តាមសេចក្តីប្រកាសព័ត៌មាន តុលាការបានសម្រេចបង្កកទ្រព្យសម្បត្តិដូចជា គណនីធនាគារ និងគ្រឹះស្ថានមីក្រូហិរញ្ញវត្ថុចំនួន ១០៦ គណនី រួមទាំងអចលនវត្ថុ(ដី)ចំនួន ២.០១២ ក្បាលដី ស្មើនឹងទំហំ ២.២៨៨.៧៩៦,៨ ម៉ែត្រការ៉េ ដែលមានទីតាំងស្ថិតនៅខេត្តកំពត រាជធានីភ្នំពេញ កណ្ដាល និងកែប។

បន្ថែមពីនេះ, សាលាដំបូងខេត្តកំពតបានអះអាងពីការពិនិត្យ និងសិក្សាលើអចលនវត្ថុ ដែលត្រូវបានបង្កកនេះ ដើម្បីជាមូលដ្ឋានក្នុងការរកដំណោះស្រាយជូនជនរងគ្រោះ និងដើមបណ្ដឹងរដ្ឋប្បវេណី ព្រមទាំងពិនិត្យស្រាវជ្រាវនូវកម្ចី (បំណុល)របស់ជនរងគ្រោះ និងដើមបណ្ដឹងរដ្ឋប្បវេណី នៅធនាគារ និងគ្រឹះស្ថានមីក្រូហិរញ្ញវត្ថុ នៅទូទាំងប្រទេសដែលជាប់ពាក់ព័ន្ធនឹងក្រុមហ៊ុន ជា សារ៉ន រៀលធី ឯ.ក។

សូមជម្រាបថា ព្រះមហាក្សត្រនៃកម្ពុជា កាលពីថ្ងៃទី១១ ខែមេសា បានចេញព្រះរាជក្រឹត្យ ត្រាស់បង្គាប់ បញ្ចប់គោរមងារ «ឧកញ៉ា» ពីឧកញ៉ា ជា សារ៉ន បន្ទាប់ពីបុគ្គលរូបនេះ ត្រូវបានតុលការ ចោទប្រកាន់ពីបទឆបោកមានស្ថានទម្ងន់ទោស ដែលពាក់ព័ន្ធនឹងការឆបោកប្រជាជនរាប់ពាន់នាក់៕

The post តុលាការខេត្តកំពត សម្រេចបង្កកទ្រព្យសម្បត្តិជនត្រូវចោទ អតីតឧកញ៉ា ជា សារ៉ន appeared first on .

ការអំពាវនាវនេះធ្វើឡើងក្រោយស្ថាបនិកក្រុមហ៊ុន ជា សារ៉ន គ្រុប ឧកញ៉ា ជា សារ៉ន និងបុគ្គលជាជនសង្ស័យចំនួន​ ៨នាក់​ផ្សេងទៀត កាលពីរសៀលថ្ងៃទី២២ ខែមេសា ឆ្នាំ២០២៣ ត្រូវបាននាំខ្លួនទៅកាន់ស្នងការដ្ឋាននគរបាលខេត្តកំពត ដើម្បីសាកសួរ បន្ទាប់ពីមានការដោះស្រាយក្រៅប្រព័ន្ធតុលាការពីអភិបាលខេត្តកំពត លោក ម៉ៅ ធនិន នៅក្នុងវត្តអង្គឈូក ស្រុកឈូក ខេត្តកំពត។

ជា​លទ្ធផលក្រោយការសម្របសម្រួលដោយលោក ម៉ៅ ធនិន ក្រុមហ៊ុន​អភិវឌ្ឍន៍​ដី​ឡូ​តិ៍ ជា សារ៉ន បាន​ឯកភាព​យល់ព្រម ទទួលខុសត្រូវ និង​ចេញ​សង​រាល់​បំណុល​ដែល​ប្រជាពលរដ្ឋ​បាន​ទៅ​ខ្ចី​ធនាគារ ឬ​អ្នកមានមក​ឲ្យ​ក្រុមហ៊ុន​ ហើយ​ប្លង់ដី​ផ្សេងៗ​ដែល​ប្រជាពលរដ្ឋ​បាន​យក​ទៅ​ដាក់​ខ្ចីលុយ​នៅ​ធនាគារ​នោះ​  លោក ជា សារ៉ន ត្រូវ​ទទួលខុស​ត្រូវយក​មក​ឲ្យ​ប្រជាពលរដ្ឋ​វិញ​ទាំងអស់​ ដោយឡែក ​ចំពោះ​បងប្អូន​ដែល​ទិញ​ដី បង់លុយ​គ្រប់​ចំនួន​ហើយ តែ​មិនទាន់បាន​ប្លង់ លោក​នឹង​ឲ្យ​ជំនាញ​ចុះ​រៀបចំ​ធ្វើ​ប្លង់​ជូន​។

ជាមួយគ្នានោះ ស្នងការនគរបាលខេត្តកំពត ឧត្តមសេនីយ៍ទោ ម៉ៅ ច័ន្ទមធុរិទ្ធ កាលពីយប់ថ្ងៃទី២២មេសាម្សិលមិញនៅលើទំព័រហ្វេសប៊ុកផ្ទាល់ខ្លួនបានបង្ហោះសារភ្ជាប់ជាមួយរូបភាពឧកញ៉ា ជា សារ៉ន និងបក្ខពួកចំនួន ៨នាកទៀតស្នងការខេត្តកំពតដែលកំពុងឈរវាស់កំពស់។

ឧត្តមសេនីយ៍ទោ ម៉ៅ ច័ន្ទមធុរិទ្ធ បានសរសេរឲ្យដឹងថា មានប្រជាពលរដ្ឋប្រមាណជាង ២ពាន់គ្រួសារ ត្រូវបានខាតបង់ប្រាក់ និងចាញ់បោកក្រុមហ៊ុន ជា សារ៉ន ក្នុងទំហំទឹកប្រាក់ប្រមាណជិត ៤០លានដុល្លារ ក្នុងមានប្រជាពលរដ្ឋក្នុងខេត្តកំពត និងនៅបណ្តាលខេត្តផ្សេងទៀត។ សម្រាប់លោកស្នងការខេត្តកំពត ប្រជាពលរដ្ឋត្រូវបានចាញ់បោកបញ្ឆោតរបស់ក្រុមហ៊ុនវិនិយោគដីឡូត៍៕

The post ស្នងការខេត្តកំពតអំពាវនាវឲ្យប្រជាពលរដ្ឋស្ងប់ចិត្តជឿស្ថាប័នពាក់ព័ន្ធរឿងវិវាទលុយ ៤០លានដុល្លារជាមួយឧកញ៉ា ជា សារ៉ន appeared first on .