The post អ្នកឧកញ៉ាបណ្ឌិត ជា រតនា និងអ្នកឧកញ៉ា លី លីហៀក ចូលរួមបរិច្ចាគថវិកា ៥,០០០ដុល្លារ តាមរយៈសមាគមឧកញ៉ាកម្ពុជា គាំទ្រយ៉ាងមោះមុតដល់វីរកងទ័ពជួរមុខ appeared first on .

សូមបញ្ជាក់ថា អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ លើសពីនេះ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀតផងដែរ។

សូមជម្រាបជូនផងដែរថា កាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់។

ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ការចូលរួមឧបត្ថម្ភគាំទ្រការងារមនុស្សធម៌ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា បរិច្ចាគថវិកា ១ម៉ឺនដុល្លារ ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ក្នុងកម្មវិធីជួបជុំជនពិការកំបុតដៃទាំង២ ប្រចាំឆ្នាំ២០២៤នេះ អ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន SUN & MOON GROUP និង អ្នកឧកញ៉ា លីហៀក រតនា ព្រមទាំងក្រុមគ្រួសារ និងសប្បុរសជនទាំងអស់ តាមរយៈមូលនិធិ បានជូនថវិកាដល់បងប្អូនជនពិការកំបុតដៃទាំង២ ក្នុងម្នាក់ ចំនួន ១លានរៀល ព្រមទាំងអាហារហូបចុក និងភេសជ្ជៈមួយឈុត ដែលរៀបចំឡើងដោយចុងភៅ នៅសណ្ឋាគារ សាន់ & មូន រីវើសាយ លំដាប់ផ្កាយ ៥ Sun & Moon, Riverside Hotel ខណៈអ្នកជូនដំណើរបងប្អូនជនពិការមក ក៏ទទួលបានការឧបត្ថម្ភដាច់ដោយឡែកផងដែរ ។

ក្នុងនាមជាម្ចាស់ មូលនិធិ អ្នកឧកញ៉ាបណ្ឌិត ជា រតនា ក៏សូមថ្លែងអំណរគុណជាអនេកជូនចំពោះ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ព្រមទាំងសប្បុរសជននានា ទាំងក្នុង និងក្រៅប្រទេស ដែលបានចូលរួមឧបត្ថម្ភគាំទ្រដល់មូលនិធិជាបន្តបន្ទាប់ ដើម្បីជួយសម្រាលបន្ទុកជីវភាពរបស់បងប្អូនជនពិការកំបុតដៃទាំង ២ នាពេលនេះ។

អ្នកឧកញ៉ា ម្ចាស់សណ្ឋាគារ SUN & MOON, Riverside Hotel បន្ថែមថា គិតមកដល់ពេលនេះ មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ជួយឧបត្ថម្ភប្រចាំឆ្នាំ ដល់បងប្អូនជនពិការកំបុតដៃទាំង២, ចូលរួមក្នុងសកម្មភាពសប្បុសធម៌ជួយសង្គម និងបន្សល់ទុកនូវសមិទ្ធផលនានា គឺមាន រយៈពេលជាង ៩ឆ្នាំមកហើយ។ ជាការកត់សម្គាល់ បងប្អូនជនពិការកំបុតដៃទាំង២ ដែលជាសមាជិករបស់មូលនិធិ មានអ្នកខ្លះ បានបន្តប្រឹងប្រែង រៀនសូត្រចំណេះជំនាញ វិជ្ជាជីវៈ រហូតបញ្ចប់បរិញ្ញាបត្រ បរិញ្ញាបត្ររងពីមហាវិទ្យាល័យ ព្រមទាំងទទួលបានការងារល្អធ្វើដូចគេដូចឯង ហើយអ្នកខ្លះទៀត យកថវិកាឧបត្ថម្ភធ្វើជាដើមទុន បង្កើតមុខរបរចិញ្ចឹមជីវិត ជួយសម្រាលបន្ទុកគ្រួសារ និងបន្ទុករបស់រដ្ឋាភិបាល ថែមទៀតផង។

គួររំលេចដែរថា ផ្អែកតាមរបាយការណ៍បឋម និងដាច់ដោយឡែក ពីមូលនិធិ អ្នកឧកញ៉ាបណ្ឌិត ជា រតនា និង អ្នកឧកញ៉ា លីហៀក រតនា ផ្ទាល់ បានឱ្យដឹងថា ជនពិការកំបុតដៃទាំងពីរ ទាំង ១៧៨នាក់ ក្នុងឆ្នាំ២០២៤ ដែលបានអញ្ជើញមកទទួលប្រាក់ឧបត្ថម្ភ ពីសប្បុរសជន តាមរយៈមូលនិធិ នាពេលនេះ មានជនពិការដោយសារតែការឆក់ខ្សែភ្លើងចំនួន ៤៦% ពិការពីកំណើតមាន២៩% រីឯរងគ្រោះដោយសារគ្រាប់មីន និងគ្រាប់កាំភ្លើងចំនួន ២០% និងដោយសារជំងឺ ឬគ្រោះថ្នាក់ផ្សេងៗមានចំនួន ១៥% ។

អ្នកឧកញ៉ាបណ្ឌិត ជា រតនា ក៏បានអំពាវនាវដល់បងប្អូនប្រជាពលរដ្ឋ ដែលកំពុងប្រកបរបររកទទួលទាន ដែលប្រឈមហានិភ័យ សូមបង្កើនការប្រុងប្រយ័ត្នឱ្យបានខ្ពស់បំផុត ពេលបំពេញការងារប្រចាំថ្ងៃ។ ដោយឡែក សម្រាប់បងប្អូន ដែលអកុសល រងគ្រោះ ឈានដល់ពិការដៃទាំង ២ ឬអវៈយវៈណាមួយ សូមកុំអស់សង្ឃឹម បងប្អូនពិការអវៈយវៈ តែសូមកុំពិការចិត្ត និងការខិតខំប្រឹងប្រែង តស៊ូឱ្យសោះ៕

The post មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា រួមទាំងសប្បុរសជននានា ឧបត្ថម្ភជនពិការកំបុតដៃទាំងពីរ ចំនួន ១៧៨នាក់ ក្នុងម្នាក់ ១លានរៀល នៅសណ្ឋាគារ សាន់ & មូន រីវើសាយ appeared first on .

ក្នុងឱកាសនេះ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា សូមចូលរួមអបអរសាទរ អ្នកឧកញ៉ា ពុង ឃាវសែ ទីប្រឹក្សាជាន់ខ្ពស់នៃសមាគមឧកញ៉ាកម្ពុជា និងជាប្រធានក្រុមប្រឹក្សាភិបាល ក្រុមហ៊ុន OCIC គ្រុប, អ្នកឧកញ៉ា លី ហួរ អនុប្រធានសមាគមឧកញ៉ាកម្ពុជា ជាប្រធានក្រុមប្រឹក្សាភិបាលក្រុមហ៊ុន លី ហ៊ួរ គ្រុប, អ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង គ្រុប, អ្នកឧកញ៉ា លាង ឃុន អនុប្រធានសមាគមឧកញ៉ាកម្ពុជា សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង គ្រុប, អ្នកឧកញ៉ា ភូ ហុងស៊ួន ស៊ី គង់ទ្រីវ អនុប្រធានសមាគមឧកញ៉ាកម្ពុជា, ក្នុងឱកាសដែលអ្នកឧកញ៉ា ត្រូវបាន ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទានគោរមងារជា «លោកអ្នកឧកញ៉ា» តាមសេចក្តីក្រាបបង្គំទូលថ្វាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

គោរមងារលំដាប់ថ្នាក់ទី១ ដ៏ខ្ពង់ខ្ពស់បំផុត និងឧត្តុង្គឧត្តមប្រកបដោយមហាកិត្តិយសនេះ គឺពិតជាស័ក្តិសមនិងជាសក្ខីភាពឆ្លុះបញ្ចាំងអំពីគុណវុឌ្ឍិដែល លោកអ្នកឧកញ៉ា បានលះបង់ទាំងកម្លាំងកាយ កម្លាំងចិត្ត ប្រាជ្ញាស្មារតី និងធនធានជាច្រើនដើម្បីចូលរួមបម្រើឧត្តមប្រយោជន៍ជូនជាតិមាតុភូមិ និងប្រជាជនកម្ពុជាទាំងក្នុងវិស័យសេដ្ឋកិច្ច សង្គមកិច្ច សាសនា និងមនុស្សធម៌នាពេលកន្លងមក។

ខ្ញុំបាទ និងភរិយា សូមចូលរួមអបអរសាទរ និងសូមគោរពជូនពរ លោកអ្នកឧកញ៉ាប្រធាន និងអបអរសាទរ លោកអ្នកឧកញ៉ា សូមប្រកបដោយសិរីមង្គល វិបុលសុខ និងពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា សូមចូលរួមអបអរសាទរ អ្នកឧកញ៉ា លី យ៉ុងផាត់ និងអ្នកឧកញ៉ាចំនួន៥រូបទៀត ដែលត្រូវបាន ព្រះមហាក្សត្រ ប្រោសព្រះរាជទានគោរមងារ ជា «លោកអ្នកឧកញ៉ា» appeared first on .

កម្មវិធី​ខាង​លើ​នេះ​ ក៏​មាន​ការ​អញ្ជើញ​ចូលរួម​ពី​​​ថ្នាក់ដឹកនាំ​ បុគ្គលិក សាស្ត្រាចារ្យ និង​ភ្ញៀវកិត្តិយស​​ជា​ច្រើន​នាក់ រួម​ទាំង​លោក​បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និង​ជា​អគ្គនាយករង​ក្រុមហ៊ុន ម៉ុង ឬទ្ធី គ្រុប ផង​ដែរ។

លោក​ឧកញ៉ា ប៉ិច បូឡែន ស្ថាបនិក​វិទ្យាស្ថានអភិវឌ្ឍវិស័យអប់រំ (EDI) ​​បាន​លើក​ឡើង​លើ​ទំព័រហ្វេសប៊ុក នៅ​ព្រឹក​ថ្ងៃទី០១ ខែកុម្ភៈ​នេះ​ យ៉ាង​ដូច្នេះ​ថា៖ “​​បើកឆាកឆ្នាំថ្មីជាមួយនឹងការគាំទ្រសេវា ៤០វគ្គសិក្សា ក្នុងថ្ងៃថ្លែងអំណរគុណដៃគូ។ សូម​អរគុណក្រុមហ៊ុនឯកជន ស្ថាប័នរដ្ឋ និងអង្គការជាតិ-អន្តរជាតិនានាដែលបានគាំទ្រ វិទ្យាស្ថាន អភិវឌ្ឍវិស័យអប់រំ Educational Development Institute – EDI អស់រយៈពេល១៦ឆ្នាំមកនេះ”។

សូម​ជម្រាប​ថា ​​វិទ្យាស្ថានអភិវឌ្ឍវិស័យអប់រំ​ គឺ​ជាក្រុមហ៊ុនបុត្រសម្ព័ន្ធមួយរបស់​វេសឡាញ អេឌ្យូខេសិន គ្រុប ​(Westline Education Group) ដែល​បាន​បង្កើត​ឡើង​​នៅ​ឆ្នាំ២០០៧ និង​ផ្តោតលើសេវា​បណ្តុះបណ្តាលបុគ្គលិក សេវា​ប្រឹក្សាយោបល់និងស្រាវជ្រាវអាជីវកម្ម ប្រឹក្សាយោបល់ទៅសិក្សានិងរស់នៅក្រៅប្រទេស និងសេវាប្រលងតេស្ត​អន្តរជាតិ​ជាច្រើន ដូចជា​ប្រលងទៅធ្វើការនៅជប៉ុន, TOEFL, Pearson, CFA និង​ CPA ជាដើម៕

The post អ្នកឧកញ៉ា ឧកញ៉ា ៣រូប ចូលរួមវេទិកាចែករំលែកចំណេះដឹងអំពីសហគ្រិនភាព របស់វិទ្យាស្ថាន EDI appeared first on .

តាម​ការ​ឱ្យដឹង​ពី​សណ្ឋាគារ សាន់ & មូន រីវើសាយ កាលពី​ថ្ងៃទី២៤ ខែមករា ​ការឈ្នះពានរង្វាន់ប្រណិត​លំដាប់ពិភពលោក​ដ៏មានកិត្យានុភាពចំនួនបី ​​គឺ​​មាន​ដូចជា៖

១)សណ្ឋាគារ ដែលមានសាលប្រជុំ​និងកន្លែងរៀបចំកម្មវិធីដ៏ប្រណិត

២)សណ្ឋាគារ​ដែលមានរចនាបថបែបប្រណិត និង

៣)សណ្ឋាគារដែលមានភាពទំនើបស៊ីវិល័យ។

ជាមួយ​នឹង​ភាព​ជោគជ័យ​ថ្មី​នេះ សណ្ឋាគារ សាន់ & មូន រីវើសាយ ក៏​សូមគោរព​ថ្លែង​អរគុណដល់ភ្ញៀវ បុគ្គលិក និងដៃគូ​សហការ​ដ៏ល្អទាំងអស់ ដែល​បាន​រួម​ចំណែក​ធ្វើ​ឱ្យ​សណ្ឋាគារ​មួយ​នេះ​ សម្រេចបាននូវកិត្យានុភាពដ៏អស្ចារ្យទាំងនេះ។ SUN & MOON, Riverside Hotel ​ប្តេជ្ញាថានឹងបន្តផ្តល់សេវាកម្មល្អ គំនិតច្នៃប្រឌិត និងការស្នាក់នៅ​ដែលប្រកបដោយ​ប្រណិត​ភាព។ ពេលវេលាល្អៗដែលមិនអាចបំភ្លេច​បាននៅមានជាច្រើនទៀត ជាមួយនឹងសណ្ឋាគារ សាន់ អែន មូន រីវើសាយ។

គួរ​រំឭក​ថា កាលពី​ថ្ងៃទី១៥ ខែសីហា ឆ្នាំ២០២៣ ក្រសួង​ទេសចរណ៍​ ​​បាន​ចេញ​វិញ្ញាបនបត្រ​ទទួល​ស្គាល់ សណ្ឋាគារ សាន់ & មូន ហូថេល ជា​សណ្ឋាគារ​ជ័យលាភី​ ជាប់ឈ្មោះជា “អាជីវកម្មទេសចរណ៍ឆ្នើម ក្នុងយុទ្ធនាការឆ្នាំទស្សនាកម្ពុជា ២០២៣” ផង​ដែរ។

​សូមជម្រាប​ជូន​ថា ​សណ្ឋាគារ សាន់ & មូន រីវើសាយ សាងសង់ប្រកបដោយគំនិតច្នៃប្រឌិត​ខ្ពស់​ បែបបដិសណ្ឋារកិច្ច​ វិនិយោគដោយកូនខ្មែរ ដោយមាន អ្នកឧកញ៉ាបណ្ឌិត ជា រតនា ជាសហគ្រិនឆ្នើមក្នុងវិស័យសណ្ឋាគារ និងបដិសណ្ឋារកិច្ច, និងជាប្រធានក្រុមប្រឹក្សាភិបាល នៃក្រុមហ៊ុន សាន់ & មូន គ្រុប ជាអ្នកផ្ដួចផ្ដើមស្ថាបនា។ សណ្ឋាគារផ្កាយ ៥ លំដាប់អន្តរជាតិ សាន់ & មូន រីវើសាយ មានទីតាំង ស្ថិតនៅប្របនឹងមាត់ទន្លេបាសាក់ កែងគល់ស្ពានព្រះមុន្នីវង្ស ក្បាលថ្នល់ ក្នុងខណ្ឌច្បារអំពៅ៕

The post សណ្ឋាគារ SUN & MOON HOTEL អ្នកឧកញ៉ាបណ្ឌិត ជា រតនា ឈ្នះពានរង្វាន់ប្រណិតលំដាប់ពិភពលោកចំនួន៣ appeared first on .

កុំឱ្យពិធីឆ្លងឆ្នាំជាមួយមនុស្សជាទីស្រឡាញ់ របស់លោកអ្នក រំលងទៅតាមបែបសាមញ្ញៗអី មកទទួលអារម្មណ៍រីករាយ គយគន់ទេសភាពដ៏ស្រស់ត្រកាលនាពេលរាត្រីនៃរាជធានីភ្នំពេញ និងពិសារអាហារឆ្ងាញ់ៗ នៅសណ្ឋាគារផ្កាយ៥ SUN & MOON, Riverside Hotel ទាំងអស់គ្នា។

លោកអ្នកអាចទិញសំបុត្រចូលរួមឥឡូវនេះ ក្នុងតម្លៃត្រឹមតែ ១៨៨ដុល្លារ និងទទួលបានការបញ្ចុះតម្លៃ ១៥% ភ្លាមរាល់ការទិញសំបុត្រ ពីថ្ងៃទី០១ ដល់ថ្ងៃទី១៥ ខែធ្នូ ឆ្នាំ២០២៣។ បើសិនជាលោកអ្នកទិញចាប់ពី ១០សំបុត្រឡើង នឹងទទួលបានបន្ទប់ស្នាក់នៅមួយយប់ ដោយឥតគិតថ្លៃ និងទទួលបានប័ណ្ណបញ្ចុះតម្លៃ ដែលមានទឹកប្រាក់ ៣០ដុល្លារ សម្រាប់ញាំអាហារ និងភេសជ្ជៈផ្សេងៗ។ បន្ថែមពីនោះ រាល់អតិថិជនដែលបានជាវសំបុត្រចូលរួមកម្មវីធីហើយ ក៏អាចទទួលបានកាដូ​ពិសេសមួយទៀត គឺចំណាយតែ ៥៥ដុល្លារបន្ថែម នឹងទទួលបានបន្ទប់ស្នាក់នៅនារាត្រីឆ្លងឆ្នាំ​តែម្ដង។

សណ្ឋាគារលំដាប់ផ្កាយ៥ «សាន់ & មូន រីវើសាយ»(SUN & MOON, Riverside Hotel) មានទីតាំងស្ថិតនៅជិតស្ពានអាកាស ព្រះមុនីវង្ស (ស្ពានអាកាសក្បាលថ្នល់) រាជធានីភ្នំពេញ។ សណ្ឋាគារ SUN & MOON, Riverside Hotel ត្រូវបានផ្ដួចផ្ដើមបង្កើតឡើងដោយស្នាដៃកូនខ្មែរ គឺ អ្នកឧកញ៉ាបណ្ឌិត ជា រតនា ។ សាន់ & មូន រីវើសាយ ជាសណ្ឋាគារលំដាប់ផ្កាយ៥ ក្នុងស្រុក ដែលទទួលបានការវាយតម្លៃខ្ពស់កម្រិតស្តង់ដារ ដោយស្ថាប័នអន្តរជាតិថា ជាសណ្ឋាគារ មានការឌីហ្សាញ ស្រស់ស្អាតលំដាប់ពិភពលោក World Class Design Hotel រួមទាំងទទួលបានមេដាយ និងពានរង្វាន់ប្រចាំឆ្នាំជាច្រើនពីក្រសួងទេសចរណ៍ថែមទៀតផង ។ 

ជាមួយមុខងារ ដ៏ប្រណីត និងសម្បូរបែប «សាន់ & មូន រីវើសាយ» បានក្លាយជាគោលដៅបដិសណ្ឋារកិច្ចនៃការរៀបចំកម្មវិធី ដូចជាពិធីខួបកំណើត អាពាហ៍ពិពាហ៍ ជប់លៀងបុគ្គលិកប្រចាំឆ្នាំ ជួបជុំឆ្លងឆ្នាំសកល មើលកាំជ្រួញ និង ព្រឹត្ដិការណ៍តូច ធំ លក្ខណៈ VIP, V VIP គ្រប់ប្រភេទគួរជាទីពេញចិត្ត ជាមួយតម្លៃយ៉ាងសមរម្យទៀតផង។ នៅខាងក្នុងសណ្ឋាគារ តាំងពីជាន់ផ្ទាល់ដី រហូតដល់ជាន់ខាងលើ សុទ្ធតែអាចឆ្លើយតបទៅនឹងតម្រូវការ និងក្ដីប្រាថ្នារបស់អតិថិជន ជាតិ និងអន្ដរជាតិ បានដោយទំនុកចិត្ត។ ក្នុងនោះ មានទាំងហាងកាហ្វេស្តង់ដារដ៏ធំទូលាយដំបូងគេនៅកម្ពុជា សាលប្រជុំ បន្ទប់ការិយាល័យរួម ភោជនីយដ្ឋានលំដាប់ៗចម្រុះជាតិសាសន៍ សាលហាត់ប្រាណ រោងភាពយន្តលក្ខណៈគ្រួសារ កន្លែងស្ប៉ាសុខភាពដ៏ទំនើបថែមទៀតផង។  

កុំឱ្យឱកាសប្រូម៉ូសិនពីសណ្ឋាគារលំដាប់ផ្កាយ ៥ SUN & MOON, Riverside Hotel កន្លងផុតឱ្យសោះ! ទំនាក់ទំនងកក់សំបុត្រតាមរយៈលេខទូរស័ព្ទ៖ +855 85 333 672 ឬអាចទៅដល់ទីតាំងសណ្ឋាគារ​ផ្ទាល់តែម្ដងក៏បាន ដែលមានទីតាំងនៅ https://maps.app.goo.gl/xgVs948GBjVRPXfD9 ៕

The post ឆ្លងឆ្នាំខាងមុខនេះ បបួលគ្នាឱ្យបាន ១០នាក់ មក សណ្ឋាគារ សាន់ & មូន រីវើសាយ បញ្ចុះតម្លៃសំបុត្រ ១៥% ហើយ Free បន្ទប់គេងទល់ព្រឹក appeared first on .

ឧកញ៉ា រ៉ាត់ ដារ៉ារ័ត្ន បច្ចុប្បន្នជាអ្នកគ្រប់គ្រងក្រុមហ៊ុន សណ្ឋាគារ សាន់ អ៊ែនមូន ជាកូនប្រសារអ្នកឧកញ៉ា ជា រតនា អគ្គនាយកក្រុមហ៊ុន សណ្ឋាគារ សាន់ អ៊ែនមូន គ្រុប និងជាទីប្រឹក្សាផ្ទាល់សម្តេចតេជោនាយករដ្ឋមន្រ្តី។ លោកត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» កាលថ្ងៃទី២ ខែមករា ឆ្នាំ២០២៣ តាមព្រះរាជក្រឹត្យលេខ នស/រកត/០១២៣/០០៨ ក្នុងព្រះរាជក្រឹត្យជាមួយភរិយារបស់លោក គឺលោកស្រី ជា ឡាក់គី។

សូមជម្រាបជូនថា សមាគមសណ្ឋាគារកម្ពុជា បច្ចុប្បន្នដឹកនាំដោយលោក ឌិន សុមេធារិទ្ធ និងមានអនុប្រធានចំនួន ៦រូប ហើយសមាគមនេះក៏មានប្រធានសាខានៅបណ្តាលខេត្តមួយចំនួន ដូចជាខេត្តសៀមរាប កែប និងកំពតជាដើម៕

The post កូនប្រសារអ្នកឧកញ៉ាថៅកែ SUN &MOON ជាប់ឆ្នោតជាប្រធានសមាគមសណ្ឋាគារកម្ពុជាអាណត្តិថ្មី appeared first on .

ក្នុងព្រឹត្តិការណ៍​ដ៏​ធំ​ប្រចាំ​​តំបន់​អាស៊ីអាគ្នេយ៍​នេះ​ ប្រតិភូកីឡា និងកីឡាករ កីឡាការិនី មក​ពី​បណ្តា​ប្រទេស​អាស៊ាន​ភាគ​ច្រើន នឹង​ស្នាក់នៅ​ “ភូមិកីឡដ្ឋាន វើលដ៍ប្រ៊ីដ” (WorldBridge Sport Village) តម្លៃ​ជាង​២០០​លាន​ដុល្លារ​ ​​របស់​អ្នកឧកញ៉ា សៀ ឫទ្ធី ប្រធាន​ក្រុម​ប្រឹក្សាភិបាលក្រុមហ៊ុន World Bridge Group ដែល​ស្ថិត​នៅ​ជាប់​ពហុកីឡដ្ឋានជាតិមរតកតេជោ នៅ​សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

​ទោះ​យ៉ាងណា ​​សម្រាប់​ប្រតិភូ​កីឡា​មួយ​ចំនួន និង​អ្នកគាំទ្រ​មក​ពី​បណ្តា​ប្រទេស​ផ្សេងៗ​ជា​ច្រើន​ទៀត​ ​​​នឹង​ស្នាក់​នៅ​តាមសណ្ឋាគារ​​​នានា ​នៅក្នុង​ក្រុង​ផង​ដែរ។ ជាមួយ​គ្នា​នេះ សណ្ឋាគារ​លំដាប់​ប្រណិត​​​របស់​អ្នកឧកញ៉ា ៦​រូប ក៏​បាន​ត្រៀម​​​ខ្លួន​រួច​រាល់​ហើយ​ដែរ ក្នុង​ការ​ទទួល​ភ្ញៀវ​អន្តរជាតិ ​​ដែល​មក​ទស្សនា​ព្រឹត្តិការណ៍​ស៊ីហ្គេម​២០២៣​នេះ ដែល​ក្នុង​មាន​ដូច​ខាង​ក្រោម៖​​​​

១. សណ្ឋាគារ Rosewood Phnom Penh ៖ អ្នកឧកញ៉ា សំអាង វឌ្ឍនៈ

២. សណ្ឋាគារ Fairfield by Marriott Phnom Penh និងសណ្ឋាគារ ហៃយ៉ាត់ រីជេនស៊ី ភ្នំពេញ ៖ អ្នកឧកញ៉ា លាង ឃុន

៣. សណ្ឋាគារ Garden City និងសណ្ឋាគារ ភ្នំពេញ ៖ អ្នកឧកញ៉ា លី យ៉ុងផាត់

៤. សណ្ឋាគារ សុខា ភ្នំពេញ ៖ អ្នកឧកញ៉ា សុខ គង់

៥. សណ្ឋាគារ កាំបូឌីយ៉ាណា ៖ អ្នកឧកញ៉ា គិត ម៉េង

៦. សណ្ឋាគារ​ SUN & MOON, Riverside ៖ អ្នកឧកញ៉ា ជា រតនា

សូម​ជម្រាប​ជូន​ថា ព្រឹត្តិការណ៍ស៊ីហ្គេមលើកទី៣២ ដែល​កម្ពុជា​រង់ចាំ​ធ្វើ​ជា​ម្ចាស់​ផ្ទះ​អស់​រយៈពេល ៦៤​ឆ្នាំ នឹង​ចាប់ផ្តើម​ពីថ្ងៃទី៥ ដល់ទី១៧ ខែឧសភា ខណៈដែល​ការប្រកួតកីឡាអាស៊ានប៉ារ៉ាហ្គេមលើកទី១២ នឹង​ចាប់ផ្តើម​ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣។ ចំណែក​ឯ​វិញ្ញាសារ​កីឡា​បាល់ទាត់​បុរស ​​នឹង​ចាប់​ផ្តើម​ការ​ប្រកួត​ ចាប់ពី​ថ្ងៃទី​២៩ ខែមេសា ឆ្នាំ២០២៣​ ចុង​សប្តាហ៍​នេះ​តទៅ នៅ​ពហុកីឡដ្ឋាន​អូឡាំពិក៕

The post សណ្ឋាគារលំដាប់ប្រណិតរបស់អ្នកឧកញ៉ា ៦រូប ត្រៀមទទួលភ្ញៀវអន្តរជាតិ ក្នុងព្រឹត្តិការណ៍ស៊ីហ្គេម២០២៣ appeared first on .

ក្នុងឱកាសដ៏មហានក្ខត្តឫក្សនេះ យើងខ្ញុំបាទ ព្រមទាំងក្រុមគ្រួសា សូមលំឱនកាយវាចាចិត្តបួងសួងដល់គុណបុណ្យព្រះរតនត្រ័យ វត្ថុស័ក្ដិសិទ្ធិក្នុងលោក ជាពិសេស ទេវតាឆ្នាំថ្មី ព្រះនាម កិមិរាទេវី សូមប្រទាននូវពរជ័យបវរមហាប្រសើរជូន សម្ដេចតេជោ នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត សូមមានសុខភាពល្អបរិបូរណ៍ កម្លាំងពលំមាំមួន ប្រាជ្ញាភ្លឺថ្លា ជន្មាយុយឺនយូរ ឈ្នះអស់មារសត្រូវគ្រប់ទិសទី និងទទួលបានជោគជ័យថ្មីបន្ថែមទៀត ក្នុងបុព្វហេតុជាតិ មាតុភូមិ ប្រជាជន ប្រកបដោយការអភិវឌ្ឍ និងរីកចម្រើនតរៀងទៅ។

ជាថ្មីម្ដងទៀត យើងខ្ញុំទាំងអស់គ្នា សូមបួងសួងដល់វត្ថុស័ក្តិសិទ្ធិទេវតាថែរក្សាទឹកដី នៃព្រះរាជាណាចក្រកម្ពុជា សូមតាមជួយបីបាច់ថែរក្សា អភិបាលប្រោះព្រំសព្ទសាធុការពរជូន សម្ដេចតេជោ នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត ព្រមទាំងបុត្រាបុត្រី និងចៅៗទាំងអស់ សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

The post អ្នកឧកញ៉ា បណ្ឌិត ជា រតនា និងលោកជំទាវ អ្នកឧកញ៉ា លី លីហៀក សូមគោរពផ្ញើសារលិខិតជូនពរ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ក្នុងឱកាសបុណ្យចូលឆ្នាំថ្មី ឆ្នាំថោះ appeared first on .