ពិធីបុណ្យផ្កាមហាសាមគ្គីដ៏ធំនេះ ជាការផ្តួចផ្តើមពី ព្រះវិមលសរណញាណចាន់វិសាល ព្រះរាជាគណៈថ្នាក់កិត្តិយស នៃព្រះរាជាណាចក្រកម្ពុជា និង ជាឧត្តមប្រឹក្សាផ្ទាល់ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះអគ្គមហាសង្ឃរាជ នៃព្រះរាជាណាចក្រកម្ពុជានិងជាព្រះចៅអធិការ វត្តពារាណសីសិរីមង្គល សិរីមង្គល ខេត្តព្រៃវែង បានសហការជ្រះថ្លាប្រកបដោយសទ្ធា និងបញ្ញាជាមួយ អ្នកឧកញ៉ាបណ្ឌិត សុខ គង់ ។  

នៅក្នុងឱ៌កាសនេះដែរ ពុទ្ធបរិស័ទដែលមានសទ្ធាជ្រះថ្លា ក៏អាចចូលជាបច្ច័យកសាងព្រះពុទ្ធប្បដិមាអង្គធំ ឬក៏ជាវព្រះពុទ្ធប្បដិមាអង្គតូចសម្រាប់តម្កល់នៅលើជញ្ជាំងផ្នែកខាងក្នុងនៃខឿនក្រោមបល្ល័ង្កព្រះពុទ្ធប្បដិមាអង្គធំ កម្ពស់ ១០៨ ម៉ែត្រ ដែលការជាវព្រះប្បដិមាអង្គតូចៗទៀតសោត នឹងមានចារឹកឈ្មោះពុទ្ធបរិស័ទផ្ទាល់, ឈ្មោះអ្នកមានគុណ, លោកយាយលោកតា, បងប្អូនកូន ក្មួយ គ្រួអាចារ្យ ឬអ្នកមានគុណ ដើម្បីជូនបុណ្យកុសល ឧទ្ទិសផលបុណ្យជូន និងដើម្បីទុកជាកេរ្តិ៍ដំណែលជាប្រវត្តិសាស្រ្តយូរអង្វែងតរៀងទៅ។  

ព្រះពុទ្ធប្បដិមាអង្គតូចៗ សម្រាប់តម្កល់នៅលើជញ្ជាំងផ្នែកខាងក្នុងនៃខឿនក្រោមបល្ល័ង្កព្រះពុទ្ធប្បដិមាអង្គធំ កម្ពស់ ១០៨ ម៉ែត្រមានទំហំ កម្ពស់០.៣១ម៉ែត្រ, បណ្តោយ ០.២៥ម៉ែត្រ និង ទទឹង ០.១៦៥ម៉ែត្រ មាន៤ថ្នាក់៩ជាន់ ។

អ្នកឧកញ៉ាបណ្ឌិត សុខ គង់ មានចក្ខុវិស័យ និងសទ្ធាជ្រះថ្លាយ៉ាងមុតមាំ ក្នុងការកសាងព្រះពុទ្ធប្បដិមាកម្ពស់ ១០៨ម៉ែត្រ ដែលជាព្រះពុទ្ធប្បដិមាដ៏ធំហើយខ្ពស់ជាងគេនៅក្នុងព្រះរាជាណាចក្រកម្ពុជា និងស្ថិតក្នុងចំណោមព្រះពុទ្ធប្បដិមាខ្ពស់ៗនៅលើពិភពលោក ហើយគម្រោងសាងសង់ព្រះពុទ្ធប្បដិមានេះដែរ ជាការរក្សានូវអត្តសញ្ញាណជាតិនៃវប្បធម៍សាសនា ដោយឈរលើមូលដ្ឋារក្សាចាស់ បង្កើតថ្មី នាសម័យតេជោសន្តិភាព និងការអភិវឌ្ឍ ។ ព្រះពុទ្ធប្បដិមាអង្គនេះ នឹងគង់នៅជាសម្បត្តិវប្បធម៌ជាតិ តជំនាន់សម្រាប់ជាទីសក្ការ:ដ៏ឧត្តុងឧត្តមរបស់ពុទ្ធសាសនិកជនទាំងអស់គ្នា និងទុកជាស្នាដៃនៃកេរ្តិ៍មរកតដល់កូនចៅជំនាន់ក្រោយ ។

ពុទ្ធបរិស័ទដែលមានសទ្ធាជ្រះថ្លា ប្រាថ្នាចូលបច្ច័យភ្ជាប់និស្ស័យ ក្នុងការកសាងព្រះពុទ្ធប្បដិមាកម្ពស់១០៨ម៉ែត្រលើភ្នំបូកគោ សូមធ្វើការទំនាក់ទំនងទូរស័ព្ទ៖ 031 7777 108 | 014 777 108 | 015 777 108

The post ស្ថាបនិកក្រុមហ៊ុន សុខា អូតែល, ព្រះសង្ឃ និងពុទ្ធបរិស័ទ ជាង ៦,០០០ អង្គ/នាក់ ចូលរួមពិធីបុណ្យផ្កាប្រាក់មហាសាមគ្គីឡើង ភ្នំបូកគោ appeared first on .

បើតាមឧត្ដមសេនីយ៍ផ្កាយ៣ ងិន បាណាល់ អគ្គនាយករង នៃ អគ្គនាយកដ្ឋាន ភស្តុភារ និង ហិរញ្ញវត្ថុ ក្រសួង មហាផ្ទៃ និងជាកូនប្រសារ អ្នកឧកញ៉ា សុខ គង់ បានលើកឡើងទំព័រហ្វេសប៊ុកផ្ទាល់ខ្លួនកាលពីរសៀលថ្ងៃទី១ ខែមករា ឆ្នាំ២០២៣នេះថា នៅក្នុងពិធីសម្ពោធនេះនឹងមានការចូលរួមពីអ្នកឧកញ៉ាបណ្ឌិតផ្ទាល់ ភ្ញៀវជាតិ-អន្តរជាតិ រួមទាំងក្រុមការងារតាក់តែងនិពន្ធផងដែរ។ ជាមួយគ្នានេះកម្មវិធីក៏មានចាក់បញ្ចាំងខ្សែវីដេអូស្តីអំពីប្រវត្តិ និងសម្រង់ប្រសាសន៍សំខាន់ៗរបស់អ្នកឧកញ៉ាបណ្ឌិត សុខ គង់ ផងដែរ។

សៀវភៅដែលអ្នកឧកញ៉ាស្ថាបនិកក្រុមហ៊ុន ស៊ូគីម៉ិច គ្រុប នឹងសម្ពោធចេញផ្សាយជាផ្លូវការនោះ មានចំណងជើងថា៖ “អាថ៌កំបាំងនៅពីក្រោយភាពជោគជ័យ អ្នកឧកញ៉ា សុខ គង់” ជាមួយក្របសៀវភៅទំព័រមុខបង្ហាញរូបភាពអ្នកឧកញ៉ាដាក់ដៃទ្រចង្កា ក្នុងទឹកមុខស្មិងស្មាធិ៍គិតគូរវែងឆ្ងាយទៅគោលដៅអនាគត។ ចំណែកឯក្របសៀវភៅខាងក្រោមវិញបានរំលេចពាក្យស្លោកមួយឃ្លារបស់អ្នកឧកញ៉ា យ៉ាងដូច្នេះថា៖ “ត្រូវស្មោះត្រង់ និងយកចិត្តទុកដាក់ចំពោះការងារដើម្បីកសាងកេរ្តិ៍ឈ្មោះ”។

អ្នកឧកញ៉ា សុខ គង់ ត្រូវបានគេស្គាល់ថា ជាពាណិជ្ជករចាស់វស្សាជោគជ័យក្តោបក្តាប់មុខជំនួញប្រាក់ពាន់លានជាច្រើននៅក្នុងដៃ ដែលចាប់ផ្តើមចេញរកស៊ី ពីមាសត្រឹមតែមួយជីដោយចាប់មុខរបបជាអ្នកផលិតកង់កៅស៊ូនៅរាជធានីភ្នំពេញ។ លោកជាមហាសេដ្ឋីមួយរូប និងជាមនុស្សដ៏មានឥទ្ធិពលក្នុងចំណោមអ្នកជំនួញជាច្រើនរូបទៀត ឬអាចនិយាយបានថា ជាគ្រាប់អុកសេដ្ឋកិច្ចមួយរូបដែលកំពុងរកស៊ីនៅប្រទសកម្ពុជា៕

The post សៀវភៅ «អាថ៌កំបាំងពីក្រោយភាពជោគជ័យរបស់ អ្នកឧកញ៉ា សុខ គង់» នឹងសម្ពោធផ្លូវការនាថ្ងៃទី៣មករា appeared first on .