លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា បានឱ្យដឹងថាសម្រាប់ថ្ងៃទី១៦ ខែតុលា ឆ្នំា២០២៣ ដែលជាថ្ងៃដែលអាកាសយានដ្ឋានអន្តរជាតិសៀមអង្គថ្មី ដែលបើកដំណើរការនេះ យើងនឹងទទួលបានការហោះហើរចូលមានចំនួន១៩ជើង ក្នុងនោះមានមកពី សំាហ្គាពួរ ថៃ ហូជីមិញ លួងប្រាបាងជាដើម។

លោកស្រី លើកឡើងថា “តាមរយៈការបើកដាក់ឱ្យដំណើរការ អាកាសយានដ្ឋានសៀមរាបអង្គរនេះ យើងមានការរំពឹងខ្ពស់ថា និងមានការទាក់ទាញទៅដល់ការហោះហើរចូលត្រង់ពីតំបន់ផ្សេងៗទៀត ព្រោះថាអាកាសយានដ្ឋានថ្មីនេះមានសមត្ថភាពអាចទទួលបានប្រភេទយន្តហោះធំៗ”។

សូមបញ្ជាក់ជូនថា៖ អាកាសយានដ្ឋានអន្តរជាតិសៀមរាបអង្គរ បានវិនិយោគទឹកប្រាក់ចំនួន ១,១០០លាន ដុល្លារអាមេរិក មានចំណតសម្រាប់ចតអាកាសយានចំនួន៣៨ ចំណតមានសមត្ថភាពទទួលអ្នកដំណើរតាមផ្លូវអាកាសបាន៧លាននាក់ក្នុងឆ្នាំ២០២៤ និង១២លាននាក់ក្នុងឆ្នាំ២០៤០ខាងមុខមានសមត្ថភាពផ្ទុកទំនិញតាមផ្លូវអាកាសបានចំនួន១០,០០០តោនក្នុងឆ្នាំ២០២៤ និង២៦,០០០ តោនក្នុងឆ្នាំ២០៤០ខាងមុខ អាចទទួលជើងហោះហើរបានចំនួន ៦៥,៨០០ជើងក្នុងឆ្នាំ២០២៤ និង១១២,៧០០ ជើង ក្នុងឆ្នាំ ២០៤០៕

The post អាកាសយានដ្ឋានសៀមរាប អង្គរ នឹងទទួលបានការហោះហើរចូល១៩ជើង ក្នុងថ្ងៃបើកឱ្យដំណើរការ appeared first on .