លើកឡើងនៅក្នុងបទសម្ភាសន៍មួយកាលពីពេលថ្មីៗនេះ ឧកញ៉ា ជា តុងហ៊ួរ មើលឃើញថា ស្របពេលដែល ពិភពលោក កំពុងជួបនូវ វិបត្តិសេដ្ឋកិច្ចសកល ក្នុងកំឡុងពេលយើងបាននឹងកំពុងជួបនៅ ជំងឺរាតត្បាតកូវីដ-១៩, សង្គ្រាមរុស្ស៊ី-អ៊ុយក្រែន, សង្រ្គាមប៉ាឡេស្ទីន-អ៊ីស្រាអែល សហគ្រិនទាំងអស់ត្រូវមានលំនឹងផ្លូវចិត្ត និងចាប់ផ្ដើមគិត រកដំណោះស្រាយ ផ្សេងៗដើម្បីឱ្យជំនួញឬអាជីវកម្មរបស់ខ្លួនឈរជើងទៅមុខ។

លោកឧកញ៉ា បញ្ជាក់ថា វិបត្តិសេដ្ឋកិច្ចសកល គ្មាននរណាអាចដឹងមុនបាននោះទេ ហើយសហគ្រិនក៏មិន ត្រូវ បន្ទោស នរណានោះដែរ ប៉ុន្ដែត្រូវព្យាយាមទប់ខ្លួនឱ្យជាប់ ដោយមិនបាក់នូវស្មារតី បាត់បង់នូវភាពស្នូលរបស់ខ្លួន ព្រលឹងវិញ្ញាណរបស់ខ្លួន និងក្ដីសង្ឃឹមរបស់ខ្លួននោះទេ ប្រសិនបើបាត់បង់អ្វីទាំងអស់នេះ គឺស្មើនឹងបាត់បង់ អ្វីគ្រប់ យ៉ាងតែម្ដង។

មនុស្សយើងកើតមកខ្លួនទទេ មិនមានលុយមកតាមនោះទេ ហេតុនេះនៅពេលដែលយើងបាត់បង់ លុយ ដែល រកបាន ឬរកស៊ីខាត គឺស្មើនឹងយើងមិនមានបាត់បង់ ព្រោះត្រូវចាំថា យើងកើតមកទទេ ទៅវិញក៏ទទេ តែអ្វី ដែល យើងត្រូវធ្វើនៅពេលដែលបាត់បង់ចំណូល ដែលជាកត្តានាំឱ្យពិបាកក្នុងការបន្តទៅមុខក្នុងវិស័យជំនួញ យើង ត្រូវរកវិធីសាស្រ្តដោះស្រាយផ្សេងៗតាមដែលអាចធ្វើទៅបាន ដូចជា បង្កើតមុខរបរថ្មីដែលអាចរក ចំណូលឱ្យ រាល់ថ្ងៃ ដូចជា ហាងអាហារ ហាងលក់សម្លៀកបំពាក់ប្រើប្រាស់ប្រចាំថ្ងៃជាដើម។ នៅពេលដែលទទួលបាន ចំណូល មកពីគ្រប់ផ្នែកបែបនេះ យើងអាចយកទៅទប់លំនឹងអាជីវកម្មធំរបស់យើងបាន។ ឧកញ៉ា ជា តុង ហ៊ួរ បញ្ជាក់បន្ថែម។

ម្ចាស់សៀវភៅ Mind Map បន្តថា សហគ្រិនពេលជួបវិបត្តិសេដ្ឋកិច្ច គួរចាប់គិតឡើងវិញពីប្រភពចំណូល ប្រភពចំណាយឱ្យបានច្បាស់លាស់ ទើបងាយស្រួលក្នុងការកែប្រែស្ថានការណ៍។ ប្រសិនបើចំណូលមិន សមាមាត្រ នឹងចំណាយ យើងត្រូវកាត់បន្ថយចំណាយចេញខ្លះដែលមិនចាប់បាច់។ ហើយបើដឹងថា ចំណូលបាន ពីប្រភពណាច្រើន គួរខំប្រឹងលើផ្នែកនោះកាន់តែខ្លាំងលើសមុន។

សូមជម្រាបជូនផងដែរ ឧកញ៉ា ជា តុងហ៊ួរ ជានិច្ចកាល តែងតែចែករំលែកបទពិសោធន៍ ធ្វើអាជីវកម្មដល់ សហគ្រិន ឬសារធារណៈជន ដោយមិនគិតប្រាក់ ហើយបាននិពន្ធសៀវភៅថ្មីស្រឡាងមួយ មាន ចំណង ជើង ថា «Mind Map ផែនទីផ្នត់គំនិត» ដើម្បីបានជាគតិខ្លះដល់សារធារណៈជន ជាពិសេសសហគ្រិន ផង ដែរ៕

អត្ថបទ៖ សុកធា

The post ឧកញ៉ា ជា តុងហ៊ួរ៖ ជាសហគ្រិន ពេលជួបបញ្ហាត្រូវរក្សាលំនឹងផ្លូវចិត្ត និងរកដំណោះស្រាយដោយភាពច្បាស់លាស់ appeared first on .

លើកឡើងនៅបណ្ដាញសង្គមហ្វេសប៊ុក នាព្រឹកថ្ងៃទី២៩ ខែវិច្ឆិកា ឆ្នាំ២០២៣ ឧកញ៉ា ជា តុងហ៊ួរ បានលើកឡើងពីបញ្ហាមួយចំនួនដែលបានកើតឡើងក្នុងប្រទេសកម្ពុជា នាពេលបច្ចុប្បន្ន ដោយលោកបានមើលឃើញថា មនុស្សចាស់មួយចំនួនកំពុងវក់នឹងរឿងបារមី ចំណែកឯយុវជនក្មេងៗ វក់វីនិងស្រា មិនខិតខំរៀនសូត្រ។

ឧកញ៉ាវ័យក្មេងរូបនេះ បង្ហាញនូវការហួសចិត្តថា ខ្ញុំពិតជាសង្វេគជាតិខេមរា ដែលមានមនុស្សចាស់ៗ វក់នឹងរឿងបារមី ចំណែកឯយុវជន វក់តែនឹងរឿងស្រា។ លោកចោទសួរថា តើអនាគតប្រទេសជាតិទៅជាយ៉ាងណា? សេដ្ឋកិច្ចប្រទេសជាតិនឹងទៅជាយ៉ាងណា ប្រសិនបើ យុវជន និងមនុស្សចាស់ វង្វេងនឹងរឿងបារមី ចោលសៀវភៅ ចោលចំណេះដឹងស្រវ៉ាការសប្បាយ យកស្រា យកបារមីជាទីពឹងហើយនោះ?

ម្ចាស់សៀវភៅ Mind Map សង្កត់ធ្ងន់ថា ប្រទេសជាតិមួយអាចរីកចម្រើនទៅបាន លុះត្រាណាតែមនុស្សចាស់ដែលស្គាល់ផ្លូវមុន ណែនាំដល់ក្មេងជំនាន់ក្រោយជាពិសេសយុវជនដែលមានកម្លាំង។

សូមជម្រាបជូនផងដែរថា ឧកញ៉ា ជា តុងហ៊ួរ ជានិច្ចកាលតែងតែជួយកិច្ចការងារសង្គមជាច្រើន តាមរយៈការផ្ដល់ជាថវិការជូនរាជរដ្ឋាភិបាលកសាងប្រទេសជាតិ ការងារសប្បុរសធម៌ផ្សេងៗ ហើយថ្មីៗនេះ លោកឧកញ៉ា បានដាក់គោលដៅធ្វើដំណើរចំនួន១៩៥ប្រទេស ដើម្បីផ្សព្វផ្សាយពីប្រទេសកម្ពុជា ឱ្យពិភពលោកបានស្គាល់ និងទាក់ទាញភ្ញៀវទេសចរអន្តរជាតិមកលេងកម្ពុជា បង្កើនចំណូលចូលជាតិផងដែរ។

ឧកញ៉ា ជា តុងហ៊ួរ ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារជា «ឧកញ៉ា» កាលពីឆ្នាំ២០២១កន្លងទៅ៕

អត្ថបទ៖ សុកធា

The post ឧកញ៉ា ជា តុងហ៊ួរ៖ ប្រទេសជាតិរីកចម្រើនដោយមានចាស់ៗស្គាល់ផ្លូវ និងណែនាំដល់យុវជនជំនាន់ក្រោយមានកម្លាំង appeared first on .

សូមទស្សនាវីដេអូលម្អិតពីប្រវត្តិជីវិតតស៊ូរបស់ឧកញ៉ា ជា តុងហ៊ួរ ៖

The post ឧកញ៉ាវ័យក្មេង ជា តុងហ៊ួរ យកបទពិសោធន៍របស់ខ្លួន១២ឆ្នាំ ចងក្រង​ជា​សៀវភៅជួយដល់​សហគ្រិន appeared first on .

នៅលើទំព័រហ្វេសប៊ុកផ្ទាល់ខ្លួន កាលពីថ្ងៃទី២៨ ខែកញ្ញា ឆ្នាំ២០២៣ លោកឧកញ៉ា ជា តុងហ៊ួរ បានលើកឡើង ពីគោលបំណង៥យ៉ាង ក្នុងន័យផ្សព្វផ្សាយកម្ពុជាទៅកាន់ពិភពលោក។ បើតាមឧកញ៉ាវ័យក្មេងរូបនេះ គោលដៅ ចម្បងគឺ ផ្សព្វផ្សាយពីកម្ពុជា និងបង្កើតមាតិកាផ្សេងៗ ដើម្បីទាក់ទាញភ្ញៀវទេសចរអន្តរជាតិ ឱ្យមកលេង ប្រទេស កម្ពុជា ឱ្យបានកាន់តែច្រើន។

បន្ថែមពីនោះ លោកឧកញ៉ា នឹងនាំយកសៀវភៅ ផែនទីផ្នត់គំនិត Mind Map ដាក់ក្នុងបណ្ណាល័យ នៃប្រទេស នីមួយៗ ដែលទៅដល់។ ជាក្ដីស្រមៃសម្រាប់ខ្លួនឯង នឹងជាបំណងក្នុងនាមជាជនជាតិខ្មែរ ចង់ដើរជុំវិញ ពិភពលោក លោកឧកញ៉ា សង្កត់ធ្ងន់ថា ការដើរជុំវិញពិភពលោកនេះ លោកនឹងនាំយកអ្វីដែលថ្មី និងល្អបំផុត សម្រាប់ប្រជាជនកម្ពុជា។

លោកឧកញ៉ាបន្តថា ក្រោយពីសិក្សាឈ្វេងយល់ពីគ្រប់ប្រទេសហើយ លោកនឹងចងក្រងជាសៀវភៅមួយក្បាល ដើម្បី បន្សល់ទុកជាស្នាដៃដល់មនុស្សជាតិ។

សូមជម្រាបជូនផងដែរថា គោលដៅទេសចររបស់ឧកញ៉ា ជា តុងហ៊ួរ នឹងចាប់ផ្ដើមនៅខែក្រោយនេះ ពោល គឺ ចាប់ពីថ្ងៃទី១០ ខែតុលា ឆ្នាំ២០២៣ រហូតដល់ថ្ងៃទី១០ ខែតុលា ឆ្នាំ២០២៦ សរុបមានរយៈពេល៣ឆ្នាំ៕

អត្ថបទ៖ សុកធា

The post ឧកញ៉ាម្នាក់មានមហិច្ឆតានាំទង់ជាតិកម្ពុជាដើរជុំវិញពិភពលោក ដើម្បីទាក់ទាញភ្ញៀវទេសចរ appeared first on .

នៅក្នុងសន្និសីទផ្សព្វផ្សាយពីសៀវភៅផែនទីផ្នត់គំនិតធ្វើឡើងនៅថ្ងៃទី៣០ តុលា ២០២២ ក្នុងភោជនីយដ្ឋានវ័នម័រ នាខេត្តសៀមរាប ឧកញ៉ាជា តុងហ៊ួរ អ្នកនិពន្ធសៀវភៅ បានឱ្យដឹងថា សៀវភៅផែនទីផ្នត់គំនិតនេះលោកបានចំណាយពេលនិពន្ធ និងរៀបរៀងអស់ រយៈពេល១២ឆ្នាំ ហើយមិនមែនជាសៀវភៅ បកប្រែពីបរទេសមកជូនអ្នកអាននោះទេ។ លោកថា សៀវភៅដែលមានកម្រាស់ ជាង៥០០ទំព័រ បានសរសេរពីបទពិសោធន៍ពិត ពីជីវិតរបស់លោក ក្នុងការឆ្លងកាត់ការធ្វើជំនួញ ចាប់ពីកម្រិតទាបដល់កម្រិតខ្ពស់ ។

លោកឧកញ៉ាបញ្ជាក់ថា នៅក្នុងសៀវភៅនេះមាននិយាយពីអាជីវកម្ម ការដោះស្រាយបញ្ហារាល់ពេល អាជីវកម្មជួបប្រទះនឹងបញ្ហា រាប់ចាប់តាំងពីអាជីវកម្ម តាមប្រព័ន្ធអនឡាញ អាជីវកម្មអចលនទ្រព្យ អាជីវកម្មតូចតាចនិងអាជីវកម្មធំៗ ជាច្រើនអាជីវកម្ម ។ លើសពីនេះ ក៏មាននិយាយលម្អិត ពីការរៀបចំផែនការជីវិតសកម្មភាព នៃការរស់នៅតាំងពីព្រឹកក្រោកពីគេងរហូតដល់យប់ ហើយសៀវភៅនេះ នឹងបំផុសឱ្យអ្នកអានក្លាហាន ក្នុងការចេញធ្វើអាជីវកម្ម ។

លោកឧកញ៉ាបន្ថែមថា តាមពិតទៅសៀវភៅនេះ ត្រូវបានបោះពុម្ពជាលើកទី២ហើយ ដែលកាលពីលើកទី១ បានបោះពុម្ពកាលពីឆ្នាំ២០២១ ក្នុងបរិមាន១០០០ក្បាល តែមានកម្រាស់មិនក្រាសដូចលើកទី២ទេ ។ ក្នុងចំនួន១០០០ក្បាល ដែលបានបោះពុម្ពកាលពីលើកទី១ បានលក់អស់ និងទទួលបានជោគជ័យ ដោយមានការគាំទ្រពីអ្នកអាន ។ លើកទី២នេះលោកសម្រេចបោះពុម្ពក្នុងបរិមាណ១ម៉ឺនក្បាល និងបានលក់អស់ប្រមាណ ៣ពាន់ក្បាលរួចហើយដែរ ។ លោកថា៖«សៀវភៅនេះត្រូវបានលក់លើទីផ្សារក្នុងតម្លៃ៣៦,៩ដុល្លារអាមេរិក ហើយតម្លៃនេះ មហាជនច្បាស់ជាគិតថា មានតម្លៃខ្ពស់ហើយ ប៉ុន្តែការចំណាយទៅលើការបោះពុម្ព ក៏ត្រូវបានចំណាយច្រើនដែរ ដោយមានការរចនាប្លែក ខុសពីសៀវភៅផ្សេងទៀត » ។

លោកឧកញ៉ាបន្ថែមទៀតថា អ្នកទិញសៀវភៅផែនទីផ្នត់គំនិត មិនមែនបានតែសៀវភៅមួយក្បាល ទៅអានយកចំណេះដឹងប៉ុណ្ណោះទេ តែពួកគាត់ក៏បានចូលរួម ក្នុងកម្មវិធីវគ្គបណ្ដុះបណ្ដាល ជាមួយគ្រូជំនាញៗ របស់យើង ពីគំនិតក្នុងការរកស៊ីផងដែរ ។

បើតាមលោកឧកញ៉ាជា តុងហ៊ួរ បញ្ជាក់ថា សៀវភៅនេះ ជាសៀវភៅកំណត់ គោលដៅ ជាក់លាក់បំផុតពីព្រោះវាជា ជាសៀវភៅដោះសោខួរក្បាលកម្រិតខ្ពស់បំផុត ជាសៀវភៅគាស់ថាមពល ខួងដល់ស្នូលដ៏ជ្រៅបំផុតក្នុងខ្លួន ជាសៀវភៅបទពិសោធចាប់ពីជីវិត 0 ឡើងដល់ 100 ជាសៀវភៅទី1 ស្រាយនូវចម្ងល់ជាច្រើន ក្នុងសកលលោក ជាសៀវភៅបង្ហាញផ្លូវដល់ម្ចាស់អាជីវកម្ម ពីតូចដល់កម្រិតកំពូល ជាសៀវភៅគូសវាសជោគវាសនា ដ៏មានឥទ្ធិពលបំផុត ក្នុងលោក ជាសៀវភៅលេខ បង្ហាញរាប់ពាន់គំនិតក្នុងការធ្វើជំនួញ ជាសៀវភៅបង្កប់រាល់អាថ៌កំបាំង ក្នុងពហុចក្រវាល galaxy ៕

The post ឧកញ៉ាវ័យក្មេងម្នាក់ ចាយពេល ១២ឆ្នាំនិពន្ធសៀវភៅ “ផែនទីផ្នត់គំនិត” សម្រាប់ជួយសហគ្រិន appeared first on .

The post អ្នកជំនួញ៖ អចលនទ្រព្យខេត្តសៀមរាប ចាប់ផ្តើមមានសុខភាពល្អសន្ទុះងើបឡើងវិញ ខណៈដីនៅទំនេរច្រើន appeared first on .

នៅថ្ងៃទី១៥ ខែសីហា ម្សិលមិញ តាមរយៈទំព័រហ្វេសប៊ុក ឧកញ៉ាវ័យក្មេងដែលកំពុងឈរជើងវិនិយោគអចលនទ្រព្យនៅខេត្តសៀមរាប ជា តុងហ៊ួរ បានឲ្យដឹងថា នៅថ្ងៃទី១៥ ជាពេលវេលាដែលលោកលះបង់ធំបំផុតក្នុងជីវិត និងកត់ត្រាក្នុងប្រវត្តិសាស្រ្តក្នុងជីវិតរបស់លោក។

បើតាមលោកឧកញ៉ា អ្វីដែលជាការលះបង់នោះ ទី១ មិត្តដែលជំពាក់លុយលោកទាំងអស់គ្នា ស្មើ ជាង ៣៥០,០០០$ រយៈពេល ៩ឆ្នាំនេះ ពីវិនាទីនេះតទៅ លោកមិនទារមិត្តទាំងអស់គ្នាទៀតទេ យើងរួចគ្នាចុះ ដោយបានដោះស្រាយរាល់បញ្ហាដែលមិត្តបានសន្យាខ្យល់ និងទំលាក់អោយលោកបានស្តារជីវិតនេះយ៉ាងលំបាកជាទីបំផុតដោយគ្មានវត្តមានមិត្ត។

លោកឧកញ៉ាថ្លែងថា៖ ពិភពលោកនេះ មិនមែនពេលច្រើនទេសម្រាប់ពួកយើង ហើយខ្ញុំក៏មិនចង់ប្តឹងផ្តល់ មើលមុខគ្នាមិនចំ ជាច្រើនឆ្នាំមកនេះ ដូចនេះពីថ្ងៃនេះតទៅ យើងអាចជួបជុំគ្នា រាប់អានគ្នាជាធម្មតា ឃើញគ្នាហៅគ្នា កុំគេចវេសពីខ្ញុំបន្តទៀត ខ្ញុំអហោសិកម្មអោយមិត្តដោយចិត្តប្រណីអភ័យទោសអោយ ឈប់ទាមទារពីមិត្ត ខ្ញុំលើកលែងទោសអោយមិត្តគ្រប់ៗគ្នា ។ ព្រោះថារយៈពេលយើងស្គាល់គ្នា វាយូរណាស់ទៅហើយ តែមកបែរមកគ្នាឈ្លោះគ្នាដោយសាររឿងលុយទៅវិញ មិត្តភាពយើងក៏ប្រះឆា ដល់ថ្ងៃនេះ ។

លោកបន្តថា សូមជូនពរដល់មិត្តទាំងអស់សុខសប្បាយមានក្តីសុខ និងសុភមង្គល ហើយរាល់បំណុលដែលជំពាក់ខ្ញុំ ខ្ញុំមិនយកពីមិត្តទេ បើមិត្តរកបាន មិត្តជួយដល់អ្នកក្រៃក្រ អ្នកខ្វះខាតចុះ មិត្តគ្មានជាប់កម្មពារអ្វីជាមួយខ្ញុំទៀតទេ។

ដោយឡែក សម្រាប់ទី២ លោកឧកញ៉ានិងបង្រៀន សិស្ស ១ពាន់នាក់ ដោយ Free វគ្គ Mind Map ផែនទីផ្នត់គំនិត រៀបចំគោលដៅជីវិត ដោយ Free ចំនួន ១ពាន់នាក់ តាម Zoom meeting ចាប់ពីថ្ងៃ ទី ១៦-១៧-១៨-១៩ រយៈពេល ៤ថ្ងៃ ស្មើរ 24ម៉ោង តាម Zoom meeting ចាប់ពីម៉ោង ៨:00យប់ ដល់ ម៉ោង ១១:១១ នាទីយប់ផងដែរ។

គួររំលឹកបន្តិចថា ឧកញ៉ាវ័យក្មេង ជា តុងហ៊ួរ ជា Co-Founder & Chief Marketing Officer ក្រុមហ៊ុន Khmer Express Realty Co., Ltd និងជាម្ចាស់សៀវភៅ Mind Map៕

The post ទឹកប្រាក់ ៣៥ម៉ឺនដុល្លារ ឧកញ៉ា ជា តុងហ៊ួរ សន្យាអហោសិកម្មឱ្យអ្នកជំពាក់បំណុល appeared first on .

ជុំវិញបញ្ហានេះ ឧកញ៉ា ជា តុងហ៊ួរ បានប្រតិកម្ម និងស្នើឲ្យប្រជាពលរដ្ឋមានស្មារតីឡើងវិញ ហើយជឿអ្វីត្រូវប្រកបដោយបញ្ញា ប៉ុន្តែប្រសិនបើជឿសូមជឿលើបារមីខ្មែរ ដែលមានរាប់ទស្សវត្សន៍ កុំទៅជឿបារមីបរទេសដែលចម្លងវប្បធម៌ខ្មែរទៅកែខៃច្នៃបញ្ចូលធ្វើជាវប្បធម៌ខ្លួនឯងនោះអី។

លោកឧកញ៉ាថ្លែងថា គល់ឈើនៅសៀម ត្រូវបានអ្នកលក់ Online ល្បីៗមួយចំនួននៅខ្មែរបំផុសបំផុលឲ្យមានការបន់ស្រន់សុំលាពសំណាង ក្រោយពីសៀមដៀលខ្មែរសឹងមួយប្រទេសពីរឿងផ្ការំដួល។ លោកថា ឈប់បំពុលសង្គមខ្មែរទៀតទៅ ល្មមៗបានហើយ។

ថ្លែងប្រាប់សារព័ត៌មានឧកញ៉ាញូស៍ឧកញ៉ា ជា តុងហ៊ួរ គូសបញ្ជាក់ថា៖ «នៅមិននៅទៅសំពះដើមឈើ ផ្អើលពេញស្រុកខ្មែរ ខ្លួនឯងមិនជឿខ្លួនឯងផង ទៅជឿរគល់ឈើ…? បន់គល់ឈើស្រុកឯងមិនគ្រប់គ្រាន់… ឲ្យ​ប្រជាជន​ខ្ញុំ​បន់គល់ឈើបរទេស។ ព្រះពុទ្ធឲ្យជឿលើតែសេចក្ដីពិតប្រាកដ ហើយរបស់ដែលអាចពឹងពាក់បានគឺមានតែខ្លួនឯងប៉ុណ្ណោះ អត្តាហិអត្តនោនាថោ»។

លោកឧកញ៉ាបន្តថា៖ «ជំនឿ ឆ្កួតៗនាំឲ្យខូចប្រាជ្ញា ចង់បានឈើអញ្ចឹងខ្វះអី ពាក់ខោអាវៗឲ្យស្អាតៗ លាភពណ៍មាស ស្អាតជាងថៃទៀត ហួសចិត្តដល់ឃើញអញ្ចឹង។ ធ្វើរូបសំណាក់ព្រះ អេលានមកពីភពព្រះអង្គារ ចាំមកថ្វាយបង្ខំទៅ ហួសចិត្តជំនឿខុសឆ្កង ឈប់បន្តទៀត មិនចំណេញទេ»។

បើតាមលោកឧកញ៉ាវ័យក្មេង ជា តុងហ៊ួរ បាយកកនៅក្នុងដៃ មានតម្លៃជាង Pizza នៅក្នុងកញ្ចាក់ទូរស្សន៍។ ចង់មានបានប្រឹងរៀន ប្រឹងសេពគប់មិត្តល្អ ប្រឹងអភិវឌ្ឍខ្លួន ចេះសន្សំសំចៃ មិនមែនប្រឹងបន់ស្រន់ដើមឈើទេ។ ចង់មានត្រូវខំប្រឹងរកលុយ ប្រឹងរកស៊ីកុំឲ្យបន់ស្រន់ដើមឈើខុសរបៀប បន់មិចក៏មិនមានដែរ បើមិនប្រឹងរកស៊ី។

លើសពីនេះលោកឧកញ៉ា ក៏បានរំលេចរឿងវ៉ាវកំពុងល្បីផ្សេងទៀតដែលោកឧកញ៉ាចាត់ទុកថា បានចូលរួមបំពុលសង្គមកាលពីថ្មីៗនេះ ដោយលើកឡើងថា ទ្វារនរកបើក ៣០ថ្ងៃ យកតាមក្បួនចិន ដែលគេលុបបំបាត់ឈប់ប្រើការ។ លោកឧកញ៉ាថា៖ «ខ្ញុំកូនចៅចិន ដូនតាខ្ញុំនៅស្រុកចិន គេថា គេលុបបំបាត់យូរហើយ គេលែងជឿរហើយ ខ្ញុំឃើញ ចង់តែសើច នាំគេ share ភ័យពេញប្រទេស។ សូមឈប់បំពុលសង្គម បំពុលប្រជាជន បំពុលសាសនា បន្តទៅទៀតទៅ។

ទន្ទឹមនឹងនោះ លោកឧកញ៉ា ជា តុងហ៊ួរ ក៏បានលើកយកព្រះពុទ្ធដីកា គ្រប់សាសនាណាក៏ដោយប្រសិនបើប្រកបដោយអង្គ៨ប្រការនោះ គឺចាត់ទុកថាប្រសើរណាស់ នោះគឺ៖ ១. ការយល់ត្រូវ ២. ការគិតត្រូវ ៣. ការនិយាយត្រូវ ៤. ការធ្វើអំពើត្រូវ ៥. ការចិញ្ចឹមជីវិតត្រូវ ៦. ការព្យាយាមត្រូវ ៧. ការមានសតិត្រូវ និង ៨. ការធ្វើចិត្ត ឬការតាំងចិត្តត្រូវ៕

The post ឧកញ៉ា ជា តុងហ៊ួរ ស្នើឲ្យប្រជាពលរដ្ឋមានស្មារតីឡើងវិញ ហើយជឿអ្វីត្រូវប្រកបដោយបញ្ញា  appeared first on .

សារព័ត៌មានឧកញ៉ាញូស៍ សូមមិននិយាយដល់អ្នកជំនួញជើងចាស់គ្រាក់ៗ មានអាណាចក្រជំនួញទ្ទង់លានដុល្លារនោះទេ ព្រោះពួកគេមានបទពិសោធន៍ជ្រៅជ្រះរួចមកហើយ។ បច្ចុប្បន្នយុវវ័យក្មេងៗអាយុមិនលើស ៣០ឆ្នាំផង ពួកគាត់ចាប់ផ្តើមមានឆន្ទៈចង់ចេញរកសុី ខណៈអ្នកមួយចំនួនទទួលជោគជ័យ។

យុវសហគ្រិនទាំងនោះត្រូវបានចាត់ទុកជាកោសិការសេដ្ឋកិច្ចមួយជួយជំរុញការវិនិយោគ បង្កើតឪកាសការងារឱ្យពលរដ្ឋជាច្រើនម៉ឺនកន្លែងដើម្បីផ្គត់ផ្គង់ជីវភាព និងកាត់បន្ថយភាពក្រីក្រ។

ថ្ងៃនេះឧកញ៉ាញូស៍ សូមណែនាំឲ្យស្គាល់នូវយុវសហគ្រិនឆ្នើម ៧រូប កំពុងជោគជ័យក្នុងមុខជំនួញ និងមានកេរ្តិ៍ឈ្មោះល្បាញល្បីនាពេលបច្ចុប្បន្ន។ លើសពីនេះ ក៏ជាម៉ូដែល ឬ Idol ជាគំរូដល់យុវវ័យផ្សេងៗទៀត ឲ្យមានចិត្តស្រឡាញ់ និងចាប់ផ្ដើមចង់ចេញរកស៊ីបង្កើតទ្រព្យ។

១.លោក ​លួន អានចំណេះ​

គឺជា​សហគ្រិន​វ័យ​ក្មេង​ម្នាក់​ប្រចាំ​នៅ​ខេត្ត​សៀមរាប ​ដែល​បាន​បង្កើត​ និង​គ្រប់គ្រង​ភោជនីយដ្ឋាន​ចំនួន​ពីរ​កន្លែង ​សណ្ឋាគារ​ប៉ូទិក​ចំនួន​ពីរ​កន្លែង ​និង​ហាង​កាហ្វេ​ដែល​មានបណ្ណាល័យ​អាន​សៀវភៅ​ក្នុង​នោះ​មួយ​កន្លែង​ទៀត។ 

លោកជាសមាជិកក្រុមប្រឹក្សាភិបាលក្រុមហ៊ុន AMATAKE INNOVEST CO LTD និងជាអនុប្រធានសមាគមសហគ្រិនវ័យក្មេងកម្ពុជា។

២.កញ្ញា ដាវ

ជាអ្នកជំនួញស្រ្តីវ័យក្មេងបំផុតនៅកម្ពុជា ដែលចាប់ផ្តើមអាជីវកម្មដំបូងតាំងពីខ្លួននៅជាសិស្សវិទ្យាល័យ រហូតប្រែខ្លួនមកជាម្ចាស់អាជីវកម្ម The Cake ដ៏ពេញនិយមល្បីល្បាញក្នុងចំណោមយុវវ័នាពេលបច្ចុប្បន្ន។ Dav បានបើកសាលាបង្រៀនធ្វើនំដល់យុវវ័យជំនាន់ក្រោយ ដើម្បីសម្រេចក្តីសុបិនរបស់ខ្លួនដែលចង់ប្រឡូកក្នុងវិស័យនេះ។

មិនតែប៉ុណ្ណោះថ្មីៗនេះ នាយិកាសាលានំវ័យក្មេងរូបនេះ ទើបតែសម្ភោធចេញសៀវភៅទី១របស់ខ្លួន ដែលមានចំណងជើងថា “១រយនំ” ថែម​ទៀត​ផង​។ សៀវភៅ “១រយនំ” នេះ ចងក្រងរូបមន្ដនៃនំ១រយក្បួនជាភាសាខ្មែរ ដែលប្រមូលផ្ដុំសុទ្ធសឹងតែជាប្រភេទ​នំ ដែលចាំបាច់និងមានការទទួលស្គាល់ច្រើន ថែមទាំងមានភាពងាយស្រួលខ្លាំងក្នុងការអនុវត្តតាមរយៈការអាន តម្រូវគ្រប់វ័យគ្រប់និស្ស័យ ។

៣.ឧកញ៉ា ជា តុងហ៊ួរ

លោកជាយុវសហគ្រិនក្មេងមិនដល់ ៣០ឆ្នាំផង គិតត្រឹមឆ្នាំ២០២២នេះ ប៉ុន្តែជាយុវវ័យឆ្នើមពោរពេញដោយសមត្ថភាពក្នុងការដឹកនាំធុរកិច្ច បណ្តុះបណ្តាលមនុស្សរាប់សែននាក់នាប៉ុន្មានឆ្នាំចុងក្រោយនេះ។ មិនតែប៉ុណ្ណោះលោកក៏ជាអ្នករកសុីក្នុងវិស័យអចលនទ្រព្យដែលទទួលបានជោគជ័យផងដែរ។

លោកទើបតែត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារជាឧកញ៉ា កាលពីឆ្នាំ២០២១កន្លងទៅ។

ឧកញ៉ាវ័យក្មេង ជា តុងហ៊ួរ ជា Co-Founder & Chief Marketing Officer ក្រុមហ៊ុន Khmer Express Realty Co., Ltd និងជាម្ចាស់សៀវភៅ Mind Map។

៤.កញ្ញា ថូង ធីតា​

គឺជាសហគ្រិនស្រ្តីឆ្នើម នៃ​សហគ្រាសផលិត​អំបិល​ធម្មជាតិ ​ក្នុង​ខេត្ត​កំពត ថូង​ អ៊ិនធឺប្រៃស៍ (Thaung Enterprise) ធ្លាប់ទទួលបាន​ពានរង្វាន់ ​សហគ្រិនវ័យក្មេង​កម្ពុជាកាល​ពី​ឆ្នាំ​២០១៨ និងជាម្ចាស់ ពានរង្វាន់លេខ២ សហគ្រិនថ្នាក់ជាតិ ឆ្នាំ២០២០។​

តាមរយៈយីហោ អំបិលកំពត ថូង ធីតា និងយីហោថ្មី ឈ្នោះ អំបិល ជលសា កញ្ញាបានចេញលក់តាមបណ្តាលទីផ្សារទំនើបនាពេលបច្ចុប្បន្ន និងក្រៅប្រទេសផងដែរ។

 កញ្ញា ថូង ធីតា ធ្លាប់បានបញ្ជាក់ប្រាប់សារព័ត៌មានក្នុងស្រុកថា ចក្ខុវិស័យ​របស់ Thaung Enterprise ​គឺ​ធ្វើ​យ៉ាងណា​ឲ្យ​ប្រជាពលរដ្ឋខ្មែរ​ទាំង​អស់​ ទាំង​អ្នកតាក់តែង​ច្បាប់អ្នក​ប្រើប្រាស់ ពិសេស​ម្ចាស់​ភោជនីយដ្ឋាន ឬក៏​ម្ចាស់​អាជីវកម្ម​ផ្សេងៗ​ យល់នឹង​ឲ្យ​តម្លៃ​ទៅលើ​អំបិល​ធម្មជាតិ​នៅ​ក្នុង​ខេត្ត​កំពត ដែលមានទាំង​គុណភាព និងអត្ថ​ប្រយោជន៍​ដល់​សុខភាព​របស់​អ្នកទទួលទាន។ 

៥.ស៊ិន ច័ន្ទកន្និកា

យុវតីរូបនេះ ទើបតែរៀនចប់ថ្នាក់ទី១២ ថ្មីៗ ខណៈដែលបច្ចុប្បន្នកំពុងក្លាយជាអ្នកជំនួញអនឡាញទាំងវ័យក្មេង។ ក្រោយបើកដំណើរការក្រុមហ៊ុននាំចូលផលិតផលមកពីប្រទេសថៃ កញ្ញា ស៊ិន ច័ន្ទកន្និកា បានប្រើយុទ្ធសាស្ត្រជាច្រើន ធ្វើអោយផលិតផលដែលបាននាំចូលដោយផ្ទាល់ទទួលការចាប់អារម្មណ៍ពីតំណាងចែកចាយ និង មានទីផ្សារគាំទ្រគួរអោយកត់សម្គាល់នៅលើទីផ្សារអនឡាញ។

អាជីវកម្មរបស់នាង ក៏ជួយអោយស្ត្រីមួយចំនួនដែលមានបញ្ហាប្រឈមក្នុងការរកចំណូលក្នុងសម័យកូវីតរីករាលដាលខ្លាំងនេះ មានលំនឹងសេដ្ឋកិច្ច ក្រោយធ្វើជាតំណាងចែកចាយនោះផង។

នាងថា ផលិតផលដូចគ្នាដែលនាងនាំចូលមិនខ្វះនោះទេ ប៉ុន្តែសម្រាប់ផលិតផលដែលមានគុណភាពពិតប្រាកដមិនមានច្រើនទេ ទើបធ្វើអោយក្រុមហ៊ុន Pinika Cosmitic ដែលនាងបង្កើតឡើងមានភាពរីកចំរើនលឿន។

៦.កញ្ញា អោកចាន់ សិរីរ័ត្ន

នាងជានាយកប្រតិបត្តិវ័យក្មេង ក្រុមហ៊ុន Camfield trading ដែលជាអ្នកឯកទេសសាងសង់ទីលានកីឡាគ្រប់ប្រភេទដូចជា ទីលានបាល់ទាត់ ហ្វូតសាល បាល់ទះ បាល់បោះ។

ក្រុមហ៊ុន Camfield ជាក្រុមហ៊ុនកម្ពុជាដំបូងគេដែលមានស្តង់ដារអន្តរជាតិ ដែលទទួលស្គាល់ដោយសហព័ន្ធអន្តរជាតិនៃសមាគមកីឡាបាល់ទាត់ (FIFA) ក្នុងឆ្នាំ 2015 ដោយផ្អែកលើសមិទ្ធិផលក្នុងវិស័យកីឡានៅក្នុងប្រទេសកម្ពុជាចាប់តាំងពីឆ្នាំ ២០១២។ ហើយ Camfield ក៏ទទួលបាននូវកិច្ចព្រមព្រៀងលើកដំបូងជាមួយសហព័ន្ធកីឡាបាល់ទាត់កម្ពុជាក្នុងការសាងសង់ទីលានបាល់ទាត់ពហុកីឡដ្ឋានជាតិអូឡាំពិក ខែឧសភា ឆ្នាំ២០១៥។

៧.កញ្ញា មូល មន្នីនិច

ជានាយិកាក្រុមហ៊ុន Herbal agriculture មានចំណូលចិត្តសិក្សាស្រាវជ្រាវឱសថបុរាណខ្មែរ តាំងពីនៅវ័យក្មេងដែលចាប់ផ្តើម ស្រាវជ្រាវតាំងពីឆ្នាំ ២០១៤ កញ្ញា មូល មន្នីនិច បានរកឃេីញថ្នាំរុក្ខជាតិខ្មែរកម្ចាត់មុនយ៉ាងមានប្រសិទ្ធភាពហេីយល្បីខ្លាំងមែនទែននៅក្នុងបណ្តាញសង្គម Facebook។

កញ្ញាថ្លែងថា «ខ្ញុំធ្លាប់ឆ្លងកាត់ការលំបាកត្រូវគេធ្វេីបាបនិងរងការរិះគន់ រាប់មិនអស់បើកាលនោះខ្ញុំបោះបង់ចោលពាក់កណ្ដាលទីច្បាស់ជាគ្មានខ្ញុំដូចថ្ងៃនេះទេ។ ពេលនេះមានអ្នកវិនិយោគចិនចង់សហការនាំចេញផលិតផលខ្ញុំនៅកាន់ប្រទេសចិនពីព្រោះគាត់និយាយថាមុន ខូង ពិបាកព្យាបាលណាស់សូមរក្សារូបមន្តអោយបានល្អ។ ខ្ញុំកំពុងរៀបចំខ្លួនពង្រីកផលិតផលខ្មែរទៅប្រទេសចិននិងពិភពលោកទាំងមូល»៕

The post វ័យសុទ្ធតែនៅក្មេងៗ សហគ្រិន ៧រូបជោគជ័យបង្កើតទ្រព្យរាប់សិបម៉ឺនដុល្លារ appeared first on .

បើតាមឧកញ៉ា ជា តុងហ៊ួរ នៅក្នុងមធ្យោបាយរកប្រាក់ទាំងនោះ មានមនុស្សជាច្រើនបានសម្រេចរើសយកការធ្វើអាជីវកម្ម។ ហើយប្រសិនបើអ្នកចង់រើសយកផ្លូវមួយនេះសម្រាប់ជីវិតរបស់អ្នកដែរ សូមមើលគំនិត ៣ ចំណុចសំខាន់ៗមុនពេលសម្រេចចិត្តធ្វើអាជីវកម្មគឺទី១. ពេលដាច់យ៉ៃ គ្មាននរណាមើលអ្នកឃើញនោះទេ ទី២. នៅពេលអ្នកប្រឹងធ្វើការទាំងយប់ទាំងថ្ងៃ មនុស្សខ្លះលួចសើចចំអកឱ្យអ្នក និងទី៣. នៅពេលអ្នកជោគជ័យ មនុស្សខ្លះស្អប់អ្នក ហើយមនុស្សខ្លះចង់ក្លាយជាមិត្តរបស់អ្នក

ឧកញ៉ាវ័យក្មេង និងជាម្ចាស់សៀវភៅ Mind map បានពន្យល់យ៉ាងដូច្នេះថា៖

១. ពេលដាច់យ៉ៃ គ្មាននរណាមើលអ្នកឃើញនោះទេ
ថ្ងៃដំបូងនៅពេលចាប់ផ្តើម គឺថ្ងៃដែលពិបាកបំផុត។ នៅក្នុងដៃ អ្នកមានលុយតិច ដើរបបួលអ្នកដទៃក៏គេមិនចូលរួម។ ភាពក្មេងខ្ចីខាងបទពិសោធក្នុងការរកស៊ីនឹងធ្វើឱ្យអ្នកងាយនឹងភ្លាំងភ្លាត់ជំពប់ជើងដួល ហើយនៅពេលពេលដែលអ្នកដួល គឺមានតែអ្នកចាំសើចច្រើនជាងអ្នកអាណិត និងអ្នកគាំទ្រ។ នៅពេលដែលអ្នកដាច់យ៉ៃ គ្មាននរណាមើលឃើញអ្នកទេ។ គេមិនដឹងថានៅទីណា គេមិនខ្វល់ថាអ្នកកំពុងធ្វើអ្វី ឬអ្នកចង់ទៅទីណាទេ។ គេព្យាយាមគេចពីអ្នក ដោយសារគេខ្លាចអ្នកខ្ចីលុយ ឬបបួលគេរកស៊ីដែលអាចនាំឱ្យគេធ្លាក់ជ្រោះតាមអ្នកដែរ។ ម៉្លោះហើយ ស្ថានភាពដាច់យ៉ៃគឺជាពេលវេលាដ៏លំបាកវេទនាបំផុតដែលអ្នកត្រូវតែត្រៀមខ្លួនហែលឆ្លងឱ្យផុត។ យ៉ាងណាមិញ សំដីលោក រ៉ូបឺត គីយ៉ូសាគី (Robert Kiyosaki) បានលើកឡើងថា “ការដាច់យ៉ៃ (broke) វាខុសពីភាពក្រីក្រ (poor)។ ការដាច់យ៉ៃ ជាស្ថានភាពខ្វះខាតលុយមួយរយៈពេលប៉ុននោះ តែភាពក្រីក្រវាអាចតោងជាប់យើងរហូតមួយជីវិត។” ដូច្នេះ ឱ្យតែយើងតស៊ូប្រឹងប្រែងបន្តដំណើរទៅមុខជាបន្តបន្ទាប់ នោះយើងនឹងអាចរលាស់ខ្លួនចេញផុតពីស្ថានភាពដាច់យ៉ៃជាមិនខាន។

២. នៅពេលអ្នកប្រឹងធ្វើការទាំងយប់ទាំងថ្ងៃ មនុស្សខ្លះលួចសើចចំអកឱ្យអ្នក
មិនមែនមនុស្សគ្រប់គ្នាសុទ្ធតែឱ្យតម្លៃ និងសរសើរចំពោះការខំប្រឹងប្រែងរបស់អ្នកនោះទេ។ អ្នកខ្លះ មាត់សរសើរអ្នក តែក្នុងចិត្តជ្រេញនឹងការខិតខំរបស់អ្នកទេតើ។ ដូច្នេះ ចូរប្រុងស្មារតីជាប់ជានិច្ច កុំធ្វេសប្រហែសលង់នឹងការសរសើររហូតមានមោទនភាពភ្លេចខ្លួន។ នៅពេលដែលអ្នកមោះមុតប្រឹងប្រែងធ្វើការងារញើសជោកខ្នង តែគ្មានពាក្យសរសើរមួយម៉ាត់ អ្នកអាចនឹងបាក់ទឹកចិត្ត ឬបន្ថយល្បឿនក្នុងដំណើរឆ្ពោះទៅរកគោល។ ប៉ុន្តែ ចូរកុំធ្វើយ៉ាងនេះឡើយ។ ចូរកុំចាញ់បោកស្ថានភាពបែបនេះ ពីព្រោះវាជារឿងធម្មតា ឬជាសច្ចភាពមួយដែលការខិតខំរបស់មនុស្សម្នាក់ វាត្រូវតែបង្កឱ្យមានការច្រណែនពីមនុស្សម្នាក់ទៀត។ អ្នកខ្លះមិនត្រឹមតែលួចចំអកឱ្យអ្នកទេ គេថែមទាំងលួចប៉ែងជើង ឬចាក់អ្នកមួយកាំបិតពីក្រោយខ្នងអ្នកទៀតផង។ ដូច្នេះ នៅក្នុងកាលៈទេសៈបែបនេះ អ្នកត្រូវតែនៅឱ្យឆ្ងាយពីមនុស្សអវិជ្ជមានទាំងឡាយ ហើយពង្រឹងស្មារតីខិតខំបន្តកិច្ចការរបស់អ្នកជាទៀងទាត់បន្តទៅទៀត។ ពាក្យចាស់ពោលថា “ឆ្កែចេះតែព្រូស មនុស្សចេះតែដើរ”។ បើអ្នករវល់តែយកដុំថ្មគប់ឆ្កែដែលតាមព្រូសអ្នក តើធ្វើម៉េចអ្នកនឹងអាចដើរដល់គោលដៅ?

៣. នៅពេលអ្នកជោគជ័យ មនុស្សខ្លះស្អប់អ្នក ហើយមនុស្សខ្លះចង់ក្លាយជាមិត្តរបស់អ្នក
បន្ទាប់ពីហែលឆ្លងភាពដាច់យ៉ៃយ៉ាងវេទនា និងបន្ទាប់ពីឈ្ងោកក្បាលធ្វើការទាំងយប់ទាំងថ្ងៃអស់រយៈពេលយ៉ាងយូរ ទីបំផុតលទ្ធភាពដុំកំភួនមួយក៏បានលេចឡើងចំពោះមុខអ្នក។ ជាថ្មីម្តងទៀត ចូរកុំមានមោទនភាពចំពោះខ្លួនឯង ពីព្រោះថាមិនមែនមនុស្សគ្រប់គ្នាសុទ្ធតែមានចិត្តត្រេកអរចំពោះជោគជ័យរបស់អ្នកនោះឡើយ។ ច្បាស់ណាស់ នៅពេលអ្នកជោគជ័យ អ្នកមានលុយ និងទ្រព្យសម្បត្តិ មនុស្សមួយចំនួននឹងរត់មកចងមិត្តជាមួយអ្នក ស្របពេលដែលអ្នកខ្លះនៅតែសំឡក់សម្លឹងមើលភាគជោគជ័យរបស់អ្នកក្នុងទស្សនៈជ្រក់ជ្រេញដដែល។ នៅដំណាក់កាលនេះ ទន្ទឹមនឹងអ្នកដកខ្លួននៅឱ្យឆ្ងាយពីខ្លាក្រពើ អ្នកក៏ត្រូវតែប្រយ័ត្នពស់វែកដែលនៅក្បែរខ្លួនផងដែរ។ ជាពិសេសមនុស្សដែលទុកអ្នកចោលពេលអ្នកពិបាក ហើយរត់មកនៅក្បែរអ្នកនៅពេលដែលអ្នកជោគជ័យ។ ចូរអ្នកចាំថា “ពស់វែក កាន់តែសកកាន់តែមានពឹសសាហាវ។ វាមិនមែនសកស្រកាដើម្បីក្លាយជាពស់ស្លូតបូតនោះទេ”។

ឧកញ៉ា ជា តុងហ៊ួរ បានបញ្ជាក់ថា ថ្វីបើយើងមិនអាចផ្លាស់ប្តូរអតីតកាល ប៉ុន្តែយើងអាចតម្រង់ទិសអនាគតឆ្ពោះទៅរកទីដៅដែលយើងចង់បាន៕

The post ឧកញ៉ា ជា តុងហ៊ួរ៖ សូមមើលគំនិត ៣ ចំណុចសំខាន់ៗមុនពេលសម្រេចចិត្តចេញរកស៊ី appeared first on .