តាមរយៈសេចក្តីសម្រេចនេះ ក្រុមការងារជំរុញការវិនិយោគក្នុងភូមិភាគឦសាន គឺមានសមាសភាពចំនួន ៣៥រូប ដោយមាន ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាប្រធាន។ ក្នុងសមាសភាព ៣៥រូបនេះ ក៏មាន ឯកឧត្តម ទ្រី ដាលុច អគ្គលេខាធិការរង គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ដែលជាកូនប្រុសរបស់ លោកអ្នកឧកញ៉ា ទ្រី ភាព ជាសមាជិកផងដែរ។ ក្រៅពីក្រុមការងារស្នូល ក្រុមការងារជំរុញការវិនិយោគក្នុងភូមិភាគឦសាន មានលេខាធិការដ្ឋានមួយជាសេនាធិការ ដែលមានសមាសភាពចំនួន ២៩រូប។

ក្រុមការងារជំរុញការវិនិយោគក្នុងភូមិភាគឦសាន មានភារកិច្ចដឹកនាំ សម្របសម្រួល និងអនុវត្ត «កម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាន នៃព្រះរាជាណាចក្រកម្ពុជា ឆ្នាំ២០២៥-២០២៨ ដោយដើរតួនាទីជា “ច្រកចេញចូលតែមួយ” ដែលមានតួនាទីពិនិត្យ វាយតម្លៃ និងផ្តល់ការអនុម័តគម្រោងវិនយោគ និងផ្តល់លិខិតអនុញ្ញាត ឬអាជ្ញាបណ្ណនានាជាកញ្ចប់ សម្រាប់ទទួលបាននូវការលើកទឹកចិត្ត និងការអនុគ្រោះនានាពីរាជរដ្ឋាភិបាល ដែលស្ថិតក្រោមវិសាលភាពនៃកម្មវិធីពិសេស ព្រមទាំងតួនាទីសំខាន់ៗមួយចំនួនទៀត។

សូមជម្រាបថា លោកឧកញ៉ាវ័យក្មេង ទ្រី ដាលុច កូនប្រុសច្បងរបស់ លោកអ្នកឧកញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប ទទួលបានការតែងតាំងជា នាយករងខុទ្ទកាល័យឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តាមរយៈសេចក្តីសម្រេច កាលពីថ្ងៃទី២៨ ខែធ្នូ ឆ្នាំ២០២៣ ហើយលោកត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់តែងតាំងមុខតំណែង និងផ្តល់ឋានៈ ជា «អគ្គលេខាធិការរង» នៃគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា មានឋានៈស្មើ អនុរដ្ឋលេខាធិការ នៅថ្ងៃទី១៤ ខែកុម្ភៈ ឆ្នាំ២០២៤៕

The post កូនប្រុសលោកអ្នកឧកញ៉ា ទ្រី ភាព ទទួលការតែងតាំងជា សមាជិកក្រុមការងារជំរុញការវិនិយោគក្នុងភូមិភាគឦសាន appeared first on .

ការយល់ឃើញរបស់លោកឧកញ៉ា ធ្វើឡើងក្នុងពេលដែលលោកចុះជួបសំណេះសំណាលជាមួយ គណៈគ្រប់គ្រង សាស្ត្រាចារ្យ លោកគ្រូ អ្នកគ្រូ សិស្ស និស្សិត នៃវិទ្យាស្ថាន បច្ចេកវិទ្យាកំពង់ឈើទាល កាលពីព្រឹកថ្ងៃទី៩ ខែមេសា ឆ្នាំ២០២៤។

នៅចំពោះមុខគណៈគ្រប់គ្រង សាស្ត្រាចារ្យ លោកគ្រូ អ្នកគ្រូ សិស្ស និស្សិត ទាំងអស់ ឧកញ៉ា ទ្រី ដាលុច បានបន្ដថា រាជរដ្ឋាភិបាលថ្មី ក្រោមការដឹកនាំដ៏ត្រឹមត្រូវ ឈ្លាសវៃ និងស្វាហាប់របស់ សម្តេចធិបតី ហ៊ុន ម៉ាណែត កម្មវិធីនយោបាយ សម្រាប់នីតិកាលទី ៧ នៃរដ្ឋសភា រាជរដ្ឋាភិបាលដាក់ចេញនូវយុទ្ធសាស្ត្របញ្ចកោណ-ដំណាក់កាល ទី១ ដើម្បីកំណើនការងារ សមធម៌ ប្រសិទ្ធភាព និងចីរភាព។

ជាមួយគ្នានេះ យុទ្ធសាស្ត្របញ្ចកោណ- ដំណាក់កាលទី១ កំណត់យកអាទិភាព គន្លឹះ ៥ គឺ៖ មនុស្ស ផ្លូវ ទឹក ភ្លើង និងបច្ចេកវិទ្យា ពិសេស គឺ «បច្ចេកវិទ្យាឌីជីថល»។ យុទ្ធសាស្ត្របញ្ចកោណ-ដំណាក់កាលទី១ កំណត់យកអាទិភាព គន្លឹះចំនួន ៥ ដោយបន្ថែម បច្ចេកវិទ្យា និងបន្តកំណត់យក មនុស្ស ជាអាទិភាពទី១ ដែលជាចំណុចសំខាន់ក្នុងការអភិវឌ្ឍធនធានមនុស្សឲ្យកាន់តែល្អប្រសើរដើម្បីឈានទៅអភិវឌ្ឍន៍លើវិស័យផ្សេងៗច្រើនទៀត។

ទន្ទឹមនឹងការលើកឡើងនេះ ឧកញ៉ា ទ្រី ដាលុច បានជំរុញ និងលើកទឹកចិត្តដល់បងប្អូនសិស្ស និស្សិតទាំងអស់ដែលកំពុងសិក្សាត្រូវយកចិត្តទុកដាក់ខិតខំរៀនសូត្រ និងស្រាវជ្រាវបន្ថែមទៀត ដើម្បីបង្កើនចំណេះដឹង ពង្រឹង សមត្ថភាព ហើយផ្សាភ្ជាប់នឹងបទពិសោធន៍ ឈានទៅសម្រេចគោលដៅនាពេលអនាគត៕

The post ឧកញ៉ា ទ្រី ដាលុច៖ រយៈពេល ២៥ឆ្នាំចុងក្រោយ បន្ទាប់ពីសម្រេចបាននូវសុខសន្តិភាពពេញលេញ កម្ពុជាសម្រេចបាននូវការផ្លាស់ប្ដូរមុខមាត់ថ្មី គួរជាទីមោទនៈបំផុត appeared first on .

មុនទទួលបានតំណែង​​​ខាង​លើ​នេះ​ លោក​ឧកញ៉ា ទ្រី ដាលុច ក៏​ទើប​តែ​ទទួលបាន​ការ​តែងតាំង​ជា នាយករង​ខុទ្ទកាល័យ​ឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សា​អភិវឌ្ឍន៍​កម្ពុជា តាម​រយៈ​សេចក្តីសម្រេច​ ​កាលពី​ថ្ងៃទី២៨ ខែធ្នូ ឆ្នាំ២០២៣។

សូម​ជម្រាប​ថា លោក​ឧកញ៉ា ទ្រី ដាលុច ដែល​ជា​​កូនប្រុសទី១ ស្ថិតក្នុងចំណោមបងប្អូន៥នាក់របស់អ្នកឧកញ៉ា ទ្រី ភាព ធ្លាប់ជាថ្នាក់ដឹកនាំវិស័យឯកជន​ គឺជា​អគ្គនាយករងក្រុមហ៊ុន ទ្រី ភាព គ្រុប។ លោក​​ទទួលបាន​គោរមងារ​ជា ឧកញ៉ា ដោយព្រះរាជក្រឹត្យលេខ នស/រកត/០៣១៣/២៣៥ ចុះថ្ងៃទី១៩ ខែមីនា ឆ្នាំ២០១៣។ កាលពី​ថ្ងៃទី១ ខែឧសភា ឆ្នាំ២០២៣ លោក​ត្រូវ​បាន​គណបក្ស​ប្រជាជនកម្ពុជា ផ្តល់សេចក្តី​ទុកចិត្ត​តែងតាំង​​ឱ្យ​ឈរ​ឈ្មោះ​ជា​បេក្ខជន​បម្រុង​ លំដាប់​លេខរៀងទី៩ នៅមណ្ឌល​ខេត្តកណ្ដាល សម្រាប់ការបោះឆ្នោតជ្រើសតាំងតំណាងរាស្ដ្រ នីតិកាលទី៧ មុន​នឹង​​ក្លាយ​ជា​ថ្នាក់ដឹកនាំ​វិស័យសាធារណៈ (រដ្ឋ) នា​ពេលបច្ចុប្បន្ន។

សម្រាប់តួនាទី​ក្នុង​​គណបក្សប្រជាជនកម្ពុជា បច្ចុប្បន្ន​លោកឧកញ៉ា​ ទ្រី ដាលុច ជា​​អនុប្រធានក្រុមការងារយុវជនគណបក្ស​ចុះមូលដ្ឋានស្រុកកណ្ដាលស្ទឹង ​ខេត្តកណ្តាល និងជាប្រធានក្រុមការងារយុវជនគណបក្សចុះមូលដ្ឋានឃុំត្បែង៕

The post កូនប្រុសអ្នកឧកញ៉ា ទ្រី ភាព ទទួលបានការតែងតាំងជាអគ្គលេខាធិការរង នៃក្រុមប្រឹក្សាអភិវឌ្ឍន៍កម្ពុជា appeared first on .

ប្រភព​សុំ​មិនបង្ហាញ​ឈ្មោះ​ខាង​លើ បាន​ឱ្យ​ដឹង​​ទៀត​ថា លោក​ឧកញ៉ា ទ្រី ដាលុច ទទួលបាន​ការ​តែងតាំង​ជា នាយករង​ខុទ្ទកាល័យ​ឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សា​អភិវឌ្ឍន៍​កម្ពុជា តាម​រយៈ​សេចក្តីសម្រេច​ ​កាលពី​ថ្ងៃទី២៨ ខែធ្នូ ឆ្នាំ២០២៣។ ក្នុងសេចក្តីសម្រេច​តែងតាំង​មន្ត្រី​ខុទ្ទកាល័យ​នេះ មាន​សមាសភាព​សរុបចំនួន​ ១២រូប ក្នុង​នោះ លោក សួន ភារិទ្ធ ជា​នាយកខុទ្ទកាល័យ, នាយករង​ខុទ្ទកាល័យ​ ចំនួន ៤រូប រួមទាំង​ឧកញ៉ា ទ្រី ដាលុច ព្រម​ទាំង​សមាជិក​ផ្សេងៗ​ចំនួន ៧​រូប​ទៀត។

សូម​ជម្រាប​ថា លោក​ឧកញ៉ា ទ្រី ដាលុច ដែល​ជា​​កូនប្រុសទី១ ស្ថិតក្នុងចំណោមបងប្អូន៥នាក់របស់អ្នកឧកញ៉ា ទ្រី ភាព បច្ចុប្បន្ន​ជា​អគ្គនាយករងក្រុមហ៊ុន ទ្រី ភាព គ្រុប។ លោក​​ទទួលបាន​គោរមងារ​ជា ឧកញ៉ា ដោយព្រះរាជក្រឹត្យលេខ នស/រកត/០៣១៣/២៣៥ ចុះថ្ងៃទី១៩ ខែមីនា ឆ្នាំ២០១៣។ កាលពី​ថ្ងៃទី១ ខែឧសភា ឆ្នាំ២០២៣ លោក​ត្រូវ​បាន​គណបក្ស​ប្រជាជនកម្ពុជា ផ្តល់សេចក្តី​ទុកចិត្ត​តែងតាំង​​ឱ្យ​ឈរ​ឈ្មោះ​ជា​បេក្ខជន​បម្រុង​ លំដាប់​លេខរៀងទី៩ នៅមណ្ឌល​ខេត្តកណ្ដាល សម្រាប់ការបោះឆ្នោតជ្រើសតាំងតំណាងរាស្ដ្រ នីតិកាលទី៧៕

The post ដឹងអត់ថា ឧកញ៉ា ទ្រី ដាលុច ទទួលបានការតែងតាំងជា «នាយករងខុទ្ទកាល័យក្រុមប្រឹក្សាអភិវឌ្ឍន៍កម្ពុជា» តាំងពីពេលណា? appeared first on .

ក្នុងជំនួបនេះ អតីតកងការពារប្រធានាធិបតីអាមេរិករូបនេះ បានជម្រាបជូនលោកឧបនាយករដ្ឋមន្ត្រីនូវគោលបំណងនិងឆន្ទៈក្នុងការវិលត្រលប់មកប្រទេសកម្ពុជាវិញ មកទាំងចំណេះដឹង និងបទពិសោធន៍ដែលលោកមាន យកមកជួយប្រទេសកម្ពុជាតាមដែលអាចធ្វើទៅបាន។

លោក អួន ប៊ុនឡឺត ជាអតីតកងការពារប្រធានាធិបតីអាមេរិក៤ជំនាន់ រួមមានជំនាន់ប្រធានាធិបតី George W. Bush ប្រធានាធិបតី Barack Obama ប្រធានាធិបតី Donald Trump រហូតដល់ជំនាន់ប្រធានាធិបតី Joe Biden ផងដែរ។

ជាមួយគ្នានេះ អតីតកងការពារប្រធានាធិបតីរូបនេះ បានរៀបរាប់អំពីដំណើរជីវិតក្នុងសៀវភៅមួយក្បាលដែលលោកបានសរសេរចងក្រងមានចំណងជើង “A REFUGEE’S AMERICAN DREAM: From the Killing Fields of Cambodia to the U.S. Secret Service”៕

The post កូនប្រុសច្បងអ្នកឧកញ៉ា​ ទ្រី​ ភាព បង្ហាញវត្តមានក្នុងជំនួបរវាងលោក ស៊ុន ចាន់ថុល និងអតីតកងការពារប្រធានាធិបតីអាមេរិក៤ជំនាន់ appeared first on .

យោង​តាម​សេចក្តីសម្រេច​របស់​ គណៈកម្មាធិការជាតិ​រៀបចំ​ការ​បោះឆ្នោត (គ.ជ.ប.) លេខ​ ១៩៣ គ.ជ.ប. ស.ស.រ ដែល​ចុះ​ហត្ថលេខា​ដោយ​លោក ប្រាជ្ញ ចន្ទ ​ប្រធាន​ គ.ជ.ប. ​​កាលពី​ថ្ងៃទី១ ខែឧសភា ឆ្នាំ២០២៣ ​​បាន​ទទួល​ស្គាល់​បញ្ជី​បេក្ខជន​ឈរ​ឈ្មោះ​បោះឆ្នោត ​​របស់​គណៈបក្ស​ប្រជាជន​កម្ពុជា ​​ដែល​​មាន ២៥​ មណ្ឌល​រាជធានី ខេត្ត ដោយ​ក្នុង​នោះ​​មាន អ្នកឧកញ៉ា ឧកញ៉ា ដែល​បាន​ឈរ​ឈ្មោះ​ដូច​ខាង​ក្រោម៖

១. អ្នកឧកញ៉ា សៀង ណាំ៖ បេក្ខជនពេញសិទ្ធិ លេខរៀងទី២ មណ្ឌលខេត្តសៀមរាប

២. អ្នកឧកញ៉ា ម៉ម វណ្ណឌី៖ បេក្ខជនបម្រុង លេខរៀងទី២ មណ្ឌលខេត្តឧត្តរមានជ័យ

៣. ឧកញ៉ា ភួ ពុយ៖ បេក្ខជនបម្រុង លេខរៀងទី២ មណ្ឌលខេត្តបាត់ដំបង

៤. ឧកញ៉ា លី ឆេង៖ បេក្ខជនពេញសិទ្ធិ លេខរៀងទី១១ មណ្ឌលរាជធានីភ្នំពេញ

៥. ឧកញ៉ា ទ្រី ដាលុច៖ បេក្ខជនបម្រុង លេខរៀងទី៩ មណ្ឌលខេត្តកណ្តាល

សូម​ជម្រាប​ជូន​ថា បេក្ខជនតំណាងរាស្ត្រ ឈរ​ឈ្មោះ​សម្រាប់​ការ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី៧ ឆ្នាំ២០២៣ ​របស់​​គណបក្ស​ប្រជាជន​កម្ពុជា ​​​ទាំង​ ២៥ មណ្ឌលរាជធានី-ខេត្ត គឺ​មាន​បេក្ខជន​ពេញសិទ្ធិ​ចំនួន ១២៥​រូប (ស្ត្រី ១៦រូប) និង​បេក្ខជន​បម្រុង​​ចំនួន​ប្រមាណ ១៤៩​រូប (ស្ត្រី ៣៨​រូប)។ ការ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី៧ ​​នឹង​ប្រព្រឹត្ត​ទៅ​នៅ​ថ្ងៃទី២៣ ខែកក្កដា ឆ្នាំ២០២៣ ដោយ​មាន​គណបក្សនយោបាយ​ចំនួន ១៨ ចូលរួម៕

The post តើអ្នកឧកញ៉ា ឧកញ៉ា រូបណាខ្លះ ឈរឈ្មោះបោះឆ្នោតជាបេក្ខជនតំណាងរាស្ត្រ នីតិកាលទី៧? appeared first on .

លោក​ឧកញ៉ា ទ្រី ដាលុច វ័យ​២៩ឆ្នាំ បច្ចុប្បន្ន​ជា​អគ្គនាយករងក្រុមហ៊ុន ទ្រី ភាព គ្រុប។ លោក​ ទទួលបាន​គោរមងារ​ជា ឧកញ៉ា ដោយព្រះរាជក្រឹត្យលេខ នស/រកត/០៣១៣/២៣៥ ចុះថ្ងៃទី១៩ ខែមីនា ឆ្នាំ២០១៣។ ឧកញ៉ា ទ្រី ដាលុច ដែល​ជា​​កូនប្រុសទី១ ស្ថិតក្នុងចំណោមបងប្អូន៥នាក់របស់អ្នកឧកញ៉ា ទ្រី ភាព ​ក៏​មាន​តួនាទី​ជាទីប្រឹក្សាផ្ទាល់សម្តេចពញាចក្រី ហេងសំរិន ប្រធាន​រដ្ឋសភា, អនុប្រធានយុវជនស្រុកកណ្តាលស្ទឹង និងជា​អនុប្រធានក្រុមការងារថ្នាក់ជាតិចុះជួយ ឃុំត្បែង ស្រុកកណ្តាលស្ទឹង ខេត្តកណ្តាល ខណៈដែល​ឪពុក​របស់​លោក​គឺ អ្នកឧកញ៉ា​បណ្ឌិត ទ្រី ភាព ទីប្រឹក្សាផ្ទាល់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ​ជាអនុប្រធានទី២ ក្រុមការងារចុះមូលដ្ឋានស្រុកកណ្តាលស្ទឹង ខេត្តកណ្ដាល។

គួរបញ្ជាក់ថា ​​បេក្ខជន​ឈរឈ្មោះបោះឆ្នោត​ជ្រើសតាំង​តំណាងរាស្ត្រ នីតិកាលទី៧ ឆ្នាំ២០២៣ របស់​គណបក្ស​ប្រជាជនកម្ពុជា សម្រាប់មណ្ឌល​ខេត្តកណ្តាល គឺ​មាន​បេក្ខជនពេញសិទ្ធិ ចំនួន ១១រូប និង​បេក្ខជន​បម្រុង​ចំនួន ១១រូប។ បេក្ខជនពេញសិទ្ធិ មាន​ដូចជា ១.សម្តេចតេជោ ហ៊ុន សែន ២.លោកជំទាវ ឃួន សុដារី ៣.លោក អូន ព័ន្ធមុនីរ័ត្ន ៤.លោក ប្រាក់ សុខុន ៥.លោក ម៉ៅ ភិរុណ ៦.លោក ស៊ុន ចាន់ថុល ៧.លោក លឹម គានហោ ៨.លោក សុខ ចិន្តាសោភា ៩.លោក វង្សី វិស្សុត ១០.លោក ទី សុគន្ធ និង ១១.លោក សុះ មុះសិន។

ចំណែក​ឯ​បេក្ខជន​បម្រុង​ទាំង​១១​រូប​ ​សម្រាប់​មណ្ឌល​ខេត្តកណ្តាល មាន​ដូចជា ១.លោក ឈុន ស៊ីរុន ២.លោក ជូ វិជិត្ត ៣.លោក ខឹម ច័ន្ទគីរី ៤.លោក ចាប ម៉ុច ៥.លោកស្រី រស់ ច័ន្ទផល្លី ៦.លោក ទេព សុធីរ ៧.លោក កឹម បូរី ៨.លោក ភឹម ម៉ាដូណា ៩.ឧកញ៉ា ទ្រី ដាលុច ១០.លោកស្រី ប៉ុង រ៉ានីន និង ១១.លោក សាយ សុផល៕

The post កូនប្រុសច្បងអ្នកឧកញ៉ា ទ្រី ភាព ឈរឈ្មោះបោះឆ្នោតជាបេក្ខជនបម្រុង នៅមណ្ឌលខេត្តកណ្ដាល appeared first on .

លោកជាយុវវ័យដែលត្រូវបាននាយករដ្ឋមន្រ្តីទូលថ្វាយព្រះមហាក្សត្រ ហើយប្រមុខរដ្ឋស្តីទីសម្តេចអគ្គមហាធម្មពោធិសាល ជា ស៊ីម ត្រាស់បង្គាប់ផ្តល់គោរមងារ «ឧកញ៉ា» នៅថ្ងៃទី១៩ ខែមីនា ឆ្នាំ២០១៣ តាមព្រះរាជក្រឹត្យលេខ នស/រកត/០៣១៣/២៣៥ ជាមួយនឹងលោក លាង ច័ន្ទមុនី និងលោក អ៊ុត គឹមសាន។

ជាមួយគ្នានេះដែរ ឧកញ៉ា ទ្រី ដាលុច ក៏ត្រូវបានតែងតាំងជាទីប្រឹក្សាផ្ទាល់សម្តេចពញាចក្រី ហេងសំរិន និងអនុប្រធានយុវជនស្រុកកណ្តាលស្ទឹង និងជាអនុប្រធានក្រុមការថ្នាកជាតិចុះជួយ ឃុំត្បែង ស្រុកកណ្តាលស្ទឹង ខេត្តកណ្តាល។

បច្ចុប្បន្នលោកឧកញ៉ា ជាខ្សែប្រយុទ្ធដ៏សំខាន់ក្នុងក្រុមហ៊ុនរបស់អ្នកឧកញ៉ា ទ្រី ភាព ខណៈលោកកាន់ដំណែងជាអគ្គនាយករងក្រុមហ៊ុន ទ្រី ភាព គ្រុប។

តាមប្រភពច្បាស់ការមួយបង្ហើបឲ្យដឹងថា ឧកញ៉ា ទ្រី ដាលុច គឺជាអ្នកស្នងដំណែងរបស់អ្នកឧកញ៉ា ទ្រី ភាព ក្នុងការដឹកនាំក្រុមហ៊ុន ស្របពេលលោកកំពុងដើរតាមដានជើងលោកឪពុកទាំងវិថីជំនួញ និងកិច្ចការងារសង្គម៕

The post ណែនាំឧកញ៉ាម្នាក់ជាខ្សែប្រយុទ្ធដ៏សំខាន់ក្នុងក្រុមហ៊ុន ទ្រី ភាព គ្រុប appeared first on .