អ្នកឧកញ៉ា ទីវ ម៉េងហ៊ុយ

អ្នកឧកញ៉ា ទីវ ម៉េងហ៊ុយ សូមគោរពថ្លែងអំណរគុណជាអនេកចំពោះ អ្នកឧកញ៉ា និងលោកឧកញ៉ាៗ ដែលបានផ្ញើសារអបអរសាទរ ក្នុងឱកាសលោកទទួលបានគោរមងារជា «អ្នកឧកញ៉ា»

អ្នកឧកញ៉ាវត្តភ្នំ — Sun, 27 Aug 2023 13:41:34 +0000

អ្នកឧកញ៉ា ទីវ ម៉េងហ៊ុយ ស្ថាបនិកក្រុមហ៊ុន K.T Cement Kampongspeu Co., Ltd និងក្រុមហ៊ុន បាត់ដំបង ខនស៍ ស៊ីមេន ខមភេនី លីមីធីត និងជាសមាជិកក្រុមប្រឹក្សាភិបាលសមាគមឧកញ៉ាកម្ពុជា សូមគោរពថ្លែងអំណរគុណ និងសេចក្តីរំភើបរីករាយយ៉ាងក្រៃលែងចំពោះ ឯកឧត្ដម លោកជំទាវ អ្នកឧកញ៉ា និងលោកឧកញ៉ាៗ ដែលស្រលាញ់រាប់អាន ផ្ដល់កិត្តិយសផ្ញើសារអបអរសាទរ ក្នុងឱកាសដែលលោកឧកញ៉ា ត្រូវបានព្រះមហាក្សត្រផ្ដល់គោរមងារជា «អ្នកឧកញ៉ា»។

ជាថ្មីម្ដងទៀត អ្នកឧកញ៉ា និងលោកជំទាវ ព្រមទាំងក្រុមគ្រួសារ សូមគោរពបួងសួងដល់វត្ថុស័ក្តិសិទ្ធិក្នុងលោក សូមតាមជួយថែរក្សាអភិបាលប្រោះព្រំ ជូនដល់ ឯកឧត្ដម លោកជំទាវ អ្នកឧកញ៉ា លោកឧកញ៉ា និងបងប្អូនទាំងអស់ជាទីគោរពស្រលាញ់ សូមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមគោរពជូនពរឱ្យកាន់តែរីកចម្រើន និងសម្រេចសមិទ្ធិផលថ្មីៗថែមទៀត៕

The post អ្នកឧកញ៉ា ទីវ ម៉េងហ៊ុយ សូមគោរពថ្លែងអំណរគុណជាអនេកចំពោះ អ្នកឧកញ៉ា និងលោកឧកញ៉ាៗ ដែលបានផ្ញើសារអបអរសាទរ ក្នុងឱកាសលោកទទួលបានគោរមងារជា «អ្នកឧកញ៉ា» appeared first on .

អ្នកឧកញ៉ា ហេង សៀ ផ្ញើសារអបអរសាទរជូនពរ ឧកញ៉ា ទីវ ម៉េងហ៊ុយ ក្នុងឱកាសដែលត្រូវបានព្រះមហាក្សត្រផ្ដល់គោរមងារ «អ្នកឧកញ៉ា»

ឧកញ៉ាដែនដី — Sat, 26 Aug 2023 13:15:00 +0000

អ្នកឧកញ៉ា ហេង សៀ ផ្ញើសារលិខិតសម្ដែងនូវការអបអរសាទរ និងសូមគោរពជូនពរ ឧកញ៉ា ទីវ ម៉េងហ៊ុយ ស្ថាបនិកក្រុមហ៊ុន K.T Cement Kampongspeu Co., Ltd និងក្រុមហ៊ុន បាត់ដំបង ខនស៍ ស៊ីមេន ខមភេនី លីមីធីត និងជាសមាជិកក្រុមប្រឹក្សាភិបាលសមាគមឧកញ៉ាកម្ពុជា ក្នុងឱកាសដែលព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្ដល់គោរមងារជា «អ្នកឧកញ៉ា»។

ព្រះរាជទានត្រាស់បង្គាប់ផ្តល់គោរមងារ «អ្នកឧកញ៉ា» ជាសក្ខីភាពឆ្លុះបង្ហាញ អំពីកិច្ចខិតខំប្រឹងប្រែង ទាំងកម្លាំងកាយចិត្ត ដោយមិនខ្លាចនឿយហត់របស់ អ្នកឧកញ៉ា ក្នុងបុព្វហេតុដើម្បីជួយសង្គមជាតិ និងចូលរួមចំណែកដល់ការអភិវឌ្ឍន៍សេដ្ឋកិច្ចប្រទេសជាតិ ឱ្យកាន់តែរីកចម្រើន។ ការប្រទាននេះពិតជាស័ក្តិសម និងផ្ដល់កិត្តិយសដ៏ឧត្តុង្គឧត្តមសម្រាប់អ្នកឧកញ៉ា និងក្រុមគ្រួសារ។

ក្នុងឱកាសដ៏ប្រសើរថ្លៃថ្លានេះ អ្នកឧកញ៉ា ហេង សៀ ក៏សូមបួងសួងដល់វត្ថុស័ក្តិសិទ្ធិទាំងអស់ក្នុងលោក ទេវតាថែរក្សាព្រះរាជាណាចក្រកម្ពុជា សូមជួយអភិបាលគ្រងរក្សា ប្រោះព្រំប្រសិទ្ធពរ បវរមហាប្រសើរជូន អ្នកឧកញ៉ា ទីវ ម៉េងហ៊ុយ ព្រមទាំងក្រុមគ្រួសារជាទីស្រឡាញ់ សូមបានប្រកបដោយព្រះពុទ្ធពរ និងពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post អ្នកឧកញ៉ា ហេង សៀ ផ្ញើសារអបអរសាទរជូនពរ ឧកញ៉ា ទីវ ម៉េងហ៊ុយ ក្នុងឱកាសដែលត្រូវបានព្រះមហាក្សត្រផ្ដល់គោរមងារ «អ្នកឧកញ៉ា» appeared first on .

ឧកញ៉ា ទីវ ម៉េងហ៊ុយ ម្ចាស់ក្រុមហ៊ុនផលិតស៊ីម៉ង់ត៍ ពីរកន្លែង ទទួលបានគោរមងារ «អ្នកឧកញ៉ា»

ឧកញ៉ាដែនដី — Sat, 26 Aug 2023 08:06:47 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ ឧកញ៉ា ទីវ ម៉េងហ៊ុយ ម្ចាស់ក្រុមហ៊ុនផលិតស៊ីម៉ង់ត៍ ពីរកន្លែងនៅខេត្តកំពង់ស្ពឺ និងខេត្តបាត់ដំបង ជា «អ្នកឧកញ៉ា» នៅថ្ងៃទី ១៨ ខែសីហា ឆ្នាំ២០២៣ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន។

លោកឧកញ៉ា ទីវ ម៉េងហ៊ុយ សមាជិកក្រុមប្រឹក្សាភិបាលសមាគមឧកញ៉ាកម្ពុជា កើតនៅឆ្នាំ១៩៦០ ក្នុងក្រុងបាត់ដំបង ខេត្តបាត់ដំបង។ លោកឧកញ៉ា បានធ្វើការវិនិយោគ និងគ្រប់គ្រងលើក្រុមហ៊ុនផលិតស៊ីម៉ង់ត៍ធំៗចំនួនពីរ គឺក្រុមហ៊ុន K.T Cement Kampongspeu Co., Ltd និងក្រុមហ៊ុន បាត់ដំបង ខនស៍ ស៊ីមេន ខមភេនី លីមីធីត (Battambang Conch Cement Co., Ltd) ដែលបច្ចុប្បន្នលោកឧកញ៉ា គឺជាអភិបាលក្រុមហ៊ុន។ លោក ទីវ ម៉េងហ៊ុយ បានទទួលគោរមងារ «ឧកញ៉ា» កាលពីថ្ងៃទី២៤ ខែកក្កដា ឆ្នាំ២០១៣។

អ្នកឧកញ៉ា ទីវ ម៉េងហ៊ុយ តែងតែចូលរួមយ៉ាងសកម្មនៅក្នុងសកម្មភាពសង្គម និងសកម្មភាពមនុស្សធម៌ តាមរយៈការបរិច្ចាគទ្រព្យធនជាច្រើន ព្រមទាំងកម្លាំងកាយចិត្ត ប្រាជ្ញាស្មារតី និងពេលវេលា។ អ្នកឧកញ៉ា ត្រូវបានទទួលស្គាល់ និងផ្តល់តម្លៃតាមរយៈគ្រឿងឥស្សរិយយសជាច្រើន ពីសំណាក់រាជរដ្ឋាភិបាលកម្ពុជា រួមទាំងគ្រឿងឥស្សរិយយសថ្នាក់កំពូល «ជាតូបការ» ពីព្រះមហាក្សត្រផងដែរ៕

The post ឧកញ៉ា ទីវ ម៉េងហ៊ុយ ម្ចាស់ក្រុមហ៊ុនផលិតស៊ីម៉ង់ត៍ ពីរកន្លែង ទទួលបានគោរមងារ «អ្នកឧកញ៉ា» appeared first on .