សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ​បំផុត​ចំពោះ អ្នកឧកញ៉ា លី សេងឃាង និងលោកជំទាវ ដែលបានបរិច្ចាគថវិកាចំនួន ២ម៉ឺនដុល្លារអាមេរិក ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារ​យុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគ​ថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារ​មនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់​ក្នុងការលើកកម្ពស់ស្មារតី​វប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ា លី សេងឃាង និងលោកជំទាវ បរិច្ចាគថវិកា ២ម៉ឺនដុល្លារអាមេរិក ជូនកាកបាទក្រហមកម្ពុជា appeared first on .

ការប្រកាសនេះ ធ្វើឡើងនៅរសៀលថ្ងៃទី១៤ ខែមិថុនានេះ អំឡុងពេលនៃការផ្សាយផ្ទាល់ពិសេសមូលនិធិស៊ីធីអិន ដើម្បីទ្រទ្រង់កងទ័ពការពារព្រំដែនជាតិ លើកញ្ចក់ទូរទស្សន៍ CTN MyTV និង CBS digital។

តបតាមការអំពាវនាវពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា, មូលនិធិ CTN ទ្រទ្រង់កងទ័ពការពារជាតិនៃក្រុមហ៊ុន CBS របស់អ្នកឧកញ៉ា គិត ម៉េង សហការជាមួយសមាគមសិល្បករខ្មែរ, ក្រុមហ៊ុន សែលខាត និងធនាគារ វីង បានប្រកាសចាប់ផ្តើមកៀរគរថវិកាជួយដល់កងទ័ព ដែលកំពុងឈរជើងការពារដែនអធិបតេយ្យភាពជាតិនៅតាមបន្ទាត់ព្រំដែនកម្ពុជា-ថៃ។

ការបង្កើតមូលនិធិទ្រទ្រង់កងទ័ពការពារជាតិនេះ គឺដើម្បីសម្រួលដល់ប្រជាពលរដ្ឋ និងសប្បុរសជនគ្រប់មជ្ឈដ្ឋាន អាចចូលរួមបរិច្ចាគថវិកាតាមលទ្ធភាព តាមរយៈប្រព័ន្ធធនាគារវីង ហើយថវិកាដែលប្រមូលបាន នឹងយកទៅជួយទ្រទ្រង់ដល់កងទ័ពកម្ពុជា ដែលកំពុងឈរជើងការពារព្រំដែន។

សូមបញ្ជាក់ថា សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥នេះ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។ ជាងនេះទៅទៀត នៅអំឡុងនៃការធ្វើសមាជរដ្ឋសភា និងព្រឹទ្ធសភា នាថ្ងៃទី២ ខែមិថុនា សម្តេចតេជោ ហ៊ុន សែន ក្នុងនាមប្រធានសមាជ ក៏បានអំពាវនាវដល់ស្ថានីយទូរទស្សន៍ និងវិទ្យុ បង្កើតជាមូលនិធិទ្រទ្រង់កងទ័ពការពារជាតិ ដូចកាលឆ្នាំ២០០៨ ២០០៩ ២០១០ និងឆ្នាំ២០១១។

ជាមួយគ្នានេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក៏បានប្រកាសចូលរួមថវិកា ៣០០លានរៀលដំណាក់កាល ដំបូង ជាមួយមូលនិធិទូរទស្សន៍ CTN ដើម្បីជួយទ្រទ្រង់កងទ័ពកំពុងឈរជើង ការពារទឹកដី។ សម្តេចតេជោ ក៏បានអំពាវនាវដល់ប្រជាពលរដ្ឋចូលរួមភ្ជាប់និស្ស័យជាមួយ កងទ័ព និង ជាមួយជាតិ និងទឹកដីទាំងអស់គ្នា តាមរយៈមូលនិធិទូរទស្សន៍ CTN។

គួររំលឹកថា កាលពីឆ្នាំ២០០៨ ក្រុមហ៊ុន CBS របស់អ្នកឧកញ៉ា គិត ម៉េង បានបង្កើតមូលនិធិ CTN ដើម្បីប្រមូលថវិកាជួយដល់កងទ័ពដែលកំពុងឈរជើងការពារដែនអធិបតេយ្យភាពនៅតាមបន្ទាត់ព្រំដែនកម្ពុជា-ថៃ ជាពិសេស គឺជួយទ្រទ្រង់ទៅដល់តំបន់ប្រាសាទព្រះវិហារ ប្រាសាទតាមាន់ និងប្រាសាទតាក្របីផងដែរ៕

The post អ្នកឧកញ៉ា លី សេងឃាង និងលោកជំទាវ ប្រកាសឧបត្ថម្ភ ៣០០០ដុល្លារ ដល់មូលនិធិ CTN ទ្រទ្រង់កងទ័ពការពារជាតិ តបតាមការអំពាវនាវរបស់សម្តេចតេជោ ហ៊ុន សែន appeared first on .

ការស្នើសុំរបស់អ្នកឧកញ៉ា លី សេងឃាង ក្នុងឱកាសលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា អនុញ្ញាតជូនវិនិយោគិននៃសម្ព័ន្ធក្រុមហ៊ុន East Group ដឹកនាំដោយ អ្នកឧកញ៉ា លី សេងឃាង ប្រធានក្រុមប្រឹក្សាភិបាល និង លោកឧកញ៉ា ណាង សុធី ចូលជួបសម្តែងការគួរសម និងពិភាក្សាការងារ កាលពីថ្ងៃទី៤ ខែមីនា ឆ្នាំ២០២៥។

ក្នុងជំនួបនោះ​ត្រូវបានរៀបចំឡើងក្នុងគោលបំណងដើម្បីធ្វើបទបង្ហាញជូន លោកឧបនាយករដ្ឋមន្ត្រី ស៊ុន ចាន់ថុល អំពីគម្រោងស្នើសុំបង្កើតតំបន់សេដ្ឋកិច្ចពិសេសរបស់ សម្ព័ន្ធក្រុមហ៊ុន East Group ដែលមានទីតាំងស្ថិតនៅក្នុងស្រុកព្រៃនប់ ខេត្តព្រះសីហនុ។

តាមរយៈជំនួបពិភាក្សាការងារនេះដែរ អ្នកឧកញ៉ា  លី សេងឃាង ក៏បានស្នើសុំការចង្អុលបង្ហាញពី លោកឧបនាយករដ្ឋមន្ត្រី ក៏ដូចជាថ្នាក់ដឹកនាំជំនាញ សំដៅធ្វើឱ្យគម្រោងស្នើសុំបង្កើតតំបន់សេដ្ឋកិច្ចពិសេសមួយនេះ អាចប្រព្រឹត្តទៅបានដោយរលូន ពិសេសមានអនុលោមភាពតាមច្បាប់ និងបទដ្ឋានគតិយុត្តពាក់ព័ន្ធគ្រប់ប្រការ។

យោងតាម​របាយការណ៍របស់​រដ្ឋបាលខេត្តព្រះសីហនុ គិតត្រឹមចុងឆ្នាំ២០២៤ ​ខេត្ត​ព្រះសី​ហនុ​​មានតំបន់សេដ្ឋកិច្ចពិសេស​ចំនួន​១៦​ទីតាំង ប៉ុន្តែ​ដំណើរការ​ចំនួន៥ទីតាំង។ ​​៥ទីតាំង​នេះ មានរោងចក្រ​សហគ្រាស​កំពុង​ដំណើរការ​ និងមានកិច្ច​សន្យា​ជួល​ចំនួន ២៨៤​រោងចក្រ មានទុនវិនិយោគ​សរុប​ចំនួន ២,៦៥ពាន់លានដុល្លារ និងបង្កើតការងារជាង៤ម៉ឺន ​នាក់​៕

The post អ្នកឧកញ៉ា លី សេងឃាង ស្នើសុំបង្កើតតំបន់សេដ្ឋកិច្ចពិសេស ក្នុងខេត្តព្រះសីហនុ appeared first on .

អ្នកឧកញ៉ា លី សេងឃាង និងលោកស្រី ចាន់ ដានី តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា លី សេងឃាង បរិច្ចាគថវិកា២ម៉ឺនដុល្លារ ជួយកាកបាទក្រហមកម្ពុជា appeared first on .

តាមរយៈការព្រះរាជក្រឹត្យនេះ បានសម្រេចតែងតាំង ផ្ដល់ឋានៈជាទីប្រឹក្សា និងជាជំនួយការសម្ដេចតេជោចំនួន៧៤រូប។ ក្នុងនោះសម្រាប់ទីប្រឹក្សាដែលមានឋានៈស្មើទេសរដ្ឋមន្ដ្រីចំនួន៩រូប, ទីប្រឹក្សាមានឋានៈស្មើរដ្ឋមន្រ្ដីចំនួន៤៥រូប ដោយមានសមាសភាព អ្នកឧកញ៉ា លី ឃុនថៃ អ្នកឧកញ៉ា ឡាវ ម៉េងឃីន និងឧកញ៉ា ហ្វាក់គី សែចិន ,ទីប្រឹក្សាមានឋានៈស្មើរដ្ឋលេខាធិការចំនួន ១៤រូប ដោយមានសមាសភាព អ្នកឧកញ៉ា លី សេងឃាង និងអ្នកឧកញ៉ា ចាប ហុងលី, បន្ថែមទៀតនោះមានទីប្រឹក្សាមានឋានៈស្មើ អនុរដ្ឋលេខាធិការចំនួន៤រូប និងទីប្រឹក្សា១រូប ជំនួយការមួយរូបផងដែរ។

សូមជម្រាបជូនថា ការតែងតាំងទីប្រឹក្សាសម្ដេចតេជោ ហ៊ុន សែន នេះធ្វើឡើងក្រោយពីសម្ដេចតេជោ បានជាប់ឆ្នោតជាប្រធានព្រឹទ្ធសភា កាលពីថ្ងៃទី០៣ ខែមេសា ឆ្នាំ២០២៤៕

The post មកដឹងអ្នកឧកញ៉ា ឧកញ៉ា រូបណាខ្លះតែងតាំងជាទីប្រឹក្សាសម្ដេចតេជោ ហ៊ុន សែន ប្រធានព្រឹទ្ធសភា appeared first on .

ក្រុមហ៊ុន BS Land & Home ​​ក្រោម​ការ​ដឹកនាំ​របស់​អ្នក​ឧកញ៉ា លី សេងឃាង ​​បាន​ប្រារព្ធពិធីក្រុងពាលី បុកគ្រឹះ បើកការដ្ឋានថ្មី ក្នុងគម្រោងបុរីចតុមុខស៊ីធីទី១ ដែលមានទីតាំងក្នុងភូមិស្វាយជ្រុំ ឃុំស្វាយជ្រុំ ស្រុកខ្សាច់កណ្តាល ខេត្តកណ្តាល ​​កាល​ពី​​​ខែ​មេសា ឆ្នាំ២០១៦។ រហូត​មក​ដល់​បច្ចុប្បន្ន​នេះ ​អ្នក​ឧកញ៉ា លី សេងឃាង ​​មាន​គម្រោង​ធំៗ​​ចំនួន​៣ នៅ​​ឃុំ​ស្វាយជ្រំ ដែល​កាត់​​​ចូល​​​ក្នុង​ក្រុង​អរិយក្សត្រ ក្លាយជា​សង្កាត់​ស្វាយជ្រំ ​​ដែល​មាន​ដូចជា៖

១. គម្រោង ខុនដូ​ប្រណិត Chaktomuk Cityview Condominium​ ​មាន​ចំនួនប្រហែល ៣២៣ យូនីត
២. គម្រោង បុរី ចតុមុខស៊ីធីទី១ (Borey Chaktomuk City l) មានប្រភេទផ្ទះវីឡាកូនកាត់ វីឡាភ្លោះ និងវីឡាទោល សរុបជាង ១០០០ ផ្ទះ/វីឡា
៣. គម្រោង​ បុរី ចតុមុខស៊ីធីទីពីរ (Borey Chaktomuk City lI) មានផ្ទះល្វែងអាជីវកម្ម វីឡាកូនកាត់ និងវីឡាទោល ប្រហែល ១៧០០ល្វែង/វីឡា

៤. បុរី East Land and Home មានផ្ទះល្វែង​ និងវីឡាកូនកាត់ ប្រហែល ២០០០ ល្វែង ព្រមទាំងដីឡូតិ៍ល្វែង និងដីឡូតិ៍វីឡា ប្រហែល ៥០០០ឡូតិ៍។

នេះបើយើងតាមប្រភពព័ត៌មានផ្លូវការណ៍ ដែលសារព័ត៌មាន Oknha News ទទួលបានពីក្រុមការងារផ្នែកលក់របស់ក្រុមហ៊ុន BS Land & Home ​​អ្នកឧកញ៉ា លី សេងឃាង។

​គួរ​រំឭក​ថា ​​​កាល​ពី​ថ្ងៃ​សុក្រ ទី២៣ ខែធ្នូ ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី​នៃ​ព្រះរាជាណា​ចក្រ​កម្ពុជា ​​បាន​ចេញ​អនុក្រឹត្យ​ បង្កើត​ក្រុង​អរិយក្សត្រ នៃ​ខេត្ត​កណ្តាល ដោយ​កាត់​ឃុំ​ចំនួន ០៦ ពី​ស្រុក​ខ្សាច់​កណ្តាល គឺ​ឃុំ​បាក់ដាវ ឃុំ​កោះ​ឧកញ៉ា​តី ឃុំព្រែក​អំពិល ឃុំព្រែកលួង ឃុំព្រែកតាកូវ និង​ឃុំ​ស្វាយជ្រំ និង​ឃុំ​ចំនួន ០៥ ពី​ស្រុក​ល្វាឯម គឺ​ឃុំ​អរិយក្សត្រ ឃុំសារិកា​កែវ ឃុំ​ពាម​ឧកញ៉ាអុង ឃុំព្រែកក្មេង និង​ឃុំ​បារុង។ នេះ​មាន​ន័យ​ថា ក្រុងអរិយក្សត្រ មាន​សង្កាត់​សរុប​ចំនួន ១១ ខណៈ​ដែល​ទីតាំង​រដ្ឋបាល ក្រុង​អរិយក្សត្រ គឺ​ស្ថិត​នៅ​ក្នុង​សង្កាត់​អរិយក្សត្រ។

ស្របពេលជាមួយគ្នានេះដែរ ឧកញ៉ា លី សេងឃាង អគ្គនាយកក្រុមហ៊ុន BS Land & Home ជាក្រុមហ៊ុន​វិនិយោគ​ផ្នែកសំណង់ផ្ទះល្វែង វីឡា និងខុនដូ និង​ជា​អនុប្រធាន​សមាគម​អ្នកអភិវឌ្ឍន៍​លំនៅឋាន​កម្ពុជា​ ត្រូវបាន​ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់ផ្តល់​គោរមងារ «អ្នកឧកញ៉ា» កាលពី​ថ្ងៃទី៤ ខែមករា ឆ្នាំ២០២៣​នេះ តាមរយៈព្រះរាជក្រឹត្យលេខ នស/រកត/០១២៣/០៣២៕

The post គម្រោងធំៗ៣ របស់អ្នកឧកញ៉ា លី សេងឃាង ចូលក្នុងភូមិសាស្ត្រ «ក្រុងអរិយក្សត្រ» ក្រោយការបង្កើតក្រុងថ្មី appeared first on .