ម៉ូរៀជំនាន់ទី២ នេះ ត្រូវបានស្រាវជ្រាវសម្រិតសម្រាំងអស់រយៈពេល ជាង១ឆ្នាំ ដោយប្រើប្រាស់បច្ចេកវិទ្យាណាណូ ទៅបំបែកច្រវ៉ាក់ម៉ូលេគុលប៉ិបថាយ របស់ខូឡាជែនពីត្រីនៅបាតសមុទ្រទឹកជ្រៅ។ ហើយផលិតផលជួយដល់សុខភាព និងសម្រស់បងប្អូនស្ត្រី ដែលកំពុងផ្ទុះការគាំទ្រខ្លាំងនេះ ទៀតសោត ត្រូវបាននាំចូលមកកម្ពុជាថ្មី យ៉ាងថ្មីសន្លាង និងមុនប្រទេសដ៏ទៃៗផ្សេងទៀត។  អ្វីដែលពិសេស បរិមាណខូឡាជែន ជំនាន់ទី២នេះ មានច្រើនជាងមុន វីតាមីនចម្រុះច្រើនជាងមុន និងមានប្រសិទ្ធភាពល្អជាងមុន។ 

បើទោះបីជា មានការបន្ថែមនូវបរិមាណ គុណភាព និងប្រើប្រាស់បច្ចេកវិទ្យាទំនើបដ៏ល្អឥតខ្ចោះបែបនេះក៏ដោយ តែម៉ូរៀជំនាន់ទី២នេះ នៅតែដាក់លក់ក្នុងតម្លៃដូចមុនដដែល។

រឿងដែលកាន់តែពិសេសទៀតនោះ គឺម៉ូរៀសេរីថ្មីនេះ មាន ២ទំហំ គឺទំហំតូចសម្រាប់អ្នកចង់សាកល្បងប្រើប្រាស់ និងទំហំធំធម្មតា សម្រាប់អតិថិជនទូទៅដែលធ្លាប់បានប្រើប្រាស់ស្រាប់។

សូមបញ្ជាក់ដែរថា ម៉ូរៀ គឺជាក្រុមហ៊ុនអន្តរជាតិមួយ របស់កូរ៉េដែលចរាចរខូឡាជែន នូវតាមបណ្តាប្រទេសជាច្រើន មានដូចជា ប្រទេសកូរ៉េ កម្ពុជា មុងហ្គោល អឺរ៉ុប និងសហរដ្ឋអាមេរិកជាដើម។ ហើយអ្វីដែលធ្វើឱ្យអតិថិជនរបស់ ផលិតផល ម៉ូរៀ កាន់តែមានទំនុកចិត្តនោះ គឺផលិតផល មានការសហការធានារ៉ាប់រងសុវត្ថិភាពយ៉ាងច្បាស់លាស់ពី ក្រុមហ៊ុនសាំស៊ុងដែលជាក្រុមហ៊ុនដ៏ធំបំផុតមួយរបស់ប្រទេសកូរ៉េខាងត្បូងផងដែរ៕

The post ក្រុមហ៊ុន ម៉ូរៀ របស់ឧកញ៉ា សឹង ចាតវិជ្ជា ប្រកាសចេញ ខូឡាជែនជំនាន់ទី២ ដែលជារបកគំហើញថ្មីរបស់ខ្លួនជាផ្លូវការ appeared first on .

Belly Burger សាខាទី២នេះ ត្រូវបានបើកសម្ពោធជាផ្លូវការកាលពីថ្ងៃទី១០ ខែមិថុនា ឆ្នាំ២០២៣ ជាមួយនឹងការផ្តល់ជូនប៊ឺហ្គ័រ៥០០ឈុតដោយឥតគិតថ្លៃ រួមទាំងមានការចុះហត្ថលេខាលើកិច្ចព្រមព្រៀងដៃគូអាជីវកម្មជាមួយ Nham24 ដែលជា App ដឹកជញ្ជូនអាហារដ៏ល្បីមួយនៅកម្ពុជា។

អ្នកនាង តាំង ​គីមបួយ ម្ចាស់ហាង Belly Burger បានឱ្យដឹងថា៖ «ការបើកសាខាទីមួយបើកនៅ Eden Garden  ដំបូងឡើយគិតថាមិនធ្វើទីផ្សារច្រើននោះទេ គ្រាន់តែចង់បើកសាកល្បងថាតើភ្ញៀវចូលចិត្តរសជាតិរបស់ ប៊េលលី ប៊ឺហ្គឺរ ឬអត់ បន្ទាប់មកមានការរីកចម្រើនដោយលក់អស់រាល់ថ្ងៃទើបគិតថាចង់បើកហាងមួយទៀត ហើយបន្ទាប់មកក៏សម្រេចចិត្តបើកសាខាទី២ នៅផ្លូវ២០០៤ នេះតែម្តង»។

ទន្ទឹមនឹងកំណើនអ្នកគាំទ្រអ្នកនាង គីមប៊ួយ ក៏បានបង្ហើបឱ្យដឹងថា៖ «មូលហេតុដែលធ្វើឱ្យការលក់កើនឡើងព្រោះអតិថិជនមានការគាំទ្រពីរសជាតិនៃប៊ឺហ្គឺររបស់ Belly Burger ដោយសារតែហាងគាត់ប្រើសុទ្ធតែសាច់គោ Wagyu នាំចូលពីប្រទេសអូស្រ្តាលី ជាពិសេសគឺប្រភេទសាច់ស្រស់មិនដែលកក់ មានគុណភាព ឈ្ងុយឆ្ងាញ់ ងាយស្រួលញាំ ចំណែកឯនំប៉័ងវិញ គឺខាងហាងរបស់គាត់ដុតថ្មីៗ រាល់ថ្ងៃម៉ោង៣ភ្លឺ ចំណែកដំឡូងនាំចូលពីប្រទេសហូឡង់»។

លោក ក្លា នេត្រា ក៏បានឱ្យដឹងផងដែរថា៖ «សម្រាប់ឆ្នាំ២០២៣នេះ ពួកគាត់គ្រោងនឹងបើកឱ្យបាន៥សាខា។ បន្ទាប់មកទៀតគ្រោងនឹងបើកនៅតាមខេត្តធំៗ ដូចជា សៀមរាប ខេត្តព្រះសីហនុ និងបាត់ដំបង។ សម្រាប់សាខាទី២ នៅផ្លូវ២០០៤ នេះចំណាយទុនប្រមាណ​ ៩ម៉ឺនដុល្លារ»។

គួរបញ្ជាក់ផងដែរថា កាលពីថ្ងៃទី១១ ខែមិថុនា កន្លងទៅថ្មីៗនេះ Belly Burger ក៏បានបើកដំណើរការសាខាទី៣ នៅតំបន់ទួលទំពូងដោយផ្តល់សេវាសម្រាប់តែការវេចខ្ចប់ និងការកុម្ម៉ងតាម App ដឹកជញ្ជូនផងដែរ។ 

ទាក់ទងនឹងការចុះហត្ថលេខាលើកិច្ចព្រមព្រៀងដៃគូអាជីវកម្មជាមួយ Nham24 អ្នកនាង តាំង ​គីមបួយ បានលើកឡើងថា៖ «ការកុម្ម៉ង់ម្ហូបអាហារតាមរយៈការដឹកជញ្ជូនកំពុងតែល្បី និងមានការពេញនិយម។ មុនពេលកូវីដ១៩ មនុស្សភាគច្រើននិយមមកញ៉ាំនៅហាងផ្ទាល់ តែចាប់តាំងពីមានការផ្ទុះកូវីដមកការទិញទំនិញអនឡាញ ការកុម្ម៉ង់ម្ហូបតាមអនឡាញបានកើនឡើង។ Nham24 ជា App ដឹកជញ្ជូនម្ហូបអាហារដ៏ល្បីមួយឈានមុខគេនៅកម្ពុជាដូច្នេះយើងចង់សហការជាមួយ Nham24 ដែលនេះជាឱកាសល្អមួយអាចបង្កើន​ការលូតលាស់​របស់យើងហើយម្យ៉ាងទៀត Nham24 ក៏ជាប្រេនរបស់ខ្មែរដូចគ្នានឹង Belly Burger ដែរ»។ អ្នកនាង គីមប៊ួយ បានបញ្ជាក់ថា៖ «ចំពោះតម្លៃនៅហាងផ្ទាល់ និងការកុម្ម៉ង់តាមអនឡាញ គឺមានតម្លៃដូចគ្នា»។ 

លោក រ៉ូវេល ប្រធានផ្នែកទីផ្សារ Nham24 បាននិយាយថា៖ «ភាពជាដៃគូជាមួយ ប៊េលលី ប៊ឺហ្គ័រ នឹងជួយលើកស្ទួយវិស័យម្ហូបអាហារឱ្យកាន់តែរីកចម្រើន។  Nham24 មានដៃគូជាច្រើននៅក្នុងប្រទេសកម្ពុជាតែភាពជាដៃគូជាមួយ  Belly Burger ជាការផ្តល់ជម្រើសបន្ថែមទៀតជូនអតិថិជន ជាពិសេសរសជាតិថ្មី ហើយ ប៊េលលី ប៊ឺហ្គ័រ ជាប្រេនរបស់ខ្មែរ»។ 

លោកបញ្ជាក់បន្ថែមថា គិតមកដល់បច្ចុប្បន្ន Nham24 មានបុគ្គលិកជាង៣០០នាក់ធ្វើការនៅក្នុងការិយាល័យ និងមានអ្នកបើកបរដឹកជញ្ជូនជាង២៥០០នាក់។ 

ដូច្នេះសម្រាប់បងប្អូនដែលចង់ទទួលបាននូវរសជាតិបឺហ្គឺរដែលមានគុណភាពរសជាតិឆ្ងាញ់ តម្លៃសមរម្យ សេវាកម្មរហ័សកុំភ្លេច Belly Burgerដែលមានទីតាំងនៅផ្លូវ២០០៤ ឬនៅផ្សារ Eden Garden និងសាខាទួលទំពូងទាំងអស់​គ្នា ឬក៏អាចកុម្ម៉ង់ទិញតាម App ដឹកជញ្ជូនផងដែរ៕

The post កូនខ្មែរអស្ចារ្យ! ឆ្នៃហាងឡូយដូចនៅបរទេសលក់ដាច់សឹងរាល់ថ្ងៃ appeared first on .

បើតាមអាជីវករម្នាក់លក់នំបញ្ចុក បបរនិងភេសជ្ជៈនៅក្បែរឬមុខរោងចក្រផលិតស្បែកជើង លីនវេណជីសាន់ចូរអេនធើប្រាយ ស្ថិតនៅក្នុងទីដីខេត្តកណ្តាល បានឱ្យដឹងថា នៅចុងខែកម្មកររោងចក្រស៊ឹងគ្រប់គ្នាអត់សូវសំបូរលុយចាយប៉ុន្មានទេ ប៉ុន្តែនៅដើមខែរយៈពេល២ថ្ងៃដំបូងបន្ទាប់បើកប្រាក់ខែ នៅក្នុងមួយថ្ងៃអាចលក់បានលុយពី៣០ទៅ៤០ម៉ឺនរៀលតាមរយៈ បបរ នំបញ្ចុកនិងភេសជ្ជៈ។

បើតាមអ្នកស្រីដែលជាអ្នកប្រកបមុខរបរខាងលើ ហេតុផលក្រៅពីនៅចុងខែកម្មករ កម្មការីមិនសូវជាទិញអ្វីហូបនៅខាងមុខរោងចក្រ នៅខាងក្នុងបរិវេណរោងចក្រគេបង្កើតឱ្យមានកន្លែងលក់ទៅតាមប្រភេទចំណីអាហារផ្សេងៗគ្នា។ តែទោះជាយ៉ាងនេះក្តីកម្មករ កម្មការីទំាងអស់នៅតែមិនសូវសំបូរលុយចាយនោះទេព្រោះនៅរយៈចុងក្រោយនេះក្រុមកម្មរមិនសូវមានការងារធ្វើម៉ោង។

អ្នកស្រីថា នៅរោងចក្រនេះបើសិនអត់មានផ្សារនៅខាងក្នុង ទុកឱ្យកម្មករចេញមករកអ្វីបរិភោគនៅខាងក្រៅរោងចក្រអាចធ្វើឱ្យស្ទះចរចាររាប់ម៉ោងបើមិនមានអ្នកជួយសម្រួលចរាចរនោះទេ។

អ្នកស្រីលក់នំបញ្ចុកថា ការលក់រាល់ថ្ងៃនេះពេលថ្លៃលក់ដាច់ តែថ្ងៃខ្លះក៏អត់ក៏មាន។ជារួមក្នុងមួយខែក្រោយពីកាត់ថ្លៃផ្ទះជួលអស់១០០ដុល្លារអាមេរិកមកមិនឃើញមានលុយទុកសន្សំធ្វើមានធ្វើបានអីនោះ ឃើញលុយត្រឹមតែវិលទៅវិលមកនៅក្នុងគ្រួសារ ប្រៀបបានទៅនិងសេដ្ឋកិច្ចគ្រួសារមានត្រឹមតែខ្យល់ដកដង្ហើប។

ចំណែកអ្នកលក់ភេសជ្ជៈនៅមុខរោងចក្រ«Wintai Sock Manufacture និងរោងចក្រ JD& Toyoshima»ស្ថិតនៅក្នុងទីដីខេត្តតាកែវបានឱ្យដឹងថាមកដល់ឥឡូវលក់មិនសូវដាច់ទេ ព្រោះមិនសូវមានមនុស្ស ព្រោះគេរំសាយកម្មករព្រោះអត់មានការងារធ្វើលក់បានលុយតែ២០ម៉ឺនរៀលក្នុងមួយថ្ងៃ តែកាលពីមុនលក់ដាច់ខ្លំាងដោយក្នុងមួយថ្ងៃអាចលក់បានលុយរហូតដល់៤០ម៉ឺនរៀល៕ អត្ថបទ៖សារេត

The post អ្នកប្រកបរបរលក់ដូរមុខរោងចក្រជួយឱ្យសេដ្ឋកិច្ចគ្រួសារមានត្រឹមតែដង្ហើម មិនអាចក្លាយជាអ្នកមានបាន appeared first on .

បើតាមលោកស្រី កម្លាំងពលកម្មស្រ្តីមានប្រមាណ ៨៤ % ហើយស្រ្តីប្រមាណ ៦១% ជាម្ចាស់អាជីកម្ម ឬ អ្នកធ្វើធុរកិច្ច ដែលជាអត្រាខ្ពស់ក្នុងតំបន់។ នៅឆ្នាំ២០២២ ស្ត្រីជាម្ចាស់ក្រុមហ៊ុន មានកើនឡើងចន្លោះពី ២០%ទៅ ២២% និងស្ត្រីជាម្ចាស់សហគ្រាសកើនពីចន្លោះពី ៣០% ទៅ ៣២%។

ទោះជាយ៉ាងណា លោកស្រី អ៉ឹង កន្ថាផាវី បញ្ជាក់ថា ទន្ទឹមនឹងលទ្ធផលសម្រេចបាននេះ នៅមានបញ្ហាប្រឈម និងកង្វល់មួយចំនួនដែលត្រូវបន្តរួមគ្នាដោះស្រាយ តាមរយះយន្តការបញ្ជ្រាបយេនឌ័រនៅថ្នាក់ជាតិ និងក្រោមជាតិ កិច្ចការពារសិទ្ធិស្ត្រី តម្រូវឱ្យមានការអភិវឌ្ឍធនធានមនុស្ស និងការធ្វើទំនើបកម្មស្ថាប័ន ពង្រីកវិសាល ភាពការងារ ដើម្បីឆ្លើយតបទៅការវិវត្តន៍ថ្មីៗ និងបញ្ហារបស់ស្ត្រី និងក្មេងស្រី មានជាអាទិ៍ បទពិសោធន៍ ចំណេះដឹង ជំនាញ ទីផ្សារការងារ និងមុខរបរ និងសុវត្ថិភាពពាក់ព័ន្ធបច្ចេកវិទ្យាឌីជីថលដើម។ 

ជាមួយគ្នានោះ លោកស្រីបានបញ្ជាក់បន្ថែមថា ឆ្នាំ២០២២ មន្ត្រីរាជការស្ត្រី មានចំនួន ៦៨២២ នាក់ នៃមន្ត្រីរាជការសរុប ២៨៥៤២នាក់ បានទទួលការពង្រឹងសមត្ថភាពលើចំណេះដឹង និងជំនាញផ្សេងៗ ទាំងនៅក្នុងប្រទេស និងក្រៅប្រទេស។

ទន្ទឹមនឹងនោះដែរ លោកស្រីក៏បានគូសបញ្ជាក់អំពីការយកចិត្តទុករបស់ប្រមុខរាជរដ្ឋាភិបាលកម្ពុជា ដែលបានផ្តល់អាទិភាពខ្ពស់ក្នុងការជំរុញ និងលើកកម្ពស់សមភាពយេនឌ័រ និងស្ថានភាពស្រ្តីលើគ្រប់វិស័យ និងគ្រប់កម្រិត ក្នុងការអនុវត្តច្បាប់ គោលនយោបាយ និងវិធានការនានា តាមរយៈយន្តការថ្នាក់ជាតិ និងថ្នាក់ក្រោមជាតិ ជាពិសេស សម្តេចតេជោនាយករដ្ឋមន្ត្រី ដែលជានិច្ចកាលតែងផ្តល់នូវការគាំទ្រយ៉ាងពេញទំហឹងទាំងស្មារតី និងថវិកាដល់ដំណើរការសកម្មភាពរបស់ក្រុមប្រឹក្សាជាតិកម្ពុជាដើម្បីស្ត្រី ឱ្យសម្រេចបាននូវវឌ្ឍនភាពជាទីមោទនៈ ក្រោមសុខសន្តិភាពជាតិ៕

The post ចំនួនស្ត្រីជាម្ចាស់អាជីវកម្មនៅកម្ពុជា មានអត្រាខ្ពស់ជាងគេក្នុងតំបន់ appeared first on .

លោក ភី ទី ម្ចាស់​កសិដ្ឋានចិញ្ចឹមមាន់យកពងលក់ បានលើកឡើងថា កសិដ្ឋានរបស់លោកឈរជើងបានរយៈពេល ២ឆ្នាំហើយ ដោយគិតចាប់ពីឆ្នាំ​២០២០ អំឡុងពេលប្រទេសកម្ពុជាកំពុងជួបស្ថានភាពវិបត្តិកូវីដ-១៩ ដែលបណ្ដាលឱ្យលោក​បែកគំនិតច្នៃប្រឌិត​បើកកសិដ្ឋានចិញ្ចឹមមាន់នេះឡើង ដោយចំណាយទុនត្រឹម ១ពាន់ដុល្លារ ហើយប្រើរយៈពេលតែ ៣ខែប៉ុណ្ណោះ អាចស្រង់ដើមមកវិញបាន។

ម្ចាស់កសិដ្ឋាន វ័យ២៤ឆ្នាំរូបនេះ បានបន្តទៀតថា ក្នុងកសិដ្ឋានរបស់លោកចិញ្ចឹមមេមាន់ចំនួន ១ម៉ឺនក្បាល ដែលក្នុងនោះមេមាន់មួយអាចពងបាន ២គ្រាប់ ហើយក្នុងមួយថ្ងៃប្រមូលស៊ុតបាន ១២០០០គ្រាប់ ខណៈដែល​ទីផ្សារស៊ុតរាល់ថ្ងៃមានលក្ខណៈល្អ មានតម្រូវការច្រើន និងមានភាពទូលំទូលាយពីឈ្មួញ។

ទន្ទឹមនឹងការទទួលបានភាពជោគជ័យ លោកក៏ជួបបញ្ហាខ្លះៗដែរក្នុងការចិញ្ចឹម ដូចជា ផ្គត់ផ្គង់ចំណី ការដាក់ថ្នាំ​មិនបានដិតដល់ជាដើម។ ទោះ​យ៉ាងណា លោកបានបង្ហើបទៀតថា កត្តាដែលធ្វើឱ្យលោកជោគជ័យ​មកដល់​សព្វថ្ងៃ គឺភាពស្មោះត្រង់ក្នុងការរកស៊ី ផ្ដល់ដំណោះស្រាយឱ្យភ្ញៀវ មានទំនួលខុសត្រូវខ្ពស់ទៅលើតម្រូវការទីផ្សារ គុណភាពល្អ និងមានតម្លៃសមរម្យ។

បន្ថែមពីនេះ លោកក៏សំណូមពរដល់បងប្អូនប្រជាពលរដ្ឋឱ្យជួយលើកស្ទួយគាំទ្រផលិតផលខ្មែរ ជួយទិញ​ផលិត​ផលខ្មែរដែលខ្មែរជាអ្នកបង្កើតឡើង ហើយងាកមកចូលរួមចិញ្ចឹមទាំងអស់គ្នាឡើងវិញ ដើម្បីឱ្យជីវភាពប្រសើរ​ឡើង ទីផ្សារខ្មែរកាន់តែមានភាពទូលាយ និងបង្កើនតម្រូវការខ្ពស់ថែមទៀត។

សូមបញ្ជាក់បន្តិចថា កសិដ្ឋានចិញ្ចឹមមាន់របស់កសិករវ័យក្មេង លោក ភី ទី មិនត្រឹមតែផ្គត់ផ្គង់ស៊ុតតែប៉ុណ្ណោះទេ ក៏មានទិសដៅចិញ្ចឹមយកកូន ដើម្បីផ្ដល់ជាពូជកូនមាន់ទៅឱ្យប្រជាពលរដ្ឋ ដែលចង់ជាវយកទៅចិញ្ចឹមបន្ត ដែល​កន្លង​មក លោកបានបណ្ដុះបណ្ដាលកូនសិស្សបានប្រមាណ ១ពាន់នាក់ ហើយកសិដ្ឋាននេះ ក៏ទទួលផ្គត់ផ្គង់​សាច់មាន់ និងទានៅពេលមានតម្រូវការច្រើន និងបុណ្យទានផងដែរ៕

The post កសិករវ័យក្មេងម្នាក់ ចិញ្ចឹមមាន់យកពង រកចំណូលបានមួយខែ ១ពាន់ដុល្លារ appeared first on .

ថ្លែងប្រាប់សារព័ត៌មានឧកញ៉ាញូស៍ លោកស្រី មូល សុខនី ម្ចាស់ហាងឈ្មោះ ជ្រូកខ្វៃ ទាខ្វៃ ឆ្ងាញ់ស្រីធំច្បារអំពៅ បានលើកឡើងថា ទីផ្សារជ្រូកខ្វៃរាល់ថ្ងៃមានអាជីវករបើកលក់ច្រើន ខណៈដែលហាងលោកស្រីមានការជាវ និងគាំទ្រក្នុងមួយថ្ងៃខ្វៃប្រមាណ ៥ក្បាល និងនាំចូលជ្រូករស់ចំនួន ១៥០ក្បាលក្នុងមួយខែ ដែលយកមកពីខេត្តមណ្ឌលគីរី រតនៈគីរី ស្ទឹងត្រែង និងព្រះវិហារ។

លោកស្រីបន្តថា នៅក្នុងឱកាសបុណ្យចូលឆ្នាំចិន-វៀតណាម ឆ្នាំ២០២៣នេះ តម្រូវការជ្រូកខ្វៃមានទីផ្សារល្អប្រសើរជាងឆ្នាំកន្លងទៅ ជារួមតម្លៃលក់ចន្លោះ ១០ដុល្លារឡើងទៅក្នុងមួយគីឡូ ខណៈកាលពីឆ្នាំ២០២២កន្លងទៅ ជ្រូកខ្វៃទម្ងន់ ១គីឡូ តម្លៃ ៦៥,០០០រៀល ប៉ុន្តែចាប់ពីទម្ងន់៨-១៣ គីឡូក្រាម ម៉ៅក្នុងតម្លៃ ៦២ម៉ឺន ទៅ ៦៣ម៉ឺនរៀល ក្នុង១ក្បាល។ បើតាមលោកស្រី សុខនី អត្រាលក់ដាច់រវាងចូលឆ្នាំខ្មែរ និងចូលឆ្នាំចិន គឺឱកាសចូលឆ្នាំចិនមានការលក់ដាច់ច្រើនជាង។

លោកស្រីបន្តថា កត្តាដែលធ្វើឱ្យលោកស្រីជោគជ័យលើការលក់ដូរ ព្រមទាំងមានការចាប់អារម្មណ៍ទិញយ៉ាងច្រើនពីអតិថិជន ដោយសារតែផលិតផលលោកស្រីមានរសជាតិឆ្ងាញ់ និងគុណភាពជ្រូកដែលជាជ្រូកល្អលេខ១ សាច់ធម្មជាតិសុទ្ធ មិនមែនជ្រូកនាំចូលពីក្រៅមកលក់បន្តនោះទេ។ ហើយចំណុចពិសេសយ៉ាងសំខាន់មួយទៀតនោះគឺ ទំនុកចិត្តទំនួលខុសត្រូវអ្នកលក់ និងការស្រលាញ់ចូលចិត្តលើការងារនេះឯង។

យ៉ាងណា ទន្ទឹមនឹងការគាំទ្រពីសំណាក់អតិថិជនជារៀងរាល់ថ្ងៃ និងនៅគ្រប់រដូវបុណ្យទានម្តងៗ លោកស្រី មូល សុខនី ក៏ជួបបញ្ហាប្រឈមមួយចំនួនផងដែរ ដូចជា នៅពេលដែលមានការជាវតាមអនឡាញ ការដឹកជញ្ជូនជូនភ្ញៀវយឺតពេលតិចតួចធ្វើឱ្យភ្ញៀវមិនទទួលយកបណ្ដាលឱ្យសល់ខាត និងដោយសារកត្តាប្រឈមមើលមិនឃើញតាមផ្លូវជាដើម។ ប៉ុន្តែនៅតែមានអតិថិជនខ្លះ ស្រលាញ់ចូលចិត្ត និងជួយគាំទ្រទិញយកមកបរិភោគដដែល៕

The post ឈរជើងលើទីផ្សារ ៣២ឆ្នាំហាងជ្រូកខ្វៃ ទាខ្វៃឆ្ងាញ់ស្រីធំច្បារអំពៅ ពង្រីកខ្លួនបាន២សាខា appeared first on .

បើតាមក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ មានក្រុមហ៊ុនមួយចំនួនបានបង្កើនឱកាសបង្កើតប្រាក់ចំណូល និងស្តង់ដាររស់នៅរបស់ប្រជាជន ដែលនៅកម្រិត របារពីរ៉ាមីត “BoP” ឬ ក្រុមមនុស្សដែលមានចំណូលទាប នៅបាតពីរ៉ាមីតដែលមានអត្រា ប្រមាណ ៤០% “B40” ។ អាជីវកម្មបរិយាប័ន្នជាប្រភេទអាជីវកម្ម ដែលផ្តល់ប្រយោជន៍ដល់ ប្រជាជនក្រីក្រ និងម្ចាស់អាជីវកម្ម ក៏ដូចជាគុណតម្លៃនៃការអភិវឌ្ឍចំពោះរដ្ឋាភិបាល និងសង្គម។

ក្រុមហ៊ុនដែលមានអាជីវកម្មបរិយាប័ន្ន ត្រូវបានបែងចែកជា ៣ ប្រភេទ ដូចខាងក្រោម៖
-គំរូអាជីវកម្មបរិយាប័ន្ន ត្រូវបានបង្កើតដោយក្រុមហ៊ុនខ្នាតមធ្យម និងខ្នាតធំ ដែលផ្តល់ការ ជះឥទ្ធិពលធំដល់សង្គម។
-គំនិតផ្តួចផ្តើមអាជីវកម្មបរិយាប័ន្ន កើតចេញពីក្រុមហ៊ុនខ្នាតតូច និងសហគ្រាសសង្គមរកប្រាក់ចំណេញ។
-សកម្មភាពអាជីវកម្មបរិយាប័ន្ន ភាគច្រើនកើតចេញពីក្រុមហ៊ុនខា្នតធំ (គំរូអាជីវកម្មបរិយាប័ន្ន) ក្រុមហ៊ុនខ្នាតតូច និងសហគ្រាសសង្គមរកប្រាក់ចំណេញ ក៏ដូចជាក្រុមហ៊ុនខ្នាតធំដែលបង្ហាញ ទំនួលខុសត្រូវសង្គមជាយុទ្ធសាស្ត្រ ដោយ មិនមែនជាការផ្តល់អំណោយម្តងម្កាល ប៉ុន្តែសាកល្បងចាប់យកគំរូអាជីវកម្មបរិយាប័ន្ន ដែលមាននិរន្តរភាពជាងមុន។

ភាពច្នៃប្រឌិតរបស់បណ្តាក្រុមហ៊ុនអាជីវកម្មបរិយាប័ន្ន៖ សម្រាប់ក្រុមហ៊ុនអាជីវកម្មបរិយាប័ន្ន ភាពជោគជ័យនៃ ការធ្វើធុរកិច្ច នឹងនាំមកនូវការផ្តល់ឥទ្ធិពលជាវិជ្ជមានដល់សង្គមទៅវិញទៅមក។ ក្រុមហ៊ុនអាជីវកម្មបរិយាប័ន្ន មួយចំនួនទៀត ក៏បានយកចិត្តទុកដាក់ទៅលើដំណោះស្រាយបញ្ហា បរិស្ថានផងដែរ បើទោះជាគោលបំណងចម្បងនៃ អាជីវកម្មបរិយាប័ន្ន គឺការផ្តោតទៅលើប្រជាជនក្រីក្រ មិនមែនបរិស្ថាន ឬការប្រែប្រួលអាកាសធាតុក្តី។

អាជីវកម្មបរិយាប័ន្នភាគច្រើនជាសហគ្រាសធុនមធ្យម៖ សហគ្រាសទាំងនោះមានប្រាក់ចំណូលប្រចាំឆ្នាំចន្លោះពី ១ ទៅ ១០លានដុល្លារអាមេរិក។ ធុរកិច្ចថ្មី និងក្រុមហ៊ុនខ្នាតតូច ដែលមានប្រាក់ចំណូលក្រោម 0,១ លានដុល្លារអាមេរិក មិនត្រូវបានចាត់ទុកជាអាជីវកម្មបរិយាប័ន្ននោះទេ។ ក្រុមហ៊ុនខ្នាតធំមួយចំនួនមានបន្ទាត់អាជីវកម្មបរិយាប័ន្ន ដែលខុសប្លែក ពីអាជីវកម្មគោលរបស់ពួកគេ។

ជាមួយគ្នានេះ អាជីវកម្មបរិយាប័ន្នខុសគ្នាពីសហគ្រាសសង្គម ដោយលើវិសាលភាពនៃការផ្តល់ឥទ្ធិពលជាវិជ្ជមានដល់សង្គម និងភាពជោគជ័យរបស់អាជីវកម្មផ្ទាល់ បើធៀបទៅនឹងការឧបត្ថម្ភ ឬបរិច្ចាគទំហំប្រាក់ចំណូលរបស់សាជីវកម្មសហគ្រាស​ សង្គម។ ភាពខុសគ្នាផ្នែកទំនួលខុសត្រូវសង្គមរបស់សាជីវកម្ម និងអាជីវកម្មបរិយាប័ន្ន គឹស្ថិតត្រង់លក្ខណៈវិសេស របស់អាជីវកម្មបរិយាប័ន្នផ្ទាល់ ដែលផ្តោតភាពជោគជ័យនៃអាជីវកម្ម ការផ្តល់វិសាលភាពធំធេងដល់សង្គម​មានលក្ខណៈជាប្រព័ន្ធ។

រាជរដ្ឋាភិបាលកម្ពុជាបានផ្តួចផ្តើមនូវយុទ្ធសាស្ត្រស្តីពីការជំរុញអាជីវកម្មបរិយាប័ន្ននៅកម្ពុជា (IBEEC)។ យុទ្ធសាស្ត្រនេះ មានអនុសាសន៍គោលគាំទ្រដល់ការជំរុញឱ្យមានការវិនិយោគទៅលើប្រភេទអាជីវកម្ម បរិយាប័ន្នបន្ថែមទៀត និងកាន់តែស៊ីជម្រៅ។

នៅក្នុងអនុសាសន៍នេះ បានបង្កើតប្រព័ន្ធវាយតម្លៃទទួលស្គាល់អាជីវកម្មបរិយាប័ន្ន។ ពិសេសនោះ សិក្សាលទ្ធភាពក្នុងការផ្តល់ការលើកទឹកចិត្តលើផ្នែកពន្ធដារ ដល់អាជីវកម្មបរិយាប័ន្ន តាមរយៈច្បាប់វិនិយោគថ្មី៕

The post តើអាជីវកម្មបរិយាប័ន្ន ផ្តល់ផលប្រយោជន៍អ្វីដល់សេដ្ឋកិច្ច-សង្គម? appeared first on .

លោក កឹម អឿន អគ្គនាយកសហគ្រាសអប់រំហូមឌូខេសិន នៅក្នុងសន្និសីទសារព័ត៌មានស្តីពីវេទិកាម្ចាស់អាជីវកម្មកម្ពុជា នាព្រឹកថ្ងៃចន្ទទី២៩សីហានេះ បានឲ្យដឹងថា វេទិកានេះ ដើម្បីផ្តល់ព័ត៌មានដល់អាជីវកទៅថ្ងៃអនាគត SMEមានដំណើរអភិវឌ្ឍន៍ទៅណា? សេដ្ឋកិច្ចពិភពលោកទៅណា? សេដ្ឋកិច្ចតំបន់ សេដ្ឋកិច្ចប្រទេសកម្ពុជាកំពុងតម្រង់ទៅណា? ហើយបានជះឥទ្ធិពលអ្វីខ្លះទាំងវិជ្ជមានទាំងអវិជ្ជមានមកលើម្ចាស់អាជីវកម្ម។

បើតាមលោក កឹម អឿន វេទិកានេះគ្រោងនឹងធ្វើឡើងពេញមួយថ្ងៃ នៅថ្ងៃទី៣ ខែកញ្ញាខាងមុខនេះ ហើយរំពឹងថានឹងមានអ្នកចូលរួមមកពីសមាគមអាជីវកម្ម អ្នករៀបចំគោលនយោបាយ ធនាគារ អ្នករកស៊ីម្ចាស់អាជីវកម្ម ម្ចាស់ជំនួយ ស្ថាប័នពាក់ព័ន្ធ និងមានអ្នកជំនាញប្រហែលជា ១០រូបនិងមកធ្វើការចែក រំលែក និងមានការជជែកវែកញែកច្រើនដោយមានប្រធានបទផ្សេងៗគ្នា។

លោកបន្ថែមថា ក្នុងនោះវេទិកាក៏មាន ក៏មានការចែករំលែកបទពិសោធ ចំណេះដឹង ជំនាញក្នុងការជំរុញអោយអាជីវកម្មខ្នាតតូច និងមធ្យមឱ្យកាន់តែរីកចម្រើនទៅមុខ៕

The post ម្ចាស់អាជីវកម្ម និងអ្នកជំនាញនឹងជួបជជែកគ្នាលើរឿងរ៉ាវការអភិវឌ្ឍវិស័យSMEនៅកម្ពុជា ក្រោយសម័យកូវីដ appeared first on .

ផ្តល់​បទសម្ភាសន៍ជាមួយឧកញ៉ាញូស៍ អ្នកស្រី ណែន ដាលីន ជាម្ចាស់ចំការដំណាំចន្ធូ រស់នៅក្នុងភូមិត្រពាំងល្ពៅ ឃុំជយោ ស្រុកចំការលើ ខេត្តកំពង់ចាម បានរៀបរាប់ឲ្យដឹងថា មុខ​របរ​ដាំ​ផ្កា​ចន្ធូនេះ អ្នកស្រី​ចាប់ផ្តើម​ជាង​​មួយឆ្នាំមកហើយ។ ក្រៅពីដាំផ្កាចន្ធូលក់ក៏មានលក់ផ្កាលំអជាច្រើនទៀតរួមមាន ផ្កាត្របែកព្រៃជាដើម។

កសិករ​រូបនេះ​បន្ត​ថា រៀងរាល់ថ្ងៃសីលក្នុងរយៈពេល ០១ ខែ អ្នកស្រី​អាច​កាត់ផ្កាប្រមូលផលបានចំនួន ០៤ លើក (០៤ថ្ងៃសីលក្នុងមួយខែ)។ ចំពោះការប្រមូលផលវិញធ្វើឡើង ០១ សប្តាហ៍ម្តង ដែលទទួលបានប្រាក់ ៧០ ០០០រៀល ទៅ ៨០ ០០០រៀល។

បើ​តាម​​ស្រ្តី​រូបនេះ​ ការ​ដាំ​ចន្ធូរ​នេះ​អ្នក​ស្រី​​មិនត្រឹមតែលក់ផ្កាប៉ុណ្ណោះទេ ក៏លក់ទាំងមើមផងដែរ ទាំង​លក់រាយនិងបោះដុំ។ ដោយតម្លៃរាយរបស់ផ្កា ២០០០០រៀលក្នុងមួយគីឡូក្រាម ចំណែកមើម តម្លៃ ២០០០០រៀលក្នុងមួយគី
ឡូក្រាម​ដូចគ្នា។

ស្រ្តី​អ្នក​ដាំ​ចន្ធូ​លក់​នេះ ក៏​បង្ហាញ​ពី​បច្ចេកទេស​ដាំ​ចន្ធូគឺមិនខុសពីការដាំបន្លែប៉ុន្មានទេ ដោយកាប់ដីឬរណ្តៅ ដាំជាជួរឬរង ដូចជាដំឡូងក៏បាន អាស្រ័យទៅលើចិត្តអ្នកចង់ដាំ និង ទីតាំង បើសិនជាដីលិចទឹកអាចលើករងបាន។

កសិករ​​ដាំចន្ធូរ​លក់​រូបនេះ​ ក៏​លើក​ពីបញ្ហាលំបាក​ខ្លះ​ដូចជា ទីផ្សាមិនទាន់ទូលំទូលាយ ពិសេសនៅជនបទព្រោះអ្នកស្រីលក់តែក្នុងស្រុក។ ទោះបីជាយ៉ាងណា កសិករវ័យ៣៥ឆ្នាំរូបនេះ មិនផ្អាកឬឈប់ដាំទេ គឺថែមទាំងចង់ពង្រីកចំការនេះឲ្យកាន់តែធំជាងនេះទៀត រកដីមកដាំកាន់តែច្រើន ព្រោះសព្វថ្ងៃ ដីមានលក្ខណៈតូច ចង្អៀត៕

The post ដាំផ្កាចន្ធូលក់​​ មួយខែ​រកចំណូលខ្ទង់ ២៨ម៉ឺន ទៅ ៤០ម៉ឺនរៀល appeared first on .

ផ្សារអូក្រាអាហារធម្មជាតិ គ្រប់គ្រងដោយអ្នកស្រី នូ សុខជាតិ បើកដំណើរការអស់រយៈពេល ១៨ ឆ្នាំមកហើយ ដែលមានទីតាំងស្ថិតនៅលើផ្លូវ ៥៩២ កែង ៣៣៥ សង្កាត់បឹងកក់ ២ ខណ្ឌទួលគោក ខាងជើងសាលាវិទ្យាល័យឥន្រ្តទេវី។​ ផ្សារនេះមានលក់កសិផលដូចជាបន្លែ ផ្លែឈើ សរីរាង្គធម្មជាតិគ្រប់មុខ ដោយមានសហគមន៍ដាំដុះសម្រាប់ផ្គត់ផ្គង់​ទីផ្សារ​ផ្ទាល់ខ្លួនផង និងដៃគូផ្គត់ផ្គង់ផលិតផលសរីរាង្គមកពីបណ្ដាខេត្តមួយចំនួនផង។

កញ្ញា ពេជ្រ លីដា ជាប្រធានផ្នែកលក់របស់ផ្សារអូក្រា បានឲ្យឧកញ៉ាញូស៍ដឹងថា ផ្សារអូក្រាអាហារធម្មជាតិលេចរូប​រាងឡើងក្នុងគោលបំណង ដើម្បីកាត់បន្ថយភាពគ្មានការងារធ្វើរបស់ប្រជាជន និង​ដើម្បី​ឲ្យប្រជាជនទាំងអស់បានស្គាល់និងពិសារនូវអាហារសរីរាង្គនៅក្នុងស្រុកគ្មានជាតិគីមី។ ជាមួយគ្នា​នេះ​ ការ​ដំណើរការ​ផ្សា​រនេះក៏​ដោយសារ​ម្ចាស់សហគមន៍ផ្សារផ្ទាល់ជា​អ្នក​ស្រលាញ់ខាងកសិកម្ម ទើបបង្កើតជាសហគមន៍ឲ្យមានការដាំដុះជាប្រភេទបន្លែផ្លែឈើសរីរាង្គ ដើម្បីកាត់បន្ថយការនាំចូលបន្លែផ្លែឈើដែលមានជាតិគីមីពីក្រៅស្រុក។

ប្រធានផ្នែកលក់រូបនេះបានបញ្ជាក់បន្ថែមថា​ ក្រៅពីបន្លែនិងផ្លែឈើ ផ្សារអូក្រាអាហារធម្មជាតិ ក៏​មានលក់ជាប្រភេទ​សាច់ (ត្រី ជ្រូក គោ មាន់) គ្រឿងទេសជាច្រើនទៀត និងផ្តោតសំខាន់ជាងគេទៅលើប្រភេទអង្ករសរីរាង្គដែលថែទាំតាមបែបគោលការណ៍ធម្មជាតិ និងធានាជូនអតិថិជនថាជាអង្ករដែលធ្វើដោយដៃ សម្រិតសម្រាំងដោយ​ប្រជា​កសិករ មិនប្រើជីគីមី។ ប្រភេទអង្ករទាំងនោះរួមមាន៖ អង្ករផ្កាម្លិះ ផ្ការំដួល ម្លិះសំរ៉ូប និងអង្ករផ្កាម្លិះនាងខ្មៅ នាំយកពីខេត្តកំពង់ស្ពឺ ខេត្តកំពត និងកំពង់ឆ្នាំង ដែលជាដៃគូរផ្គត់ផ្គង់របស់ផ្សារអូក្រា។

សម្រាប់ទីតាំងសហគមន៍កសិផលរបស់ផ្សារអូក្រាផ្ទាល់មានដូចជា សហគមន៍សម្បូរសប្បាយព្រៃក្ដួច ស្ថិតនៅក្នុងខេត្តតាកែវ, សហគមន៍មនោសុខ ខេត្តកំពត សហគមន៍សម្បូរនាគ ខេត្តព្រះវិហារ និងសហគមន៍អូសោម ខេត្តពោធិ៍សាត់។

ចំណែកដៃគូសហការរួមមាន៖ ខេត្តសៀមរាប និងបាត់ដំបងផ្គត់ផ្គង់ជាប្រភេទផ្លែឈើ, ខេត្តមណ្ឌលគិរីជាប្រភេទបន្លែ ផ្លែប័រនិងកាហ្វេ, និងតាមបណ្ដាខេត្តមួយចំនួនទៀត សុទ្ធសឹងជាដៃគូសហការរបស់ផ្សារអូក្រាយូរឆ្នាំមកហើយ ។ មុននឹងចាប់ដៃគ្នាផ្គត់ផ្គង់ទីផ្សារខាងអ្នកជំនាញផ្សារអូក្រារក៏បានទៅពិនិត្យប្រភេទដី និងសារធាតុផ្សេងៗទៀតទើបអាចនាំយកមកលក់នៅក្នុងផ្សារបាន៕

The post ផ្សារ​សហគមន៍​​មួយ​បង្កើត​ឡើង​ជាង ១៨ ឆ្នាំ ដើម្បីលើកស្ទួយកសិផលធម្មជាតិក្នុងស្រុក appeared first on .