ឧកញ៉ា ថោង សារ៉ាត់

ឧកញ៉ា ថោង សារ៉ាត់ បើកក្រុមហ៊ុន “ប៉ាតេពុក” ធម្មជាតិ ១០០% ញ៉ាំហើយមានកម្លាំងដូចរឿងទិនហ្វី

ឧកញ៉ាដែនដី — Mon, 13 Feb 2023 06:03:56 +0000

កាលពីថ្ងៃទី១០ ខែកុម្ភៈ ឆ្នាំ២០២៣ លោកឧកញ៉ា ថោង សារ៉ាត់ និងភរិយា បានបើកសម្ពោធការលក់ជាផ្លូវការនូវសាច់ប៉ាតេ យីហោ «ពុក» នៃក្រុមហ៊ុនប៉ាតេពុក របស់លោក នៅផ្សារទំនើបម៉ាក្រូ រាជធានីភ្នំពេញ ដែលជាប្រភេទសាច់ប៉ាតេធម្មជាតិ ១០០% គ្មានជាតិគីមី អាចញ៉ាបានទាំងចាស់ទាំងក្មេង ជាពិសេសញ៉ាំហើយអាចមានកម្លាំងខ្លាំង ដូចក្នុងសាច់រឿងទិនហ្វី។

ក្នុងពិធីសម្ពោធការលក់ខាងលើ លោកឧកញ៉ា ថោង សារ៉ាត់ បានថ្លែងឱ្យដឹងថា សាច់ប៉ាតេ ជាឈ្មោះម្ហូបអាហារនៃអត្តសញ្ញាណជាតិរបស់ប្រទេសជិតខាងយើង ហើយយើងមិនមានឈ្មោះក៏ហៅថា ប៉ាតេ ដូចគេដែរទៅ ហើយក្រុមហ៊ុនរបស់លោកបានបន្ថែមពាក្យ «ពុក» ដែលមកពីពាក្យ «ឪពុក» ដែលមានន័យថា ជាប៉ាតេរបស់លោកឪពុក ប៉ុន្តែដើម្បីកុំឱ្យវែងពេក លោកសម្រេចហៅថា «ប៉ាតេពុក»។

លោកឧកញ៉ា បានបន្តថា ការដាក់ឈ្មោះថា «ប៉ាតាពុក» នេះ ក៏ជាការដឹងគុណ ដល់ថ្នាក់ដឹកនាំរាជរដ្ឋាភិបាល ដូច្នេះការផលិតម្ហូបអាហារនេះ ក៏ស្របតាមការចង់បានរបស់ថ្នាក់ដឹកនាំកម្ពុជា ដែលចង់ឱ្យប្រទេសកម្ពុជា ក្លាយជាប្រទេសផលិត ដើម្បីប្រកួតប្រជែងក្នុងស្រុក និងអន្តរជាតិ។ ដូច្នេះលោកឧកញ៉ា និងភរិយា បានខិតខំណាស់ ព្រោះមុខរបរនេះ មានភាពហត់នឿយខ្លាំង ដែលត្រូវងើបតាំងពីម៉ោង ២យប់ ដើម្បីធ្វើសាច់ប៉ាតេបាន។

លោកឧកញ៉ា ថោង សារ៉ាត់ បានបញ្ជាក់ឱ្យដឹងថា ធាតុផ្សំរបស់ប៉ាតេពុក មានតែ២មុខគត់គឺ សាច់និងអំបិល។ ប៉ាតេពុកជារបស់ល្អធម្មជាតិ (Organic) ១០០% ក្មេងចាប់ពី ៨ខែ អាចញ៉ាំបាន ចាស់ជរា អ្នកជំងឺ ពិសារបានទាំងអស់។ លោកឧកញ៉ា បានបន្ថែមថា លោកហ៊ានធានាថា ប៉ាតេពុក គ្មានបញ្ហានោះទេ មានតែញ៉ាំហើយមានកម្លាំង ដូចដែលយើងធ្លាប់មើលរឿងទិនហ្វីយ៉ាងដូច្នោះដែរ។ យ៉ាងណាមិញ លោកឧកញ៉ា បានបន្តថា របស់ធម្មជាតិ ដែលធ្វើឡើងតែពីសាច់ និងអំបិល គឺពិបាកធ្វើណាស់ ព្រោះវាមិនមានអ្វីជំនួយ ដូចជាថ្នាំរក្សាការពារ តែបើយើងប្រើថ្នាំការពារ នឹងអាចនាំឱ្យខូចសុខភាព ហើយគ្មានពណ៌ ព្រមទាំងជ្រើសរើសសាច់ជ្រូកដែលបងប្អូនចិញ្ចឹមនៅតាមជនបទ ដែលជាសាច់ជ្រូកដ៏មានគុណភាពខ្ពស់។

សូមជម្រាបជូនថា បើតាមលោកឧកញ៉ា ថោង សារ៉ាត់ ប៉ាតេពុក មានការទទួលស្គាល់ពីស្តង់ដាជាតិ និងស្តង់ដាអន្តរជាតិ ISO 22000 2018ផងដែរ ហើយក្រុមហ៊ុនរបស់លោក បានបញ្ជូនបុគ្គលិកទៅសិក្សាក្រៅប្រទេសរាប់ខែ លើការរក្សាអនាម័យ និងប្រព័ន្ធគ្រប់គ្រង ដើម្បីទទួលបានអាជ្ញាប័ណ្ណទទួលស្គាល់កម្រិតអន្តរជាតិ ISO៕

The post ឧកញ៉ា ថោង សារ៉ាត់ បើកក្រុមហ៊ុន “ប៉ាតេពុក” ធម្មជាតិ ១០០% ញ៉ាំហើយមានកម្លាំងដូចរឿងទិនហ្វី appeared first on .

ឧកញ៉ា ថោង សារ៉ាត់ ឧបត្ថម្ភថវិកាចំនួន ៥ម៉ឺនដុល្លារ ដើម្បីទិញមន្ទីរពេទ្យ នគរទេព ជាមួយរដ្ឋាភិបាល

ឧកញ៉ាកោះក្របី — Sun, 28 Mar 2021 05:11:27 +0000

រាជរដ្ឋាភិបាលកម្ពុជា នឹងប្រើប្រាស់ថវិការដ្ឋដើម្បីទិញយកមន្ទីរពេទ្យព្យាបាលជំងឺកូវីដ១៩ នគរទេព ហើយប្តូរឈ្មោះថាជាមន្ទីរពេទ្យ «ហ្លួងម៉ែ» វិញ ដែលមានទីតាំងស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ ខណៈពេលដែលមន្ទីរពេទ្យថ្មីមួយនេះ ចាប់ផ្តើមទទួលព្យាបាលអ្នកជំងឺកូវីដ១៩ហើយកាលពីថ្ងៃម្សិលមិញ។

ភ្លាមៗ ឧកញ៉ា ថោង សារ៉ាត់ និងលោកជំទាវ ទាវ ធីតា ក៏បានបរិច្ចាគថវិកាចំនួន ៥ម៉ឺនដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញយកមន្ទីរពេទ្យ «នគរទេព» មកជាសម្បត្តិរបស់រដ្ឋ។

សូមបញ្ជាក់ថា មន្ទីរពេទ្យ «នគរទេព» មានផ្ទៃដីទំហំ១ហិកតា ៥០អា ដែលមានអគារទំហំ ២៥,០០០ម៉ែត្រការេ កំពស់៥ជាន់ មានប្រព័ន្ធ ទឹក ភ្លើងល្អដែលបំពាក់ដោយប្រព័ន្ធសទ្បា (solar) និងមានម៉ាស៊ីនភ្លើងបំរុងកម្លាំង ៣៥០ KWA បំពាក់ដោយម៉ាស៊ីនផ្លាស់ប្ដូរភ្លើងដោយស្វ័យប្រវត្តិ៕

The post ឧកញ៉ា ថោង សារ៉ាត់ ឧបត្ថម្ភថវិកាចំនួន ៥ម៉ឺនដុល្លារ ដើម្បីទិញមន្ទីរពេទ្យ នគរទេព ជាមួយរដ្ឋាភិបាល appeared first on .

ឧកញ៉ា ថោង សារ៉ាត់ បរិច្ចាគថវិកា ១០ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំងកូវីដ១៩

កូនចៅឧកញ៉ា — Tue, 08 Dec 2020 00:24:34 +0000

លោកឧកញ៉ា ថោង សារ៉ាត់ និងលោកជំទាវ ទាវ ធីតា បរិច្ចាគថវិកា ១០ម៉ឺនដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ១៩។

ការប្រកាសរបស់ លោកឧកញ៉ា ថោង សារ៉ាត់ បានធ្វើឡើងភ្លាមៗ បន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ១៩ មកចាក់ជូនប្រជាពលរដ្ឋដោយឥតគិតថ្លៃ។

សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់។

សម្តេចតេជោ បន្ថែមថា «ពេលនេះប្រទេសមួយចំនួនផលិតបាននិងដាក់អោយប្រើប្រាស់ហើយនឹងកំពុងបញ្ចេញលក់អោយប្រទេសនានាផងដែរ។ ល្ងាចនេះខ្ញុំបានណែនាំអោយរដ្ឋមន្ត្រីក្រសួងសុខាភិបាលពិភាក្សាជាមួយដៃគូអភិវឌ្ឍន៍ ពិសេសអង្គការសុខភាពពិភពលោក ដើម្បីកំណត់ថា តើយើងគួរទិញវ៉ាក់សាំងពីប្រទេសណា?»។

សម្តេចតេជោ ក៏បានបញ្ជាក់ថា «ខ្ញុំបានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ការទិញ១លានដូស (មួយលានដូស) ក្នុងដំណាក់កាលដំបូងដើម្បីចាក់ជូនចំពោះអ្នកដែលធ្វើការនៅកន្លែងដែលមានហានិភ័យខ្ពស់ និងអ្នកដែលមានហានិភ័យ។ មួយលានដូសចាក់បានត្រឹមតែមនុស្ស ៥០ម៉ឺននាក់ប៉ុណ្ណោះ (ព្រោះម្នាក់ត្រូវការចាក់២ដង) ក្នុងពេលយើងមានប្រជាជន១៦លាននាក់ ទាំងចាស់ទាំងក្មេង ដែលក្នុងនោះអាចមានមនុស្សប្រមាណ១០លាននាក់ត្រូវការចាក់វ៉ាក់សាំង»។

សម្តេចតេជោនាយករដ្ឋមន្ត្រី បានលើកឡើងថា ក្នុងស្ថានភាពដែលកម្ពុជានៅក្រខ្វះថវិកាសម្រាប់ទិញបន្ថែម សម្តេចបានណែនាំរដ្ឋមន្ត្រីរដ្ឋមន្ត្រក្រសួងសុខាភិបាល និងរដ្ឋមន្ត្រីក្រសួងហិរញ្ញវត្ថុឱ្យពិភាក្សាជាមួយដៃគូអភិវឌ្ឍន៍ទាំងទ្វេភាគី ទាំងពហុភាគី ដើម្បីស្វែងរកជំនួយបន្ថែមមកជួយដល់ប្រជាជន។

សម្តេចតេជោ ហ៊ុន សែន សង្ឃឹមថាដៃគូអភិវឌ្ឍន៍នឹងផ្តល់ជំនួយដល់ប្រជាជន ឬយ៉ាងហោចលក់ក្នុងតម្លៃថោកសមរម្យ។ សម្តេចតេជោ ក៏បានណែនាំរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ត្រៀមថវិកាសម្រាប់ទិញ ២ ទៅ៣លានដូសថែមទៀត សម្រាប់ដំណាក់កាលបន្ទាប់៕

The post ឧកញ៉ា ថោង សារ៉ាត់ បរិច្ចាគថវិកា ១០ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំងកូវីដ១៩ appeared first on .

ឧកញ៉ា ថោង សារ៉ាត់ ឧបត្ថម្ភអង្ករចំននួន ៥០តោ ជូនរដ្ឋបាលរាជធានីភ្នំពេញ

ឧកញ៉ាកោះក្របី — Sun, 25 Oct 2020 01:39:30 +0000

ព្រឹកថ្ងៃទី២១ ខែតុលា ឆ្នាំ២០២០ លោកឧកញ៉ា ថោង សារ៉ាត់ នាយកប្រតិបត្តិក្រុមហ៊ុន UK ខុនដូរ និងលោកជំទាវ បានឧបត្ថម្ភអង្ករ ចំនួន ៥០តោន ជូនរដ្ឋបាលរាជធានីភ្នំពេញ ដើម្បីចែកជូនបន្ដដល់ប្រជាពលរដ្ឋរងគ្រោះដោយសារជំនន់ទឹកភ្លៀងនៅរាជធានីភ្នំពេញ។

លោក ឃួង ស្រេង អភិបាលរាជធានីភ្នំពេញ បានថ្លែងអំណរគុណចំពោះលោកឧកញ៉ា ដែលបានចូលរួមឧបត្ថម្ភជាអង្ករចំនួន៥០តោនដល់រដ្ឋបាលរាជធានីភ្នំពេញដើម្បីយកទៅប្រើសម្រាប់ចែកបន្ដជូនប្រជាពលរដ្ឋដែលរងគ្រោះដោយសារទឹកជំនន់ ពិសេសប្រជាពលរដ្ឋនៅក្នុងរាជធានីភ្នំពេញ ដែលកំពុងជម្លៀសមកកាន់ទីទួលសុវត្ថិភាព។

ឧកញ៉ា ថោង សារ៉ាត់ នាយកប្រតិបត្តិក្រុមហ៊ុន UK ខុនដូ ថ្លែងឲ្យដឹងថា “ទោះជាតិចក្តីច្រើនក្តី លោកឧកញ៉ានិងក្រុមគ្រួសារនឹងខិតខំប្រឹងប្រែងចូលរួមចំណែកជាមួយរាជរដ្ឋាភិបាល ក៏ដូចជារដ្ឋបាលរាជធានីភ្នំពេញ ដើម្បីជួយដល់ប្រជាពលរដ្ឋ ដែលរងគ្រោះដោយគ្រោះធម្មជាតិនិងជួបបញ្ហានានាក្នុងរាជធានីភ្នំពេញ”។

សូមបញ្ជាក់ដែរថា៖ រាជធានីភ្នំពេញ នៅខណ្ឌពោធិ៍សែនជ័យ មានសង្កាត់ចំនួន៧ ក្នុងនោះមានសង្កាត់ចំនួន៦ ដែលទទួលរងគ្រោះដោយទឹកជំនន់ ដែលមានផ្ទះចំនួន ៤.០៥២ខ្នង រងផលប៉ះពាល់ និងមានប្រជាពលរដ្ឋរងគ្រោះសរុប ១.៣៨២គ្រួសារ មេីនឹង ១៨.៤២២នាក់៕

The post ឧកញ៉ា ថោង សារ៉ាត់ ឧបត្ថម្ភអង្ករចំននួន ៥០តោ ជូនរដ្ឋបាលរាជធានីភ្នំពេញ appeared first on .

សាលាឧទ្ធរណ៍ដោះលែងឧកញ៉ា ថោង សារ៉ាត់ និងអង្គរក្ស ៣នាក់ជាបណ្តោះអាសន្ន

កូនចៅឧកញ៉ា — Thu, 07 Nov 2019 02:32:10 +0000

សាលាឧទ្ធរណ៍បានសម្រេចដោះលែង លោកឧកញ៉ា ថោង សារ៉ាត់ និងបក្ខពួកចំនួន៣នាក់ទៀត ឱ្យនៅក្រៅឃុំជាបណ្តោះអាសន្ន លើកលែងតែឈ្មោះ សៀង វាសនា ដែលជាជនដៃដល់បន្តស្ថិតនៅក្នុងឃុំ។នេះបើតាមអ្នកនាំពាក្យសាលាឧទ្ធរណ៍ បានចេញសេចក្ដីថ្លែងការណ៍ នៅថ្ងៃទី០៦ ខែវិច្ឆិកា ឆ្នាំ២០១៩។
សេចក្តីប្រកាសអ្នកនាំពាក្យសាលាឧទ្ធរណ៍, អ្នកដែលត្រូវដោះលែងឲ្យក្រៅឃុំជាបណ្តោះអាសន្ន។

ចំនួន៤នាក់ ទី១៖ ថោង សារ៉ាត់, ទី២៖ ហួយ ចាន់ថុល, ទី៣៖ មាស សម្បត្តិ ហៅ ទូច និង ទី៤៖ ឈ្មោះ ឃុន ចិត្រា ដោយតុលាការបានដាក់លក្ខខណ្ឌ៤ចំណុចដូចជា៖

១៖ ជនជាប់ចោទមិនត្រូវចាកចេញពីព្រះរាជាណាចក្រកម្ពុជា ដោយមិនមានការអនុញ្ញាតពីតុលាការ។

២៖ ហាមផ្លាស់ប្តូរលំនៅដ្ឋាន។

៣៖ ត្រូវបង្ហាញខ្លួននៅការិយាល័យស្នងការនគរបាលរាជធានីភ្នំពេញរៀងរាល់សប្តាហ៍ទី១ រៀងរាល់ខែ ។

៤៖ ចូលបង្ហាញខ្លួនតាមការកោះហៅរបស់តុលាការ ឬ អាជ្ញាធរមានសមត្ថកិច្ចដែលចាត់តាំងដោយតុលាការ ។

គួររម្លឹកថា កាលពីថ្ងៃទី២៦ ខែមីនា ឆ្នាំ២០១៩ តុលាការសាលាដំបូងរាជធានីភ្នំពេញ បានសម្រេចផ្តន្ទាទោសអតីត ឧកញ៉ា ថោង សារ៉ាត់ និងអង្គរក្សចំនួន ៤នាក់ ដាក់ពន្ធនាគារក្នុងម្នាក់ៗ អស់មួយជីវិត ពីបទ ឃាតកម្មគិតទុកជាមុន ក្នុងផែនការបាញ់សម្លាញ់ ឧកញ៉ា អ៉ឹង ម៉េងជឺ កាលពីល្ងាចថ្ងៃទី២២ ខែវិច្ឆិកា ឆ្នាំ២០១៤ នៅមុខហាងលក់ផ្លែឈើ យីហោ ឡោ តិចសេង ស្ថិតនៅផ្លូវលេខ២៧៤ សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ៕