តាមរយៈលិខិតប្រគល់សិទ្ធិនេះ គឺស្របតាមគោលការណ៍លក់របស់ក្រុមហ៊ុនបុរីពិភពថ្មី តែមិនមានសិទ្ធិក្នុងការរក្សា​ទុក ឬទទួលប្រាក់ពីអតិថិជនបានទេ។ ចំពោះទីតាំងប្រគល់សិទ្ធិជូនរួមមាន៖ ១.ឈូកវ៉ា I II III, ២.កំបូល I ដល់ XII, ៣.ផ្លូវជាតិលេខ ៣ I II III, ៤.កួរស្រូវ I គំរោង ២ ៣ III IIIថ្មី, ៥.តាខ្មៅ I II, ៦. ចំការដូង II III, ៧.ឡា​សែន​សុខ II និង ៨.កំពង់ចាម។

គួរបញ្ជាក់ថា លិខិតប្រគល់សិទ្ធិជូន លោក សៀវ សុផល ជាភ្នាក់ងារលក់នេះ មានសុពលភាពចាប់ពីថ្ងៃនេះ រហូត​ដល់​ថ្ងៃទី ១៩ ខែមករា ឆ្នាំ២០២៧៕

The post អ្នកឧកញ៉ា ហុង ពីវ ផ្តល់សិទ្ធិជូនលោក សៀវ សុផល ធ្វើទីផ្សារលក់ផ្ទះល្វែងនិងវីឡា របស់បុរីពិភពថ្មី គ្រប់គម្រោង នៅរាជធានីភ្នំពេញ ខេត្តកណ្តាល និងខេត្តកំពង់ចាម appeared first on .

អ្នកឧកញ៉ា ហុងពីវ ម្ចាស់បុរីពិភពថ្មី គ្រុប កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ អ្នកឧកញ៉ាក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ហុង ពីវ ម្ចាស់បុរីពិភពថ្មី គ្រុប បរិច្ចាគថវិកា ២៧ម៉ឺនដុល្លារ ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ក្នុងឱកាសទទួលស្វាគមន៍ដំណើរទស្សនកិច្ចរបស់ ឯកឧត្តម សាយ សំអាល់ ឧបនាយករដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅទីស្នាក់ការកណ្តាលក្រុមហ៊ុន បុរី ពិភពថ្មី កាលពីថ្ងៃទី១៧ ខែកុម្ភៈ ឆ្នាំ២០២៥ ម្សិលមិញនេះ អ្នកឧកញ៉ា ហុង ពីវ បានធ្វើបទបង្ហាញជូនដល់ថ្នាក់ដឹកនាំក្រសួង អំពីគម្រោងលំនៅឋានមានតម្លៃសមរម្យរបស់ក្រុមហ៊ុន ជាប្រភេទខុនដូ ក្រោម២ម៉ឺនដុល្លារ ដែលមានទីតាំងស្ថិតនៅខណ្ឌសែនសុខ រាជធានីភ្នំពេញ។

ឯកឧត្តម ផារ៉ា មង្គល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ក្រោមការដឹកនាំរបស់ ឯកឧត្តម សាយ សំអាល់ ឧបនាយករដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្រសួងមានកិច្ចសហការដ៏ល្អជាមួយនឹងក្រុមហ៊ុន បុរី ពិភពថ្មី ស្របនឹងគោលនយោបាយស្តីពីលំនៅឋានរបស់រាជរដ្ឋាភិបាល ដែលតម្រូវឱ្យប្រជាពលរដ្ឋគ្រប់រូបមានលំនៅឋានរស់នៅ ហើយវិស័យឯកជនបានសាងសង់លំនៅឋានតម្លៃសមរម្យ សមតាមបំណង និងសមត្ថភាពសេដ្ឋកិច្ចរបស់បងប្អូនប្រជាពលរដ្ឋ ដែលអាចមានលទ្ធភាពក្លាយជាម្ចាស់កម្មសិទ្ធិលើលំនៅឋានបានដោយខ្លួនឯង។

សូមជម្រាបថា បន្ទាប់ពីរាជរដ្ឋាភិបាលបានដាក់ចេញគោលនយោបាយជាតិស្តីពីលំនៅឋាន ចាប់ពីឆ្នាំ២០១៤ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងសហការជាមួយវិស័យឯកជន បន្តជំរុញការអនុវត្តគម្រោងសាងសង់លំនៅឋានតម្លៃសមរម្យ ដើម្បីធានាឱ្យប្រជាពលរដ្ឋ ដែលមានចំណូលមធ្យម ចំណូលទាប និងងាយរងគ្រោះ មានលទ្ធភាពទិញលំនៅឋានសម្រាប់ការរស់នៅប្រកបដោយសុខុមាលភាព សុវត្ថិភាព និងសេចក្តីថ្លៃថ្នូរ៕

The post អ្នកឧកញ៉ា ហុង ពីវ សហការជាមួយក្រសួងរៀបចំដែនដី សាងសង់លំនៅឋានមានតម្លៃសមរម្យ appeared first on .

ក្នុងឱកាសអញ្ជើញសម្ពោធអគារសិក្សា និងសមិទ្ធផលនានានៅវត្តព្រះឥន្ទសាមគ្គីធម៌ ខេត្តកណ្តាល នាព្រឹកថ្ងៃទី១១ ខែកុម្ភៈ សម្ដេចតេជោ ហ៊ុន សែន បានអំពាវនាវចំពោះសប្បុរសជននានា សូមចូលរួមសាងសង់អគារសិក្សានៃសាកលវិទ្យាល័យសម្ដេចព្រះមហាសង្ឃរាជ បួរ គ្រី ដើម្បីរួមចំណែកក្នុងការកសាងធនធានមនុស្ស និងមូលធនមនុស្សសម្រាប់សម្រេច «ចក្ខុវិស័យកម្ពុជាឆ្នាំ២០៣០ និងឆ្នាំ២០៥០»។

សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា រាល់ថវិកាសម្រាប់ចំណាយលើការសាងសង់ សំណង់ នៅវត្តព្រះឥន្ទសាមគ្គីធម៌ និងអគារសិក្សា នៃសាកលវិទ្យាល័យសម្ដេចព្រះមហាសង្ឃរាជ បួរ គ្រី គឺមិនបានប្រើថវិកាជាតិនោះទេ ពោលគឺប្រើប្រាស់ថវិកាឧបត្ថម្ភពី សម្តេចផ្ទាល់ និងសម្តេចកិត្តិព្រឹទ្ធបណ្ឌិត ព្រមទាំងថវិកាជួយឧបត្ថម្ភពីសប្បុរសជននានាផងដែរ។

តបតាមការអំពាវនាវនេះហើយ ទើប អ្នកឧកញ៉ា ហុង ពីវ និងលោកជំទាវ បានចូលរួមបរិច្ចាគថវិកាក្នុងការជួយសាងសង់អគារសិក្សានៃសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅស្រុកអង្គស្នួល៕

The post អ្នកឧកញ៉ា ហុង ពីវ និងលោកជំទាវ ប្រកាសបរិច្ចាគថវិកា៥០ម៉ឺនដុល្លារ ជួយសាងសង់អគារសិក្សានៃសាកលវិទ្យាល័យសម្ដេចព្រះមហាសង្ឃរាជ បួរ គ្រី appeared first on .

អ្នកឧកញ៉ា ហុង ពីវ បានចូលរួមឧបត្ថម្ភ ២លានដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ របស់ក្រុមបាល់ទាត់តារាកម្ពុជា (Cambodia football super stars) ដែលដឹកនាំដោយ សម្តេចតេជោ ហ៊ុន សែន ប្រធានព្រឹទ្ធសភា នៅពហុកីឡដ្ឋានជាតិអូឡាំពិក កាល​ថ្ងៃទី០១ ខែឧសភា ឆ្នាំ២០២៤។ ការចូលរួមឧបត្ថម្ភ​របស់​អ្នកឧកញ៉ា ត្រូវបាន​សម្ដេចតេជោ ហ៊ុន សែន ​ប្រធានកិត្តិយស​នៃ​សមាគមឧកញ៉ាកម្ពុជា បង្ហើប​ឱ្យ​ដឹង​ នៅក្នុងឱកាស​ដែល​សម្តេច​​អញ្ជើញជា​អធិបតីភាពចូលរួមកម្មវិធី​ពិសារអាហារសាមគ្គី​មហាគ្រួសារ​សមាគមឧកញ៉ាកម្ពុជា​ ក្នុងសន្និបាតប្រចាំឆ្នាំ​លើកទី១ នៅសណ្ឋាគារហ្គាឌិនស៊ីធី នាល្ងាចថ្ងៃទី២៦ ខែមេសា ឆ្នាំ២០២៤។

ទទឹមនឹងនេះ អ្នកឧកញ៉ា ហុង ពីវ បានបរិច្ចាគថវិកាចំនួន ៥០៩,៩៩៩ដុល្លារ ចូលរួមជាមួយកាកបាទក្រហមកម្ពុជា ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤។

ដោយឡែក ឧកញ៉ា ហុង ទី ឪពុកបង្កើតរបស់អ្នកឧកញ៉ា ហុង ពីវ នៅក្នុងឱកាសខួបចម្រើនព្រះជន្ម១០០ព្រះវស្សា ឆ្នាំនេះ លោកឧកញ៉ា​​ក៏​បាន​ចូលរួម​បរិច្ចាគថវិកាចំនួន ១លានដុល្លារជូនមន្ទីរពេទ្យគន្ធបុប្ផា តាមរយៈ ការប្រកួតបាល់ទាត់​មនុស្ស​ធម៌​របស់​ក្រុមបាល់ទាត់តារាកម្ពុជា (Cambodia football super stars) ដែលដឹកនាំដោយ សម្តេចតេជោ ហ៊ុន សែន ប្រធាន​ព្រឹទ្ធសភា ធ្វើឡើងកាល​ថ្ងៃទី១ ខែឧសភា ឆ្នាំ២០២៤ នៅពហុកីឡដ្ឋានជាតិអូឡាំពិក​ផងដែរ។

ដូច្នេះជារួម អ្នកឧកញ៉ា ហុង ពីវ បាន​បរិច្ចាគ​ថវិកា​ប្រមាណ ២,៥០៩,៩៩៩​ដុល្លារ​អាមេរិក ​សម្រាប់​ជួយ​កិច្ចការ​សង្គម​​ជូន​ដល់​មន្ទីរពេទ្យគន្ធបុប្ផា និងកាកបាទក្រហមកម្ពុជា ហើយ​​បើ​សរុប​ទាំង​ឪពុកផង​គឺ​មាន​ចំនួន​ដល់​ទៅ​ជាង ៣,៥០៩,៩៩៩​ដុល្លារអាមេរិក៕

The post អ្នកឧកញ៉ា ហុង ពីវ ជាសប្បុរសជនលេចធ្លោរមួយរូប ដែលបរិច្ចាគថវិការាប់លានដុល្លារ នៅដើមឆ្នាំ២០២៤នេះ appeared first on .

សម្ដេចតេជោ ហ៊ុន សែន ប្រធានព្រឹទ្ធសភា និង​ជា​ប្រធានកិត្តិយស​នៃ​សមាគមឧកញ៉ាកម្ពុជា បាន​បង្ហើប​ឱ្យ​ដឹង​ នៅក្នុងឱកាសអញ្ជើញជាអធិបតីភាពចូលរួមកម្មវិធី​ពិសារអាហារសាមគ្គី​មហាគ្រួសារ​សមាគមឧកញ៉ាកម្ពុជា​ ក្នុងសន្និបាតប្រចាំឆ្នាំលើកទី១ នៅសណ្ឋាគារហ្គាឌិនស៊ីធី នាល្ងាចថ្ងៃទី២៦ ខែមេសា ឆ្នាំ២០២៤ ថា អ្នកឧកញ៉ា ហុង ពីវ និងលោកជំទាវ បាន​ឧបត្ថម្ភថវិកា ២លានដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ នៅ​​សប្តាហ៍​ក្រោយនេះ។

ក្នុងនាមជាគ្រូបង្វឹកកិត្តិយស សម្តេចតេជោ ហ៊ុន សែន នឹងដឹកនាំការប្រកួតបាល់ទាត់ដើម្បីមនុស្សធម៌ចំនួនពីរ ប្រកួត នៅពហុកីឡដ្ឋានជាតិអូឡាំពិក រួមមានជំនួបរវាងក្រុម Vloggers All Star Vs បាល់ទះ S&E All Star និងជំនួបរវាង CFSS Vs Kun Khmer All Star ផងដែរ។

ការប្រកួតបាល់ទាត់នេះធ្វើឡើង ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និងដើម្បី ប្រមូល ថវិកា ជួយមន្ទីរពេទ្យគន្ធបុប្ផា។ ជាមួយគ្នានេះ សម្តេចតេជោ ក៏សូមអំពាវនាវសប្បុរសជនចូលរួមជួយថវិកា សម្រាប់ជួយដល់ មន្ទីរពេទ្យគន្ធបុប្ផា ដែលកំពុងត្រូវការសម្រាប់ព្យាបាលដល់ កុមារកម្ពុជា។ សម្តេចតេជោ ក៏បានប្រកាសថា សម្តេច និងសម្តេចកិត្តិព្រឹទ្ធបណ្ឌិត បានចូលរួម ថវិកា ចំនួន ២០០លាន រៀល៕

The post អ្នកឧកញ៉ា ហុង ពីវ ឧបត្ថម្ភថវិកា ២លានដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ appeared first on .

កម្មវិធី​ពេល​ព្រឹក​ដែល​រៀបចំ​នៅ​ក្រុមហ៊ុន​មាន​តែ​បុគ្គលិក​ក្រោម​បង្គាប់​ចូលរួម​ក្នុង​ខួប​អាពាហ៍ពិពាហ៍ អ្នកឧកញ៉ា គិត ម៉េង និង​អ្នកឧកញ៉ា ម៉ៅ ចំណាន តែ​បើ​នៅ​គេហដ្ឋាន​ពេល​ល្ងាច​វិញ សុទ្ធតែ​ថ្នាក់​អ្នក​មុខ​អ្នកការ និង​មន្ត្រី​រាជការ ព្រម​ទាំង​អ្នក​ជំនួញ​ជាដើម។ នេះ​បើ​តាម​រូបភាព​ដែល​លោក​ សូ ណារ៉ូ  ប្រតិភូ​អម​នាយករដ្ឋមន្ត្រី មាន​វត្តមាន​ក្នុង​កម្មវិធី​នោះ បង្ហោះ​លើ​បណ្ដាញ​សង្គម។

រូបភាព​នៅ​ថ្ងៃ​ខួប​អាពាហ៍ពិពាហ៍ អ្នកឧកញ៉ា គិត ម៉េង និង​អ្នកឧកញ៉ា ម៉ៅ ចំណាន ពេល​នោះ​មាន​អ្នក​ឧកញ៉ា ហុង ពីវ,អ្នក​ឧកញ៉ា ទ្រី ភាព និង​អ្នក​ជំនួញ​ជាច្រើន​រូប​ភាព​ផ្សេង​ទៀត មក​ចូលរួម​អបអរ ព្រម​ទាំង​ទទួល​ទាន​អាហារ​ពេល​​ល្ងាច។ 

កម្មវិធី​មាន​ទាំង​ការ​ទទួល​ទាន​អាហារ​ជួបជុំគ្នា កាត់​នំ និង​ថត​រូប​ទុក​ជា​អនុស្សាវរីយ៍ ទាំង​ម្ចាស់​កម្មវិធី​គឺ​អ្នក​ឧកញ៉ា គិត ម៉េង ព្រមទាំង​អ្នកឧកញ៉ា ម៉ៅ ចំណាន រួម​ទាំង​ភ្ញៀវ​កិត្តិយស សុទ្ធតែ​បង្ហាញ​ទឹកមុខ​សើច​សប្បាយ​រីករាយ​ក្នុង​ឱកាស​ពិសេស​នោះ៕ 

The post លោក សូ ណារ៉ូ  ប្រតិភូ​អម​នាយករដ្ឋមន្ត្រី បង្ហាញ​រូប​ភ្ញៀវកិត្តិយស​ចូលរួម​ខួប​អាពាហ៍ពិពាហ៍ ៩ ឆ្នាំអ្នកឧកញ៉ា គិត ម៉េង appeared first on .