​តាម​សេចក្តីប្រកាសព័ត៌មាន​ សមាសភាពក្រុមប្រឹក្សា ទាំង១២រូប ដែលបានជាប់ឆ្នោតសម្រាប់អាណត្តិទី១០ ឆ្នាំ២០២៤-២០២៥ រួមមាន៖

១៖ លោក រ័ត្ន សោភ័ណ ជាប្រធានសមាគមធនាគារនៅកម្ពុជា (ប្រធាននាយកប្រតិបត្តិ នៃធនាគារ មេយប៊ែង ខេមបូឌា ភីអិលស៊ី)
២៖ លោក Raymond Sia Say Guan ជាអនុប្រធានសមាគមធនាគារនៅកម្ពុជា (ប្រធាននាយកប្រតិបត្តិ នៃធនាគារកាណាឌីយ៉ា ក.អ)
៣៖ លោក ហាន ប៉េងក្វាង ជាហេរញ្ញិកសមាគមធនាគារនៅកម្ពុជា (អគ្គនាយកនៃធនាគារ វីង ខេមបូឌា ម.ក)
៤៖ លោកស្រី ម៉ារ អមរា ជាសមាជិកក្រុមប្រឹក្សា (ប្រធាននាយកប្រតិបត្តិចាត់តាំង នៃធនាគារ អេស៊ីលីដា ភិអិលស៊ី)
៥៖ លោក Mr. Zhiger Atchabarov ជាសមាជិកក្រុមប្រឹក្សា (នាយកប្រតិបត្តិការ នៃ ធនាគារ វឌ្ឍនៈអាស៊ី ចំកាត់)
៦៖ លោក ឌិត សុចល ជាសមាជិកក្រុមប្រឹក្សា (ប្រធាននាយកប្រតិបត្តិ នៃធនាគារពាណិជ្ជកម្មក្រៅប្រទេស នៃកម្ពុជា)
៧៖ លោក តូច ចៅចេក ជាសមាជិកក្រុមប្រឹក្សា (ប្រធាននាយកប្រតិបត្តិ នៃធនាគារ ប្រៃសណីយ៍កម្ពុជា ក.អ)
៨៖ លោក Ong Ming Teck ជាសមាជិកក្រុមប្រឹក្សា (ប្រធាននាយកប្រតិបត្តិ នៃធនាគារ កម្ពុជាសាធារណៈ ភិអិលស៊ី)
៩៖ លោក ប៉ែន មករា ជាសមាជិកក្រុមប្រឹក្សា (អគ្គនាយក នៃធនាគារឯកទេស អង្គរកាពីតាល)
១០៖ លោកស្រី ឌិត នីតា ជាសមាជិកក្រុមប្រឹក្សា (ប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជា)
១១៖ លោក ប៉ិល រ៉េមីស៊ីសុផុន ជាសមាជិកក្រុមប្រឹក្សា (ប្រធានសមាគមសមាគមសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា)
១២៖ លោក គា បូរាណ ជាសមាជិកក្រុមប្រឹក្សា (ប្រធាននាយកប្រតិបត្តិនៃ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើ អេ អឹម ខេ)

លោក Raymond Sia ដែលជាអតីតប្រធានសមាគមធនាគារនៅកម្ពុជា អាណត្តិទី៩ ឆ្នាំ២០២២-២០២៣ បានថ្លែង​អំណរគុណដល់សមាជិកក្រុមប្រឹក្សា និងក្រុមការងារលេខាធិការដ្ឋានទាំងអស់ និងបានកោតសរសើរពីការចូលរួមចំណែក និងការលះបង់ក្នុងការគាំទ្រដល់សមាជិក និងវិស័យធនាគារនៅកម្ពុជា។

ចំណែកឯ​លោក រ័ត្ន សោភ័ណ ប្រធាន​សមាគម​ធនាគារនៅកម្ពុជា ដែល​ទើប​ជាប់ឆ្នោត​ថ្មី បាន​ថ្លែង​អំណរគុណ​ដល់​អតីត​ប្រធាន​ក្រុមប្រឹក្សាភិបាល និង​សមាជិក​ក្រុមប្រឹក្សាទាំងអស់ ចំពោះ​ការ​ដឹកនាំ​ប្រកបដោយ​ភាពស្វាហាប់ និងរឹងមាំ​ក្នុង​រយៈពេល​០២ឆ្នាំមកនេះ និងបាន​អបអរសាទរ​ជូន​ក្រុមប្រឹក្សា​ថ្មី​របស់​សមាគម​ធនាគារ​នៅ​កម្ពុជា​ផង​ដែរ។

សមាគមធនាគារនៅកម្ពុជា គឺជាសមាគម​វិជ្ជាជីវៈក្នុងស្រុក និង​ធ្វើ​ប្រតិបត្តិការ​មិនស្វែងរក​ប្រាក់​ចំណេញ ដែល​ត្រូវ​បាន​បង្កើត​ឡើង​ដើម្បី​ជំរុញ​ការ​អភិវឌ្ឍ​ប្រព័ន្ធ​ហិរញ្ញវត្ថុ​នៅកម្ពុជា និងការការពារ​ផល​ប្រយោជន៍​ស្របច្បាប់​របស់​សមាជិក។ សមាគម​ធនាគារ​អនុវត្ត​សកម្មភាព​របស់​ខ្លួន​ដោយមានការសហការ​យ៉ាង​មានភាព​ជិតស្និទ​ជាមួយ​អាជ្ញាធរ សមាគម អង្គការ ឬ​ស្ថាប័ន​ក្នុងស្រុក និង​អន្តរជាតិ ហើយ​បម្រើ​សេវាកម្ម​ជា​ច្រក​ទំនាក់ទំនង​រវាង​ស្ថាប័ន​ទាំង​នោះ ដើម្បី​សម្រេច​បេសកកម្ម​របស់​សមាគម៕

The post CEO ធនាគារកាណាឌីយ៉ា របស់អ្នកឧកញ៉ា ពុង ឃាវសែ បន្តជាប់ឆ្នោតក្នុងសមាសភាពក្រុមប្រឹក្សាសមាគមធនាគារនៅកម្ពុជា ឆ្នាំ២០២៤​-២០២៥ appeared first on .

តាមសេចក្ដីជូនដំណឹងនេះបញ្ជាក់ថា ការសាងសង់ស្ពានអាកាស “មរតកតេជោ” ជាន់ទី២ ដំណាក់កាលទី១ បានសម្រេចស្ទើរទាំងស្រុងហើយ ដោយនឹងបញ្ចប់ការដ្ឋាន នៅថ្ងៃទី៣០ ខែមីនា ឆ្នាំ២០២៤។ ដើម្បីជួយសម្រួលដល់លំហូរចរាចរ និងការធ្វើដំណើររបស់ប្រជាពលរដ្ឋ នាឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនឹងឈានចូលមកដល់ក្នុងពេលឆាប់ៗខាងមុខ ក៏ដូចជួយដោះស្រាយការកកស្ទះចរាចរបានមួយកម្រិត ត្រង់ចំណុចប្រសព្វមហាវិថីទាំងបី។ ស្ពានអាកាសនេះ នឹងបើកឱ្យធ្វើដំណើរឆ្លងកាត់ជាបណ្ដោះអាសន្ន ចាប់ពីថ្ងៃទី១ ខែមេសា តទៅ។

សូមជម្រាបជូនថា ស្ពានអាកាស « មរតកតេជោ» ស្ថិតក្នុងមូលដ្ឋានខណ្ឌមានជ័យ និងខណ្ឌចំការមន រាជធានីភ្នំពេញ ស្ថាបនាដោយក្រុមហ៊ុនវិនិយោគទុនអាណិកជនកម្ពុជា OCIC របស់អ្នកឧកញ៉ា ពុង ឃាវសែ គ្រោងចំណាយថវិកាជាង ៣៦លានដុល្លារ និងចំណាយពេលវេលាសាងសង់ ៣៦ខែ៕

The post ស្ពានអាកាស មរតកតេជោ របស់អ្នកឧកញ៉ា ពុង ឃាវសែ នឹងដាក់ឱ្យប្រជាពលរដ្ឋធ្វើដំណើរបណ្ដោះអាសន្ន នៅដើមខែក្រោយ appeared first on .

ជារៀងរាល់ឆ្នាំ អ្នកឧកញ៉ា ពុង ឃាវសែ ​​ប្រធានសមាគមអ្នកសាងសង់កម្ពុជា និង​ភរិយា​ តែងតែចូលរួម​បរិច្ចាគទ្រព្យ​ធន​ផ្ទាល់ខ្លួន​ជូនដល់កាកបាទក្រហមកម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខ​រាជរដ្ឋាភិបាល ព្រមទាំងបានចូលរួមឧបត្ថម្ភដល់កម្មវិធីសប្បុរសជាច្រើនទៀត​ផងដែរ។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹង​ប្រារព្វឡើង​ក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹង​អាកាស​ធាតុ»។ ថវិកា​ដែល​ទទួល​បាន​ពី​សប្បុរសជន សមាគមជាតិមួយនេះ​នឹង​​ប្រើប្រាស់​ដើម្បី​បន្តផ្តល់សេវាកម្មមនុស្សធម៌ ដោះស្រាយបញ្ហា​ប្រឈម​នានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និង​ងាយរងគ្រោះបំផុត តាម​គោលការណ៍​គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា ពុង ឃាវសែ បរិច្ចាគថវិកា ២០ម៉ឺនដុល្លារ ជូនកាកបាទក្រហមកម្ពុជា appeared first on .

បើតាមរបាយការណ៍ដែលសារព័ត៌មាន Oknha News គិតត្រឹមថ្ងៃទី២១ ខែកុម្ភៈ ឆ្នាំ២០២៤ ការសាងសង់អាកាសយានដ្ឋានអន្តរជាតិតេជោ លំដាប់ថ្នាក់ 4F ដំណាក់កាលទីមួយ សម្រេចបានប្រមាណ ៦៦.១ភាគរយ និងបានចំណាយទឹកប្រាក់សរុបសម្រាប់ការសាងសង់ចំនួន ៩៦១លានដុល្លារអាមេរិក នៃគម្រោងទឹកប្រាក់វិនិយោគសរុបចំនួន ១,៥០០លាន ដុល្លារ អាមេរិក។

របាយការណ៍ដដែលបានឲ្យដឹងថា ហេដ្ឋារចនាសម្ព័ន្ធសំខាន់ៗនៅក្នុងព្រលានដែលក្រុមហ៊ុន OCIC របស់អ្នកឧកញ៉ា ពុង ឃាវសែ សម្រេចបានរួមមាន៖ អគារស្ថានីយអ្នកដំណើរ សម្រេចបាន ៥៦.៨ភាគរយ គ្រោងនឹងបញ្ចប់នៅខែធ្នូ ឆ្នាំ២០២៤, ហេដ្ឋារចនាសម្ព័ន្ធហោះហើរ សម្រេចបាន ៦៤.៤ភាគរយ គ្រោងនឹងបញ្ចប់នៅខែកក្កដា ឆ្នាំ២០២៤, អគារបញ្ហាចរាចរណ៍ដែនអាកាស សម្រេចបាន ១០០ភាគរយ បញ្ចប់រួចរាល់នៅខែមករា ឆ្នាំ២០២៤, មជ្ឈមណ្ឌលផ្គត់ផ្គង់ថាមពល សម្រេចបាន ៧៦.៨ភាគរយ គ្រោងនឹងបញ្ចប់នៅខែមេសា ឆ្នាំ២០២៤, ការភ្ជាប់បណ្ដាញទឹក-ភ្លើង ពីប្រភពដើមចូលមកអាកាសយានដ្ឋានអន្តរជាតិតេជោ សម្រេចបាន ៨៥% គ្រោងនឹងបញ្ចប់នៅខែមេសា ឆ្នាំ២០២៤, សំណង់-អគារ ទ្រទ្រង់ប្រតិបត្តិការអាកាស និងប្រតិបត្តិការផ្ទៃដីសម្រេចបាន ៦០ភាគរយ គ្រោងនឹងបញ្ចប់នៅខែមិថុនា ឆ្នាំ២០២៤។

សូមជម្រាបថា គម្រោងសាងសង់អាកាសយានដ្ឋានអន្តរជាតិតេជោ លំដាប់ថ្នាក់ 4F ដំណាក់កាលទីមួយគ្រោងនឹងបើកឱ្យដំណើរការនៅ ឆមាសទីមួយឆ្នាំ២០២៥ខាងមុខនេះ។

អាកាសយានដ្ឋានអន្តរជាតិតេជោជាប្រភេទ 4F គឺប្រភេទព្រលានយន្តហោះធំ ដែលអាចស្រូបយក និង ទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្ត ហោះ ធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។ ក្រុមហ៊ុនវិនិយោគមានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឱ្យធំ និងទំនើបជាងគេនៅតំបន់អាស៊ី៕

The post ត្រឹមខែមីនានេះ អ្នកឧកញ៉ា ពុង ឃាវសែ ចំណាយអស់ជាង ៩០០លានដុល្លារលើការសាងសង់ព្រលានយន្តហោះតេជោតាខ្មៅ appeared first on .

តាមរយៈការ​បង្ហាញ​លើ​ទំព័រហ្វេសប៊ុក​ផ្លូវការ​របស់សមាគមអ្នកសាងសង់កម្ពុជា ​​កាលពី​ម្សិលមិញ​នេះ ​​បាន​ឱ្យ​​ដឹង​ថា សមាសភាពថ្នាក់ដឹកនាំ ១២រូប សម្រាប់​អាណត្តិទី៥ រួមមាន៖ ​​​

១. អ្នកឧកញ៉ា ពុង ឃាវសែ ជាប្រធាន (អគ្គនាយកក្រុមហ៊ុន OCIC)
២. ឧកញ៉ា ហាន ឃាង ជាអនុប្រធានទី១ (ម្ចាស់ក្រុមហ៊ុន ម៉ូហ៊ីបា អេនជីនារឹង)
៣. ឧកញ៉ា លី ឈួង ជាអនុប្រធានទី២ (ម្ចាស់ក្រុមហ៊ុន លី ឈួង សំណង់)
៤. អ្នកឧកញ៉ា ម៉ុង ឬទ្ធី ជាអគ្គលេខាធិការ (អគ្គនាយកក្រុមហ៊ុន ម៉ុង ឬទ្ធី គ្រុប)
៥. អ្នកឧកញ៉ា លាង ម៉េង ជាអគ្គលេខាធិការរងទី១ (សហស្ថាបនិកនៃក្រុមហ៊ុន ជីប ម៉ុង គ្រុប)
៦. អ្នកឧកញ៉ា ឃុន សៀ ជាអគ្គលេខាធិការរងទី២ (អគ្គនាយកក្រុមហ៊ុន ឃុន សៀ ឌីវើលុបមេន គ្រុប)
៧. ឧកញ៉ា ឆារស៍ វ៉ាន់ ជាអគ្គហិរញ្ញិក (ម្ចាស់ក្រុមហ៊ុន មេហ្គា ខេមបូឌា ខនស្រ្តាក់សិន)
៨. ឧកញ៉ា ជឹម ឃាន ជាសមាជិក (ម្ចាស់ក្រុមហ៊ុន បូរីសែនសុខ)
៩. អ្នកឧកញ៉ា សៀ ឬទ្ធី ជាសមាជិក (អគ្គនាយកក្រុមហ៊ុន វើលប្រ៊ីដ គ្រុប)
១០. ឧកញ៉ា ហ្គុយ ឆាយ ជាសមាជិក (តំណាងមកពីក្រុមហ៊ុន ព្រីនស៍ គ្រុប របស់អ្នកឧកញ៉ា ចេន ហ្សុី)
១១. លោក តាំង ចេងអ័ង ជាសមាជិក (អគ្គនាយកក្រុមហ៊ុន តាំង ចេងអ័ង)
១២. លោក លឹម អេងហេង ជាសមាជិក (តំណាងក្រុមហ៊ុន ខាសថ៍ លេបប័ររេថឹរី ខែមបូឌា ឯ.ក) ជំនួសលោក ហ្គារីង គីនឆួយ។

សូមជម្រាបថា សមាគមអ្នកសាងសង់កម្ពុជា ត្រូវបានបង្កើតឡើង​​ក្រោម​ការផ្តួចផ្តើមដោយ​ក្រសួងរៀបចំដែនដី នគរូបនីយកម្ម និងសំណង់ និង​អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ហើយ​បាន​ចុះបញ្ជី​នៅ​ក្រសួង​មហាផ្ទៃ​ ជាផ្លូវការ​ នៅថ្ងៃទី១៦ ខែវិច្ឆិកា ឆ្នាំ២០១១។

តាមលក្ខន្តិកៈរបស់សមាគមអ្នកសាងសង់កម្ពុជា ដែលចុះហត្ថលេខាដោយ​ អ្នកឧកញ៉ា ពុង ឃាវសែ ប្រធានសមាគម កាលពី​ថ្ងៃទី០៦ ខែតុលា ឆ្នាំ២០១១ បាន​ឱ្យ​ដឹង​ថា សមាគមនេះ​បង្កើតឡើងមានចក្ខុវិស័យធំៗចំនួន៣ គឺ៖ ១)ប្រែក្លាយ​ឧស្សាហកម្មសំណង់​របស់ជាតិ ជាឧស្សាហកម្ម​ប្រកបដោយ​ទំនុកចិត្ត ផលិតភាព គណនេយ្យភាព និង​ការប្រកួត​ប្រជែង ទាំង​ក្នុង​ទីផ្សារជាតិ និង​អន្តរជាតិ, ២)ធ្វើឱ្យ​សមាជិកទាំងអស់​របស់​សមាគម​ក្លាយជា​​អ្នកសាងសង់​មាន​លំដាប់ស្តង់ដា​ខ្ពស់ និង​ចំណាត់ថ្នាក់​លំដាប់​អន្តរជាតិ និង ៣)ជាអង្គការ​ជួយ​សម្របសម្រួល​ទំនាក់ទំនង​រវាង​រាជ​រដ្ឋាភិបាល និង​ផ្នែក​ឯកជន​ក្នុង​វិស័យ​សំណង់ ដើម្បី​ផ្តល់នូវ​ផលប្រយោជន៍ ដល់ឧស្សាហកម្ម​សំណង់។

គណៈកម្មាធិការប្រតិបត្តិ​របស់​សមាគមអ្នកសាងសង់កម្ពុជា (ថ្នាក់ដឹកនាំ) ដែលមានសមាជិក​យ៉ាង​តិច ១១រូប​ ត្រូវ​បាន​ជ្រើសរើស​ចេញ​ពី​សមាជិក​របស់​សមាគម តាមរយៈការបោះឆ្នោត​ក្នុង​មហាសន្និបាត និង​មាន​អាណត្តិ ៣ឆ្នាំ។ ចាប់តាំង​ពី​ឆ្នាំ២០១១ មក សមាគមនេះ​​​បាននិង​កំពុង​​បន្ត​សកម្មភាព​របស់​ខ្លួន រយៈពេល ៥អាណត្តិ​ហើយ ដែល​ក្នុង​នោះ អ្នកឧកញ៉ា ពុង ឃាវសែ គឺជា​ប្រធានគណៈកម្មាធិការប្រតិបត្តិ (ប្រធានសមាគម) ទាំង ៥ អាណត្តិ ប៉ុន្តែមានការផ្លាស់ប្តូរសមាសភាព​ផ្សេងៗមួយចំនួន៕

The post សមាគមអ្នកសាងសង់កម្ពុជា បង្ហាញសមាសភាពថ្នាក់ដឹកនាំថ្មី ១២រូប ដោយផ្លាស់ប្តូរសមាជិក១រូប appeared first on .

​ក្នុង​ពិធីប្រកាសដាក់ឱ្យអនុវត្តជាផ្លូវការប្រព័ន្ធទូទាត់វិក្កយបត្រ (Payment Hub) និងការដាក់ឱ្យអនុវត្តសាកល្បង​កម្មវិធី​ព័ត៌មានវិទ្យាសម្រាប់ទទួលពាក្យស្នើសុំ និងផ្តល់សេវារដ្ឋបាលតាមប្រព័ន្ធអនឡាញ នៅអង្គភាពច្រកចេញចូល​តែមួយ​រាជធានី ខេត្ត ក្រោមអធិបតីភាព​ លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ​​នា​ព្រឹក​ថ្ងៃទី៨ ខែកុម្ភៈ ឆ្នាំ២០២៤ លោក សួស ប្រាថ្នា អគ្គនាយករដ្ឋបាល ក្រសួងមហាផ្ទៃ បាន​បង្ហើប​ឱ្យ​ដឹង​​ថា ធនាគារ វីង របស់​អ្នកឧកញ៉ា គិត ម៉េង, ធនាគារ កាណាឌីយ៉ា របស់​អ្នកឧកញ៉ា ពុង ឃាវសែ និង​ធនាគារ ហត្ថា របស់​ឧកញ៉ា ហួត អៀងតុង រួម​ទាំង​ធនាគារ​ដៃគូ​ចំនួន ៨​ទៀត គឺជា​ដៃគូ​បានភ្ជាប់​ប្រព័ន្ធទូទាត់​វិក្កយបត្រ (Payment Hub)។

​​​​លោក សួស ប្រាថ្នា ​​បាន​​​លើកឡើង​ក្នុង​របាយការណ៍​​ថា អគ្គនាយកដ្ឋានរដ្ឋបាលនៃក្រសួងមហាផ្ទៃ​ បាន​សហការ​ជាមួយ​ក្រុមហ៊ុន KESS INNOVATION PLC បំពាក់ម៉ាស៊ីនទូទាត់ប្រាក់ស្វ័យប្រវត្តិជូនរដ្ឋបាលរាជធានី ខេត្ត ដែល​អនុញ្ញាត​ឱ្យប្រជាពលរដ្ឋអាចមានជម្រើសកាន់តែច្រើន ក្នុងការទូទាត់កម្រៃសេវារដ្ឋបាល ពោលគឺអាចបង់កម្រៃ​សេវា​តាមរយៈ​ប្រព័ន្ធធនាគារ ឬភ្នាក់ងារផ្តល់សេវាផ្ទេរប្រាក់ផ្សេងៗ ឬបង់កម្រៃសេវាជាសាច់ប្រាក់ដោយផ្ទាល់ក៏បាន។ ​

លោក​​អគ្គនាយករដ្ឋបាល បាន​បន្ថែម​ដូច្នេះ​ថា៖ “បច្ចុប្បន្ន​ ប្រព័ន្ធទូទាត់វិក្កយបត្រ (Payment Hub) ​​បាន​ភ្ជាប់​ជាមួយ​ធនាគារ​ដៃគូ​មាន​ចំនួន ១២ រួមមាន៖ ១.ធនាគារ អេស៊ីលីដា, ២.ធនាគារ អេប៊ីអេ, ៣.ធនាគារ ប៊ីអាយស៊ី, ៤.ធនាគារ វីង, ៥.ធនាគារ ស្ថាបនា, ៦.ធនាគារ កាណាឌីយ៉ា, ៧.ធនាគារ ភីភីស៊ីប៊ី, ៨.ធនាគារ ហត្ថា, ៩.ក្រុមហ៊ុន យូផេឌីជីថល, ១០.ភ្នាក់ងារ​ផ្ទេរប្រាក់​ទ្រូម៉ាន់នី, ១១.ភ្នាក់ងារ​ផ្ទេរប្រាក់ អ៊ីម៉ាន់នី និង ១២.ប្រព័ន្ធ KHQR បាគង។ ជាមួយគ្នានេះ ក្រសួង​ក៏​គ្រោង​ពង្រីក​ការ​តភ្ជាប់​ជាមួយ​ធនាគារ​ដៃគូ​ផ្សេងៗ​ទៀត នៅ​ពេល​អនាគត​ផង​ដែរ”។

​តាម​ការ​បញ្ជាក់​ពី​លោក​ឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ ប្រព័ន្ធទូទាត់វិក្កយបត្រ (Payment Hub) ជាសមិទ្ធផលថ្មីមួយទៀតនៅក្នុងកម្មវិធីកំណែទម្រង់របស់រាជរដ្ឋាភិបាល ក្នុងការបន្តពង្រឹង និងលើកកម្ពស់គុណភាព និងប្រសិទ្ធភាពនៃការផ្តល់សេវាសាធារណៈ ជាពិសេសការផ្តល់សេវារដ្ឋបាលតាមរយៈប្រព័ន្ធឌីជីថល ដើម្បីជំរុញ​ប្រសិទ្ធ​ភាព និងផ្តល់ភាពងាយស្រួលជូនប្រជាពលរដ្ឋ ក្នុងការស្នើសុំសេវារដ្ឋបាលឱ្យបានកាន់តែឆាប់រហ័ស តម្លាភាព និង​គណនេយ្យ​ភាព ស្របតាមគោលការណ៍ ស្តង់ដា បែបបទ និងនីតិវិធីនៃការផ្តល់សេវាតាមយន្តការច្រកចេញចូលតែមួយ។ លោក​ឧបនាយករដ្ឋមន្ត្រី​ យល់​ថា​ប្រព័ន្ធទូទាត់វិក្កយបត្រនេះ​ ក៏​នឹង​ចូលរួមចំណែកបំបាត់អំពើពុករលួយ និងការទាមទារ​កម្រៃសេវាក្រៅផ្លូវការ កាត់បន្ថយបន្ទុកបុគ្គលិកក្នុងការកាន់សាច់ប្រាក់ និងធានាបាននូវសុវត្ថិភាពខ្ពស់៕

The post ធនាគាររបស់ អ្នកឧកញ៉ា ឧកញ៉ា ៣រូប បានភ្ជាប់ប្រព័ន្ធទូទាត់វិក្កយបត្ររបស់ក្រសួងមហាផ្ទៃ appeared first on .

សម្តេច ហេង សំរិន ជាអតីតប្រធានរដ្ឋសភា ដែលចូលកាន់តំណែងតំបូង អំឡុងឆ្នាំ២០០៦ រហូតដល់ឆ្នាំឆ្នាំ២០២៣ នាអាណត្តិទី៦ ហើយក៏ធ្លាប់ធ្វើជាអនុប្រធានរដ្ឋសភា នាឆ្នាំ ១៩៩៨ ដល់ឆ្នាំ២០០៦ អនុប្រធានរដ្ឋសភា, ប្រធានក្រុមប្រឹក្សារដ្ឋនៃរដ្ឋកម្ពុជា ពីឆ្នាំ ១៩៩០ ដល់ឆ្នាំ១៩៩៣ និងប្រធានក្រុមប្រឹក្សារដ្ឋ នៃសាធារណៈដ្ឋប្រជាមានិតកម្ពុជា ពីឆ្នាំ១៩៨១ ដល់ឆ្នាំ១៩៨៩។

ក្រោយសម័យប្រជុំពេញអង្គរដ្ឋសភាលើកទី៤ នីតិកាលទី៣ នាថ្ងៃទី២១ ខែមីនា ឆ្នាំ២០០៦ ស្តីពីការបោះឆ្នោតជ្រើសរើសថ្នាក់ដឹកនាំរដ្ឋសភា សម្តេច ហេង សំរិន ប្រធានរដ្ឋសភា បានក្រាបបង្គំទូលថ្វាយព្រះមហាក្សត្រ ក្នុងព្រះបរមនាម និងតាមព្រះរាជត្រាស់បង្គាប់ប្រមុខរដ្ឋស្តីទី សម្តេច ជា សុីម បានតែងតាំងលោក ជាម ប៊ុនណាត និងលោក ប៉ាង ណាំ ជាទីប្រឹក្សាផ្ទាល់មានឋានៈស្មើរដ្ឋលេខាធិការ ដោយមិនទទួលប្រាក់បំណាច់ពីរដ្ឋ។ នេះបើយោងតាមព្រះរាជក្រឹត្យលេខ នស/រកត/០៤០៦/១៨៨។

ក្នុងនោះ ឧកញ៉ា ប៉ាង ណាំ ត្រូវបានគេស្គាល់ថាជាប្រធានត្រួតពិនិត្យសមាគមសម្ព័ន្ធខ្មែរ-ចិន ដែលមានអ្នក​ឧកញ៉ា ពុង ឃាវសែ ជាប្រធាន។ ឧកញ៉ា ប៉ាង ណាំ ក៏ជាអ្នកតំណាងសាជីវកម្ម វិស្វកម្មសំណង់ស៊ីវិលចិនប្រចាំកម្ពុជា China Civil Engineering Construction Corporation (CCECC) ជាសហគ្រាសខ្នាតធំរបស់រដ្ឋចិនដែលមានជំនាញលើការអភិវឌ្ឍន៍ស្ថាបនគម្រោងផ្សេងៗ។

ក្រុមហ៊ុនដែលចូលរួមដឹកនាំពីឧកញ៉ា ប៉ាង ណាំ ធ្លាប់ទទួលបានគម្រោងការគ្របគ្រង់ប្រកបដោយចីរភាពនូវធនធានដែលមានស្រាប់សម្រាប់ការអភិរក្ស និងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ និងតំបន់សៀមរាប។ នេះបើតាមកំណត់សម្គាល់ដោយលោក លឺ ហ្ស៉ីមីង (Liu Zhiming) ប្រធានសាជីវកម្ម វិស្វកម្មសំណង់ស៊ីវិលចិន CCECC ក្នុងពេលចុះ MoU ជាមួយអាជ្ញាធរអប្សរា នាពេលកន្លងទៅ។

បច្ចុប្បន្នឧកញ៉ា ប៉ាង ណាំ ជាប្រធានក្រុមហ៊ុនកាំត្រង់ស៊ីប ដែលបានចូលរួមសហការបង្កើតទីតាំងមជ្ឈមណ្ឌលបណ្តុះបណ្តាលបើកបរយានយន្តធុនធ្ងន់ និងទីលានប្រឡង ជាច្រើនកន្លែងជាមួយក្រសួងសាធារណការ និងដឹកជញ្ជូន។ ប្រភពមួយចំនួនលើកឡើងថា ឧកញ៉ា ប៉ាង ណាំ គឺជាពាណិជ្ជករមួយរូបមានដែលមានទំនាក់ទំនងយ៉ាងល្អនិងស្អិតរមួតជាមួយអ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC និងលោក ស៊ុន ចាន់ថុល ដែលជាអតីតរដ្ឋមន្រ្តីក្រសួងសាធារណការ និងដឹកជញ្ជូន បច្ចុប្បន្នជាឧបនាយករដ្ឋមន្រ្តី អនុប្រធានទី១ក្រុមប្រឹក្សាអភិវឌ្ឍន៍កម្ពុជា ព្រមទាំងក្រុមវិនិយោគិនចិននៅប្រទេសកម្ពុជា។

ពេលកន្លងទៅ ឧកញ៉ា ប៉ាង ណាំ បានឧបត្ថម្ភគាំទ្រផ្នែកថវិកាដើម្បីចូលរួមសាងសង់អាងហែលទឹក ក្នុងបរិវេណកីឡដ្ឋានស្រុកកោះធំ ក្នុងភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល ដែលគ្រោងចំណាយថវិកាអស់សរុបប្រមាណ៣០ម៉ឺនដុល្លារ សហរដ្ឋអាមេរិក។ នេះបើតាមលោក ស៊ុន ចាន់ថុល ក្នុងពិធីបញ្ចុះបឋមសិលាសាងសង់អាងហែលទឹក កាលពីឆ្នាំ២០១៩៕

The post ឧកញ៉ា ប៉ាង ណាំ ធ្លាប់ជាទីប្រឹក្សាផ្ទាល់សម្តេច ហេង សំរិន ប្រធានរដ្ឋសភានីតិកាលទី៣ appeared first on .

ពិធីតភ្ជាប់«ស្ពានអាកាសមរតកតេជោ» ធ្វើឡើងនៅព្រឹកថ្ងៃ​ចន្ទ​ ទី២៩​ ខែមករា​ ឆ្នាំ​២០២៤ ក្រោមវត្តមានលោក ឃួង ស្រេង អភិបាលរាជធានីភ្នំពេញ។ មន្ទីរសាធារណការ និងដឹកជញ្ជួនក្រុងភ្នំពេញ បានឲ្យដឹងថាស្ពានអាកាសមរតកតេជោ តភ្ជាប់មហាវិថី ព្រះមុនីវង្ស និងមហាវិថី សម្តេចតេជោ ហ៊ុន សែន (ស្ពានអាកាសមេផ្នែកខាងលើ) សម្រេចបានលទ្ធផល ៨០%ហើយ។

បើតាមលោក ឃួង ស្រេង ការប្រសិទ្ធនាមស្ពាអាកាសនេះ ជាស្ពានអាកាសមរតកតេជោគ្រាន់តែជាគម្រោងដែលលោកនឹងសុំទៅប្រមុខរាជរដ្ឋាភិបាលសម្ដេចធិបតី ហ៊ុន ម៉ាណែត នាយករដ្ឋមន្រ្តី។

លោកបន្តថា ស្ពានអាកាសមរតកតេជោ សម្រេចបានលើការសាងសង់ ក្នុងដំណាក់កាលទី១ ហើយ៧៤ថ្ងៃទៀត យើងនឹងសុំទៅសម្ដេច ហ៊ុន ម៉ាណែត ដើម្បីប្រកាសដាក់ឲ្យប្រើប្រាស់ស្ពានអាកាសនេះ ជាបណ្តោះអាសន្ន ដើម្បីឲ្យប្រជាពលរដ្ឋបានធ្វើដំណើរឆ្លងកាត់កាត់បន្ថយបាននូវការកកស្ទះចរារចរ។

គម្រោងសាងសង់ស្ពានអាកាសទី៨នេះ ដែលនឹងប្រសិទ្ធនាម «ស្ពានអាកាសមរតកតេជោ» ស្ថាបនាដោយក្រុមហ៊ុនវិនិយោគទុនអាណិកជនកម្ពុជា OCIC គ្រោងចំណាយថវិកាជាង ៣៦លានដុល្លារ និងចំណាយពេលវេលាសាងសង់ ៣៦ខែ។ សូមជម្រាបជូនថា គិតមកពេលនេះ រាជធានីភ្នំពេញមានស្ពានដែលបានឲ្យដំណើការចំនួន៧ហើយ។ ជារួមបើគិតទាំងស្ពានអាកាសដែលបានដាក់ឱ្យដំណើរការរួចរាល់ហើយ ចាយថវិកាប្រមាណ ៨៥,៦៤៨,៥០៩.៧ដុល្លារ ខណៈដែលកំពុងសាងសង់ និងត្រៀមបើកការដ្ឋានសាងសង់នៅរាជធានីភ្នំពេញមិនទាន់រាប់បញ្ចូលនោះទេ៕

The post អ្នកឧកញ៉ា ពុង ឃាវសែ កាន់បែលចូកស៊ីម៉ងត៍តភ្ជាប់«ស្ពានអាកាសមរតកតេជោ» តម្លៃជាង៣៦លានដុល្លារ appeared first on .

លោក កើត ឆែ អភិបាលរងរាជធានីភ្នំពេញ បានឲ្យដឹងលើទំព័រហ្វេសប៊ុកផ្ទាល់ខ្លួននាល្ងាចថ្ងៃសៅរ៍ ទី២៧ ខែមករានេះថា នៅថ្ងៃទី២៩ ខែមករា ឆ្នាំ២០២៤ ខាងមុខនេះ លោក ឃួង ស្រេង អភិបាលរាជធានីភ្នំពេញ នឹងចូលរួមតភ្ជាប់ស្ពានអាកាសព្រះមុនីវង្សថ្មី ស្ថិតនៅចំណុចប្រសព្វរវាងមហាវិថីព្រះមុនីវង្ស, មហាវិថីសម្តេចតេជោ ហ៊ុន សែន និងមហាវិថីយោធពលខេមរភូមិន្ទ (ផ្លូវ២៧១)។

លោកបន្តថា ក្នុងដំណាក់កាលទី១ ការសាងសង់ស្ពានអាកាសព្រះមុនីវង្សថ្មី (ស្ពានអាកាសជាន់ទី២) បច្ចុប្បន្នសាងសង់បានសម្រេចប្រមាណ ៨០% ហើយតាមផែនការគ្រោងនឹងត្រូវបញ្ចប់នៅចុងខែមីនា ឆ្នាំ២០២៤ ខាងមុខនេះ។ ចំណែកដំណាក់កាលទី២ គ្រោងនឹងបញ្ចប់មុនចូលឆ្នាំប្រពៃណីជាតិ ឆ្នាំ២០២៥។

ក្រសួងសាធារណការ និងដឹកជញ្ជូន បានឱ្យដឹងថា គម្រោងស្ពានអាកាសព្រះមុនីវង្សថ្មីគ្រោងនឹងចំណាយថវិកាសាងសង់ចំនួន ៣៦.៧៧៥.០០០ដុល្លាអាមេរិក និងប្រើរយៈពេលសាងសង់ ៣៦ខែ។ ការសាងសង់ស្ពានអាកាសថ្មីនេះ គឺជាគម្រោងរបស់រាជរដ្ឋាភិបាលកម្ពុជាតាមរយៈរដ្ឋបាលរាជធានីភ្នំពេញ និងសាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC របស់អ្នកឧកញ៉ា ពុង ឃាវសែ៕

The post ក្រុមហ៊ុនអ្នកឧកញ៉ា ពុង ឃាវសែ សម្រេចការសាងសង់បាន ៨០%ហើយ ស្ពានអាកាសព្រះមុនីវង្សថ្មីតម្លៃជាង ៣៦លានដុល្លារអាមេរិក appeared first on .

អ្នកឧកញ៉ា ពុង ឃាវសែ មានមុខជំនួញស្ទើរគ្រប់គ្រងសេដ្ឋកិច្ចកម្ពុជាទាំងមូលទៅហើយ ក៏ព្រោះអ្នកឧកញ៉ាបានបោះទុនរាប់ពាន់លានដុល្លារវិនិយោគគម្រោងធំៗជាច្រើនដើម្បីបន្សល់ទុកជាកេរដំណែចុងក្រោយ ខណៈបច្ចុប្បន្ននេះក្រុមហ៊ុន វិនិយោគអណិកជនក្រៅប្រទេស OCIC បានក្តោបក្តាប់គម្រោងធំៗរបស់រាជរដ្ឋាភិបាលជាច្រើន ព្រមទាំងគម្រោងព្រលានយន្តហោះតេជោតាខ្មៅថ្មី, គម្រោងធំៗនៅក្នុងតំបន់ស្តាតអូឡាំពិក, គម្រោងសាងសង់ស្ពានអាកាសព្រះមុនីវង្ស, គម្រោងមជ្ឈមណ្ឌលពិព័រណ៌ និងសន្និបាតអន្តរជាតិ OCIC ជ្រោយចង្វារ និងគម្រោងអភិវឌ្ឍន៍កោះនរាជាដើម។

បើនិយាយដល់ជីវិតឯកជនរបស់អ្នកឧកញ៉ា ពុង ឃាវសែ វិញម្តង គឺលោកត្រូវបានធុរជនក្នុងស្រុក និងបរទេសមួយចំនួនចាត់ទុកលោកជាគម្រូមួយក្នុងការចាប់ផ្តើមធ្វើជំនួញ ការវិនិយោគ ពាណិជ្ជកម្ម និងកិច្ចការងារមនុស្សធម៌។ នៅប្រទេសកម្ពុជា បើបុគ្គលរូបណាដែលមានទ្រព្យធនធាន ហើយបានចូលរួមចំណែកជួយដល់រាជរដ្ឋាភិបាលក្នុងការស្ថាបនាហេដ្ឋារចនាសម្ព័ន្ធនានាលើវិស័យសង្គមកិច្ច សុខាភិបាល និងសាសនា នឹងត្រូវទទួលបានការផ្តល់កិត្តិយសជាគ្រឿងឥស្សរិយយស ឬលិខិតថ្លែងអំណរគុណ ពីព្រះមហាក្សត្រ និងរាជរដ្ឋាភិបាល។ លើសពីនេះ ក៏មានបុគ្គលមួយចំនួនត្រូវបានព្រះមហាក្សត្រផ្តល់គោរមងារ«លោកអ្នកឧកញ៉ា អ្នកឧកញ៉ា និងឧកញ៉ា» ដើម្បីសរបញ្ជាក់ពីគុណតម្លៃនៃការចូលរួមរបស់រូបវន្តបុគ្គលក្នុងការអភិវឌ្ឍប្រទេសជាតិ។

និយាយដល់អ្នកឧកញ៉ា ពុង ឃាវសែ វិញក៏មិនខុសពីបុគ្គលផ្សេងទៀតដែរ ដែលបានចូលរួមជួយអភិវឌ្ឍន៍យ៉ាងសន្ធឹកសន្ធាប់។ តើពាណិជ្ជករជាម្ចាស់សម្ព័ន្ធក្រុមហ៊ុន OCIC រូបនេះទទួលបានគោរមងារ«ឧកញ៉ា និងអ្នកឧកញ៉ា» តាំងថ្ងៃខែឆ្នាំណា?

យោងតាមសៀវភៅរាជកិច្ចរបស់ទីស្តីការគណៈរដ្ឋមន្រ្តី បានឲ្យដឹងថា លោក ពុង ឃាវសែ ទទួលបានគោរមងារ«ឧកញ៉ា» ពីព្រះមហាក្សត្រនៅថ្ងៃទី២៦ ខែមករា ឆ្នាំ២០០៩ តាមរយៈព្រះរាជក្រឹត្យលេខ នស/រកត/០១០៩/០៧៥ ។ រំលងបានប្រមាណ ១៥ឆ្នាំទើបលោកទទួលបានគោរមងារ«អ្នកឧកញ៉ា» គឺនៅថ្ងៃទី១២ ខែកក្កដា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០៧២៣/១៤៧៧ ។

យ៉ាងណានៅចន្លោះពីឆ្នាំ២០០៩មកដល់ឆ្នាំ២០២៣ មនុស្សភាគច្រើនបានប្រសិទ្ធិនាម ហៅ ឧកញ៉ា ពុង ឃាវសែ ថា អ្នកឧកញ៉ា ពុង ឃាវសែ តាំងពីមិនទាន់ទទួលបានគោរមងារជាផ្លូវការមកម្លេះ ពិសេសក្នុងនោះគឺឃើញមានច្រើននៅក្នុងបណ្តាញសារព័ត៌មាននានា។ ការដែលហៅថា អ្នកឧកញ៉ា ពុង ឃាវសែ ទាំងមិនទាន់ទទួលងារផ្លូវការ ទំនងផ្អែកលើសកម្មភាពជំនួញ និងវ័យរបស់លោកដែលកាន់តែជ្រាលឡើងៗ ខណៈគិតមកដល់ពេលបច្ចុប្បន្ននេះលោកនៅមិនទាន់បញ្ចេញអ្នកបន្តវេនជាផ្លូវការនៅឡើយដែលនឹងមកដឹកនាំអាណាចក្រជំនួញប្រាក់ពាន់លានដុល្លាររបស់អ្នកឧកញ៉ាជាស្តេចក្រាញ់អចលនទ្រព្យដ៏ឆ្នើមនៅប្រទេសកម្ពុជារូបនេះ។

ក្រៅពីមានមុខជំនួញជាច្រើននៅក្នុងដៃ អ្នកឧកញ៉ា ក៏​ជា​​ប្រធាន​សមាគមអ្នកសាងសង់កម្ពុជា និង​ជាអនុប្រធានសមាគម​មិត្តភាពកម្ពុជា-ឡាវ ព្រម​ទាំង​តួនាទី​​នៅ​ក្នុង​សមាគម​​មួយ​ចំនួន​ទៀត៕​

The post ភាគ១៖ តើស្តេចក្រាញ់អចលនទ្រព្យ ពុង ឃាវសែ ទទួលបានគោរមងារ «ឧកញ៉ា» នៅឆ្នាំណា? appeared first on .