លោកស្រីម្ចាស់ហាង​ ធីអែនអិល គ្រឿងអលង្ការ (T&L Jewelry) ​​បាន​បង្ហោះវីដេអូឃ្លីបខ្លីមួយ ​បង្ហាញពី​សកម្មភាព​ជូន​ខ្សែក​ពិសេស​ដល់​​សម្តេចកិត្តិសង្គហបណ្ឌិត ម៉ែន សំអន ភ្ជាប់​ជាមួយ​នឹង​សារ​ដូច្នេះ​ថា៖ “កម្មង់ខ្សែកគុជខ្យង​ជាពិសេស​ពីប្រទេសជប៉ុនជូនម៉ាក់អ៊ុំ និងជូនរាជនីក្រែម​ដែលម៉ាក់អ៊ុំពេញចិត្តប្រើជាប្រចាំ”។

គួររំឭក​ថា លោកស្រី លាង ធារ៉ា ភរិយាឧកញ៉ា ឌី ជោត ទទួលបាន​ការបំពាក់​គ្រឿងឥស្សរិយយស «មេដាយព្រះរាជា​ណាចក្រកម្ពុជា ថ្នាក់មហាសេរីវឌ្ឍន៍» ​​ដោយ​សម្តេចកិត្តិសង្គហបណ្ឌិត ម៉ែន សំអន ​​ក្នុង​ពិធីសម្ពោធសមទ្ធិផលនានា ក្នុង​វត្តជម្ពូប្រឹក្សា ស្ថិតនៅខេត្តស្វាយរៀង កាលពីខែមិថុនា ឆ្នាំ២០២៣។

លោកស្រី លាង ធារ៉ា ជាស្ថាបនិកក្រុមហ៊ុនចំនួន៣ គឺ ក្រុមហ៊ុន​ផលិតផលថែរក្សាសម្ផស្ស ម៉ាក T&L NATURAL, មជ្ឈ​មណ្ឌលថែរក្សាសម្រស់ T&L និងក្រុមហ៊ុនគ្រឿងអលង្ការ T&L Jewelry៕

សូមចុចទស្សនាវីដេអូ

The post ភរិយាឧកញ៉ា ឌី ជោត កម្មង់ខ្សែកគុជខ្យងជាពិសេសពីប្រទេសជប៉ុន ជូនសម្តេចកិត្តិសង្គហបណ្ឌិត ម៉ែន សំអន appeared first on .

នៅក្នុងបទសម្ភាសន៍មួយកាលពីពេលថ្មីៗនេះ ឧកញ៉ា ឌី ជោត អគ្គនាយកក្រុមហ៊ុន ធារ៉ា លាង ឯ.ក បានលើកឡើងថា លោកជាអ្នកជំនួញម្នាក់ដែលបានងើបឡើងក្នុងគ្រួសារដែលមានជីវភាពក្រីក្រ ឆ្លងកាត់ការលំបាកនិងធ្វើការងារជាច្រើន ដូចជាការងារបម្រើគេជាដើម តែលោកនៅតែខិតខំប្រឹងប្រែងរហូតទទួលបានជោគជ័យគួរជាទីមោទនដូចសព្វថ្ងៃ។

លោកឧកញ៉ាបន្តថា ក្រោយពីឆ្លងកាត់បទពិសោធន៍យ៉ាងច្រើននេះ ក្នុងនាមជាអ្នកជំនួញត្រូវមានកត្តាចម្បងជាគោល គឺភាពស្មោះត្រង់ ប្រសិនបើអ្នកជំនួញមិនមានភាពស្មោះត្រង់ទេ ទោះធ្វើជំនួញអ្វីក៏ពិបាកឈរជើងដែរ។ សព្វថ្ងៃនេះ ដោយសារតែភាពស្មោះត្រង់ ការធ្វើជំនួញផ្សេងៗដូចជា ផលិតផល សេវាកម្ម គឺលោកឱ្យតម្លៃទៅលើ គុណភាព សុវត្ថិភាព និងប្រសិទ្ធិភាពជាគោល។

ជាមួយនឹងភាពស្មោះត្រង់នេះ លោកឧកញ៉ាបានលើកឡើង២រឿង ឬ២ហេតុផលដែលជាកាតាលីករជំរុញឱ្យជំនួញទទួលបានជោគជ័យ។ លោកថា រឿងទី១គឺកាលពីសម័យកូវិដ-១៩ សម្រាប់តំណាងចែកចាយរបស់ក្រុមហ៊ុនលោក ប្រសិនបើលក់មិនដាច់ អាចយកឥវ៉ាន់មកលក់ឱ្យក្រុមហ៊ុនវិញបាន ដោយគ្មានខាតថ្លៃដើមនោះទេ ប្រសិនចាយលុយទិញអស់មួយម៉ឺនដុល្លារពីក្រុមហ៊ុន នោះក្រុមហ៊ុននឹងឱ្យត្រឡប់មកវិញមួយម៉ឺនដុល្លារដូចគ្នា។

កត្តាទី២ គឺក្រៅពីគុណភាពផលិតផល ក្ដីស្រឡាញ់ចំពោះគ្រួសារជាធំ មិនមានផិតក្បត់ប្រពន្ធ កូន ហើយតែងតែយកចិត្តទុកដាក់ គិតសុខទុក្ខប្រពន្ធ បង្កើនក្ដីរីករាយក្នុងគ្រួសារ ទើបលោកឧកញ៉ាបានក្លាយជាបុគ្គលគំរូម្នាក់ដែលមានគេស្រឡាញ់ ចូលចិត្តច្រើន។ កត្តាទាំង២ខាងលើនេះហើយដែលបានស្ដែងពីភាពស្មោះត្រង់ក្នុងការទាក់ទាញអតិថិជន ឱ្យជឿជាក់លើក្រុមហ៊ុនរបស់លោក។ លោកឧកញ៉ាបញ្ជាក់បន្ថែម។

សូមជម្រាបជូនផងដែរថា ឧកញ៉ា ឌី ជោត ត្រូវបាន ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន គោរមងារជា «ឧកញ៉ា» កាលពីថ្ងៃទី២៨ ខែមីនា ឆ្នាំ២០២០ ដោយ ព្រះរាជក្រឹត្យលេខ នស/រកត/០៣២០/៤១៧៕

អត្ថបទ៖ សុកធា

The post ឧកញ៉ា ឌី ជោត ៖ អ្នកជំនួញនឹងពិបាកឈរជើង ប្រសិនបើគ្មានភាពស្មោះត្រង់ appeared first on .

ឧកញ៉ា និងភរិយាឧកញ៉ាទាំង ៤រួបរួមមាន៖ ឧកញ៉ា ហេង សៀ, ឧកញ៉ា ម៉េន កានី និងលោកជំទាវ គឹម ក្លាលីតា ម៉េនកានី ព្រមទាំងភរិយាឧកញ៉ា ឌី ជោត គឺលោកជំទាវ លាង ធារ៉ា ដែលត្រូវបានបំពាក់ដោយផ្ទាល់ពីសម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្រ្ដីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក្នុងពេលអញ្ជើញអធិបតីពិធីសម្ពោធសមទ្ធិផលនានា ក្នុងវត្តជម្ពូប្រឹក្សា ស្ថិតនៅខេត្តស្វាយរៀង កាលពីខែមិថុនាកន្លងទៅ។

ឧកញ៉ា និងភរិយាឧកញ៉ាទាំង ៤រូបនោះមានដូចខាងក្រោម៖

១/ ឧកញ៉ា ហេង សៀ ទទួលបានគ្រឿងឥស្សរិយយស «មេដាយមុនីសារភ័ណ្ឌ ថ្នាក់មហាសេរីវឌ្ឍន៍»

២/ ឧកញ៉ា ម៉េន កានី ទទួលបានគ្រឿងឥស្សរិយយស «មេដាយសុវត្ថានា ថ្នាក់មហាសេរីវឌ្ឍន៍»

៣/ លោកជំទាវ គឹម ក្លាលីតា ភរិយាឧកញ៉ា ម៉េន កានី ទទួលគ្រឿងឥស្សរិយយស «មេដាយសហមេត្រី ថ្នាក់មហាសេរីវឌ្ឍន៍»

៤/ លោកជំទាវ លាង ធារ៉ា ភរិយាឧកញ៉ា ឌី ជោត ទទួលបានគ្រឿងឥស្សរិយយស «មេដាយព្រះរាជាណាចក្រកម្ពុជា ថ្នាក់មហាសេរីវឌ្ឍន៍»

The post ឧកញ៉ា និងភរិយាឧកញ៉ា ៤រូបត្រូវបានសម្តេច ម៉ែន សំអន បំពាក់គ្រឿងឥស្សរិយយសដែលមានស្នាដៃជួយជាតិ appeared first on .

បើតាមទំព័រហ្វេសប៊ុកផ្ទាល់ខ្លួន លោកជំទាវ បានបង្ហោះរូបភាពក្នុងសម្លៀកបំពាក់ឈុតអ្នករៀបចំព្រឹត្តិការណ៍ស៊ីហ្គេម ដោយភ្ជាប់ជាមួយខាប់សិនថា «សូមស្វាគមន៍មកកាន់ប្រទេសកម្ពុជា CAMBODIA 2023 32nd SEA GAME ប្រទេសតូច បេះដូងធំ PROTOCOL ពិធីការ»លើសពីនោះ លោកជំទាវ បន្ថែមថា «ពិធីការ កីឡាហែលទឹក មកមើលខាងកីឡាហែលទឹក បើឃើញហៅផង»។

គួរឱ្យដឹងថា សហគ្រិនវ័យក្មេង ដ៏ស្រស់សោភារូបនេះ បានប្រែក្លាយខ្លួនយ៉ាងឆាប់រហ័សជាស្ថាបនិកក្រុមហ៊ុនជាច្រើននៅក្នុងដៃ រួមមាន ក្រុមហ៊ុន THEARA LEANG CO,.LTD ដែលកំពុងដំណើរការយ៉ាងរលូនមកទល់សព្វថ្ងៃនេះ មានលក់ និងចែកចាយ ដូចជាផលិតផលថែរក្សាសម្ផស្ស ម៉ាក T&L NATURAL, មជ្ឈមណ្ឌលថែរក្សាសម្រស់ T&L Beauty Center និងក្រុមហ៊ុនគ្រឿងអលង្ការ T&L JEWELRY រួមទាំង ហាងការបូប ស្បែកជើង ថបស៍ ប៊្រេន ផងដែរ៕

អត្ថបទ៖ ស៊ីណាត​

The post ភរិយាឧកញ៉ាម្នាក់ មានវត្តមានជាពិធីការ​កីឡាហែលទឹក ក្នុងព្រឹត្តិការណ៍កីឡាស៊ីហ្គេម appeared first on .

រៀបរាប់ពីដំណើរការអាជីវកម្មដំបូង មុននឹងមានឱកាសក្ដោបក្ដាប់មុខជំនួញដូចរាល់ថ្ងៃនេះ អគ្គនាយិកាវ័យក្មេងដ៏ស្រស់សោភារូបនេះ បញ្ជាក់ថា  មុននឹងឈោងទៅគ្រប់គ្រងមុខជំនួញ ទាំងអស់នោះ លោកស្រី បានចំណាយពេល ដុះខាត់ ចំណេះ ជំនាញ លើវិស័យពាក់ព័ន្ធក្នុងជំនាញធុរកិច្ចទាំងអស់នោះ ឱ្យបានស្ទាត់សិន ទើបហ៊ានប្រឡូកក្នុងមុខជំនួញទាំងអស់នេះ។  

ជាសហគ្រិនស្ត្រីវ័យក្មេង មានមុខជំនួញ និងក្រុមហ៊ុនបុត្រសម្ព័ន្ធច្រើនក្នុងដៃ លោកជំទាវ លាង ធារ៉ា បានបន្ថែមថា មុនវឌ្ឍនភាពលើមុខជំនួញទាំងអស់របស់ខ្លួន ដំណើរការរលូន មានអតិថិជនស្គាល់ និងគាំទ្រ ដូចសព្វថ្ងៃនេះ មានកត្តាប្រឈមមួយចំនួន ដែលខ្លួនបានជួប ក្នុងនោះ ការរៀបចំធនធានមនុស្សធ្វើការជាមួយក្នុងហាងគ្រឿងអលង្ការ ក៏អាចនិយាយបានថា ជាឧបសគ្គចម្បងមួយដែរ។

សូមស្តាប់ការលើកឡើងរបស់លោកជំទាវ លាង សុធារ៉ា៖

The post លោកជំទាវ លាង ធារ៉ា៖ ក្នុងនាមជាស្រ្តីមិនមែនធ្វើតែកិច្ចការងារផ្ទះ ឬបំរើស្វាមីនោះទេ ប៉ុន្តែយើងត្រូវហ៊ានឈានជើងចេញទៅខាងក្រៅដើម្បីបំពេញក្តីស្រមៃរបស់ខ្លួន appeared first on .