ក្នុងជំនួបនោះអ្នកឧកញ៉ា លី យ៉ុងផាត់ បានថ្លែងស្វាគមន៍លោកអគ្គរដ្ឋទូត ព្រមទាំងសហការី ក្នុងជំនួបដ៏មានសារៈសំខាន់ដើម្បីពិភាក្សាលម្អិតលើរបៀបវារៈដែលបានស្នើឡើង ជាពិសេសកិច្ចសហការក្នុងការរៀបចំវេទិកាកម្ពុជា-បារាំង នាពេលខាងមុខនេះ។ 

ជាមួយគ្នានេះ អ្នកឧកញ៉ា ហ៊ុន ឡាក់ អគ្គលេខាធិការសមាគមឧកញ៉ាកម្ពុជា ក៏បានធ្វើបទបង្ហាញសង្ខេបអំពីប្រវត្តិសមាគម តួនាទី និងភារកិច្ចស្នូលសំខាន់ៗនៃសមាគមឧកញ៉ាកម្ពុជា ជូនដល់អគ្គរដ្ឋទូត និងសហការីដើម្បីជ្រាបអំពីសមាគម ព្រមទាំងបានផ្តល់វេទិកាជូនដល់អង្គប្រជុំទាំងមូលដើម្បីពិភាក្សា និងផ្តល់ធាតុចូលឱ្យបានស៊ីជម្រៅទៅតាមរបៀបវារៈនីមួយៗ។

ជាការឆ្លើយតប លោក Jacques Pellet ឯកអគ្គរដ្ឋទូតបារាំងប្រចាំកម្ពុជា បានថ្លែងកោតសរសើរ អ្នកឧកញ៉ា លី យ៉ុងផាត់ និង ថ្នាក់ដឹកនាំ ដែលបានរៀបចំឱ្យមានជំនួបដ៏សំខាន់នៅថ្ងៃនេះ ជាពិសេស លោកបានបង្ហាញពីសុទិដ្ឋិនិយម ក្នុងកិច្ចសហការគ្នារវាងសមាគមឧកញ៉ាកម្ពុជា និងសភាពាណិជ្ជកម្មបារាំងប្រចាំនៅកម្ពុជា ដើម្បីរៀបចំវេទិកាធុរកិច្ចកម្ពុជា-បារាំង តាមរយៈការជួយគាំទ្រពីស្ថានទូតផ្ទាល់ និងចាប់ផ្តើមការងារបន្ទាប់ពីកិច្ចប្រជុំតទៅ។

បើតាមសមាគមឧកញ៉ាកម្ពុជា ជំនួបទ្វេភាគីនេះបានជជែកពិភាក្សា និងផ្តល់ធាតុចូលលើខ្លឹមសារនៃរបៀបវារៈទាំងនោះយ៉ាងផុសផុល ប្រកបដោយឆន្ទៈមោះមុតជាពិសេសភាគីទាំងសងខាងបានលើក និងទទួលយកនូវសំណើ ទាំងអស់ដើម្បីធ្វើយ៉ាងណាជំរុញឱ្យកិច្ចប្រជុំនៅថ្ងៃនេះទទួលបានលទ្ធផលផ្លែផ្កា និងបង្កើតឱ្យមានយន្តការក្រុមការងារ សម្រាប់រៀបចំកិច្ចការបន្ត៕

The post ចំពោះមុខអ្នកឧកញ៉ា លី យ៉ុងផាត់ ទូតបារាំងបង្ហាញពីសុទិដ្ឋិនិយម ក្នុងកិច្ចសហការរៀបចំវេទិកាធុរកិច្ចកម្ពុជា-បារាំងនាពេលខាងមុខ appeared first on .

ថ្លែងប្រាប់សារព័ត៌មានឧកញ៉ាញូស៍ពីទីក្រុងញ៉ូដេលី នៅថ្ងៃសៅរ៍ ទី២៤ ខែកុម្ភៈនេះ អ្នកឧកញ៉ា ហ៊ុន ឡាក់ បានឲ្យដឹងថា ក្រុមប្រឹក្សាធុរកិច្ចរួមឥណ្ឌា-កម្ពុជា មានគោលបំណងបង្កើតឡើងនូវយន្តការពិគ្រោះយោល់ទ្វេភាគីដើម្បីឱ្យបណ្តាធុរជនដ៏មានសក្តានុពលនៃប្រទេសទាំងពីរអាចជជែកពិភាក្សាព្រមទាំងស្នើនូវដំណោះស្រាយផ្សេងៗដើម្បីបង្កើនសកម្មភាពពាណិជ្ជកម្ម ការវិនិយោគ និងកិច្ចសហប្រតិបត្តិការលើវិស័យនានារួមទាំងការលើកកម្ពស់និងការសម្របសម្រួលពាណិជ្ជកម្មក៏ដូចជាការផ្គូផ្គងដៃគូក្នុងវិស័យឧស្សាហកម្ម នវានុវត្តន៍ និងសហគ្រិនភាព ព្រមទាំងកិច្ចសម្របសម្រួលលើបម្លាស់ប្តូរបច្ចេកវិទ្យារវាងភាគីទាំងពីរ ជាពិសេសផ្តោតទៅលើវិស័យអាទិភាពរួមមាន៖ កសិកម្ម, ផលិតកម្មកែច្នៃម្ហូបអាហារ, សុខាភិបាល, ឱសថ, សំណង់និងហេដ្ឋារចនាសម្ព័ន្ធ,ព័ត៌មានវិទ្យា, វិស័យអប់រំ, ទេសចរណ៍, ឧស្សាហកម្មយានយន្ត និងវិស័យពាក់ព័ន្ធជាច្រើនទៀត។ 

បើតាមអ្នកឧកញ៉ាអគ្គលេខាធិការសមាគមឧកញ៉ាកម្ពុជា ក្រុមប្រឹក្សាធុរកិច្ចរួមគ្នានេះមាននាយកដ្ឋានជំរុញឧស្សាហកម្ម និងពាណិជ្ជកម្មផ្ទៃក្នុងប្រទេសជាលេខាធិការដ្ឋានសម្រាប់ភាគីឥណ្ឌា ចំណែកសមាគមឧកញ៉ាកម្ពុជាគឺជាលេខាធិការដ្ឋានសម្រាប់ភាគីកម្ពុជា។ ចំពោះកិច្ចប្រជុំលើកដំបូងនៃក្រុមប្រឹក្សាធុរកិច្ចរួមឥណ្ឌា-កម្ពុជា បានធ្វើឡើងនៅរដ្ឋធានីញូវដេលីក្រោមការរៀបចំដោយ សហព័ន្ធសភាពាណិជ្ជកម្មនិងឧស្សាហកម្មឥណ្ឌា (FICCI)។ នៅក្នុងពិធីសម្ពោធជាផ្លូវការនេះក៏មានការផ្គូផ្គងដៃគូវិនិយោគរវាងភាគីទាំងពីរដោយរួមមានក្រុមធុរជនរបស់កម្ពុជាជាមួយនឹងក្រុមពាណិជ្ជកររបស់ឥណ្ឌាដែលសុទ្ធតែជាក្រុមហ៊ុនធំៗផងដែរ។

លើសពីនេះ សហព័ន្ធសភាពាណិជ្ជកម្ម និងឧស្សាហកម្មឥណ្ឌា និងសមាគមឧកញ៉ាកម្ពុជា ក៏នឹងចុះហត្ថលេខារួមគ្នាលើឯកសារយោងសំខាន់ៗដើម្បីបង្កើតនូវយន្តការនៃកិច្ចប្រជុំប្រជុំឆ្នាំរបស់ក្រុមប្រឹក្សាធុរកិច្ចរួមនេះដោយនឹងត្រូវធ្វើឡើងនៅក្នុងប្រទេសឥណ្ឌា ឬនៅក្នុងប្រទេសកម្ពុជាពោលគឺអាស្រ័យលើការសម្រេចរវាងភាគីទាំងពីរ។ 

លោកស្រី Devyani Khobragade ឯកអគ្គរដ្ឋទូតឥណ្ឌាប្រចាំនៅកម្ពុជា មានប្រសាសន៍ថា «ការប្រកាសជាផ្លូវការក្រុមប្រឹក្សាធុរកិច្ចរួមឥណ្ឌា-កម្ពុជា(ICJBC) ដែលនឹងផ្តល់នូវឱកាសដល់វិស័យឯកជនរវាងប្រទេសទាំងពីរបានចូលរួមពេញសិទ្ធិនិងជាផ្លូវការកម្រិតខ្ពស់បំផុតមួយ ដែលមានការគាំទ្រពេញទំហឹងពីរដ្ឋាភិបាលដែលប្រាកដជានឹងជំរុញសកម្មភាពពាណិជ្ជកម្ម និងការវិនិយោគហើយពង្រឹងភាពជាដៃគូទ្វេភាគីរវាងឥណ្ឌានិងកម្ពុជាកាន់តែខ្លាំងក្លាថែមទៀត»។

ជាមួយគ្នានេះ អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានលើកឡើងថា «ពិធីប្រកាសជាផ្លូវការក្រុមប្រឹក្សាធុរកិច្ចរួមឥណ្ឌា-កម្ពុជានេះ គឺជាបោះជំហានចូលទៅកាន់ទំព័រថ្មីនៃកិច្ចសហប្រតិបត្តិការសេដ្ឋកិច្ចរវាងប្រទេសទាំងពីរ។ នេះជាគឺជាវេទិកាមួយដែលនឹងអនុញ្ញតឱ្យយើងកំណត់បាននូវបញ្ហាប្រឈម និងការប្រកួតប្រជែងនានាដើម្បីបង្កើតនូវកាលានុវត្តភាពថ្មីៗសម្រាប់បំពេញផលប្រយោជន៍សេដ្ឋកិច្ចជាតិទៅវិញទៅមក»។

អ្នកឧកញ៉ា ហ៊ុន ឡាក់ បានថ្លែងថា «ក្រុមប្រឹក្សាធុរកិច្ចរួមឥណ្ឌា-កម្ពុជាបានបោះជំហានយ៉ាងលឿនបំផុតហើយភាពជោគជ័យនៃកិច្ចប្រជុំក៏ដូចជាពិធីប្រកាសជាផ្លូវការនេះបានផ្តល់ឱ្យខ្ញុំនូវសុទិដ្ឋិនិយមខ្ពស់។ ការពិភាក្សាដោយបើកចំហរនិងប្រកបដោយផ្លែផ្កាដែលភាគីទាំងពីរបានធ្វើនៅថ្ងៃនេះជាសក្ខីភាពនៃការប្តេជ្ញាចិត្តរួមគ្នារវាងធុរជនកម្ពុជា និងឥណ្ឌាដើម្បីបង្កើតកាលានុវត្តភាពកម្រិតខ្ពស់បំផុតនៃកិច្ចសហប្រតិបត្តិការនៃវិស័យឯកជនរបស់ប្រទេសទាំងពីរ»។ អ្នកឧកញ៉ាបានថ្លែងសង្កត់ធ្ងន់ថា «ខ្ញុំមានទំនុកចិត្តថា ក្រុមប្រឹក្សានេះនឹងក្លាយជាយន្តការមួយប្រកបដោយអានុភាពដើម្បីបម្រើដល់វិស័យសេដ្ឋកិច្ចជាតិតាមរយៈការជំរុញពាណិជ្ជកម្ម ការវិនិយោគ និងការសម្រេចបាននូវសមិទ្ធផលជាបន្តបន្ទាប់ប្រកបដោយអត្ថប្រយោជន៍សម្រាប់ប្រទេសទាំងពីរ»។

សូមបញ្ជាក់ថា ការប្រកាសជាផ្លូវការនៃក្រុមប្រឹក្សាធុរកិច្ចរួមឥណ្ឌា-កម្ពុជានេះនឹងទាក់ទាញបណ្តាធុរជននៅក្នុងប្រទេសទាំងពីរកាន់តែខ្លាំងដើម្បីចូលរួមក្នុងការត្រួសត្រាយមាគ៌ាដ៏ត្រចះត្រចង់នៃកិច្ចសហប្រតិបត្តិការសេដ្ឋកិច្ចឥណ្ឌា និងកម្ពុជាឆ្ពោះទៅរកការរីកចម្រើន និងវិបុលភាពរួមគ្នានាពេលអនាគត៕

The post TOP News: សមាគមឧកញ៉ាកម្ពុជា និង FICCI ប្រកាសផ្លូវការ«ក្រុមប្រឹក្សាធុរកិច្ចរួមឥណ្ឌា-កម្ពុជា» ដើម្បីជំរុញពាណិជ្ជកម្ម និងវិនិយោគនៃប្រទេសទាំពីរ appeared first on .

ពិធីបើកយុទ្ធនាការឃោសនាបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ មានការចូលរួមពីសមាជិកាព្រឹទ្ធសភា រដ្ឋសភា និងបេក្ខជនឈរឈ្មោះបោះឆ្នោតជ្រើសតាំងរដ្ឋសភា ក្រុមការងារចុះជួយក្រុង ស្រុក មេឃុំ ចៅសង្កាត់ និងសមាជិកឃុំក្រុមប្រឹក្សាឃុំសង្កាត់ មេភូមិ សរុបប្រមាណ ៥០០ នាក់។

មានអាយុ ៤៤ឆ្នាំ ឧកញ៉ា សេង ញ៉ក ជាអ្នកនយោបាយវ័យក្មេង ​បាន​ជាប់ឆ្នោត​ជា​តំណាងរាស្ត្រ នៅ​មណ្ឌល​ខេត្ត​កំពង់ស្ពឺមកពីខាងគណបក្សប្រជាជនកម្ពុជា។ ឧកញ៉ា សេង ញ៉ក ជាសមាជិកគណៈកម្មាធិការហិរញ្ញវត្ថុ នៃគណៈកម្មាធិការកណ្តាលគណបក្សប្រជាជនកម្ពុជា, ជានាយកក្រុមហ៊ុន L.Y.P Group និងជាអគ្គនាយកក្រុមហ៊ុន ភ្នំពេញស៊ួហ្គើ។

លោកជា​ស្វាមី​របស់​លោកស្រី លី អាផណ ​​កូនស្រី​របស់​អ្នកឧកញ៉ា លី យ៉ុងផាត់ សមាជិកព្រឹទ្ធសភា, ទីប្រឹក្សាផ្ទាល់​នាយករដ្ឋមន្ដ្រី, ប្រធានសមាគមឧកញ៉ាកម្ពុជា និងជាអគ្គនាយកក្រុមហ៊ុន អិល វ៉ាយ ភី គ្រុប៕

ឆ្វេង៖ ឧកញ៉ា សេង ញ៉ក ពាក់អាវស កំពុងពិនិត្យឯកសារ

The post កូនប្រសារអ្នកឧកញ៉ាប្រធានគណៈកម្មាធិការហិរញ្ញវត្ថុគណបក្សប្រជាជន ចូលរួមបើកយុទ្ធនាការឃោសបោះឆ្នោតសមាជិកព្រឹទ្ធសភា appeared first on .

ក្នុងជំនួបពិភាក្សាធុរកិច្ចនេះ ទទួលបានផ្លែផ្កាជាវិជ្ជមាន ខណៈដែលភាគីទាំងពីរបានកំណត់ថា នឹងបង្កើតចំណងមិត្តភាព ព្រមទាំងកិច្ចសហប្រតិបត្តិការផ្សេងៗ ជាបន្តបន្ទាប់ទៀតដើម្បីបង្កើតកាលានុវត្តភាពពាណិជ្ជកម្ម និងវិនិយោគរវាងស្ថាប័នទាំងពីរឱ្យកាន់តែល្អប្រសើរ ជាពិសេសភាគីទាំងពីរព្រមព្រៀងនឹងចុះអនុស្សារណៈយោគយល់គ្នា និងការកៀរគរវិនិយោគិនបន្ថែមទៀតផងដែរ។ នេះបើតាមអ្នកឧកញ៉ា ហ៊ុន ឡាក់ អគ្គលេខាធិការនៃសមាគមឧកញ៉ាកម្ពុជា ប្រាប់សារព័ត៌មានឧកញ៉ាញូស៍។

គួររំលឹកថា ក្នុងឱកាសចូលរួមអមដំណើរសម្តេចធិបតី ហ៊ុន ម៉ាណែត នាយរដ្ឋមន្ត្រី ទៅប្រទេសជប៉ុន ក្នុងអំឡុងខែធ្នូឆ្នាំ២០២៣កន្លងទៅ អ្នកឧកញ៉ា សៀ ឬទ្ធី អនុប្រធានសមាគមឧកញ៉ាកម្ពុជា តំណាងអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា រួមទាំងសមាជិកក្រុមប្រក្សាភិបាលសមាគម បានជួបពិភាក្សាធុរកិច្ចម្តងរួចមកហើយនៅទីក្រុងតូក្យូ ប្រទេសជប៉ុន។ ទន្ទឹមនឹងនោះដែរ តំណាងសមាគមឧកញ៉ាកម្ពុជា ក៏បានអញ្ជើញភាគីជប៉ុនមកបំពេញទស្សនកិច្ចធុរកិច្ចនៅកម្ពុជាក្នុងពេលវេលាសមស្របណាមួយ។ 

ជាការឆ្លេីយតប ភាគីជប៉ុនបានមកបំពេញទស្សនកិច្ចនៅកម្ពុជា ហើយសមាគមឧកញ៉ាកម្ពុជា ក៏បានរៀបចំទទួលស្វាគមន៍ និងអញ្ជើញ គណៈប្រតិភូគណៈកម្មាការមេគង្គ-ជប៉ុន នៃសភាពាណិជ្ជកម្ម និងឧស្សាហកម្ម ជប៉ុន ទទួលទានអាហារថ្ងៃត្រង់ ដើម្បីបន្តពិភាក្សាការងារធុរកិច្ច និងរឹតចំណងកិច្ចសហប្រតិបត្តការរវាងស្ថាប័នទាំងពីរ៕

The post អ្នកឧកញ៉ា លី យ៉ុងផាត់ ដឹកនាំសមាជិកសមាគមឧកញ៉ាកម្ពុជា ១០រូប ទទួលជួបសភាពាណិជ្ជកម្មនិងឧស្សាហកម្មជប៉ុន ដើម្បីបន្តការពិភាក្សាឱកាសវិនិយោគ appeared first on .

សម្រាប់​ អ្នកឧកញ៉ា ឧកញ៉ា ដែល​ត្រូវ​បាន​អញ្ជើញ​ឱ្យ​ចូល​រួម​កម្មវិធី​ខាង​លើ​នេះ​ រួមមាន៖ ១.អ្នកឧកញ៉ា លី យ៉ុងផាត់, ២.អ្នកឧកញ៉ា កុក អាន, ៣.អ្នកឧកញ៉ា ហ៊ុន ឡាក់, ៤.អ្នកឧកញ៉ា ហាន់ ឃាង, ៥.អ្នកឧកញ៉ា លី ហួរ, ៦. ជំទាវ​អ្នកឧកញ៉ា អ៊ាន អេឡែន, ៧. អ្នកឧកញ៉ា សៀ ឬទ្ធី, ៨. អ្នកឧកញ៉ា ផែ ហុកឈួន, ៩. អ្នកឧកញ៉ា សុខ ឆេង, ១០. អ្នកឧកញ៉ា វិញ ហ៊ួរ, ១១. អ្នកឧកញ៉ា ជៀម ផែន, ១២. អ្នកឧកញ៉ា ទី ពិសិដ្ឋ, ១៣. ជំទាវអ្នកឧកញ៉ា ហុងស៊ួន ស៊ីគង់​ទ្រីវ, ១៤.​ ជំទាវឧកញ៉ា​ លីម​ ស្រីពៅ, ១៥.​ ជំទាវឧកញ៉ា​ ឆេងសៀង​ វិញហ៊ួរ, ១៦.​ ឧកញ៉ា​ សុី​ ម៉េងម៉េង, ១៧.​ អ្នកឧកញ៉ា តុល លន, ១៨. ឧកញ៉ា​ ច័ន្ទ​ តារា, ១៩. អ្នកឧកញ៉ា ចាប ហុងលី, ២០. អ្នកឧកញ៉ា លី សេងឃាង, ២១. អ្នកឧកញ៉ា ហេង សៀ, ២២. អ្នកឧកញ៉ា អុឹង សែ, ២៣. ជំទាវអ្នកឧកញ៉ា តាំង វួចឡាយ, ២៤. ជំទាវអ្នកឧកញ៉ា​ សុខ​ សុភាព ២៥. ឧកញ៉ា ហេង បូរិន ។

២៥.​ ឧកញ៉ា លឹម ជា, ២៦. ឧកញ៉ា​ សៅ​ សុវ័ន្ត, ២៧.​ អ្នកឧកញ៉ា​ អុឹង​ លីហេង, ២៨.​ អ្នកឧកញ៉ា​ វ៉ាន់​ វាសនា, ២៩.​ ឧកញ៉ា​ ចាន់​ សុឃាំង, ៣០.​ ឧកញ៉ា​ អ៊ុច​ សោភ័ណ, ៣១.​ ជំទាវឧកញ៉ា​ ខុង​ លីសុីអាណា, ៣២.​ ឧកញ៉ាបណ្ឌិត​ ម៉េង​ អាន, ៣៣.​ ជំទាវឧកញ៉ា​ ទី​ គឹមស្រ៊ាន, ៣៤.​ ឧកញ៉ា​ ឌុក​ ទីប៉ាណា, ៣៥. ឧកញ៉ា​វេជ្ជបណ្ឌិត​ ជា​ សុខឃាង, ៣៦.​ ឧកញ៉ា​ សូ​ សុខប៊ុនលីម, ៣៧. ឧកញ៉ា សុខ សុង, ៣៨.​ ជំទាវឧកញ៉ា​ កង​ លាប, ៣៩.​ អ្នកឧកញ៉ា​ រតនៈ​ សម្បត្តិ, ៤០.​ ឧកញ៉ា​ មៀម​ វណ្ណៈ, ៤១.​ ឧកញ៉ា​ សំ​ ប៊ន, ៤២.​ ឧកញ៉ា​ ណាង​ ណាន​, ៤៣.​ ឧកញ៉ា​ អុឹង​ គីមហុង, ៤៤.​ ឧកញ៉ា​ សុខ​ មុយលី, ៤៥.​ ឧកញ៉ា​ សំ​ សុខនឿន, ៤៦.​ ជំទាវឧកញ៉ា​ គួន​ ធីតា, ៤៧.​ ជំទាវឧកញ៉ា​ កី​ ម៉ានេ និង ៤៨.​ ជំទាវឧកញ៉ា​ ហេង​ សុគន្ធា។

សូម​ជម្រាប​ថា នៅ​ថ្ងៃទី៣១ ខែមករា ឆ្នាំ២០២៤ ​សម្ដេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ​នឹង​អញ្ជើញ​ប្រកាស​ដាក់​ឱ្យ​អនុវត្ត​ជា​ផ្លូវការ​នូវ​ កម្មវិធីជំរុញការវិនិយោគ នៅខេត្តព្រះសីហនុ ឆ្នាំ២០២៤ ក្នុង​គោលបំណង​ ដើម្បី​ដោះស្រាយបញ្ហាជាប់គាំងមួយចំនួន ពិសេស​លើ​បញ្ហា​សំណង់​ជា​ដើម។ ខេត្តព្រះសីហនុ ​ជាប៉ូលសេដ្ឋកិច្ច​ដ៏សំខាន់​មួយ ដែលបាននិងកំពុងទាក់ទាញការវិនិយោគ លើហេដ្ឋារចនាសម្ព័ន្ឋនានាជាច្រើន ជាពិសេស​បន្ទាប់​ពី​តភ្ជាប់ផ្លូវល្បឿន​លឿន​ពីរាជធានីភ្នំពេញ៕

The post សមាគមឧកញ៉ាកម្ពុជា អញ្ជើញអ្នកឧកញ៉ា ឧកញ៉ា ជិត៥០រូប ចូលរួមកម្មវិធីពិសេសមួយ នៅខេត្តព្រះសីហនុ appeared first on .

ក្រុមហ៊ុនធំៗទាំង ៣រូបរបស់ក្រុមមហាសេដ្ឋីកម្ពុជាទាំងនោះរួមមាន៖ ទី១ ក្រុមហ៊ុន រ៉ូយ៉ាល់គ្រុប របស់អ្នកឧកញ៉ា គិត ម៉េង ចុះអនុស្សរណៈយោគយល់ជាមួយក្រុមហ៊ុន Blue Circle ដែលមានជំនាញ និងបទពិសោធន៍ក្នុងអាជីវកម្មថាមពលកកើតឡើងវិញ ពិសេសថាមពលដែលដើរដោយកម្លាំងខ្យល់។ ទី២ ក្រុមហ៊ុន OCIC របស់អ្នកឧកញ៉ា ពុង ឃាវសែ សម្រេចចុះអនុស្សរណៈយោគយល់ដល់ទៅ ៣ក្រុមហ៊ុនឯណោះ គឺ ១, អនុស្សរណៈយោគយល់រវាងអាកាសយានដ្ឋានអន្តរជាតិតេជោ (OCIC) និងក្រុមហ៊ុន Lagardere Travel Retail ជាក្រុមហ៊ុនអន្តរជាតិធំមួយមានមូលដ្ឋានទីក្រុងបារីសដែលកំពុងប្រតិបតិការជាង ៥ពាន់ហាងតាមព្រលានយន្តហោះ និងស្ថានីយ៍រថភ្លើង ២, អនុស្សរណៈយោគយល់រវាងក្រុមហ៊ុន OCIC និង Aloest Productions ជាក្រុមហ៊ុនសោតទស្សន៍របស់បារាំង ដែលផលិតភាពយន្តឯកសារដែលមានលក្ខណៈជាល្ខោន និងទូរទស្សន៍ដ៏ល្បីឈ្មោះ។ ៣, អនុស្សរណៈយោគយល់រវាងក្រុមហ៊ុន OCIC និង Platform Impact (តំណាងដោយក្រុមហ៊ុន Ecole 42) ជាអ្នកសិក្សាធ្វើមាត្រដ្ឋានផលប៉ះពាល់សេដ្ឋកិច្ច បរិស្ថាន និងសង្គម កិច្ចព្រមព្រៀងវិនិយោគផលប៉ះពាល់ឈ្មួញកណ្តាល និងសហការបង្កើតក្របខ័ណ្ឌគោលនយោបាយជាមួយវិស័យឯកជន និងសាធារណៈ។

ចំណែកឯទី៣ អនុស្សរណៈយោគយល់រវាងក្រុមហ៊ុន LYP គ្រុប របស់អ្នកឧកញ៉ា លី យ៉ុងផាត់ និងក្រុមហ៊ុន SEMMARIS ជាក្រុមហ៊ុនគ្រប់គ្រងនៃទីផ្សារអន្តរជាតិ Rungis ដែលជាទីផ្សារលក់អាហារស្រស់លក់ដុំដ៏ធំបំផុតនៅលើពិភពលោក ដែលមានក្រុមហ៊ុនជាង ១,២០០ក្រុមហ៊ុនជាដៃគូ។ បន្ថែមទៀតនេះ ក៏មានការចុះអនុស្សរណៈយោគយល់រវាងសភាពាណិជ្ជកម្មកម្ពុជា និងសម្ព័ន្ធនិយោជកហ្វ្រង់កូហ្វូន (APF) ដែលមានតួនាទីក្នុងការស្វែងរកឱកាសវិនិយោគជូនដល់ក្រុមហ៊ុនបារាំង។

សម្តេចធិបតី ហ៊ុន ម៉ាណែត នាយករដ្ឋមន្រ្តីបានថ្លែងថា តាមរយៈការចុះអនុស្សរណៈយោគយល់នេះនឹងជំរុញការអភិវឌ្ឍសេដ្ឋកិច្ចរវាងកម្ពុជា និងប្រទេសនិយាយភាសាបារាំង ក៏ដូចជាជួយគាំទ្រដល់ធុរកិច្ចប្រទេសនិយាយភាសាបារាំងតាមរយៈការរៀបចំ ជំនួបពាណិជ្ជកម្ម សន្និសីទ សិក្ខាសាលា និងព្រឹត្តិការណ៍ធុរកិច្ចនានា។ ក្រៅពីនេះ គណៈប្រតិភូសភាពាណិជ្ជកម្មកម្ពុជា នឹងបំពេញទស្សនកិច្ចក្រុមហ៊ុនបារាំង និងជួបប្រជុំជាមួយភាគីពាក់ព័ន្ធ ដើម្បីកសាងទំនាក់ទំនង និងពង្រីកសកម្មភាពពាណិជ្ជកម្មរវាងប្រទេសទាំងពីរ៕

The post វត្តមានសម្តេចធិបតី ហ៊ុន ម៉ាណែត នៅទីក្រុងបារីសក្រុមហ៊ុនខ្នាតយក្សរបស់អ្នកឧកញ៉ា ៣រូបសម្រេចចុះ MoU ជាមួយក្រុមហ៊ុននៅបារាំង appeared first on .

ស្ពានថ្មីត្រូវបាន សម្តេចតេជោ ហ៊ុន សែន អតីតនាយករដ្ឋមន្ត្រី បានប្រកាសផ្តល់ស្ពានបេតុងជូនប្រជាពលរដ្ឋនៅកោះយ៉ ជំនួសស្ពានដែកមានស្ថានភាពទ្រុធទ្រោម។ ស្ពានសម្តេចតេជោ ហ៊ុន សែន កោះយ៉ ត្រូវបានអ្នកឧកញ៉ លី យ៉ុងផាត់ អគ្គនាយកក្រុមហ៊ុន អិល.វ៉ាយ.ភី គ្រុប ជាអ្នករ៉ាប់រងថវិកាលើការសាងសង់។

គម្រោងស្ថាបនាស្ពានបេតុងថ្មីកោះយ៉ បានបញ្ចប់ជាស្ថាពរហើយនៅចុងខែមិថុនា ឆ្នាំ២០២៣កន្លងទៅ ដោយបើកឱ្យចរាចរណ៍ជាបណ្តោះអាសន្នសិនហើយ។ ស្ពានកោះយ៉ថ្មីនេះមានប្រវែង ១២៦ម៉ែត្រ និងទទឹង១១ម៉ែត្រ ត្រូវបានបើកការដ្ឋានសាងសង់នៅខែមិថុនា ឆ្នាំ២០២២ ក្នុងតម្លៃប្រមាណ ១,៤លានដុល្លារអាមេរិក៕

រូបភាព៖ កម្ពុជាថ្មី

The post ស្ពានថ្មីនៅខេត្តកោះកុងដែលអ្នកឧកញ៉ា លី យ៉ុងផាត់ ចេញលុយសាងសង់អស់ ១,៤លានដុល្លារ សម្ពោធជាផ្លូវការ appeared first on .

ទាំងនៅលើពិភពលោកក៏មានមហាសេដ្ឋីមួយចំនួនបន្តកើនឡើងទ្រព្យសម្បត្តិ ហើយក៏មានសេដ្ឋី មហាសេដ្ឋីមួយចំនួនប្រកាសក្ស័យធនលក់ក្រុមហ៊ុនបាត់មុខពីបញ្ជីតារាងកំពូលអ្នកមានលុយលើពិភពលោកជាបន្តបន្ទាប់។ ទន្ទឹមនឹងនេះ កម្ពុជាសម្រាប់ឆ្នាំ២០២៣នេះ ក៏មានពាណិជ្ជករ សប្បុរសជនជាច្រើនទទួលបានគោរមងារឧកញ៉ា និងអ្នកឧកញ៉ា ដែលគោរមងារដ៏ឧដុង្គឧត្តមប្រទានពីព្រះមហាក្សត្រ បញ្ជាក់ពីចំនួនអ្នកមានកើនឡើងជាលំដាប់ ហើយក៏មានអ្នកឧកញ៉ា ឧកញ៉ាមួយចំនួនកំពុងបាត់មុខពីពិភពជំនួញ ខណៈអ្នកជំនួញមួយចំនួនត្រូវបានតុលាការផ្ទន្ទាទោសផងដែរ។

ទោះបីជាមានរឿងរ៉ាវដូចរៀបរាបខាងលើក្តី សម្រាប់អ្នកឧកញ៉ាគ្រាក់ៗនៅប្រទេសកម្ពុជាមួយចំនួននៅតែបន្តបោះទុនវិនិយោគក្នុងទំហំទុនរាប់ពាន់ដុល្លារដើម្បីពង្រីកគម្រោងអាជីវកម្មឥតស្រាក់ស្រាន។ ជាមួយគ្នានេះក្រុមអ្នកឧកញ៉ាទាំងនោះបានបន្តធ្វើសកម្មភាពកិច្ចការងារមនុស្សធម៌ជាហូរហែទាំងផ្ទាល់ និងប្រយោជន៍ជាមួយរាជរដ្ឋាភិបាលកម្ពុជា។

ខាងក្រោមនេះ ឧកញ៉ាញូស៍បានដកស្រង់សម្តីពីអ្នកជំនាញ អ្នកតាមដានស្ថានភាពសង្គមនិងសេដ្ឋកិច្ចបានរកឃើញនៅអ្នកឧកញ៉ាចំនួន ៧រូប កំពុងតែរះក្នុងពិភពជំនួញនៅប្រទេសកម្ពុជាពង្រីកអាជីវកម្មធំៗជាច្រើនក្នុងដៃ រួមមាន៖ អ្នកឧកញ៉ា លាង ឃុន ម្ចាស់សម្ព័ន្ធក្រុមហ៊ុន ជីបម៉ុង គ្រុប, អ្នកឧកញ៉ា គិត ម៉េង ម្ចាស់ក្រុមហ៊ុន រ៉ូយ៉ាល់ គ្រុប, អ្នកឧកញ៉ា​ ពុង ឃាវសែ ម្ចាស់សម្ព័ន្ធក្រុមហ៊ុន វិនិយោគអាណិកជន OCIC, អ្នកឧកញ៉ា លី យ៉ុងផាត់ អគ្គនាយកក្រុមហ៊ុន អិល.វ៉ាយ.ភី គ្រុប, អ្នកឧកញ៉ា សុខ គង់ ម្ចាស់ក្រុមហ៊ុន ស៊ូគីម៉ិច គ្រុប, អ្នកឧកញ៉ា សំ អាង ម្ចាស់សម្ព័ន្ធក្រុមហ៊ុន វឌ្ឍនៈ គ្រុប និងអ្នកឧកញ៉ា លី ហួរ ម្ចាស់សម្ព័ន្ធក្រុមហ៊ុន លីហួរ គ្រុប ជាដើម។

ការចាត់តំណាត់ថ្នាក់ជាកំពូលមហាសេដ្ឋីលំដាប់ប្រទេសកម្ពុជានេះ ដោយផ្អែកលើសកម្មភាព របាយការណ៍ និងការពង្រីកអាជីវកម្មរបស់ក្រុមអ្នកឧកញ៉ាទាំងនេះ បើទោះជាបច្ចុប្បន្នស្ថានភាពសេដ្ឋកិច្ចមិនទាន់រ៉ើកំរើកឡើងវិញក្តី ក៏ក្រុមអ្នកឧកញ៉ាទាំងអស់ខាងលើបន្តបោះទុនវិនិយោគឥតឈប់។ បើនិយាយដល់ក្រុមហ៊ុន និងបុត្រសម្ព័ន្ធវិញ ក្រុមអ្នកឧកញ៉ាទាំងនេះគ្រប់គ្រងអាណាចក្រជំនួញប្រាក់ពាន់លាន និងគម្រោងម្នាក់ៗមិនក្រោម១០នៅក្នុងដៃនោះឡើយជាមួយបុគ្គលិកសរុបរាប់ម៉ឺនកន្លែងក្នុងការផ្តល់ឪកាសការងារឲ្យពលរដ្ឋខ្មែរ ព្រមទាំងកម្លាំងពលកម្មពីប្រទេសផងដែរ។

តាមរយៈសកម្មភាពនិងការពង្រីកអាជីវកម្ម ព្រមទាំងផ្តល់កម្លាំងពលកម្មការងាររាប់ម៉ឺនកន្លែងពីក្រុមហ៊ុនរបស់ក្រុមអ្នកឧកញ៉ាខាងលើពិតណាស់ថា ក្រុមហ៊ុនខ្នាតយក្សលំដាប់ប្រទេសទាំងអស់នោះកំពុងចូលរួមបង់ពន្ធយ៉ាងសន្ធឹកសន្ធាប់ជូនដល់រាជរដ្ឋាភិបាល និងជ្រោងសេដ្ឋកិច្ចជាតិតាមរយៈការអភិវឌ្ឍន៍គម្រោងនានាជាច្រើនរបស់ពួកគេ។

បន្ថែមទៀតនោះ ក្រុមហ៊ុនយក្សក្នុងស្រុករបស់មហាសេដ្ឋីលំដាប់ប្រទេស៧រូបនេះ ក៏តែងតែបង្ហាញមុខក្នុងការចូលរួមវិភាគទានជាទឹកប្រាក់ សម្ភារៈ និងធនធានផ្សេងៗដល់រាជរដ្ឋាភិបាល ក្នុងគ្រាដែលរដ្ឋត្រូវការជំនួយបន្ទាន់ណាមួយដើម្បីដោះស្រាយបញ្ហាគ្រោះមហន្តរាយនានាផងដែរ៕

The post ភាគទី១៖ អ្នកឧកញ៉ា៧រូប ក្តោបតំណែងជាសន្លឹកអាត់ពាណិជ្ជកម្មដ៏ល្បីប្រចាំប្រទេសកម្ពុជា appeared first on .

សេចក្តីប្រកាសរបស់ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា អមដំណើរសម្តេចធិបតីនាយករដ្ឋមន្រ្តីទៅកាន់ទីក្រុងតូក្យូនាពេលមានមន្ត្រីជាន់ខ្ពស់នៃរាជរដ្ឋាភិបាល ព្រមទាំងថ្នាក់ដឹកនាំវិស័យឯកជននៃសភាពាណិជ្ជកម្មកម្ពុជា និងសមាគមឧកញ៉ាកម្ពុជា។

ដើម្បីអមដំណើរសម្តេចធិបតីទៅកាន់ប្រទេសជប៉ុននាពេលនេះដែរ អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានចាត់តាំងអ្នកឧកញ៉ា សៀ ឬទ្ធី អនុប្រធានសមាគមឧកញ៉ាកម្ពុជា ធ្វើការដឹកនាំគណៈប្រតិភូនៃសមាគមឧកញ៉ាកម្ពុជា ចំនួន ៣រូបចូលរួម មានដូចជា អ្នកឧកញ៉ា ហាន ឃាង, លោកស្រីអ្នកឧកញ៉ា អ៊ាន អែឡេន និងឧកញ៉ា ហ៊ុន ឡាក់។ នេះបើតាមសេចក្តីប្រកាសព័ត៌មានរបស់ខ្លួន។

សូមជម្រាបជូនបន្ថែមថា ក្នុងអំឡុងពេលនៃដំណើរទស្សនកិច្ចនេះ គណៈប្រតិភូសមាគមក៏នឹងចូលរួមកិច្ចប្រជុំធុរកិច្ចនិងវិនិយោគផ្សេងៗទៀតដើម្បីពង្រឹង និងពង្រីកទំនាក់ទំនងក៏ដូចជាតភ្ជាប់ធុរកិច្ចរវាងកម្ពុជានិងជប៉ុនផងដែរ៕

The post អ្នកឧកញ៉ា លី យ៉ុងផាត់ ចាត់តាំងអ្នកឧកញ៉ា សៀ ឬទ្ធី អមដំណើរសម្តេចធិបតី ហ៊ុន ម៉ាណែត បំពេញទស្សនកិច្ចនៅជប៉ុន appeared first on .

វេទិកានេះក៏នឹងមានការចូលរួមវិស័យឯកជនស្ទើរគ្រប់ផ្នែក ដៃគូអភិវឌ្ឍ និងតំណាងអង្គទូតនានាចូលរួមដែលជាវេទិកាដ៏សំខាន់សម្រាប់សម្របសម្រួលកិច្ចសន្ទនារវាងភាគីពាក់ព័ន្ធនិងវិស័យឯកជន។ ជាមួយគ្នានេះអ្នកឧកញ៉ា ឧកញ៉ា ដែលជាម្ចាស់អាជីវកម្មគ្រាក់ៗនៅក្នុងស្រុកពីសមាគមឧកញ៉ាកម្ពុជាប្រមាណ ៧០រូបនឹងអញ្ជើញចូលរួម។

បើតាមបញ្ជីឈ្មោះអ្នកឧកញ៉ា ឧកញ៉ា ដែលគេហទំព័រឧកញ៉ាញូស៍ ទទួលបានពេលថ្មីៗនេះ អ្នកឧកញ៉ា លី យ៉ុងផាត់ ប្រធានក្រុមប្រឹក្សាភិបាលសមាកមឧកញ៉ាកម្ពុជា នឹងដឹកនាំសមាជិក សមាជិកាដោយផ្ទាល់ចូលរួមក្នុងវេទិការាជរដ្ឋាភិបាល-ផ្នែកឯកជន ដើម្បីដើម្បីស្តាប់នូវការដោះស្រាយបញ្ហាប្រឈមរបស់វិស័យឯកជន។

បើតាមបញ្ជីឈ្មោះ អ្នកឧកញ៉ា លី ហួរ, អ្នកឧកញ៉ា សៀ ឬទ្ធី, អ្នកឧកញ៉ា លាង ម៉េង, អ្នកឧកញ៉ា ហាន់ ឃាង, អ្នកឧកញ៉ា ប៊ុន ហៃ ដែលជាអនុប្រធានក្រុមប្រឹក្សាភិបាលសមាគមឧកញ៉ាកម្ពុជាក៏នឹងមានវត្តមានក្នុងវេទិកានេះផងដែរ។

សេចក្តីប្រកាសព័ត៌មានលទ្ធផលនៃសម័យប្រជុំពេញអង្គគណៈរដ្ឋមន្រ្តីដំបូង នីតិកាលទី៧ នៃរដ្ឋសភា កាលខែសីហា ឆ្នាំ២០២៣ បានឲ្យដឹងថា «សម្តេចធិបតីនាយករដ្ឋមន្ត្រី នឹងដឹកនាំវេទិការាជរដ្ឋាភិបាល-ផ្នែកឯកជន លើកទី១៩ នៅខែវិច្ឆិកា ឆ្នាំ២០២៣ ខាងមុខ ដើម្បីស្តាប់នូវមតិយោបល់ និងសំណូមពរផ្សេងៗ ក៏ដូចជាដាក់ចេញនូវវិធានការមុតស្រួចនិងជាក់ស្ដែង ដើម្បីបន្តជំរុញគាំទ្រដល់វិស័យឯកជនដែលជា កម្លាំងចលករនៃកំណើនសេដ្ឋកិច្ច»៕

The post អ្នកឧកញ៉ា ឧកញ៉ា ៧០រូបពីសមាគមឧកញ៉ាកម្ពុជា នឹងចូលរួមវេទិការាជរដ្ឋាភិបាល-វិស័យឯកជនជាមួយសម្តេចធិបតី ហ៊ុន ម៉ាណែត appeared first on .