ការសម្រេចរបស់សម្តេចតេជោ ហ៊ុន សែន ខាងលើនេះ បានធ្វើឡើង បន្ទាប់ពីអ្នកគ្រប់គ្រងអាហារូប​ករណ៍ «ចេន ហ្ស៊ី» បានជូនដំណឹងពីការបញ្ចប់អាហារូបករណ៍ទៅដល់និស្សិតដែល​កំពុងសិក្សាក្រោមអាហារូបករណ៍នេះ។ ទោះ​យ៉ាងណា ក្រោយទទួលបានសំណូមពរពីនិស្សិត សម្តេចតេជោ បានសម្រេចបន្តអាហារូបករណ៍នេះ ជូនដល់​និស្សិត​សម្រាប់ការបង់ថ្លៃសិក្សា រហូតដល់ចប់ថ្នាក់បរិញ្ញាបត្រ ប៉ុន្តែពុំមិនមានប្រាក់ឧបត្ថម្ភប្រចាំខែនោះទេ។

តាមរបាយការណ៍របស់ក្រសួងអប់រំ យុវជន និងកីឡា បានឱ្យដឹងថា និស្សិតដែលកំពុងសិក្សាតាមសាកលវិទ្យាល័យ​នានា ក្រោមអាហារូបករណ៍ «ចេន ហ្ស៊ី» មានចំនួន ៤១៨នាក់ ស្ត្រី ១២៨នាក់។ ក្នុងនោះនិស្សិតចំនួន ១៦១នាក់ កំពុងសិក្សានៅសាកលវិទ្យាល័យភូមិន្ទភ្នំពេញ ផ្នែកវិស្វកម្មបច្ចេកវិទ្យាព័ត៌មាន ព័ត៌មានវិទ្យា ការគ្រប់គ្រង​ពាណិជ្ជកម្ម​អន្តរជាតិ ប្រព័ន្ធផ្សព្វផ្សាយ និងសារគមនាគមន៍, និស្សិត ២៥នាក់ កំពុងសិក្សានៅសាកលវិទ្យាល័យ​ជាតិគ្រប់គ្រង ផ្នែកសេដ្ឋកិច្ចឌីជីថល និងទេសចរណ៍ ហើយនិស្សិត ២៣២នាក់ កំពុងសិក្សានៅវិទ្យាស្ថានបច្ចេក​វិទ្យា​កម្ពុជា ផ្នែកវិស្វកម្មសំណង់ស៊ីវិល។

សូមជម្រាបថា អាហារូបករណ៍ «ចេន ហ្ស៊ី» គឺជាប្រភេទអាហារូបករណ៍ ១០០% ផ្តល់ជូនដល់និស្សិតរយៈពេល ៤ឆ្នាំ ព្រមទាំងមាន ប្រាក់​ឧបត្ថម្ភ​ប្រចាំខែ វគ្គបណ្តុះបណ្តាល ឱកាស​កម្មសិក្សា ក៏​ដូចជា​ឱកាស​ការងារជាច្រើន​ផងដែរ។ និស្សិតមានជីវភាពខ្វះខាត ឬអ្នកមានបំណងចង់បានអាហារូបករណ៍នេះ ត្រូវចុះឈ្មោះចូលរួមប្រឡងប្រជែងគ្នា ហើយមកទល់​បច្ចុប្បន្ន អាហារូបករណ៍ «ចេន ហ្ស៊ី» មានចំនួន ៤ជំនាន់ហើយ ដោយមួយជំនាន់មានចំនួនប្រមាណ ១០០នាក់៕

The post សម្តេចតេជោ ហ៊ុន សែន សម្រេចផ្តល់អាហារូបករណ៍ជូននិស្សិត ធ្លាប់សិក្សាក្រោម​អាហារូបករណ៍ របស់អតីតអ្នកឧកញ៉ា ចេន ហ្ស៊ី រហូតដល់ចប់បរិញ្ញាបត្រ appeared first on .

អ្នកឧកញ៉ា ចេន ហ្ស៊ី កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ អ្នកឧកញ៉ាក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ចេន ហ្ស៊ី បរិច្ចាគថវិកាចំនួន ៥០ម៉ឺនដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ឯកឧត្តម សួន សុម៉ាលីន អភិបាលខេត្តព្រៃវែង កាលពីថ្ងៃទី២៨ ខែមីនា ឆ្នាំ២០២៥ បានចេញលិខិតថ្លែងអំណរគុណយ៉ាងជ្រាលជ្រៅជូនចំពោះ អ្នកឧកញ៉ា ចេន ហ្ស៊ី ដែលបានឧបត្ថម្ភថវិកា ស្រាបៀរ ភេសជ្ជៈ និងទឹកសុទ្ធ ជូនដល់រដ្ឋបាលខេត្ត ក្នុងការជួយគាំទ្រដល់ការរៀបចំព្រឹត្តការណ៍ “សង្រ្កាន្តព្រៃវែង ២០២៥” ខាងមុខនេះ ឱ្យមានភាពសប្បាយរីករាយ និងរក្សាបាននូវសន្តិសុខ សុវត្ថិភាព ជូនប្រជាជនក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

សូមជម្រាបថា រដ្ឋបាលខេត្តព្រៃវែង បានរៀបចំតុបតែងលម្អរដោយភ្លើងចំរុះពណ៌ គោមផ្កាយ និងគោមផ្ការំដួលយ៉ាងស្រស់បំព្រង នៅជុំវិញបរិវេណសួនច្បារ សម្តេចអគ្គមហាធម្មពោធិសាល ជា សុីម សួនច្បារ សម្ដេចក្រឡាហោម ស ខេង សួនតេជោសន្តិភាព និងវិថីសន្តិភាព ដើម្បីត្រៀមអបអរសាទរ “ពិធីបុណ្យចូលឆ្នាំថ្មីប្រពៃណីជាតិខ្មែរ” និងសម្រាប់បងប្អូនប្រជាពលរដ្ឋទូទាំងខេត្តព្រៃវែង និងខេត្តជិតខាងមកលេងកម្សាន្តក្នុងព្រឹត្តិការណ៍ “សង្ក្រាន្តព្រៃវែង ២០២៥” ដែលនឹងឈានចូលមកដល់នាថ្ងៃទី១២-១៦ ខែមេសា ឆ្នាំ២០២៥ ខាងមុខនេះ៕

The post អ្នកឧកញ៉ា ចេន ហ្ស៊ី ឧបត្ថម្ភថវិកា ៣ម៉ឺនដុល្លារ និងស្រាបៀរ ៥០០កេស ជូនដល់រដ្ឋបាលខេត្តព្រៃវែង សម្រាប់រៀបចំព្រឹត្តិការណ៍សង្ក្រាន្តឆ្នាំ២០២៥ appeared first on .

មជ្ឈមណ្ឌលបណ្តុះបណ្តាលជំនាញផលិតនាឡិកានេះ គឺជាការវិនិយោគដោយក្រុមហ៊ុន ព្រីនស៍ ហូឌីង គ្រុប របស់អ្នកឧកញ៉ា ចេន ហ្សុី ដែលមានកំណើតចិន មានសញ្ញាជាតិខ្មែរ កំពុងបោះទុនរាប់ពាន់លានដុល្លារក្នុងវិស័យអចលនទ្រព្យនៅប្រទេសកម្ពុជា។

ក្នុងឱកាសនៃដំណើរទស្សនកិច្ចរបស់រដ្ឋមន្រ្តីក្រសួងការងារនេះ អ្នកជំនាញរបស់មជ្ឈមណ្ឌល បានពន្យល់ពីដំណាក់កាលនីមួយៗនៃការបណ្តុះបណ្តាល និងហ្វឹកហ្វឺនសិក្ខាកាម និងបុគ្គលិកខ្មែរដែលកំពុងហាត់ការ និងបម្រើការងារក្នុងមជ្ឈមណ្ឌលផ្ទាល់។

បើតាមលោក ហេង សួរ តាមគោលការណ៍ មជ្ឈមណ្ឌលបានផ្តល់ការហ្វឹកហ្វឺនជូនសិក្ខាកាមរយៈពេល២ឆ្នាំដោយភ្ជាប់នឹងប្រាក់ឧបត្ថម្ភផងដែរ ដើម្បីឱ្យសិក្ខាកាមអាចក្រេបជញ្ជក់ដើម្បីទទួលបានអាជីពដ៏កម្រនេះ ព្រោះថាថ្វីត្បិតតែមជ្ឈមណ្ឌលមិនស្វែងរកប្រាក់ចំណេញចេញពីការផលិតក៏ពិតមែន ប៉ុន្តែមជ្ឈមណ្ឌលបាននាំចូលបច្ចេកវិទ្យាស្តង់ដានៃប្រទេសស្វីសតាមរយៈអ្នកជំនាញរបស់ស្វីសមកបណ្តុះបណ្តាលផ្ទាល់។

ជាមួយគ្នានេះលោករដ្ឋមន្ត្រី ក៏បានវាយតម្លៃខ្ពស់ចំពោះមជ្ឈមណ្ឌលបណ្ដុះបណ្តាលវិជ្ជាជីវៈ Prince Horology ដែលបានបណ្តុះបណ្តាលជំនាញពិសេសនេះដល់ពលរដ្ឋខ្មែរ។

សូមរំលឹកថា មជ្ឈមណ្ឌលបណ្តុះបណ្តាលវិជ្ជាជីវៈ Prince Horology នេះហើយដែលបានផលិតនាឡិកាជូនប្រមុខរដ្ឋ និងប្រមុខរដ្ឋាភិបាលអាស៊ាន និងពិភពលោកក្នុងកិច្ចប្រជុំកំពូលអាស៊ានលើកទី៤១ កាលពីឆ្នាំ២០២២ដែលកម្ពុជាធ្វើជាម្ចាស់ផ្ទះ។

សូមជម្រាបជូនថា ក្រុមហ៊ុនព្រីនស៍រៀល អ៊ីស្ទេត គ្រុប ជាបុត្រសម្ព័ន្ធព្រីនស៍ គ្រុប បានសហការជាមួយនឹងក្រុមហ៊ុនផលិតនាឡិការបស់ ស្វ៊ីស វិនិយោគលើគម្រោងមជ្ឈមណ្ឌលបណ្ដុះបណ្តាលវិជ្ជាជីវៈលើជំនាញផលិត និងជួលជុល នាឡិកាម៉ាកស្វ៊ីសនៅកម្ពុជា ដើម្បីបំពេញតម្រូវការធនធានមនុស្សក្នុងឧស្សហកម្មនេះ កាលពីឆ្នាំ២០១៩។ ការសហការនេះ បង្កើតមជ្ឈមណ្ឌលបណ្ដុះបណ្ដាលផលិត និងជួសជុលនាឡិកាស្វីស ដោយបានដាក់ឈ្មោះថា Prince Horology Vocational Training Center ៕

The post លោក ហេង សួរ ចុះទីតាំងផ្ទាល់ស្វែងយល់ការបណ្តុះបណ្តាលជំនាញផលិតនាឡិការស្តង់ដាស្វីសរបស់ក្រុមហ៊ុនអ្នកឧកញ៉ា ចេន ហ្សុី appeared first on .