អ្នកឧកញ៉ា តែ អ៊ីឆែ

អ្នកឧកញ៉ា តែ អុីឆែ ក្លាយជាសមាជិក នៃសមាគមអ្នកសាងសង់កម្ពុជា

ឧកញ៉ាដែនដី — Wed, 21 Jan 2026 07:14:27 +0000

អ្នកឧកញ៉ា តែ អុីឆែ ប្រធានក្រុមប្រឹក្សាភិបាលក្រុមហ៊ុន អុីឆែ គ្រុប (Y Chhe Group Co., Ltd) បានចូលជា សមាជិក នៃសមាគមអ្នកសាងសង់កម្ពុជា។ នេះបើតាមការបង្ហាញឱ្យដឹងពីទំព័រហ្វេសប៊ុកផ្លូវការរបស់សមាគមអ្នកសាងសង់កម្ពុជា កាលថ្ងៃទី១៦ ខែមករា ឆ្នាំ២០២៦។

ក្រុមហ៊ុន អុីឆែ គ្រុប (Y Chhe Group Co., Ltd) ដែលមាន អ្នកឧកញ៉ា តែ អុីឆែ ជាស្ថាបនិក គឺជាក្រុមហ៊ុនផ្គត់ផ្គង់សម្ភារៈសំណង់ឈានមុខគេមួយនៅកម្ពុជា នាពេលបច្ចុប្បន្ន។ ក្រុមហ៊ុននេះ មានសមត្ថភាពផ្គត់ផ្គង់សម្ភារៈសាងសង់សម្រាប់គម្រោងហេដ្ឋារចនាសម្ព័ន្ធធំៗអគារពាណិជ្ជកម្ម និងលំនៅដ្ឋានជាដើម។

ក្រុមហ៊ុន អុីឆែ គ្រុប ត្រូវបានបង្កើតឡើងដំបូងក្នុងឆ្នាំ១៩៨៦ ក្នុងទម្រង់ជាអាជីវកម្មខ្នាតតូចលក្ខណៈគ្រួសារ ដោយផ្តើមចេញពីការលក់គ្រឿងដែក និងលួសចំណង។ នៅឆ្នាំ១៩៩២ ក្រុមហ៊ុនបានពង្រីកអាជីវកម្មទៅជាអ្នកលក់រាយនូវប្រភេទដែកចម្រុះ និងគ្រឿងសម្ភារៈសំណង់ផ្សេងៗ។ លុះដល់ឆ្នាំ២០០២ អ្នកឧកញ៉ា តែ អុីឆែ បានបង្កើតជាក្រុមហ៊ុន អ៊ីឆែ អាហរ័ណ នីហរ័ណ ដែលផ្គត់ផ្គង់គ្រឿងសំណង់ច្រើនប្រភេទ។ បន្ទាប់មក នៅឆ្នាំ២០១២ ក្រុមហ៊ុនបានអភិវឌ្ឍទៅជា ក្រុមហ៊ុន អុីឆែ គ្រុប ដែលមានផ្គត់ផ្គង់សម្ភារៈសំណង់គុណភាពខ្ពស់គ្រប់ប្រភេទ។

សមាគមអ្នកសាងសង់កម្ពុជា (CCA) សម្រាប់អាណត្តិទី៦ (២០២៦-២០២៨) មានសមាសភាពថ្នាក់ដឹកនាំថ្មីចំនួន ១១រូប ក្នុងនោះ ឧកញ៉ា ឆារស៍ វ៉ាន់ នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានជាប់ជាប្រធានសមាគម។

សូមជម្រាបថា សមាគមអ្នកសាងសង់កម្ពុជា ត្រូវបានបង្កើតឡើងក្រោមការផ្តួចផ្តើមដោយក្រសួងរៀបចំដែនដី នគរូបនីយកម្ម និងសំណង់ និងលោកអ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ហើយបានចុះបញ្ជីនៅក្រសួងមហាផ្ទៃ ជាផ្លូវការ នៅថ្ងៃទី១៦ ខែវិច្ឆិកា ឆ្នាំ២០១១។ សមាគមនេះបង្កើតឡើងមានចក្ខុវិស័យធំៗចំនួន៣ គឺ៖ ១)ប្រែក្លាយឧស្សាហកម្មសំណង់របស់ជាតិ ជាឧស្សាហកម្មប្រកបដោយទំនុកចិត្ត ផលិតភាព គណនេយ្យភាព និងការប្រកួតប្រជែង ទាំងក្នុងទីផ្សារជាតិ និងអន្តរជាតិ, ២)ធ្វើឱ្យសមាជិកទាំងអស់របស់សមាគមក្លាយជាអ្នកសាងសង់មានលំដាប់ស្តង់ដាខ្ពស់ និងចំណាត់ថ្នាក់លំដាប់អន្តរជាតិ និង ៣)ជាអង្គការជួយសម្របសម្រួលទំនាក់ទំនងរវាងរាជរដ្ឋាភិបាល និងផ្នែកឯកជនក្នុងវិស័យសំណង់ ដើម្បីផ្តល់នូវផលប្រយោជន៍ ដល់ឧស្សាហកម្មសំណង់៕

The post អ្នកឧកញ៉ា តែ អុីឆែ ក្លាយជាសមាជិក នៃសមាគមអ្នកសាងសង់កម្ពុជា appeared first on .

មកដឹងប្រវត្តិក្រុមហ៊ុន អ្នកឧកញ៉ា តែ អ៉ីឆែ ជាក្រុមហ៊ុនផ្គត់ផ្គង់សម្ភារៈសំណង់ឈានមុខគេមួយនៅកម្ពុជា

ឧកញ៉ាដែនដី — Fri, 12 Jan 2024 05:43:20 +0000

ក្រុមហ៊ុន អ៉ីឆែ គ្រុប (Y Chhe Group Co., Ltd.) ដែលមាន អ្នកឧកញ៉ា តែ អ៉ីឆែ ជាស្ថាបនិកនិងជាអគ្គនាយក គឺជាក្រុមហ៊ុនផ្គត់ផ្គង់សម្ភារៈសំណង់ឈានមុខគេមួយនៅកម្ពុជា នាពេលបច្ចុប្បន្ន ដែលមានបុគ្គលិកបម្រើការងារជាង ៤០០នាក់។ ក្រុមហ៊ុននេះ មានសមត្ថភាពផ្គត់ផ្គង់សម្ភារៈសាងសង់សម្រាប់គម្រោងហេដ្ឋារចនាសម្ព័ន្ធធំៗអគារពាណិជ្ជកម្ម និងលំនៅដ្ឋានជាដើម។

ក្រុមហ៊ុន អ៉ីឆែ គ្រុប ត្រូវបានបង្កើតឡើងដំបូងក្នុងឆ្នាំ១៩៨៦ ក្នុងទម្រង់ជាអាជីវកម្មខ្នាតតូចលក្ខណៈគ្រួសារ ដោយផ្តើមចេញពីការលក់គ្រឿងដែក និងលួសចំណង។ នៅឆ្នាំ១៩៩២ ក្រុមហ៊ុនបានពង្រីកអាជីវកម្មទៅជាអ្នកលក់រាយនូវប្រភេទដែកចម្រុះ និងគ្រឿងសម្ភារៈសំណង់ផ្សេងៗ។ លុះដល់ឆ្នាំ២០០២ អ្នកឧកញ៉ា តែ អ៉ីឆែ បានបង្កើតជាក្រុមហ៊ុន អ៊ីឆែ អាហរ័ណ នីហរ័ណ ដែលផ្គត់ផ្គង់គ្រឿងសំណង់គ្រប់ប្រភេទ។ នៅឆ្នាំ២០១០ ក្រុមហ៊ុនចាប់ផ្តើមនាំចូល និងចែកចាយស៊ីម៉ង់ត៍យុថ្កា ដែលមានគុណភាពខ្ពស់ និងកម្រិតស្តង់ដាអាមេរិក។

បន្ទាប់មក នៅឆ្នាំ២០១២ ក្រុមហ៊ុនបានអភិវឌ្ឍទៅជា ក្រុមហ៊ុន អ៉ីឆែ គ្រុប ដែលមានផ្គត់ផ្គង់សម្ភារៈសំណង់គុណភាពខ្ពស់គ្រប់ប្រភេទ។ ចូលឆ្នាំ២០១៤ ចាប់ផ្តើមធ្វើការចែកចាយផលិតផល នៅតាមតំបន់អភិវឌ្ឍន៍សំខាន់ៗ ទូទាំង ២៥រាជធានី/ខេត្ត។ ដល់ឆ្នាំ២០១៦ បានដាក់បង្ហាញស្លាកសញ្ញាក្រុមហ៊ុនថ្មី ជាមួយពាក្យស្លោក “កសាងអនាគតជាមួយអ្នក” ក្នុងន័យឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុន ដើម្បីកសាងអនាគតប្រទេសកម្ពុជា។ ឆ្នាំ២០១៧ បានបង្កើតទីតាំងដាក់បង្ហាញ (Showroom) ផលិតផលរបស់ក្រុមហ៊ុន ស្ថិតនៅក្នុងខណ្ឌឬស្សីកែវ រាជធានីភ្នំពេញ។ នៅឆ្នាំ២០១៩ បានផ្លាស់ប្តូរទីតាំងការិយាល័យកណ្តាលថ្មី មកកាន់អគារពាណិជ្ជកម្មចម្រុះ ធីខេ សេនត្រល នៅខណ្ឌទួលគោក។ មកដល់ឆ្នាំ២០២១ ក្រុមហ៊ុន អ៉ីឆែ គ្រុប បាននាំចូលផ្តាច់មុខដែកថ្មីម៉ាក 7ST នៅក្នុងប្រទេសកម្ពុជា និងបន្តអភិវឌ្ឍទៅលើស៊ីម៉ង់ត៍យុថ្កា ដោយធ្វើការផ្លាស់ប្តូររូបរាងថ្មី គុណភាពកាន់តែពិសេស និងថែរក្សាបរិស្ថាន រហូតមកដល់បច្ចុប្បន្ន។

សូមជម្រាបថា អ្នកឧកញ៉ា តែ អ៉ីឆែ សមាជិកក្រុមប្រឹក្សាភិបាលសមាគមឧកញ៉ាកម្ពុជា កើតក្នុងឆ្នាំ១៩៦២ នៅខេត្តកណ្តាល ហើយលោកបានចូលប្រឡូកក្នុងវិស័យជំនួញតាំងពីឆ្នាំ១៩៨៦។ កន្លងមក អ្នកឧកញ៉ាបានចូលរួមយ៉ាងសកម្មនៅក្នុងសកម្មភាពសង្គម និងសកម្មភាពមនុស្សធម៌ តាមរយៈការបរិច្ចាគទ្រព្យធនជាច្រើន ព្រមទាំងកម្លាំង កាយ ចិត្ត ប្រាជ្ញាស្មារតី និងពេលវេលា។ ឧកញ៉ា តែ អ៉ីឆែ ត្រូវបានព្រះមហាក្សត្រត្រាស់បង្គាប់ផ្តល់គោរមងារ «អ្នកឧកញ៉ា» នៅថ្ងៃទី០៤ ខែសីហា ឆ្នាំ២០២៣៕

The post មកដឹងប្រវត្តិក្រុមហ៊ុន អ្នកឧកញ៉ា តែ អ៉ីឆែ ជាក្រុមហ៊ុនផ្គត់ផ្គង់សម្ភារៈសំណង់ឈានមុខគេមួយនៅកម្ពុជា appeared first on .

ឧកញ៉ា ហេង សៀ សមាជិកសកម្មនៃសមាគមឧកញ៉ាកម្ពុជា ផ្ញើសារអបអរសាទរ អនុប្រធាននិងសមាជិកសមាគមឧកញ៉ាកម្ពុជា ៣រូប ទើបទទួលគោរមងារ «អ្នកឧកញ៉ា»

ឧកញ៉ាតូច — Sat, 12 Aug 2023 10:34:27 +0000

ឧកញ៉ា ហេង សៀ សមាជិកសកម្មនៃសមាគមឧកញ៉ាកម្ពុជា សូមចូលរួមអបអរសាទរ លោកស្រីឧកញ៉ា អ៊ាន អេឡែន អនុប្រធានក្រុមប្រឹក្សាភិបាលសមាគមឧកញ៉ាកម្ពុជា, ឧកញ៉ា តែ អ៊ីឆែ និងឧកញ៉ា សុខ ឆេង សមាជិកក្រុមប្រឹក្សាភិបាលសមាគមឧកញ៉ាកម្ពុជា ក្នុងឱកាសដែលលោក-លោកស្រីឧកញ៉ា ត្រូវបានព្រះមហាក្សត្រ ទ្រង់ត្រាស់បង្គាប់ចេញព្រះរាជក្រឹត្យ ផ្តល់គោរមងារជា «អ្នកឧកញ៉ា»។

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែងលះបង់ ទាំងពេលវេលា និងថវិការផ្ទាល់ខ្លួន របស់អ្នកឧកញ៉ាទាំង ៣រូប ក្នុងការជួយជ្រោមជ្រែងរាល់សកម្មភាពមនុស្សធម៌ និងចូលរួមបរិច្ចាគជូនដល់កាកបាទក្រហមកម្ពុជា ក៏ដូចជាកិច្ចការមនុស្សធម៌ជាច្រើន ដែលនេះសបញ្ជាក់ពីឆន្ទៈ និងការលះបង់ ចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍសេដ្ឋកិច្ចប្រទេសជាតិ និងជាឧត្តមប្រយោជន៍ជូន សាធារណៈជន និងប្រជាពលរដ្ឋកម្ពុជា។

នាឱកាសប្រកបដោយក្ដីសោមនស្សរីករាយនេះ យើងខ្ញុំ ក៏សូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា ទាំង៣រូប និងក្រុមគ្រួសារ សូមមានសុខភាពល្អបរិបូរណ៍ បញ្ញាញាណវាងវៃ អាយុយឺនយូរ និងសម្រេចបានជោគជ័យបន្ថែមទៀត ដើម្បីចូលរួមចំណែកជួយអភិវឌ្ឍប្រទេសកម្ពុជាលើគ្រប់វិស័យ និងសូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឧកញ៉ា ហេង សៀ សមាជិកសកម្មនៃសមាគមឧកញ៉ាកម្ពុជា ផ្ញើសារអបអរសាទរ អនុប្រធាននិងសមាជិកសមាគមឧកញ៉ាកម្ពុជា ៣រូប ទើបទទួលគោរមងារ «អ្នកឧកញ៉ា» appeared first on .

ឧកញ៉ាបណ្ឌិត គីម ហ៊ាង ផ្ញើសារអបអរសាទរ អនុប្រធាននិងសមាជិកសមាគមឧកញ៉ាកម្ពុជា ៣រូប ទើបទទួលគោរមងារ «អ្នកឧកញ៉ា»

ឧកញ៉ាដែនដី — Sat, 12 Aug 2023 10:17:30 +0000

ឧកញ៉ាបណ្ឌិត គីម ហ៊ាង និងលោកស្រី ឧកញ៉ា គង់ សំណាង ស្ថាបនិកបុរី វិមានសំណាង សូមចូលរួមអបអរសាទរ លោកស្រីឧកញ៉ា អ៊ាន អេឡែន អនុប្រធានក្រុមប្រឹក្សាភិបាលសមាគមឧកញ៉ាកម្ពុជា, លោកឧកញ៉ា តែ អ៊ីឆែ និងលោកឧកញ៉ា សុខ ឆេង សមាជិកក្រុមប្រឹក្សាភិបាលសមាគមឧកញ៉ាកម្ពុជា ក្នុងឱកាសដែលលោក-លោកស្រីឧកញ៉ា ត្រូវបានព្រះមហាក្សត្រ ទ្រង់ត្រាស់បង្គាប់ចេញព្រះរាជក្រឹត្យ ផ្តល់គោរមងារជា «អ្នកឧកញ៉ា»។

The post ឧកញ៉ាបណ្ឌិត គីម ហ៊ាង ផ្ញើសារអបអរសាទរ អនុប្រធាននិងសមាជិកសមាគមឧកញ៉ាកម្ពុជា ៣រូប ទើបទទួលគោរមងារ «អ្នកឧកញ៉ា» appeared first on .