ការចូលរួមឧបត្ថម្ភថវិការបស់ ក្រុមហ៊ុន ប៉េង ហួត គ្រុប គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដីនៅតាមបណ្តោយព្រំដែនកម្ពុជា-ថៃ។

ចំពោះថវិកាដែលចូលរួមបរិច្ចាគខាងលើនេះ គឺជាការចូលរួមបរិច្ចាគជួយដល់កងទ័ពជួរមុខ និងប្រជាពលរដ្ឋខ្មែរភៀសសឹក ហើយថវិកាទាំងនេះមិនត្រឹមតែជាចំណែករបស់បុរី ប៉េង ហួត នោះទេ ប៉ុន្តែជាការចូលរួមចំណែករបស់អតិថិជន ដែលបានទិញផ្ទះ និងជាអ្នករស់នៅក្នុងគម្រោង។ ជាមួយគ្នានេះ បុរី ប៉េង ហួត ក៏បានផ្តល់នូវទីតាំងសម្រាប់អ្នករស់នៅក្នុងគម្រោង អាចបើកទីតាំងសម្រាប់ការប្រមូលសម្ភារៈ គ្រឿងបរិភោគ និងអំណោយផ្សេងៗ សម្រាប់ជួយដល់បងប្អូនជនភៀសសឹកផងដែរ។

ក្នុងស្មារតីខ្មែរជួយខ្មែរ បងប្អូនប្រជាពលរដ្ឋទាំងអស់អាចចូលរួមឧបត្ថម្ភតាមការស្ម័គ្រចិត្តដល់វីរកងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ជាមួយគ្នានេះ​ តំណាងថ្នាក់ដឹកនាំ ថ្នាក់គ្រប់គ្រង និងសហការី នៃមហាគ្រួសារ ប៉េង ហួត គ្រុប សូមបួងសួងដល់ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ និងឈ្នះអស់ខ្មាំងសត្រូវដែលឈ្លានពានទឹកដីរបស់កម្ពុជា៕

The post ក្រុមហ៊ុន​ និងសហគមន៍​ ប៉េង ហួត គ្រុប បន្តចូលរួមឧបត្ថម្ភថវិកាសរុបចំនួន ២លានដុល្លារ សម្រាប់កងទ័ពជួរមុខ និងជនភៀសសឹក appeared first on .

ការប្រកាសនេះ ធ្វើឡើងនៅរសៀលថ្ងៃទី១៤ ខែមិថុនានេះ អំឡុងពេលនៃការផ្សាយផ្ទាល់ពិសេសមូលនិធិស៊ីធីអិន ដើម្បីទ្រទ្រង់កងទ័ពការពារព្រំដែនជាតិ លើកញ្ចក់ទូរទស្សន៍ CTN MyTV និង CBS digital។

តបតាមការអំពាវនាវពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា, មូលនិធិ CTN ទ្រទ្រង់កងទ័ពការពារជាតិនៃក្រុមហ៊ុន CBS របស់អ្នកឧកញ៉ា គិត ម៉េង សហការជាមួយសមាគមសិល្បករខ្មែរ, ក្រុមហ៊ុន សែលខាត និងធនាគារ វីង បានប្រកាសចាប់ផ្តើមកៀរគរថវិកាជួយដល់កងទ័ព ដែលកំពុងឈរជើងការពារដែនអធិបតេយ្យភាពជាតិនៅតាមបន្ទាត់ព្រំដែនកម្ពុជា-ថៃ។

ការបង្កើតមូលនិធិទ្រទ្រង់កងទ័ពការពារជាតិនេះ គឺដើម្បីសម្រួលដល់ប្រជាពលរដ្ឋ និងសប្បុរសជនគ្រប់មជ្ឈដ្ឋាន អាចចូលរួមបរិច្ចាគថវិកាតាមលទ្ធភាព តាមរយៈប្រព័ន្ធធនាគារវីង ហើយថវិកាដែលប្រមូលបាន នឹងយកទៅជួយទ្រទ្រង់ដល់កងទ័ពកម្ពុជា ដែលកំពុងឈរជើងការពារព្រំដែន។

សូមបញ្ជាក់ថា សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥នេះ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។ ជាងនេះទៅទៀត នៅអំឡុងនៃការធ្វើសមាជរដ្ឋសភា និងព្រឹទ្ធសភា នាថ្ងៃទី២ ខែមិថុនា សម្តេចតេជោ ហ៊ុន សែន ក្នុងនាមប្រធានសមាជ ក៏បានអំពាវនាវដល់ស្ថានីយទូរទស្សន៍ និងវិទ្យុ បង្កើតជាមូលនិធិទ្រទ្រង់កងទ័ពការពារជាតិ ដូចកាលឆ្នាំ២០០៨ ២០០៩ ២០១០ និងឆ្នាំ២០១១។

ជាមួយគ្នានេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក៏បានប្រកាសចូលរួមថវិកា ៣០០លានរៀលដំណាក់កាល ដំបូង ជាមួយមូលនិធិទូរទស្សន៍ CTN ដើម្បីជួយទ្រទ្រង់កងទ័ពកំពុងឈរជើង ការពារទឹកដី។ សម្តេចតេជោ ក៏បានអំពាវនាវដល់ប្រជាពលរដ្ឋចូលរួមភ្ជាប់និស្ស័យជាមួយ កងទ័ព និង ជាមួយជាតិ និងទឹកដីទាំងអស់គ្នា តាមរយៈមូលនិធិទូរទស្សន៍ CTN។

គួររំលឹកថា កាលពីឆ្នាំ២០០៨ ក្រុមហ៊ុន CBS របស់អ្នកឧកញ៉ា គិត ម៉េង បានបង្កើតមូលនិធិ CTN ដើម្បីប្រមូលថវិកាជួយដល់កងទ័ពដែលកំពុងឈរជើងការពារដែនអធិបតេយ្យភាពនៅតាមបន្ទាត់ព្រំដែនកម្ពុជា-ថៃ ជាពិសេស គឺជួយទ្រទ្រង់ទៅដល់តំបន់ប្រាសាទព្រះវិហារ ប្រាសាទតាមាន់ និងប្រាសាទតាក្របីផងដែរ៕

The post អ្នកឧកញ៉ា ថៃ ជាហួត ប្រកាសឧបត្ថម្ភថវិកា ២០០លានរៀល ដល់មូលនិធិ CTN ទ្រទ្រង់កងទ័ពការពារជាតិ តបតាមការអំពាវនាវរបស់សម្តេចតេជោ ហ៊ុន សែន appeared first on .

ដោយសារតែមានសន្ទុះនៃការចាប់អារម្មណ៍ និងមានអតិថិជនយ៉ាងច្រើនបានធ្វើការកក់ផ្ទះនៅគម្រោងថ្មីនេះ ទើបក្រុមហ៊ុនបុរី ប៉េង ហួត សម្រេចចិត្តធ្វើកម្មវិធីសម្ពោធបើកលក់ជាផ្លូវការត្រឹមតែពីរខែប៉ុណ្ណោះបន្ទាប់ពីការបើកលក់ Pre-Sale។

ក្នុងកម្មវិធីនេះ លោកស្រី ទេព កន្និថា នាយករងផ្នែកលក់ បានប្រាប់ឱ្យដឹងថា៖ គ្រប់ប្រភេទផ្ទះ សុទ្ធតែជាផ្ទះជំនាន់ថ្មីសន្លាង ទាំង Layout រូមជាមួយនឹងសម្ភារៈទំនើបៗ គ្រឿងបរិក្ខារដែលត្រូវបានបំពាក់ជូនស្តង់ដាររួចជាស្រេច ហើយអត្ថប្រយោជន៍ដែលអតិថិជនទទួលបានភ្លាមៗ នោះ គឺកត្តាតម្លៃ នឹងទទួលបានការចំណេញដ៏ច្រើន និង អាចជ្រើសរើសបន្ថែមទំហំដីទៅតាមតម្រូវការទៀតផង។

ចំណែកឯ លោក គួរ ម៉េងហួរ នាយកផ្នែកអភិវឌ្ឍអាជីវកម្ម មានបានប្រាប់បន្ថែមថា៖ នេះជាគម្រោងទី៤ ដែលបុរី ប៉េង ហួត បានអភិវឌ្ឍក្នុងតំបន់ផ្លូវ ៦០ម៉ែត្រ ហើយទីតាំងថ្មីនេះ ត្រូវបានធ្វើការអភិវឌ្ឍឡើងលើផ្ទៃដីសរុបប្រមាណ ១០០ ហិកតា​ ដោយឡែក គម្រោង ភូមិមរកត ចាប់ផ្តើមដំណាក់កាលទី១ ដោយមានទំហំ ៣០ហិកតា និងមានលំនៅដ្ឋាន ជាង ​៥០០ខ្នង ​សរុបជាទឹកប្រាក់វិយោគប្រមាណ ៣០០ លានដុល្លារ។

កម្មវិធីដ៏អធិកហ៊ឹកហ៊ាក់នាយប់ថ្ងៃទី ១៦ ខែឧសភា ឆ្នាំ ២០២៥ នេះមានភ្ញៀវអញ្ជើញចូលរួមយ៉ាងច្រើនកុំករ ដោយមានថ្នាក់ដឹកនាំគ្រប់លំដាប់ថ្នាក់ និង បុគ្គលិកនៃក្រុមហ៊ុន បុរី ប៉េង ហួត អតិថិជនដែលបានកក់ផ្ទះរួច និងកំពុងមានចំណាប់អារម្មណ៍ ធនាគារនិងក្រុមហ៊ុនដៃគូរ និងអ្នកសារព័ត៌មាននៅតាមស្ថាប័នព័ត៌មានធំជាច្រើននាក់។

សម្រាប់លោកអ្នកដែលមិនបានចូលរួមក្នុងកម្មវីធីនាយប់ថ្ងៃទី ១៦ នេះទេ ក៏អាចអញ្ជើញចូលរួមកម្មវិធីបន្តនៅថ្ងៃទី១៧-១៨ ខែឧសភា ឆ្នាំ២០២៥ ចាប់ពីម៉ោង ៩ ព្រឹក ដល់ ម៉ោង ៦ ល្ងាច បានដោយសេរីជាមួយនឹងការលេងហ្គេមកម្សាន្ត ការសាកសួរព័ត៌មានអំពីផ្ទះ និងចុះឈ្មោះចាប់រង្វាន់ជាច្រើនទៀតផង។ ដោយឡែកសម្រាប់អតិថិជនដែលធ្វើការកក់ផ្ទះក្នុងថ្ងៃកម្មវិធីទាំង ៣ថ្ងៃនេះនឹងមានការផ្ដល់ជូនយ៉ាងច្រើន និងកាន់តែចំណេញ។

សម្រាប់ព័ត៌មានបន្ថែមសូមទំនាក់ទំនងតាមលេខទូរសព្ទ 016/017 59 6789 ឬទៅកាន់ទីតាំងកម្មវិធីផ្ទាល់តាមរយៈតំណនេះ https://maps.app.goo.gl/M6mgri637d1zFpnk9 ។

The post អ្នកឧកញ៉ា ថៃ ជាហួត និងសមាជិកក្រុមប្រឹក្សាភិបាល បុរី ប៉េង ហួត សម្ពោធបើកលក់ជាផ្លូវការគម្រោង ភូមិមរកត យ៉ាងឱឡារឹក appeared first on .

ក្រុមហ៊ុន ប៉េង ហួត គ្រុប កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ ក្រុមហ៊ុនរបស់អ្នកឧកញ៉ា ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។ 

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ថៃ ជាហួត បរិច្ចាគថវិកាចំនួន ១០ម៉ឺនដុល្លារ ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ក្នុងឱកាសអញ្ជើញសម្ពោធអគារសិក្សា និងសមិទ្ធផលនានានៅវត្តព្រះឥន្ទសាមគ្គីធម៌ ខេត្តកណ្តាល នាព្រឹកថ្ងៃទី១១ ខែកុម្ភៈ សម្ដេចតេជោ ហ៊ុន សែន បានអំពាវនាវចំពោះសប្បុរសជននានា សូមចូលរួមសាងសង់អគារសិក្សានៃសាកលវិទ្យាល័យសម្ដេចព្រះមហាសង្ឃរាជ បួរ គ្រី ដើម្បីរួមចំណែកក្នុងការកសាងធនធានមនុស្ស និងមូលធនមនុស្សសម្រាប់សម្រេច «ចក្ខុវិស័យកម្ពុជាឆ្នាំ២០៣០ និងឆ្នាំ២០៥០»។

សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា រាល់ថវិកាសម្រាប់ចំណាយលើការសាងសង់ សំណង់ នៅវត្តព្រះឥន្ទសាមគ្គីធម៌ និងអគារសិក្សា នៃសាកលវិទ្យាល័យសម្ដេចព្រះមហាសង្ឃរាជ បួរ គ្រី គឺមិនបានប្រើថវិកាជាតិនោះទេ ពោលគឺប្រើប្រាស់ថវិកាឧបត្ថម្ភពី សម្តេចផ្ទាល់ និងសម្តេចកិត្តិព្រឹទ្ធបណ្ឌិត ព្រមទាំងថវិកាជួយឧបត្ថម្ភពីសប្បុរសជននានាផងដែរ។

តបតាមការអំពាវនាវនេះហើយ ទើបក្រុមហ៊ុន ប៉េងហួត គ្រុប បានចូលរួមបរិច្ចាគថវិកាក្នុងការជួយសាងសង់អគារសិក្សានៃសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅស្រុកអង្គស្នួល៕

The post ក្រុមហ៊ុន ប៉េងហួត គ្រុប ប្រកាសបរិច្ចាគថវិកា៥០ម៉ឺនដុល្លារ ជួយសាងសង់អគារសិក្សានៃសាកលវិទ្យាល័យសម្ដេចព្រះមហាសង្ឃរាជ បួរ គ្រី appeared first on .

ពិធីមង្គលចូលនៅភូមិគ្រឹះថ្មីដ៏ប្រណិតជាមួយរចនាបទសហសម័យបែបស៊ីវិល័យ ស័ក្តិសមសម្រាប់អភិជនរស់នៅនេះ ក៏មានការអញ្ជើញចូលរួមពី ក្រុមគ្រួសារសាច់ញាតិ លោកអ្នកឧកញ៉ា អ្នកឧកញ៉ា ឧកញ៉ា និងព្រមទាំងភ្ញៀវកិត្តិយសជាច្រើនរូបទៀត។

សូមជម្រាបថា អ្នកឧកញ៉ា ថៃ ជាហួត គឺជាប្រធានក្រុមប្រឹក្សាភិបាលក្រុមហ៊ុន ប៉េង ហួត គ្រុប ដែលត្រូវបានគេស្គាល់ថាជាក្រុមហ៊ុនអភិវឌ្ឍន៍គម្រោងលំនៅឋានប្រណីត និងបែបអេកូ និងជា អនុប្រធានសមាគមឧកញ៉ាកម្ពុជា ផងដែរ។

រូបភាព៖ The Ring

The post មកមើលទិដ្ឋភាពពិធីមង្គលចូលនៅភូមិគ្រឹះថ្មី អ្នកឧកញ៉ា ថៃ ជាហួត ម្ចាស់បុរី ប៉េង ហួត appeared first on .

ការចូលរួមបរិច្ចាគថវិការបស់ថ្នាក់ដឹកនាំក្រុមហ៊ុន ប៉េង ហួត គ្រុប និងកម្មវិធីរត់សប្បុរសធម៌ដើម្បីមន្ទីរពេទ្យកុមារអង្គរ ដើម្បីផ្សព្វផ្សាយ និងកៀរគរថវិកា គឺសម្រាប់បន្តការឧបត្ថម្ភគាំទ្រដល់សេវាពិនិត្យ ព្យាបាល និងថែទាំសុខភាពប្រកបដោយមេត្តាករុណា និងគុណភាពខ្ពស់ សម្រាប់កុមារនៅក្នុងមន្ទីរពេទ្យកុមារអង្គរ។ ជាមួយគ្នានេះ បងប្អូនដែលបានចូលរួមក្នុងកម្មវិធីរត់សប្បុរសធម៌ ក៏បានចូលរួមថវិកាប្រមាណ ២ពាន់ដុល្លារទៀតផងដែរ ដែលការចូលរួមទាំងនេះ គឺជាការជួយដល់អនាគតកុមារកម្ពុជា និងសង្គមជាតិ។

កម្មវិធី “រត់សប្បុរសធម៌ដើម្បីមន្ទីរពេទ្យកុមារអង្គរ” ត្រូវបានរៀបចំឡើង កាលពីរសៀលថ្ងៃអាទិត្យ ទី១៥ ខែធ្នូ ឆ្នាំ២០២៤ នៅសួន អេកូ ផាក ហ្គ្រេនស្តា ផ្លាទីនីម បុរី ប៉េង ហួត ខណ្ឌច្បារអំពៅ រាជធានីភ្នំពេញ ដោយរត់មួយជុំនៃផ្លូវម៉ារ៉ាតុង ចម្ងាយ ២.២ គម។

ក្រុមហ៊ុន ប៉េង ហួត គ្រុប ត្រូវបានគេស្គាល់ថាជាក្រុមហ៊ុនអភិវឌ្ឍន៍គម្រោងលំនៅឋានប្រណីត និងបែបអេកូ បានកើតចេញពីឈ្មោះបងប្អូនពីរនាក់គឺ ឧកញ៉ា ហៀង ប៊ុនប៉េង និង អ្នកឧកញ៉ា ថៃ ជាហួត។ អ្នកឧកញ៉ា និងឧកញ៉ា ព្រមទាំងបងប្អូនបង្កើតផ្សេងទៀត បានចូលរួមវិនិយោគជាមួយគ្នា និងដឹកនាំក្រុមហ៊ុន បុរី ប៉េង ហួត រហូតបានបង្កើតទៅជាក្រុមហ៊ុន ប៉េង ហួត គ្រុប នៅក្នុងឆ្នាំ២០១៦។ បច្ចុប្បន្នក្រុមហ៊ុន ប៉េងហួត គ្រុប មាន អ្នកឧកញ៉ា ថៃ ជាហួត ជាប្រធានក្រុមប្រឹក្សាភិបាល និងឧកញ៉ា ហៀង ប៊ុនប៉េង ជាអនុប្រធានក្រុមប្រឹក្សាភិបាល ព្រមទាំងមានអគ្គនាយក អគ្គនាយករង និងបុគ្គលិករាប់ពាន់នាក់៕

The post អ្នកឧកញ៉ា ថៃ ជាហួត បរិច្ចាគថវិកាចំនួន ៥០,០០០ដុល្លារ ជូនដល់មន្ទីរពេទ្យកុមារអង្គរ appeared first on .

ការចូលរួមបរិច្ចាគថវិការបស់ ក្រុមហ៊ុន ប៉េង ហួត គ្រុប ធ្វើឡើង​ តបតាមការប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធនានា នៅតាមបណ្តោយព្រំដែន ព្រមទាំងបានផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាលនៅក្នុងបុព្វហេតុការពារ និងអភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព។

យោងតាមការជូនដំណឹងរបស់ខុទ្ធកាល័យសម្តេចធិបតី ហ៊ុន ម៉ាណែត នាព្រឹកថ្ងៃទី២៦ ខែសីហា ឆ្នាំ២០២៤ បានឱ្យដឹងថា ការបង្កើតមូលនិធិកសាងហេដ្ឋារចនាសម្ព័ន្ធតាមព្រំដែន ធ្វើឡើងក្នុងគោលបំណងដើម្បីកៀរគរថវិកាបន្ថែម សម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាលនៅក្នុងបុព្វហេតុរួមគ្នាកសាងនិងការពារមាតុភូមិរបស់យើង។

ជាមួយនឹងការជូនដំណឹងនេះ សម្តេចធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរទាំងក្នុងនិងក្រៅប្រទេស មេត្តាចូលរួមបរិច្ចាគវិភាគទានឱ្យបានផុលផុសតាមការស្ម័គ្រចិត្តក្នុង «មូលនិធិកសាងហេដ្ឋារចនាសម្ព័ន្ធតាមព្រំដែន» សំដៅរួមគ្នាក្នុងធ្លុងមហាសាមគ្គីជាតិខ្មែរដើម្បីថែរក្សាសុខសន្តិភាព អធិបតេយ្យភាពជាតិ និងបូរណភាពទឹកដី ក៏ដូចជាការជំរុញការអភិវឌ្ឍតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព៕

The post ក្រុមហ៊ុន ប៉េង ហួត គ្រុប បរិច្ចាគថវិកា ៥០ម៉ឺនដុល្លារដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ដោយផ្ដោតលើការកសាងផ្លូវក្រវាត់ព្រំដែន appeared first on .

តាមការបញ្ជាក់ពី​សមាគមអ្នកអភិវឌ្ឍន៍លំនៅឋានកម្ពុជា កិច្ចប្រជុំនេះ​បានធ្វើឡើងក្នុងគោលបំណង​ដើម្បី​ពិភាក្សា និងរបាយការណ៍វឌ្ឍនភាពវិស័សំណង់នៅកម្ពុជា ជាពិសេសការអនុវត្តន៍ច្បាប់ពន្ធ និងបញ្ហាបឈម​នានាក្នុងការអភិវឌ្ឍន៍គំរោងបុរី សំណង់ខុនដូ របស់សមាជិក សមាជិកសមាគមអ្នកអភិវឌ្ឍន៍លំនៅឋានកម្ពុជា។

ក្នុងជំនួបពិភាក្សាខាងលើ ក៏មានការអញ្ជើញចូលរួម​ពី លោកអ្នកឧកញ៉ា លាង ឃុន ទីប្រឹក្សាជាន់ខ្ពស់​សមាគម, អ្នកឧកញ៉ា ថៃ ជាហួត អនុប្រធានសមាគម, អ្នកឧកញ៉ា លី សេងឃាង អនុប្រធាន, អ្នកឧកញ៉ា តេង ហឿង អនុប្រធាន, អ្នកឧកញ៉ា ប៊ុន ហៃ អនុប្រធាន, អ្នកឧកញ៉ា ចាប ហុងលី អនុប្រធាន, អ្នកឧកញ៉ា ចាន់ សុទ្ធា ទីប្រឹក្សាបច្ចេកទេស, ឧកញ៉ា តាន់ មុនីវណ្ណ ទីប្រឹក្សាបច្ចេកទេស, លោកជំទាវឧកញ៉ា សុខ ចិន្ថា អនុប្រធាន រួមទាំងអ្នកឧកញ៉ា ឧកញ៉ា សមាជិក សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា និង​ម្ចាស់បុរី​ជា​ច្រើន​​នាក់​ទៀត។

​គួរបញ្ជាក់ថា វិស័យ​​អចលនទ្រព្យ និង​វិស័យសំណង់​នៅកម្ពុជា បាន​រង​នូវ​ផលប៉ះពាល់​ ​ដោយសារ​​បញ្ហា​វិបត្តិ​សេដ្ឋកិច្ច និង​បញ្ហាសកល​នៃ​សង្គ្រាម​នៅ​បណ្តា​ប្រទេស​មួយ​ចំនួន។ ក្នុងសន្និបាតប្រចាំឆ្នាំ​របស់​សមាគមអ្នក​អភិវឌ្ឍន៍លំនៅឋានកម្ពុជា កាលថ្ងៃទី​០២ ខែមេសា ឆ្នាំ២០២៤ អ្នកឧកញ៉ា លី ហួរ បាន​លើកឡើង​ថា បញ្ហាសេដ្ឋកិច្ច​ធ្លាក់ចុះ​ជាសកល ​​បាន​ជះឥទ្ធិពលយ៉ាងខ្លាំង​ដល់​សេដ្ឋកិច្ច​កម្ពុជា​ទាំង​មូល ជាពិសេស​លើ​វិស័យ​អចលនទ្រព្យ ​ខណៈ​ដែល​បច្ចុប្បន្ន​នេះ​ គម្រោង​បុរី និងខុនដូ ការលក់​មាន​ការ​ធ្លាក់​ចុះ​យ៉ាង​ខ្លាំង។

ឧបនាយករដ្ឋមន្ដ្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងនាម​ជា​ប្រធានស្ថាប័ន​​ដែលជា​អាណាព្យា​បាល ធ្លាប់បាន​ថ្លែងថា កង្វល់របស់សមាគម ក៏ជាកង្វល់​របស់​ក្រសួងដូចគ្នា​ ដូច្នេះ​ក្រសួងនិងសមាគម​យកឱកាសនេះ ដើម្បីស្វែងរក​យុទ្ធសាស្ដ្ររួម សម្រាប់ដើរទៅមុខ​ទាំងអស់គ្នា ដោយពួតដៃគ្នាឈរលើវិថីមួយដ៏ត្រឹមត្រូវ ដើម្បីកុំឱ្យមានការលំបាក​ទៅថ្ងៃ​ខាងមុខទៀត ពិសេសការ​ខាតបង់ទាំងពេលវេលា និងថវិកា៕

The post លោកអ្នកឧកញ៉ា លី ហួរ ដឹកនាំកិច្ចប្រជុំពិភាក្សាពីបញ្ហាប្រឈមលើវិស័យសំណង់នៅកម្ពុជា appeared first on .

ជារៀងរាល់ឆ្នាំ អ្នកឧកញ៉ា ថៃ ជាហួត និងលោកជំទាវ ​​ ​​តែងតែចូលរួម​បរិច្ចាគទ្រព្យ​ធន​ផ្ទាល់​ខ្លួន​ជូន​ដល់​កាកបាទ​ក្រហម​កម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខ​រាជរដ្ឋាភិបាល ព្រម​ទាំង​បានចូលរួមឧបត្ថម្ភ​ដល់​កម្មវិធី​សប្បុរសជាច្រើនទៀត។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹង​ប្រារព្វឡើង​ក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹង​អាកាស​ធាតុ»។ ថវិកា​ដែល​ទទួល​បាន​ពី​សប្បុរសជន សមាគមជាតិមួយនេះ​នឹង​​ប្រើប្រាស់​ដើម្បី​បន្តផ្តល់សេវាកម្មមនុស្សធម៌ ដោះស្រាយបញ្ហា​ប្រឈម​នានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និង​ងាយរងគ្រោះបំផុត តាម​គោលការណ៍​គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា ថៃ ជាហួត និងលោកជំទាវ បរិច្ចាគថវិកាចំនួន១០ម៉ឺនដុល្លារជូនកាកបាទក្រហមកម្ពុជា appeared first on .