ក្នុងឱកាសនេះដែរ អ្នកឧកញ៉ា ទី គឹមស្រ៊ាន បានពាំនាំនូវការផ្តាំផ្ញើសួរសុខទុក្ខ និងការកោតសរសើរពីលោកអ្នកឧកញ៉ាប្រធាន ជូនចំពោះវីរភាពកងទ័ពដែលបានតស៊ូ លះបង់សាច់ស្រស់ ឈាមស្រស់ ដើម្បីបុព្វហេតុការពារបូរណភាព និងសេចក្តីសុខសន្តិភាពជូនជាតិ និងប្រជាជនកម្ពុជាប្រកបដោយភាពអង់អាចក្លាហានជាទីបំផុត រួមទាំងបានប្រគល់ជូននូវថវិកាមួយចំនួនពីសមាគមឧកញ៉ាកម្ពុជា ជូនដល់យោធិនដែលកំពុងសម្រាកព្យាបាលរបួសផងដែរ។

ជាមួយគ្នានេះ គណៈប្រតិភូក៏បានជូនពរដល់វីរកងទ័ពទាំងអស់ដែលកំពុងសម្រាកព្យាបាលរបួស សូមបានឆាប់ជាសះស្បើយដើម្បីវិលត្រលប់ទៅបំពេញការងារនាពេលដ៏ខ្លីខាងមុខ និងបានសម្តែងនូវអំណរគុណចំពោះក្រុមគ្រូពេទ្យ និងបុគ្គលិកសុខាភិបាលទាំងអស់ ដែលបានកំពុងបំពេញនាទីជាកងទ័ពអាវសជួរក្រោយ ដោយឈរលើសាមគ្គីភាពជាធ្លុងមួយយកចិត្តទុកដាក់មិនរាថយបម្រើការថែទាំព្យាបាលអ្នកជំងឺគ្រប់ស្ថានការណ៍ ប្រកបដោយវិជ្ជាជីវៈ និងសេចក្តីស្រឡាញ់អាណិតអាសូរ។

សូមបញ្ជាក់ថា នាសប្តាហ៍កន្លងមក ថ្នាក់ដឹកនាំ ក៏ដូចជាសមាជិក នៃសមាគមឧកញ៉ាកម្ពុជា ក៏បានចុះសួរសុខទុក្ខព្រមទាំងនាំយកនូវអំណោយជាថវិកា គ្រឿងឧបភោគបរិភោគផ្សេងៗជូនដល់ក្រុមគ្រួសារយោធិនពលីក្នុងសមរភូមិនាមូលដ្ឋានផ្ទាល់ដែលស្ថិតនៅក្នុងរាជធានីភ្នំពេញ និងតាមបណ្តាខេត្តនានាផងដែរ៕

The post អ្នកឧកញ៉ា ទី គឹមស្រ៊ាន ដឹកនាំគណៈប្រតិភូសមាគមឧកញ៉ាកម្ពុជា ចុះសួរសុខទុក្ខវីរកងទ័ពដែលរងរបួសនៅសមរភូមិ និងកំពុងសម្រាកព្យាបាលនៅមន្ទីរពេទ្យកាល់ម៉ែត appeared first on .

លោកស្រីឧកញ៉ា ទី គឹមស៊្រាន ជាភរិយារបស់ អ្នកឧកញ៉ា ឌុក ទីប៉ាណា ដែលជាមេធាវីដូចគ្នា។ លោកស្រីជា​សមាជិកសមាគម​ឧកញ៉ា​កម្ពុជា​ និងជាសមាជិកាគណៈមេធាវី នៃព្រះរាជាណាចក្រកម្ពុជា (មេធាវីពេញសិទ្ធិ) ​នៅការិយាល័យមេធាវី ប៉ាណា អាស៊ាន (PANA ASEAN Law Office) ស្ថិតនៅ​ខណ្ឌទួលគោក រាជធានីភ្នំពេញ។ លោកស្រី ទី គឹមស៊្រាន ត្រូវបានព្រះមហាក្សត្រ​ចេញ​ព្រះរាជក្រឹត្យ​ផ្តល់គោរមងារ «ឧកញ៉ា» កាល​ថ្ងៃទី០៣ ខែឧសភា ឆ្នាំ២០១៤៕

The post លោកស្រីមេធាវី ទី គឹមស៊្រាន ត្រូវបានព្រះមហាក្សត្រត្រាស់បង្គាប់ផ្តល់គោរមងារជា «អ្នកឧកញ៉ា» appeared first on .