លោកស្រីឧកញ៉ា ខុង លីស៊ីអាណា គឺជាម្ចាស់ក្រុមហ៊ុន ឌីអិនជី គ្រុប (D N G Group) ដែលជាប្រភេទអាជីវកម្មសំណង់ (សាងសង់អគារ) មានទីស្នាក់ការកណ្តាល នៅសង្កាត់បឹងព្រលិត ខណ្ឌ៧មករា រាជធានីភ្នំពេញ។ លោកស្រីឧកញ៉ា ត្រូវបានគេស្គាល់ថា ជាម្តាយរបស់លោក ឌួង ឆាយ អគ្គនាយកក្រុមហ៊ុន Downtown Development និងជាម្ចាស់បុរី ដោនថោន ផ្លូវ ២០០៤ រាជធានីភ្នំពេញ។

លោកស្រីឧកញ៉ា ខុង លីស៊ីអាណា ត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់ផ្តល់គោរមងារ «ឧកញ៉ា» កាលពីថ្ងៃទី២៧ ខែកក្កដា ឆ្នាំ២០២៣។

ក្រោយទទួលបានគោរមងារ «អ្នកឧកញ៉ា» សមាគមឧកញ៉ាកម្ពុជា បានចេញសារសម្តែងការអបអរសាទរ យ៉ាងដូច្នេះថា៖ “ថ្នាក់ដឹកនាំ ក្រុមប្រឹក្សាភិបាល និងសមាជិកនៃសមាគមឧកញ៉ាកម្ពុជា សូមចូលរួមអបអរសាទរ លោកជំទាវ ឧកញ៉ា ខុង លីស៊ីអាណា សមាជិក នៃសមាគមឧកញ៉ាកម្ពុជា ក្នុងឱកាសដែលព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា»។ សូមជូនពរ លោកជំទាវអ្នកឧកញ៉ា ខុង លីស៊ីអាណា និងលោកជំទាវ ព្រមទាំងក្រុមគ្រួសារ ទទួលបាននូវភាពជោគជ័យគ្រប់ភារកិច្ចទាំងពួងនិងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ”៕

The post ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ជូនឧកញ៉ា ខុង លីស៊ីអាណា សមាជិកសមាគមឧកញ៉ាកម្ពុជា appeared first on .

ផ្ទះមួយ​ល្វែង ចំនួន៤ជាន់ ដែល​លោកជំទាវឧកញ៉ា ខុង លីស៊ីអាណា បរិច្ចាគ​នេះ​ គឺ​​ផ្ទះ​លេខ​ B17 ក្នុងបុរី អេច អិល ស្ថិតនៅភូមិ​២៤ សង្កាត់​ព្រៃសរ ខណ្ឌដង្កោរ រាជធានីភ្នំពេញ តាមបណ្តោយផ្លូវសន្តិភាព។

លោកជំទាវឧកញ៉ា ខុង លីស៊ីអាណា បាន​ថ្លែង​ប្រាប់​ដល់​ ឧកញ៉ាញូស៍ ឱ្យដឹងថា ការ​បរិច្ចាគ​ខាង​លើ​នេះ គឺ​ដោយសារ​លោក​ជំទាវ​យល់ឃើញថា អង្គការមួយនេះបានជួយដល់កុមារជាច្រើននៅកម្ពុជា។ ក្នុងនាមលោកជំទាវ​ជាប្រជាពលរដ្ឋមួយរូប ពិតជា​សប្បាយចិត្ត​នៅពេលឃើញពួកគាត់ជាអ្នករស់នៅបរទេស ឆ្លៀតពេលវិសមកាលម្តងៗ តែងតែ​ប្រមូលសមាជិកមកជួយ​ដល់​ខ្មែរ​យើង​ដល់​ជនបទ​ ឬ​តំបន់ដាច់ស្រយាល​ពី​ទីក្រុង​រាប់រយ​គីឡូម៉ែត្រ​​ ​ក៏​ពួកគាត់​ព្យាយាម​មក​ជួយ​ខ្មែរ​យើង។ នេះ​ហើយ​ជា​ក្តីស្រឡាញ់ ការចែករំលែក ហើយ​យើង​ចង់ឃើញ​ប្រជាពលរដ្ឋយើង តែងតែ​មាន​អ្នកជួយ។

លោកជំទាវឧកញ៉ា បាន​បន្ថែម​ទាំង​អួលដើមក​ថា៖ “នៅពេល​យើង​មាន​លុយ​យើង​អាច​រក​ពេទ្យផ្សេងៗ​បាន ប៉ុន្តែ​សម្រាប់​អ្នក​គ្មាន​លទ្ធភាព អ្នកអត់ តើ​គ្នា​ទៅ​រក​ពេទ្យនៅ​ទីណា។ នេះ​ហើយ​ជា​ទឹកចិត្ត​ នៅពេលខ្ញុំ​ឃើញ​ហើយ ខ្ញុំ​អាណិត ខ្ញុំស្ម័គ្រចិត្ត​ថា​ខ្ញុំ​នឹង​ជួយ​​ជា​ទីស្នាក់ការ​សម្រាប់​​ពួកគាត់ ដែលជាកត្តា​ចាំបាច់បំផុត​សម្រាប់​ការ​ព្យាបាលជូន​ប្រជាពលរដ្ឋ​យើង​ទាំងអស់​គ្នា​បាន​ទាន់​ពេល​វេលា​ ដូចជា​ក្មេងៗគាត់ក្រ មិនមាន​លុយ​ទៅព្យាបាល ក្មេងៗខ្លះ​គាត់​ឆែបមាត់ ត្រចៀកថ្លង់ ត្រូវការវះកាត់ និងមាន​ច្រើន​រូបភាព​ដែល​ខ្ញុំ​មើលឃើញ។ ការបរិច្ចាគ​នេះ ជាក្តីស្រឡាញ់​និងជាការចែករំលែក”។

សូមជម្រាបថា នេះមិនមែនលើកទីមួយទេ ដែល​លោកជំទាវឧកញ៉ា​ ខុង លីស៊ីអាណា ចូលរួមបរិច្ចាគ​ធនធានផ្ទាល់ខ្លួន​ជួយ​ដល់​សង្គម។ កន្លងមក លោកជំទាវឧកញ៉ា ក៏តែងតែ​ចូលរួម​បរិច្ចាគ​ជូន​កាកបាទក្រហម និង​បរិច្ចាគ​ជូន​រាជរដ្ឋាភិបាល​ក្នុង​សកម្មភាព​សប្បុរសធម៌​ផ្សេងៗ។ តាមរយៈ​ការ​បរិច្ចាគ​ធនធាន​ផ្ទាល់​ខ្លួន​ជា​ហូរហែ​មក​នេះ លោកជំទាវ​ត្រូវ​បាន​ព្រះមហាក្សត្រ​​ចេញ​ព្រះរាជក្រឹត្យ​ ត្រាស់បង្គាប់​ផ្តល់​គោរមងារ «ឧកញ៉ា» កាលពី​ថ្ងៃទី២៧ ខែកក្កដា ឆ្នាំ២០២៣។

អង្គការ អាង ស័ង អ៊ីន វី ត្រូវបាន​បង្កើត​ឡើង​ដោយ​ក្រុមគ្រូពេទ្យស្ម័គ្រចិត្ត​ជនជាតិបារាំង និង​បាន​ជួយ​ដល់​ប្រជាពលរដ្ឋ​កម្ពុជា ចាប់ពីឆ្នាំ២០១៨។ កន្លងមក អង្គការ​មួយ​នេះ តែង​សហការជាមួយ មន្ទីរសុខាភិបាល​រាជធានី-ខេត្ត មន្ទីរពេទ្យបង្អែក រួមជាមួយ​គ្រូពេទ្យឯកទេស ដើម្បី​ចុះពិនិត្យ ព្យាបាល និងវះកាត់​កុមារ ពិការភាពមុខមាត់ និងអវៈយវៈ ជូន​ប្រជាពលរដ្ឋ​ដោយ​ឥតបង់ប្រាក់៕

The post លោកជំទាវឧកញ៉ា ខុង លីស៊ីអាណា បរិច្ចាគផ្ទះ១ល្វែង ដល់អង្គការ អាង ស័ង អ៊ីន វី ធ្វើជាទីស្នាក់ការកណ្តាល appeared first on .

លោកស្រី ខុង លីស៊ីអាណា ​​ត្រូវ​បាន​ព្រះមហាក្សត្រ​​ចេញ​ព្រះរាជក្រឹត្យ​ ត្រាស់បង្គាប់​ផ្តល់​គោរមងារ «ឧកញ៉ា» កាលពី​ថ្ងៃទី២៧ ខែកក្កដា ឆ្នាំ២០២៣។ លោកស្រីឧកញ៉ា ​​​​ត្រូវ​បាន​គេ​ស្គាល់​ថា ​​ជា​ម្តាយ​របស់​លោក ឌួង ឆាយ អគ្គនាយកក្រុមហ៊ុន Downtown Development និង​ជា​ម្ចាស់​បុរី ដោនថោន ផ្លូវ ២០០៤ រាជធានីភ្នំពេញ។ លោកស្រីឧកញ៉ា ជាម្ចាស់ក្រុមហ៊ុន ឌីអិនជី គ្រុប ដែលជា​ប្រភេទ​អាជីវកម្ម​សំណង់ (សាងសង់​អគារ) មាន​ទីស្នាក់ការកណ្តាល នៅ​សង្កាត់​បឹង​ព្រលិត ខណ្ឌ៧មករា រាជធានីភ្នំពេញ។

សភាពាណិជ្ជកម្ម​កម្ពុជា​ ត្រូវ​បាន​បង្កើត​ឡើង​ក្នុង​ឆ្នាំ​១៩៩៥ ដោយ​មាន​ទំនាក់​ទំនង​នៅទូទាំង​ប្រទេស ព្រមទាំង​ដៃ​គូ​កម្រិត​តំបន់ ​និង​ពិភព​លោក។ បច្ចុប្បន្ន​ មាន​សភាពាណិជ្ជកម្ម​កម្ពុជា មានសភាពា​ណិជ្ជកម្មរាជ​ធានី​-ខេត្ត ចំនួន​សរុប១៨ ដែលស្ថិតនៅ​ក្រោម​សភាពាណិជ្ជកម្ម​កម្ពុជា និង​គ្រោង​ពង្រីក​ឱ្យ​បាន​ទាំង​​ ២៥រាជធានី-ខេត្ត ក្នុងពេលឆាប់ៗ។

សភាពាណិជ្ជកម្ម​ ជា​ស្ថាប័នគ្រឹះស្ថានសាធារណៈមួយនៅក្រោមអាណាព្យាបាលក្រសួងពាណិជ្ជកម្ម​ មិនស្វែង​​រកប្រាក់​ចំណេញ ​ដែល​សមាជិក​ភាព​មាន​លក្ខណៈ​ស្ម័គ្រ​ចិត្ត​ និង​ជា​ស្ថាប័ន​តំណាងការពារ​ផល​ប្រយោជន៍ជូន​វិស័យ​ឯកជន​​​លើ​ផ្នែក​ពាណិជ្ជកម្ម​ ឧស្សាហកម្ម សិប្បកម្ម​ សេវាកម្ម​ និង​កសិកម្ម ដោយ​ធ្វើ​សកម្ម​ភាព​បម្រើ​ឱ្យ​សេដ្ឋកិច្ចជាតិ ​ក្នុង​ដែន​សមត្ថកិច្ច​របស់​ខ្លួន​​នៅ​ទូទាំង​ប្រទេស និងនៅក្នុងក្របខ័ណ្ឌអន្តរជាតិ៕

The post ​ឧកញ៉ា ខុង លីស៊ីអាណា ម្តាយលោក ឌួង ឆាយ ក្លាយជាសមាជិកថ្មីរបស់សភាពាណិជ្ជកម្មកម្ពុជា appeared first on .

ព្រះរាជក្រឹត្យផ្តល់គោរមងារ «ឧកញ៉ា» ជូនលោក​ស្រី ខុង លីស៊ីអាណា​​ លេខ នស/រកត/០៧២៣/១៦៤២ នេះ ត្រូវបាន​ធ្វើ​ឡើង​តាម​សេចក្តី​ក្រាប​បង្គំ​ទូលថ្វាយ​របស់​សម្តេចតេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

លោក​ស្រី ខុង លីស៊ីអាណា​​ ​​​​ត្រូវ​បាន​គេ​ស្គាល់​ថា ​ជា​ភរិយា​របស់​លោក​ឧកញ៉ា ឌួង ងៀប និង​ជា​ម្តាយ​របស់​លោក ឌួង ឆាយ អគ្គនាយកក្រុមហ៊ុន Downtown Development និង​ជា​ម្ចាស់​បុរី ដោនថោន ផ្លូវ ២០០៤ រាជធានីភ្នំពេញ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនម្តាយលោក ឌួង ឆាយ appeared first on .