ឧកញ៉ា កែវ មុំ បានឱ្យដឹងថា ទេយ្យទាន ទេយ្យវត្ថុ ដែលបាននាំយកទៅប្រគេនព្រះសង្ឃនៅវត្តភ្នៀតសិម្ពលី មានដូចជា នំស្រួយលីលី អង្ករ ប្រេងឆា ទៀនធូប តែស្ករ បច្ច័យ និងអំពូលសូឡាចំនួន ៥ មកជំនួសទានព្រះវស្សា។

ឧកញ៉ា កែវ មុំ បានលើកឡើងថា ការនាំយកអំពូលសូឡាមកប្រគេនព្រះសង្ឃក្នុងរដូវចូលព្រះវស្សាជំនួសទានព្រះវស្សានេះ ក៏ព្រោះតែលោកជំទាវឧកញ៉ា យល់ថា ប្រសិនបើប្រគេនទៀនគឺប្រើបានរយៈពេលខ្លី ហើយពន្លឺភ្លឺបានតិច នឹងអាចជួបហានិភ័យទៀតផង តែបើយើងប្រគេនអំពូលសូឡាគឺអាចប្រើប្រាស់បានជាច្រើនឆ្នាំ រីឯពន្លឺអាចបំភ្លឺបាននៅពេលរាត្រី ភ្លឺបានទំហំធំព្រមទាំងសុវត្ថិភាពទៀតផង។

ជាមួយនឹងការនាំយកទេយ្យទានទៅប្រគេនព្រះសង្ឃនេះ ឧកញ៉ា កែវ មុំ ក៏បានជូនបុណ្យកុសលដល់ ពុកម៉ែ អ៊ំពូមីងបងប្អូន កូនៗ និងក្មួយៗ ចៅៗទាំងអស់ សូមឱ្យបានចំណែកបុណ្យស្មើៗគ្នានិងជួបតែពុទ្ធពរទាំង ៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លានឡើយ។

សូមជម្រាបជូនថា ពិធីបុណ្យចូលព្រះវស្សា តែងត្រូវបានប្រារព្ធធ្វើឡើងជារៀងរាល់ឆ្នាំចាប់ពីថ្ងៃ១រោច ខែអាសាធ ដល់ថ្ងៃ១៥ កើត ខែអស្សុជ ហើយប្រជាពុទ្ធបរិស័ទខ្មែរដែលជាអ្នកមានជំនឿមុតមាំទៅលើព្រះពុទ្ធសាសនាតែងបាននាំយកទៀនព្រះវស្សា និងទេយ្យទានផ្សេងៗទៅប្រគេនព្រះសង្ឃគង់ចាំព្រះវស្សាក្នុងរយៈពេលប្រមាណជា៣ខែនេះ សម្រាប់ជាចង្ហាន់ព្រះសង្ឃក្នុងកំលុងរដូវវស្សា ដែលពិបាកនិមន្តបិណ្ឌបាត្រ៕

The post ឧកញ៉ា កែវ មុំ នាំយកទេយ្យទាន ប្រគេនព្រះសង្ឃវត្ដភ្នៀតសិម្ពលី ក្នុងរដូវចូលព្រះវស្សា appeared first on .

ឧកញ៉ា កែវ មុំ បានលើកឡើងថាដូច្នេះថា៖ “ក្នុងនាមសមាជិក សមាគមពុទ្ធិក:កម្ពុជរដ្ឋ ទទួលបន្ទុកទំនាក់ទំនង​បរទេស ខ្ញុំបានសម្របសម្រួល លោកគ្រូគង្វាល វីនសិនសូហាន់ដូ នៃព្រះសហគមន៍សាសនាកាតូលិ នៅទីក្រុង រ៉ូម ប្រទេសអ៉ីតាលី បានចូលថ្វាយបង្គំសំដែងវឌ្ឍនកិច្ចសម្ដេចព្រះវ័នរ័ត្ន កត្តិបណ្ឌិតណយ ច្រឹក”។

ឧកញ៉ា កែវ មុំ បានបន្ដថា ការចូលថ្វាយបង្គំសំដែងវឌ្ឍនកិច្ច រវាងលោកគ្រូ គង្វាល នៃសាសនាកាតូលិនា​ពេលនេះ គឺធ្វើឡើងនៅក្នុងគោលបំណងរឹតចំណងសាមគ្គីភាព មិត្តភាព រវាងព្រះពុទ្ធសាសនា និង សាសនា​កាតូលិ ឱ្យកាន់តែមានភាពស្និទ្ធស្នាល មានសន្តិភាពសាសនា ដើម្បីសេចក្តីសុខ សេចក្តីចម្រើន និងការអភិវឌ្ឍ​នៅលើពិភពលោក៕

The post ឧកញ៉ា កែវ មុំ សម្របសម្រួលតំណាងសាសនាកាតូលិ ចូលថ្វាយបង្គំសំដែងវឌ្ឍនកិច្ចសម្ដេច ណយ ច្រឹក appeared first on .

លោកជំទាវ ឧកញ៉ា កែវ មុំ លើកឡើងនៅលើទំព័រហ្វេសប៊ុកផ្ទាល់ខ្លួន នៅថ្ងៃទី១៩ ខែមិថុនា ឆ្នាំ២០២៤នេះ រៀបរាប់ទាំងអារម្មណ៍រំភើប បន្ទាប់ពីលោកជំទាវឧកញ៉ា ទទួលបានការប្រគល់សញ្ញាបត្រផ្ទាល់ពីលោកជំទាវ បណ្ឌិត ពេជ ចន្ទមុន្នី។

ឧកញ៉ា កែវ មុំ បានលើកឡើងថា «នាងខ្ញុំពិតជាមានមោទនភាពខ្លាំងណាស់ ក្រោយពីបញ្ចប់ការសិក្សាហើយទទួលបានសញ្ញាបត្រដោយផ្ទាល់ដៃពី លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ពី សកលវិទ្យាល័យបញ្ញាសាស្ត្រ ។ លោកជំទាវបណ្ឌិតពិតជាស្ត្រីទី ១ ដែលធ្វើការយ៉ាងអស្ចារ្យផ្ដល់នូវ ទឹកចិត្តដ៏ថ្លៃថ្លា បេះដូង មេត្តា ករុណា សម្រាប់បម្រើប្រជាជន ទាំងយប់ ទាំងថ្ងៃ ចំណាយទាំង ពេលវេលា ថវិកា កម្លាំងកាយ កម្លាំងចិត្ត ដោយមិនខ្លាចនឿយហត់ឡើយ»។

ឧកញ៉ា កែវ មុំ បានបន្ដថា «ជាក់ស្ដែងលោកជំទាវបណ្ឌិតមិនត្រឹមតែចំណាយពេលវេលាដ៏មានតម្លៃក្នុងការប្រគល់សញ្ញាបត្រជូននិស្សិតជ័យលាភីឡើយ លោកជំទាវថែមទាំងបានបរិច្ចាគឧបត្ថម្ភដល់និស្សិតជ័យលាភីចំនួន ១០០៣ អង្គ/នាក់ ក្នុងម្នាក់ៗ ទទួលបាន ៥ ម៉ឺនរៀល ក្នុងនោះក៏មានចំណែកនាងខ្ញុំម្នាក់ដែរ ពិតជារំភើបចិត្តឥតឧបមា»។

ជាមួយនឹងទឹកចិត្ដដ៏ថ្លៃថ្លារបស់លោកជំទាវបណ្ឌិត ពេជ ចន្ទមុន្នី, ឧកញ៉ា កែវ មុំ ដើម្បីឆ្លើយតបទៅនឹងសេចក្តីរំភើបរីករាយឥតឧបមា នៃទឹកចិត្តដ៏មហស្ចារ្យនេះ បានសម្រេចធ្វើការបរិច្ចាគប្រាក់ចំនួន ៥លានរៀល ជូនដល់មន្ទីពេទ្យគន្ធបុប្ផាកម្ពុជា។

ជាមួយគ្នានោះ ឧកញ៉ា កែវ មុំ ក៏បានលើកហត្ថប្រណម បួងសួងដល់គុណព្រះរតនត្រ័យ គុណកែវទាំងបី និងវត្ថុស័ក្តសិទ្ធលើលោកទាំងអស់ តាមថែរក្សាលោកជំទាវបណ្ឌិត និងសម្ដេចធិបតី ព្រមទាំងក្រុមគ្រួសារ និងសហការីទាំងអស់ជួបតែពុទ្ធពរទាំង ៤ ប្រការគឺ: អាយុ វណ្ណៈ សុខៈ ពល: កុំបីឃ្លៀងឃ្លាតឡើយ៕

The post ឧកញ៉ា កែវ មុំ បរិច្ចាគថវិកាចំនួន៥លានរៀល ជូនមន្ទីពេទ្យគន្ធបុប្ផា appeared first on .

នៅលើបណ្ដាញសង្គមផ្ទាល់ខ្លួន ថ្ងៃទី១៥ ខែមិថុនា ឆ្នាំ២០២៤ លោកជំទាវ ឧកញ៉ា កែវ មុំ បានឱ្យដឹងថា ការសិក្សារៀនសូត្រគឺគ្មានថ្ងៃបញ្ចប់នោះទេ ពោលគឺរៀនហើយរៀនទៀត។

ជាមួយនឹងការលើកឡើងនេះ លោកជំទាវ ឧកញ៉ា ក៏បានថ្លែងអំណរគុណដល់លោកជំទាវបណ្ឌិតពេជ ចន្ទមុន្នី ហ៊ុន ម៉ាណែត ដែលបានប្រគល់សញ្ញាបត្រ «ភាពជាអ្នកដឹកនាំអន្តរជាតិផ្នែកសហគ្រិន» ពីសកលវិទ្យាល័យបញ្ញាសាស្ត្រ។

ទន្ទឹមនឹងនេះ លោកជំទាវ ឧកញ៉ា កែវ មុំ ក៏បានចែករំលែកពីគន្លឹះក្នុងការទទួលបានសញ្ញាបត្រផងដែរ ដោយលោកជំទាវ បានលើកឡើងថា «ដើម្បីទទួលបានសញ្ញាបត្រ ភាពជាអ្នកដឹកនាំអន្តរជាតិផ្នែកសហគ្រិន (International Executive Leadership Fellow, Mejoring in Entrepreneurship) ដែលមានតម្លៃស្មើសញ្ញាបត្របណ្ឌិតផ្នែក Doctor ត្រូវរៀនឱ្យបាន ៤៨ ក្រេឌីត បូកនិងក្រេឌីតដែលទទួលបានពីការសិក្សារយៈពេល ១៨ខែ ព្រមទាំងការដឹកនាំក្រុមហ៊ុនឱ្យមានការរីកចម្រើនចាប់ពី ៧ឆ្នាំឡើងទៅ»។

សូមជម្រាបជូនថា លោកជំទាវ ឧកញ៉ា កែវ មុំ គឺជាសហគ្រិនស្ដ្រីឆ្នើមមួយរូបនៅកម្ពុជា ក្រៅពីជាប្រធានក្រុមប្រឹក្សាភិបាល ក្រុមហ៊ុន លីលី ហ្វ៊ូដ អ៊ិនដាសទ្រី ខូអិលធីឌី (LYLY Food Industry Co.,Ltd) លោកជំទាវ ឧកញ៉ា ក៏ជា ប្រធានសភាមុខរបរ និងមីក្រូសហគ្រាសកម្ពុជាផងដែរ៕

The post ជំទាវទី១កម្ពុជា ប្រគល់សញ្ញាបត្រ ភាពជាអ្នកដឹកនាំអន្តរជាតិផ្នែកសហគ្រិន ដល់ឧកញ៉ា កែវ មុំ appeared first on .

នៅលើទំព័រហ្វេសប៊ុក​ផ្ទាល់​ខ្លួន​ កាលពី​ថ្ងៃទី២១ ខែឧសភា ម្សិលមិញនេះ ឧកញ៉ា កែវ មុំ បាន​លើកឡើង​ថា អបអរ​សាទរគម្រប់ខួប ២២ឆ្នាំនៃការបង្កើតក្រុមហ៊ុន លីលី ហ្វ៊ូដ អ៊ិនដាសទ្រី ខូអិលធីឌី។ ក្នុងឱកាស​ដ៏រីករាយ​នេះ លោកស្រី​សូមថ្លែងអំណរគុណ​ដល់​លោក ស៊ុយ សែម និង​លោក ចម ប្រសិទ្ធ អតីតរដ្ឋមន្ត្រី​ក្រសួង​ឧស្សាហកម្ម ព្រមទាំង លោក ហែម វណ្ណឌី បច្ចុប្បន្នរដ្ឋមន្ត្រីក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ និង មន្ត្រីក្រសួងឧស្សាហកម្មទាំងអស់ ដែលតែងតែជួយជ្រោមជ្រែង លើកទឹកចិត្ត​និងផ្ដល់វគ្គ​បណ្ដុះបណ្ដាលពង្រឹងសមត្ថភាពជាច្រើនដល់ក្រុមហ៊ុនលីលី។

ជាមួយគ្នា​នេះ លោកស្រីឧកញ៉ា​ស្ថាបនិកក្រុមហ៊ុនផលិតនំស្រួយលីលី ក៏​សូមថ្លែងអំណរគុណដល់បងប្អូន​ដែល​ជាសមាជិកមហាគ្រួសារនៃក្រុមហ៊ុនលីលីទាំងអស់ ដែលខិតខំប្រឹងប្រែងទាំងកម្លាំងកាយចិត្តធ្វើការនៅក្នុង ក្រុមហ៊ុនលីលីមកដល់បច្ចុប្បន្ននេះ។

ក្រុមហ៊ុន លីលី ហ៊្វូដ អ៊ិនដាសទ្រី បង្កើតឡើងដំបូង​នៅឆ្នាំ២០០២ បច្ចុប្បន្ន​មានរោងចក្រចំនួន ២ គឺ មួយ​ស្ថិតនៅរាជធានីភ្នំពេញ និងមួយទីតាំងទៀតស្ថិតនៅតំបន់សេដ្ឋកិច្ចពិសេសក្នុងខេត្តព្រះសីហនុ ហើយ​អាច​ផលិតនំបានជាង ៣០ ប្រភេទ។ ក្រុមហ៊ុន​ផលិត​នំ​ស្រួយ លីលី មិន​ត្រឹម​ជា​សហគ្រាស​ផលិត​​ ដើម្បី​ផ្គត់​ផ្គង់​​ ក្នុង​ស្រុក​ប៉ុណ្ណោះ​ទេ ថែម​ទាំង​​ក្លាយ​ជា​ក្រុមហ៊ុន​ខ្មែរ​ដំបូង​គេ ដែល​​មាន​សមត្ថភាព​ លក្ខណៈសម្បត្តិ​គ្រប់​គ្រាន់ ក្នុង​ការ​ផលិត​ ជា​ផលិតផល​សម្រេច​ចំណី​អាហារ នាំ​ចេញ​ទៅ​កាន់​ទីផ្សារ​អន្តរជាតិ ដូចជា សហរដ្ឋអាមេរិក កាណាដា អូស្ត្រាលី អ៊ីតាលី ថៃ មីយ៉ាន់ម៉ា វៀតណាម ចិន ម៉ាឡេស៊ី​ កូរ៉េខាងត្បូង ​អាហ្វ្រិក នូវែលសេឡង់ និង​ប្រទេស​​​ផ្សេងៗ​ទៀត​ផង​ដែរ។

លោកជំទាវ ឧកញ៉ា កែវ មុំ ស្ថាបនិក និង​ជាអគ្គនាយិកា​​ក្រុមហ៊ុន​នំ​ស្រួយលីលី ​​ធ្លាប់​ទទួលបានពានរង្វាន់ជា «សហគ្រាស​ល្អបំផុត» ពីចក្រភពអង់គ្លេសកាលពីឆ្នាំ២០១៥ លើ​ជោគជ័យអាជីវកម្មផលិតនំស្រួយ ចែកចាយ​ទាំងលើទីផ្សារក្នុងស្រុក និងលើទីផ្សារអន្តរជាតិ ប្រកបដោយគុណភាព និងអនាម័យខ្ពស់ស្របតាមស្ដង់ដារ​គុណភាពប្រទេសជប៉ុន។ ក្រុមហ៊ុន លីលី ហ៊្វូដ អ៊ិនដាសទ្រី បច្ចុប្បន្ន​ដឹកនាំ​ដោយ​លោកស្រី​ អ៊ឹង ឈីវលី ហៅ​ លីលី កូនស្រីឧកញ៉ា កែវ មុំ ជា​អគ្គនាយិកា និង​​មាន​ឧកញ៉ា កែវ មុំ ជាប្រធាន​ក្រុមប្រឹក្សាភិបាល៕

The post ឧកញ៉ា កែវ មុំ រៀបចំពិធីគម្រប់ខួប ២២ឆ្នាំ នៃការបង្កើតក្រុមហ៊ុនផលិតនំស្រួយលីលី appeared first on .

លោកស្រី ឧកញ៉ា កែវ មុំ តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post ឧកញ៉ា កែវ មុំ បរិច្ចាគថវិកាចំនួន៣ពាន់ដុល្លារ ជួយកាកបាទក្រហមកម្ពុជា appeared first on .

​លោកស្រីឧកញ៉ា កែវ មុំ ​​បាន​លើកឡើង​លើ​ទំព័រហ្វេសប៊ុក កាល​ថ្ងៃទី១៣ ខែមេសា ថា​លោកស្រី​សូមថ្លែងអំណរគុណ​ចំពោះសម្តេចតេជោ ហ៊ុន សែន ប្រធានព្រឹទ្ធសភា ទោះបីជាសម្ដេចមានភារកិច្ចការងារ​រវល់នៅក្រៅប្រទេស មិនបានចូល​រួមក្នុងពិធីសិរីមង្គលរបស់កូនប្រុស សុខ សង្វារ និងកូនស្រី អុឹង ឈឺវលី យ៉ាងណាក៏ដោយ ក៏សម្ដេចតេជោ និងសម្ដេច​កិត្តិព្រឹទ្ធ​បណ្ឌិត នៅតែឆ្លៀតឱកាសផ្ដល់មហាកិត្តិយស គួចចំណងដៃ និងប្រសិទ្ធិពរដល់គូស្វាមីភរិយាថ្មី នៅភូមិគ្រិះផ្ទាល់​របស់សម្ដេចទាំងទ្វេ ក្រោយពេលសម្ដេចចប់បេសកកម្ម។

ការផ្តល់​​កិត្តិយស​គួចចំណងដៃ​នេះ​ ធ្វើឡើង​ក្នុង​ឱកាស​ដែល​សម្តេចតេជោ និងសម្តេច​កិត្តិព្រឹទ្ធបណ្ឌិត រៀបចំ​ពិធី​សង្ក្រាន្ត​​ឆ្នាំថ្មី​​​លក្ខណៈ​គ្រួសារ​នៅភូមិគ្រឹះ​របស់​សម្តេច​​ផ្ទាល់ កាលពី​ថ្ងៃទី១៣ ខែមេសា ដោយ​ក្នុង​នោះ​​​​មាន​ការ​អញ្ជើញ​ចូលរួម​ពី​ភ្ញៀវកិត្តិយស​សាច់ញាតិ​​ជិតឆ្ងាយ​ជា​ច្រើន រួមទាំង​​លោកស្រី​ឧកញ៉ា កែវ មុំ ព្រមទាំង​លោក សុខ សង្វារ និង​ភរិយា អ៊ឹង ឈីវលី ផងដែរ។

កូនប្រុសពៅសម្តេច​វិបុលបញ្ញា​​ សុខ អាន គឺ​លោក សុខ សង្វារ រដ្ឋលេខាធិការ​ក្រសួងមុខងារសាធារណៈ បាន​រៀបមង្គលការ​ជាមួយ​​​កញ្ញា អ៊ឹង ឈីវលី ហៅ​ លីលី ម្ចាស់​ក្រុមហ៊ុន​ផលិត​នំ​ស្រួយ​លីលី កាលពី​ថ្ងៃទី២៧-២៨ ខែមីនា ឆ្នាំ២០២៤ ដោយ​​​​ពិធីប្រពៃណី​ផ្សេងៗ​​ប្រារព្វ​ធ្វើ​ឡើង​នៅ​គេហដ្ឋាន​​សម្ដេច សុខ អាន លើ​​ផ្លូវ​សម្ដេច​ប៉ាន និង​ពិធី​​ទទួល​ទាន​ភោជនីយាហារ​ ពេល​ល្ងាច​ថ្ងៃ២៨ គឺ​ធ្វើ​ឡើង​នៅ​មជ្ឈមណ្ឌល​សន្និបាត និង​ពិព័រណ៍​អន្តរជាតិ​ជ្រោយចង្វារ OCIC៕

The post សម្តេចតេជោ ហ៊ុន សែន ឆ្លៀតគួចចំណងដៃដល់កូនស្រីឧកញ៉ា កែវ មុំ និងលោក សុខ សង្វារ នៅភូមិគ្រឹះផ្ទាល់របស់សម្តេច appeared first on .

លោក សុខ សង្វារ ​​បាន​បង្ហោះ​​វីដេអូ​​មុន​អាពាហ៍ពិពាហ៍ ( Pre wedding) ​​​​​លើ​ទំព័រហ្វេសប៊ុក​​របស់​ខ្លួន​ ​​កាលពី​ថ្ងៃទី០១ ខែមេសា ​ម្សិលមិញ​នេះ បង្ហាញ​ពី​ទិដ្ឋភាព​​ដ៏​អស្ចារ្យ​នៃ​តំបន់​ទេសចរណ៍​ប្រវត្តិសាស្ត្រ​តាម​បណ្តាខេត្ត​មួយ​ចំនួន ក្នុង​លក្ខណៈ​សហសម័យ​ រាប់​ចាប់តាំង​ពី​សម័យ​អង្គរ សម័យ​ក្រោយ​អង្គរ រហូត​ដល់​សម័យ​ទំនើប។ ក្នុងវីដេអូ​ឃ្លីប​ជាង​៩នាទី លោក សុខ សង្វារ ​​បាន​បង្ហើប​ឱ្យ​ដឹង​ថា លោក​បាក់ចិត្ត​ស្រលាញ់​កញ្ញា​លីលី ជាយូរមក​ហើយ ជាពិសេស​ពេល​ឃើញ​កញ្ញាលីលី​ដំបូង លោក​សង្កេត​ឃើញ​ថា កញ្ញាមាន​អត្តចរិក​​សុភាព​រាបសារ កាយវិការ​ទន់ភ្លន់ ស័ក្តិសម​ជា​នារីខ្មែរ។ លោក​បន្ត​ថា កញ្ញាលីលី ជានារី​ម្នាក់​ប្រកប​ដោយ​ចរិយាសម្បត្តិ​ល្អ​គ្រប់ប្រការ ចេះ​ប្រតិបត្តិ​ជំនឿសាសនា រក្សា​បាន​នូវ​ទំនៀមទំលាប់​ប្រពៃណី ដែលស័ក្តិសម​ជា​នារី​ខ្មែរ​មាន​ពូជអម្បូរ មានចំណេះដឹង​ខ្ពង់ខ្ពស់ ប្រៀប​បាន​នឹង​នារី​គ្រប់លក្ខ័ណ៍។ បន្ថែមលើ​នេះ​ លោក​យល់​ថា កញ្ញាលីលី ជានារី​ឧស្សាហ៍​ម្នាក់ ប៉ិនប្រសប់​លើ​ការងារ​ផ្ទះសម្បែង ថែម​ទាំង​មាន​ចំណេះជំនាញ​ច្បាស់លាស់ អាច​​​រក​ប្រាក់​ចំណូល​ជួយ​ផ្គត់ផ្គង់​គ្រួសារ​ផង​ដែរ។

សូមជម្រាបថា លោក សុខ សង្វារ ​​និង​កញ្ញាលីលី ​​បាន​រៀបចំពិធី​មង្គលការ​ដ៏​ធំ​រយៈពេល ២​ថ្ងៃ​ពេញ នៅ​ថ្ងៃទី២៧-២៨ ខែមីនា ដោយ​​​​ពិធីប្រពៃណី​ផ្សេងៗ​​ប្រារព្វ​ធ្វើ​ឡើង​នៅ​គេហដ្ឋាន​​សម្ដេច សុខ អាន លើ​​ផ្លូវ​សម្ដេច​ប៉ាន និង​សម្រាប់​​ការ​ទទួល​ទាន​ភោជនីយាហារ​ ពេល​ល្ងាច​ថ្ងៃ២៨ គឺ​ធ្វើ​ឡើង​នៅ​មជ្ឈមណ្ឌល​សន្និបាត និង​ពិព័រណ៍​អន្តរជាតិ​ជ្រោយចង្វារ OCIC៕

សូមទស្សនាវីដេអូ (ចុចទីនេះ)

The post មកដឹងពីលក្ខណៈពិសេសរបស់កូនស្រីឧកញ៉ា កែវ មុំ ដែលធ្វើឱ្យលោក សុខ សង្វារ ជាប់ចិត្តលង់ស្រលាញ់ appeared first on .

ក្នុង​នោះ​មាន​ថ្នាក់​ដឹកនាំ​ប្រទេស​គឺ​សម្ដេចមហាបវរធិបតី ហ៊ុន ម៉ាណែត ,សម្ដេច​ពិជ័យ​សេនា ទៀ បាញ់ និង​ថ្នាក់​ដឹកនាំ​តាម​ស្ថាប័ន​សំខាន់​ៗ​ជាច្រើន​រូប​ទៀត ដែល​បាន​ចូលរួម​តាំងពី​ថ្ងៃ​រហូត​ដល់​កម្មវិធី​ទទួល​ទាន​ភោជនីយាហារ​តែម្ដង។

មិន​ត្រឹម​តែ​ថ្នាក់​ដឹក​នាំ​ប៉ុណ្ណោះ​ទេ​អ្នក​ជំនួញ​ល្បី​ៗ​ក្នុង​ស្រុក​ទាំង​ប៉ុន្មាន​សុទ្ធសឹង​បាន​ចូលរួម​ជូន​ពរជ័យ​គូ​ស្វាមី​ភរិយា​ថ្មីថ្មោង​នេះ។ ភ្ញៀ​វក៏​បាន​សរសើរ​ពី​ការ​រៀបចំ ក៏​ដូច​ជា​ប្រណីតភាព​នៃ​កម្មវិធី​របស់​គូស្នេហ៍​នេះ​ដែរ ពិតជា​ស័ក្ដិសម​ជា​ត្រកូល​អភិជន​ពិតៗ៕

The post ភ្ញៀវកិត្តិយសមង្គលការកូនស្រីឧកញ៉ា កែវ មុំ និងកូនប្រុសសម្ដេចវិបុលបញ្ញា សុខ អាន យប់មិញ សុទ្ធតែថ្នាក់ដឹកនាំធំៗលំដាប់ប្រទេស appeared first on .

ការរក្សាបាននូវក្បាច់ខ្មែរយកមកលម្អរោងការ ទទួលបានការចាប់អារម្មណ៍ច្រើនពីសំណាក់មហាជន និងភ្ញៀវកិត្តិយស​ក្នុង​កម្មវិធីផ្ទាល់។ មង្គលការមួយនេះ រៀបចំបានយ៉ាងប្រណីតឥតខ្ចោះ ហើយផ្ទៃជញ្ចាំងក៏ជាម៉ូដបែបបុរាណ​ដូចជញ្ចាំង​ប្រាសាទ​ផងផង។

គួរបញ្ចាក់ថាលោក សុខ សង្វារ និងកូនក្រមុំ អ៉ឹង ឈីវលី បានរៀបចំមង្គលការតាមបែបខ្មែរបុរាណ ដោយមានពិធីផ្សេងៗ​ច្រើនហូរហែ។

មិនត្រឹមជ្រើសការតុបតែងបែបខ្មែរនៅរោងជ័យឡើយ គូស្វាមីភរិយាយគូនេះ ក៏បានជ្រើសថត Pre-Wedding នៅខ្មែរ ដើម្បីផ្សព្វផ្សាយពីតំបន់ទេសចរណ៍ខ្មែរឲ្យភ្ញៀវស្គាល់ផងដែរ៕

The post រោងជ័យមង្គលការកូនស្រីឧកញ៉ា កែវ មុំ និងកូនប្រុសសម្ដេច សុខ អាន តុបតែងដូចប្រាសាទព្រះវិហារ appeared first on .