យោងតាមក្រសួងការងារនិងបណ្តុះបណ្តាលវិជ្ជាជីវៈបានបង្ហាញថា ក្រុមប្រឹក្សាជាតិប្រាក់ឈ្នួលអប្បបរមា កាលនៅថ្ងៃទី២៨ខែសីហា ឆ្នំា២០២៣បានបន្តពិភាក្សាកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតផលស្បែកជើង និងផលិតផលធ្វើដំណើរនិងកាបូបសម្រាប់ឆ្នំា២០២៤។ ប៉ុន្តែលទ្ធផល ភាគីតំណាងកម្មករនិយោជិត និងភាគីតំណាងនិយោជកបានលើកហេតុផល និងបង្ហាញនៅគោលជំហរផ្ទៃក្នុងរបស់ខ្លួនទៅវិញទៅមក ហើយអង្គប្រជុំបានឯកភាពគ្នាតំណត់កិច្ចពិភាក្សាបន្តទៀតនៅថ្ងៃទី៤ខែកញ្ញាឆ្នំា២០២៣។

លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាបានឱ្យដឹងថា សម្រាប់ប្រាក់ឈ្នួលអប្បបរមាសម្រាប់ឆ្នំា២០២៤ ខាងនិយោជកគេចង់តម្លើងប្រាក់ឈ្នួលឱ្យកម្មករតិចតួច តែខាងយើងទាមទារចង់បានច្រើន ខណៈការប្រជុំផ្ទៃក្នុងសហជីបលើកមុន បានស្នើរទៅខាងនិយោជកពី១២ទៅដល់២០ដុល្លារអាមេរិក។

លោក អាត់ ធន់ មានប្រសាសន៍ថា «ការកំណត់ប្រាក់ឈ្នួលអប្បបរមាសម្រាប់ឆ្នំា២០២៤ ខ្ញុំគិតថារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈថ្មី ក៏ដូចជានាយករដ្ឋមន្ត្រីថ្មីច្បាស់ជាចង់បញ្ចេញស្នាដៃហើយ ដើម្បីផ្តល់ប្រាក់ឈ្នួលអប្បរមាដល់កម្មករមានលក្ខណៈសមរម្យ និងមានការសប្បាយចិត្តផង»។

លោកសង្កត់ធ្ងន់ថា «សម្រាប់ឆ្នំាំ២០២៤ ប្រាក់ឈ្នួលអប្បបរមាអាចនិងឡើងបានច្រើនជាងឆ្នំាំមុនៗ ហើយខាងរាជរដ្ឋាភិបាលក៏មានការលើកទឹកចិត្តដល់និយោជកច្រើន បើតាមខ្ញុំស្តាប់រដ្ឋមន្ត្រីក្រសួងការងារថ្មីបានបង្ហាញថា រាជរដ្ឋាភិបាលថ្មីចង់ប្រើឱកាសនេះជួយដល់និយោជក ដើម្បីកាត់បន្ថយការចំណាយ ដោយធ្វើយ៉ាងម៉េចត្រូវតម្លើងប្រាក់ឈ្នួលជូនដល់កម្មករឱ្យបានសមរម្យ»។

លោក អន សាខន អនុប្រធានសសហព័ន្ធសហជីពសម្លេងយុវជនខ្មែរ បានបង្ហាញនៅមោទនភាពថា
ប្រាក់ឈ្នួលអប្បបរមាសម្រាប់ឆ្នំា២០២៤និងមានការតម្លើងគ្រាន់តែតិចឬច្រើនត្រូវតែឡើង ដោយសារកន្លង រាជរដ្ឋាភិបាលនីតិកាលទី៧ នៃរដ្ឋសភា មកមានការប្តេជ្ញាចិត្តខ្ពស់ថានៅពេលដែលលោកបានឡើងកាន់តំណែងជានាយករដ្ឋមន្ត្រី និងធ្វើការយកចិត្តទុកដាក់ចំពោះកម្មករនិយោជិតទំាងក្នុងនិងក្រៅប្រព័ន្ធ។

លោក អន សាខន មានប្រសាសន៍ថា«ខ្ញុំមានជំនឿជឿជាក់ថា ប្រាក់ឈ្នួលអប្បបរមារបស់កម្មករនិយោជិត នៅឆ្នំា២០២៤នឹងអាចកើនឡើងលើសពី២០០ដុល្លារអាមេរកក្នុងមួយខែ។បើតាមទស្សនៈយល់ឃើញរបស់ខ្ញុំយ៉ាងហោចណាស់ក៏បាន១០ដុល្លារអាមេរិកដែរ»៕អត្ថបទ៖សារេត

The post សហជីពមានក្តីសង្ឃឹមខ្ពស់ថាកម្មករនិយោជិតនិងទទួលបានការតម្លើងប្រាក់ឈ្នួលសម្រាប់ឆ្នំា២០២៤ខ្ពស់ជាងឆ្នំាមុនៗ appeared first on .

អនុប្រធានសហព័ន្ធសហជីពសម្លេងយុវជនខ្មែរ បើសិនជាម្ចាស់ផ្ទះជួលឱ្យកម្មករ កម្មការិនីរោងចក្រកាត់ដេរបើតម្លើងថ្លៃជួលផ្ទះវាធ្វើឱ្យទំហំនៃការចំណាយរបស់កម្មករ កម្មការិនីធ្វើការនៅតាម រោងចក្រវាកាន់តែកើនឡើង។តែបើគាត់មិនបានតម្លើងថ្លៃផ្ទះជួលនោះទេ គាត់នៅរក្សាតម្លៃដដែលឬតម្លៃធ្លាប់ជួលកន្លងមកទៅ វាធ្វើឱ្យបងប្អូនកម្មករចំណាយទាប ឬអាចគាត់យកប្រាក់នេះទៅចំណាយលើផ្សេងៗឬទុកផ្គត់ផ្គង់ដល់ក្រុមគ្រួសារនៅស្រុកកំណើត។

លោក អន សាខន អនុប្រធានសហព័ន្ធសហជីពសម្លេងយុវជនខ្មែរបានចាត់ទុកថា «ម្ចាស់ផ្ទះជួលមិនតម្លើងថ្លៃផ្ទះឬកន្លែងស្នាក់នៅទៅដល់កម្មករ គឺជារឿងមួយដ៏ប្រសើរសម្រាប់បងប្អូនកម្មក កម្មការិនីរោងចក្រ ហើយជួយគាត់មានជីវភាពប្រសើរឡើងបន្ថែមទៀត ហើយទន្ទឹមនិងនេះខ្ញុំចូលរួមអបអរសាទរនិងសម្តែងការរីករាយចំពោះម្ចាស់ផ្ទះជួលដែលមិនបានតម្លើងថ្លៃដល់បងប្អូនកម្មករ ។ខ្ញុំសូមចំណូមពរម្ចាស់ផ្ទះជួលដែលត្រៀមថានឹងតម្លើងថ្លៃផ្ទះជួល សូមមានការអត់ធ្មត់ហើយរក្សាតម្លៃឈ្នួលឱ្យស្ថិរភាពជូនកម្មករដើម្បីចូលរួមចំណែកកាត់បន្ថយភាពក្រីក្រទំាងអស់គ្នា»។

លោកបន្តថា នៅពេលកន្លងមកម្ចាស់ផ្ទះជួលតម្លើងថ្លៃភាគច្រើនឆ្លៀតចាប់យកប្រយោជន៍ ហើយនៅពេលអាជ្ញាធរចុះសម្របសម្រួលគាត់តែងតែលើកយកបញ្ហាសេដ្ឋកិច្ចឬបញ្ហាលំបាករបស់គាត់។ប៉ុន្តែបើយើងមើលទៅលើភាពជាក់ស្តែងម្ចាស់ផ្ទះជួលដែលនៅតម្លើងថ្លៃកន្លែងស្នាក់នៅគាត់ចាប់យកឱកាសច្រើនជាង ពេលគាត់ទទួលបានព័ត៌មានអំពីការតម្លើងប្រាក់ឈ្នួលជាប្រចំាឆ្នំារបស់ក្រុមប្រឹក្សាប្រាក់ឈ្នួលនៃក្រសួងការងារបណ្តុះបណ្តាលប្រជុំសម្រេច ធ្វើឱ្យម្ចាស់ផ្ទះជួលមួយចំនួនបានតម្លើងថ្លៃរួចជាស្រេចប្រាប់ទៅកម្មករកំពុងជួលផ្ទះរបស់គាត់បាត់ហើយ។

សម្តេចតេជោ ហ៊ុន សែន បានបន្តអំពាវនាវដល់ម្ចាស់ផ្ទះឈ្នួលទាំងឡាយ កុំដំឡើងថ្លៃចំពោះកម្មករនិយោជិតខណៈនាពេលកន្លងមក មានម្ចាស់ផ្ទះជួលជាច្រើនអនុវត្តបានយ៉ាងល្អដោយមិនដំឡើងថ្លៃផ្ទះជួលចំពោះកម្មករកម្មការិនីឡើយ។ សម្តេចតេជោបានបន្តអំពាវនាវដល់ម្ចាស់រោងចក្រ និងកម្មករនិយោជិត ត្រូវរួមគ្នាធ្វើយ៉ាងណាឱ្យរោងចក្រមួយក្លាយទៅជាសហគមន៍សុខសាន្តមួយ កុំឱ្យមានគ្រឿងញៀន កុំឱ្យមានបងតូច បងធំ កុំឱ្យមានជម្លោះរវាងកម្មករនិយោជិត និងថៅកែរោងចក្រ និងទប់ស្កាត់ការចម្លងរីករាលដាលជំងឺអេដស៍ផងដែរ។

សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាលនឹងបន្តដោះស្រាយបញ្ហាតទៅទៀត ជាពិសេសបញ្ហាដែលកើតមានឡើងចំពោះបងប្អូនកម្មករនិយោជិត ក្នុងនោះរាជរដ្ឋាភិបាលបានធ្វើរួចហើយលើការដោះស្រាយបញ្ហា១០ចំណុច ក្នុងនោះមានដូចជា បញ្ហាស្រ្ដីមានផ្ទៃពោះ និងការដំឡើងប្រាក់បៀវត្សជូនបងប្អូកម្មករនិយោជិតប្រចាំឆ្នាំជាដើម៕ អត្ថបទ៖ សារេត

The post សហជីព៖ការមិនតម្លើងថ្លៃឈ្នួលផ្ទះជួយឱ្យកម្មក-កម្មការិនីរោងចក្រមានជីវភាពប្រសើរនិងកាត់បន្ថយភាពក្រីក្រនៅក្នុងសង្គម appeared first on .

អនុប្រធានសហព័ន្ធសហជីពសម្លេងយុវជនខ្មែរ បានឱ្យដឹងថា កម្មករ-កម្មការិនីរោងចក្រជាទូទៅទទួលបានប្រាក់ឈ្នួលប្រសើរជាងរៀងរាល់ឆ្នំាព្រោះក្រសួងការងារបណ្តុះបណ្តាលនិងវិជ្ជាជីវៈមានយន្តការមួយគឺក្រុមប្រឹក្សាប្រាក់ឈ្នួលដែលនៅរៀងរាល់ឆ្នំាក្រុមមួយនេះតែងតែប្រជុំពិភាក្សាដើម្បីតម្លើងប្រាក់ឈ្នួលនិងអត្ថប្រយោជន៍ផ្សេងៗផ្អែកទៅតាមការអភិវឌ្ឍនៃការរីកចម្រើនរបស់សេដ្ឋកិច្ចជាតិយើង។

លោក អន សាខន អនុប្រធានសហព័ន្ធសហជីពសម្លេងយុវជនខ្មែរលើកឡើថា «ចំពោះប្រាក់ឈ្នួលអប្បរមានៅពេលបច្ចុប្បន្ននេះ ក្រសួងការងារបណ្តុះបណ្តាលបានកំណតអប្បរមាគឺ២០០ដុល្លារអាមេរិក តែនៅរោងចក្រខ្លះគាត់មានលទ្ធភាពផ្តល់ឱ្យច្រើនជាង២០០ដុល្លារអាមេរិក ដើម្បីអូសទាញកម្លំាងពលកម្ម។ចំពោះអ្នកដែលមានជំនាញ ដូចនៅខាងពិនិត្យ ជំនាញខាងម៉ាស៊ីនដេរ ជាងភ្លើង ជាងម៉ូទរ ឬប្រធានផ្នែកQC ផ្នែកគុណភាពអាចបានប្រាក់ឈ្នួលខ្ពស់ពី៤០០ទៅ៥០០ដុល្លារអាមេរិក ហើយបើអ្នកគ្រប់គ្រងអគារខ្លះអាចឈានដល់៨០០ដុល្លារអាមេរិកក្នុងមួយខែ។ ប៉ុន្តែមិនជាទូទៅទំាងអស់នោះទេ»។

លោកលើកឡើងថា «ថ្មីៗនេះកម្មការិនីម្នាក់បានប្រាប់អ្នកសារព័ត៌មានអំពីប្រាក់ឈ្នួលដែលគាត់ទទួលបានប្រចំាខែ ហើយមានការចាប់អារម្មណ៍ពីអ្នកប្រើប្រាស់បណ្តាញទំនាក់ទំនងសង្គមហ្វេសប៊ុក មានអ្នកខ្លះបានរិះគន់គាត់ ប៉ុន្តែអត់ដឹងការពិត។រូបខ្ញុំ កាលពីមុនក៏ធ្លាប់ធ្វើជាកម្មកររោងចក្រអស់រយៈពេល១០ឆ្នំាដែរ យល់ថាពិតជាមានមែន ព្រោះអ្នកជំនាញត្រូវការប្រាក់ឈ្នួលខ្ពស់ជាងបងប្អូនដែលជាកម្មករធម្មតា»។

លោក អន សាខន ចាត់ទុកថា បើអ្នកប្រើប្រាស់បណ្តាញទំនាក់ទំនិងសង្គមហ្វេសប៊ុកបន្តធ្វើការរិះគន់ដល់កម្មការិនីដែលទទួលបានប្រាក់ឈ្នួលខ្ពស់ទៀត ខ្ញុំគិតថាវាជាចំណុចអាក្រក់ព្រោះគាត់អត់ដឹងរឿងពិត តែពេលគាត់ឆ្លើយប្រាប់ការពិតបែរជារិះគន់គាត់។

តាមរយៈប្រព័ន្ធផ្សព្វផ្សាយឧកញ៉ា ញ៉ូស៍ លោក អន សាខន បានសំណូមពរទៅដល់អ្នករិះគន់ថាត្រូវគិតឱ្យបានច្បាស់មុនរិះគន់ ហើយបើមានពេលគួរតែទៅសាកសួរបងប្អូនកម្មករនៅមុខរោងចក្រ។មកដល់សព្វថ្ងៃនេះកម្មករ កម្មការិនីរោងចក្រយើងក៏មិនធម្មតាដែរ គាត់មានផ្ទះធំទ្រនំខ្ពស់ ហើយអ្នកខ្លះទៀតមានលទ្ធភាពរហូតទិញរថយន្តជិះទៅធ្វើការក៏មានដែរ។ដូចនេះចលនារិះគន់ដោយមិនបានពិនិត្យពិចៃអាចធ្វើឱ្យបាត់បង់សីលធម៌ដោយសារខ្វះការគិត៕ អត្ថបទ៖សារេត

The post លោក អន សាខន៖ អ្នកមានជំនាញក្នុងវិស័យកាត់ដេរទទួលបានប្រាក់ឈ្នួលពី៤០០ឬដល់៨០០ដុល្លារអាមេរិកក្នុង១ខែ appeared first on .