ក្នុងជំនួបនេះ ភាគីទាំងពីរបានពិភាក្សាអំពីការពង្រឹងកិច្ចសហប្រតិបត្តិការរវាងកម្ពុជានិងអង្គការយូណេស្កូ ព្រមទាំងការការពារនិងអភិរក្សបេតិកភណ្ឌជាតិនិងសម្បត្តិបេតិកភណ្ឌពិភពលោក។

ភាគីទាំងពីរ ក៏បានផ្លាស់ប្តូរទស្សនៈអំពីការវិវត្តន៍ថ្មីៗពាក់ព័ន្ធនឹងស្ថានការណ៍នៅព្រំដែនកម្ពុជា-ថៃ ព្រមទាំងបញ្ហាតំបន់ និងអន្តរជាតិដែលជាកង្វល់រួមរបស់ភាគីទាំងពីរផងដែរ៕

The post ឧបនាយករដ្ឋមន្រ្ដី ប្រាក់ សុខុន ជួបពិភាក្សាការងារទ្វេភាគីជាមួយអគ្គនាយកអង្គការ UNESCO នៅប្រទេសបារាំង appeared first on .

នៅក្នុងសេចក្តីថ្លែងការណ៍បន្ទាន់មួយ អង្គការយូណេស្កូបានអំពាវនាវដល់គ្រប់ភាគីទាំងអស់ឱ្យចាត់វិធានការជាបន្ទាន់ដើម្បីការពារបេតិកភណ្ឌវប្បធម៌នៅតំបន់ព្រំដែនដែលរងផលប៉ះពាល់ដោយជម្លោះ ដោយបានព្រមានថា ទីតាំងប្រវត្តិសាស្ត្រគ្មានពីរមួយនេះបានប្រឈមមុខនឹងហានិភ័យធ្ងន់ធ្ងរ ក្នុងអំឡុងពេលជម្លោះកាន់តែតានតឹងខ្លាំងឡើង។

អង្គការយូណេស្កូបានរំលឹកដល់ភាគីទាំងពីរអំពីកាតព្វកិច្ចរបស់ពួកគេក្រោមច្បាប់អន្តរជាតិ ជាពិសេសអនុសញ្ញាទីក្រុងឡាអេឆ្នាំ១៩៥៤ ស្តីពីការការពារទ្រព្យសម្បត្តិវប្បធម៌ក្នុងករណីមានជម្លោះប្រដាប់អាវុធ និងអនុសញ្ញាបេតិកភណ្ឌពិភពលោកឆ្នាំ១៩៧២ ដែលតម្រូវឱ្យមានការការពារបេតិកភណ្ឌវប្បធម៌ និងធម្មជាតិ សូម្បីតែក្នុងអំឡុងពេលមានជម្លោះប្រដាប់អាវុធក៏ដោយ។

ដើម្បីការពារការខូចខាតបន្ថែមទៀត អង្គការយូណេស្កូបានផ្តល់ឱ្យភាគីពាក់ព័ន្ធទាំងអស់រួចហើយនូវកូអរដោនេភូមិសាស្ត្រនៃតំបន់បេតិកភណ្ឌពិភពលោក និងទីតាំងដែលត្រូវបានការពារជាតិ ដោយជំរុញឱ្យជៀសវាងសកម្មភាពយោធានៅជិតតំបន់ទាំងនេះឲ្យខាងតែបាន។

អង្គការនេះបានបញ្ជាក់ថា ខ្លួននឹងបន្តតាមដានការវិវឌ្ឍនេះយ៉ាងដិតដល់ ហើយត្រៀមខ្លួនរួចជាស្រេចដើម្បីផ្តល់ជំនួយបច្ចេកទេស និងវិធានការការពារបន្ទាន់នានាឱ្យបានឆាប់តាមដែលលក្ខខណ្ឌអនុញ្ញាត។

អង្គការយូណេស្កូបានសង្កត់ធ្ងន់ថា បេតិកភណ្ឌវប្បធម៌គឺជាបេតិកភណ្ឌរួមរបស់មនុស្សជាតិ ហើយមិនត្រូវរងគ្រោះដោយសារជម្លោះណាមួយឡើយ៕

The post ក្រោយថៃបាញ់បំផ្លាញប្រាសាទព្រះវិហារ! អង្គការយូណេស្កូអំពាវនាវឱ្យមានការការពារបេតិកភណ្ឌវប្បធម៌ជាបន្ទាន់ appeared first on .

សម្តេចធិបតី ហ៊ុន ម៉ាណែត បានលើកឡើងថា ចាប់តាំងពីកម្ពុជាបានចូលជាសមាជិករបស់អង្គការយូណេស្កូ កម្ពុជាបានចុះបញ្ជីនូវសម្បតិ្តបេតិកភណ្ឌរូបី ចំនួន ៤, សម្បតិ្តបេតិកភណ្ឌអរូបី ចំនួន ៦ និងបញ្ជី​ស្មារតី​ចង​ចាំ​នៃ​ពិភព​លោក ចំនួន ៣ ដើម្បីថែរក្សានូវទម្រង់ដើមនៃវប្បធម៌ ក៏ដូចជាមរតកឥតកាត់ថ្លៃដែលបានបន្សល់ទុកដោយដូនតាខ្មែរ ព្រមទាំងជាការចងចាំនូវប្រវត្តិសាស្ត្ររបស់កម្ពុជា។

ជាមួយគ្នានេះ សម្តេចធិបតី បានឱ្យដឹងទៀតថា បើគិតចាប់ពីថ្ងៃទី៣ កក្កដា ១៩៥១ រហូតដល់ថ្ងៃទី ៣ កក្កដា សម្បត្តិវប្បធម៌ទាំងរូបី និងអរូបី ដែលកម្ពុជាបានចូលជាសមាជិកយូណេស្កូដោយក្នុងនោះរួមមាន៖

១. បេតិកភណ្ឌរូបីនៃមនុស្សជាតិ៖

– តំបន់រមណីយដ្ឋាន​អង្គរ ចុះបញ្ជីនា​ថ្ងៃ​ទី​១៤ ខែ​ធ្នូ ឆ្នាំ​១៩៩២ នៅ​ទី​ក្រុង​សាន់​តាហ្វេ សហរដ្ឋអាមេរិក​

– ប្រាសាទ​ព្រះវិហារ ចុះបញ្ជីនា​ថ្ងៃ​ទី​៧ ខែ​កក្កដា ឆ្នាំ​២០០៨ នៅ​ទី​ក្រុង​កេបិក ប្រទេស​កាណាដា

– តំបន់ប្រាសាទ​សំបូរ​ព្រៃគុក​ ចុះ​បញ្ជីនាថ្ងៃ​ទី​៨ ខែ​កក្កដា​ ឆ្នាំ​២០១៧ នៅ​ទី​ក្រុង​ក្រាកូវ​ ប្រទេស​ប៉ូឡូញ​

– រមណីយដ្ឋានប្រាសាទកោះកេរ ចុះបញ្ជីនាថ្ងៃ១៧ ខែកញ្ញា ឆ្នាំ២០២៣ នៅទីក្រុងរីយ៉ាដ ប្រទេសអារ៉ាប៊ីសាអូឌីត។

២. បេតិ​កភណ្ឌ​វប្បធម៌​អរូបីនៃ​មនុស្ស​ជាតិ៖​

– របាំ​ព្រះ​រាជ​ទ្រព្យ​ ចុះបញ្ជីនា​ថ្ងៃ​ទី​៧ ខែវិច្ឆិកា​ ឆ្នាំ​២០០៣ នៅ​ទី​ក្រុង​អ៊ីស្ដន់ប៊ូល​ ប្រទេស​តួកគី

-​ ល្ខោន​ស្រមោល​ស្បែក​ធំ​ ចុះបញ្ជីនា​ថ្ងៃ​ទី​២៥​ ខែវិច្ឆិកា​ ឆ្នាំ​២០០៥ នៅ​ទីក្រុង​ប៉ារីស ប្រទេស​បារាំង​

– ល្បែង​ទាញ​ព្រ័ត្រ​ ចុះ​បញ្ជីនាថ្ងៃ​ទី​២​ ខែ​ធ្នូ ឆ្នាំ​២០១៥​ នៅ​ទី​ក្រុង​វិនឌុក​ ប្រទេស​ណាមីប៊ី​

– ចាប៉ី​ដង​វែង​ ចុះបញ្ជីនា​ថ្ងៃ​ទី​៣០​ ខែ​វិច្ឆិកា ឆ្នាំ២០១៦ នៅ​ទី​ក្រុង​អេតឌីស​អាបាបា​ ប្រទេស​អេត្យូពី​

– ល្ខោន​ខោលវត្តស្វាយអណ្តែត​ ចុះបញ្ជីនា​ថ្ងៃ​ទី​២៨ ខែវិច្ឆិកា ឆ្នាំ​២០១៨​ នៅ​ទីក្រុង​ព័រល្វី នៃ​សាធារណរដ្ឋ​ម៉ូរីស​​។

– គុន​ល្បុក្កតោ​ ចុះបញ្ជីនា​ថ្ងៃ​​ទី​២៩ ខែ​វិច្ឆិកា ឆ្នាំ​២០២២ នៅ​ទី​ក្រុង​រ៉ាបាត​ ព្រះ​រាជា​ណាចក្រម៉ារ៉ុក ។

និង៣. បញ្ជី​ស្មារតី​ចង​ចាំ​នៃ​ពិភព​លោក៖​

– បណ្ណាសារឧក្រិដ្ឋ​កម្ម​ ប្រល័យ​ពូជ​សាសន៍​ទួល​ស្លែង​ ចុះបញ្ជីនា​ថ្ងៃ​ទី​៣១ ខែ​កក្កដា ឆ្នាំ​២០០៩ នៅ​ទី​ក្រុង​ប្រ៊ីដថោន​ ប្រទេស​បាបា​ដូស។

– ឯកសារ​សំឡេង​និទាន​រឿង​រាមកេរ្ដិ៍ ដោយ​តាគ្រុឌ ចុះ​បញ្ជីនាថ្ងៃ​ទី​១៥ ខែ​ឧសភា ឆ្នាំ​២០១៤ នៅ​ខេត្ត​ខ្វាង​ចូវ​ ប្រទេស​ចិន។

– រឿង​អ៉ីណាវ បុស្សិបា ចុះបញ្ជីនា​ថ្ងៃ​ទី​៣០​ ខែ​តុលា​ ឆ្នាំ​២០១៧ នៅ​ទី​ក្រុង​ប៉ារីស ប្រទេស​បារាំង។

ជាថ្មីម្តងទៀត សម្តេចធិបតីអះអាងថា រាល់កិច្ចការពារបេតិកភណ្ឌវប្បធម៌ទាំងរូបី និងអរូបី គឺជាភារកិច្ចរបស់កូនខ្មែរគ្រប់ៗរូប៕

The post សម្តេចធិបតី អបអរសាទរ ខួបលើកទី៧៣ ដែលកម្ពុជា បានចូលជាសមាជិកអង្គការយូណេស្កូ appeared first on .