សម្តេចធិបតីនាយករដ្ឋមន្ត្រី សូមចូលរួមរំលែកមរណទុក្ខដ៏សែនក្រៀមក្រំបំផុតជាមួយ អ្នកឧកញ៉ាទាំងពីរ ព្រមទាំងក្រុមគ្រួសារទាំងមូល និងសូមគោរពបួងសួងដល់ដួងវិញ្ញាណក្ខន្ធរបស់ មហាសទ្ធាភិរ័ត្នញាណ ហ៉ី ឡាយ អគ្គមហាឧបាសកពុទ្ធសាសនូបត្ថម្ភក៍ សូមបានយោនយោគក្នុងទីឋានបរមសុខកុំបីឃ្លៀងឃ្លាតឡើយ។

មហាសទ្ធា ភិរ័ត្នញាណ ហ៊ី ឡាយ អគ្គមហាឧបាសកពុទ្ធសាសនូបត្ថម្ភក៍ បានទទួលមរណភាពនៅថ្ងៃទី២០ ខែកក្កដា ឆ្នាំ២០២៤ វេលាម៉ោង ៦:១២នាទីព្រឹក ក្នុងជន្មាយុ ៩៧ឆ្នាំ ដោយជរាពាធ៕

The post សម្តេចធីបតី ហ៊ុន ម៉ាណែត អញ្ជើញចូលរួមគោរពវិញ្ញាណក្ខន្ធ ឪពុករបស់អ្នកឧកញ៉ា ឈុន លាង និងជាឪពុកក្មេកអ្នកឧកញ៉ា សំ អាង appeared first on .

លិខិតរបស់សមាគមឧកញ៉ាកម្ពុជា បាន​បញ្ជាក់​ខ្លឹមសារ​បន្ថែមដូច្នេះថា៖ “ក្នុងវេលា​ដែល​ប្រកបដោយ​ទុក្ខព្រួយ​ដ៏​សោកសង្រេង​ជាទីបំផុត​នេះ យើង​ខ្ញុំ​ទាំងអស់គ្នា សូម​ចូលរួម​រំលែកមរណទុក្ខ​ដ៏​ក្រៀមក្រំ​ជាមួយ អ្នកឧកញ៉ា ឧកញ៉ា និង​លោកជំទាវ ព្រមទាំង​ក្រុមគ្រួសារ ដោយ​សេចក្តី​អាឡោះអាល័យ​រក​អ្វី​ប្រៀប​ផ្ទឹម​ពុំបាន ចំពោះការ​បាត់បង់​ឪពុក​បង្កើត ឪពុកក្មេក ជីតា ជីតាទួត ជាទីគោរព​ស្រឡាញ់​យ៉ាង​ជ្រាលជ្រៅ​បំផុត ដែល​ពោរពេញ​ទៅ​ដោយ​ព្រហ្មវិហារធម៌ និង​បាន​លះបង់​បូជា​កម្លាំង​ចិត្ត​គ្រប់​សព្វបែប​យ៉ាង​ក្នុងការ​បីបាច់​ថែរក្សា បុត្រា បុត្រី ចៅប្រុស ចៅស្រី ឱ្យក្លាយជា​ពលរដ្ឋ​ដ៏​ល្អ​សម្រាប់​សង្គមជាតិ។ យើងខ្ញុំទាំងអស់គ្នា សូមឧទ្ទិសបួងសួងដល់ដួង​វិញ្ញាណក្ខន្ធ មហាសទ្ធាភិរ័ក្ខញាណ ហ៊ី ឡាយ អគ្គមហាឧបាសកពុទ្ធសាសនូបត្ថម្ភក៏ សូមបានបដិសន្ធិក្នុង​សុគតិភពកុំបីឃ្លៀងឃ្លាតឡើយ”។

មហាសទ្ធាភិរ័ក្ខញាណ ហ៊ី ឡាយ អគ្គមហាឧបាសកពុទ្ធសាសនូបត្ថម្ភក៏ បាន​ទទួលមរណភាព​ កាលពីថ្ងៃសៅរ៍ ១៥កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកក្កដា ឆ្នាំ២០២៤ វេលាម៉ោង ៦.១២​នាទីព្រឹក ក្នុងជន្មាយុ ៩៧ឆ្នាំដោយជរាពាធ៕

The post សមាគមឧកញ៉ាកម្ពុជា ផ្ញើលិខិតរំលែកមរណទុក្ខ ជូនអ្នកឧកញ៉ា សំ អាង ចំពោះមរណភាពឪពុកក្មេក appeared first on .

នៅក្នុងឱកាសនេះ លោក ជាម ច័ន្ទសោភ័ណ បានឱ្យដឹងថា «នៅក្នុងកំឡុងពេលប៉ុន្មានឆ្នាំចុងក្រោយនេះ គណៈកម្មាធិការសាងសង់វិមានឈ្នះ-ឈ្នះ ដឹកនាំដោយសម្ដេចពិជ័យសេនា ទៀ បាញ់ ឧបនាយករដ្ឋមន្រ្ដី រដ្ឋមន្រ្ដីក្រសួងការពារជាតិ បានបន្ដយកចិត្ដទុកដាក់អភិវឌ្ឍគម្រោងតំបន់ប្រវត្ដិសាស្រ្ដយោធាកោះថ្ម X16 និងបានបង្កើតក្រុមការងារទទួលបន្ទុកកិច្ចការអភិវឌ្ឍសម្រេចបានជាផ្លែផ្លាគួរកត់សម្គាល់»។

ជាមួយនឹងការសាងសងហេដ្ឋារចនាសម្ព័ន្ធ នៅក្នុងតំបន់ប្រវត្ដិសាស្រ្ដយោធាកោះថ្ម X16 នេះគឺទទួលបន្ទុកដឹកនាំសាងសង់ដោយ ឯកឧត្ដម នាយឧត្ដមសេនីយ៍ សៅ សុខា អគ្គមេបញ្ជារការរង និងជាមេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងាររៀបចំពិធីដឹងនាំ និងដំណើរការសាងសង់។

បើតាមលោក ជាម ច័ន្ទសោភ័ណ ការសាងសង់ហេដ្ឋារចនាសម្ព័ន្ធទាំងអស់នៅតំបន់ប្រវត្ដិសាស្រ្ដនេះ ដែលរួមមាន៖ អគារវេទិកាអចិន្ដ្រៃយ៍ចំនួន១ខ្នង, ទីលានបាល់ទាត់, ជីកស្រះចំនួន១ ដោយមានចម្លាក់ថ្មភក់រូបនាគ ព័ន្ធជុំវិញ, សាងសង់ប្រាង្គ និងចម្លាក់ព្រះអង្គគោកធ្លក, សាលាដំណាក់ ១ខ្នង, អគារមិត្ដភាព ១ខ្នង, ដាក់បង្គោល តបណ្ដាញអគ្គីសនី រៀបរំប្រព័ន្ធលូរំដោះទឹក ចាក់បេតុងធ្វើផ្លូវ, ដាំកូនឈើ ដាំស្មៅលម្អ និងធ្វើទីលានឧទ្ធម្ភាចក្រចំនួន៥ទីតាំង។

បន្ថែមទៀតនោះ ក៏មានស្ថាបនាផ្លូវក្រវ៉ាត់ព្រំដែនប្រវែង ១៤៤,៧៥៥គីឡូម៉ែត្រ, ស្ថាបនាផ្លូវក្រាលកៅស៊ូ ពីផ្លូវជាតិលេខ៧ មកដល់តំបន់ប្រវត្ដិសាស្រ្ដ យោធាកោះថ្ម X16 ប្រវែង ៩,៩គីឡូម៉ែត្រ, តម្លើងបង្គោលអង់តែន , សាងសង់សារៈមន្ទីកោះថ្ម និងបណ្ដាញអគ្គីសនី និងបំពាក់អំពូលបំភ្លឺផ្លូវ ព្រមទាំងអគារទទួលភ្ញៀវ និងអគារស្នាក់នៅ គ្រោងនឹងបញ្ចុះសីលា សាងសង់នៅថ្ងៃទី២០ ខែមិថុនានេះផងដែរ។

លោក ជាម ច័ន្ទសោភ័ណ បានឱ្យគូសបញ្ជាក់ថា បច្ចុប្បន្ន គិតត្រឹមថ្ងៃទី២០ ខែមិថុនា ក្រុមការងារទទួលបានថវិការពីសប្បុរសជនក្នុងស្រុកសរុបចំនួន ៤៩០ពាន់ដុល្លារហើយ ដែលថវិការទាំងនេះ បានពីសប្បុរសជនរួមមាន អ្នកឧកញ៉ា សំ អាង, អ្នកឧកញ៉ា ឈុន លាង, អ្នកឧកញ៉ា សំអាង វឌ្ឍនៈ ទឹកប្រាក់២៤០ពាន់ដុល្លារ, លោកជំទាវ ឧកញ៉ា សុខ ស៊ីដា ទឹកប្រាក់ ១សែន ៨ម៉ឺនដុល្លារ, ឯកឧត្តម លឹម ប៊ុណ្ណា ទឹកប្រាក់ ៥ម៉ឺនដុល្លារ និង លោកឧកញ៉ា ស៊ូ ជុងជៀន ទឹកប្រាក់២ម៉ឺនដុល្លារ។

សូមជម្រាបជូនថា បើតាម លោក ជាម ច័ន្ទសោភ័ណ ដំណើរការសាងសង់ហេដ្ឋារចនាសម្ព័ន្ធទាំងអស់នៅក្នុងតំបន់ប្រវត្ដិសាស្រ្ដយោធាកោះថ្ម X16 នេះ គឺប្រើប្រាស់ទាំងថវិការបស់សប្បុរសជននានា និងថវិកាគាំទ្ររបស់ក្រសួងការពារជាតិប្រទេសវៀតណាម ដោយមិនប្រើប្រាស់ថវិការបស់រដ្ឋឡើយ៕

The post អ្នកឧកញ៉ា ឧកញ៉ា ៥រូប បរិច្ចាគថវិកាជាច្រើនម៉ឺនដុល្លារសាងសង់ហេដ្ឋារចនាសម្ព័ន្ធនៅតំបន់ប្រវត្ដិសាស្រ្ដយោធាតេជោកោះថ្ម X16 appeared first on .

បើតាមអគ្គនាយកដ្ឋានទូរទស្សន៍ជាតិកម្ពុជា បាន​ឱ្យដឹង​ថា ព្រះចៅស៊ុលតង់ ហាជី ហាសិនណល់ ប៊ូលហ្កះ និងព្រះរាជបុត្រ អាប់ឌុល ម៉ាទីន, សម្ដេចតេជោ ហ៊ុន សែន ប្រធានព្រឹទ្ធសភា, សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា, ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងឯកឧត្តម ឧត្តមសេនីយ៍ឯក ហ៊ុន ម៉ានិត មេបញ្ជាការ​រង​កងទ័ពជើងគោក បានយាងនិងអញ្ជើញចូលរួមក្នុងព្រះរាជពិធីសោយព្រះក្រយាព្រឹក ធ្វើឡើងនៅសណ្ឋាគាររ៉ូសរូដ ភ្នំពេញ ដែល​ជាសណ្ឋាគារ​ដ៏ប្រណិតកណ្តាលរាជធានីភ្នំពេញ ស្ថិតក្នុងមជ្ឈមណ្ឌលពាណិជ្ជកម្ម វឌ្ឍនៈ កាពីតាល ក្រោមការគ្រប់គ្រង់ដោយក្រុមហ៊ុន វឌ្ឍនៈ ប្របភើធី។

ក្នុងឱកាសដ៏ឧត្តុង្គឧត្តមនេះ ក្រុមគ្រួសារអ្នកឧកញ៉ា ពិតជាមានមោទកភាពប្រកបដោយសេចក្តីសោមនស្សរីករាយ ដែល​ព្រះមហាក្សត្រ នៃប្រទេសប្រ៊ុយណេ ដារូសាឡឹម និងព្រះរាជបុត្រ ព្រះអង្គបានសព្វព្រះរាជហឫទ័យ​ជ្រើសរើស​យក​សណ្ឋាគារ​រ៉ូសរូដ ភ្នំពេញ ធ្វើជាកន្លែងគង់ប្រថាប់ និងព្រះរាជពិធីសោយព្រះក្រយា។

សណ្ឋាគារលំដាប់ផ្កាយ៥ ​រ៉ូសរូដ ភ្នំពេញ (Rosewood Phnom Penh) ដែលស្ថិតនៅចាប់ពី​​ជាន់ទី១៤​ នៃ​អគារវឌ្ឍន: (Vattanac Capital Tower) របស់​អ្នកឧកញ៉ា សំអាង វឌ្ឍនៈ ​​គឺជា​សណ្ឋាគារ​មួយ ដែល​គេ​ទទួល​ស្គាល់​ថា ជា​សណ្ឋាគារ​ដ៏​ប្រណិត​បំផុត​​មួយ​នៅ​ប្រទេស​កម្ពុជា ​តំបន់​អាស៊ី​អាគ្នេយ៍ និង​តំបន់​​អាស៊ីប៉ាស៊ីហ្វិក ព្រម​ទាំង​ត្រូវបាន​គេ​​​ទទួល​ស្គាល់​​​ជា​សណ្ឋាគារ​​ដ៏​ល្អ​បំផុត​មួយ ​​​ពី​ទស្សនាវដ្តី​ និង​ស្ថាប័ន​ល្បីៗ​កម្រិត​ពិភពលោក៕

The post សេដ្ឋីខ្មែរតែ ៣រូបប៉ុណ្ណោះ បានចូលជួបព្រះមហាក្សត្រប្រ៊ុយណេ ក្នុងព្រះរាជពិធីសោយព្រះក្រយាព្រឹក ជាមួយសម្តេចតេជោ ហ៊ុន សែន និងកូនប្រុសទាំង៣ appeared first on .

អ្នកឧកញ៉ា សំ អាង និងអ្នកឧកញ៉ា ឈុន លាង តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា សំ អាង និងអ្នកឧកញ៉ា ឈុន លាង បរិច្ចាគថវិកា ១៥ម៉ឺនដុល្លារ ជួយកាកបាទក្រហមកម្ពុជា appeared first on .

សីលវិសុទ្ធសិរីរចនាអគ្គមហាឧបាសិកាពុទ្ធសាសនូបត្ថម្ភក៍ នាង ហ៊ុច ដែលត្រូវជាម្តាយបង្កើតរបស់ អ្នកឧកញ៉ា ឈុន លាង បានទទួលមរណភាពកាលពីថ្ងៃអាទិត្យ ១៣រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែធ្នូ ឆ្នាំ២០២៣ វេលាម៉ោង ៩៖១៨នាទីព្រឹក ក្នុងជន្មាយុ ៩១ឆ្នាំ។

មរណភាពរបស់សីលវិសុទ្ធសិរីរចនាអគ្គមហាឧបាសិកាពុទ្ធសាសនូបត្ថម្ភក៍ នាង ហ៊ុច គឺជាការបាត់បង់នូវម្តាយបង្កើត ម្តាយក្មេក ជីដូន ជីដូនក្មេក និងជីដូនទួត ជាទីគោរពស្រឡាញ់ និងប្រកបដោយព្រហ្មវិហារធម៌ នៃកូន ចៅ និង ចៅទូតទាំងអស់ ។ ទន្ទឹមនឹងនេះ ក៏ជាការបាត់បង់ នូវពុទ្ធសាសនិកមួយរូប ដែលមានសទ្ធាជ្រះថ្លាយ៉ាងក្រៃលែង ដែលបានបូជាកម្លាំងកាយចិត្ត និងធនធាន ពេលវេលា ដើម្បីរួមចំណែកក្នុងការងារមនុស្សធម៌ និងទ្រទ្រង់លើកស្ទួយវិស័យព្រះពុទ្ធសាសនានៅប្រទេសកម្ពុជា។

ឆ្លៀតក្នុងឱកាសនោះ សម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ក៏បានចូលរួមរំលែកទុក្ខជាមួយ អ្នកឧកញ៉ា ឈុន លាង និងអ្នកឧកញ៉ា សំ អាង ព្រមទាំងក្រុមគ្រួសារ ដោយក្តីសោកសង្រេង និងអាឡោះអាល័យជាទីបំផុត និងបានឧទ្ទិសបួងសួងសូមឲ្យដួងវិញ្ញាណក្ខន្ធរបស់សីលវិសុទ្ធសិរីរចនាអគ្គមហាឧបាសិកាពុទ្ធសាសនូបត្ថម្ភក៍ នាង ហ៊ុចបានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ៕

សពសីលវិសុទ្ធសិរីរចនាអគ្គមហាឧបាសិកាពុទ្ធសាសនូបត្ថម្ភក៍ នាង ហ៊ុច ត្រូវបានតម្កល់ទុកធ្វើបុណ្យតាមប្រពៃណីនៃព្រះពុទ្ធសាសនានៅភូមិគ្រឹះលេខ១៩៩ មហាវិថីព្រះនរោត្តម សង្កាត់បឹងកេងកងទី១ ខណ្ឌចំការមន រាជធានីភ្នំពេញ៕

The post សម្តេចពិជ័យសេនា ទៀ បាញ់ និងសម្តេច ម៉ែន សំអន អញ្ជើញគោរពវិញ្ញាណក្ខន្ធសពសីលវិសុទ្ធសិរីរចនា អគ្គមហាឧបាសិកា ពុទ្ធសាសនូបត្ថម្ភក៍ នាង ហ៊ុច ម្តាយបង្កើតរបស់អ្នកឧកញ៉ា ឈុន លាង appeared first on .

សព សីលវិសុទ្ធសិរីរចនាអគ្គមហាឧបាសិកាពុទ្ធសាសនូបត្ថម្ភក៏ នាង ហ៊ុច ត្រូវបានតម្កល់ទុកធ្វើបុណ្យតាមប្រពៃណីនៃព្រះពុទ្ធសាសនានៅភូមិគ្រឹះលេខ១៩៩ មហាវិថីព្រះនរោត្តម សង្កាត់បឹងកេងកងទី១ ខណ្ឌចំការមន រាជធានីភ្នំពេញ។

ពិធីដង្ហែសព នឹងប្រព្រឹត្តទៅនៅថ្ងៃទី១៣ ខែធ្នូ ឆ្នាំ២០២៣ វេលាម៉ោង ៧៖១២នាទីព្រឹក ឆ្ពោះទៅកាន់វត្តឈូងលៀបព្រះសីហនុរាជ ភូមិកោះគរ ឃុំរកាខ្ពស់ ស្រុកស្អាង ខេត្តកណ្ដាល៕

The post មាតាបង្កើតអ្នកឧកញ៉ាថៅកែក្រុមហ៊ុន វឌ្ឍនៈ គ្រុប ទទួលមរណភាពក្នុងជន្មាយុ ៩១ឆ្នាំ appeared first on .

ការចូលរួមបរិច្ចាគរបស់ក្រុមហ៊ុន វឌ្ឍនៈ គ្រុប ក្នុងបេសកកម្មមនុស្សធម៌នេះមិនមែនជាលើកទី១នោះឡើយ ដោយកន្លងទៅក្រុមហ៊ុនតែងតែចេញមុខបង្ហាញវត្តមានគ្រប់កាលៈទេសៈនៃការអំពាវនាវចូលរួមកិច្ចការងារសង្គមជាមួយរាជរដ្ឋាភិបាលទាំងវិស័យសេដ្ឋកិច្ច សង្គមកិច្ច សុខាភិបាល​​ និងមនុស្សធម៌ជាដើម។

សូមជម្រាបជូបថា គណៈយុទ្ធមិត្ដជំនាន់បម្រើកងទ័ពឆ្នាំ១៩៧៨ ហៅកាត់ថា យ.ជ.ប.ទ ត្រូវបានរាជរដ្ឋាភិបាលសម្រេចបង្កើតឡើងកាលពីថ្ងៃទី២២ ខែមីនា ឆ្នាំ២០២៣ ដែលមានសម្តេចតេជោ ហ៊ុន សែន នាយករដ្ឋមន្ត្រី ជាប្រធានកិត្តិយស, លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងព្រឹទ្ធសភា- រដ្ឋសភា និងអធិការកិច្ច ជាប្រធាន, នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធលើផ្ទៃប្រទេស ជាអនុប្រធាន។

គណៈយុទ្ធមិត្ដជំនាន់បម្រើកងទ័ពឆ្នាំ១៩៧៨ មានតួនាទីភារកិច្ចថែរក្សាប្រពៃណី ស្នេហាជាតិ ការពារស្នាដៃ និងសមិទ្ធផល ព្រមទាំងសច្ចធម៌ប្រវត្តិសាស្ត្រ ជួយជ្រោមជ្រែងជីវភាពរស់នៅរបស់យុទ្ធមិត្ត ជាពិសេសអ្នកដែលមានជីវភាពទន់ខ្សោយ ជួបទុក្ខលំបាក។

គួររម្លឹកថា អង្គភាព ១២៥ ជាអង្គភាពកងទ័ពដំបូង នៃរណសិរ្សសាមគ្គីសង្គ្រោះជាតិ ដែលត្រូវបង្កើតឡើងដោយសម្តេចតេជោ ហ៊ុន សែន នៅថ្ងៃទី១២ ខែឧសភា ឆ្នាំ១៩៧៨៕

The post អ្នកឧកញ៉ា ឈុន លាង ឧបត្ថម្ភថវិកា ២០ម៉ឺនដុល្លារជូនមូលនិធិតេជោ១២៥ appeared first on .

ដើម្បីអបអរសាទរទិវាសិទ្ធិនារីអន្តរជាតិ ៨មីនា ឆ្នាំ២០២៣នេះ គេហទំព័រឧកញ៉ាញូស៍ សូមបង្ហាញស្ត្រីវស្សាជើងខ្លាំងក្នុងវិស័យជំនួញ ដែលកំពុងដឹកនាំអាណាចក្រជំនួញប្រាក់ពាន់លាននៅក្នុងដៃ ចំនួន៤រូប រួមមាន៖

១/ ស្ថាបនិកក្រុមហ៊ុន ជីប ម៉ុង គ្រុប

អ្នកឧកញ៉ា ភាព ហៀក កំពុងជោគជ័យយ៉ាងសម្បើមគ្រប់គ្រងបុត្រសម្ព័ន្ធក្នុងដៃប្រមាណ ១៣ក្រុមហ៊ុនលើពហុវិស័យ។ ជីបម៉ុង គ្រុប ជោគជ័យមកទល់បច្ចុប្បន្ននេះគេមិនអាចមើលរំលងបានឡើយនូវពាណិជ្ជករវ័យក្មេងដ៏មានសក្តានុពលចំនួន ២រូប គឺអ្នកឧកញ៉ា លាង ឃុន និងអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ជីបម៉ុង លោកទាំពីរជាកូនបង្កើតអ្នកឧកញ៉ា ភាព ហៀក មានស្រុកកំណើតខេត្តកំពង់ចាម ស្រុកសន្ធរ។

២/ ប្រធានក្រុមប្រឹក្សាភិបាលក្រុមហ៊ុន វឌ្ឍនៈ គ្រុប

អ្នកឧកញ៉ា ឈុន លាង ដែលចាប់ផ្ដើមជំនួញដំបូងពីរបរលក់អំបោះហុង និងគ្រឿងអលង្ការ ជាមួយប្តីគឺអ្នកឧកញ៉ា សំ អាង ស្ថាបនិកក្រុមហ៊ុន វឌ្ឍនៈ គ្រុប ជាក្រុមហ៊ុនក្នុងស្រុកកំពុងវិនិយោគជាច្រើនវិស័យ។ ក្រុមហ៊ុន វឌ្ឍនៈ ក៏មានកូនប្រុសស្រីចំនួន៣រូប កំពុងដឹកនាំផ្នែកយុទ្ធសាស្រ្តសំខាន់ៗផងដែរ។

៣/ អនុប្រធានប្រតិបត្តិនៃក្រុមហ៊ុន លី ហួរ

អ្នកស្រីឧកញ៉ា ស៊ាង លីម ដែលមានស្វាមីជាដឹកនាំកាច់ចង្កូតដ៏ឆ្នើមល្បីល្បាញជើងចាស់ក្នុងពិភពជំនួញប្រទេសកម្ពុជា និងមានសេនាជាទ័ពស្រួចកំពុងគ្រប់គ្រងសម្ព័ន្ធក្រុមហ៊ុន លី ហួរ គ្រុប។ អ្នកស្រីចាប់ផ្តើមអាជីវកម្មដំបូងជាអ្នកលក់សំលៀកបំពាក់ និងក្រណាត់នាំចូលពីវៀតណាម ហើយក្រោយមកចាប់ផ្តើមអាជីវកម្មប្តូរប្រាក់និងលក់មាសក្នុងឆ្នាំ១៩៨៦ រហូតជោគជ័យពេលបច្ខុប្បន្ន។

៤/ អ្នកស្រីឧកញ៉ា លឹម ឈីវហូរ

អគ្គនាយិការក្រុមហ៊ុន អាតវ៉ីត នីហរ័ណ អាហរ័ណ ដែលជាក្រុមហ៊ុនសាជីវកម្មនាំចូលស្រាល្បីៗថ្លៃៗកបពពកមកស្រុកខ្មែរ។ អ្នកស្រីកំពុងគ្រប់គ្រងបុត្រសម្ព័ន្ធក្នុងពហុវិស័យ។ ជាមួយគ្នានេះ ក្រុមហ៊ុនរបស់អ្នកស្រីក៏មានកូនប្រុសម្នាក់ផងដែរមកជួយដឹកនាំបេសកកម្មរបស់ក្រុមហ៊ុន អាតវ៉ូត នីហរ័ណ អាហរ័ណ ពិសេសតំបន់សេដ្ឋកិច្ចពិសេសនានា៕

អត្ថបទ៖ ឧកញ៉ាកោះក្របី

The post កំពូលស្ត្រីឆ្នើមជើងចាស់៤រូប បាននឹងកំពុងកសាងអាណាចក្រជំនួញប្រាក់ពាន់លាននៅកម្ពុជា appeared first on .

​លោកឧកញ៉ា ហេង ឡុង ប្រធានសមាគមសិល្បៈស្ម័គ្រចិត្តជួយសង្គម និង​ជាផលិតករភាពយន្តចម្រៀង «ទុក្ខស្រីប្តីព្រាត់» បាន​​លើក​ឡើង​​ថា លោក​និងលោក​ជំទាវ​ ចន ច័ន្ទលក្ខិណា ពិតជាមានមោទនភាពក្រៃលែង ដែលបានរៀបចំកម្មវិធីសម្ពោធចម្រៀងភាពយន្ត “ទុក្ខស្រីប្ដីព្រាត់” កាលពីល្ងាច ថ្ងៃទី០៧ ខែមករា ឆ្នាំ២០២៣ នៅសាលសន្និសីទចតុមុខ រាជធានីភ្នំពេញ ក្រោមអធិបតីភាព​ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និង​វិចិត្រសិល្បៈ ដែលជាភាពយន្តចម្រៀង បង្ហាញពីប្រវត្តិជីវិតពិតរបស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត។

ជាមួយ​គ្នា​នេះ លោក​ឧកញ៉ា ហេង ឡុង ក៏​សូមគោរពអរគុណ​ដល់​លោកជំទាវអ្នកឧកញ៉ា ឈុន លាង ម្ចាស់ក្រុមហ៊ុន វឌ្ឍនៈ​ ដែលបានផ្ដល់កិត្តិយសចូលរួម និងបានឧបត្ថម្ភស្រាបៀរ​វឌ្ឍនៈ​ ចំនួន​ ១០០០​កេស ក្នុងមួយកេស​ មាន​ ១២កំប៉ុង ជូនដល់អ្នកចូលរួមទាំងអស់​ប្រមាណ ៦០០​នាក់។

សូម​ជម្រាប​ជូន​ផង​ដែរ​ថា ស្នាដៃថ្មី​ចម្រៀងភាពយន្ត “ទុក្ខស្រីប្ដីព្រាត់” ដឹកនាំសម្ដែង​ដោយ​លោក​ ហ្វៃ សំអាង ខណៈ​ដែល​ឧកញ៉ា ហេង ឡុង, ឧកញ៉ា អ៊ឹង លីហេង និង​លោក​ជំទាវ ចន ច័ន្ទលក្ខិណា ជា​ផលិតករ ហើយ​អ្នកឧកញ៉ា ឡេង ណាវ៉ាត្រា ​បានជួយ​ឧបត្ថម្ភ​ជា​សម្ភារៈ និង​កាមេរ៉ាថត។

ចម្រៀងភាពយន្ត​នេះ​ បានជ្រើសតួឯកប្រុសសម្ដែងដោយលោក ប៉ាន់ ខែមម៉ានូ ជាតួអង្គសម្ដេចតេជោ ហ៊ុន សែន។ ចំណែកតួឯកស្រីកញ្ញា ឈិន មុន្នីនាថ សម្ដែងជាតួអង្គសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន និងមានការចូលរួមសម្ដែងពីសំណាក់តារាល្បីៗជាច្រើនដួងទៀត។ ហើយតារាចម្រៀងដែលមកបំពេរអារម្មណ៍​ឱ្យអ្នកស្ដាប់កម្សត់តាមដល់ស្រក់ទឹកភ្នែក ត្រូវបានជ្រើសរើសនិងផ្ដល់កិត្តិយសបកស្រាយ​ដោយកំពូលតារា​ចម្រៀងស្រី មាស សុខសោភា៕

The post ជំទាវអ្នកឧកញ៉ា១រូប ឧបត្ថម្ភស្រាបៀរវឌ្ឍនៈ ១០០០កេស ដល់អ្នកចូលរួមសម្ពោធចម្រៀងភាពយន្ត “ទុក្ខស្រីប្ដីព្រាត់” appeared first on .