កាលពីចុងសប្តាហ៍កន្លងទៅ សារព័ត៌មានក្នុងស្រុកវៀតណាមមួយ បានចុះផ្សាយអំពីផ្លែទុរេនរបស់វៀតណាម បានជោរជន់ និងធ្លាក់ថ្លៃខ្លាំង មកនៅត្រឹម១,៦ដុល្លារប៉ុណ្ណោះ (ជាង៦ពាន់រៀល) ក្នុងមួយគីឡូក្រាមនៅប៉ុន្មានថ្ងៃចុងក្រោយនេះ ដោយសារការពន្យារពេលដឹកឆ្លងដែនចូលទៅក្នុងប្រទេសចិន ព្រោះតែចិនកំពុងរឹតបន្តឹងការត្រួតពិនិត្យបន្លែផ្លែឈើនាំចូលពីប្រទេសជិតខាងមួយនេះ។

ពាក់ព័ន្ធនឹងបញ្ហានេះ លោកឧកញ៉ា ចាន់ ស៊ីថា បានបង្ហាញពីក្តីបារម្ភយ៉ាងខ្លាំង ដោយសារតែផ្លែទុរេនពីវៀតណាម បានហូរចូលមកលក់នៅក្នុងទីផ្សារកម្ពុជាជាច្រើន ក្នុងមួយឆ្នាំៗ។ យ៉ាងណាមិញ ប្រសិនមានការហូរចូលទុរេនពីប្រទេសជិតខាងច្រើនក្នុងតម្លៃទាប និងខ្វះការត្រួតពិនិត្យឱ្យបានច្បាស់លាស់ លោកឧកញ៉ាយល់ថានឹងធ្វើឱ្យប៉ះពាល់ដល់ការប្រកួតប្រជែងតម្លៃទីផ្សាររបស់ទុរេនក្នុងស្រុក និងអាចបង្ករផលប៉ះពាល់ដល់សុខភាពអ្នកបរិភោគផងដែរ។

លោកឧកញ៉ា ចាន់ ស៊ីថា បានគូសបញ្ជាក់ទៀតថា បច្ចុប្បន្នទុរេនដែលដាំដុះនៅក្នុងស្រុក ពុំទាន់ដល់រដូវកាលប្រមូលផលនៅឡើយទេ ឬអាចមានទុរេនខុសរដូវក្នុងស្រុកមួយចំនួនតូចប៉ុណ្ណោះ ដូច្នេះប្រសិនជាមានទុរេនចរាចរលក់នៅលើផ្សារ នោះភាគច្រើនជាទុរេននាំចូលពីក្រៅ។

គួររំឭកថា កាលពីថ្ងៃទី២១ ខែមិថុនា ឆ្នាំ២០២៤ បន្ទាប់ពីទទួលព័ត៌មានថា មានការនាំចូលផ្លែទុរេនពីប្រទេសជិតខាង ដាក់លក់លើទីផ្សារកម្ពុជា ដោយប្រកាសថាជាផលិតផលដែលដាំដុះក្នុងប្រទេស និងបានប្រើប្រាស់សារធាតុគីមីដើម្បីជ្រលក់លើផ្លែទុរេនទាំងនោះ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានចេញសេចក្តីជូនដំណឹង និងអំពាវនាវដល់អាជីវករដែលប្រកបអាជីវកម្មលក់ផ្លែទុរេនទាំងអស់ សូមកុំប្រើប្រាស់សារធាតុដែលមិនមានអត្តសញ្ញាណច្បាស់លាស់ និងសូមប្រកបអាជីវកម្មដោយស្មោះត្រង់ កុំបន្លំប្រភពនៃការដាំដុះ៕

The post ឧកញ៉ា ចាន់ ស៊ីថា ព្រួយបារម្ភចំពោះការនាំចូលផ្លែទុរេនពីវៀតណាម ដែលអាចបង្ករផលប៉ះពាល់ដល់សុខភាព appeared first on .

ឧកញ៉ា ចាន់ ស៊ីថា ស្ថាបនិក និងជាអគ្គនាយកក្រុមហ៊ុនទឹកត្រីង៉ូវហេង បានលើកឡើងថា ពាក្យថា ថៅកែ មិនងាយស្រួល ដូចគិតនោះទេ។ ចំពោះថៅកែ បើនិយាយរឿងប្រាក់ខែគឺមានមិនទៀតទាត់ដូចបុគ្គលិកនោះទេ ជួនបាន ជួនអត់ ហើយមានពេលខ្លះត្រូវខ្ចីលុយគេបន្ថែមទៀត ព្រោះដល់ខែមិនថាខាត ឬចំណេញ ត្រូវបើកប្រាក់ខែឱ្យបុគ្គលិកមុនគេបង្អស់ ត្រូវចំណាយថ្លៃទិញអីវ៉ាន់ស្តុក សងម្ចាស់អីវ៉ាន់ដែលនៅជំពាក់ បន្ទាប់មកបង់ថ្លៃជួល ថ្លៃទឹក ថ្លៃភ្លើង និងពន្ធអាករនានា នេះមិនទាន់គិតប្រាក់លើកទឹកចិត្ត និងឧបត្ថម្ភនានាដែលបុគ្គលិកស្នើសុំផង។

លោកឧកញ៉ាបន្ថែមថា សម្រាប់ម៉ោងការងាររបស់ថៅកែក៏មិនមានទៀតទាត់ដូចបុគ្គលិកនោះដែរ គ្មានម៉ោងចូល ច្បាស់លាស់ ហើយក៏គ្មានម៉ោងចេញច្បាស់លាស់នោះដែរ។ ធ្វើជាបុគ្គលិកអាចទម្លាក់ការងារ ចោលទាំងអស់បាន នៅពេលដែលផុតម៉ោងការងារ ប៉ុន្ដែសម្រាប់ថៅកែគឺការងារគ្រប់យ៉ាងនៅក្នុងខួរក្បាលថៅកែ ២៤ម៉ោង។

លោកឧកញ៉ា ចាន់ ស៊ីថា ផ្ដាំទៅបុគ្គលិកទាំងអស់ថា សូមកុំព្យាយាមគិតថា ថៅកែស្រួលគ្រប់ពេល បានលុយច្រើនគ្រប់ពេល ត្រូវចាំថាដើមឈើខ្ពស់ត្រូវខ្យល់ខ្លាំង ទូកធំក្តោងធំ ពេលលំបាក វិបត្តិសេដ្ឋកិច្ច ថៅកែប្រមូលលក់ទ្រព្យសម្បត្តិខ្ទិចខ្ទីអស់ ខ្ចីបុលគេថែមដើម្បីឈរជើង និងបន្តប្រាក់ខែឱ្យអ្នក។

ទន្ទឹមនឹងនេះ បុគ្គលិកទាំងអស់ មិនចាំបាច់ដឹងគុណថៅកែក៏បាន គ្រាន់តែចងចាំថា ទោះអ្នកមានឋាន:អ្វី តួនាទីអ្វី សូមគោរពតួនាទី កាតព្វកិច្ចអ្នកឱ្យបានល្អបំផុត។ ព្យាយាមអភិវឌ្ឍន៍ខ្លួនពីមួយថ្ងៃទៅមួយថ្ងៃ កុំដេកចាំដល់ម៉ោង ដល់ខែ។ ពេលវេលានឹងកន្លងហួស អ្វីដែលបន្សល់ទុកគឺ ស្តាយក្រោយមិនបានប្រើប្រាស់ពេលវេលាឱ្យបានល្អ មិនបានបំពេញតួនាទីឱ្យបានល្អ។

សូមជម្រាបជូនថា ឧកញ៉ា ចាន់ ស៊ីថា គឺជាស្ថាបនិក និងជាអគ្គនាយកក្រុមហ៊ុនទឹកត្រីង៉ូវហេង ដែលសិប្បកម្មផលិតទឹកត្រី របស់លោកឧកញ៉ា បានឈរជើងយ៉ាងរឹងមាំនៅកម្ពុជាជិត ៣០ឆ្នាំមកហើយ ដោយផ្អែកទៅលើគុណភាពធម្មជាតិ ពិត ១០០ភាគរយ បានបន្សល់ទុករូបមន្ដពីដូនតារាប់រយឆ្នាំ៕

The post តើឧកញ៉ា ចាន់ ស៊ីថា យល់ឃើញបែបណាខ្លះចំពោះពាក្យថា «ថៅកែ»? appeared first on .

តាមការចេញផ្សាយលើហ្វេសប៊ុកផ្លូវការ របស់ទឹកត្រីង៉ូវហេងកំពត នៅពេលថ្មីៗ ទឹកត្រីរូបមន្ដដូនតារបស់ ឧកញ៉ា ចាន់ ស៊ីថា មានចំណុចពិសេស៩យ៉ាង ដែលធ្វើឱ្យម៉ាកសញ្ញាទឹកត្រីនេះ អាចឈរជើងជិត៣០ឆ្នាំ និងមានឈ្មោះល្បីល្បាញទាំងក្នុងនិងក្រៅប្រទេស។ ចំណុចពិសេសទាំងនោះរួមមាន៖

១. មានទីតាំងផលិតជាប់នឹងដៃសមុទ្រអាចរក្សាភាពស្រស់របស់ត្រីបានស្រស់ល្អ និងរក្សាប្រូតេអ៊ីនរបស់ត្រី បាន ខ្ពស់ធ្វើឱ្យទឹកត្រីកាន់តែពិសេស។

២. ផលិតឡើងពីត្រីកាកើមសមុទ្រដែលជាប្រភេទត្រីពិសេសក្នុងការផលិតទឹកត្រីឱ្យមានរសជាតិ ឈ្ងុយឆ្ងាញ់ ជាប្រភេទត្រីមានតែជាតិសាច់ ឈាម និងសំបូរប្រូតេអ៊ីនខ្ពស់។

៣. ប្រើអំបិលធម្មជាតិក្នុងខេត្តកំពត និងមានទីតាំងក្រោយរោងចក្រផ្ទាល់ ហើយអំបិលកំពតជាអំបិលដែលល្អ និងសំបូរសារជាតិចិញ្ចឹមច្រើនក្នុងតំបន់។

៤. មានបច្ចេកទេសនិងបទពិសោធន៍ក្នុងការផលិតទឹកត្រីជិត៣០ឆ្នាំ មានភាពល្បីល្បាញតាំងពីដូនតា។

៥. មានបន្ទប់ពិសោធន៍ផ្ទាល់ខ្លួន។

៦. បន្ទុំក្នុងធុងឈើក្រោមកម្ដៅព្រះអាទិត្យចាប់ពី ១២ខែ ឬ ៣៦៥ថ្ងៃឡើងទៅ តាមបច្ចេកទេសពីដូនតាមក។

៧. ជាទឹកត្រីទទួលបានម៉ាកសញ្ញាសម្គាល់ភូមិសាស្រ្ត GI ដែលទទួលស្គាល់ថាជាទឹកត្រីដែលល្អនិងមាន លក្ខណៈ ពិសេសខុសពីទឹកត្រីដទៃ ទាំងគុណភាព និងលក្ខណៈពិសេសជាច្រើន (ដូចម្រេចកំពត ដែលមាន ភាពល្បីល្បាញ)។

៨. ទទួលបានស្តង់ដាជាតិ និងអន្តរជាតិ ពានរង្វាន់ផ្សេងៗ និងស្តង់ដាសុវត្ថិភាពជាច្រើន ដែលជាទំនុកចិត្ត ដល់ អ្នកប្រើប្រាស់។

៩. មានក្តីស្រឡាញ់ និងចង់ឃើញផលិតផលជាតិមានភាពល្បីល្បាញនាំចេញទៅក្រៅប្រទេសឱ្យបានច្រើន ដើម្បី ជួយជំរុញទាំងសេដ្ឋកិច្ច និង លើកកម្ពស់ជីវភាពប្រជាជន ក្នុងតំបន់អោយមានការងារធ្វើ ប្រកបដោយការរីក ចម្រើន ទាំងសហគមន៍យើង និងមោទនភាពជាខ្មែរ។

សូមជម្រាបជូនផងដែរថា សិប្បកម្មផលិតទឹកត្រីង៉ូវហេងកំពត ត្រូវបានបង្កើតឡើងតាំងពីឆ្នាំ ១៩៩៥ មកដល់ សព្វថ្ងៃមាន អាយុកាល២៧ឆ្នាំហើយ និងបានវិវឌ្ឍន៍ខ្លួនបន្តិចម្តងៗ រហូតទទួលបានស្តង់ដាជាតិមុនគេ ក្នុង ខេត្ត កំពត នាឆ្នាំ២០០៣, បានទទួលគម្រោងអភិវឌ្ឍន៍ TDF ក្នុងឆ្នាំ២០០៩, ទទួលបានមេដាយក្នុងការប្រកួត ប្រជែង កែច្នៃកសិកម្ម និងបានបង្កើតផ្សារង៉ូវហេងកំពតក្នុងឆ្នាំ២០១៧, ទទួលបានពានចំនួន៥ ពីក្រសួង រ៉ែនិង ថាមពល និងទទួលបានស្តង់ដាសុវត្ថិភាពចំណីអាហារអន្តរជាតិ HCCAP នៅឆ្នាំ២០១៨។ ក្រុមហ៊ុនរបស់ លោក ឧកញ៉ាក៏ទទួលបានស្តង់ដាហាឡាលកម្ពុជាពីអគ្គនាយកដ្ឋាន ក.ប.ប. នៃក្រសួងពាណិជ្ជកម្មផងដែរ។

ក្រៅពីផលិតទឹកត្រី ក្រុមហ៊ុនទឹកត្រី ង៉ូវហេង ក៏ផលិតផងដែរនូវ ទឹកស៊ីអ៊ីវសៀងពិសេស ទឹកម្ទេស ទឹកប្រេងខ្យង និងទឹកសៀងពិសេស ដែលផលិតផលទាំងនេះបានដាក់លក់នៅតាមផ្សារទំនើបធំៗក្នុងប្រទេសកម្ពុជា៕

អត្ថបទ៖ សុកធា

The post តើទឹកត្រីង៉ូវហេងកំពតរបស់ ឧកញ៉ា ចាន់ ស៊ីថា មានចំណុចពិសេសអ្វីខ្លះ ទើបអាចឈរជើងបានជិត៣០ឆ្នាំ? appeared first on .

លោកឧកញ៉ា ចាន់ ស៊ីថា ប្រធានសមាគមអ្នកផលិតទឹកត្រីកំពត កែប និងជាអគ្គនាយក្រុមហ៊ុនទឹកត្រី ង៉ូវហេងកំពតបានឱ្យដឹងថា នៅពេលសមាគមរៀបចំនិងមានច្បាប់ទម្លាប់សព្វគ្រប់ហើយ លោកឧកញ៉ា នឹងអញ្ចើញសមាជិកដែលជាអ្នកផលិតទឹកត្រីក្នុងខេត្ត បង្ហាញឃើញនៅអ្វីដែលគិតថាជាបញ្ហាប្រឈមដើម្បីធ្វើយ៉ាងឱ្យផលិតផលមាននិរន្តរភាពនិងមានស្តង់ដា។

លោកឧកញ៉ា ចាន់ ស៊ីថា មានប្រសាសន៍ថា ក្នុងនាមជាប្រធានសមាគមអ្នកផលិតទឹកត្រីកំពតកែប ជាធម្មតា។យើងតែងតែមានមហិច្ឆិតា នៅអ្វីដែលយើងខិតខំធ្វើ។អ្វីដែលយើងបានឬ ចង់ឃើញនោះគឺចង់រំលេចនូវផលិតផលរបស់ខ្មែរយើង Make In Cambodia ឱ្យគេស្គាល់ ព្រោះនៅពេលសព្វថ្ងៃនេះ មានគេប្រើយីហោកំពតជាត្រីវិស័យឬជាឈ្មោះរបស់គេ ដើម្បីយកឈ្មោះកំពតធ្វើជាទីផ្សារ អ៊ីចឹងសព្វថ្ងៃនេះផលិតផលជាក់ស្តែងរបស់ខេត្តកំពតនេះមិនទាន់បាននាំចេញ ។

លោកឧកញ៉ា សង្កត់ធ្ងន់ថា « ខ្ញុំចង់ឃើញណាស់ ទឹកត្រីកំពត កែបរបស់យើង មានលទ្ធភាពនាំចេញទៅខាងក្រៅបាននៅពេលខាងមុខ ក្រៅពីផ្គត់ផ្គង់នៅក្នុងស្រុក»។

បើតាមប្រធានសមាគម ទឹកត្រីកំពតកែបគឺផលិតចេញពីត្រីដែលយើងបានកំណត់នៅក្នុងលក្ខខណ្ឌ ដូចជាត្រីកាកើមសំបូរទៅដោយប្រូតេអ៊ីន ហើយរសជាតិវាមានការទទួលស្គាល់តំាងពីជំនាន់ដូនតាយើងមកម្ល៉េះ។

ដោយសារវាមានរសជាតិឆ្ងុយឆ្ងាញ់ ហើយមានប្រូតេអ៊ីនខ្ពស់ជាងត្រីសាប។យើងនៅមានធុងស្តុកទឹកត្រីបែបបុរាណ ដែលមានអាយុកាលរាប់រយឆ្នំា ហើយយើងបានរក្សាទុកជាកេរ្តិ៍ដំណែល ព្រោះធុងទំាងនេះគ្មានអ្នកណាធ្វើបានទៀតទេសព្វថ្ងៃនេះ។

លោកឧកញ៉ា ចាន់ ស៊ីថា មានប្រសាសន៍ថា«ការផលិតទឹកត្រី បើសម្លឹងមើលតែមួយភ្លែតឃើញថាស្រួល ប៉ុន្តែការអនុវត្តវាមិនស្រួលទេ ព្រោះទឹកត្រីជាផលិតផលមួយត្រូវការដើមទុនច្រើន និងត្រូវការពេលវេលាមួយសមស្រប ដោយសារត្រីដែលយកមកផលិតជាទឹកត្រីនេះ ត្រូវការពេលវេលាមួយឆ្នំាទើបបានទឹកត្រីយកមកលក់នៅលើទីផ្សារ»៕

អត្ថបទ៖សារេត

The post ឧកញ៉ា ចាន់ ស៊ីថា បង្ហាញមហិច្ឆិតានាំចេញទឹកត្រីកំពត កែប ទៅកាន់ទីផ្សារបរទេស appeared first on .

តាមរយៈគណនីហ្វេសប៊ុកផ្លូវការរបស់ក្រុមហ៊ុន ទឹកត្រីង៉ូវហេងកំពត បានអំពាវនាវដល់ប្រជាពលរដ្ឋជួយគាំទ្រនិងផ្តល់តម្លៃលើកទឹកចិត្តដល់ផលិតផលសម្គាល់ភូមិសាស្រ្តទាំងអស់គ្នា។ ក្រុមហ៊ុនបានគូសបញ្ជាក់ថា នេះជាការលើកទឹកចិត្ត និងជំរុញអោយពិភពលោកបានស្គាល់ពីផលិតផលខ្មែរយើងកាន់តែច្រើន។

ឧកញ៉ា ចាន់ ស៊ីថា បានប្រឡូកក្នុង​វិស័យ​កែច្នៃ​ចំណី​អាហារ​ក្នុង​ស្រុក​ជា​ច្រើន​ឆ្នាំ​មក​ហើយ ខណៈ​ដែល​លោក​បាន​បង្កើត​ក្រុមហ៊ុន​ជាផ្លូវការ ​​កាល​ឆ្នាំ២០០៧។ ក្រុមហ៊ុន ​​អ៊ីឆេ ង៉ូវហេង ហ្វូដ​ ប្រូដាក់សិន ​​​​ដែល​មាន​ទីតាំង​នៅ​ខេត្ត​កំពត ​​កំពុង​ផលិត​នូវ​ផលិត​ផល​មួយ​ចំនួន​ដូចជា ទឹកត្រីធម្មជាតិ ទឹកស៊ីអ៊ីវ ទឹកប្រេងខ្យង ម្រេច និងអំបិល ផងដែរ។

រយៈពេលជាង ២៨ឆ្នាំមកនេះ ក្រុមហ៊ុនទឹកត្រីង៉ូវហេងកំពត ទទួលបានស្តង់ដារជាតិមុនគេក្នុងខេត្តកំពត នាឆ្នាំ២០០៣, បានទទួលគម្រោងអភិវឌ្ឍន៍ TDF ក្នុងឆ្នាំ២០០៩, ទទួលបានមេដាយក្នុងការប្រកួតប្រជែងកែច្នៃកសិកម្ម និងបានបង្កើតផ្សារង៉ូវហេងកំពតក្នុងឆ្នាំ២០១៧, ទទួលបានពានចំនួន៥ ពីក្រសួងរ៉ែនិងថាមពល និងទទួលបានស្តង់ដារសុវត្ថិភាពចំណីអាហារអន្តរជាតិ HCCAP នៅឆ្នាំ២០១៨ និងទទួលបានស្តង់ដារហាឡាលកម្ពុជាពីអគ្គនាយកដ្ឋាន ក.ប.ប. នៃក្រសួងពាណិជ្ជកម្មថែមទៀត៕

The post សិប្បកម្មឧកញ៉ាម្នាក់នៅខេត្តកំពត ក្រសួងប្រកាសផ្លូវការទទួលស្គាល់ម៉ាកសម្គាល់ភូមិសាស្ត្រ appeared first on .

ក្នុងឱកាសពិនិត្យជាក់ស្តែងដល់ទីតាំងសិប្បកម្មផលិតទឹកត្រីនាខេត្តកំពតនេះ លោក Jang Gyu-Hwa អនុប្រធានសមាគមអ្នកនាំចូលកូរ៉េ បានបង្ហាញពីគោលបំណងរបស់គណៈប្រតិភូ KOIMA ក្នុងការនាំយកនូវផលិតផលទឹកត្រី ង៉ូវហេង ចូលទៅកាន់ទីផ្សារប្រទេសកូរ៉េ ដើម្បីប្រើប្រាស់ប្រចាំថ្ងៃ និងធ្វើជាវត្ថុធាតុដើមក្នុងការផលិតគីមឈី ផងដែរ។

លោកបន្តថា KOIMA នឹងខិតខំប្រឹងប្រែងឱ្យអស់លទ្ធភាពដើម្បីជំរុញកិច្ចការនេះឱ្យបានឆាប់បំផុត។

ជាមួយគ្នានេះដែរ លោក ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម បានលើកឡើងថា តាមរយៈដំណើរទស្សនកិច្ចនេះនឹងជួយឱ្យគណៈប្រតិភូទាំងអស់ជ្រាបកាន់តែច្បាស់បន្ថែមទៀតអំពីខ្សែច្រវាក់ផលិតកម្ម, ផលិតផលទំនិញនិងដំណើរការផ្សារ ព្រមទាំងសក្ដានុពលផ្សេងៗទៀតរបស់សហគ្រាសង៉ូវហេង ផងដែរ។ បន្ថែមពីនេះ លោកក៏លើកទឹកចិត្តដល់គណៈប្រតិភូកូរ៉េ ឱ្យប្រើប្រាស់នូវកិច្ចព្រមព្រៀងពាណិជ្ជកម្មនានាដែលកម្ពុជា ជាសមាជិក ដើម្បីជំរុញឱ្យការធ្វើពាណិជ្ជកម្មរវាងប្រទេសទាំងពីរ កាន់តែកើនឡើងបន្ថែមទៀត។

ទន្ទឹមនឹងនេះ លោករដ្ឋមន្រ្តី ប៉ាន សូរស័ក្តិ បានផ្ដល់អនុសាសន៍ណែនាំដល់ក្រុមហ៊ុនទឹកត្រីង៉ូវហេង សិក្សាស្វែងយល់ និងទាញយកបច្ចេកទេស បទពិសោធន៍ថ្មីៗបន្ថែមទៀត ពីខាងភាគីកូរ៉េ ដើម្បីបង្កើនគុណភាព ផលិតភាព និងស្ដង់ដារផលិតផលរបស់ខ្លួនទៅកាន់ទីផ្សារអន្តរជាតិ ផងដែរ។

ថ្លែងក្នុងឱកាសនោះ ឧកញ៉ា ចាន់ ស៊ីថា ស្ថាបនិក និងជាអគ្គនាយកក្រុមហ៊ុនទឹកត្រីង៉ូវហេង បានលើកឡើងថា សិប្បកម្មរបស់លោកចាប់ផ្តើមតាំងពីឆ្នាំ១៩៩៥ គិតមកដល់សព្វថ្ងៃមានអាយុកាល២៧ហើយ និងបានវិវឌ្ឍន៍ខ្លួនបន្តិចម្តងៗរហូតទទួលបានស្តង់ដារជាតិមុនគេក្នុងខេត្តកំពត នាឆ្នាំ២០០៣, បានទទួលគម្រោងអភិវឌ្ឍន៍ TDF ក្នុងឆ្នាំ២០០៩, ទទួលបានមេដាយក្នុងការប្រកួតប្រជែងកែច្នៃកសិកម្ម និងបានបង្កើតផ្សារង៉ូវហេងកំពតក្នុងឆ្នាំ២០១៧, ទទួលបានពានចំនួន៥ ពីក្រសួងរ៉ែនិងថាមពល និងទទួលបានស្តង់ដារសុវត្ថិភាពចំណីអាហារអន្តរជាតិ HCCAP នៅឆ្នាំ២០១៨ និងថ្មីៗនេះទទួលបានស្តង់ដារហាឡាលកម្ពុជាពីអគ្គនាយកដ្ឋាន ក.ប.ប. នៃក្រសួងពាណិជ្ជកម្មផងដែរ។

ឧកញ៉ាបានបន្តថា មូលហេតុដែលនាំឱ្យទឹកត្រីរបស់ក្រុមហ៊ុនទឹកត្រីង៉ូវហេង ល្បីឈ្មោះបានដូចសព្វថ្ងៃ មានចំនួន៣ធំៗ រួមមាន៖ ទី១-ត្រីកាកើមដែលមានគុណភាព ទី២-អំបិលកំពតដែលមានគុណភាព និងទី៣-ការបន្ទុំបែបប្រពៃណី។ ដើម្បីក្លាយជាក្រុមហ៊ុនកែច្នៃផលិតផលម្ហូបអាហារឈានមុខគេនៅកម្ពុជា ក្រុមហ៊ុនមានបេសកកម្មក្នុងការផលិតតាមប្រពៃណីបែបទំនើបកម្ម ដែលរក្សាគុណភាព សុវត្ថិភាព និងអនាម័យខ្ពស់ដល់អ្នកប្រើប្រាស់ ហើយក្រុមហ៊ុនមានបំណងបង្កើតផលិតផល Premium ថ្មី និងផលិតផលថ្មីសម្រាប់សុខភាព ជាពិសេសពង្រឹង និងពង្រីកបន្ថែមទៀតនូវសមត្ថភាពផលិតដើម្បីបំពេញតម្រូវការទីផ្សារក្នុងស្រុក និងទីផ្សារអន្តរជាតិ ផងដែរ។

សូមជម្រាបជូនថា ផលិតផលសំខាន់ៗរបស់ក្រុមហ៊ុនទឹកត្រីង៉ូវហេងមានដូចជា៖ ទឹកត្រីង៉ូវហេងកំពត ទឹកស៊ីអ៊ីវសៀងពិសេស ទឹកម្ទេស ទឹក ប្រេងខ្យង និងទឹកសៀងពិសេស ដែលផលិតផលទាំងនេះបានដាក់លក់នៅតាមផ្សារទំនើបធំៗក្នុងប្រទេសដូចជាផ្សារទំនើបអ៊ីអន ផ្សារទំនើបឡាក់គី ផ្សារទំនើបជីបម៉ុង ផ្សារទំនើបបាយ័ន ផ្សារម៉ាក្រូ និងផ្សារទំនើបដទៃទៀត៕

The post កម្ពុជានឹងនាំទឹកត្រីឧកញ៉ាម្នាក់ ទៅធ្វើវត្ថុធាតុដើមគីមឈីនៅប្រទេសកូរ៉េ appeared first on .

ឧកញ៉ា ចាន់ ស៊ីថា ស្ថាបនិក និងជាអគ្គនាយកក្រុមហ៊ុនទឹកត្រីង៉ូវហេង បានលើកឡើងថា សិប្បកម្មរបស់លោកចាប់ផ្តើមតាំងពីឆ្នាំ១៩៩៥ មកដល់សព្វថ្ងៃមានអាយុកាល២៧ឆ្នាំហើយ និងបានវិវឌ្ឍន៍ខ្លួនបន្តិចម្តងៗរហូតទទួលបានស្តង់ដារជាតិមុនគេក្នុងខេត្តកំពត នាឆ្នាំ២០០៣, បានទទួលគម្រោងអភិវឌ្ឍន៍ TDF ក្នុងឆ្នាំ២០០៩, ទទួលបានមេដាយក្នុងការប្រកួតប្រជែងកែច្នៃកសិកម្ម និងបានបង្កើតផ្សារង៉ូវហេងកំពតក្នុងឆ្នាំ២០១៧, ទទួលបានពានចំនួន៥ ពីក្រសួងរ៉ែនិងថាមពល និងទទួលបានស្តង់ដារសុវត្ថិភាពចំណីអាហារអន្តរជាតិ HCCAP នៅឆ្នាំ២០១៨។ ថ្មីៗនេះ ក្រុមហ៊ុនរបស់លោកឧកញ៉ាក៏ទទួលបានស្តង់ដារហាឡាលកម្ពុជាពីអគ្គនាយកដ្ឋាន ក.ប.ប. នៃក្រសួងពាណិជ្ជកម្មផងដែរ។

ថ្លែងនៅចំពោះមុខរដ្ឋមន្រ្តីក្រសួងពាណិជ្ជកម្ម និងគណៈប្រតិភូកូរ៉េ ឧកញ៉ា ចាន់ ស៊ីថា បានទម្លាយនូវមូលហេតុដែលនាំឱ្យទឹកត្រីរបស់ក្រុមហ៊ុនទឹកត្រីង៉ូវហេង ល្បីឈ្មោះបានដូចសព្វថ្ងៃ គឺមានចំនួន ៣ធំៗ រួមមាន៖ ទី១-ត្រីកាកើមដែលមានគុណភាព ទី២-អំបិលកំពតដែលមានគុណភាព និងទី៣-ការបន្ទុំបែបប្រពៃណី។

លោកឧកញ៉ាបានគូសបញ្ជាក់ថា ដើម្បីក្លាយជាក្រុមហ៊ុនកែច្នៃផលិតផលម្ហូបអាហារឈានមុខគេនៅកម្ពុជា ក្រុមហ៊ុនមានបេសកកម្មក្នុងការផលិតតាមប្រពៃណីបែបទំនើបកម្ម ដែលរក្សាគុណភាព សុវត្ថិភាព និងអនាម័យខ្ពស់ដល់អ្នកប្រើប្រាស់ ហើយក្រុមហ៊ុនមានបំណងបង្កើតផលិតផល Premium ថ្មី និងផលិតផលថ្មីសម្រាប់សុខភាព ជាពិសេសពង្រឹង និងពង្រីកបន្ថែមទៀតនូវសមត្ថភាពផលិតដើម្បីបំពេញតម្រូវការទីផ្សារក្នុងស្រុក និងទីផ្សារអន្តរជាតិ ផងដែរ។

សូមជម្រាបជូនថា ផលិតផលសំខាន់ៗរបស់ក្រុមហ៊ុនទឹកត្រីង៉ូវហេងមានដូចជា ទឹកត្រីង៉ូវហេងកំពត ទឹកស៊ីអ៊ីវសៀងពិសេស ទឹកម្ទេស ទឹក ប្រេងខ្យង និងទឹកសៀងពិសេស ដែលផលិតផលទាំងនេះបានដាក់លក់នៅតាមផ្សារទំនើបធំៗក្នុងប្រទេសដូចជាផ្សារទំនើបអ៊ីអន ផ្សារទំនើបឡាក់គី ផ្សារទំនើបជីបម៉ុង ផ្សារទំនើបបាយ័ន ផ្សារម៉ាក្រូ និងផ្សារទំនើបដទៃទៀត៕

The post ឧកញ៉ា ចាន់ ស៊ីថា បង្ហាញហេតុផលចំនួន ៣ នាំឱ្យទឹកត្រីរបស់ក្រុមហ៊ុនល្បីឈ្មោះដូចសព្វថ្ងៃ appeared first on .

ឧកញ៉ា ​​ចាន់ ស៊ីថា ធ្លាប់បានឱ្យដឹងថា ​​ជិត៣០ឆ្នាំហើយ​ដែលលោក​ចំណាយពេលវេលាជាមួយវិស័យកែច្នៃចំណីអារហារ អ្វីដែលសំខាន់ គឺទំនុកចិត្ត គុណភាព និងភាពស្មោះត្រង់ ហើយ​នេះ​ជាកត្តាសំខាន់ ដែលនាំអោយប្រជាជន​មានទំនុកចិត្ត និងងាកមកប្រើ​ប្រាស់​ផលិតផលក្នុងស្រុកជាច្រើន។

គួររំលឹកបន្តិចថា ឧកញ៉ា ចាន់ ស៊ីថា បានប្រឡូកក្នុង​វិស័យ​កែច្នៃ​ចំណី​អាហារ​ក្នុង​ស្រុក​ជា​ច្រើន​ឆ្នាំ​មក​ហើយ ខណៈ​ដែល​លោក​បាន​បង្កើត​ក្រុមហ៊ុន​ជាផ្លូវការ ​​កាល​ឆ្នាំ២០០៧។ ក្រុមហ៊ុន ​​អ៊ីឆេ ង៉ូវហេង ហ្វូដ​ ប្រូដាក់សិន ​​​​ដែល​មាន​ទីតាំង​នៅ​ខេត្ត​កំពត ​​កំពុង​ផលិត​នូវ​ផលិត​ផល​មួយ​ចំនួន​ដូចជា ទឹកត្រីធម្មជាតិ ទឹកស៊ីអ៊ីវ ទឹកប្រេងខ្យង ម្រេច និងអំបិល ផងដែរ៕

​

The post ឧកញ៉ា ចាន់ ស៊ីថា ចំណាយពេលជិត៣០ឆ្នាំ លើវិស័យកែច្នៃចំណីអាហារក្នុងស្រុក appeared first on .