កម្មវិធីសិរីមង្គល​នេះ​ ប្រារព្វធ្វើឡើងនៅ មជ្ឈ​មណ្ឌល​សន្និបាត​និង​ពិព័រណ៍​អន្តរជាតិ​ជ្រោយចង្វារ​ OCIC។ កូនប្រុសនាម គៀន ការីបូ ត្រូវជា​ប្អូនប្រុស​បង្កើត​របស់​លោកស្រី​អ្នកឧកញ៉ា គៀន ស្រីនាង ភរិយារបស់អ្នកឧកញ៉ា ទ្រី ភាព ជាគូនឹង​​កូនស្រីនាម គ្រី ម៉ូរីកូ ដែលត្រូវបានគេដឹងថាជាកូនអ្នកអភិជនមួយរូបផងដែរ។

ពិធីអាពាហ៍ពិពាហ៍នេះ មានការអញ្ជើញជាកិត្តិយស​ពីសំណាក់​ថ្នាក់ដឹកនាំជាតិមួយចំនួន និងអ្នកឧកញ៉ា ឧកញ៉ា អ្នកមុខអ្នកការជា​ច្រើន ដែលក្នុងនោះរួមមានដូចជា សម្តេចកិត្ដិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រ, លោកស្រី សុងឡេង បូរ៉ា នាយិកាពិធីការសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី, លោកស្រី ទាង អេង ភរិយាលោក ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ, លោកស្រី ថុង ធីតា ភរិយាអ្នកឧកញ៉ា លីម ប៊ុណ្ណា រួមទាំងភ្ញៀវកិត្តិយសជាច្រើននាក់ទៀត។

រូបភាព៖ OneMemory

The post មកមើលទិដ្ឋភាពមង្គលការដ៏ធំរបស់ប្អូនថ្លៃ អ្នកឧកញ៉ា ទ្រី ភាព appeared first on .

ការ​រៀបចំពិធីបុណ្យកាន់បិណ្ឌវេនទី១០ របស់​អ្នកឧកញ៉ា ទ្រី ភាព​ និង​លោកស្រី​អ្នកឧកញ៉ា គៀន ស្រីនាង ​គឺ​ក្នុងឱកាសដ៏សោមនស្សរីករាយនៃពិធីបុណ្យប្រពៃណីជាតិ ដែលប្រជា​ពុទ្ធ​បរិស័ទកម្ពុជា មានសេចក្តីអំណរសាទរក្លៀវក្លា និងសាមគ្គីធ្វើបុណ្យធ្វើទានដោយសេចក្តីជ្រះថ្លា នារដូវកាល​បុណ្យ​កាន់បិណ្ឌ-ភ្ជុំបិណ្ឌ នៅតាមទីអារាមនានា ដើម្បីទទួលយកនូវកុសលផលបុណ្យរៀងៗខ្លួន និងជាការរួម​ចំណែក​លើកតម្កើងវិស័យព្រះពុទ្ធសាសនា។

ជាកិច្ចចាប់ផ្ដើមពិធីសូត្រមន្តកាន់បិណ្ឌវេនទី១០នេះ អ្នកឧកញ៉ា ទ្រី ភាព និងលោកស្រី​អ្នកឧកញ៉ា គៀន ស្រីនាង បានអញ្ជើញអុជទានធូប បូជាផ្កាភ្ញី ថ្វាយ និងបួងសួងរំលឹកដល់គុណ ព្រះពុទ្ធ ព្រះធម៌ និងព្រះសង្ឃ មុននឹងចាប់ផ្ដើមនមស្សការព្រះរតនត្រៃ។

នៅក្នុងបរិយាកាសប្រកបដោយសទ្ធា និងសេចក្ដីជ្រះថ្លានេះ សម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះចៅអធិការវត្តបទុមវតីរាជវរារាម ព្រមទាំងព្រះសង្ឃ បានធ្វើពិធីសូត្រមន្តចម្រើនព្រះបរិត្ត និងពុទ្ធជ័យមង្គល រួមទាំងមាន​ព្រះធម្មវិសេសទេសនា សម្ដែងដោយព្រះភិក្ខុកិត្តិបាលោ ពេញ វិបុល មន្ត្រីសង្ឃ​ក្នុងវត្តខាងលើ៕

The post អ្នកឧកញ៉ា ទ្រី ភាព ដឹកនាំរៀបចំពិធីបុណ្យកាន់បិណ្ឌវេនទី១០ នៅវត្តបទុមវតី appeared first on .

តាមរយៈការទទួល​បាន​នូវ​មេដាយខ្ពស់បំផុត​ «ជាតូបការ» នេះ គឺពិតជាស័ក្តិសមបំផុត​ ចំពោះ​ទឹកចិត្ត​ដ៏មហាប្រពៃ របស់អ្នកឧកញ៉ា គៀន ស្រីនាង​ ដែលតែងតែលះបង់នូវធនធានផ្ទាល់​ខ្លួនដ៏ច្រើនសន្ធឹកសន្ធាប់ ​ដើម្បី​ជួយ​ដល់​សង្គម រាជរដ្ឋាភិបាលកម្ពុជា និង​ទ្រទ្រង់វិស័យព្រះពុទ្ធសាសនា នៅព្រះរាជាណាចក្រកម្ពុជា។

អ្នកស្រី គៀន ស្រីនាង ទទួលបានគោរមងារ «អ្នកឧកញ៉ា» នៅថ្ងៃទី៨ ខែធ្នូ ឆ្នាំ២០២១ នៅក្នុងព្រះរាជក្រឹត្យ​ជាមួយនឹងស្វាមីអ្នកស្រី​ គឺពាណិជ្ជករ ទ្រី ភាព។ បច្ចុប្បន្នអ្នកស្រី ត្រូវបានគេដឹងថា កំពុងកាន់ដំណែងជា​អគ្គនាយក​ក្រុមហ៊ុន MDS Group ក្រុមហ៊ុន Try Pheap Import Export រួម​ទាំង​ក្រុមហ៊ុន​ច្រើន​ទៀត។

សូម​ជម្រាប​ថា ​​អ្នកឧកញ៉ា គៀន ស្រីនាង ​​​​ទើប​ត្រូវ​បាន​ព្រះមហាក្សត្រ ​​​​​ត្រាស់បង្គាប់​ចេញ​ព្រះរាជក្រឹត្យ​តែងតាំង និង​ផ្តល់ឋានៈ​​ជា​ទីប្រឹក្សា​ក្រសួងកិច្ចការនារី ឋានៈស្មើ អនុរដ្ឋលេខាធិការ ​​​កាលពី​ថ្ងៃទី​២០ ខែមេសា ឆ្នាំ២០២៣ ​​ហើយ​អ្នកឧកញ៉ា ក៏​ទើប​​ត្រូវ​បាន​គណៈសង្ឃពុទ្ធសាសនាកម្ពុជា ​​​ផ្ដល់គោរមងារជា “មហាធម្មរតនវិសុទ្ធិ អគ្គ​មហា​ឧបាសិកាពុទ្ធសាសនូបត្ថម្ភក៍” ​​កាលពី​ថ្ងៃទី២៩ ខែមេសា ឆ្នាំ២០២៣ ផងដែរ៕

The post ភរិយាអ្នកឧកញ៉ា ទ្រី ភាព ទទួលការបំពាក់គ្រឿងឥស្សរិយយស «ជាតូបការ» ពីឯកឧត្តមបណ្ឌិត ហ៊ុន ម៉ាណែត appeared first on .

ក្រុមហ៊ុន ទ្រី ភាព គ្រុប ​​បាន​បញ្ជាក់​​បន្ថែម​ថា តាមរយៈការផ្ដល់គោរមងារនេះ គឺពិតជាស័ក្តិសមបំផុត​ ចំពោះ​ទឹកចិត្ត​ដ៏មហាប្រពៃ របស់អ្នកឧកញ៉ា​ បណ្ឌិត និង​លោកជំទាវ អ្នកឧកញ៉ា ដែលតែងតែលះបង់នូវធនធានផ្ទាល់​ខ្លួនដ៏ច្រើនសន្ធឹកសន្ធាប់ ​ដើម្បីទ្រទ្រង់វិស័យព្រះពុទ្ធសាសនា នៅព្រះរាជាណាចក្រកម្ពុជា។

អ្នកឧកញ៉ា ទ្រី ភាព កំពុងគ្រប់គ្រងអាណាចក្រជំនួញគ្រាក់ៗនៅក្នុងដៃប្រមាណ ១០​ក្រុមហ៊ុន​លើពហុវិស័យ ដូចជា អចលនទ្រព្យ សំណង់ ទេសចរណ៍ បដិសណ្ឋារកិច្ច កសិ-ឧស្សាហកម្ម កាស៊ីណូ និងប្រេងឥន្ធនៈ​ជាដើម។

លោក ទ្រី ភាព ទទួលគោរមងារឧកញ៉ា ពីប្រមុខ​រដ្ឋ​ស្ដីទី សម្តេច ជា ស៊ីម តាមសំណើររបស់សម្តេចជោ ហ៊ុន សែន នាយករដ្ឋមន្រ្តី នៅថ្ងៃ​ទី​១៤ ខែ​សីហា ឆ្នាំ​២០០៤ និងត្រូវបានព្រះមហាក្សត្រ ត្រាស់បង្គាប់ផ្តល់គោរមងារ អ្នកឧកញ៉ា ដំណាលគ្នាជាមួយភរិយារបស់លោក គឺឧកញ៉ា គៀន ស្រីនាង ​អគ្គនាយក​ក្រុមហ៊ុន MDS Group, អគ្គនាយក​ក្រុមហ៊ុន Try Pheap Import Export រួម​ទាំង​ក្រុមហ៊ុន​ច្រើន​ទៀត នៅថ្ងៃទី៨ ខែធ្នូ ឆ្នាំ២០២១។

សូម​ជម្រាប​ថា ភរិយាអ្នកឧកញ៉ា ទ្រី ភាព គឺ​​អ្នកឧកញ៉ា គៀន ស្រីនាង ​​​​ក៏​ទើប​ត្រូវ​បាន​ព្រះមហាក្សត្រ ​​​​​ត្រាស់បង្គាប់​ចេញ​ព្រះរាជក្រឹត្យ​តែងតាំង និង​ផ្តល់ឋានៈ​​ជា​ទីប្រឹក្សា​ក្រសួងកិច្ចការនារី ឋានៈស្មើ អនុរដ្ឋលេខាធិការ ​​​កាលពី​ថ្ងៃទី​២០ ខែមេសា ឆ្នាំ២០២៣ កន្លង​ទៅ​ថ្មីៗនេះ​ផងដែរ៕

The post អ្នកឧកញ៉ា ទ្រី ភាព និងភរិយា ទទួលបានគោរមងារពីគណៈសង្ឃពុទ្ធសាសនាកម្ពុជា appeared first on .

អ្នកឧកញ៉ា គៀន ស្រីនាង ជាភរិយាអ្នកឧកញ៉ា ទ្រី ភាព អគ្គនាយកក្រុមហ៊ុន ទ្រីភាព គ្រុប ដែលធ្លាប់ល្បីល្បាញខាងជំនួញនាំឈើទៅក្រៅប្រទេស និងជាអ្នករកស៊ីចាក់គ្រឹះក្នុងវិស័យកសិកម្ម កំពង់ផែ ទេសចរណ៍ និងកាស៊ីណូជាដើម។

អ្នកស្រីទទួលបានគោរមងារ «អ្នកឧកញ៉ា» នៅថ្ងៃទី៨ ខែធ្នូ ឆ្នាំ២០២១ នៅក្នុងព្រះរាជក្រឹត្យជាមួយនឹងស្វាមីអ្នកស្រី​ គឺពាណិជ្ជករ ទ្រី ភាព។ បច្ចុប្បន្នអ្នកស្រីត្រូវបានគេដឹងថា កំពុងកាន់ដំណែងជា​អគ្គនាយក​ក្រុមហ៊ុន MDS Group ក្រុមហ៊ុន Try Pheap Import Export រួម​ទាំង​ក្រុមហ៊ុន​ច្រើន​ទៀត។

អ្នកស្រីបានបានរៀបអាពាហ៍ពិពាហ៍ ឫសែនព្រេនបង្គ្រប់កិច្ចទៅតាមប្រពៃណីខ្មែរ ជាមួយអ្នកឧកញ៉ា ទ្រី ភាព កាលពី​ថ្ងៃ​ទី​​ ១៨ ខែ​ឧសភា នៅក្នុង​គេហដ្ឋាន​ផ្ទាល់​ខ្លួន ស្ថិត​នៅក្នុង​សង្កាត់​បឹង​កេងកង ១​ ខណ្ឌ​ចំការមន បន្ទាប់ពី​គូស្វាមី​ភរិយា​នេះ​បាន​រស់នៅ​ជាមួយ​គ្នា​អស់​រយៈពេល​ជាង​ ៤ ​ឆ្នាំ​មក​ហើយ៕

The post ភរិយាអ្នកឧកញ៉ា ទ្រី ភាព ទទួលការតែងតាំងជាទីប្រឹក្សាក្រសួងកិច្ចការនារី appeared first on .