សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុតចំពោះ អ្នកឧកញ៉ា អុឹង ប៊ុនហ៊ូវ និងលោកជំទាវ ហេង សុខា ក្រុមហ៊ុន Daun Penh (Cambodia) Group) បរិច្ចាគថវិកាចំនួន ៥ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ា អុឹង ប៊ុនហ៊ូវ និងលោកជំទាវ បរិច្ចាគថវិកា ៥ម៉ឺនដុល្លារ ជូនកាកបាទក្រហមកម្ពុជា appeared first on .

ពិធីមង្គលអាពាហ៍ពិពាហ៍ដ៏ធំនេះ កូនប្រុសនាម លឹម ហ្វីលីប និងកូនស្រីនាម អុឹង ស៊ីវឈីនស៊ី ត្រូវជាកូនស្រីអ្នកឧកញ៉ា អុឹង ប៊ុនហ៊ូវ ប្រធានអគ្គនាយក ក្រុមហ៊ុន អាយអិនជី ហូលឌីង (ING Holdings) និងលោកជំទាវ ហេង សុខា។

ក្នុងកម្មវិធីមង្គលការអភិជននេះ មានការអញ្ជើញចូលរួមពីឥស្សរជន ថ្នាក់ដឹកនាំ សម្តេច ឯកឧត្តម លោកជំទាវ អ្នកឧកញ៉ាៗច្រើនរូប រួមមាន៖ សម្តេចវិបុលសេនាភក្តី សាយ ឈុំ សម្ដេចក្រឡាហោម ស ខេង សម្ដេចមហារដ្ឋសភាធិការធិបតី ឃួន សុដារី លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ឧបនាយករដ្ឋមន្ត្រី នេត សាវឿន ឯកឧត្តមឧត្តមសេនីយ៍ឯក ឌី វិជ្ជា និងលោកជំទាវ ហ៊ុន ម៉ាណា, អ្នកឧកញ៉ា សំ អាង និងអ្នកឧកញ៉ា ឈុន លាង ព្រមទាំង​អ្នកមុខអ្នកការ និងភ្ញៀវកិត្តិយសជាច្រើនរូបទៀត។

រូបភាព៖ The Ring

The post សម្តេច ឯកឧត្តម លោកជំទាវ អ្នកឧកញ៉ាៗច្រើនរូប ចូលរួមពិធីមង្គលការកូនស្រី អ្នកឧកញ៉ា អុឹង ប៊ុនហ៊ូវ appeared first on .

ពិធីវិវាហមង្គលអាពាហ៍ពិពាហ៍នេះ កូនស្រីគឺ ព្រះអង្គម្ចាស់ក្សត្រីយ៍ នរោត្តម ពង្សសូរិយា ជាព្រះបុត្រីរបស់ សម្តេចក្រុមព្រះ នរោត្តម ចក្រពង្ស និងកូនប្រុសនាម អុឹង សុីវឈន់ ជាកូនប្រុសរបស់ អ្នកឧកញ៉ា អុឹង ប៊ុនហ៊ូវ និងលោកជំទាវ ហេង សុខា។ ព្រះរាជពិធីបានប្រារព្វឡើង ក្រោមព្រះរាជាធិបតី​ភាពដ៏ខ្ពង់ខ្ពស់បំផុតនៃ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង​សម្តេចព្រះ​មហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងពិធី​វិវាហមង្គល តាមព្រះរាជបវេណីក្នុងព្រះទីន័ងទេវាវិនិច្ឆ័យ ព្រះបរមរាជវាំងចតុម្មុខសិរីមង្គល​ ព្រមទាំងមានការ​អញ្ជើញចូលរួមពីខ្សែរាជវង្ស និងសាច់ញាតិមេបាទាំងសងខាងផងដែរ។

ក្នុងឱកាសនោះដែរ លោកជំទាវ​ យឹម​ ឆៃលីន ដែលល្បីលើបណ្តាញសង្គមថាជាជំទាវស្រស់ស្អាតក្មេងជាងវ័យ ជាពិសេស រាល់ពេលរៀបចំតុបតែងខ្លួន មិនថាកាលៈទេសៈណានោះ ក៏បានបង្ហាញខ្លួន​ស្លៀកសំលៀកបំពាក់​ចងក្បិនអាវប៉ាក់បែប​ប្រពៃណីខ្មែរ ចូលរួមអម​ដំណើរព្រះអង្គម្ចាស់ក្សត្រីយ៍ នរោត្តម ពង្សសូរិយា និងកូនកំលោះ ចូលគាល់ព្រះមហាក្សត្រ ព្រះករុណាជា​អម្ចាស់ជីវិតលើត្បូង និងសម្តេចព្រះវិររាជមាតាជាតិខ្មែរ ក្នុងព្រះបរមរាជវាំងផងដែរ។ សូមជម្រាបថា លោកជំទាវ​ យឹម​ ឆៃលីន ជាកូនស្រីរបស់ ឯកឧត្តម យឹម ឆៃលី ឧត្តមប្រឹក្សាផ្ទាល់ព្រះមហាក្សត្រ នៃព្រះរាជា​ណាចក្រ​កម្ពុជា៕

The post លោកជំទាវ​ យឹម​ ឆៃលីន ចូលរួមព្រះពិធីមង្គលការព្រះនាង នរោត្តម ពង្សសូរិយា និងកូនប្រុសអ្នកឧកញ៉ា អុឹង ប៊ុនហ៊ូវ នៅព្រះបរមរាជវាំង appeared first on .

ពិធីវិវាហមង្គលអាពាហ៍ពិពាហ៍នេះ កូនស្រីគឺ ព្រះអង្គម្ចាស់ក្សត្រីយ៍ នរោត្តម ពង្សសូរិយា ជាព្រះបុត្រីរបស់ សម្តេចក្រុមព្រះ នរោត្តម ចក្រពង្ស និងកូនប្រុសនាម អុឹង សុីវឈន់ ជាកូនប្រុសរបស់ អ្នកឧកញ៉ា អុឹង ប៊ុនហ៊ូវ និងលោកជំទាវ ហេង សុខា។ ព្រះរាជពិធីបានប្រារព្វឡើង ក្រោមព្រះរាជាធិបតី​ភាពដ៏ខ្ពង់ខ្ពស់បំផុតនៃ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង​សម្តេចព្រះ​មហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងពិធី​វិវាហមង្គល តាមព្រះរាជបវេណីក្នុងព្រះទីន័ងទេវាវិនិច្ឆ័យ ព្រះបរមរាជវាំងចតុម្មុខសិរីមង្គល​។

ក្នុងព្រះរាជពិធីខាងលើនេះដែរ ព្រះករុណាជាអម្ចាស់ជីវិតលើត្បូង និងសម្តេចព្រះវិររាជមាតាជាតិខ្មែរ ក៏បានប្រោស​ប្រទានផ្កាស្លាជ័យ ក្នុងព្រះពិធីវិវាហមង្គលអាពាហ៍ពិពាហ៍ ព្រះអង្គម្ចាស់ក្សត្រីយ៍ នរោត្តម ពង្សសូរិយា និងលោក អុឹង សុីវឈន់ (ព្រះស្វាមី)។

សូមជម្រាបថា លោក អុឹង សុីវឈន់ និង ព្រះអង្គម្ចាស់ក្សត្រីយ៍ នរោត្តម ពង្សសូរិយា បានរៀបចំសិរីមង្គលព្រះ​ពិធីចែចូវ កាលថ្ងៃទី០១ ខែឧសភា ឆ្នាំ២០២៥។

ចង់ដឹងព្រះពិធីវិវាហមង្គលអាពាហ៍ពិពាហ៍ របស់ព្រះអង្គម្ចាស់ក្សត្រី នរោត្តម ពង្សសូរិយា មានភាពប្រណិត​បែបណា សូមទស្សនារូបភាព និងវីដេអូខ្លះៗដូចខាងក្រោម៖

The post មកមើលទិដ្ឋភាពមង្គលការ កូនប្រុសអ្នកឧកញ៉ា អុឹង ប៊ុនហ៊ូវ និងព្រះនាង នរោត្តម ពង្សសូរិយា ក្នុងព្រះបរមរាជវាំង appeared first on .

ពិធីសិរីមង្គលសែរាជវង្សានុវង្សខ្មែរដ៏ធំនេះ កូនស្រីនាម នរោត្តម ពង្សសូរិយា ជាព្រះបុត្រីរបស់ សម្តេចក្រុមព្រះ នរោត្តម ចក្រពង្ស និងកូនប្រុសនាម អុឹង ស៊ីវឈន់ ជាកូនប្រុសរបស់ អ្នកឧញ៉ា អុឹង ប៊ុនហ៊ូវ និងលោកជំទាវ ហេង សុខា។

ចង់ដឹងព្រះពិធីចែចូវរបស់ព្រះអង្គម្ចាស់ក្សត្រី នរោត្តម ពង្សសូរិយា មានភាពប្រណិតបែបណា សូមទស្សនារូបភាព និងវីដេអូខាងក្រោម៖

The post មកទស្សនាទិដ្ឋភាពព្រះពិធីចែចូវបុត្រីសម្តេចក្រុមព្រះ នរោត្តម ចក្រពង្ស និងបុត្រា អ្នកឧញ៉ា អុឹង ប៊ុនហ៊ូវ appeared first on .

អ្នកឧកញ៉ា អុឹង ប៊ុនហ៊ូវ ជាសហស្ថាបនិកក្រុមហ៊ុន អាយអិនជី ហូលឌីង ជាមួយអ្នកឧកញ៉ា លឹម រស់ និងឧកញ៉ា លឹម ប៊ុនសួរ ដែលបានបង្កើតឡើង នៅឆ្នាំ២០០៥។ បច្ចុប្បន្ន ក្រុមហ៊ុនអភិវឌ្ឍន៍អចលនទ្រព្យដ៏ធំមួយនៅកម្ពុជាមួយនេះ កំពុងអភិវឌ្ឍគម្រោងធំៗលើទីតាំង៤ សំខាន់ៗគឺ ភាគខាងត្បូងរាជធានីភ្នំពេញ ភាគខាងកើតរាជធានីភ្នំពេញ ខេត្តសៀមរាប និងខេត្តព្រះសីហនុ។

សូមជម្រាបថា អ្នកឧកញ៉ា អុឹង ប៊ុនហ៊ូវ ប្រធានអគ្គនាយក ក្រុមហ៊ុន អាយអិនជី ហូលឌីង (ING Holdings) ត្រូវបានព្រះមហាក្សត្រផ្តល់គោមរងារ «អ្នកឧកញ៉ា» កាលថ្ងៃទី០៨ ខែមេសា ឆ្នាំ២០២៣។ អ្នកឧកញ៉ា ក៏បានទទួលគ្រឿងឥស្សរិយយស «ជាតូបការ» ពីព្រះមហាក្សត្រ និងបំពាក់ដោយផ្ទាល់ពីសម្តេចតេជោ ហ៊ុន សែន អតីតនាយករដ្ឋមន្ត្រី កាលពីព្រឹកថ្ងៃទី២៤ ខែមេសា ឆ្នាំ២០២៣៕

The post ព្រះមហាក្សត្រ ចេញព្រះរាជក្រឹត្យតែងតាំងអ្នកឧកញ៉ា អុឹង ប៊ុនហ៊ូវ ជាទីប្រឹក្សាសម្តេចតេជោ ហ៊ុន សែន appeared first on .

អំឡុងពេល​សាងភ្នួសរយៈពេលជាង ១ខែ​នេះ ព្រះភិក្ខុ ជោតញ្ញាណោ អុឹង ប៊ុនហ៊ូវ បានបដិបត្តិចម្រើនសមាធិ សមថកម្មដ្ឋាន និងកិច្ច​សាសនា ព្រមទាំងកិច្ចផ្សេងៗជាច្រើន ដើម្បីឧទ្ទិសមហាកុសលផលបុណ្យជូនចំពោះ ដួងវិញ្ញាណក្ខន្ធលោកឳពុក មហាសប្បុរសមង្គលសិរី អគ្គមហាឧបាសកពុទ្ឋសាសនូបត្ថម្ភក៍ លឹម ឈុន និង​បានជូនមហាកុសលផលបុណ្យជូនចំពោះអ្នកម្តាយ អ្នកម្តាយក្មេក និងក្រុមគ្រួសារ។

អ្នកឧកញ៉ា អុឹង ប៊ុនហ៊ូវ បានលើកឡើង កាលពីចុងខែមិថុនា ឆ្នាំ២០២៤ ថា​ការបួសជាភិក្ខុភាវៈ​រយៈពេល​ជាង០១ខែនេះ ជារៀងរាល់ថ្ងៃអ្នកឧកញ៉ាបានបដិបត្តិចម្រើនសមាធិ សមថកម្មដ្ឋាន សង្រួមកាយ វាចា និងចិត្ត។ លើសពីនេះ អ្នកឧកញ៉ា ក៏បានបំពេញកិច្ចសាសនា និងកិច្ចផ្សេងៗ​ជា​ច្រើន​ទៀត រួមទាំង​​ការ​ប្រគេនដីបន្ថែមទំហំ ២០០ហិកតា មានទីតាំងស្ថិតនៅភូមិដំណាក់កកោះ ឃុំពោធិ៍ ស្រុកកំពង់លែង ខេត្តកំពង់ឆ្នាំង ដល់ពុទ្ធិកសាកល​វិទ្យាល័យព្រះសីហនុ។

សូមជម្រាបថា អ្នកឧកញ៉ា អុឹង ប៊ុនហ៊ូវ បានចូលសាងភ្នួស កាលពីថ្ងៃទី២៩ ខែឧសភា ឆ្នាំ២០២៤។ ជាមួយ​នឹងដំណើរសាងភ្នួសនេះ អ្នកឧកញ៉ា សូមថ្លែងអំណរព្រះគុណចំពោះសម្តេចព្រះ​ព្រហ្មរតនមុនី ពិន សែម សិរីសុវណ្ណោ ដែលបានផ្តល់ព្រះឱវាទ ក្នុងនាមជាព្រះឧបជ្ឈាយ៍ និងបានផ្តល់​នូវសេនា​សេនៈរៀនសូត្រព្រះធម៌ ក្នុងរយៈពេលជាង០១ខែ៕

The post អ្នកឧកញ៉ា អុឹង ប៊ុនហ៊ូវ លាចាកសិក្ខាបទ ក្រោយសាងភ្នួសរយៈពេលជាង ១ខែ appeared first on .

លើកឡើងនៅលើបណ្ដាញសង្គមផ្ទាល់ខ្លួន នាព្រឹកថ្ងៃទី២៧ ខែមិថុនា ឆ្នាំ២០២៤ ព្រះភិក្ខុ ជោតញ្ញាណោ អុឹង ប៊ុនហ៊ូវ មានសង្ឃដីកាថា «ការបួសជាភិក្ខុភាវៈរយៈពេលជាង០១ខែនេះ ជារៀងរាល់ថ្ងៃខ្ញុំព្រះករុណា-អត្មាភាពបានបដិបត្តិចម្រើនសមាធិ សមថកម្មដ្ឋាន សង្រួមកាយ វាចា និងចិត្ត ។ ក្រៅអំពីការបំពេញកិច្ចបដិបត្តិសមាធិ ខ្ញុំព្រះករុណា-អត្មាភាពក៏បានបំពេញកិច្ចសាសនា និងកិច្ចផ្សេងៗដូចខាងក្រោម»។

ព្រះភិក្ខុ ជោតញ្ញាណោ មានសង្ឃដីកាបន្ដថា ព្រះអង្គបានមានសទ្ធាចូលរួមបុណ្យផ្កាប្រាក់ទ្រទ្រង់មន្ទីរពេទ្យកុមារអង្គរ ដែលបានផ្តួចផ្តើមដោយសម្តេចព្រះព្រហ្មរតនមុនី ពិន សែម សិរីវណ្ណោ។ បាននិមន្តទៅថ្វាយបង្គំយកវត្តគោរពប្រតិបត្តិ ចំពោះសម្តេចព្រះមហាសុមេធាធិបតីកិត្តិឧទ្ទេសបណ្ឌិត នន្ទ ង៉ែត និងសម្តេចព្រះពោធិវ័ង្សកិត្តិបណ្ឌិត អំ លឹមហេង។ បន្ថែមទៀតនោះ ព្រះអង្គបាននិមន្តទៅវត្តពោធិ៍អណ្តែត ស្រុកកំពង់លែង ខេត្តកំពង់ឆ្នាំង ដើម្បីធ្វើកិច្ចឧទ្ទិសមហាកុសលផលបុណ្យជូនចំពោះ ដួងវិញ្ញាណក្ខន្ធញោមឳពុក មហាសប្បុរសមង្គលសិរី អគ្គមហាឧបាសកពុទ្ឋសាសនូបត្ថម្ភក៍ លឹម ឈុន។

ព្រះភិក្ខុ ជោតញ្ញាណោ អុឹង ប៊ុនហ៊ូវ មានសង្ឃដីកាបន្ថែមទៀតថា ព្រះអង្គបានបំពេញកុសល ការធ្វើទានប្រគេនដីបន្ថែមទំហំ ២០០ហិកតា មានទីតាំងស្ថិតនៅភូមិដំណាក់កកោះ ឃុំពោធិ៍ ស្រុកកំពង់លែង ខេត្តកំពង់ឆ្នាំង ដល់ពុទ្ធិកសាកលវិទ្យាល័យព្រះសីហនុរាជ ក្រោមព្រះវត្តមានសម្តេចព្រះមហាអរិយវង្សបណ្ឌិត យ៉ន សេងយៀត ព្រះតេជគុណ ពេញ វិបុល, ព្រះតេជគុណ គូ សុភាព។

ជាមួយនឹងដំណើរសាងភ្នួសនេះ ព្រះភិក្ខុ ជោតញ្ញាណោ អុឹង ប៊ុនហ៊ូវ បានថ្លែងអំណរព្រះគុណចំពោះសម្តេចព្រះព្រហ្មរតនមុនី ពិន សែម សិរីសុវណ្ណោ ដែលបានផ្តល់ព្រះឱវាទ ក្នុងនាមជាព្រះឧបជ្ឈាយ៍ និងបានផ្តល់នូវសេនាសេនៈរៀនសូត្រព្រះធម៌ ក្នុងរយៈពេលជាង០១ខែ។

ទន្ទឹមនឹងនោះ ព្រះភិក្ខុ ជោតញ្ញាណោ អុឹង ប៊ុនហ៊ូវបានប្រគេនមហាកុសលផលបុណ្យ ដែលកើតពីការបំពេញព្រះផ្នួសនេះ ចំពោះសម្តេចព្រះឧបជ្ឈាយ៍ព្រះព្រហ្មរតនមុនី ពិន សែម សិរីសុវណ្ណោ និងព្រះរាជាគណៈ ព្រះថេរានុត្ថេរៈគ្រប់ព្រះអង្គ និងសូមចម្រើនពរជូនចំពោះញោមម្តាយ ញោមម្តាយក្មេក ញោមស្រី កូនប្រុស កូនស្រី ព្រមទាំងញាតិញោមជិតឆ្ងាយដែលមានចិត្តសទ្ធាជ្រះថ្លាចំពោះខ្ញុំព្រះករុណា-អាត្មាភាពសាងព្រះផ្នួស ប្រតិបត្តិសមាធិ និងធ្វើទានទាំងឡាយ សូមមានសុខភាពល្អបរិបូណ៍ ព្រះជន្មាយុយឺនយូរ ទទួលបាននូវមហាកុសលផលបុណ្យស្មើៗគ្នាកុំបីឃ្លៀងឃ្លាតឡើយ៕

The post ស្ថិតក្នុងភ្នួសរយៈពេល ១ខែ តើអ្នកឧកញ៉ា <span>អុឹង ប៊ុនហ៊ូវ បានបំពេញកុសលអ្វីខ្លះ?</span> appeared first on .

ទីតាំងដីខាងលើនេះ ព្រះភិក្ខុជោតញ្ញាណោ អ្នកឧកញ៉ា អុឹង ប៊ុនហ៊ូវ បានជាវទុកក្នុងគោលបំណងប្រើប្រាស់​សម្រាប់រៀបចំជាទីតាំងគោរពសក្ការៈក្នុងវិស័យព្រះពុទ្ធសាសនា (រួមមាន វត្តអារាម និងទីកន្លែងប្រតិបត្តិ​សមាធិ​ជាដើម) និងការរៀបចំជាទីតាំងទេសចរណ៍ធម្មជាតិ ដោយផ្សារភ្ជាប់នឹងព្រះពុទ្ធសាសនា និងការការពារ អភិរក្ស ធនធានធម្មជាតិនៅក្នុងភូមិសាស្ត្រនេះ។

ការបរិច្ចាគដីរបស់អ្នកឧកញ៉ា អុឹង ប៊ុនហ៊ូវ ដល់ពុទ្ធិកសាកលវិទ្យាល័យព្រះសីហនុរាជនេះ គឺដោយសារ​អ្នកឧកញ៉ា មានសទ្ធាជ្រះថ្លាយ៉ាងជ្រាលជ្រៅចំពោះព្រះពុទ្ធសាសនា។ សម្រាប់ដីដែលបានបរិច្ចាគនេះ ពុទ្ធិក​សាកលវិទ្យាល័យព្រះសីហនុរាជ នឹងប្រើប្រាស់សម្រាប់ការសាងសង់ជាអគារពុទ្ធិកសាកលវិទ្យាល័យ អគារ​បណ្ណាល័យសិក្សា អគាររដ្ឋបាល វិទ្យាស្ថានស្រាវជ្រាវ អគារអន្តេវាសិក រួមទាំងសំណង់ សិល្បការ្យ និងសំណង់​ស្ថាបត្យកម្មផ្សេងទៀតតាមតម្រូវការរបស់ពុទ្ធិកសកលវិទ្យាល័យ។

សូមជម្រាបជូនថា ព្រះភិក្ខុជោតញ្ញាណោ អ្នកឧកញ៉ា អុឹង ប៊ុនហូវ កាលពីពេលថ្មីៗ​កន្លងទៅ​ ក៏ទើបតែបាន​បរិច្ចាគដីមានទំហំជាង ២ហិកតា (២២.៤២៨ ម៉ែត្រការ៉េ) ដល់ពុទ្ឋិកសាកលវិទ្យាល័យព្រះសីហនុរាជ ស្ថិតនៅ​តាមបណ្តោយមហាវិថី ឈុន គង់ តំបន់អភិវឌ្ឍន៍ទីក្រុងរណប អ៉ឹង ស៊ីធី (ING CITY) ស្ថិតក្នុងភូមិសាស្ត្រ សង្កាត់​ចាក់អង្រែក្រោម ខណ្ឌមានជ័យ និង សង្កាត់ជើងឯក ខណ្ឌដង្កោ រាជធានីភ្នំពេញ៕

The post អ្នកឧកញ៉ា អុឹង ប៊ុនហ៊ូវ ចុះពិនិត្យទីតាំងដីទំហំ ២០០ហិកតា ដែលបានប្រគេន ដល់ពុទ្ធិកសាកលវិទ្យាល័យ​ព្រះសីហនុរាជ appeared first on .

១. អ្នកឧកញ៉ា អ៊ឹង ប៊ុនហ៊ូវ បរិច្ចាគដីបន្ថែម២០០ហិកតាទៀត សម្រាប់ពង្រីកពុទ្ធិកសាកលវិទ្យាល័យព្រះសីហនុរាជ

២. ឧកញ៉ា ង៉ូវ លាងហ៊ួត ជាប់ជាប្រធានក្រុមប្រឹក្សាភិបាលសហព័ន្ធឧស្សាហកម្មយានយន្តកម្ពុជា អាណត្តិទី៨

៣. ព្រះមហាក្សត្រ ប្រោសព្រះរាជទានគ្រឿងឥស្សរិយយស «ជាតូបការ» ជូនភរិយាអ្នកឧកញ៉ា លឹម រស់

៤. ភរិយាលោកអ្នកឧកញ៉ា លាង ឃុន បរិច្ចាគថវិកា១ម៉ឺនដុល្លារ ដល់មូលនិធិគន្ធបុប្ផាកម្ពុជា

៥. ឧកញ៉ា សុខ ចន្ធី ចូលក្រាបថ្វាយបង្គំនិមន្តព្រះអង្គ គូ សុភាព ចូលរួមពិធីបុណ្យមហាផ្កាប្រាក់សាមគ្គី កសាងព្រះពុទ្ធប្បដិមាកម្ពស់១០៨ម៉ែត្រ

៦. អ្នកឧកញ៉ា លាង ម៉េង ប្រកាសជាផ្លូវការជ្រើសរើសម្ចាស់ជ័យលាភីកម្មវិធី MasterChef Cambodia ឱ្យធ្វើជាមេចុងភៅ នៅសណ្ឋាគារ ហៃយ៉ាត់ រីជិនសុី ភ្នំពេញ

៧. អ្នកឧកញ៉ា សួរ វីរៈ ចូលរួមកម្មវិធីចុះអនុស្សរណៈយោគយល់រវាងក្រុមហ៊ុនវិរៈ ប៊ុនថាំ និង NHAM24

៨. អ្នកឧកញ៉ា ម៉ៅ ចំណាន អញ្ជើញអ្នកជំនាញច្នៃម៉ូដលោក ឯម រៀម ពិភាក្សាពីស្នាដៃច្នៃម៉ូដ នាពេលកន្លងមក

៩. ប្រតិភូសមាគមឧកញ៉ាកម្ពុជា ចូលរួមចុះពិនិត្យមជ្ឈមណ្ឌលដឹកជញ្ជូនភស្ដុភារកម្ម និងព្រែកជីក នៅអាល្លឺម៉ង់

១០. ជំទាវទី១កម្ពុជា ប្រគល់សញ្ញាបត្រ ភាពជាអ្នកដឹកនាំអន្តរជាតិផ្នែកសហគ្រិន ដល់ឧកញ៉ា កែវ មុំ ។

The post សរុបព្រឹត្ដិការណ៍ជុំវិញឧកញ៉ា សំខាន់ៗចំនួន១០ ប្រចាំសប្ដាហ៍នេះ appeared first on .