ការអញ្ជើញទៅដល់​របស់ អ្នកឧកញ៉ា សុខ គង់ និង​ថ្នាក់ដឹកនាំ​ក្រុមហ៊ុន​ ត្រូវបាន​ទទួល​ស្វាគមន៍យ៉ាងកក់ក្តៅ​ពី​សំណាក់​គណៈគ្រប់គ្រង និងអភិបាលក្រុង ព្រមទាំងពាណិជ្ជករ នៃទីក្រុង Asakuchi នៃប្រទេសជប៉ុន ដោយ​បាន​ពិភាក្សាអំពីអាជីវកម្ម និងសក្តានុពលក្នុងការវិនិយោគ នៅលើភ្នំបូកគោ ខេត្តកំពត ព្រះរាជាណាចក្រកម្ពុជា។ ក្នុងឱកាសនោះដែរ អ្នកឧកញ៉ា ព្រមទាំងថ្នាក់ដឹកនាំជាន់ខ្ពស់នៃក្រុមហ៊ុនវិនិយោគសូគីម៉ិច គ្រុប ក៏បានប្រគល់​នូវប័ណ្ណដែលតំណាង​ឱ្យ​ព្រះពុទ្ធប្បដិមាអង្គតូចមានឆ្លាក់ឈ្មោះលោកអភិបាលក្រុង ដើម្បីជាវត្ថុអនុស្សាវរីយ៍។

តាមការបង្ហាញឱ្យដឹងពី​ក្រុមហ៊ុន សុខាអចលនទ្រព្យ ក្នុងឱកាសនៃដំណើរទស្សនកិច្ចទៅកាន់ប្រទេសជប៉ុន​នេះ​ អ្នកឧកញ៉ា សុខ គង់ និងអ្នកឧកញ៉ា គឹម ឡេង ព្រមទាំងថ្នាក់ដឹកនាំជាន់ខ្ពស់នៃក្រុមហ៊ុន សូគីមុិច អុិនវេស​មេនគ្រុប ក៏បានអញ្ជើញទស្សនាដំណើរការនៃការធ្វើមី udon ដោយដៃដែលជាអាហារ​ដ៏ពេញនិយមមួយ​នៅក្នុង​ប្រទេស​ជប៉ុន។

បន្ថែមពីនេះ អ្នកឧកញ៉ា សុខ គង់ ត្រូវបានស្ថានីយទូរទស្សន៍ជប៉ុន ​ធ្វើបទសម្ភាសន៍​ទាក់ទងនឹង​ផែនការ​វិនិយោគ​របស់ក្រុមហ៊ុន សូគីម៉ិច អុិនវេសមេន គ្រុប សម្រាប់ការអភិវឌ្ឍន៍ក្រុងបូកគោ។ បន្ទាប់មក អ្នកឧកញ៉ា និង​ថ្នាក់ដឹកនាំ​ក្រុមហ៊ុន បានអញ្ជើញទស្សនារោងចក្រ ផលិតស្រា saké និងបានភ្លក់ស្រា saké របស់ជប៉ុន, បានអញ្ជើញទស្សនា​កន្លែងសិក្សាស្រាវជ្រាវភពផែនដី ដ៏ល្បីល្បាញរបស់ទីក្រុង Asakuchi និងធំបំផុត​ក្នុង​តំបន់អាសុី ព្រមទាំង​ការ​ទទួល​ទានអាហារពេលល្ងាច​ ដែល​​រៀបចំ​ដោយ​គណៈគ្រប់គ្រង និងអភិបាលក្រុង Asakuchi ផងដែរ។

សូមជម្រាបថា ភ្នំបូកគោ ស្ថិតនៅក្រុងបូកគោ ខេត្តកំពត ដែល​ក្រុមហ៊ុន​របស់​ អ្នកឧកញ៉ា សុខ គង់ ទទួលបាន​សិទ្ធិ​វិនិយោគ​រយៈពេលវែងពីរាជរដ្ឋាភិបាល បច្ចុប្បន្ន​កំពុង​ដំណើរការ​អភិវឌ្ឍ​​យ៉ាង​សកម្ម​ទាំង​ផ្នែក​ហេដ្ឋារចនា​សម្ព័ន្ធ ប្រព័ន្ធ​ទឹក ប្រព័ន្ធភ្លើង ​ផ្លូវថ្នល់ ដូចជា ផ្លូវតភ្ជាប់ពីភ្នំបូកគោ ឆ្ពោះ​ទៅកាន់ផ្លូវជាតិលេខ៤ រួមទាំងគម្រោង​​​កសាង​ព្រះពុទ្ធ​ប្បដិមា​កម្ពស់១០៨ម៉ែត្រ ដែល​គ្រោង​ចំណាយ​ដល់ ៤០លាន​ដុល្លារ​ជាដើម៕

The post អ្នកឧកញ៉ា សុខ គង់ ធ្វើដំណើរទស្សនកិច្ចទៅប្រទេសជប៉ុន ដើម្បីកៀរគរអ្នកវិនិយោគជប៉ុន មកវិនិយោគលើភ្នំបូកគោ appeared first on .

រូបភាពជាច្រើនសន្លឹកថតទម្រង់អាពាហ៍ពិពាហ៍ខ្មែរដែលស្លៀកសំលៀកបំពាក់សម័យបុរាណរបស់អ្នកឧកញ៉ា សុខ គង់ និងភរិយា ត្រូវបានក្រុមការងារថតរូប Winter Photography ចែកចាយនៅលើបណ្តាញសង្គមពេលថ្មីៗនេះ មានទាំងថតនៅក្នុងភូមិគ្រឹះ និងក្រៅភូមិគ្រឹះស្ថិតលើកំពូលភ្នំបូកគោ ខេត្តកំពត។ ទម្រង់ថតរូប After-WEDDING នេះបង្ហាញពីសំលៀកបំពាក់ភ្ជាប់ជាមួយការតុបតែងសម្ភាៈថ្លៃៗជាច្រើនមុខដើម្បីធ្វើយ៉ាងណាឲ្យការថតរូបកាន់ស្រស់ស្អាត និងប្រកបដោយអត្ថន័យ។

សូមជម្រាបជូនថា អ្នកឧកញ៉ា សុខ គង់ និងលោកស្រីអ្នកឧកញ៉ា គឹម ឡេង បានរៀបអាពាហ៍ពិពាហ៍នៅចុងឆ្នាំ១៩៧២ ដោយកាលណោះលោកមានវ័យ ១៧ឆ្នាំ ចំណែកឯភរិយាមានវ័យ ១៦ឆ្នាំ។ នេះបើតាមសៀវភៅដែលរៀបរាបអំពីដំណើរជីវិតរបស់អ្នកឧកញ៉ាចេញផ្សាយកាលកន្លងទៅ។

អ្នកឧកញ៉ា សុខ គង់ មានបុត្រាបុត្រីចំនួន ៦ ក្នុងនោះកូនប្រុសស្រីចំនួន ៥រូបមានគោរមងារ «ឧកញ៉ា» ដូចជា ១/ ឧកញ៉ា សុខ យាក ២/ ឧកញ៉ា សុខ ហុង ៣/ លោក សុខ សុវណ្ណនិត ៤/ លោកស្រីឧកញ៉ា សុខ ចន្ថា ៥/ លោកស្រីឧកញ៉ា សុខ ចន្ធី ៦/ លោកស្រីឧកញ៉ា សុខ ចន្ធូ ។

មានវ័យ ៧០ឆ្នាំ ពាណិជ្ជករចាស់វស្សាដ៏មានឥទ្ធិពលបំផុត ហើយបានគ្រប់គ្រងអាណាចក្រជំនួញក្នុងតំបន់សក្តានុពលសេដ្ឋកិច្ចសំខាន់ៗនៅក្នុងប្រទេសកម្ពុជា អ្នកឧកញ៉ា សុខ គង់ បច្ចុប្បន្នជាប្រធានក្រុមប្រឹក្សាភិបាលក្រុមហ៊ុន សូគីម៉ិច អ៉ិនវេសមេន គ្រុប៕

The post ៥១ឆ្នាំក្រោយរៀបការអ្នកឧកញ៉ា សុខ​ គង់​ ថត After-WEDDING ក្នុងភូមិគ្រឹះផ្ទាល់ខ្លួនតម្លៃ ១០លានដុល្លារ appeared first on .

លោកជំទាវ គឹម ឡេង ជាឧត្តមភរិយា​ដ៏​ល្អ​របស់​អ្នកឧកញ៉ា សុខ គង់ ដែល​តែង​តែ​ជួយ​​ជ្រោម​ជ្រែង​ផ្តល់​កម្លាំង​ចិត្ត​ដល់​ស្វាមី ​​ដែល​​​ចាប់ពី​ឆ្នាំ១៩៩០ មក​ទល់បច្ចុប្បន្ន​នេះ ក្រុមហ៊ុន សូគីម៉ិច អ៊ិនវេសមេន គ្រុប របស់​អ្នកឧកញ៉ា​ទាំង​ពីរ មាន​ក្រុមហ៊ុន​បុត្រសម្ព័ន្ធ​ដល់​ទៅ ៧ ដូចជា៖ ស្ថានីយប្រេងឥន្ធនៈ សូគីម៉ិច, សុខា អូតែល & រីសត, សុខា អចលនទ្រព្យ, បូកគោ កសិដ្ឋានបន្លែសរីរាង្គ, ហាងកាហ្វេ សុខា, ទឹកពិសាគុណភាពខ្ពស់ ឋានសួគ៌បូកគោ និង​កាស៊ីណូ Sokha Vegas នៅ​ខេត្ត​ព្រះសីហនុ ​ផងដែរ។ រីឯចំណងអាពាហ៍ពិពាហ៍របស់អ្នកឧកញ៉ាទាំងពីរ មានបុត្រាបុត្រីចំនួន ៦នាក់ ក្នុងនោះស្រី៣នាក់៕

The post ព្រះមហាក្សត្រ ចេញព្រះរាជក្រឹត្យផ្តល់គោរមងារ ភរិយាអ្នកឧកញ៉ា សុខ គង់ ជា «អ្នកឧកញ៉ា» appeared first on .