ឧកញ៉ា តាំង គួងហាវ ជាប់ឆ្នោតធ្វើជាប្រធានក្រុមប្រឹក្សាភិបាលសមាគមថ្មអារកម្ពុជាអាណ្ណត្តិទី១

រ៉េត សុកធា — Tue, 03 Feb 2026 03:25:27 +0000

ឧកញ៉ា តាំង គួងហាវ ត្រូវបានសមាជិកនៃសមាគមផ្តល់ទំនុកចិត្តបោះឆ្នោតជាប់ជាប្រធានក្រុមប្រឹក្សាភិបាលសមាគមថ្មអារកម្ពុជាអាណ្ណត្តិទី១ ជាផ្លូវការ។

ការបោះឆ្នោតនេះ ធ្វើឡើងកាលពីរសៀលថ្ងៃទី០២ ខែកុម្ភៈ ឆ្នាំ២០២៦ នៅទីស្តីការក្រសួងរ៉ែ និងថាមពល ដោយមានការអញ្ជើញចូលរួមពី ឧកញ៉ាបណ្ឌិត អ៊ុន យុទ្ធី អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ញ” តំណាងផ្នែកឯកជន នៃយន្តការវេទិការាជរដ្ឋាភិបាល-ផ្នែកឯកជន ក្រោមអធិបតីភាពរបស់ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល។

បន្ថែមពីនេះ សន្និបាតបោះឆ្នោតជ្រើសរើសក្រុមប្រឹក្សាភិបាលសមាគមថ្មអារកម្ពុជាអាណ្ណត្តិទី១នេះ ក៏មានការអញ្ជើញចូលរួមផងដែរពីសំណាក់មន្ត្រីពាក់ព័ន្ធនៃក្រសួងរ៉ែ និងថាមពល តំណាងក្រសួង ស្ថាប័ន តំណាងក្រុមហ៊ុនឯកជនពាក់ព័ន្ធក្នុងវិស័យថ្មអារ និងអ្នកពាក់ព័ន្ធជាច្រើនផងដែរ។

បើយោងតាមការបញ្ជាក់ឱ្យដឹងពីសភាពាណិជ្ជកម្មកម្ពុជា ជាលទ្ធផលនៃការបោះឆ្នោត ឧកញ៉ា តាំង គួងហាវ ត្រូវបានសមាជិកនៃសមាគមផ្តល់ទំនក់ចិត្តបោះឆ្នោតជាប់ជាប្រធានក្រុមប្រឹក្សាភិបាលសមាគមថ្មអារកម្ពុជាអាណ្ណត្តិទី១ ជាផ្លូវការ អមដោយអនុប្រធាន ២រូប និងសមាជិកក្រុមប្រឹក្សាភិបាល ៣រូបផ្សេងទៀតផងដែរ។

សូមគូសបញ្ជាក់ផងដែរថា សមាគមថ្មអារកម្ពុជា ត្រូវបានផ្លាស់ប្តូរឈ្មោះថ្មីដែលដំបូងសមាគមនេះមានឈ្មោះថា សមាគមថ្មក្រានីតកម្ពុជា៕

The post ឧកញ៉ា តាំង គួងហាវ ជាប់ឆ្នោតធ្វើជាប្រធានក្រុមប្រឹក្សាភិបាលសមាគមថ្មអារកម្ពុជាអាណ្ណត្តិទី១ appeared first on .

ស្ងាត់ៗ លោក សាវិន ហ្វីលីព ចាប់បានគម្រោងធំតម្លៃ ៦២ លានដុល្លារនៃបុរី GB Residence របស់ឧកញ៉ា តាំង គួងហាវ

ឧកញ៉ាកោះក្របី — Tue, 14 Sep 2021 04:49:06 +0000

ក្នុងវិស័យភាពយន្ត មានមនុស្សភាគតិចណាស់ថាមិនស្គាល់លោក សាវិន ហ្វីលីព ដែលជាតារាសម្តែងវ័យជ្រេបន្តិច ប៉ុន្តែរូបសម្រស់នៅសង្ហាដដែរ ឥឡូវមានសំណាងត្រូវបានក្រុមហ៊ុន CMC Real Estate សម្រេចតែងតាំងជាទូតសុឆន្ទៈប្រចាំក្រុមហ៊ុន និងជាដៃគូសហការលក់គម្រោងដ៏ធំរបស់បុរី GB Residence លេីផ្ទៃដី ៩ ហិកតា ដែលមានតម្លៃសរុបរហូតដល់ ៦២ លានដុល្លា របស់លោកឧកញ៉ា តាំង គួងហាវ ស្ថិតនៅជិតរង្វង់មូលកួរស្រូវ រាជធានីភ្នំពេញ។

លោក សាវិន ហ្វីលីព ថ្លែងថា៖ “ខ្ញុំបាទសូមអរគុណអ្នកស្រី គ្រុយ ស្រីខួច ( Jenny ) អគ្គនាយិកា ក្រុមហ៊ុន អចលនទ្រព្យ CMC Real Estate ដែលបានសម្រេចជ្រេីសរេីសយកខ្ញុំជា ទូតសុឆន្ទះ (Brand Ambassador) ប្រចាំក្រុមហ៊ុនក្នុងកុងត្រារយៈពេល៥ឆ្នាំ និងជាដៃគូសហការដេីម្បីលក់គំរោងបុរី GB Residence លេីផ្ទៃដី៩ហិកតានិងតម្លៃសរុបរហូតដល់ ៦២លានដុល្លា របស់លោក ឧកញ៉ា តាំង គួងហាវ” ។

គួររម្លឹកជូនថា គិតមកដល់ពេលបច្ចុប្បន្ន លោក សាវិន ហ្វីលីព បានចូលរួមថតរឿងខ្នាតធំ រឿងភាគ និងរឿងខ្នាតខ្លីជាច្រើនពេលកន្លងមក។ លើសពីនេះលោកក៏បានទទួលថត MV , TVC ឲ្យក្រុមហ៊ុន និងផលិតកម្មល្បីឈ្មោះមួយចំនួផងដែរ។

រឿងភាគយន្ត ចំនួន ៤រឿង ដែលបានធ្វើឲ្យកេរ្តិឈ្មោះលោកល្បីខ្លាំងគឺរឿង «ហនុមាន» និងរឿង« JailBreak» ដែលជាតួអង្គការពារឧក្រិដ្ធជន របស់អ្នកដឹកនាំជនជាតិអ៊ីតាលី Jimmy Henderson និងរឿង«មុនដំបូងខ្មែរក្រហមសម្លាប់ឪពុកខ្ញុំ» របស់អ្នកស្រី Angelina Jolie រឿង «តម្លៃស្នេហ៍» របស់ផលិតកម្មខ្មែរមេគង្គ ដឹកនាំរឿងដោយផលិតករជនជាតិអង់គ្លេស ឈ្មោះ Matthew Robinson។

រឿងទាំង៤ សុទ្ធតែជារឿងល្បីៗហើយទទួលពានរង្វាន់ជាច្រើននៅក្នុងមហោស្រពភាពយន្តអន្តរជាតិតំណាងឲ្យកម្ពុជា៕

The post ស្ងាត់ៗ លោក សាវិន ហ្វីលីព ចាប់បានគម្រោងធំតម្លៃ ៦២ លានដុល្លារនៃបុរី GB Residence របស់ឧកញ៉ា តាំង គួងហាវ appeared first on .