លោកអភិបាលខេត្ត បានជំរុញបែបនេះ ធ្វើឡើងនាថ្ងៃទី២២ ខែមីនា ឆ្នាំ២០២៦នេះ ក្នុងឱកាសចូលរួមសម្ភោធដាក់ឲ្យប្រើប្រាស់ជាផ្លូវការ នូវអាងហែលទឹកមណ្ឌលកម្សាន្តទឹកឆា ស្ថិតនៅភូមិថ្មី ឃុំក្រូច ស្រុកព្រៃឈរ ខេត្តកំពង់ចាម ។

លោក អ៊ុន ចាន់ដា បានលើកឡើងថា ផ្នែកសេវាកម្មទេសចរណ៍នេះគឺសំខាន់ណាស់ ក្នុងការជួយដល់កំណើនសេដ្ឋកិច្ចជាតិរបស់យើង ក៏ដូចជាការលើកកម្ពស់កម្រិតជីវភាពរបស់ប្រជាពលរដ្ឋ តាមរយៈដែលបម្រើការងារក្នុងវិស័យសេវាកម្មនេះ និងការប្រកបសេវាកម្ម ។

លោកអភិបាលខេត្ត បានបញ្ជាក់ផងដែរថា រមណីយដ្ឋានទឹកឆា ជាតំបន់រដ្ឋបាលខេត្តបានគិតគូរជាអទិភាព ដែលត្រូវរៀបចំតំបន់នេះ ឲ្យទៅជាតំបន់ទេសចរណ៍មួយដែលបញ្ជាក់អំពីអត្តសញ្ញាណរបស់ខេត្តកំពង់ចាម ពីព្រោះមានទាំងប្រភពទឹក បែបធម្មជាតិក៏មាន ពោលគឺនៅតែការរៀបចំ និងកែឆ្នៃឲ្យទៅជាកន្លែងមួយដែលមានភាពទាក់ទាញ និងទទួលបានចំណាប់អារម្មណ៍តែប៉ុណ្ណោះ ។

ជាមួយនិងការសម្ភោធសមិទ្ធផលថ្មីនោះ លោកអភិបាលខេត្ត ក៏បានផ្តាំដល់ម្ចាស់រមណីយដ្ឋាន សូមឲ្យធ្វើការថែរក្សាអនាម័យ បរិស្ថាន ឲ្យបានស្អាតជាប្រចាំ ប្រព័ន្ធសុវត្ថិភាព និងប្រព័ន្ធសន្តិសុខឲ្យបានល្អ ដោយសហការជាមួយអាជ្ញាធរពាក់ព័ន្ធក្នុងការបញ្ចៀស បញ្ហាគ្រឿងញៀន ឬ បញ្ហាក្មេងទំនើងជាដើម ដើម្បីឲ្យតំបន់នេះក្លាយជាកន្លែងទាក់ទាញភ្ញៀវទេសចរណ៍មកកម្សាន្តឲ្យកាន់តែកើនឡើងជាលំដាប់ ៕

The post អភិបាលខេត្តកំពង់ចាម ជំរុញឲ្យអាជ្ញាធរស្រុក បង្កើតរមណីយដ្ឋានទេសចរណ៍យ៉ាងតិច១កន្លែង appeared first on .

ថ្លែងនៅក្នុងសន្និសីទសារព័ត៌មាន ស្ដីពី “ភាពជោគជ័យក្នុងរយៈពេល៥ឆ្នាំកន្លងមក របស់រដ្ឋបាលខេត្តកំពង់ចាម” នៅថ្ងៃទី៣ ខែកុម្ភៈ ឆ្នាំ២០២៣នេះ លោកអ៊ុន ចាន់ដា អភិបាលខេត្តកំពង់ចាម បានលើកឡើងថា វិស័យកសិកម្ម មានទំហំ ២ ៦៥៧ ៣៤៣ លានរៀល និងមានចំណែក ៤១,១% នៃសេដ្ឋកិច្ចខេត្ត និងកំណើនពី ៣,៦% ទៅ ៤% ក្នុងឆ្នាំ២០២១ ដែលក្នុងនោះដំណាំមានកំណើនថេរ ៤,៤% ការចិញ្ចឹមសត្វមានកំណើនពី២,៨% ទៅ៣,៥% ជលផលនេសាទ មានកំណើនពី២,៤% ទៅ៣,៥% និងរុក្ខាប្រមាញ់ មាន១,៤%ថេរ។
ចំណែកឯ វិស័យសេវាកម្ម មានទំហំ២ ៤៤០ ១៣៣លានរៀល និងមានចំណែក៣៧,៧% នៃសេដ្ឋកិច្ចខេត្ត និងមានការថយចុះ៥,៩% ដែលក្នុងនោះលក់ដុំលក់រាយមានការថយចុះ៧,៥% សណ្ឋាគារ និងភោជនីដ្ឋានថយចុះ១២,៥% រដ្ឋបាលសាធារណៈមានកំណើន១៤,៦% ហិរញ្ញ វត្ថុមានកំណើន៣% និងសេវាកម្មផ្សេងទៀតថយចុះ៨,២%។
ដោយឡែក វិស័យឧស្សាហកម្ម មានទំហំ១ ៣៧២ ៤៨៨ លានរៀល និងមានចំណែក២១,២% នៃសេដ្ឋកិច្ចខេត្ត និងមានកំណើន១១,៣% ដែលក្នុងនោះរ៉ែមានកំណើន១៨,៤% កម្មន្តសាល១២,៩% អគ្គីសនី ៣% ទឹកស្អាត១,៩% និងសំណង់១,៨%។
ជាមួយគ្នានោះ អភិបាលបាលខេត្ត ក៏បានបញ្ជាក់បន្ថែមថា សម្រាប់ចំណូលពលរដ្ឋម្នាក់ ក្នុងឆ្នាំ២០២១ទទួលបាន ១៥៩២ដុល្លារអាមេរិកក្នុងម្នាក់ កើនឡើង១៦ដុល្លារអាមេរិក ស្មើនឹង ០,០១%បើប្រៀបធៀបនឹងឆ្នាំ២០១៨។ ហើយក្នុងឆ្នាំ២០២២កន្លងទៅរដ្ឋបាលខេត្តបានព្យាករណ៍ថា អាចឡើងដល់ ជាង១៦០០ដុល្លារអាមេរិកក្នុងម្នាក់ ដោយឡែកសម្រាប់ឆ្នាំ២០២៣នេះ រំពឹងថាប្រជាពលរដ្ឋម្នាក់អាចមានចំណូលជាមធ្យម ជាង១៧០០ដុល្លារអាមេរិកក្នុងម្នាក់៕

The post សក្តានុពលសេដ្ឋកិច្ច ខេត្តកំពង់ចាមពឹងផ្អែកលើវិស័យសំខាន់ៗចំនួន៣ appeared first on .

លោកអភិបាលខេត្ត បានលើកឡើងថា សម្រាប់ចំណូលពលរដ្ឋម្នាក់ក្នុងឆ្នាំ២០២១ទទួលបាន ១៥៩២ដុល្លារអាមេរិកក្នុងម្នាក់ កើនឡើង១៦ដុល្លារអាមេរិក ស្មើនឹង ០,០១%បើប្រៀបធៀបនឹងឆ្នាំ២០១៨។ ហើយក្នុងឆ្នាំ២០២២កន្លងទៅរដ្ឋបាលខេត្តបានព្យាករណ៍ថា អាចឡើងដល់ ជាង១៦០០ដុល្លារអាមេរិកក្នុងម្នាក់ ដោយឡែកសម្រាប់ឆ្នាំ២០២៣នេះ រំពឹងថាប្រជាពលរដ្ឋម្នាក់អាចមានចំណូលជាមធ្យម ជាង១៧០០ដុល្លារអាមេរិកក្នុងម្នាក់

គួរបញ្ជាក់ថា ប្រជាពលរដ្ឋនៅខេត្តកំពង់ចាម ប្រកបមុខរបរ៣សំខាន់ៗមានដូចជា កសិកម្ម ៦៩,៩៣% ឧស្សាហកម្មនិងសិប្បកម្ម ០,៦៩% សេវាកម្ម ៣៥, ៣៨%។ ខណៈដែលការរំពឹងលើចំណូលរបស់ប្រជាពលរដ្ឋក្នុងឆ្នាំនេះ គឺបានមកពីវិស័យកសិកម្ម ៤១,១% ឧស្សាហកម្ម ២១,២% សេវាកម្ម ៣៧,៧ %ផងដែរ។ ពាក់ព័ន្ធនឹងវិស័យកសិកម្មនេះ ខេត្តកំពង់ចាមផ្ទៃដីដាំដុះ ១៤៧ ៤២២ហិកតា ផ្ដល់ផល ៤៨៨២៩២តោន ក្នុងឆ្នាំ២០១៨ ខណៈដែលក្នុងឆ្នាំ២០២២កើន ដល់ ៥៤៥ ៥២១ តោន កើន១១.៧%។
ខេត្តកំពង់ចាម ជាខេត្តមួយដែលមានសក្ដានុពលខ្លាំងលើគ្រប់វិស័យ បន្ទាប់ពីរាជធានីភ្នំពេញ ដែលជំរុញឲ្យសេដ្ឋកិច្ចមានការអភិវឌ្ឍជាលំដាប់ពីមួយឆ្នាំទៅមួយឆ្នាំ។ ទំហំសេដ្ឋកិច្ចមាន ៧ ២៩២ ៧៣៨លានរៀល គិតជាដុល្លារស្មើនឹង ១៨០៥លានដុល្លារ អាមេរិកស្មើនឹង ៦,៧ % នៃសេដ្ឋកិច្ចសរុប៕

The post ចំណូលជាមធ្យមសម្រាប់ពលរដ្ឋម្នាក់ក្នុងខេត្តកំពង់ចាម រំពឹងថាឡើងដល់ជាង១៧០០ដុល្លារនៅឆ្នាំ២០២៣ appeared first on .