អ៊ឹង ឈីវលី

កូនប្រុសពៅសម្ដេច សុខ អាន ចូលរោងការជាមួយកូនស្រីឧកញ៉ា កែវ មុំ ជាផ្លូវការ នៅព្រឹកនេះ

ឧកញ៉ាដែនដី — Wed, 27 Mar 2024 01:43:19 +0000

លោក សុខ សង្វារ រដ្ឋលេខាធិការក្រសួងមុខងារសាធារណៈ ដែលជាកូនប្រុសពៅរបស់សម្ដេចវិបុលបញ្ញា សុខ អាន បានចូលរោងជ័យរៀបមង្គលការជាមួយកញ្ញា អ៊ឹង ឈីវលី ហៅ លីលី ម្ចាស់ក្រុមហ៊ុនផលិតនំស្រួយលីលី និងជាកូនស្រីរបស់លោកស្រីឧកញ៉ា កែវ មុំ នៅគេហដ្ឋានសម្ដេច សុខ អាន លើផ្លូវសម្ដេចប៉ាន នាព្រឹកថ្ងៃពុធ ទី២៧ ខែមីនា ឆ្នាំ២០២៤នេះ។

មុនដល់ថ្ងៃចូលរោងជ័យនេះ លោក សុខ សង្វារ ក៏បានបង្ហាញរូបថតដែលខ្លួននិងភរិយា ថតក្នុងប្លង់ដូចគ្នាកាល សម្ដេចវិបុលបញ្ញា សុខ អាន និងលោកស្រី ថេង អាយអាន្នី បានថតជាមួយគ្នា អំឡុងទសវត្សរ៍ឆ្នាំ៨០។ លោក សង្វារ បានលើកឡើងលើទំព័រហ្វេសប៊ុក កាលពីថ្ងៃអង្គារម្សិលមិញថា៖ “ចូលរោងការស្អែកហើយ ខ្ញុំបានសួរម៉ែថា តើរូបនេះថតពីពេលណា? ម៉ែថាថតក្រោយសម័យប៉ុល ពត ប្រហែលអំឡុងឆ្នាំ១៩៨៥-១៩៨៧។ ស្រដៀងគ្នាដែរ នៅ២០២៤ ខ្ញុំឈរនៅទីនេះជាមួយលីលី នៅ៤ទសវត្សក្រោយ”។

លោកស្រីឧកញ៉ា កែវ មុំ បានបញ្ជាក់ឱ្យដឹងតាមបណ្តាញសង្គមថា កម្មវិធីសិរីមង្គលកូនប្រុសកូនស្រី នឹងប្រព្រឹត្តធ្វើឡើងរយៈពេល ២ថ្ងៃពេញតែម្តង គឺនៅថ្ងៃទី២៧-២៨ ខែមីនា ឆ្នាំ២០២៤។ លោកស្រីឧកញ៉ា ក៏ធ្លាប់បានបញ្ជាក់ផងដែរថា កម្មវិធីមង្គលការកូនស្រីរបស់លោកស្រីនេះ នឹងមានចាក់បញ្ចាំង នូវទីរមណីយដ្ឋាន ស្អាតប្លែក ប្រណិត អស្ចារ្យ មច្ឆរិយៈ ក្នុងប្រទេសកម្ពុជា ជាច្រើនកន្លែង៕

The post កូនប្រុសពៅសម្ដេច សុខ អាន ចូលរោងការជាមួយកូនស្រីឧកញ៉ា កែវ មុំ ជាផ្លូវការ នៅព្រឹកនេះ appeared first on .

កៀកថ្ងៃពិសេសរបស់កូនស្រីឧកញ៉ា កែវ មុំ និងកូនប្រុសសម្ដេចវិបុលបញ្ញា សុខ អាន

រ៉េត សុកធា — Tue, 19 Mar 2024 02:20:05 +0000

នៅតែប៉ុន្មានថ្ងៃទៀតនឹងដល់ថ្ងៃដែលកូនប្រុសសម្ដេចវិបុលបញ្ញា សុខ អាន ចូលរោងជ័យជាមួយកូនស្រីឧកញ៉ា កែវ មុំ ម្ចាស់ក្រុមហ៊ុនផលិតនំស្រួយលីលី។

វេលាជ័យមកដល់ថ្ងៃ ២៨ ខែមីនា ឆ្នាំ ២០២៤ នេះហើយ នៅគេហដ្ឋានសម្ដេច សុខ អាន ផ្ទាល់នាផ្លូវសម្ដេចប៉ាន។ កូនកំលោះនាម សុខ សង្វារ និងកូនក្រមុំនាម អ៊ឹង ឈីវលី ហើយមុនដល់ថ្ងៃពិសេសកូនកំលោះឆ្លៀតបង្ហោះរូបភាព pre-wedding ខ្លះ ដែលបង្ហាញពីតំបន់ទេសចរណ៍របស់កម្ពុជាយើងដែរ។

កូនកំលោះដែលជារដ្ឋលេខាធិការក្រសួងមុខងារសាធារណៈ បានបង្ហាញរូបភាព pre-wedding ដែលទៅថតនៅ វាលធំ ដែលមានទេសភាពបៃតងស្រងាត់តែម្ដង។ រូបភាពកូនកំលោះក្រមុំមើលទៅពិតជាសមគ្នាណាស់ បែបសាមញ្ញៗ តែឫកពាសុភាពរាបសារ ថ្លៃថ្នូរ សមជាអ្នកមានវង្សត្រកូលខ្ពស់ពិតៗ។

ស័ក្ដិសមជាអ្នកដឹកនាំវ័យក្មេងឯកឧត្ដម សុខ សង្វារ ច្រើនតែជួយផ្សព្វផ្សាយពីតំបន់ទេសចរណ៍ក្នុងស្រុកនានា ដើម្បីទាក់ទាញភ្ញៀវទេសចរជាតិ និងអន្តរជាតិ។ គួរបញ្ជាក់ថា វាលធំ ជាតំបន់ធម្មជាតិគ្របដណ្ដប់ដោយវាលស្មៅ ពណ៌បៃតងខៀវខ្ចីនូវខែវស្សា និងពណ៌មាសខែប្រាំង។ វាលធំស្ថិតក្នុង ឃុំកោះប៉ង ស្រុកវើនសៃ និងឃុំតាវែងក្រោម ស្រុកតាវែង ខេត្តរតនគីរី នៃឧទ្យានជាតិវីរៈជ័យ៕

The post កៀកថ្ងៃពិសេសរបស់កូនស្រីឧកញ៉ា កែវ មុំ និងកូនប្រុសសម្ដេចវិបុលបញ្ញា សុខ អាន appeared first on .

កូនប្រុសពៅសម្តេច សុខ អាន ចូលស្តីដណ្តឹងកូនស្រីឧកញ៉ាម្នាក់!

ឧកញ៉ាកោះក្របី — Thu, 27 Jul 2023 11:41:00 +0000

លោក សុខ សង្វារ កូនប្រុសពៅរបស់សម្ដេចវិបុលបញ្ញា សុខ អាន អតីតឧបនាយករដ្ឋមន្ត្រី និងរដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី បានចូលស្តីដណ្តឹងកញ្ញា អ៊ឹង ឈីវលី ហៅថា លីលី ដែលជាកូនស្រីពៅ លោកជំទាវឧកញ៉ា កែវ មុំ ម្ចាស់ក្រុមហ៊៊ុនផលិតនំស្រួយលីលី នៅថ្ងៃទី២៧ ខែកក្កដា ឆ្នាំ២០២៣នេះ។

ពិធីចូលចែចាវស្តីដណ្តឹងរវាងក្រុមឥស្សរសជន និងអ្នកជំនួញល្បីឈ្មោះទាំង២ធ្វើឡើងក្រោមវត្តមានសម្តេចកិត្តិសង្គហបណ្ឌិត ម៉ែន សំអនឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងព្រឹទ្ធសភា-រដ្ឋសភា និងអធិការកិច្ច លោកជំទាវ អាន្នី សុខអាន ជាមាតាខាងកូនប្រុស លោកជំទាវឧកញ៉ា កែវ មុំ ជាមាតាខាងកូនស្រី អ្នកឧកញ៉ា សំ អាង អ្នកឧកញ៉ា ឈុន លាង ព្រមទាំងញាតិមិត្តជិតខាងជាច្រើនរូបបានអញ្ជើញផ្តល់កិត្តិយសក្នុងពីធីចែចាវស្តីដណ្តឹងតាមប្រពៃណីខ្មែរនៅពេលនេះ។

លោក សុខ សង្វារ ជាកូនពៅរបស់សម្តេច សុខ អាន ក្នុងចំណោមកូនទាំង៥នាក់ បច្ចុប្បន្នអនុរដ្ឋលេខាធិការក្រសួងទេសចរណ៍ ចំណែក កញ្ញា អ៊ឹង ឈីវលី ជាអគ្គនាយិកា (CEO) របស់ក្រុមហ៊ុនផលិតនំស្រួយ លីលី គឺជាបញ្ញវន្តខ្មែរ ដែលបានបញ្ចប់ការសិក្សាកម្រិតជាន់ខ្ពស់ មកពីក្រៅប្រទេសដូចគ្នា។

លោក សុខ សង្វារ មានវ័យ ៣៦ឆ្នាំ បញ្ចប់ថ្នាក់បរិញ្ញាបត្រផ្នែកបដិសណ្ឋារកិច្ច និងគ្រប់គ្រងទេសចរណ៍ នៅវិទ្យាស្ថានឧត្តមសិក្សា គ្លីយុង (GLION) ទីក្រុងប៊ូឡល ប្រទេសស្វីស នៅឆ្នាំ២០០៨។ នៅឆ្នាំ២០១៣ លោកបន្តការសិក្សាថ្នាក់បរិញ្ញាបត្រជាន់ខ្ពស់ ជំនាញសិល្បៈសេរីនៃបេតិកភណ្ឌវប្បធម៌ និងបរិស្ថាន នៅសាកលវិទ្យាល័យជាតិ ប្រទេសអូស្ត្រាលី។

លោក សុខ សង្វារ បានវិលត្រឡប់មកប្រទេសកម្ពុជាវិញ នៅឆ្នាំ២០០៨ និងត្រូវបានរាជរដ្ឋាភិបាលផ្តល់សេចក្តីទុកចិត្តតែងតែងមុខតំណែងជាបន្តបន្ទាប់ ដូចជា ឆ្នាំ២០០៩-២០១៣ ជាអនុប្រធាននាយកដ្ឋានឧស្សាហកម្មទេសចរណ៍នៃក្រសួងទេសចរណ៍, ឆ្នាំ២០១៣-២០២០ ជាប្រធានក្រុមការងារអនុវត្តន៍ផែនការគ្រប់គ្រងទេសចរណ៍អង្គរ, ឆ្នាំ២០១៥-២០២០ ជាអគ្គនាយករង អាជ្ញាធរជាតិអប្សរា និងនៅឆ្នាំ២០២០ ដល់បច្ចុប្បន្ន ជាអនុរដ្ឋលេខាធិការ នៃក្រសួងទេសចរណ៍ ទទួលបន្ទុកការងារសិក្សាទីផ្សារ និងផ្សព្វផ្សាយទេចរណ៍ក្រៅប្រទេស។

ដោយឡែក កូនស្រីឧកញ៉ា កែវ មុំ គឺ កញ្ញា លីលី បានបញ្ចប់ការសិក្សាថ្នាក់ទី១២ នៅប្រទេសកាណាដា ហើយកញ្ញាបានបន្តសិក្សាចប់បរិញ្ញាបត្រ លើជំនាញអាជីវកម្ម ពីសហរដ្ឋអាមេរិក និងបានបញ្ចប់ថ្នាក់បរិញ្ញាបត្រជាន់ខ្ពស់ លើជំនាញគ្រប់គ្រងអាជីវកម្ម ពីប្រទេសអង់គ្លេស។ កញ្ញា លីលី បានឡើងកាន់តំណែងជាអគ្គនាយិកាក្រុមហ៊ុន ផលិតនំស្រួយ លីលី ចាប់តាំងពីខែឧសភា ឆ្នាំ២០២០ រហូតមកដល់បច្ចុប្បន្ន៕

The post កូនប្រុសពៅសម្តេច សុខ អាន ចូលស្តីដណ្តឹងកូនស្រីឧកញ៉ាម្នាក់! appeared first on .