រដ្ឋបង្កើតកំពង់ផែមួយនៅខេត្តកំពត ឱ្យស្ថិតក្រោមការគ្រប់គ្រងរបស់ក្រុមហ៊ុន អ្នកឧកញ៉ា មាស ធំ

ឧកញ៉ាដែនដី — Mon, 16 Mar 2026 02:08:26 +0000

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី១៣ ខែមីនា ឆ្នាំ២០២៦ បានចេញអនុក្រឹត្យបង្កើតកំពង់ផែកំពត ឡូជីស្ទីក ដែលមានទីតាំងស្ថិតនៅក្នុងភូមិចង្អោន សង្កាត់ព្រែកត្នោត ក្រុងបូកគោ ខេត្តកំពត ដើម្បីបម្រើសេវាឱ្យនាវាដែលធ្វើនាវាចរណ៍ជាលក្ខណៈអន្តរជាតិ ចូលចេញ ផ្ទេរផ្ទុក និងលើកដាក់ទំនិញទូទៅ រួមទាំងកុងតឺន័រនិងទំនិញចាក់ធារ។

យោងតាមអនុក្រឹត្យនេះ ដែនទឹកនៃកំពង់ផែកំពត ឡូជីស្ទីក ជាទ្រព្យសម្បត្តិសាធារណៈរបស់រដ្ឋ មានទំហំ ៣ ៦៧៩ ២៩៦ ម៉ែត្រការ៉េ និងដីគោកនៃកំពង់ផែ ជាទ្រព្យសម្បត្តិឯកជនរបស់ក្រុមហ៊ុន កំពត ឡូជីស្ទីក អេន ផត ឯ.ក (Kampot Logistics and Port) មានទំហំ ៦ ៦២០ ០១៣,១០ ម៉ែត្រការ៉េ។ ក្រុមហ៊ុន កំពត ឡូជីស្ទីក អេន ផត ឯ.ក ជាអង្គគ្រប់គ្រងកំពង់ផែកំពត ឡូជីស្ទីក។

សូមជម្រាបថា ក្រុមហ៊ុន កំពត ឡូជីស្ទីក អេន ផត ឯ.ក (Kampot Logistics and Port) គឺមាន អ្នកឧកញ៉ា មាស ធំ ជាអគ្គនាយកក្រុមហ៊ុន និងមានលោក យឹម លី ជាប្រធានក្រុមប្រឹក្សាភិបាលក្រុមហ៊ុន។ ក្រុមហ៊ុន កំពត ឡូជីស្ទីក អេន ផត ឯ.ក ជាក្រុមហ៊ុន ដែលបានវិនិយោគលើមជ្ឈមណ្ឌលភ័ស្ដុភារកម្ម និងកំពង់ផែពហុបំណងកម្រិតអន្តរជាតិតម្លៃប្រមាណ ១,៥០០ លានដុល្លារអាមេរិក នៅលើមានផ្ទៃដីរហូតដល់ទៅជាង ៦៦០ហិកតា។

សូមអានអនុក្រឹត្យលម្អិតខាងក្រោម៖

The post រដ្ឋបង្កើតកំពង់ផែមួយនៅខេត្តកំពត ឱ្យស្ថិតក្រោមការគ្រប់គ្រងរបស់ក្រុមហ៊ុន អ្នកឧកញ៉ា មាស ធំ appeared first on .

CEO វ័យក្មេង ម្ចាស់កំពង់ផែពហុបំណងតម្លៃ ១,៥ពាន់លានដុល្លារ ទទួលបានគោរមងារ «អ្នកឧកញ៉ា»

ឧកញ៉ាដែនដី — Fri, 26 May 2023 00:30:00 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ លោក មាស ធំ ម្ចាស់កំពង់ផែពហុបំណងកំពត ជា «អ្នកឧកញ៉ា» កាលពីថ្ងៃទី២០ ខែមេសា ឆ្នាំ២០២៣ តបតាមសេចក្តីក្រាបបង្គំទូលថ្វាយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

អ្នកឧកញ៉ា មាស ធំ (កណ្តាល)

លោក មាស ធំ ត្រូវបានគេស្គាល់ថា ជាអ្នកជំនួញវ័យក្មេងមួយរូប និងជាអគ្គនាយកក្រុមហ៊ុន កំពត ឡូជីស្ទីក អេន ផត ឯ.ក (Kampot Logistics and Port Co., Ltd)។ ក្រុមហ៊ុន កំពត ឡូជីស្ទីក អេន ផត ឯ.ក ជាក្រុមហ៊ុន ដែលបានវិនិយោគលើមជ្ឈមណ្ឌលភ័ស្ដុភារកម្ម និងកំពង់ផែពហុបំណងកម្រិតអន្តរជាតិតម្លៃប្រមាណ ១,៥០០ លានដុល្លារអាមេរិក នៅលើមានផ្ទៃដីរហូតដល់ទៅ ៦០០ហិកតា មានទីតាំងនៅសង្កាត់ព្រែកត្នោត ក្រុងបូកគោ ខេត្តកំពត និងបានបើកការដ្ឋានសាងសង់ជាផ្លូវការ ក្រោមអធិបតីភាពឧបនាយករដ្ឋមន្ដ្រី ជា សុផារ៉ា រដ្ឋមន្ដ្រីក្រសួងដែនី នគរូបនីយកម្ម និងសំណង់ តំណាងសម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា កាលពីថ្ងៃទី៥ ខែឧសភា ឆ្នាំ២០២២។

កាលថ្ងៃទី៥ ខែឧសភា ឆ្នាំ២០២៣កន្លងទៅថ្មីៗនេះ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីចុះហត្ថលេខាលើកិច្ចសន្យាសាងសង់ កំពង់ផែពហុបំណងកំពត រវាងក្រមហ៊ុន កំពត ឡូជីស្ទីក អេន ផត ឯ.ក និងក្រុមហ៊ុន ឆាយណា ហាបើរ អេនជីនារីង ខមភេនី អិលធីឌី ដើម្បីអនុញ្ញាតឱ្យក្រុមឆាយណា ហាបើរ ចាប់ផ្តើមធ្វើការសាងសង់នូវកំពង់ផែដ៏ថ្មីសន្លាងមួយនេះ។ ពិធីចុះហត្ថលេខា ត្រូវបានធ្វើឡើងនៅសណ្ឋាគារ Hyatt Regency Phnom Penh ដែលចុះហត្ថលេខាដោយអ្នកឧកញ៉ា មាស ធំ អគ្គនាយកក្រុមហ៊ុនកំពត ឡូជីស្ទីក អេន ផត ឯ.ក និងលោកស្រី LAN QIULI នាយកគ្រប់គ្រងនៃការិយាល័យ China Harbour Cambodia រួមទាំងអ្នកចូលរួមជាច្រើនរូបទៀត។

សូមជម្រាបថា បើតាមលោកទេសរដ្ឋមន្ត្រី ស៊ុន ចាន់ថុល បានឱ្យដឹងថា មជ្ឈមណ្ឌលភ័ស្ដុភារកម្ម និងកំពង់ផែពហុបំណងកំពត របស់អ្នកឧកញ៉ា មាស ធំ នឹងត្រូវសាងសង់លើផ្ទៃដីកម្មសិទ្ធិទំហំ ៦០០ ហិកតា និងមានជម្រៅទឹក ១៥ ម៉ែត្រ ដែលអាចឱ្យនាវាចំណុះ ១០ ម៉ឺនតោនចូលចតបាន។ លោកបន្តថា ការសាងសង់មជ្ឈមណ្ឌលភ័ស្តុភារកម្ម និងកំពង់ផែពហុបំណងនេះ ជាការចូលរួមចំណែកក្នុងការអភិវឌ្ឍប្រទេសកម្ពុជា ឱ្យបានរុងរឿងបន្ថែមទៀត និងជួយឱ្យកម្ពុជាឈានទៅសម្រេចបាននូវផែនការក្លាយជាប្រទេសមានប្រាក់ចំណូលកម្រិតខ្ពស់នៅឆ្នាំ២០៥០៕

The post CEO វ័យក្មេង ម្ចាស់កំពង់ផែពហុបំណងតម្លៃ ១,៥ពាន់លានដុល្លារ ទទួលបានគោរមងារ «អ្នកឧកញ៉ា» appeared first on .