អ្នកឧកញ៉ា ផាត់ ប៊ុន

អ្នកឧកញ៉ា ផាត់ ប៊ុន និងលោកជំទាវ បរិច្ចាគថវិកា ៣,០០០ដុល្លារអាម៉េរិក ជូនកាកបាទក្រហមកម្ពុជា

ឧកញ៉ាដែនដី — Sat, 09 May 2026 02:44:31 +0000

អ្នកឧកញ៉ា ផាត់ ប៊ុន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា (អគ្គនាយកក្រុមហ៊ុន BPC Trading) និងលោកជំទាវ បានចូលរួមបរិច្ចាគថវិកាចំនួន ៣,០០០ដុល្លារអាម៉េរិក តាមរយៈសមាគមឧកញ៉ាកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួសនិងពលីក្នុងសមរភូមិ។

The post អ្នកឧកញ៉ា ផាត់ ប៊ុន និងលោកជំទាវ បរិច្ចាគថវិកា ៣,០០០ដុល្លារអាម៉េរិក ជូនកាកបាទក្រហមកម្ពុជា appeared first on .

អ្នកឧកញ៉ា ផាត់ ប៊ុន និងលោកជំទាវ បរិច្ចាគថវិកាចំនួន ៥,០០០ ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥

Kem sinath — Mon, 05 May 2025 09:43:44 +0000

អ្នកឧកញ៉ា ផាត់ ប៊ុន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា និងលោកជំទាវ (ក្រុមហ៊ុន BPC Construction Material) បរិច្ចាគថវិកាចំនួន ៥,០០០ ដុល្លារអាម៉េរិកក្នុងឱកាសខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា។

អ្នកឧកញ៉ា ផាត់ ប៊ុន កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ផាត់ ប៊ុន និងលោកជំទាវ បរិច្ចាគថវិកាចំនួន ៥,០០០ ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ណែនាំឱ្យស្គាល់អ្នកឧកញ៉ា ២រូប ជាម្ចាស់គម្រោងលំនៅឋានតម្លៃសមរម្យ នៅកម្ពុជាបច្ចុប្បន្ន

ឧកញ៉ាដែនដី — Fri, 22 Dec 2023 02:50:19 +0000

ចាប់តាំងពីឆ្នាំ២០១៤ មកដល់បច្ចុប្បន្ននៅក្នុងប្រទេសកម្ពុជា មានគម្រោងអភិវឌ្ឍន៍លំនៅឋានតម្លៃសមរម្យចំនួន ៤គម្រោង ក្នុងនោះមានអ្នកឧកញ៉ា ២រូប ជាម្ចាស់គម្រោងចំនួន២។ នេះបើតាមការលើកឡើងរបស់លោក ប្រាក់ អង្គារ៉ា អគ្គនាយកលំនៅឋាន នៃក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី២១ ខែធ្នូ ឆ្នាំ២០២៣។

ក្នុងវេទិការដ្ឋ-ឯកជន លើកទី៤ ស្តីពីការអភិវឌ្ឍនគរូបនីយកម្មកម្ពុជា-ជប៉ុន នៅទីស្តីការក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃព្រហស្បតិ៍ លោក ប្រាក់ អង្គារ៉ា បានបង្ហាញអំពីគម្រោងអភិវឌ្ឍលំនៅឋានតម្លៃសមរម្យនៅកម្ពុជា មានដូចជា៖

១. លំនៅឋានទីក្រុងរណបសិរីមង្គល ៖ អភិវឌ្ឍដោយក្រុមហ៊ុនវើលដ៏ប៊្រីដ ហូម (World Bridge Home) របស់អ្នកឧកញ៉ា សៀ ឬទ្ធី។ ក្រុមហ៊ុនបុត្រសម្ព័ន្ធថ្មីមួយទៀត របស់ វើលប៊្រីដ គ្រុប ដែលបានបង្កើតឡើងក្នុងឆ្នាំ ២០១៧ មួយនេះ បានសាងសង់គម្រោងលំនៅឋានតម្លៃសមរម្យសុទ្ធសាធ លើផ្ទៃដី ២៤ហិកតា ចំនួនលំនៅឋាន ២៤៥៧ខ្នង ស្ថិតនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្ដាល។ មកដល់បច្ចុប្បន្នក្រុមហ៊ុននេះ បានបញ្ចប់ការសាងសង់ ១០០%។

២. បុរីសែនមនោរម្យ ព្រែកតាទែន ៖ អភិវឌ្ឍដោយក្រុមហ៊ុន B & BM Development Co.,Ltd របស់ អ្នកឧកញ៉ា ផាត់ ប៊ុន។ គម្រោងនេះ សាងសង់លើផ្ទៃដី ៤០,៥៦ហិកតា មានប្រភេទលំនៅឋានច្រើន ប៉ុន្តែក្នុងនោះមានលំនៅឋានតម្លៃសមរម្យចំនួន ៧០០ខ្នង ហើយចែកការសាង់សង់ជា២ដំណាក់កាល។ បច្ចុប្បន្នគម្រោងមួយនេះ បានសាងសង់ដំណាក់កាលទី១ បាន ៩៧%។ បុរីសែនមនោរម្យ ព្រែកតាទែន ស្ថិតនៅភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្ដាល។

ក្រៅពីគម្រោងរបស់អ្នកឧកញ៉ាទាំង២រូបខាងលើ លោក ប្រាក់ អង្គារ៉ា បានបង្ហាញឱ្យដឹងទៀតថា គម្រោងទី៣ គឺបុរីហ្គេ្រនផាក របស់លោក តាំង សេងប៉ ស្ថិតនៅភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។ បុរីហ្គេ្រនផាក សាងសង់លើផ្ទៃដី ៥,១៦ហិកតា មានលំនៅឋានតម្លៃសមរម្យចំនួន ២០០ខ្នង សាងសង់ដំណាក់កាលទី១ រួចរាល់ ១០០% និងដំណាក់កាលទី២ សម្រេចការសាងសង់បាន ២៧%។

ចំណែកឯគម្រោងទី៤ គឺលំនៅឋានអារ៉ាខាវ៉ា របស់ក្រុមហ៊ុនជប៉ុន ស្ថិតនៅភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។ គម្រោងនេះជាប្រភេទខុនដូ លើផ្ទៃដី ១,៣៦ហិកតា ដែលមានចំណែកឯនជនសរុប ៣១៦៤ យូនីត និងប្រភេទខុនដូលំនៅឋានតម្លៃសមរម្យចំនួន ១៩២៨យូនីត។ បច្ចុប្បន្ន គម្រោងលំនៅឋានអារ៉ាខាវ៉ា បានសាងសង់រួចរាល់ ១០០%។

លោក ប្រាក់ អង្គារ៉ា អគ្គនាយកលំនៅឋាន បានបង្ហើបឱ្យដឹងផងដែរថា ក្នុងពេលឆាប់ៗខាងមុខនេះ កម្ពុជានឹងមានគម្រោងអភិវឌ្ឍន៍លំនៅឋានតម្លៃសមរម្យទី៥ អភិវឌ្ឍដោយក្រុមហ៊ុន ឃុន សៀ អ៊ីមផត អិចផត របស់អ្នកឧកញ៉ា ឃុន សៀ នៅក្រុងអរិយក្សត្រ ខេត្តកណ្តាល ដែលគ្រោងទុនវិនិយោគប្រហែល ៤ពាន់លានដុល្លារអាមេរិក។

សូមជម្រាបថា បន្ទាប់ពីរាជរដ្ឋាភិបាលបានដាក់ចេញគោលនយោបាយជាតិស្តីពីលំនៅឋាន ចាប់ពីឆ្នាំ២០១៤ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងសហការជាមួយវិស័យឯកជន បន្តជំរុញការអនុវត្តគម្រោងសាងសង់លំនៅឋានតម្លៃសមរម្យ ដើម្បីធានាឱ្យប្រជាពលរដ្ឋ ដែលមានចំណូលមធ្យម ចំណូលទាប និងងាយរងគ្រោះ មានលទ្ធភាពទិញលំនៅឋានសម្រាប់ការរស់នៅប្រកបដោយសុខុមាលភាព សុវត្ថិភាព និងសេចក្តីថ្លៃថ្នូរ៕

The post ណែនាំឱ្យស្គាល់អ្នកឧកញ៉ា ២រូប ជាម្ចាស់គម្រោងលំនៅឋានតម្លៃសមរម្យ នៅកម្ពុជាបច្ចុប្បន្ន appeared first on .

ឧកញ៉ា ហេង សៀ ផ្ញើសារអបអរសាទរ អនុប្រធាននិងសមាជិកសមាគមឧកញ៉ាកម្ពុជា ៣រូប ទើបទទួលគោរមងារ «អ្នកឧកញ៉ា»

ឧកញ៉ាដែនដី — Fri, 18 Aug 2023 04:54:45 +0000

លោកឧកញ៉ា ហេង សៀ សមាជិកសកម្មនៃសមាគមឧកញ៉ាកម្ពុជា សូមចូលរួមអបអរសាទរ លោកឧកញ៉ា ហេង លី អនុប្រធានក្រុមប្រឹក្សាភិបាលសមាគមឧកញ៉ាកម្ពុជា, លោកឧកញ៉ា ជា ទ្រី និងលោកឧកញ៉ា ផាត់ ប៊ុន សមាជិកក្រុមប្រឹក្សាភិបាលសមាគមឧកញ៉ាកម្ពុជា ក្នុងឱកាសដែលលោកឧកញ៉ា ទាំង៣រូប ត្រូវបានព្រះមហាក្សត្រ ទ្រង់ត្រាស់បង្គាប់ចេញព្រះរាជក្រឹត្យ ផ្តល់គោរមងារជា «អ្នកឧកញ៉ា» នៅថ្ងៃទី១១ ខែសីហា ឆ្នាំ២០២៣។

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែងលះបង់ ទាំងពេលវេលា និងថវិការផ្ទាល់ខ្លួន របស់អ្នកឧកញ៉ាទាំង ៣រូប ក្នុងការជួយជ្រោមជ្រែងរាល់សកម្មភាពមនុស្សធម៌ និងចូលរួមបរិច្ចាគជូនដល់កាកបាទក្រហមកម្ពុជា ក៏ដូចជាកិច្ចការមនុស្សធម៌ជាច្រើន ដែលនេះសបញ្ជាក់ពីឆន្ទៈ និងការលះបង់ ចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍសេដ្ឋកិច្ចប្រទេសជាតិ និងជាឧត្តមប្រយោជន៍ជូន សាធារណៈជន និងប្រជាពលរដ្ឋកម្ពុជា។

នាឱកាសប្រកបដោយក្ដីសោមនស្សរីករាយនេះ យើងខ្ញុំ ក៏សូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា ទាំង៣រូប និងក្រុមគ្រួសារ សូមមានសុខភាពល្អបរិបូរណ៍ បញ្ញាញាណវាងវៃ អាយុយឺនយូរ និងសម្រេចបានជោគជ័យបន្ថែមទៀត ដើម្បីចូលរួមចំណែកជួយអភិវឌ្ឍប្រទេសកម្ពុជាលើគ្រប់វិស័យ និងសូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឧកញ៉ា ហេង សៀ ផ្ញើសារអបអរសាទរ អនុប្រធាននិងសមាជិកសមាគមឧកញ៉ាកម្ពុជា ៣រូប ទើបទទួលគោរមងារ «អ្នកឧកញ៉ា» appeared first on .

ឧកញ៉ា ផាត់ ប៊ុន ប្រធានក្រុមហ៊ុន BPC Group ទទួលបានគោរមងារ «អ្នកឧកញ៉ា»

ឧកញ៉ាដែនដី — Fri, 18 Aug 2023 03:06:57 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ ឧកញ៉ា ផាត់ ប៊ុន ជា «អ្នកឧកញ៉ា» នៅថ្ងៃទី ១១ ខែសីហា ឆ្នាំ២០២៣ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

លោកឧកញ៉ា ផាត់ ប៊ុន កើតឆ្នាំ១៩៥៥ នៅឃុំស្គន់ ស្រុកជើងព្រៃ ខេត្តកំពង់ចាម។ លោកឧកញ៉ា ជាម្ចាស់ និងជាអគ្គនាយកក្រុមហ៊ុន ប៊ី ភី ស៊ី គ្រុប (BPC Group), សហស្ថាបនិកក្រុមហ៊ុន B&BM Development Co.,Ltd និងជាសមាជិកក្រុមប្រឹក្សាភិបាលសមាគមឧកញ៉ាកម្ពុជា។

កន្លងមក លោកឧកញ៉ា បានចូលរួមយ៉ាងសកម្មនៅក្នុងសកម្មភាពសង្គម និងសកម្មភាពមនុស្សធម៌ តាមរយៈការបរិច្ចាគទ្រព្យធនជាច្រើន ព្រមទាំងកម្លាំងកាយចិត្ត ប្រាជ្ញាស្មារតី និងពេលវេលា។ លោកឧកញ៉ា ត្រូវបានទទួលស្គាល់ និងផ្តល់តម្លៃតាមរយៈគ្រឿងឥស្សរិយយសជាច្រើនពីសំណាក់រាជរដ្ឋាភិបាលកម្ពុជា។

ជាក់ស្តែង កាលថ្ងៃទី១៥ ខែកុម្ភៈ ឆ្នាំ២០២៣ ក្នុងវេទិកា “សប្តាហ៍នៃការគាំពារសង្គមឆ្នាំ២០២៣ (“SCW 2023”) លោកឧកញ៉ាប្រធានក្រុមហ៊ុន BPC Group ក៏ទទួលបាននូវការទទួលស្គាល់ពីក្រសួងសេដ្ឋកិច្ច និងហិរញ្ញវត្ថុ ចំពោះការរួមចំណែករបស់ក្រុមហ៊ុន ក្នុងការអភិវឌ្ឍកិច្ចគាំពារសង្គមនៅក្នុងប្រទេសកម្ពុជាផងដែរ៕

The post ឧកញ៉ា ផាត់ ប៊ុន ប្រធានក្រុមហ៊ុន BPC Group ទទួលបានគោរមងារ «អ្នកឧកញ៉ា» appeared first on .