សេចក្តីប្រកាសព័ត៌មាន បន្ថែមថា រាល់ប្រតិបត្តិការលក់ និងចែកចាយរថយន្ត MAZDA ដែលធ្វើឡើងតាម​រយៈ​ក្រុមហ៊ុនអេចជីប៊ី អូតូ គឺជាការអនុវត្តស្របតាមកិច្ចសន្យាផ្តាច់មុខ និងបទប្បញ្ញត្តិស្តីពីការនាំចូលរថយន្តថ្មី​មកកាន់ទីផ្សារកម្ពុជា ព្រមទាំងត្រូវបានទទួលស្គាល់ជាផ្លូវការដោយក្រសួពាណិជ្ជកម្ម តាមរយៈលិខិតកត់ត្រា​ជាផ្លូវការ​ចុះថ្ងៃទី ០៥ ខែ មិថុនា ឆ្នាំ២០២៥ និង ថ្ងៃទី០៤ ខែកុម្ភៈ ឆ្នាំ២០២៦។

ការណ៍នេះធានាបានថា អតិថិជននឹងទទួលបាននូវផលិតផលដែលមានប្រភពច្បាស់លាស់ និងស្របតាមស្តង់ដារ​បច្ចេកទេស​ពីរោងចក្រមេ ដែលរថយន្តដែលត្រូវបានត្រួតពិនិត្យតាមស្តង់ដារបានល្អិតល្អន់ ធានាបាននូវសុវត្ថិភាព និងសុខុមាលភាពខ្ពស់ជូនដល់អ្នកប្រើប្រាស់។

យ៉ាងណាមិញ ដើម្បីជាការឆ្លើយតបទៅនឹងការចរាចរណ៍លក់នូវរថយន្ត ដែលមិនទាន់ទទួលបានការអនុញ្ញាត​ឲ្យនាំចូលចែកចាយជូនទៅដល់អតិថិជនប្រើប្រាស់ នាពេលថ្មីៗនេះ តាមរយៈភ្នាក់ងារលក់ដែលមិនទទួលបានសិទ្ធិ​អនុញ្ញាតស្របច្បាប់ ក្រុមហ៊ុនសូមប្រកាសឲ្យបញ្ឈប់ជាបន្ទាន់នូវទង្វើមិនស្របច្បាប់នេះ មិនឲ្យលើសពីមួយខែ​ចាប់ពីពេលជូនដំណឹងនេះទៅ។ បើមិនដូច្នេះទេ ក្រុមហ៊ុននឹងរក្សាសិទ្ធិអនុវត្តទៅតាមផ្លូវច្បាប់​ចំពោះភ្នាក់ងារ​លក់រថយន្ត Mazda ដែលគ្មានការអនុញ្ញាតទាំងនោះ ក្នុងន័យដើម្បីចូលរួមការពារទៅលើសុវត្ថិភាព​របស់អតិថិជន​របស់យីហោ MAZDA ជាចម្បង ជៀសវាងការប្រើប្រាស់ចំរថយន្តដែលគ្មានស្តង់ដារអនុញ្ញាតត្រឹមត្រូវ៕

The post ក្រុមហ៊ុន HGB Auto របស់ឧកញ៉ា ង៉ូវ លាងហ៊ួត ប្រកាសទុកពេល១ខែដល់ភ្នាក់ងារលក់ដែលមិនមានសិទ្ធិ​អនុញ្ញាត ឱ្យបញ្ឈប់ជាបន្ទាន់នូវការនាំចូលរថយន្តម៉ាក MAZDA appeared first on .

​​សហព័ន្ធ​ឧស្សាហកម្មយានយន្តកម្ពុជា បាន​បង្ហាញ​ឱ្យដឹង​ពី​សមាសភាពថ្មីដែលត្រូវបានជ្រើសតាំង ជាសមាជិក​នៃក្រុមប្រឹក្សាភិបាលរបស់សហព័ន្ធសម្រាប់អាណត្តិទី៨ (២០២៤-២០២៦) ដូចខាងក្រោម៖

១. ឧកញ៉ា ង៉ូវ លាងហ៊ួត អគ្គនាយកក្រុមហ៊ុន HGB Group Co.,Ltd ត្រូវបានជ្រើសតាំងជា ប្រធានក្រុម​ប្រឹក្សាភិបាល

២. លោក រីយ៉ូជី ហ្វូជីតា អគ្គនាយកក្រុមហ៊ុន Toyota (Cambodia) Co.,Ltd ត្រូវបានជ្រើសតាំងជា អនុប្រធាន​ក្រុមប្រឹក្សាភិបាល

៣. លោក ប្រាយអ៊ិន (សាក់ក្យូ) កូ អគ្គនាយកក្រុមហ៊ុន Hyundai Camko Motor Company Ltd. ត្រូវបាន​ជ្រើសតាំងជា អនុប្រធានក្រុមប្រឹក្សាភិបាល

៤. លោក អ៊ុំ គីម នាយកគ្រប់គ្រងផ្នែកលក់ ក្រុមហ៊ុន TF Motors Cambodia Co.,Ltd ត្រូវបានជ្រើសតាំងជា លេខាធិការ

៥. លោក ហ៊ី រ៉ាមី អនុប្រធាន ក្រុមហ៊ុន HGB Group Co.,Ltd ត្រូវបានជ្រើសតាំងជា ហេរញ្ញិក។

សូមជម្រាបថា ​សហព័ន្ធ​ឧស្សាហកម្មយានយន្តកម្ពុជា ត្រូវបាន​បង្កើតឡើងនៅឆ្នាំ២០០៩ និង​ត្រូវបាន​ចុះ​បញ្ជី​​ជាផ្លូវការ​នៅ​ឆ្នាំ២០១១។ សហព័ន្ធ​ឧស្សាហកម្មយានយន្តកម្ពុជា បង្កើត​ឡើង​ក្នុងគោលបំណង​ដើម្បីលើកកម្ពស់ការអភិវឌ្ឍ នៃឧស្សាហកម្មរថយន្ត នៅក្នុងប្រទេសកម្ពុជា នៅក្នុងលក្ខខណ្ឌមួយ ដែលមាន​ភាពត្រឹមត្រូវ តម្លាភាព និងតុល្យភាព នៃតម្រូវការរបស់អ្នក​នាំចូល អ្នកចែកចាយ អ្នកលក់ អតិថិជន និង​និយ័តករ៕

The post ឧកញ៉ា ង៉ូវ លាងហ៊ួត ជាប់ជាប្រធានក្រុមប្រឹក្សាភិបាលសហព័ន្ធឧស្សាហកម្មយានយន្តកម្ពុជា អាណត្តិទី៨ appeared first on .

សេចក្តីជូនដំណឹង បានបញ្ជាក់​យ៉ាងដូច្នេះ​ថា៖ “ក្រុមហ៊ុន HGB GROUP Co., Ltd សូមជម្រាបជូន​អតិថិជន​ទាំងអស់ ឱ្យបាន​ជ្រាបថា ក្រុមហ៊ុន​យើងខ្ញុំ​នឹង​បញ្ចប់​ដំណើរការ​ទទួលសិទ្ធិ​ក្នុងការនាំចូល​ចែកចាយ និង​ដាក់​លក់​ជាផ្លូវការ​ នូវ​គ្រប់​ប្រភេទ​រថយន្ត Jeep និង Ram ប្រចាំព្រះរាជាណាចក្រកម្ពុជា នៅថ្ងៃទី០១ ខែឧសភា ឆ្នាំ២០២៤។ សូម​ថ្លែង​អំណរគុណ​យ៉ាង​ជ្រាលជ្រៅ​ដល់​អតិថិជន​ទាំងអស់ ចំពោះការគាំទ្រ​ដល់​ក្រុមហ៊ុន​អស់​រយៈពេល​ជា​ច្រើន​ឆ្នាំ​កន្លងមក។ យើងខ្ញុំ​សង្ឃឹម​ថា អតិថិជន​ទាំងអស់​នឹង​បន្ត​ប្រើប្រាស់​រថយន្ត Jeep និង Ram របស់​អ្នក​ដោយ​ភាព​រីករាយ”។

យ៉ាងណាក្តី ទាក់ទងនឹងការបញ្ចប់ដំណើរការទទួលសិទ្ធិក្នុងការនាំចូលចែកចាយនិងដាក់លក់ជាផ្លូវការ នូវគ្រប់ប្រភេទ​រថយន្ត Jeep និង Ram ប្រចាំព្រះរាជាណាចក្រកម្ពុជា​​ខាង​លើ​នេះ គឺខាងក្រុមហ៊ុនពុំបាន​បញ្ជាក់អំពីមូលហេតុជុំវិញ​ការបញ្ចប់នេះឱ្យដឹង​នោះទេ។

រថយន្ត Jeep និង Ram ដែលមានជាប្រភេទរថយន្ត SUV និង Pick Up គឺជារថយន្ត​ត្រកូលអធិរាជ Off-Road និងសុវត្ថិភាពខ្ពស់ ដែលផលិតនៅ​ប្រទេសមហាអំណាច​​សហរដ្ឋ​អាមេរិក។ Jeep និង Ram ត្រូវបានក្រុមហ៊ុន HGB Group នាំចូលលក់ផ្តាច់មុខនៅកម្ពុជា ក្នុងអំឡុងឆ្នាំ២០២០។ Jeep ម៉ូដែលស៊េរីថ្មី មាន​លក្ខណៈពិសេស​ចុងក្រោយ​ដែលរថយន្តដទៃមិនមាន គឺអាចដោះដំបូល ទ្វារ និង ផ្ទៃកញ្ចក់ខាងមុខ​បាន​យ៉ាងងាយស្រួល ផ្តល់ជូននូវបរិយាកាស​បែបធម្មជាតិ។

សូមជម្រាបថា ក្រុមហ៊ុន HGB Group របស់​​​លោក​ឧកញ៉ា ង៉ូវ លាងហួត កំពុង​នាំ​ចូល​រថយន្ត​ម៉ាក​ល្បីៗ​ ប្រណីតៗ និង​ថ្លៃៗ​បំផុត​នៅ​លើ​ពិភព​លោក​ ចូល​មក​ទីផ្សារ​ប្រទេស​កម្ពុជា។ រថយន្ត​ប្រណីតៗ​ដែល​ក្រុមហ៊ុន​ HGB Group នាំចូល និង​លក់​​ចែក​ចាយ​នៅ​កម្ពុជា មាន​ដូច​ជា៖ Rolls Royce, Bentley, Lamborghini, Aston Martin, McLaren, Maserati, Jeep, RAM, BMW, Volvo, Volkswagen, Kia, Harley-Davidson និង​ Mazda ផងដែរ៕

The post ក្រុមហ៊ុន HGB Group របស់ឧកញ៉ា ង៉ូវ លាងហួត ប្រកាសបញ្ចប់ទទួលសិទ្ធិនាំចូលចែកចាយរថយន្ត Jeep និង Ram appeared first on .

អគារតាំងបង្ហាញរថយន្តរបស់ Mazda ដែលមានទីតាំងនៅលើផ្លូវ ៦០ម៉ែត្រនេះ គឺជា Showroom មានលក្ខណៈប្រណីតបំផុត ទំនើបបំផុត និងធំបំផុតប្រចាំប្រទេសកម្ពុជា។

ក្នុងឱកាសបើកសម្ពោធ Showroom ប្រណីតដាច់គេប្រចាំប្រទេសកម្ពុជា ក៏មានការចូលរួមពីឯកឧត្ដម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកជាអគ្គនាយក នៃនាយកដ្ឋានពន្ធដារផងដែរ ដោយលោកបានបង្ហាញក្ដីសោមនស្សរីករាយជាពន់ពេក និងបានបញ្ជាក់ទៀតថា Showroom របស់ Mazda បានឆ្លុះបញ្ចាំងពីភាពជោគជ័យក្នុងអាជីវកម្ម និងការបន្តពង្រីកខ្លួន ហើយក៏ជាការចូលរួមចំណែកយ៉ាងសកម្មក្នុងការអភិវឌ្ឍសង្គម-សេដ្ឋកិច្ច ដែលនេះមិនត្រឹមតែ សបញ្ជាក់ពីភាពរីកចម្រើនរបស់ក្រុមហ៊ុន ក្រោមម្លប់នៃសន្តិភាពប៉ុណ្ណោះទេ ប៉ុន្តែជាការឆ្លុះបញ្ចាំងឲ្យឃើញពីភាពជឿជាក់ របស់វិស័យឯកជនលើសក្ដានុពលនៃទីផ្សារកម្ពុជា និងរាជរដ្ឋាភិបាល ក្រោមការដឹកនាំប្រកបដោយគតិបណ្ឌិត របស់សម្ដេចមហាបវរធិបតី ហ៊ុន ម៉ាណែត ក្នុងការបន្តរក្សាស្ថិរភាព និងសុខសន្តិភាព ព្រមទាំងនាំមកនូវការរីកចម្រើន និងការអភិវឌ្ឍ។

គោលបំណង នៃការបង្កើត Showroom ទំនើបដាច់គេប្រចាំប្រទេស គឺមិនមែនតែសម្រាប់លក់រថយន្តឡើយ ពោលគឺធានាផ្ដល់ជូនអតិថិជន នូវបទពិសោធន៍ថ្មីៗ និងល្អបំផុត ផ្អែកតាមពាក្យស្លោករបស់ ក្រុមហ៊ុន HGB Auto គឺ Enriching Experiences។

ជាមួយគ្នា លោក Yoo Jin នាយកប្រតិបត្តិក្រុមហ៊ុន HGB Auto (Mazda Cambodia) ក៏បានមានប្រសាសន៍ដែរថា Showroom ដ៏អស្ចារ្យនេះ គឺប្រៀបដូចជាត្បូងមួយគ្រាប់ ដែលល្អដាច់គេ ក្នុងចំណោមក្រុមហ៊ុនចែកចាយលក់បន្ត និងសេវាកម្មផ្លូវការរបស់ Mazda ទូទាំងពិភពលោក។

មិនត្រឹមតែប៉ុណ្ណោះ វាបានបង្ហាញពីពាក្យស្លោកចុងក្រោយបង្អស់របស់ក្រុមហ៊ុន Mazda គឺ Celebrate Driving និងផ្ដល់នូវបទពិសោធន៍ដ៏ទំនើបរបស់រថយន្ត Mazda ដែលនាំចូលចែកចាយផ្ដាច់មុខ ដោយក្រុមហ៊ុន HGB Auto ដ៏ល្បីល្បាញ។

Showroom មួយនេះ គឺបានបង្ហាញពីចក្ខុវិស័យដ៏វែងឆ្ងាយ និងគុណតម្លៃរវាងរថយន្ត Mazda និងក្រុមហ៊ុន HGB Auto ខណៈនៅពេលអតិថិជនឈានជើងចូលដល់ក្នុង Showroom មួយនេះភ្លាម នឹងទទួលបានអារម្មណ៍ស្រស់ស្រាយ ជាមួយការទទួលបដិសណ្ឋារកិច្ច លំដាប់ផ្កាយ៥ និងការរចនាបទខាងក្នុងមានភាពទូលាយ មើលទៅស្រឡះភ្នែក ។ ជាពិសេសបងប្អូនអតិថិជនអាចរីករាយទទួលទានអាហារដ៏មានឧជារសឆ្ងាញ់ពិសារជាមួយនឹងការស្ដាប់ភ្លេងព្យាណូយ៉ាងរណ្ដំនៅ Mazda Lounge។ សម្រាប់ភ្ញៀវដែលមានកូនតូចៗ អាចរីករាយនៅក្នុងបន្ទប់លេងរបស់កុមារ របស់យើង ហើយនៅទីនេះលោកអ្នករីករាយទស្សនាភាពយន្ត ដែលអ្នកចូលចិត្តនៅរោងភាពយន្ត Mazda Cinema របស់យើងបានថែមទៀតផង។

បន្ថែមពីនោះ លោក តាណាកា ហ៊ីរ៉ូណូរី នាយកគ្រប់គ្រងប្រតិបត្តិ ទទួលបន្ទុកប្រតិបត្តិការក្នុងអាស៊ាន និងជាប្រធានក្រុមហ៊ុន Mazda តំបន់អាស៊ីអាគ្នេយ៍ បានធ្វើការថ្លែងអំណរគុណចំពោះ លោកឧកញ៉ា ង៉ូវ លាងហួត និងក្រុមការងារទាំងមូល ដែលបានខិតខំប្រឹងប្រែង និងយកចិត្តទុកដាក់ក្នុងការធ្វើឱ្យព្រឹត្តិការណ៍នេះប្រព្រឹត្តទៅបានយ៉ាងជោគជ័យ។ តាមរយៈការខិតខំប្រឹងប្រែងរបស់លោកឧកញ៉ាផ្ទាល់ ដែលបាននាំឲ្យព្រឹត្តិការណ៍សំខាន់ៗបែបនេះ សម្រេចបាន។

រថយន្ត Mazda អាចឈរជើងនៅកម្ពុជារយៈពេល ១១ឆ្នាំនេះ គឺពឹងផ្អែកទាំងស្រុងទៅលើភាព ស្មោះត្រង់ ដែលផ្ដល់ជូនទៅអតិថិជន ធានាបានថារថយន្តរបស់ខ្លួន គឺមានគុណភាពខ្ពស់ និងប្រព័ន្ធបច្ចេកវិទ្យាទំនើបចុងក្រោយ ទាន់សម័យបំផុត ខណៈក្រុមប្រឹក្សាផ្នែកលក់ សុទ្ធសឹងតែមានចំណេះជំនាញច្បាស់លាស់ និងត្រៀមខ្លួនរួចស្រេច សម្រាប់ផ្ដល់ប្រឹក្សាជូនអតិថិជន ដើម្បីអាចបំពេញតម្រូវការរបស់ភ្ញៀវបានគ្រប់កាលៈទេសៈ។

លោកអ្នកអាចធ្វើការទស្សនាផ្ទាល់នៅអគារតាំងបង្ហាញរថយន្តរបស់ Mazda ថ្មី ដែលមានទីតាំងនៅលើផ្លូវ ៦០ម៉ែត្រ និងទទួលយកបទពិសោធន៍ថ្មីៗ ល្អឯក ដែលក្រុមការងារ HGB Auto ត្រៀមផ្ដល់ជូនអតិថិជន៕

ទីតាំង៖ អគារតាំងបង្ហាញរថយន្ត Mazda

The post ឧកញ៉ា ង៉ូវ លាងហ៊ួត សម្ពោធ Showroom រថយន្ត Mazda ទំនើប និងធំបំផុតប្រចាំប្រទេសកម្ពុជា appeared first on .