លើបណ្ដាញសង្គមហ្វេសប៊ុកលោក វ៉ី សំណាង អភិបាលខេត្តកំពង់ស្ពឺ បានបញ្ជាក់ថា មានក្រុមហ៊ុនយ៉ាងតិច ១០ នឹងមកប្រកបអាជីវកម្មនៅក្នុងខេត្តកំពង់ស្ពឺ ឆាប់ៗនេះ រួមទាំងមានតម្រូវការកម្លាំងពលកម្មយ៉ាងហោចណាស់ ១០,០០០នាក់។

លោកបន្តថា ក្រៅពីការប្រកបអាជីវកម្មរោងចក្រដែលមានសកម្មភាពសេដ្ឋកិច្ច ផលិតសម្លៀកបំពាក់ ស្បែកជើង កាបូបគ្រប់ប្រភេទហើយនោះ ក៏មានក្រុមហ៊ុនមួយចំនួនទៀត មានបំណងវិនិយោគលើការសាងសង់ និងអចលនទ្រព្យផងដែរ។

លោក វ៉ី សំណាង ធ្លាប់ប្រាប់កាសែតរដ្ឋ AKP ឱ្យដឹងថា កំពង់ស្ពឺជាខេត្តមួយ ប្រៀបបានដូចកូនក្រមុំ ដែលទាក់ទាញ អ្នកវិនិយោគជាច្រើនលើវិស័យ ឧស្សាហកម្ម និងមានសក្តានុពលលើវិស័យទេសចរណ៍ ដែលជាកត្តារុញខេត្តមួយនេះ មានការរីកចម្រើនលើគ្រប់វិស័យ នាពេលបច្ចុប្បន្នក៏ដូចជាទៅថ្ងៃអនាគត។

លោកនិយាយថា៖ «ខេត្តកំពង់ស្ពឺ ជាខេត្តមួយកំពុងមានភាពទាក់ទាញអ្នកវិនិយោគ លើវិស័យឧស្សាហកម្ម ដោយសារខេត្តមួយនេះនៅជិតកំពង់ផែអន្តរជាតិក្រុងព្រះសីហនុ និងមានផ្លូវជាតិបីខ្សែ គឺផ្លូវលេខ៥១ ផ្លូវលេខ៤៤ និងផ្លូវលេខ៤១ ដែលជាផ្លូវមានគម្រោង អភិវឌ្ឍន៍ តំបន់សេដ្ឋកិច្ចពិសេស»។

បើតាមលោក វ៉ី សំណាង កាលពីពេលថ្មីៗនេះ អ្នកវិនិយោគិនហុងកុង មានគម្រោងបង្កើតរោង ចក្រកាបូ នៅខេត្តកំពង់ស្ពឺ ដែលត្រូវការកម្លាំងពលកម្មប្រមាណ ១២០០០នាក់។ ជាមួយគ្នានេះ រោងចក្រផលិត ស្បែកជើង ដ៏ធំមួយរបស់ចិន ដែលមានមូលដ្ឋាននៅប្រទេសមីយ៉ាន់ម៉ា ក៏បានសម្រេចចិត្តរើទីតាំងរបស់ខ្លួនពីមីយ៉ាន់ម៉ា មកវិនិយោគផលិតស្បែកជើងនៅខេត្តកំពង់ស្ពឺ ផងដែរ។ មូលហេតុនៃការរើទីតាំងនេះ ដោយសារបញ្ហាវិបត្តិនយោបាយ នៅមីយ៉ាន់ម៉ា ខណៈដែលកម្ពុជា មានសុខសន្តិភាព ស្ថេរភាពនយោបាយ ការអភិវឌ្ឍយ៉ាងឆាប់រហ័ស ក៏ដូចជាមាន គោលនយោបាយជាច្រើនទៀត ក្នុងការលើកទឹកចិត្តអ្នកវិនិយោគមកកាន់កម្ពុជា៕

The post ខេត្តកំពង់ស្ពឺ ប្រៀបបានដូចកូនក្រមុំ លោក វ៉ី សំណាង រំពឹងទទួលក្រុមហ៊ុនចំនួន១០ពីហុងកុងឆាប់ៗនេះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក ហ៊ុន យុទ្ធគុណ បានបង្ហោះលើបណ្តាញសង្គមហ្វេសប៊ុកថា៖ ដើម្បីចូលរួមក្នុងកាត់បន្ថយចំណាយលើការស្នាក់នៅរបស់បងប្អូនកម្មករ ក៏ដូចជាបងប្អូនដែលជួលបន្ទប់ស្នាក់នៅជាប្រចាំ ក្នុងកាល:ទេស:រីករាលដាលជំងឺកូវីដក្នុងសហគមន៍ យើងខ្ញុំបញ្ចុះតម្លៃបន្ទប់ជួល ៥០% ជូនបងប្អូនកម្មករ ក៏ដូចជាបងប្អូនដែលកំពុងជួបការលំបាក រហូតដល់ដំណាច់ឆ្នាំ២០២១នេះ។ លេខទំនាក់ទំនង: 012 474215 និង 097 7474215។

អភិបាលខេត្តកំពង់ស្ពឺ លោក វី សំណាង មានប្រសាសន៍ថា៖ ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ និង ប្រជាពលរដ្ឋខេត្តកំពង់ស្ពឺទាំងមូល សូមថ្លែងអំណរគុណយ៉ាងជ្រាលជ្រៅចំពោះលោក ហ៊ុន យុទ្ធគុណ ម្ចាស់ផ្ទះជួលដែលមានទឹកចិត្តអាណិតស្រឡាញ់ដល់បងប្អូនប្រជាពលរដ្ឋ កម្មករ កម្មការិនី មានបញ្ហាខ្វះខាតក្នុងការបង់លុយជួលផ្ទះ ដោយលោកគិតត្រឹមតែពាក់កណ្ដាលនៃតម្លៃជួលសព្វថ្ងៃរហូតដល់ដំណាច់ឆ្នាំ២០២១ តែប៉ុណ្ណោះ។

លោកអភិបាលខេត្ត ក៏សូមជូនពរលោក ហ៊ុន យុទ្ធគុណ និងក្រុមគ្រួសារ សូមរកទទួលទានមានបាន ជួបនូវពុទ្ធពរទាំងឡាយ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ជាពិសេសចៀសផុតពីជំងឺ covid-19 ដ៏មហាប្រល័យនេះ៕

The post អភិបាលខេត្តកំពង់ស្ពឺកោតសរសើរម្ចាស់បន្ទប់ជួលម្នាក់បានបញ្ចុះតម្លៃ៥០%ជូនកម្មកររហូតដល់ចំណាច់ឆ្នាំនេះ appeared first on .