សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ​បំផុត​ចំពោះ ឧកញ៉ា ចិត្រ សេរីសុភ័ក្ត្រ និងលោកជំទាវ ដែលបានបរិច្ចាគថវិកាចំនួន ៤លានរៀល ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារ​យុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគ​ថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារ​មនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់​ក្នុងការលើកកម្ពស់ស្មារតី​វប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post ឧកញ៉ា ចិត្រ សេរីសុភ័ក្ត្រ និងលោកជំទាវ បរិច្ចាគថវិកា ៤លានរៀល ជូនកាកបាទក្រហមកម្ពុជា appeared first on .

ក្នុងន័យដូចគ្នានេះដែរ ឧកញ៉ា ចិត្រ សេរីសុភ័ក្ត្រ សហគ្រិនវ័យក្មេងនៅកម្ពុជា និងជាស្ថាបនិកក្រុមហ៊ុន CSS Group បានចែករំលែកនូវពុទ្ធិដ៏សំខាន់ ចំនួន ១០ចំណុច ស្ដីពីការពង្រឹងសមត្ថភាព ស្របតាមពេលវេលា ដើម្បីត្រៀមខ្លួនយកឈ្នះ គ្រប់បញ្ហា ដែលអាចនឹងចូលមកតោងទាមខ្លួនមនុស្សគ្រប់គ្នា ក្នុងឆ្នាំ២០២២ នេះ ប្រសិនយើងមិនបានផ្លាស់ប្ដូរទម្លាប់ និងផ្នត់គំនិតមិនល្អក្នុងអតីតកាល។

ឧកញ៉ា ចិត្រ សេរីសុភ័ក្ត្រ បានលើកឡើងថា ១០ចំណុចសំខាន់ៗ ដែលបងប្អូនគួរយល់ដឹងនៅក្នុងឆ្នាំ២០២២។ ដោយកុំមើលរំលង ដូចនៅក្នុងឆ្នាំ២០២០ / ២០២១ ដែលបានបង្ហាត់យើងនូវរឿងដែលនឹកស្មានមិនដល់កន្លងមក៖

១/ កុំរំពឹងលើភ័ព្វព្រេងវាសនា

២/ ឈ្វេងយល់ និងយល់ដឹងពីចំណុចខ្សោយ និងខ្វះខាត របស់ខ្លួនឯងឲ្យបានច្បាស់លាស់

៣/ ត្រូវត្រៀមខ្លួនឯងជាស្រេច គ្រប់ពេលវេលា និងកាលៈទេសៈទាំងអស់

៤/ ត្រូវតែពូកែ និងមានភាពឈ្លាសវៃនៅក្នុងការដឹកនាំអាជីវកម្មរបស់អ្នក ហើយត្រូវមានប្រជាប្រិយ៍ភាព និងទំនាក់ទំនងល្អនៅក្នុងសង្គម

៥/ កុំរត់គេចពីបញ្ហា ហើយត្រូវហ៊ានប្រឈមមុខ និងដោះស្រាយបញ្ហាទាំងអស់ដែលកំពុងតែកើតឡើងម្តងមួយៗឲ្យបានច្បាស់លាស់

៦/ កុំជម្រុញខ្លួនឯងឲ្យដើរទៅលើផ្លូវខុស ហើយកុំគិតអវិជ្ជមានច្រើនពេក

៧/ ត្រូវចេះកែច្នៃបញ្ហាដែលបានកើតឡើងឲ្យទៅជាឱកាស ដើម្បីធ្វើការអភិវឌ្ឍខ្លួន ឬស្ថាប័នឲ្យទាន់សភាពជាក់ស្តែង

៨/ ត្រូវដឹងពីគោលដៅ និងគោលបំណងពិតប្រាកដរបស់ខ្លួនឲ្យបានច្បាស់លាស់

៩/ ត្រូវមានឆន្ទៈខ្ពស់ គិតវិជ្ជមាន ដោយការគិត និយាយ ធ្វើ ដោយមានការពិចារណា កុំរវើរវាយទៅតាមអារម្មណ៍

១០/ ត្រូវធ្វើការផ្លាស់ផ្តូរការគិតរបស់អ្នក ដែលធ្លាប់គិតថា«មិនអាចធ្វើបាន មិនអាចទៅរួច ចាំសិន គ្មានសមត្ថភាព គ្មានបទពិសោធន៍ ខ្លាច និង ខ្ជិលជាដើម។ល។»

The post ១០ចំណុច ពង្រឹងភាពខ្លាំងក្នុងឆ្នាំ ២០២២ ពីឧកញ៉ា ចិត្រ សេរីសុភ័ក្ត្រ អានរួចដូចបានចាក់វ៉ាក់សាំងការពារភាពបរាជ័យ appeared first on .

ពាក់ព័ន្ធនឹងប្រធានបទខាងលើនេះដែរ លោកឧកញ៉ា ចិត្រ សេរីសុភ័ក្ត្រ អគ្គនាយកក្រុមហ៊ុន Luxury Smile Cambodia Co.,Ltd ដែលត្រូវបានគេស្គាល់ថា ជាអ្នកជំនួញវ័យក្មេង និងមានឥទ្ធិពលមួយរូប បានចេញមកចែករំលែកនូវគន្លឹះចាប់យកអាជីវកម្មសំខាន់ៗចំនួន ៦ប្រភេទ ដែលកំពុងត្រូវប៉ាន់ក្នុងទីផ្សារ និងបរិបទក៏ដូចជាស្ថានភាពសេដ្ឋកិច្ចប្រទេសកម្ពុជាយើងសព្វថ្ងៃនេះ។ អាជីវកម្មចម្បងទាំង៦ នោះរួមមានដូចជា៖

១. វិស័យអចលនទ្រព្យ

២. អាជីវកម្មគ្រឿងសម្អាង

៣. បើកកន្លែងកម្សាន្ត ដូចជារមណីយដ្ឋាន រីសត និងសេវាកម្មកម្សាន្តផ្សេងៗទៀត

៤. សេវាកម្មដឹកជញ្ជូន

៥. ម្ហូបអាហារ និងភេសជ្ជៈ

៦. វិស័យបច្ចេកវិទ្យា

យ៉ាងណាមិញ លោកឧកញ៉ាអគ្គនាយក ក្រុមហ៊ុនផ្នែកគ្រឿងសម្អាងថែរក្សាសម្ភស្ស និងកំពុងក្ដោបក្ដាប់ប្រភេទអាជីវកម្មជាច្រើនប្រភេទក្នុងដៃរូបនេះ ក៏បានសង្កត់ធ្ងន់ដែរថា៖ ត្បិតថា អាជីវកម្មទាំង ៦ប្រភេទខាងលើសមស្របនឹងបច្ចុប្បន្នភាព ក៏ពិតមែន ប៉ុន្តែអ្នកចង់ប្រឡូកក្នុងវិស័យទាំងអស់នេះ តោងស្វែងយល់ឱ្យល្អិតល្អន់សិន មុនសម្រេចចិត្តចាប់ផ្ដើម។ ការលើកឡើងដូច្នេះ ដោយលោកមើលឃើញថា អាជីវកម្មខ្លះ សហគ្រិនគាត់ឃើញគេបើកដំណើរការល្អ លក់ដាច់ មានអតិថិជនគាំទ្រច្រើន តែពេលសាកល្បងខ្លួនឯងផ្ទាល់ បែរជាប្រឈមហានិភ័យ និងក្ស័យធុនជាដើម។

លោកឧកញ៉ាសង្ហារូបនេះ ក៏បានលើកឧទាហរណ៍ចំៗថា៖ ដូចជាប្រភេទអាជីវកម្មបើកហាងកាហ្វេអុីចឹង! មិនមែនងាយស្រួលដូចយើង ឮគេនិយាយតៗគ្នាថា ជាប្រភេទមុខរបរចាក់ទឹកយកលុយនោះទេ។ បើមិនមានការសិក្សាគ្រប់ជ្រុងជ្រោយ សិក្សាពីកត្តាប្រឈម សិក្សាពីដៃគូរប្រកួតប្រជែង សិក្សាពីចំណង់ចំណូលចិត្តអតិថិជន ច្បាស់ជាប្រឈមនឹងហានិភ័យបិទអាជីវកម្មវិញក្នុងរយៈពេលណាមួយជាក់ជាមិនខាន៕  

The post ឧកញ៉ា ចិត្រ សេរីសុភ័ក្ត្រ បង្ហើបពីអាជីវកម្ម ៦ប្រភេទអាចជួយឱ្យក្លាយជាអ្នកមានបានក្នុងឆ្នាំ២០២១ appeared first on .