លោកជំទាវឧកញ៉ាសាកលវិទ្យាធិការនៃសាកលវិទ្យាល័យ PPIU បានបញ្ចប់ប្រកបដោយជោគជ័យក្នុងការការពារនិក្ខេបបទបញ្ចប់ថ្នាក់បណ្ឌិតគ្រប់គ្រងអប់រំ ឯកទេសភាពជាអ្នកដឹកនាំក្នុងវិស័យអបរំ ក្រោមប្រធានបទ «អភិវឌ្ឍន៍យុទ្ធសាស្រ្តស្ដីពីការដឹកនាំអប់រំឌីជីថល នៅគ្រឹះស្ថានឧត្តមសិក្សា៖វិធីសាស្រ្តស្រាវជ្រាវចម្រុះ» កាលពីពេលថ្មីៗកន្លងមកនេះ។

ការទទួលសញ្ញាបត្ររបស់លោកជំទាវឧកញ៉ា គឺក្នុងឱកាសដែលសម្តេចធិបតីនាយករដ្ឋមន្ត្រី អញ្ជើញចូលរួមពិធីសម្ពោធសមិទ្ធផលកំណែទម្រង់វិទ្យាស្ថានជាតិអប់រំ និងពិធីប្រគល់សញ្ញាបត្រជូនដល់ និស្សិត គរុនិស្សិត នៃវិទ្យាស្ថានជាតិអប់រំ កាលពីព្រឹកថ្ងៃទី២១ ខែឧសភា។ សម្តេចបានគូសបញ្ជាក់ថា កំណែទម្រង់គ្រូបង្រៀនផ្តោតលើកត្តាសំខាន់ចំនួន ៤ គឺ៖ ១.កែលម្អកម្មវិធីបណ្តុះបណ្តាល, ២.ការបង្កើនគុណវុឌ្ឍិគ្រូបង្រៀន, ៣.ការអភិវឌ្ឍវិជ្ជាជីវ:ជាប្រចាំ ដោយផ្តល់ឱកាសឱ្យគ្រូមានលទ្ធភាពបណ្តុះបណ្តាលសមត្ថភាពពេញមួយជីវិត និង ៤.កំណែទម្រង់គ្រឹះស្ថានបណ្តុះបណ្តាលគ្រូ។

សូមជម្រាបថា វិទ្យាស្ថានជាតិអប់រំ គឺជាគ្រឹះស្ថានបណ្តុះបណ្តាលគ្រូបង្រៀន ដែលមានអាយុកាល ១១១ ឆ្នាំ និងបានដើរតួនាទីជាប្រវត្តិសាស្ត្រក្នុងការបណ្តុះបណ្តាលគ្រូបង្រៀននៅក្នុងប្រទេសកម្ពុជា។ ស្ថិតក្រោមឱវាទក្រសួងអប់រំ យុវជន និងកីឡា ដែលផ្តល់ការបណ្តុះបណ្តាលដំបូង និងការបណ្តុះបណ្តាលបន្តដល់គ្រូបង្រៀន កម្រិតមធ្យមសិក្សា និងការអភិវឌ្ឍវិជ្ជាជីវៈជាប្រចាំសម្រាប់គ្រូបង្រៀន អ្នកដឹកនាំសាលារៀន អធិការអប់រំ និងមន្ត្រីអប់រំនៅថ្នាក់ជាតិ និងថ្នាក់ក្រោមជាតិ។ វិទ្យាស្ថាននេះត្រូវបាន ផ្លាស់ប្ដូរឈ្មោះ និងភារកិច្ចជាបន្តបន្ទាប់ទៅតាមការវិវត្តនៃដំណាក់កាលសង្គម និងនយោបាយ របស់កម្ពុជា៕

The post ជំទាវឧកញ៉ា ទេព កូលាប សាកលវិទ្យាធិការនៃសាកលវិទ្យាល័យ PPIU ទទួលសញ្ញាបត្របណ្ឌិតគ្រប់គ្រងអប់រំ appeared first on .

កីឡាករបាល់ទាត់ លឹម ពិសុទ្ធ ជាខ្សែប្រយុទ្ធក្រុមបាល់ទាត់អាជីពនៅលីគកំពូលកម្ពុជា ភ្នំពេញ ក្រោន និងជាខ្សែប្រយុទ្ធរបស់ក្រុមជម្រើសជាតិកម្ពុជា ដែលបានបង្ហាញខ្លួនក្នុងការប្រកួតដ៏សំខាន់ៗដូចជា ការប្រកួតស៊ីហ្គេម ការប្រកួតជម្រុះ World Cup និងការប្រកួតវគ្គជម្រុះពានរង្វាន់អាស៊ី ជាដើម។ រីឯកីឡាករ ជួន ចាន់ចាវ ជាខ្សែការពាររបស់ក្លឹបភ្នំពេញ ក្រោន និងជាខ្សែការពារជម្រើសជាតិកម្ពុជាមួយរូបផងដែរ។ កីឡាករទាំងពីររូបនេះ សុទ្ធសឹងតែជាកីឡាករវ័យក្មេង ដូច្នេះការបន្តសិក្សាបន្ថែម ជារឿងសំខាន់សម្រាប់អនាគត បន្ថែមលើអាជីពបាល់ទាត់។

សូមជម្រាបថា សាកលវិទ្យាល័យភ្នំពេញអន្តរជាតិ បានកកើតឡើងនៅឆ្នាំ២០០២ ក្រោមការផ្តួចផ្តើមរបស់សាកលវិទ្យាធិការ ឧកញ៉ា ទេព កូលាប ដែលពេលនោះមានឈ្មោះថា “សាកលវិទ្យាល័យអាស៊ាន”។ សាកលវិទ្យាល័យនេះបានប្តូរឈ្មោះមកជា “សាកលវិទ្យាល័យភ្នំពេញអន្តរជាតិ (Phnom Penh International University – PPIU) នៅឆ្នាំ២០០៦ តាមអនុក្រឹត្យលេខ ១១១ អនក្រ. បក ចុះថ្ងៃទី ២៤ ខែតុលា ឆ្នាំ២០០៦។

បច្ចុប្បន្ន សាកលវិទ្យាល័យ PPIU មានកម្រិតសិក្សាចាប់ពីវគ្គជំនាញវិជ្ជាជីវៈ បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើជំនាញជាច្រើន ខណៈដែលថ្មីៗនេះសាកលវិទ្យាល័យ ក៏បានសហការគ្នាជាមួយក្រសួងព័ត៌មាន បើកនូវមហាវិទ្យាល័យសារព័ត៌មាន និងសោតទស្សន៍ ដំបូងគេនៅកម្ពុជាបន្ថែមទៀតផងដែរ៕

The post ជំទាវឧកញ៉ា ទេព កូលាប ទទួលជួបស្វាគមន៍កីឡាករបាល់ទាត់ លឹម ពិសុទ្ធ ចូលសិក្សានៅសាកលវិទ្យាល័យ PPIU appeared first on .

ក្នុងឱកាសចុះ MOU នេះ ឯកឧត្តម នេត្រ ភក្ត្រា បានបញ្ជាក់ថាកិច្ចសហប្រតិបត្តិការក្នុងភាពជាដៃគូ រវាងស្ថាប័នរដ្ឋ និងឯកជននេះ សំដៅចូលរួមចំណែកដល់ការបណ្តុះបណ្តាលធនធានមនុស្សក្នុង វិស័យព័ត៌មានប្រកបដោយគុណភាព និងវិជ្ជាជីវៈ ឱ្យស្របតាមការវិវត្តយ៉ាងលឿន និងឥតឈប់ឈរក្នុងវិស័យនេះ ដែលកំពុងត្រូវបានជំរុញដោយបច្ចេកវិទ្យាទំនើប និងបញ្ញាសិប្បនិម្មិត។

លោកជំទាវឧកញ៉ា ទេព កូលាប សាកលវិទ្យាធិការ នៃសាកលវិទ្យាល័យភ្នំពេញអន្តរជាតិ ក៏បានបង្ហាញពីការប្តេជ្ញាចិត្តធ្វើយ៉ាងណាឱ្យវគ្គសិក្សាអាចបើកជូនសិស្ស និស្សិតបានក្នុងពេលឆាប់ៗនេះ ព្រមទាំងរៀបចំផែនការយុទ្ធសាស្ត្រ ដើម្បីធានានិរន្តភាពនៃកម្មវិធីសិក្សា។

សូមជម្រាបថា តាមរយៈការចុះ MOU ខាងលើនេះ កម្មវិធីសិក្សារួមមានទ្រឹស្តី និងការអនុវត្តផ្ទាល់លើជំនាញសារព័ត៌មាន ការសរសេរអត្ថបទ ផលិតនិងការផ្សាយ ព័ត៌មានបែបប្រពៃណីព្រមទាំងដាក់បញ្ចូលផងដែរ ការបណ្តុះបណ្តាលជំនាញពហុព័ត៌មាន និងទិដ្ឋភាពប្រព័ន្ធផ្សព្វផ្សាយគ្រប់ទម្រង់សំខាន់ៗក្នុង វិស័យព័ត៌មាន និងសោតទស្សន៍ ដើម្បីឆ្លើយតបនឹងតម្រូវការក្នុងយុគសម័យឌីជីថល ក្នុងនោះរាប់បញ្ចូលទាំងមុខវិជ្ជាស្នូល ដែលមានដូចជា៖ សារព័ត៌មាន, ជំនាញផលិតកម្មវិធីទូរទស្សន៍, សារព័ត៌មានឌីជីថល, ទំនាក់ទំនងសាធារណៈ និងទីផ្សារផ្សព្វផ្សាយពាណិជ្ជកម្ម, ប្រព័ន្ធផ្សព្វផ្សាយនិងសារគមនាគមន៍៕

The post ជំទាវឧកញ៉ា ទេព កូលាប និងឯកឧត្តម នេត្រ ភក្ត្រា ចុះ MOU លើកិច្ចសហប្រតិបត្តិការកម្មវិធីបណ្តុះបណ្តាលជំនាញវិស័យព័ត៌មាន appeared first on .

ថ្ងៃ​នេះ​ ឧកញ៉ាញូស៍ ​សូម​បង្ហាញ​ជូន​អ្នក​ឧកញ៉ា និង​​ឧកញ៉ាៗ​ ដែល​កំពុង​​វិនិយោគ​​លើ​វិស័យ​អប់រំ​នៅ​កម្ពុជា ​​ដូច​ខាង​ក្រោម៖

១. អ្នក​ឧកញ៉ា គិត ម៉េង៖ អគ្គនាយកក្រុមហ៊ុន Royal Group និង​ជា​ម្ចាស់​សាលា​អន្តរជាតិ Northbridge International School និង​ Southbridge International School។

២. អ្នកឧកញ៉ា គួច ម៉េងលី៖ ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន និង​ម្ចាស់មជ្ឈមណ្ឌលភាសា អេអាយអាយ (Aii) និងសាលារៀនអន្តរទ្វីប អាមេរិកាំង (AIS)។

៣. ឧកញ៉ា ហេង វ៉ាន់ដា៖ ម្ចាស់វិទ្យាស្ថានវ៉ាន់ដា

៤. ឧកញ៉ា តែ ឡូរិន៖ សាកលវិទ្យាធិការ នៃ​សាកលវិទ្យាល័យ​វេស្ទើន

​​​​

៥. ជំទាវឧកញ៉ា ទេព កូលាប៖ ម្ចាស់និងជាសាកលវិទ្យាធិការ សាកលវិទ្យាល័យភ្នំពេញអន្ដរជាតិ (PPIU)

៦. ឧកញ៉ា ឌួង លាង៖ សាកលវិទ្យាធិការ សាកលវិទ្យាល័យអាស៊ីអឺរ៉ុប

៧. ជំទាវឧកញ៉ា លឹម ឈីវហូ៖ ម្ចាស់សាលាអន្តរជាតិ CAMBODIA SHOUDU BILINGUAL INTERNATIONAL SCHOOL

The post តើឧកញ៉ារូបណាខ្លះ វិនិយោគលើវិស័យអប់រំ នៅកម្ពុជា? appeared first on .

លោកស្រី ទេព កូលាប ម្ចាស់និងជាសាកលវិទ្យាធិការ សាកលវិទ្យាល័យភ្នំពេញអន្ដរជាតិ។ លោកស្រីកន្លងមកក៏ត្រូវបានរាជរដ្ឋាភិបាលកម្ពុជា ផ្តល់ជូនគ្រឿងឥស្សរិយយស មេដាយស្ថាបនាជាតិថ្នាក់មាស គឺជាមេដាយ មានស្នាដៃល្អ នៅក្នុងការបំពេញការងារ និងបា​នក​សា​ងសមិទ្ធិផលនានា និងរួមចំណែកក្នុងការអភិវឌ្ឍន៍ពន្ធធនាគារ។

សូមជម្រាបថា លោកស្រី ទេព កូលាប សាកលវិទ្យាធិការ នៃសកលវិទ្យាល័យ PPIU ធ្លាប់ជាប់ពន្ធនាគាររយៈពេលជាង១៥ខែ នាអំឡុងឆ្នាំ២០១១-២០១២ ពីបទរំលោភលើសេចក្តីទុកចិត្ត ​ក្នុងទំហំ​​ទឹកប្រាក់ច្រើនលានដុល្លារ របស់ឧកញ៉ា កុក អាន អគ្គនាយកក្រុមហ៊ុន អានកូ ប្រាឌ័រ និងជាសមាជិកព្រឹទ្ធសភា​​​ មកពីគណបក្សប្រជាជនកម្ពុជា។ ប៉ុន្តែសំណុំរឿងនេះ ត្រូវបានតុលាការកំពូល កាត់ក្តីផ្តល់ភាពយុត្តិធម៌ជូនលោកស្រី ទេព កុលាប ឲ្យរួចផុតពីការចោទប្រកាន់របស់ឧកញ៉ា កុក អាន វិញ កាលពីថ្ងៃទី២៨ ខែកញ្ញា ឆ្នាំ២០១២។

លោកបណ្ឌិត ឌួង លាង សាកលវិទ្យាធិការ សាកលវិទ្យាល័យអាស៉ីអឺរ៉ុប

លោក តែ ឡូរិន សាកលវិទ្យាធិការ សាកលវិទ្យាល័យវេស្ទើន។ លោក គឺជាកូនកសិកររស់នៅខេត្ដកំពង់ចាម។ លោកបានបញ្ចប់ការសិក្សាផ្នែកគ្រប់គ្រងហិរញ្ញវត្ថុនិងធនាគារ នៅក្នុងប្រទេសបារាំង។

បន្ទាប់ពីរៀនចប់នៅប្រទេសបារាំង លោក ឡូរិន ក៏បានត្រឡប់មកមាតុភូមិវិញ ហើយលោកបានចាប់ផ្ដើមបើកសាលាចំណេះដឹង ទូទៅវេស្ទើនដំបូងក្នុងឆ្នាំ ២០០៣ ដែលកាលណោះគឺមានសិស្សតែជាង ២៦២ នាក់គត់។

លោក ហេង វ៉ាន់ដា សាកលវិទ្យាធិការ វិទ្យាស្ថានវ៉ាន់ដា គណនេយ្យ។ លើសពីនេះ លោកបណ្ឌិត ហេង វ៉ាន់ដា ត្រូវបានបោះឆ្នោតជ្រើសតាំងជាប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាសម្រាប់អាណត្តិទី៦ ឆ្នាំ២០២១-២០២៣។ ខណៈនេះជាអាណត្តិទី២ហើយ សម្រាប់លោកបណ្ឌិត ក្នុងការកាន់តំណែងជាប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជានេះ។

សូមបញ្ជាប់ថា សមាគមគ្រឹះស្ថានឧត្តមសិក្សាកម្ពុជា បច្ចុប្បន្នមានគ្រឹះស្ថានសិក្សា ចំនួន១១៦ ជាសមាជិក តែងតែរៀបចំការបោះឆ្នោតជ្រើសរើសប្រធានក្រុមប្រឹក្សាភិបាល និងប្រធានគណៈប្រតិបត្តិថ្មី ជារៀងរាល់ ៣ឆ្នាំម្តង ដែលបោះឆ្នោតដោយសមាជិកក្រុមប្រឹក្សាភិបាលទាំង ២២គ្រឹះស្ថាន៕

The post ក្រោយប្រឡងបាក់ឌុបមិនដល់មួយខែ ម្ចាស់សាលាឯកជនល្បីៗ ៤រូបទទួលបានងារ “ឧកញ៉ា” appeared first on .