់បន្ថែមពីបរិយាកាសអំណោយផលនៃវិស័យដឹកជញ្ជូនផ្លូវទឹក ផ្លូវសមុទ្រ និងកំពង់ផែរបស់កម្ពុជាសម្រាប់បើកឱកាសចូលរួមវិនិយោគពីបរទេស តាមរយៈសំទុះកំណើនសេដ្ឋកិច្ច ក្របខណ្ឌគតិយុត្ត និងបានបង្ហាញនូវការគាំទ្រយ៉ាងកក់ក្តៅចំពោះការពង្រឹងកិច្ចសហប្រតិបត្តិការល្អប្រសើរលើវិស័យដឹកជញ្ជូនផ្លូវទឹក ផ្លូវសមុទ្រ និងកំពង់ផែ ជាពិសេសតាមរយៈការទាក់ទាញអ្នកវិនិយោគិនអាមេរិកមកកាន់កម្ពុជាឱ្យបានច្រើនបន្ថែមទៀតនាពេលខាងមុខ៕អត្ថបទ៖ហ្សាលីន

The post អាមេរិក មកឈ្វេងយល់ពីឱកាសវិនិយោគក្នុងវិស័យដឹកជញ្ជូនផ្លូវទឹក ផ្លូវសមុទ្រ និងកំពង់ផែរបស់កម្ពុជា appeared first on .