គម្រោងព្រលានយន្តហោះខ្នាតអន្តរជាតិនេះសាងសង់នៅលើទំហំប្រមាណ ២៦០០ហិកតា គឺជាការបណ្តាក់ទុនរួមគ្នា រវាងរាជរដ្ឋាភិបាលកម្ពុជា និងក្រុមហ៊ុន OCIC របស់អ្នកឧកញ៉ា ពុង ឃាវសែ ស្ថិតនៅស្រុកកណ្តាលស្ទឹង ខេត្តកណ្តាល និងជាប់ឃុំមួយចំនួននៃខេត្តតាកែវ។

មន្ត្រីជាន់ខ្ពស់រដ្ឋលេខាធិការដ្ឋានអាកាសចរស៊ីវិល ធ្លាប់បានឱ្យដឹងថា នៅពេលដែលអាកាសយានដ្ឋានអន្តរជាតិតេជោ សាងសង់រួចហើយ គឺកម្ពុជា អាចនឹងទទួលប្រភេទយន្តហោះខ្នាតយក្ស ដឹកអ្នកដំណើរអន្តរជាតិ ឆ្លងទ្វីបមកពីប្រទេសឆ្ងាយៗ មកចុះចត នៅរាជធានីភ្នំពេញនេះ ជាពិសេសនៅពេលដែលកម្ពុជាមានកំណើនអ្នកដំណើរអន្តរជាតិ និងភ្ញៀវទេសចរអន្តរជាតិនៅឆ្នាំបន្តបន្ទាប់ខាងមុខ៕

The post ជាង ២ឆ្នាំមកនេះ គម្រោងសាងសង់ព្រលានយន្តហោះអន្តរជាតិតេជោតាខ្មៅ ចាយលុយអស់ ៥២៤លានដុល្លារ appeared first on .

លោក ម៉ៅ ហាវណ្ណាល់ បានបន្តថា អាកាសយានដ្ឋានអន្តរជាតិតេជោក្រុងតាខ្មៅ នៅខេត្តកណ្តាលបានចាប់ផ្តើម​ដំណើរ​កសាងសង់នៅតាំងថ្ងៃទី៧ ​ខែមករា ឆ្នាំ២០២០ ​ហើយក្នុងរយៈពេលជាង២ឆ្នាំនេះ បើទោះ​ជា​កម្ពុជា ជួប​វិបត្តិកូវីដ១៩ យ៉ាងណាក៏ដោយ ក៏ដំណើរការការសាងសង់ព្រលាន​យន្តហោះ​អន្តរជាតិ​មួយនេះ ​នៅតែបន្តដំណើរការការសាងសង់យ៉ាងសកម្មភាព នៅលើប្លង់ព្រលានយន្តហោះលំដាប់​ផ្កាយប្រាំ និងមានរចនាបថទំនើបរបស់អន្តរជាតិ ដែលបច្ចុប្បន្នសាងសង់បានប្រមាណជាង៣៣ភាគរយ។

លោក ម៉ៅ ហាវណ្ណាល់ បន្តទៀតថា ជារួមនៅពេលដែលអាកាសយានដ្ឋានអន្តរជាតិតេជោ សាងសង់រួចហើយ គឺកម្ពុជា អាចនឹងទទួលប្រភេទយន្តហោះខ្នាតយក្ស ​ដឹកអ្នកដំណើរអន្តរជាតិ ​ឆ្លងទ្វីបមកពីប្រទេសឆ្ងាយៗ មកចុះចត​នៅរាជធានីភ្នំពេញនេះ ​ជាពិសេសនៅពេលដែលកម្ពុជាមានកំណើនអ្នកដំណើរអន្តរជាតិ និងភ្ញៀវទេសចរអន្តរជាតិនៅឆ្នាំបន្តបន្ទាប់ខាងមុខ។

ជាមួយគ្នានេះ លោក ឆារស៍ វ៉ាន់ អគ្គនាយករង ក្រុមហ៊ុន OCIC និងប្រធានក្រុមហ៊ុន ​Cambodia Airport Investment (CAIC) បានថ្លែងថា ​អាកាសយានដ្ឋានអន្តរជាតិតេជោ នៅខេត្តកណ្តាល បច្ចុប្បន្នបាននឹងកំពុង​សាងសង់​នៅលើទំហំប្រមាណ ២៦០០ហិកតា ​នៅក្នុងភូមិសាស្ត្រខេត្តកណ្តាល​ជាប់ខេត្តតាកែវ និងមានចំងាយពីប្រមាណ ២០ គីឡូពីរាជធានីភ្នំពេញ ។

លោក ឆារស៍ វ៉ាន់ បន្តថា ការសាងសង់មាន៣ដំណាក់កាល ​ក្នុងនោះដំណាក់កាលដំបូង ក្រុមហ៊ុន​បាននឹងកំពុងសាងសង់ផ្លូវរត់ចំងាយ៤ គ.ម សម្រាប់ចុះចតយន្តហោះខា្នតយក្ស 4F និងមាន​សមត្ថភាព​ទទួលអ្នកដំណើរបានជាង ១៥លាននាក់ក្នុង១ឆ្នាំ​ នៅឆ្នាំ២០៣០ ហើយដំណាក់​កាលទី២​ក្រុមហ៊ុននឹងពង្រីកសាងសាងអាចទទួលអ្នកដំណើររហូតដល់ ៣០លាននាក់ ក្នុង១ឆ្នាំនៅឆ្នាំ២០៥០ និងដំណាក់កាលទី៣​ បន្តពង្រីកសាងសង់​ ដើម្បីទទួលអ្នកដំណើរជាតិអន្តរជាតិ​អោយបាន ៤៥លាននាក់​ក្នុង១ឆ្នាំ ​នៅឆ្នាំ២០៥០តទៅ។

លោក បន្តថា នៅក្នុងដំណាក់ដំបូងនេះ ក្រុមហ៊ុនCAIC បាននឹងកំពុងដំណើរការសាងសង់​បាន​ប្រមាណ ៣៣% ដោយបានចំណាយថវិកា​អស់ប្រមាណ ៤៦១លានដុល្លាអាមេរិច ។

គួរបញ្ជាក់ថា CAIC​ គឺជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា ដែលតំណាង​ដោយ​រដ្ឋលេខាធិការដ្ឋានអាកាសចរស៊ីវិល និងក្រុមហ៊ុន OCIC ។ ​រាជរដ្ឋាភិបាលកម្ពុជាបានផ្តល់សិទ្ធិឱ្យ ក្រុមហ៊ុន​CAIC ក្នុងការកាន់កាប់ ​រចនា ប្លង់ សាងសង់ ធ្វើហិរញ្ញប្បទាន និងគ្រប់គ្រងប្រតិបត្តិការ​គម្រោង អាកាសយានដ្ឋានអន្តរជាតិតេជោក្រុងតាខ្មៅ ខេត្តកណ្តាល៕

The post អាកាសយានដ្ឋានអន្តរជាតិតេជោ សាងសង់សម្រេចបានជាង៣0ភាគរយ appeared first on .

ពិធីចុះហត្ថលេខាធ្វើឡើងរវាងលោក គា បូរាណ នាយកគ្រឹះស្ថានហិរញ្ញវត្ថុ A.M.K និងឧកញ៉ា Chalres Vann អគ្គនាយករងក្រុមហ៊ុន CAIC នៅថ្ងៃសុក្រ ទី០៦  ខែឧសភា ឆ្នាំ២០២២នេះ នៅមជ្ឈមណ្ឌលពាណិជ្ជកម្មកាណារឌីយ៉ាភ្នំពេញ។

ថ្លែងក្រោយពិធីចុហត្ថលេខារួចរាល់លោក គា បូរាណ នាយកប្រតិបត្តិគ្រឹះស្ថានមីក្រូហិរញ្ញវត្ថុអេអឹមខេ បានលើកឡើងថា គ្រឹះស្ថានអេអឹមខេ បានក្លាយជាគ្រឹះស្ថានមីក្រូហិរញ្ញវត្ថុ ដំបូងគេលើការវិនិយោគសញ្ញាប័ណ្ណមានបុគ្គលធានារបស់អាកាសយានដ្ឋានអន្តរជាតិតេជោ  និងបានគាំទ្រដល់ការអភិវឌ្ឍគម្រោងនេះ ។ មិនតែប៉ុណ្ណោះ ក៏បានចូលរួមជំរុញទៅលើកំណើនសេដ្ឋកិច្ច និងការអភិវឌ្ឍនៅកម្ពុជាផងដែរ។

ឧកញ៉ា Chalres Vann អគ្គនាយករងក្រុមហ៊ុន CAIC បានបញ្ជាក់ថា អត្រាការប្រាក់របស់សញ្ញាបណ្ណនេះ គឺ ៥.៥ភាគរយ ក្នុងមួយឆ្នាំ ជាមួយនឹងរយៈពេល(tenor) ៣ឆ្នាំ ហើយត្រូវបានធានាដោយក្រុមហ៊ុន OCIC ។

ក្រុមហ៊ុន OCIC គឺជាក្រុមហ៊ុនវិនិយោគក្នុងស្រុកមួយធំជាងគេក្នុងប្រទេសកម្ពុជា ដែលជំនាញនៅក្នុងការអភិវឌ្ឍលើវិស័យហេដ្ឋារចនាសម្ព័ន្ធ អចលនទ្រព្យ សំណង់ ការគ្រប់គ្រងអចលនទ្រព្យ ការអប់រំ វេជ្ជសាស្ត្រ ផ្សារទំនើប សណ្ឋាគារ រោងម៉ាស៊ីនកិនស្រូវ និងសង្វាក់ផលិតកម្មជាដើម ជាមួយនឹងគម្រោងសំខាន់ៗជាច្រើនដូចជា អាកាសយានដ្ឋានអន្តរជាតិតេជោ ទីក្រុងកោះពេជ្រ កោះនរា ទីក្រុងរណបជ្រោយចង្វារ និងទីក្រុងទំនើប Olympia ជាដើម។ លោកឧកញ៉ាបន្ថែម។

សូមជម្រាបជូនថា CAIC គឺជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា (RGC)ដែលតំណាងដោយរដ្ឋលេខាធិការដ្ឋានអាកាសចរណ៍ស៊ីវិល និង ក្រុមហ៊ុន OCIC ។  រាជរដ្ឋាភិបាលកម្ពុជាបានផ្តល់សិទ្ធិឱ្យក្រុមហ៊ុន CAIC ក្នុងការកាន់កាប់រចនាប្លង់សាងសង់ ធ្វើហិរញ្ញប្បទាន និងគ្រប់គ្រងប្រតិបត្តិការគម្រោង អាកាសយានដ្ឋានអន្តរជាតិតេជោតាខ្មៅ ខេត្តកណ្ដាល ។

គម្រោងអាកាសយានដ្ឋានអន្តរជាតិតេជោបច្ចុប្បន្នសម្រេចបាន​ ៣២% ហើយដែលបានចំណាយទឹកប្រាក់សរុប ៤១៤ លានដុល្លារអាមេរិក ដែលការចំណាយនេះដោយមិនរាប់បញ្ចូលថ្លៃដីដែលវិនិយោគរួចដោយ Cambodia Airport Investment Co., Ltd (CAIC)។ នេះបើយោងតាមការឱ្យដឹងពីក្រុមហ៊ុន CAIC។

គួររម្លឹកថា អាកាសយានដ្ឋានអន្តរជាតិតេជោ បានចាប់ផ្តើមសាងសង់កាលពីខែមករា ឆ្នាំ២០២០ ដោយចែកចេញជា ៣ ដំណាក់កាល ក្នុងនោះទីតាំងស្ថានីយទី១ នឹងសាងសង់រួចរាល់នៅឆ្នាំ ២០២៣ ខាងមុខ ដោយនឹងអាចទទួលអ្នកដំណើរបានប្រមាណ ១៣ លាននាក់ក្នុងមួយឆ្នាំ។ ឯស្ថានីយតំណាក់កាលទី២ នឹងបញ្ចប់នៅឆ្នាំ ២០៣០ អាចទទួល បានអ្នកដំណើរប្រមាណ ៣០ លាននាក់ក្នុង ១ឆ្នាំ និងដំណាក់កាលចុងក្រោយនឹងបញ្ចប់នៅឆ្នាំ ២០៥០ ដែលអាចនឹងទទួលបានអ្នកដំណើររហូតដល់ ៥០ លាននាក់ ក្នុងមួយឆ្នាំ។ គម្រោងទាំងមូលនឹងត្រូវចំណាយទឹកប្រាក់សរុប ១.៥០០ លានដុល្លារ មិនបូកបញ្ចូលតម្លៃដី៕

The post លោក គា បូរាណ ចូលរួមបោះទុន ១លានដុល្លារវិនិយោគលើគម្រោងសាងសង់អាកាសយានដ្ឋានអន្តរជាតិតេជោតាខ្មៅ  appeared first on .

ការបន្ថែមទុនវិនិយោគនេះ ចំនួន ១០លានដុល្លារអាមេរិកនេះ ធ្វើឱ្យទំហំវិនិយោគរបស់ធនាគារ FTB មានទឹកប្រាក់សរុប ៣០លានដុល្លារ ខណៈពិធីចុះហត្ថលេខាលើកិច្ចព្រមព្រៀងសញ្ញាបណ្ណមានបុគ្គលធានា តម្លៃ ២០លានដុល្លារ ត្រូវបានធ្វើឡើងដំណាងដោយឧកញ៉ា វ៉ាន់ ឆាល នាយកប្រតិបត្តិក្រុមហ៊ុន CAIC និងលោកឌិត សុចល ប្រធាននាយកប្រតិបត្តិធនាគារ FTB កាលពីថ្ងៃទី២៤ ខែវិច្ឆិកា កន្លងទៅ។

គម្រោងព្រលានយន្តហោះអន្តរជាតិតេជោតាខ្មៅ គិតមកដល់ពេលនេះ សម្រេចការសាងសង់បានប្រមាណជាង៣០%ហើយ ដែលគ្រោងនឹងបញ្ចប់ការសាងសង់នៅក្នុងឆ្នាំ២០២៣ ខាងមុខ។

អាកាសយានដ្ឋាននេះ មានគ្រោងចាយទឹកប្រាក់ប្រមាណ១,៥០០លានដុល្លារ ក្នុងនោះទឹកប្រាក់១,១០០លានដុល្លារជាកម្ចីពីធនាគារបរទេស និង ២៨០លានដុល្លារទៀតជារបស់ក្រុមហ៊ុន CAIC របស់អ្នកឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់១២០លានដុល្លារអាមេរិក៕

The post ធនាគារ FTB បន្ថែមទុន ១០លានដុល្លារដើម្បីឲ្យអ្នកឧកញ៉ា ពុង ឃាវសែ ប្រើប្រាស់សម្រាប់គម្រោងព្រលានយន្តហោះ appeared first on .

ពិធីចុះហត្ថលេខាលើកិច្ចព្រមព្រៀងសញ្ញាបណ្ណមានបុគ្គលធានាក្នុងតម្លៃ ៣០លានដុល្លារ រវាងក្រុមហ៊ុន CAIC តំណាងដោយឧកញ៉ា វ៉ាន់ ឆារស៍ អគ្គនាយករង និងធនាគារ អេស៊ីលីដា តំណាងដោយលោកបណ្ឌិត អ៊ិន ចាន់នី ជាប្រធានអគ្គនាយក ក្រោមមានអ្នកឧកញ៉ា ពុង ឃាវសែ ដែលជាម្ចាស់គម្រោងសាងសង់ព្រលានយន្តហោះតេជោ តាខ្មៅ កាលពីថ្ងៃចន្ទ ទី១០ មករានេះ។

គម្រោងអាកាសយានដ្ឋានអន្តរជាតិតេជោ បច្ចុប្បន្នសម្រេចបាន៣០ភាគរយ ដែលចំណាយទឹកប្រាក់សរុប ៣៩០លានដុល្លារអាមេរិក ខណៈតម្លៃនេះគឺមិនរាប់បញ្ចូលថ្លៃដីដែលវិនិយោគរួចហើយដោយ CAIC នោះឡើយ។

ក្នុងដំណើរចុះពិនិត្យមើលវឌ្ឍនភាពនៃគម្រោងព្រលានយន្តហោះអន្តរជាតិតេជោ កាលពីចុងឆ្នាំ២០២១ សម្តេចនាយក​រដ្ឋមន្ត្រី ហ៊ុន សែន បាន​អំពាវនាវ​ឲ្យអ្នក​វិនិយោគ​ក្នុងស្រុក និង​វិស័យ​ឯកជន​ចូលរួមវិនិយោគ​ជាមួយ Cambodia Airport Investment Co Ltd លើ​គម្រោង​ព្រលានយន្តហោះ​។

សម្តេច ហ៊ុន សែន បញ្ជាក់ថា​៖ «​ខ្ញុំ​មាន​គោលដៅ​មួយ គឺ​ចង់​ប្រមូល​ទុន​ក្នុង​ស្រុក​ដើម្បី​ធ្វើ​ចេញ​ជា​ស្នាដៃ​កូន​ខ្មែរ​តែម្តង តាមរយៈ​ទុន​ក៏​ខ្មែរ ការរចនាប័ទ្ម​សាងសង់​ផ្សេងៗ​ចេញពី​ដៃ​ខ្មែរ ដូចនេះ​បាន​ជា​យើង​ផ្តល់​ការអនុញ្ញាត​ធានា​សម្រាប់​ការខ្ចី ការលក់​សញ្ញា​បណ្ណ​របស់​ក្រុមហ៊ុន​សម្រាប់​ទឹកប្រាក់​ ៣០០ ​លាន​ដុល្លារ​ក្នុង​អត្រា​ការប្រាក់​ត្រឹម​ ៥,៥ ​ភាគរយ​»​។

ភា្លមៗ ការវិនិយោគលើសញ្ញាបណ្ណមានបុគ្គលធានានៃក្រុមហ៊ុន CAIC ទទួលបានការចាប់អារម្មណ៍ពីអ្នកវិនិយោគ ជាពិសេសពីវិស័យធនាគារ ដូចជា ធនាគារ ព្រីនស៍ ធនាគារ ABA ធានាគារ ប្រៃសណីយ៍កម្ពុជា និងធនាគារ អេស៊ីលីដា នៅពេលនេះ។

បើតាមអ្នកឧកញ៉ា ពុង ឃាវសែ ធនាគារជាតិ​នៃ​កម្ពុជា​បាន​ធ្វើការ​វាយតម្លៃ​ពី​ហានិភ័យ​ស្មើនឹង​សូន្យ​ភាគរយ​សម្រាប់​ការបោះផ្សាយ​សញ្ញា​បណ្ណ​របស់​ក្រុមហ៊ុន CAIC។

អ្នកឧកញ៉ាបានបញ្ជាក់បន្ថែមថា គិត​មកដល់ពេលនេះ គម្រោង​សាងសង់​ព្រលានយន្តហោះ​ថ្មី​នេះ បាន​ចំណាយ​ថវិកា​សាងសង់​អស់​ប្រមាណ​ ៣៧៥ ​ដុល្លារ​ហើយ​នៃ​ទំហំ​ទឹកប្រាក់​សម្រាប់​សាងសង់​គម្រោង ១ ៥០០ ​លាន​ដុល្លារ​។ បច្ចុប្បន្ន​ទុនវិនិយោគ​ទាំងនេះ គឺ​អាស្រ័យ​ទាំងស្រុង​ទៅលើ​ទុន​របស់​ក្រុមហ៊ុន CAIC ហើយ​ក្នុង​ឆ្នាំ​ ២០២២ ​ក្រុមហ៊ុន​គ្រោង​នឹង​ចំណាយ​ថវិកា​បន្ថែមចំនួន​ ៤៦៧ ​លាន​ដុល្លារ​ទៀត ដែលជា​មធ្យម​ត្រូវការ​ចំណាយ ១,២ ​លាន​ដុល្លារ​ក្នុង​ ១ ​ថ្ងៃ​៕

The post ធនាគារក្នុងស្រុកមួយទៀតទិញមូលបត្របំណុលតម្លៃ ៣០លានដុល្លារពីក្រុមហ៊ុនសាងសង់ព្រលានយន្តហោះអន្តរជាតិតេជោ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ជាមួយគ្នានេះ ក្រសួងដែនដីនរគរូបនីយកម្ម បានជំរុញពន្លឿនការសាងសង់ហេដ្ឋារចនាសម្ព័ន្ធមាន ផ្លូវ ប្រព័ន្ធទឹកស្អាត និងអគ្គិសនីចូលទៅកាន់ទីតាំងលំនៅដ្ឋានចំនួន ២២១ខ្នង សម្រាប់គ្រួសារប្រជាពលរដ្ឋដែលត្រូវរុះរើចេញពីសំណង់បណ្តោះអាសន្ន ស្ថិតក្នុងទីតាំងគម្រោងសាងសង់អាកាសយានដ្ឋានអន្តរជាតិភ្នំពេញថ្មី នៅភូមិព្រៃតាតូច ឃុំបឹងខ្យាង ស្រុកកណ្តាលស្ទឹង ខេត្តកណ្តាល។

ទន្ទឹមនឹងនេះក្រសួងក៏បានសហការជាមួយរដ្ឋបាលខេត្តកណ្តាល ក្នុងការសម្របសម្រួលដោះស្រាយការប្រមូលផ្តុំតវ៉ាចំនួន ២លើក របស់ប្រជាពលរដ្ឋ១៥០នាក់ មកពីឃុំបឹងខ្យាង និងឃុំព្រែកស្លែង ស្រុកកណ្តាលស្ទឹង ខេត្តកណ្តាល និងឃុំពត់សរ ស្រុកបាទី ខេត្តតាកែវ ដែលធ្វើការទាមទារឲ្យរាជរដ្ឋាភិបាលពន្លឿនការដោះស្រាយផលប៉ះពាល់ជូនគ្រួសារប្រជាពលរដ្ឋម្ចាស់ដីស្ថិតក្នុងទីតាំងគម្រោងសាងសង់អាកាសយាដ្ឋានអន្តរជាតិភ្នំពេញថ្មីផងដែរ។

សូមបញ្ជាក់ថា អាកាសយានដ្ឋានអន្តរជាតិថ្មីនេះគ្រោងវិនិយោគក្នុងទឹកប្រាក់ប្រមាណ១,៥០០លានដុល្លារ ក្នុងនោះទឹកប្រាក់១,១០០លានដុល្លារជាកម្ចីពីធនាគារបរទេស និង ២៨០លានដុល្លារទៀតជារបស់ក្រុមហ៊ុន CAIC របស់អ្នកឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់១២០លានដុល្លារអាមេរិក។

អាកាសយានដ្ឋានអន្តរជាតិភ្នំពេញថ្មីត្រូវបានសា​ងស​ង់​ឡើងលើផ្ទៃដីទំហំប្រមាណ ២,៦០០ហិកតា ហើយគ្រោងនឹងបញ្ចប់ការសាងសង់នៅក្នុងឆ្នាំ២០២៣ ខាងមុខ។ អាកា​សយានដ្ឋានអន្តរជាតិមួយនេះ អាចនឹងទទួលអ្នកដំណើរបានប្រមាណ ១៣លាននាក់នៅក្នុងឆ្នាំ២០២៣, ៣០លាននាក់នៅក្នុងឆ្នាំ២០៣០ និង ៥០លាននាក់នៅក្នុងឆ្នាំ២០៥០៕

The post ជាង១ពាន់ហិកតា ក្រសួងដែនដីនគររូបនីយកម្មបានដោះស្រាយដីដើម្បីអភិវឌ្ឍន៍គម្រោងសាងសង់អាកាសយានដ្ឋានអន្តរជាតិភ្នំពេញថ្មី appeared first on .