សម្ដេចតេជោ ហ៊ុន សែន លើកឡើងថា ការចេញវីដេអូសុំទោសរបស់ លី សាម៉េត មិនបានអាចរួចខ្លួននោះទេ ខណៈដែលជំនួយការរបស់សម្ដេចម្នាក់ទៀតដែលជាប់ពាក់ព័ន្ធនឹងករណីឆបោកនេះក៏កំពុងឃាត់ខ្លួន រងចាំការកាត់ទោសផងដែរ។

សម្ដេចតេជោ បានគូសបញ្ជាក់ថា ក្រោយពេលដែលអ្នកឧកញ៉ា លី សាម៉េត រត់គេចខ្លួន នឹងបង្ហាញខ្លួនហើយ កម្លាំងសមត្ថកិច្ចដែលជានគរបាល ឬកងរាជអាវុធហត្ថត្រូវទៅនាំខ្លួន បញ្ជូនទៅតុលាការដើម្បីកាត់ទោសតាមច្បាប់។ ដោយឡែកចំពោះការស្នើសុំសម្រាកព្យាបាលរបស់ អ្នកឧកញ៉ា លី សាម៉េត សម្ដេចតេជោ មិនអនុញ្ញាតនោះទេ ហើយសម្ដេចសង្កត់ធ្ងន់ថា អ្នកឧកញ៉ា លី សាម៉េត នឹងមិនត្រូវនៅក្រៅសំណាញ់ច្បាប់ទៀតនោះទេ៕

The post សម្ដេចតេជោ ហ៊ុន សែន បញ្ជាក់ជាថ្មី មិនលើកលែងទោសឱ្យ អ្នកឧកញ៉ា លី សាម៉េត និងណែនាំនគរបាលយុត្ដិធម៌នាំខ្លួនបញ្ជូនទៅតុលាការ appeared first on .

ក្នុងវីដេអូឃ្លីបជិត៦នាទី អ្នកឧកញ៉ា លី សាម៉េត បានលើកឡើងដូច្នេះថា៖ “ខ្ញុំបាទ លី សាម៉េត (ហៅគ្រូមា) ថ្ងៃនេះខ្ញុំសូមបញ្ជាក់ការពិតចេញពីបេះដូង។ រឿងរ៉ាវដែលសម្តេចតេជោ បានបង្ហោះក្នុងសំណេរ ពាក់ព័ន្ធនឹងរឿងរបស់ខ្ញុំបាទ សុទ្ធសឹងតែជារឿងពិតទាំងអស់។ ខ្ញុំបាទបានសាងកំហុសយ៉ាងធ្ងន់ធ្ងរបំផុត ដែលធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់សម្តេចតេជោ។ ខ្ញុំបាទ បានយកឈ្មោះសម្តេចទៅប្រើ ដើម្បីយកលុយគេ នេះជារឿងពិត ហើយក៏មិនមែនជាលើកទី១ដែរ។ មិនតែប៉ុណ្ណោះ ថវិកាដែលយកបានថា យកទៅជូនសម្តេចទៀត នេះសុទ្ធតែជារឿងដែលខ្ញុំបាទប្រឌិតចេញដោយខ្លួនឯង”។

ទទឹមនឹងសារទទួលស្គាល់កំហុស និងសូមការអភ័យទោសនេះ អ្នកឧកញ៉ា លី សាម៉េត ក៏បានបង្ហើបឱ្យដឹងផងដែរថា បច្ចុប្បន្នលោកកំពុងមានជំងឺ ហើយកំពុងស្នាក់នៅផ្ទះរបស់កូន។ អ្នកឧកញ៉ា បញ្ជាក់ថាលោកមានជំងឺទឹកនោមផ្អែម ក្រពះពោះវៀន ទឹកនោមប្រៃ (កំពុងហើមខ្លួន) ដើរមិនរួច។ ជាមួយគ្នានេះ លោកសុំពេលវេលាបន្តិច មួយរយៈពេលខ្លី លោកនឹងចេញទៅសារភាពនៅចំពោះមុខសមត្ថកិច្ច និងនៅមុខតុលាការ ដើម្បីកាត់ទោសលោកតាមច្បាប់។

គួររំឭកថា កាលថ្ងៃទី៧ ខែតុលា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា បានចេញសារលើបណ្តាញសង្គមហ្វេសប៊ុកផ្លូវការយ៉ាងដូច្នេះថា ដោយរឿងច្រើនពេកថ្ងៃនេះសម្តេចសម្រេចចិត្តបង្ហោះសារទាក់ទងដល់លោកលី សាម៉េត(ហៅគ្រូមា)។ លី សាម៉េតតែងប្រើឈ្មោះរបស់សម្តេច ដើរបោកប្រាស់គេរហូតថាយកលុយដែលបោកប្រាស់បានយកមកជូនសម្តេចទៀតផង ដោយប្រាប់គេថាខ្លួនចេញចូលផ្ទះសម្តេចក្នុងពេលណាក៏បាន ក្នុងពេលដែលលី សាម៉េតមិនដឹងថាផ្ទះសម្តេចបែរមុខទៅខាងណាផង។ ចំពោះទឹកប្រាក់ឆបោក សម្តេចបានឱ្យដឹងថា លោក លី សាម៉េត បានបោកលុយឈ្មោះសុខ ឡេង ១០លានដុល្លារ, បុគ្គលឈ្មោះ មួង ឃីម ចំនួន២៣ម៉ឺនដុល្លារ និងលោក កន សុខកាយ ចំនួន៣០ម៉ឺនដុល្លារ ដើម្បីរត់ការឱ្យបានតំណែងជាអភិបាលក្រុងអរិយក្សត្រ៕

សូមទស្សនាវីដេអូខាងក្រោម៖

The post អ្នកឧកញ៉ា លី សាម៉េត ចេញវីដេអូទទួលស្គាល់កំហុស ទាក់ទងករណីឆបោកប្រាក់រាប់លានដុល្លារ និងសុំពេលព្យាបាលជំងឺមួយរយៈខ្លី appeared first on .

គណបក្សកាន់អំណាចដែលប្រមូលផ្តុំដោយឥស្សរជនកំពូលៗ និងសំបូរដោយបញ្ញវ័ន្តមួយនេះ គឺជាអ្នកដែលដឹកនាំរាជរដ្ឋាភិបាលជាច្រើនអាណត្តិបាននឹងកំពុងកសាងអភិវឌ្ឍន៍ជាតិយ៉ាងសស្រាក់សស្រាំ ហើយក៏ជាអ្នកដែលនាំកិត្តិនាមកម្ពុជាឲ្យស្គាល់ល្បីរន្ទឺលើឆាកអន្តរជាតិ ក្រោមចក្ខុវិស័យ និងមាគ៌ាដឹកនាំពីស្ថាបនិកសន្តិភាព សម្តេចតេជោ ហ៊ុន សែន រួមជាមួយឥស្សរជនកំពូលៗដទៃទៀត។

ដើម្បីដឹកនាំគណបក្សប្រជាជនកម្ពុជា ឲ្យទទួលបានជោគជ័យជាបន្តបន្ទាប់ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានសម្រេចតែងតាំងមុខដំណែង និងតួនាទីសំខាន់ជាច្រើនជូនសមាជិក សមាជិកា។

ថ្ងៃនេះ ឧកញ៉ាញូស៍ (Oknha News) សូមបង្ហាញមុខអ្នកឧកញ៉ា ឧកញ៉ា ៣រូប មានតួនាទីជាទីប្រឹក្សា និងជំនួយការប្រធានគណបក្សប្រជាជនកម្ពុជា សម្តេចតេជោ ហ៊ុន សែន ដូចខាងក្រោម៖

១/ ឧកញ៉ា លឹម ប៊ុណ្ណា ជំនួយការសម្តេចតេជោប្រធានគណបក្សប្រជាជនកម្ពុជា

២/ អ្នកឧកញ៉ា លី សាម៉េត ជាទីប្រឹក្សាផ្ទាល់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា

៣/ អ្នកឧកញ៉ា ទ្រី ភាព ទីប្រឹក្សាផ្ទាល់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា​ និងជាអនុប្រធានទី២ ក្រុមការងារចុះពង្រឹងមូលដ្ឋានស្រុកកណ្តាលស្ទឹង ខេត្តកណ្តាល

The post ណែនាំឲ្យស្គាល់អ្នកឧកញ៉ា ឧកញ៉ា ៣រូបជាទីប្រឹក្សា និងជំនួយការប្រធានគណបក្សប្រជាជនកម្ពុជា appeared first on .