អត្តពលិកមានបំផុត

មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ

ឧកញ៉ាសំពៅ — Fri, 23 Dec 2022 07:36:00 +0000

វិស័យកីឡានៅតំបន់អឺរ៉ុប គឺជាប្រភពចំណូលដ៏ធំមួយមិនចាញ់វិស័យឯទៀតឡើយ ពោលបើសិនជាអត្តពលិករូបណាមានសមត្ថភាពល្អ ពួកគេអាចរកចំណូលបានរាប់រយលានដុល្លារឯណោះ។

តួយ៉ាងដូចជា Lionel Messi ដែលជាកីឡាករបាល់ទាត់លំដាប់ពិភពលោក គឺជាអត្តពលិកដែលមានចំណូលខ្ពស់បំផុតលើលោក ពោលក្នុងមួយឆ្នាំៗបុរសម្នាក់នេះរកបានខ្ទង់ ១៣០ លានដុល្លារឯណោះ។

ដោយឡែក បើតាមការចុះផ្សាយពី Totalsportal បានទម្លាយថា បច្ចុប្បន្នមានអត្តពលិក ១០ រូបដែលធ្លាប់កើបលុយពីវិស័យកីឡាបានខ្ទង់ពាន់លានដុល្លារឯណោះ ខណៈពួកគេគឺ៖

10/ Anna Kasprzak កីឡាការនីប្រណាំងសេះ ធ្លាប់រកបាន ១ ពាន់លានដុល្លារ

9/ Ion Tiriac អតីតកីឡាករវាយកូនបាល់ ធ្លាប់រកបាន ១,០២ ពាន់លានដុល្លារ

8/ Floyd Mayweather កីឡាប្រដាល់ ធ្លាប់រកបាន ១,០៨ ពាន់លានដុល្លារ

7/ Roger Federer កីឡាករវាយកូនបាល់ ធ្លាប់រកបាន ១,០៩ ពាន់លានដុល្លារ

6/ Lionel Messi កីឡាករបាល់ទាត់ ធ្លាប់រកបាន ១,១៥ ពាន់លានដុល្លារ

5/ LeBron James កីឡាករបាល់បោះ ធ្លាប់រកបាន ១,១៦ ពាន់លានដុល្លារ

4/ Tiger Woods កីឡាករវាយកូនហ្គោល ធ្លាប់រកបាន ១,២ ពាន់លានដុល្លារ

3/ Cristiano Ronaldo កីឡាករបាល់ទាត់ ធ្លាប់រកបាន ១,២៥ ពាន់លានដុល្លារ

2/ Michael Jordan អតីតកីឡាករបាល់បោះ ធ្លាប់រកបាន ១,៧ ពាន់លានដុល្លារ

1/ Vince McMahon អតីត CEO ក្រុមហ៊ុនកីឡាចំបាប់អាជីព WWE ធ្លាប់រកបាន ២,៥ ពាន់លានដុល្លារ៕

The post មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ appeared first on .

Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក

ឧកញ៉ាសំពៅ — Mon, 19 Dec 2022 09:56:00 +0000

បើទោះជាវ័យរាងជ្រេបន្តិចមែន ប៉ុន្តែតារាឆ្នើម Leo Messi នៅតែបញ្ចេញទេពកោសល្យល្អឯកលើសមរភូមិវាលស្មៅ ពោលទើបនឹងជួយក្រុមជម្រើសជាតិអាហ្សង់ទីនលើកពានរង្វាន់បាល់ទាត់ពិភពលោក FIFA World Cup ដែលពួកគេខកខានឈ្នះអស់រយៈពេល ៣៦ ឆ្នាំ។

ជាមួយនឹងសមត្ថភាពដ៏អស្ចារ្យបែបនេះ បុរសវ័យ ៣៥ ឆ្នាំបានក្លាយជាអត្តពលិកដែលស៊ីថ្លៃពលកម្មខ្ពស់បំផុតលើលោក ពោលគឺតម្លៃខ្លួនរបស់កីឡាករបាល់ទាត់ ដែលមានរហស្សនាម GOAT មានខ្ពស់ជាងមហាសេដ្ឋី LeBron James កីឡាករបាល់បោះថែមទៀត។ នេះបើតាមការចុះផ្សាយពី Forbes។

គិតតែត្រឹមឆ្នាំ ២០២២ ប្រធានក្រុមជម្រើសជាតិអាហ្សង់ទីនមានចំណូលប្រហែល ១៣០ លានដុល្លារ ខណៈ ៧៥ លានដុល្លារបានមកពីកុងត្រាជាមួយក្លឹប និង ៥៥ លានដុល្លារទៀតបានមកពីកុងត្រាផ្សាយពាណិជ្ជកម្មផ្សេងៗដូចជា កុងត្រាមួយជីវិតជាមួយ Adidas ជាដើម។

ដោយឡែក ប្រាក់ចំណូលប្រចាំឆ្នាំ ២០២២ របស់កីឡាករបាល់បោះ LeBron James វិញមានប្រមាណ ១២១,២ លានដុល្លារ ខណៈកីឡាករចាស់វស្សា Cristiano Ronaldo រកបាន ១១៥ លានដុល្លារ ស្របពេលបុរសសង្ហារ Neymar វិញ ទទួលបាន ៩៥ លានដុល្លារ៕

The post Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក appeared first on .

អត្តពលិកក្លាយជាមហាសេដ្ឋីបន្តកន្ទុយគ្នា ចុះពេលណាទើបដល់វេន Ronaldo និង Messi?

ឧកញ៉ាសំពៅ — Tue, 28 Jun 2022 03:17:23 +0000

កាលពីប៉ុន្មានខែមុន អត្តពលិកបានវិវត្តខ្លួនជាមហាសេដ្ឋីបន្តកន្ទុយគ្នា ដូចជា LeBron James កីឡាករបាល់បោះទើបនឹងក្លាយជាមហាសេដ្ឋីមិនប៉ុន្មានផង កីឡាករវាយកូនហ្គោល Tiger Wood ក៏បានក្លាយជាមហាសេដ្ឋីម្នាក់ទៀតទៅហើយ។

បើអត្តពលិកកំពូលៗកំពុងវិវត្តជាមហាសេដ្ឋីបណ្ដាក់គ្នាបែបនេះ តើពេលណាទើបដល់វេនជើងខ្លាំងវិស័យកីឡាបាល់ទាត់ដូចជា Cristiano Ronaldo និង Lionel Messi? ទាក់ទងនឹងចម្ងល់មួយនេះ Bookies ក៏បានធ្វើការបកស្រាយផងដែរថា Ronaldo អាចនឹងមានភាគរយដល់ទៅ ៣៦% ខណៈ Messi មាន ១៥%។

ប្រភពខាងលើបានអះអាងថា តារាបាល់ទាត់ CR7 អាចរកចំណូលប្រមាណ ១០០ លានដុល្លារជារៀងរាល់ឆ្នាំពីកុងត្រាជាមួយក្លឹបបាល់ទាត់ ខណៈកុងត្រាជាមួយក្រុមហ៊ុន Nike អាចមានច្រើនជាង ១០ លានដុល្លារទៀត ស្របពេលទ្រព្យសម្បត្តិកាលពីឆ្នាំ ២០២០ របស់លោកមានប្រមាណ ៨០០ លានដុល្លារផង ដូច្នេះបើសិនជាអាចរក្សាចំណូលនៅកម្រិតនេះបាន យ៉ាងយូរ ២ឆ្នាំក្រោយ Ronaldo នឹងក្លាយជាមហាសេដ្ឋីជាមិនខាន។

ដោយឡែកសម្រាប់ Messi វិញ ថ្វីបើមានទ្រព្យសម្បត្តិតិចជាង Ronaldo មែន ប៉ុន្តែបុរសដែលជាម្ចាស់ពាន Ballon d’Or ៧ សម័យ នៅតែអាចរកចំណូលបានប្រមាណ ៧៥ លានដុល្លារពីកុងត្រាជាមួយក្លឹប ហើយកុងត្រាមួយជីវិតជាមួយ Adidas ដែលអាចផ្ដល់ឲ្យកីឡាករអាហ្សង់ទីន ២៥ លានដុល្លារជារៀងរាល់ឆ្នាំផង ដូច្នេះក្នុងមួយឆ្នាំៗ Messi អាចរកចំណូលបានយ៉ាងតិច ១០០ លានដុល្លារ។

យ៉ាងណា វីរបុរសនៃវិស័យបាល់ទាត់ទាំង ២ រូបខាងលើសុទ្ធតែមានវ័យរាងជ្រេបន្តិចហើយ ពោល Ronaldo មានអាយុ ៣៨ ឆ្នាំ ខណៈ Messi មានអាយុ ៣៥ ឆ្នាំ ប៉ុន្តែបើសិនជាកីឡាករទាំង ២ រូបខាងលើនៅតែមានសុខភាព និងសមត្ថភាពល្អ ថាមិនត្រូវពួកគេអាចលេងដល់វ័យជាង ៤០ ដូចនឹងវីរបុរសក្រុម Barcelona លោក Rivaldo ដែលចូលនិវត្តនៅអាយុ ៤៣ ឆ្នាំផងក៏ថាបាន៕

The post អត្តពលិកក្លាយជាមហាសេដ្ឋីបន្តកន្ទុយគ្នា ចុះពេលណាទើបដល់វេន Ronaldo និង Messi? appeared first on .

ទីបំផុត Tiger Woods ក្លាយជាអត្តពលិកទី ២ ទទួលងារមហាសេដ្ឋី បន្ទាប់ពី LeBron James

ឧកញ៉ាសំពៅ — Mon, 13 Jun 2022 07:54:35 +0000

កាលពីប៉ុន្មានសប្ដាហ៍កន្លងទៅ កីឡាករបាល់បោះ LeBron James បានទទួលងារជាអត្តពលិកដំបូងដែលជាប់ឈ្មោះជាមហាសេដ្ឋី អំឡុងពេលប្រកបអាជីពជាអត្តពលិក ហើយថ្មីៗនេះ Forbes បានសន្និដ្ឋានថា អត្តពលិកទី ២ ដែលទទួលបានងារជាមហាសេដ្ឋីបន្ទាប់គឺ Tiger Woods។

យោងតាមការចុះផ្សាយពី ESPN បានឲ្យដឹងថា ទិន្នន័យទ្រព្យសម្បត្តិរបស់ Superstar លើវិស័យកីឡាវាយកូនហ្គោលដែលផ្ដល់ឲ្យដោយ Forbes គឺមានយ៉ាងតិច ១ ពាន់លានដុល្លារ គិតត្រឹមចុងសប្ដាហ៍មុន។

បន្ថែមពីនោះ Forbes ក៏បានបង្ហើបទៀតថា Tiger Woods រកចំណូលបានប្រហែល ១២១,១ លានដុល្លារក្នុងរយៈពេល ១២ ខែចុងក្រោយ ខណៈតិចជាង ១០% នៃចំនួននេះគឺបានមកពីអាជីពជាកីឡាវាយកូនហ្គោល ស្របពេលតម្លៃកុងត្រាពីក្រុមហ៊ុនធំៗដូចជា Nike, TaylorMade, Gatorade និង Monster Engergy ទើបជាចំណែកធំនៃប្រាក់ចំណូលដ៏សំបើមខាងលើ។

សូមជម្រាបដែរថា Tiger Woods គឺជាអត្តពលិកដែលមានតម្លៃខ្លួនខ្ពស់បំផុតទី ១៤ លើលោក បើទោះជាអវត្តមាននៅការប្រកួតពានរង្វាន់ជាច្រើនកាលពីឆ្នាំ ២០២១ ក្ដី។ នេះបើតាមរបាយការណ៍ផ្ដល់ឲ្យដោយ Forbes៕

The post ទីបំផុត Tiger Woods ក្លាយជាអត្តពលិកទី ២ ទទួលងារមហាសេដ្ឋី បន្ទាប់ពី LeBron James appeared first on .

កូនកាត់ ៥ សាសន៍ Tiger Woods បដិសេធសំណើរក្លាយជាមហាសេដ្ឋីពាន់លានដុល្លារ

ឧកញ៉ាសំពៅ — Wed, 08 Jun 2022 08:17:43 +0000

បច្ចុប្បន្ន Tiger Woods គឺជាអត្តពលិកមួយរូបដែលមានធនធានច្រើនបំផុតមួយនៅវិស័យកីឡាសហរដ្ឋអាមេរិក ពោលទោះមិនទាន់ទទួលបានងារជាមហាសេដ្ឋី ប៉ុន្តែទ្រព្យសម្បត្តិរបស់លោកក៏កំពុងស្ថិតនៅកៀកៗខ្ទង់ពាន់លានដុល្លារផងដែរ។

យ៉ាងណា អត្តពលិកមានឈាមជ័រជនជាតិថៃមួយនេះបានច្រានចោលសំណើមួយដែលអាចជួយឲ្យលោកទទួលងារជាមហាសេដ្ឋីបានយ៉ាងងាយស្រួល ពោលគឺសំណើពី LIV Golf Investments ដែលមានតម្លៃខ្ទង់រយលានដុល្លារ។ នេះបើតាមសម្ដីរបស់ Greg Norman នាយកប្រតិបត្តិ LIV Golf Investments។

បុរសខាងលើបានបង្ហើបទៀតថា LIV Golf គឺកំពុងចង់ប្រជែងជាមួយ PGA Tour ដែល Tiger Woods កំពុងលេង ដោយហ៊ានដាក់សំណើរាប់រយលានដុល្លារ ប៉ុន្តែកីឡាករវាយកូនហ្គោលរូបនេះហាក់បង្ហាញភក្ដីភាពជាមួយនឹងលីគ PGA Tour ដដែល។

សូមជម្រាបដែរថា Marca បានចុះផ្សាយពីទំហំទ្រព្យសម្បត្តិរបស់ Tiger Woods មានទំហំប្រមាណ ៨០០ លានដុល្លារ ហើយបើសិនជាបុរសវ័យ ៤៦ ឆ្នាំយល់ព្រមសំណើពី LIV Golf ដែលមានតម្លៃលើសពី ១០០ លានដុល្លារ នោះរូបលោកនឹងអាចទទួលបានងារជាអត្តពលិកទី ២ បន្ទាប់ពី LeBron James ដែលក្លាយជាមហាសេដ្ឋីបានយ៉ាងងាយស្រួល។

យ៉ាងណា ទោះជាលោកបដិសេធសំណើខ្ទង់រយលានដុល្លារក៏ពិតមែន ប៉ុន្តែគេជឿថា មិនយូរឡើយ កូនកាត់ច្រើនសាសន៍រូបនេះកំពុងបោះជំហានម្ដងបន្តិចៗក្នុងការឆ្ពោះទៅរកងារជាមហាសេដ្ឋីដដែល៕

The post កូនកាត់ ៥ សាសន៍ Tiger Woods បដិសេធសំណើរក្លាយជាមហាសេដ្ឋីពាន់លានដុល្លារ appeared first on .

អត្តពលិកមាន​បំផុត

មកស្គាល់អត្តពលិក ១០ រូប​ដែលរកចំណូលបានលើសខ្ទង់ពាន់លានដុល្លារ

Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក

អត្តពលិក​ក្លាយជា​មហាសេដ្ឋី​បន្ត​កន្ទុយ​គ្នា ចុះ​ពេល​ណា​ទើប​ដល់​វេន Ronaldo និង Messi?

ទីបំផុត Tiger Woods ក្លាយជា​អត្តពលិក​ទី ២ ទទួលងារ​មហាសេដ្ឋី បន្ទាប់​ពី LeBron James

កូនកាត់ ៥ សាសន៍ Tiger Woods បដិសេធ​សំណើរក្លាយជាមហាសេដ្ឋីពាន់លានដុល្លារ

អត្តពលិកមានបំផុត

មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ

អត្តពលិកក្លាយជាមហាសេដ្ឋីបន្តកន្ទុយគ្នា ចុះពេលណាទើបដល់វេន Ronaldo និង Messi?

ទីបំផុត Tiger Woods ក្លាយជាអត្តពលិកទី ២ ទទួលងារមហាសេដ្ឋី បន្ទាប់ពី LeBron James

កូនកាត់ ៥ សាសន៍ Tiger Woods បដិសេធសំណើរក្លាយជាមហាសេដ្ឋីពាន់លានដុល្លារ