១.ចាប់ពីចេញបទដំបូងមកដល់បច្ចុប្បន្នជាង ២០ ឆ្នាំ លោកឧកញ៉ាមានបទល្បីប្រចាំខែប្រចាំឆ្នាំមិនដែលដាច់ ជាច្រើនរាប់មិនអស់មកដល់បច្ចុប្បន្ន

២.លោកឧកញ៉ាអាចច្រៀងបានគ្រប់ទម្រង់មិនថាបទស្រុកស្រែ បទយុវវ័យសម័យ បទកន្ទ្រឹម បទញាក់បទ hiphop និយាយរួមគ្រប់ចង្វាក់គាត់អាចធ្វើបានហើយល្បីគ្រប់ទម្រង់

៣.ហ្វេនដែលគាំទ្រលោកឧកញ៉ាហើយនិងយកតម្រាប់តាម ភាគច្រើនក្លាយជាតារាចម្រៀងល្បីឧទាហរណ៍ ខេម ពេជ្រថាណា ចឺម អនុស្សាវរីយ៍ លីមតិចម៉េង ណាក់ហ្វេក ចឹម និងចាន់ សុបញ្ញា មានច្រើនទៀត

៤.លោកឧកញ៉ាគឺជាតារាចម្រៀងតែម្នាក់ដែលអាចថែរូបរាងឱ្យមានសាច់ដុំសមជាគំរូដល់យុវជននិងហ្វេនឱ្យចេះស្រឡាញ់សុខភាព

៥.ចំណុចខ្លាំងមួយទៀត ទោះលោកឧកញ៉ាផ្ដើមចេញពីកូនកសិករក្រីក្រ និងផ្តើមចេញពីអ្នកចម្រៀងបែបស្រុកស្រែ តែអាចធ្វើឱ្យបទចម្រៀងល្បីជាអន្តរជាតិឧទាហរណ៍ បទ Call me papa ជាដើម។

សូមជម្រាបថា លោកឧកញ៉ា ខេមរៈ សិរីមន្ត ជាតារាចម្រៀងជើងចាស់ និងជាអ្នកជំនួញម្នាក់ផងដែរ។ តាមរយៈ​សកម្មភាពចូលរួម​ក្នុងការឧបត្ថម្ភដល់រដ្ឋាភិបាលជាច្រើន លោក ខេមរៈ សិរីមន្ត ដែលមានឈ្មោះពិតថា «ខែម ប៊ុនថៃ» ត្រូវបានព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់ផ្ដល់គោរមងារ ជា «ឧកញ៉ា» នៅថ្ងៃទី១១ ខែកុម្ភៈ ឆ្នាំ២០២២៕

The post ៥ចំណុចរបស់ ឧកញ៉ា ខេមរៈ សិរីមន្ត ដែលធ្វើឱ្យតារាចម្រៀងផ្សេងពិបាកធ្វើដូច appeared first on .

ដូចអ្វីដែលទស្សនិកជនបានឃើញកំពូលតារាចម្រៀង ខេមរៈ សិរីមន្ត ចេញសម្តែងនៅក្នុងផាប់លើកនេះ គឺមានការគាំទ្រហួសពីការរំពឹងទុក រហូតមានអ្នកខ្លះបានសំណូមពរឱ្យលោកបកស្រាយនូវបទចម្រៀងមួយបទដែលមានចំណងជើងថា « អន្ទងស្នេហ៍ » ដែលជាបទចម្រៀងល្បីល្បាញរបស់លោក កាលពីជាង២០ឆ្នាំមុន ។

ឆ្លើយតបតាមសំណូមពរពីអ្នកគាំទ្រ កំពូលតារាចម្រៀង ឧកញ៉ា ខេមរៈ សិរីមន្ត ក៏បានលើកយកបទចម្រៀង « អន្ទងស្នេហ៍ » មកបកស្រាយដើម្បីជាកាដូដល់អ្នកគាំទ្រ ប៉ុន្តែអ្វីដែលមានការហួសចិត្តនោះ ក្រោយពីបកស្រាយបទចម្រៀងនេះរួច ស្រាប់តែផ្ទុះការរិះគន់ពេញបណ្តាញសង្គម ថា ឧកញ៉ា ខេមរៈ សិរីមន្ត បានច្រៀងបទចម្រៀងលំនាំបទចម្រៀងថៃទៅវិញ ។ ប៉ុន្តែក្រោយពីធ្វើការស្រាវជ្រាវឃើញថា ប្រភពនៃភ្លេងបទចម្រៀងដែលលោក ខេមរៈ សិរីមន្ត លើកមកច្រៀងនេះ គឺស្រដៀងមេឡូឌីបទចម្រៀងខ្មែរពីដើមមួយដែរមានចំណងជើងថា « មាននឹកបងទេ » ដែលច្រៀងដោយលោក កង ផាណូ និងបានថតនៅវិទ្យជាតិនៅឆ្នាំ១៩៧៤ មកម្ល៉េះ។

កំពូលតារាចម្រៀង ឧកញ៉ា ខេមរៈ សិរីមន្ត បានលើកយកបទចម្រៀង « អន្ទងស្នេហ៍ » មកបកស្រាយលើឆាកក្នុងផាប់នេះ ក៏ដោយសារមានការសំណូមពរច្រើនពីសំណាក់អ្នកគាំទ្រនៅក្នុងថ្ងៃនោះប៉ុណ្ណោះ ។ ចំណែករូបលោកក៏រីករាយនិងបានធ្វើតាមសំណូមពររបស់អ្នកគាំទ្រ ដោយមិនដឹងថា នឹងមានការរិះគន់បែបនេះកើតឡើងចំពោះលោកឡើយ ។

សូមទស្សនិកជនឈប់រិះគន់ជាន់ពន្លិចខ្មែរដូចគ្នាតទៅទៀត ការពិតទៅបទចម្រៀងល្បីៗជាច្រើននៅទសវត្សឆ្នាំ២០០០ យើងមិនដឹងប្រភពដើមច្បាស់លាស់នោះទេ៕

The post នៅឆ្នាំ១៩៧៤ មានចម្រៀងខ្មែរ១បទ មានមេឡូឌីភ្លេងស្រដៀងបទ« អន្ទងស្នេហ៍ » របស់កំពូលតារាចម្រៀង ឧកញ៉ា ខេមរៈ សិរីមន្ត appeared first on .

ក្នុងអំឡុងបុណ្យចូលឆ្នាំថ្មីប្រពៃណីខ្មែរ កំពូលតារាចម្រៀង ឧកញ៉ា ខេមរៈ សិរីមន្ត បានសម្រុកចេញបទចម្រៀងចំនួន៧បទជាប់ៗគ្នាមានគ្រប់រសជាតិ ជាក់ស្តែងបន្ទាប់ពីចូលឆ្នាំរួចរយៈពេល៣ថ្ងៃ គេសង្កេតឃើញថា បទចម្រៀងរបស់លោកទាំងថ្មីទាំងចាស់បានធ្វើឱ្យកក្រើកឆាកតន្រ្តី ក៏ដូចជាពេញនិយមចាក់ និងរាំលេងកម្សាន្តយ៉ាងខ្លាំងពីសំណាក់ពុកម៉ែបងប្អូនទាំងនៅទីក្រុង និងតាមបណ្តាខេត្តនានា និងសុះសាយដល់ក្រៅប្រទេសផងដែរ ។

បទចម្រៀងរបស់កំពូលតារាចម្រៀង ឧកញ៉ា ខេមរៈ សិរីមន្ត ទាំង៧បទនោះរួមមាន

បទ « សៅអើយនាងសៅ »

បទ« Khmer Vibe »

បទ« ឆ្នាំនឹងសៀមរាបសប្បាយខ្លាំង »

បទ« តាលុងខេមរៈខ្មែរ West Side »

បទ« កាត់ជើងត្រុំក្រមុំជើងអក »

បទ« ទៅឬមិនទៅ »

បទ « អូនលេងបងបាត់ »

មិនតែប៉ុណ្ណោះបទចម្រៀងពីមុនៗរបស់លោកដូចជាបទ « ដង្ខៅក្របី » កាឡុកកាឡុក » «អ្នកស្រែក៏មានដុល្លារ » ក៏ផ្ទុះឡើងវិញពេញផ្ទៃប្រទេស និងប្រទេសជិតខាងដូចជា ថៃ វៀតណាម ផងដែរ ។

គួរបញ្ជាក់ផងដែរថា បទចម្រៀងរបស់កំពូលតារាចម្រៀង ឧកញ៉ា ខេមរៈ សិរីមន្ត នៅក្នុងផលិតកម្ម ហ្គាឡាក់ស៊ី ណាវ៉ាត្រា តែងតែនាំមុខគេជានិច្ច ក្នុងរដូវកាលចូលឆ្នាំថ្មីប្រពៃណីខ្មែរ អស់រយៈពេលជាង ២០ ឆ្នាំមកនេះ ដោយសារតែបទចម្រៀងរបស់លោកផលិតឡើងយ៉ាងមានគុណភាព ទាំងសាច់ភ្លេង ទំនុកច្រៀង ជាពិសេសសំឡេងរបស់លោក គឺបត់បែនបានគ្រប់កាលៈទេសៈ ៕

The post បទចម្រៀងល្បីៗទាំង៧របស់កំពូលតារាចម្រៀង ឧកញ៉ា ខេមរៈ សិរីមន្ត ផ្ទុះការគាំទ្រខ្លាំងក្នុងឱកាសពិធីបុណ្យចូលឆ្នាំខ្មែរនេះ appeared first on .

បទ «សៅអើយនាងសៅ» ដែលលោកឧកញ៉ា ខេមរៈ សិរីមន្ដ ត្រៀមសម្រាប់បងប្អូនរាំលេងកម្សាន្ដក្នុងឱកាសបុណ្យចូលឆ្នាំថ្មី ឆ្នាំ២០២៥នេះ គឺមានការគាំទ្រខ្លាំងតាំងពីចេញដំបូង រហូតមកដល់ពេលនេះ សន្ទុះមហាជនគាំទ្រនៅតែច្រើន កើនឡើងពីមួយថ្ងៃទៅមួយថ្ងៃ។

សូមជម្រាបជូនថា ចម្រៀងមួយបទនេះមិនមែនជាចម្រៀងទី១នោះទេ ដែលលោកឧកញ៉ា ត្រៀមសម្រាប់ពិធីបុណ្យចូលឆ្នាំថ្មីប្រពៃណីជាតិខ្មែរដែលនឹងឈានដល់ក្នុងពេល២សប្ដាហ៍ខាងមុខនេះ។ ពោលគឺមានបទដទៃទៀត ដូចជាបទ «ព្រមទៅយកបងធ្វើប្តី» ដោយក្នុងបទចម្រៀងបានលាយបញ្ចូលគ្រប់រសជាតិ ទាំងល្ខោនខោល ល្ខោនស្បែក និងឈុតសំលៀកបំពាក់ជនជាតិដើមខ្មែរលើផងដែរ។

សូមគូសបញ្ជាក់ផងដែរថា លោកឧកញ៉ា ខេមរៈ សិរីមន្ត ជាអ្នកបើកផ្លូវសិល្បៈចេញទៅក្រៅប្រទេសមុនគេបង្អស់ កាលពីឆ្នាំ 2017 ដែលលោកបានហ្វីតជាមួយនឹងកំពូលតារាចម្រៀងប្រទេសថៃលោក ទិចឆេរ៉ូ ទើបធ្វើឲ្យចម្រៀងខ្មែរយើងបានរីកចម្រើនទៅដល់ប្រទេសជិតខាងនិងអន្តរជាតិដូចពេលនេះ៕

@yingyong24 #เซาเว้ยเนียงเซาทานอฯ #เพลงดังในติ๊กต๊อก #เพลงกัมพูชา ♬ original sound – Galaxy Navatra KH

The post ផ្ទុះកក្រើកប្រទេសថៃ! លោកយីងយ៉ុងស្ដេចកន្ទ្រឹមរបស់ប្រទេសថៃ ស្រលាញ់និងលេងបទ«សៅអើយនាងសៅ» របស់ស្ដេចចម្រៀងខ្មែរ ឧកញ៉ា ខេមរៈ សិរីមន្ត appeared first on .

តាមរយៈរូបភាពជាច្រើនរូមជាមួយវិដេអូខ្លីៗដែលលោកឧកញ៉ា ខេមរៈ សិរីមន្ត បានថតជាមួយតួសម្តែងព្រះពុទ្ធលោក Gagan Malik នេះពិតជាធ្វើឱ្យមហាជនមានការចាប់អារម្មណ៍ខ្លាំង ។ កំពូលតារាចម្រៀង ខេមរៈ សិរីមន្ត  ថែមទាំងបានរៀបរាប់ថា « ស្វាគមន៍តួរអង្គសម្ដែងជាព្រះពុទ្ធក្នុងឆ្នាំ2013និងក៏ជាតួរអង្គព្រះរាមរបស់ប្រទេសឥណ្ឌាមកកាន់កម្ពុជា ។ នេះក៏ជាផ្នែកមួយដ៏សំខាន់សម្រាប់ផ្សព្វផ្សាយកម្ពុជាទៅកាន់ពិភពលោក » ។

តារាចម្រៀងឧកញ៉ា ខេមរៈ សិរីមន្ត បានបន្ថែមដោយក្តីរំភើបថា តាមរយៈក្រសួងទេសចរណ៍បានរៀបចំឱ្យលោកបានជួបជាមួយលោក Gagan Malik បានជួបគ្នាដើម្បីផ្សព្វផ្សាយទេសចរណ៍នៅក្នុងប្រទេស កម្ពុជា ទៅកាន់ពិភពលោកជាពិសេសនៅតំបន់ទេចរណ៍ក្នុងទឹកដីខេត្ត សៀមរាប ។

លោក Gagan Malik ក៏បានចែករំលែកនូវចំណេះដឹង និងបទពិសោធន៌ទៅកាន់ព្រះសង្ឃ និងប្រតិបត្តិករទេសចរណ៍ក្នុងការរៀបចំតំបន់ និងវត្តអារាម អនាម័យ និងបរិស្ថាន ដើម្បីទាក់ទាញទេចរសាសនា ៕

The post តារាចម្រៀងឧកញ៉ា ខេមរៈ សិរីមន្ត និងតារាបូលីវូតឥណ្ឌាតួសម្តែងព្រះពុទ្ធលោក Gagan Malik ចាប់ដៃគ្នាផ្សព្វផ្សាយទេសចរណ៍កម្ពុជាទៅកាន់ពិភពលោក   appeared first on .

បើតាមគម្រោងតារាចម្រៀងលោកឧកញ៉ា ខេមរៈ សិរីមន្ត នឹងចេញសម្តែងនៅសហរដ្ឋអាមេរិក ថ្ងៃទី ២៨ ខែ កញ្ញា ឆ្នាំ ២០២៤ នៅទីក្រុង សាន់ហ្រ្វាន់ស៊ីស្កូ ក្នុងកម្មវិធី The Inaugural Cambodia Day ។ ជាមួយនិងការត្រៀមខ្លួនចេញទៅក្នុងកម្មវិធីនេះ កំពូលតារាចម្រៀងលោក ខេមរៈ សិរីមន្ត បាននិយាយទៅកាន់អ្នកគាំទ្ររបស់លោក ថា « ដោយក្តីគោរព ខ្ញុំបាទតំណាងសិល្បករកម្ពុជាផ្នែកសម័យ នឹងទៅជួបជាមួយបងប្អូនពូមីងនៅ សហរដ្ឋ អាមេរិក តំបន់ ញូវញៀនស្វែរ ទីក្រុង សាន់ហ្រ្វាន់ស៊ីស្កូ ក្នុងកម្មវិធីThe Inaugural Cambodia Day នៅថ្ងៃទី ២៨ ខែ កញ្ញាឆ្នាំ ២០២៤ ។  

កម្មវិធីនេះមានសារៈសំខាន់ខ្លាំងណាស់ដើម្បីផ្សព្វផ្សាយវប្បធម៌អរិយធម៌ខ្មែរ និងផលិតផលខ្មែរទៅកាន់ពិភពលោក សូមពូមីងបងប្អូននៅសហរដ្ឋអាមេរិកចូលរួមទាំងអស់គ្នាដោយសេរីដើម្បីបុព្វហេតុរួមចំណែកផ្សព្វផ្សាយកម្ពុជាទៅកាន់ពិភពលោក »។ 

កំពូលតារាចម្រៀង ខេមរៈ សិរីមន្ត បានត្រៀមខ្លួនរួចរាល់ហើយដើម្បីចេញទៅសម្តែងតាមគម្រោងដែលបានគ្រោងទុក ។ នៅក្នុងការប្រគំតន្រ្តីនោះផងដែរ ក៏មានការការតាំងពិព័រណ៌នូវផលិតផល ខ្មែរ គ្រប់មុខដើម្បីផ្សព្វផ្សាយទៅកាន់ពិភពលោក ។ កំពូលតារាចម្រៀង ខេមរៈ សិរីមន្ត ពិតជារំភើបចិត្តខ្លាំងណាស់ជាមួយនិងការត្រៀមចេញទៅសម្តែងនៅលើទឹកដី សហរដ្ឋអាមេរិក ជាថ្មីម្តងទៀត ដើម្បីជួបមុខពុកម៉ែបងប្អូន ខ្មែរយើង ។ 

ថ្វីដ្បិតតែកំពូលតារាចម្រៀងលោក ខេមរៈ សិរីមន្ត មមាញឹកនៅក្នុងការងាររកស៊ីរបស់លោកក្តី លោកនៅតែចេញ បទចម្រៀងថ្មីៗនៅក្នុងផលិតកម្ម ហ្គាឡាក់ស៊ីណាវ៉ាត្រា ដូចជាពេលមុនដដែល ដើម្បីបំពេរអារម្មណ៍អ្នកគាំទ្រ ជាក់ស្តែងរាល់ពេលបទចម្រៀងនិមួយៗរបស់លោកចេញជាផ្លូវការម្តងៗ ពិតជាទទួលបានការគាំទ្រច្រើនពីមហាជន ៕

The post កំពូលតារាចម្រៀង ឧកញ៉ា ខេមរៈ សិរីមន្ត តំណាងសិល្បករខ្មែរ ត្រៀមចេញទៅសម្ដែងក្នុងមហាព្រិត្តិការណ៍ដ៏ធំនៅទឹកដីអាមេរិក appeared first on .

បទចម្រៀង « ព្រែកជីកហ្វូណនតេជោ » គឺនិពន្ធ Melody និទំនុកច្រៀងដោយលោក ខេមរៈ ភារុណ ដែលត្រូវជាបងប្រុសរបស់លោក ខេមរៈ សិរីមន្ត ផ្ទាល់តែម្តង ដែលគ្រប់គ្រងការផលិតដោយ អ្នកឧកញ៉ា ឡេង ណាវ៉ាត្រា ។

បទចម្រៀងនេះក៏បានផុសនៅលើផេកផ្លូវការរបស់សម្តេចធិបតី ហ៊ុន ម៉ាណែត ផងដែរកាលពីម្សិលមិញនេះ ជាក់ស្តែងត្រឹមតែមួយថ្ងៃគឺមានចំនួនអ្នកចូលទស្សនារហូតដល់ទៅរាប់លានដងឯណោះ ជាពិសេសគឺបទចម្រៀងនេះទទួលបានការសរសើរច្រើនពីមហាជន ដោយសារតែក្នុងអត្ថន័យនៃបទចម្រៀងមួយបទនេះ គឺរៀបរាប់យ៉ាងលំអិតពីតំបន់ និងសារប្រយោជន៍ពីព្រែកជីកហ្វូណនតេជោ ។  

កំពូលតារាចម្រៀងលោក ខេមរៈ សិរីមន្ត បានសម្តែងនូវការរីករាយជាខ្លាំងថា « ពិតជារំភើបណាស់បទថ្មី « ព្រែកជីកហ្វូណនតេជោ » ១៦ ម៉ោង ១ M ក្នុងផេកសម្តេចធិបតី គោរពអរគុណពុកម៉ែពូមីង បងប្អូនទាំងអស់ » ។

ក្រៅពីចេញបទចម្រៀង « ព្រែកជីកហ្វូណនតេជោ » កំពូលតារាចម្រៀង ខេមរៈ សិរីមន្ត ក៏បានទំលាក់បទចម្រៀងថ្មីមួយទៀតផងដែរនៅក្នុងផលិតកម្ម ហ្គាឡាក់ស៊ី ណាវាត្រា ដែលមានចំណងជើងថា « គួរទៅខេត្តណាទើបអាចភ្លេចអូនបាន » ដែលបទចម្រៀងមួយបទនេះ ពិតជាពិរោះ រណ្តំចិត្ត គួរឱ្យចង់ស្តាប់ ត្រូវចិត្តយុវវ័យដែលកំពុងមានស្នេហាតែម្តង បើបានស្តាប់ហើយ ធានាថា ស្លុងអារម្មណ៍ទៅតាមអត្ថន័យនៃបទចម្រៀងតែម្តង ៕

The post បទ « ព្រែកជីកហ្វូណនតេជោ » របស់កំពូលតារាចម្រៀងឧកញ៉ា ខេមរៈ សិរីមន្ត ទាក់ទាញខ្លាំងត្រឹម16ម៉ោង មានអ្នកទស្សនាជាង១លានដង ក្នុងផេកសម្ដេចធិបតី ! appeared first on .

ព្រះតេជគុណ ខេមរៈ ភារុណ មានសង្ឃដីកាថា មូលហេតុដែលព្រះអង្គបួសនេះ គឺដើម្បីភ្ជាប់និស្ស័យខាងព្រះពុទ្ធសាសនាផង និងដើម្បីតបស្នងសងគុណដល់ជីដូនជីតាផង ជាពិសេសគឺឆ្លៀតក្នុងឱកាសបុណ្យចម្រើនព្រះជន្មញោមយាយ ញោមម៉ែ ញោមពុក គម្រប់ ៩០ឆ្នាំផង ។ ជូនពរញោមយាយមានសុខភាពល្អ រឹងមាំ  ។  

បើតាមគម្រោងព្រះតេជគុណ ខេមរៈ ភារុណ បួសក្នុងវិស័យព្រះពុទ្ធសាសនានេះរយៈពេល ១សប្តាហ៍ ចាប់ពីថ្ងៃទី២០ ខែមេសា ដល់ថ្ងៃទី២៦ ខែមេសា ។

គួរបញ្ជាក់ផងដែរថា ព្រះតេជគុណ ខេមរៈ ភារុណ បានសម្រេចចិត្តបួសជាព្រះសង្ឃភ្ជាប់និស្ស័យខាងព្រះពុទ្ធសាសនា បន្ទាប់ពីលោកបានបង្ហាញពីភាពជោគជ័យ និង ការលំបាក ដែលលោកនិងប្អូនប្រុសកំពូលតរាចម្រៀង ខេមរៈ សិរីមន្ត បានហែលឆ្លងក្នុងវិថីសិល្បៈអស់រយៈពេល ២០ ឆ្នាំ ។ បន្ទាប់ពីបង្ហាញប្រវត្តិនៃការតស៊ូរបស់កំពូលតារាចម្រៀង ខេមរៈ សិរីមន្ត រួចមកបានធ្វើឱ្យមហាជនកាន់តែចាប់អារម្មណ៍ខ្លាំង ពីកំពួលតារាចម្រៀង ខេមរៈ សិរីមន្ត ហើយសរសើរនូវប្រវត្តិ និងការតស៊ូរបស់លោក ដែលមានបុរសខ្លាំងលោក ខេមរៈ ភារុណ ជួយជ្រោមជ្រែងពីក្រោយខ្នងក្នុងវិស័យចម្រៀង ៕

The post បងប្រុស របស់ឧកញ៉ា ខេមរៈ សិរីមន្ត សម្រេចចិត្តសាងភ្នួស នៅវត្តអារាមមួយ ក្បែររាជធានីភ្នំពេញ appeared first on .

ការជួយឧបត្ថម្ភរបស់ម្ចាស់បទចម្រៀង «ក្រមុំគ្រប់ខេត្ដមួយណាក៏ជារបស់គេ» នេះ បន្ទាប់ពីលោកឧកញ៉ា មានបំណងទិញរូបគំនូរ លោកតា ស៊ិន ស៊ីសាមុត ដែលគូរនៅក្នុងចង្អេរ ប៉ុន្ដែរូបគំនូរមួយនោះត្រូវបានគេទិញយកបាត់ ហើយបុរសដែលជាអ្នកលក់ ក៏យករូបគំនូរ ប្អូនស្រីពៅរបស់លោកឧកញ៉ា គឺ កញ្ញា ខេមរៈ ស្រីពៅ មកប្រគល់ជូនដោយមិនគិតថ្លៃ។ ទង្វើនេះ បានអង្រួនចិត្ដលោកឧកញ៉ា ឱ្យរំភើប កាន់តែអាណិតស្រឡាញ់ ទើបសម្រេចជួយឧបត្ថម្ភថវិកាចំនួន១លានរៀលទុកសម្រាប់ធ្វើសាហ៊ុយ និងសម្រាប់ព្យាបាលជំងឺម្ដាយ។

លើកឡើងនៅលើបណ្ដាញសង្គមផ្ទាល់ខ្លួន នៅល្ងាចថ្ងៃ១០ ខែមេសា ឆ្នាំ២០២៤ ឧកញ៉ា ខេមរៈ សិរីមន្ត បានឱ្យដឹងថា «ដំបូងខ្ញុំថាចង់ជួយទិញគំនូររបស់បងប្រុស ដើម្បីឲ្យបងមានថវិកាខ្លះព្យាបាលអ៊ុស្រី តែគំនូរនោះត្រូវបានគេទិញហើយ បងបានយកគំនូររូបប្អូនស្រីជាទីស្រឡាញ់របស់ខ្ញុំ (ខេមរៈ ស្រីពៅ) មកជូនខ្ញុំដោយមិនគិតថ្លៃ ខ្ញុំពិតជារំភើបចិត្តខ្លាំងណាស់ខ្ញុំសូមអរគុណច្រើនបង»។

ម្ចាស់បទ « call me papa» បានបន្តទៀតថា «ខ្ញុំបានជូនថវិកាគាត់ ១ 000 000 រៀល សម្រាប់ធ្វើសាហ៊ុយ និង សម្រាប់ព្យាបាលអ៊ុស្រីខ្លះ»។

គួរបញ្ជាក់ថា នៅថ្ងៃទី០៧ ខែមេសា ឆ្នាំ២០២៤ ក្រោយពីឃើញបុរសម្នាក់បានផុសលក់រូបគំនូរនៅក្នុងចង្អេរ ដើម្បីយកប្រាក់ទៅព្យាបាលជំងឺម្ដាយ ឧកញ៉ា ខេមរៈ សិរីមន្ត បានប្រកាសទិញគំនូរនោះភ្លាមៗ ប៉ុន្ដែមានគេទិញមុនបាត់៕

The post ឧកញ៉ា ខេមរៈ សិរីមន្ត ឧបត្ថម្ភបុរសម្ចាស់គំនូរក្នុងចង្អេរចំនួន ១លានរៀល យកទៅមើលជំងឺម្ដាយ appeared first on .

ក្នុងជំនួបជាមួយអ្នកសារព័ត៌មាន កាលពីប៉ុន្មានថ្ងៃមុនលោក ខេមរៈ ភារុណ បានលើកឡើងរឿងជាច្រើនពេល ចាប់ដៃគ្នាជាមួយ ឧកញ៉ា សិរីមន្ត ហើយក្នុងចំណោមរឿងទាំងនោះលោកបានពោលសរសើរប្អូនប្រុសឡើងជា ឧកញ៉ានោះថា ជាបុរសខ្លាំងពូកែ។ រំលឹកដល់រឿងមួយកាលចេញខនសឺតដំបូងត្រូវចេញទៅតាមផ្លូវឆ្ងាយហើយ ពិបាកមនុស្សគ្រប់គ្នាពុលឡានតែឧកញ៉ា សិរីមន្ត នៅធម្មតាសឹងតែពេលខ្លះចុះទៅសម្ដែងតែម្ដងក៏មាន។ កាល គ្រានោះតារាចម្រៀងនិង មានងារជា ឧកញ៉ារូបនោះ នៅតែអាចច្រៀង សម្ដែង បានដូចធម្មតាមើលទៅទាំង កម្លាំងកាយ និងកម្លាំងចិត្តនៅមានពេញមិនស្រកស្រុតឡើយ។ ដែលនេះកម្រមានអ្នកអាចធ្វើបានដូចណាស់។

កវីនិពន្ធដែលទើបទទួលបានបរិញ្ញាបត្រជាន់ខ្ពស់ (ថ្នាក់អនុបណ្ឌិត) ជំនាញរដ្ឋបាលសាធារណៈ ពីសាកលវិទ្យាល័យ ជាតិគ្រប់គ្រង បានបញ្ជាក់ថា ឧកញ៉ា ខេមរៈ សិរីមន្ត ជាតារាចម្រៀងមានចំណុចល្អខ្លាំងរាប់មិនអស់។ លោកលើកឡើងជាក់ស្ដែងថា ប្អូនប្រុសជាឧកញ៉ារូបនេះអាចច្រៀងបទកន្ទ្រឹម, មនោសញ្ចេតនា, ញាក់កន្ត្រាក់ អារម្មណ៍, ហ៊ីបហប,រ៉េបបានទាំងអស់ទាំងគុណភាពទឹកដមសំឡេង កាយវិការ ការសម្ដែង គឺល្អគ្រប់យ៉ាង។ និយាយជារួមគឺ បានស្ទើរតែគ្រប់ទម្រង់នៃវិស័យចម្រៀង។

ឆ្លើយតបជាមួយ សំណួរអ្នកសារព័ត៌មានថា «តើឧកញ៉ាខេមរៈ សិរីមន្ត មានភាពUnique អ្វីជាពិសេសដែលអាច ឈរលើកំពូលបានដូច្នេះ»? លោក ភារុណ បានបង្ហាញច្បាស់ៗតែម្ដងថាការដែលឧកញ៉ា សិរីមន្ត អាចឈានមកដល់ចំណុចកំពូលនិងរក្សាប្រជាប្រិយភាពបែបនេះបានមកពីការខិតខំប្រឹងប្រែង ការស្រលាញ់ដាក់ចិត្តដាក់បេះដូង ធ្វើ ជាពិសេសគឺភាពឆ្លាតវៃតែម្ដង។ មិនអស់ត្រឹមនេះឡើយក្រៅពីស្រលាញ់ហើយ ឧកញ៉ា សិរីមន្ត ក៏ប្រឹងប្រែងហ្វឹកហាត់មិនឈប់ឈរថែមទៀត។ លោកបានបន្ថែមចំណុចមួយទៀតថា ឧកញ៉ា សិរីមន្ត ជាមនុស្សមានឆន្ទៈខ្ពស់ ហើយចេះបត់បែនតាមទំនោរតាមកាលៈទេសៈនៃអ្នកស្ដាប់។

មិនតែប៉ុណ្ណោះ លោក ខេមរៈ ភារុណ បានរៀបរាប់ប្រាប់ថា ឧកញ៉ា សិរីមន្ត ជាបងប្អូនល្អ កម្ររកបាន ព្រោះមិន ត្រឹមផ្ដល់ការងារធ្វើរហូត បានប្រាក់បៀវត្សរ៍ឡើយគឺអ្វីៗគ្រប់យ៉ាង។ លោកបន្តថា ទឹកចិត្តជាប្អូនរបស់ម្ចាស់បទ “Call Me PaPa” ពិតជាល្អប្រពៃទាំងចំពោះឪពុកម្ដាយ បងប្អូន ដែលមានការលំបាកដូចជា កាលលោកទៅបន្តការ សិក្សានៅប្រទេសថៃ ឧកញ៉ា សិរីមន្ត បានផ្គត់ផ្គង់អ្នកមានគុណមិនខ្លាចនឿយហត់ អ្វីទាំងអស់ទាំងដែលសាមី ខ្លួន ក៏មានប្រពន្ធកូនដែរ។

និយាយដល់ទឹកចិត្ត លោក ឧកញ៉ា សិរីមន្ត ធ្វើឲ្យកវីនិពន្ធ ខេមរៈ ភារុណ ស្ទើររលីងរលោងទឹកភ្នែក អួលដើមក នៅ ចំពោះមុខអ្នកសារព័ត៌មាន។ តារាចម្រៀងប្រចាំ ផលិតកម្ម ហ្គាឡាក់ស៊ីណាវ៉ាត្រា និងមានងារជាឧកញ៉ារូប នេះមាន ក្ដីស្រលាញ់ធំធេងណាស់ ពិបាកនឹងបរិយាយគ្រាដែលប្អូនស្រី ពៅ មានជំងឺ និងត្រូវព្យាបាលដែលចំណាយថវិកា ច្រើនសន្ធឹកសន្ធាប់សឹងតែអស់ពីខ្លួនក៏លោកមិនព្រមចុះចាញ់ដែរតស៊ូរកប្រាក់ ដើម្បីធ្វើយ៉ាងណា ឲ្យតែ ខេមរៈ ស្រីពៅ ជាសះស្បើយ និងមានរឿងច្រើនរាប់មិនអស់ទៀតដែលម្ចាស់បទ “អូនរាំអែន ” ធ្វើសម្រាប់ក្រុមគ្រួសារ និង សង្គមជាតិ៕

The post លោក ខេមរៈ ភារុណ សរសើរឧកញ៉ា ខេមរៈ សិរីមន្ត ពេញៗមាត់ថាជាធនធានកម្រមាន appeared first on .