សម្រាប់សំណង់ស្ថាបត្យកម្មអច្ឆរិយៈបែបបុរាណនៅកម្ពុជា គ្រប់គ្នាប្រហែលជានឹកគិតដល់សំណង់បុរាណរាប់ពាន់ប្រាសាទនៅឯទឹកដីខេត្តសៀមរាបឯណោះ។ តែពេលនេះ លោកឧកញ៉ា នួន អក ជើងខ្លាំងល្បីខាងវិស័យអចលនទ្រព្យសម័យទំនើប បានបង្ហើបពីមហិច្ឆិតាសាងសង់សណ្ឋាគារប្រាសាទ ធ្វើពីប្រភពផ្ទាំងសិលា ស្រដៀងទៅនឹងបុព្វបុរសខ្មែរ ធ្វើឱ្យមហាជនអ្នកតាមដានផ្ទុះចាប់អារម្មណ៍ខ្លាំងមែនទែន ទៅលើគំនិតផ្ដួចផ្ដើមប្លែកខុសពីគេមួយនេះ។  

«តើបងប្អូនគិតថាល្អដែរឬទេ បើសិនជាខ្ញុំផ្តួចផ្តើមគំនិតប្រមូលទិញថ្ម និងផ្ទាំងសិលាធំៗយកមករៀបជាសណ្ឋាគារប្រសាទដ៏ធំមួយក្នុងគំរោងកំពតឋានសួគ៌??? តើបងប្អូនគាំទ្រគំនិតនេះដែរទេ? ខ្ញុំចង់ធ្វើរឿងនេះខ្លាំងណាស់ តែខ្ញុំមិនទាន់ដឹងទេថា តើការធ្វើបែបនេះវាមានផលប៉ះពាល់ជាវិជ្ជាមាននិងអវិជ្ជាមានអ្វីខ្លះនោះទេ?? ដើម្បីធ្វើរឿងនេះបាន ខ្ញុំត្រូវចំណាយលុយ ពេលវេលា និង គំនិតច្រើនណាស់»។ នេះគឺជាខ្លឹមសារទាំងស្រុង ដែលឧកញ៉ា នួន អក បានបង្ហោះលើផេកហ្វេសប៊ុករបស់ខ្លួន សួរទៅកាន់មហាជនអ្នកតាមដាន។

ការប្រកាសពីគំនិតច្នៃប្រឌិតប្លែកខុសពីគេនេះ ពីសំណាក់ ម្ចាស់អភិវឌ្ឍន៍គម្រោងរមណីយដ្ឋានកំពតឋានសួគ៌នេះ អាចនឹងបន្ថែមភាពទាក់ទាញដល់គម្រោងរបស់លោកកាន់តែខ្លាំងថែមមួយកម្រិតទៀត ប្រសិនបើរឿងនេះកើតឡើងពិតមែន។

រមណីយដ្ឋានកំពតឋានសួគ៌ ជាគម្រោងធម្មជាតិបែបកែច្នៃ ដែលបានចាប់ដំណើរការស្វាគមន៍ភ្ញៀវទេសចរជាតិ និងអន្តរជាតិទៅកម្សាន្ត និងសម្រាកលម្ហែកាយដ៏រីករាយមួយ ប្រចាំនៅខេត្តកំពត។ នៅទីនោះ ភ្ញៀវទេសចរជាតិ និងអន្តរជាតិ អាចទៅកម្សាន្តដោយ បង្កើតកម្មវិធីសប្បាយៗជាច្រើន ដូចជាការបោះតង់ ការរាំលេងនៅក្រោមពន្លឺភ្លើង ស្ទូចត្រី សម្រាកក្នុងផ្ទះបឹងហ្កាឡូប្រណីត ចូលលេងសួនផ្កាឈូករ័ត្ន ទស្សនាទេសភាពធម្មជាតិតាមជើងភ្នំ រួមជាមួយនឹងការជិះទូកកម្សាន្តតាមដងព្រែកជាដើម៕

The post ទ្រាំលែងបានឧកញ៉ា នួន អក បង្ហើបមហិច្ឆិតាចង់សង់សណ្ឋាគារប្រាសាទធ្វើពីផ្ទាំងថ្មក្នុងគម្រោងកំពតឋានសួគ៌របស់ខ្លួនទាំងយប់ appeared first on .

ឧកញ៉ា នួន អក បាន​មើលឃើញ​ការ​អាន​សៀវភៅ​ បាន​​ធ្វើ​ឲ្យជីវិត​របស់​លោក​ផ្លាស់ប្តូរ។ ការអាន​សៀវភៅ​នាំ​ប្រយោជន៍ តែ​លោកក៏​​ក្រើន​រំលឹក​ក្នុង​ការ​ជ្រើសរើស​សៀវភៅអានដោយប្រុងប្រយត្ន័។

លោក​លើក​ឡើង​ថា សៀវភៅខ្លះអានហើយធ្វើឲ្យ​ក្រដោយមិនដឹងខ្លួន។

លោកបានណែនាំ​ឲ្យ​បងប្អូន​អានសៀវភៅ Rich Dad Poor Dad ព្រោះសៀវភៅទាំងនេះនឹង​ជួយអោយបងប្អូនមានការយល់ដឹងពីចំណេះដឹងផ្នែកហិរញវត្តុដែលជាគ្រឹះដ៏សំខាន់សម្រាប់ជីវិត៕

The post សៀវភៅ​មួយក្បាល ទិញ​យក​ទៅ​អាន​​ទៅ​មិន​ខុស​ទេ ឧកញ៉ា នួន អក​ ណែនាំ​ជាពិសេស appeared first on .

ឧកញ៉ា នួន អក ថ្លែងថា តើគួរឲ្យស្ដាយកម្រិតណាទៅ បើអ្នកមានគំនិតរកស៊ីល្អឥតខ្ចោះហើយ តែខ្វះខាតដើមទុន? តើអ្នកសុខចិត្តបោះបង់វាចោល ឬមួយក៏ចង់លក់គំនិតនេះឲ្យអ្នកដទៃ? ចុះហេតុអីមិនរកវិធី ដើម្បីស្វែងរកដើមទុនទៅ?

ឧកញ៉ាញូស៍ សូមលើក ៣ ចំណុចដូ​ចខាងក្រោម៖

១) ធនាគារ

នេះគឺជាមធ្យោបាយសាមញ្ញបំផុតដែលអ្នកជំនួញជាច្រើនតែងប្រើប្រាស់ ព្រោះថាដើម្បីដំណើរការការរកស៊ីបាននោះ គឺត្រូវចំណាយដើមទុនមិនតិចឡើយ។ ហេតុនេះមានតែធនាគារទេ ដែលមានសុវត្ថិភាព ហើយងាយស្រួលសម្រាប់អ្នកខ្ចីរកស៊ី។

២) ដៃគូជំនួញ

បើអ្នកមានទំនាក់ទំនងល្អ ដៃគូជំនួញអ្នកនឹងអាចផ្ដល់ជាប្រាក់កម្ចីជាច្រើនដល់អ្នកក៏ថាបាន ព្រោះថា អ្នកយកថវិកានោះទៅរកស៊ីជាមួយពួកគេទេ មិនមែនយកទៅណាផ្សេងឯណា៕

៣) គ្រួសា និង មិត្តភ័ក្តិ

គ្រួសារនឹងមិត្តភ័ក្តិ គឺពិតជាសំខាន់ខ្លាំងណាស់ក្នុងជីវិត ដូច្នេះហើយពួកគេអាចជួយអ្នកនៅពេលមានបញ្ហាផ្សេងៗ។ ប្រសិនបើអ្នកពិតជាមានគំនិតអាជីវកម្មល្អមែន សូមកុំស្ទាក់ស្ទើរក្នុងការសុំជំនួយពីពួកគេ ព្រោះអ្នកនឹងទទួលបានការជួយទំនុកបម្រុងមិនខាន។ ប៉ុន្តែត្រូវចាំថា ការសុំជំនួយនេះ មិនមែនត្រូវពឹងផ្អែងលើគេទាំងស្រុងនោះទេ គឺត្រូវតែខិតខំដោយខ្លួនឯងឲ្យខ្លាំងបំផុត ទើបអាចសម្រេចក្តីសុបិនក្នុងការរកស៊ីដោយជោគជ័យបាន។

The post ឧកញ៉ា នួន អក បង្ហើប ៣ចំណុច បើចង់រកស៊ីនៅពេលគ្មានលុយក្នុងដៃ appeared first on .

វិស័យទេសចរណ៍កម្ពុជា គឺជាទីផ្សារធំមួយដែលបានជួយជម្រុញដល់កំណើនវិស័យអចលនទ្រព្យ។ នៅពេលដែលចំនួនអ្នកទេសចរណ៍កើនឡើងធ្វ្វើឲ្យការវិនិយោគលើវិស័យបដិសណ្ឋារកិច្ចមានការកើនឡើងផងដែរ។ បច្ចុប្បន្នអ្នកអភិវឌ្ឍន៍កំពុងសំឡឹងមើលពីតំបន់ និងឱកាសវិនិយោគនៅកម្ពុជាជុំវិញវិស័យលំ​នៅដ្ឋានលំហែកាយ និងរមណីយដ្ឋានបែបធម្មជាតិ។

ខេត្តកំពត បើកសករាជថ្មី ហាក់បានក្លាយជាខេត្តដែលមានការអភិវឌ្ឍលំនៅដ្ឋានបែបធម្មជាតិឈានមុខគេ ហេតុផលមួយក្នុងចំណោមហេតុផលជាច្រើនគឺមកពីខេត្តកំពតបានក្លាយជាតំបន់ទេសចរណ៍ដ៏ទាក់ទាញបំផុត។ ក្រៅពីនេះលំនៅដ្ឋានលំហែកាយបែបធម្មជាតិក៏ឃើញថាមានកំណើនឡើងនៅក្នុងខេត្តមួយចំនួ​នទៀតដូចជា៖ ខេត្តព្រះសីហនុ កំពត កែប កោះកុង រតនគីរី មណ្ឌលគីរី និងកំពង់ស្ពឺជាដើម។​

កម្ពុជាមានអំណោយផលស្រាប់សម្រាប់ការអភវិឌ្ឍវិស័យលំនៅដ្ឋានលំហែកាយបែបធម្មជាតិ។
លោក ឧកញ៉ា នួន អក បានថ្លែងថា បើធៀបកម្ពុជាទៅនឹងសឹង្ហបុរី លោកថានៅសិង្ហបុរី អ្នកអភិវឌ្ឍន៍ត្រូវចំណាយប្រាក់រាប់លានដុល្លារដើម្បីបង្កើតជាតំបន់ធម្មជាតិដូចជាដាំដើមឈើ ជីកបឹង ចិញ្ចឹមត្រី​ជាដើមមុននឹងកែច្នៃ តំបន់ណាមួយធ្វើជាតំបន់លំហែកាយលក្ខណៈធម្មជាតិ។

លោក ឧកញ៉ា នួន អក បានគួសបញ្ជាក់ថា ខេត្តកំពតកំពុងមើលឃើញថាមានកំណើនលឿនសម្រាប់រមណីយដ្ឋានបែបធម្មជាតិក្នុងរយៈពេលមួយឆ្នាំចុងក្រោយនេះ។ តំបន់នៅតាមបណ្តោយដងព្រែកកំពតមានសក្តានុពលច្រើនសម្រាប់ការ វិនិយោគរមណីយដ្ឋាន​បែបធម្មជាតិ។

ទោះបីជាយ៉ាងណាក៏ដោយដីនៅជុំវិញក្រុងកំពត ក្នុងរង្វង់៣០គីឡូម៉ែត្រត្រូវបានគេមើលឃើញថា មានសក្តានុពលប្លែកៗគ្នាទៅតាមលក្ខណៈធម្មជាតិរបស់ទីតាំង នីមួយៗ កំពតមានភ្នំ ទឹកស្ទឹង ដងព្រែក និងសមុទ្រជាពិសេសកំពតឋានសួគ៌ាមានចំការផ្កាជាច្រើនហិតា ហើយលោកថាខេត្តកំពត មានសក្តានុពលជាច្រើនដែលមិនទាន់មានការអភិវឌ្ឍនៅឡើយ។ លោកថា កំពតមានតំបន់លាក់ខ្លួននិងតំបន់ថ្មីៗជាច្រើនដែលមិនទាន់មានគេស្គាល់នៅឡើយមានដូចជាកំពតឋានសួគ៌ជាដើម។ ហើយទូទៅរមណីយដ្ឋាន នៅកំពតកំពុងដាក់ជួលក្នុងតម្លៃចន្លោះពី២៥ដុល្លារទៅ៣៥ដុល្លារក្នុងមួយយប់។

លោកឧកញ៉ាក៏បានលើកឡើងដែរថា រមណីយដ្ឋានបែបធម្មជាតិលក្ខណៈប្រណិតនៅក្នុងប្រទេសអាចមានតម្លៃរហូតដល់៣,០០០ដុល្លារក្នុងមួយយប់។ គឺជំរុញឲ្យអ្នកអភិវឌ្ឍន៍ប្រើប្រាស់ភាពច្នៃប្រឌិតខ្ពស់ ដើម្បីនាំយកគំនិតថ្មី​និងប្លែកពីគេដើម្បីទទួលបានភាពជោគជ័យ​ គិតចាប់ពីការរចនា និងការសាងសង់រហូតដល់ម្ហូបអាហារ ភេសជ្ជៈ និងសុវត្ថិភាពសម្រាប់អ្នកមកស្នាក់នៅ។
#សូមស្វាគមន៍មកកាន់រម្មណីដ្ឋាន កំពតឋានសួគ៌
០១០​ ៩៩៩​ ៦៥៨​​​​ ០៧៧​ ៩៩៩ ៦៥៨​ សូមអរគុណ៕

The post ឧកញ៉ា នួន អក៖ កំពតមានតំបន់លាក់ខ្លួននិងតំបន់ថ្មីៗជាច្រើនដែលមិនទាន់មានគេស្គាល់ appeared first on .

១. លក្ខណៈដីរីសត និងផ្ទះលំហែរ: ជាដីជាប់ដៃសមុទ្រ និងព្រែកដែលភ្ជាប់ទៅសមុទ្រតាមព្រែកកំពត។
២. ដីលក់បន្ទាន់តែមួយប្លង់ប៉ុណ្ណោះព្រោះប្រញ៉ាប់លុយសុខចិត្តខាត60% (ប្លង់R28តំលៃពីមុន81,000$លក់ថ្ងៃនេះតែ35,000$ប៉ុណ្ណោះ)

 សូមរួសរាន់បងប្អូនក្នុងការចាប់យកឱកាសចំនេញ60%នេះភ្លាមៗ។
ដែលមានទីតាំង៖ ភូមិអង្គ ឃុំត្រពាំងព្រីង ស្រុកទឹកឈូ (ម្តុំស្ពានក្បាលរមាស ចំងាយ7Kmពីរង្វង់មូលធូរេ)។

បើចាប់អារម្មណ៍សូមទាក់ទងមកឧកញ៉ា នួន អក ដើម្បីផ្តល់ព័ត៌មានលំអិត តាមរយះលេខ៖ 010 999 658 និង 077 999 658

The post ឧកញ៉ា នួន អក ប្រកាសដីលក់ នៅតំបន់ទេសចរណ៍កំពុងល្បីក្នុងខេត្តកំពត appeared first on .

ឧកញ៉ាញូស៍ សូមនាំលោកអ្នក​មកដកស្រង់ បទពិសោធន៍ ផ្នត់គំនិតសេដ្ឋី ពីលោកឧកញ៉ា នួន អក ដែលត្រូវ​បាន​​មហាជន​ស្គាល់​ថា គឺ​ជា សាស្ត្រាចារ្យ​​ជំនាញ​​បង្ហាត់​បង្រៀន​​វគ្គ​បុគ្គល​ជោគជ័យ​មួយ​នៅ​ក្នុង​ប្រទេស​កម្ពុជា។

ឧកញ៉ាបានថ្លែងថា “ការបណ្ដុំគំនិតវាជារឿងដំបូងដែលអ្នកត្រូវគិតមុនគេ”

តស់មកសិក្សា ៣ចំណុចខាងក្រោមដើម្បីបង្កើតផ្នត់គំនិតសេដ្ឋី៖

១. មានចក្ខុវិស័យ
បើអ្នកប្រថ្នាចង់ក្លាយអ្នកមានទ្រព្យសម្បត្តិច្រើនសន្ធឹកសន្ធាប់ អ្នកត្រូវកំណត់ថា អ្នកក្លាយជាសេដ្ឋីដោយសារអ្វី? ដោយសារអាជីវកម្មរបស់អ្នក ឬ ជំនាញពិសេសរបស់អ្នក? បើសិនអ្នកបានដឹងច្បាស់ពីអ្វីដែរអ្នកចង់បានហើយ អ្នកត្រូវធ្វើផែនការណ៍ ១០ ឬ ២០ ឆ្នាំជាដើម ដើម្បីជាទិសមួយសម្រាប់ ចង្អុលបង្ហាញផ្លូវដល់អ្នក ក្នុងការទៅដល់គោលដៅ។ បើសិនអ្នកជោគជ័យ វាជាល្អរឿងណាស់សម្រាប់អ្នក តែបើអ្នកបរាជ័យ វាជាមេរៀនដែលអ្នកបានសិក្សាស៊ីជម្រៅ និងមានអត្តន័យខ្លឹមសារល្អបំផុត។ ប្រសិនបើអ្នកមិនចង់ក្លាយជាសេដ្ឋីដែលមានប្រាក់ស្តុកស្តុមទេ អ្នកត្រូវសួរខ្លួនឯងថា ហេតុអ្វី? តើអ្នករំពឹងចង់បានអ្វី? អ្នកជោគជ័យមានកិច្ចការជាច្រើនដែលពួកគេនឹងធ្វើ ដូច្នេះអ្នកត្រូវមានគំរោងអោយបានច្បាស់លាស់ សម្រាប់ជំហាននីមួយៗ។

២. ពេញចិត្តនូវអ្វីដែលអ្នកកំពុងធ្វើ

ប្រសិនបើអ្នកមិនពេញចិត្តនូវអ្វីដែលអ្នកកំពុងធ្វើទេ អ្នកនឹងមិនមានអារម្មន៍ធ្វើការនោះទេ ហើយការងារនោះក៏មិនបានល្អទៀតផង ប៉ុន្តែបើអ្នកស្រលាញ់នូវអ្វីដែលអ្នកកំពុងធ្វើ អ្នកនឹងធ្វើអោយអស់ពីសម្ថតភាព លុយនឹងរត់មករកអ្នកមិនខាតឡើយ។ បើទោះបីអ្នកកំពុងធ្វើការងារដែលអ្នកមិនចូលចិត្តក៏ដោយ បើអ្នកអាចផ្លាស់ប្ដូរគំនិតបាន អ្វីៗនឹងល្អប្រសើឡើងវិញ។

៣. ត្រូវមានដំណោះស្រាយ

អ្នកត្រូវមានដំណោះស្រាយបញ្ហាលើអាជីវកម្ម ឬ ការងាររបស់អ្នក ។ មិនសំខាន់ថា បញ្ហាធំ ឬ តូចប៉ុណ្ណានោះទេ អ្នកត្រូវរកដើមហេតុនៃបញ្ហាអោយឃើញសិន នោះអ្នកនឹងអាចរកវិធីដោះស្រាយបានហើយ។ សេដ្ឋីដឹងពីក្បួតនៃការដោះស្រាយបញ្ហា ដោយមិនគេចវេសពីបញ្ហានោះឡើយ។

The post ៣ចំណុច ក្បួនបង្កើតផ្នត់គំនិតសេដ្ឋី​ appeared first on .

ដោយនៅក្នុងលិខិតឆ្លើយបំភ្លឺរបស់លោកឧកញ៉ា នួន អក បានបង្ហាញឲ្យដឹងថា៖ ខ្ញុំបាទ នួន អក ភេទប្រុស ជនជាតិខ្មែរ សញ្ជាតិខ្មែរ មានអាស័យដ្ឋានបច្ចុប្បន្នភូមិញរ សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ សូមធ្វើការឲ្យឆ្លើយបំភ្លឺពាក់ព័ន្ធជាមួយសារព័ត៌មានមួយចំនួនដែលបានបង្ហោះជាប់ជាមួយរូបថតរបស់ខ្ញុំបាទថាខ្ញុំបាទជាម្ចាស់ភាគហ៊ុននៅក្រុមហ៊ុន អិមសុី នេតឈ័រ ផ្លេនីត ឯ.ក គឺមិនពិតនោះទេ។

លោកឧកញ៉ាម្ចាស់រីស៊តកំពតឋានសួគ៌បានបន្តថាជាក់ស្ដែងកន្លងមកខ្ញុំបាទពិតជាបានចូលរួមជួយផ្សព្វផ្សាយឱ្យក្រុមហ៊ុន អិមសុី នេតឈ័រ ផ្លេនីត ឯ.កនេះពិតប្រាកដមែនប៉ុន្តែខ្ញុំបាទពុំមានភាគហ៊ុនឬចំណែកណាមួយក្នុងក្រុមហ៊ុននោះទេ។ហើយខ្ញុំបាទនិងចូលរួមសហការជាមួយផ្លូវច្បាប់ជានិច្ចពីព្រោះខ្ញុំបានមិនបានពាក់ព័ន្ធនឹងអំពើដូចសារព័ត៌មានយកទៅចុះផ្សាយនោះទេ។

លោកឧកញ៉ាបានបញ្ជាក់ទៀតថា ដោយការផ្សព្វផ្សាយព័ត៌មានខាងលើនេះ បានធ្វើឱ្យប៉ះពាល់ដល់សេចក្ដីថ្លៃថ្នូរកិត្តិយសនិងធ្វើឲ្យមហាជនមានការភាន់ច្រឡំមកលើរូបខ្ញុំបាទ ជាពិសេសបានធ្វើឱ្យប៉ះពាល់ដល់ផលប្រយោជន៍អាជីវកម្មរបស់ខ្ញុំបាទយ៉ាងធ្ងន់ធ្ងរផងដែរ។

ជាមួយគ្នានោះដែរលោកឧកញ៉ា នួន អក ក៏បានលើកឡើងយ៉ាងដូច្នេះទៀតថា ដូច្នេះស្នើសុំសារព័ត៌មានទាំងអស់មេត្តាធ្វើការលុបរូបថតនិងព័ត៌មានដែលពាក់ព័ន្ធជាមួយខ្ញុំបាទចោលទាំងអស់និងបញ្ឈប់ជាបន្ទាន់នូវរាល់សកម្មភាពទាំងឡាយណាដែលធ្វើឲ្យប៉ះពាល់ដល់រូបខ្ញុំបាទ ក្នុងករណីមិនព្រមបញ្ឈប់ ខ្ញុំបាទនិងចំណាត់ការតាមផ្លូវច្បាប់ដោយមិនមានការលើកលែងឡើយ។ អាស្រ័យដូចបានជម្រាបជូនខាងលើសូមសារព័ត៌មានទាំងអស់ទទួលជ្រាបជាព័ត៌មាននិងទទួលនូវការគោរពរាប់អានអំពីខ្ញុំបាទ៕

ប្រភព៖ ផេក ឧកញ៉ា នួន អក

The post មេធាវីឧកញ៉ា នួន អក ចេញលិខិតឆ្លើយបំភ្លឺទាំងយប់ appeared first on .

១. លុបបំបាត់ជំនឿមិនត្រឹមត្រូវ និង គំនិតអវិជ្ជមាន

២. ស្វែងរកមើលគំនិតល្អដើម្បីឱ្យបានជោគជ័យ

៣. ផ្នត់គំនិតជោគជ័យ បានមកពីកំណើននៃផ្នត់គំនិត

៤. បង្កើតទស្សនៈវិស័យផ្អែកលើមូលដ្ឋានអនុវត្តជាក់ស្តែង

The post ៤ គន្លឹះ ដើម្បីបង្កើតផ្នត់គំនិតជោគជ័យដ៍អស្ចារ្យ ពីលោកឧកញ៉ា នួន អក appeared first on .

តាម​ការ​លើក​ឡើង ពី​លោក ឧកញ៉ា ហ៊ួត ជា អំណោយ​ទាំង​នោះ​​សរុប​ជា​ទឹក​ប្រាក់​80000$​ ដោយ​ ក្នុង​មួយ​គ្រួសារៗ​ទទួលបាន៖ អង្ករ មី ទឹកត្រី ទឹកស៉ីអ៉ីវ ទឹកបរិសុទ្ធ និង​ថវិកា​មួយ​ចំនួន។

ក្រុម​លោក​ឧកញ៉ាវ័យក្មេងទាំង៨រូប​នៃ​ក្រុម​ហ៊ុនT.O.I.C Group នោះ​រួម​មាន៖

១- ឧកញ៉ា អ៉ឹង ឃាង ទីប្រឹក្សាសភាពពាណិជ្ជកម្មកម្ពុជា និងជាប្រធានក្រុមប្រឹក្សាភិបាល T.O.I.C Group។

២- ឧកញ៉ា ហួត ជា ទីប្រឹក្សាសភាពាណិជ្ជកម្មកម្ពុជា។

៣- ឧកញ៉ា ភិរម្យ វិចិត្រដារ៉ា សមាជិកអ្នកអភិវឌ្ឍន៍លំនៅឋានកម្ពុជា។

៤- ឧកញ៉ា ឡាយ លន់ ទីប្រឹក្សាសភាពពាណិជ្ជកម្មខេត្តសៀមរាប។

៥- ឧកញ៉ា ចាង ជីវិញ អនុប្រធានសភាពាណិជ្ជកម្មកម្ពុជា និង​ជា​ប្រធាន​សភាពាណិជ្ជកម្ម​ខេត្តកោះកុង។

៦- ឧកញ៉ា សុក រ៉ាដូ អនុប្រធានសភាពាណិជ្ជកម្មកម្ពុជា។ និងជាប្រធាន​សភាពាណិជ្ជកម្ម​ខេត្តស្វាយ​រៀង​។

៧- ឧកញ៉ា ម៉េន កានី ម្ចាស់បុរី GM។

៨- ឧកញ៉ា នួន អក ម្ចាស់រីសតកំពតឋានសួគ៌។

យោងតាមប្រសាសន៍របស់លោកឧកញ៉ា នួន អក ម្ចាស់​រីសតកំពតឋានសួគ៌​បាន​បញ្ជាក់ឲ្យ​ដឹងថា ការ​ចែក​ជូន​អំណោយ​ស្បៀង​អាហារដល់ប្រជាពលរដ្ឋនេះ គឺ​យោង​តាម​អនុសាសន៍​ដ៏​ខ្ពង់​ខ្ពស់​របស់សម្តេចតេជោ ហ៊ុន សែន នាយករដ្ឋមន្ត្រីនៃ​ព្រះរាជាណាច​ក្រ​កម្ពុជា​<<ជួយគ្នា​ក្នុង​គ្រា​មាន​អាសន្ន​>> ទើប​ក្រុម​លោក​ឧកញ៉ាវ័យក្មេងទាំង៨រូប​នៃ​ក្រុមហ៊ុនT.O.I.C Group ចុះ​​នាំ​អំណោយ​មក​​ចែក​ដោយ​ផ្ទាល់​នេះ។

សកម្មភាព​ខាលើ មិន​មែន​ជា​លើក​ទី១ ឡើយ​របស់​ក្រុម​លោក​ឧកញ៉ាវ័យក្មេងទាំង៨រូប​នៃ​ក្រុមហ៊ុនT.O.I.C Group ​នេះ កន្លង​មក​អ្នក​ជំនួញ​វ័យ​ក្មេង​​នៃ ក្រុម​មួយ​នេះ តែង​តែ​ចុះ ធ្វើ​កិច្ចការ​សប្បុរសធម៌​ជា​ច្រើន​លើក​​មក​ហើយ ។​

សូមបញ្ជាក់ថា របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ដែល​បណ្តាញ​សារព័ត៌មាន​ ទទួល​បានបញ្ជាក់ថា គិតចាប់ពីថ្ងៃទី០១ ខែកញ្ញា ដល់ថ្ងៃទី២០ ខែតុលា ឆ្នាំ២០២០ កម្ពុជាបានទទួលរងផលប៉ះពាល់ នៅក្នុង១៩រាធានី-ខេត្ត ក្នុងនោះ​មានប្រជាជនរងផល​ប៉ះពាល់​ចំនួន​ ១០៤,៣៤៨គ្រួសារ ស្មើប្រមាណ ៤១៧,៣៩២នាក់, ប្រជាជន​ត្រូវបានជម្លៀស​មក​ទីទួល​សុវត្ថិភាព​ចំនួន ១០,៥៨៣គ្រួសារ ស្មើប្រមាណ ៤២,៣៣២នាក់ និងប្រជាជនស្លាប់ចំនួន៣៤នាក់។ ចំពោះទិន្នន័យរួមនៃផលប៉ះពាល់ និងខូចខាត នឹងត្រូវធ្វើការប៉ាន់ប្រមាណបូកសរុប បន្ទាប់ពីជំនន់ទឹកភ្លៀងត្រូវបានបញ្ចប់៕

The post ផ្អើល​ខេត្ត​បន្ទាយមានជ័យ ឧកញ៉ា​ទាំង​៨រូប​នេះ​​ចុះ​​ចែក​អំណោយ​ជូន​ពលរដ្ឋ​ព្រឹក​មិញ appeared first on .

ឯកឧត្តម ដួង តារា ជំនួយការផ្ទាល់សម្តេចនាយករដ្ឋមន្រ្តី មានប្រសាសន៍ថា “ ខ្ញុំសូមអរគុណប្អូនៗឧកញ៉ាសប្បុរទាំងអស់ ដែលបានចូលរួមបរិច្ចាគនូវអង្ករ ត្រីខ មី តង់កៅស៊ូ តាមរយៈខ្ញុំ ដើម្បីយកទៅចែកជូនបងប្អូនប្រជាពលរដ្ឋដែលកំពុងរងគ្រោះដោយសារទឹកជំនន់តាមការអំពាវនាវរបស់ សម្តេចតេជោនាយករដ្ឋមន្រ្តី។ ពិតណាស់ ខ្មែរកាន់តែរឹងមាំ ព្រោះខ្មែរចេះរួបរួមសាមគ្គីជួយគ្នាគ្រប់កាលៈទេសៈក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន។

លោកឧកញ៉ា អុឹង ឃាង បានបង្ហាញសមាសភាពចូលរួមចុះជួយប្រជាពលរដ្ឋរងគ្រោះនៅក្រុងប៉ោយប៉ែតរួមមាន៖
​1/​ ឧកញ៉ា​ អុឹង​ ឃាង​ ទីប្រឹក្សា​សភាព​ពាណិជ្ជកម្ម​កម្ពុជា​ ​នឹង​ជា​ ប្រធាន​ក្រុម​ប្រឹក្សា​ភិបាល​ T.O.I.C​ Group
2/​ ឧកញ៉ា​ ហួត​ ជា​​ ទី​ប្រឹក្សា​សភា​ពាណិជ្ជកម្ម​កម្ពុជា​
3/​ ឧកញ៉ា​ ភិរម្យ​ វិចិត្រ​ដារ៉ា​ សមាជិក​អ្នក​អភិវឌ្ឍន៍​លំនៅឋាន​កម្ពុជា​
4/​ ឧកញ៉ា​ ឡាយ​ លន់​ ទីប្រឹក្សា​សភាព​ពាណិជ្ជកម្ម​ខេត្ត​សៀមរាប​
5/​ ឧកញ៉ា​ ចាង​ ជីវិញ​ អនុប្រធាន​សភា​ពាណិជ្ជកម្ម​កម្ពុជា​ និង​ជា​ប្រធាន​សភា​ពាណិជ្ជកម្ម​ខេត្ត​កោះកុង​
6/​ ឧកញ៉ា​ សុក​ រ៉ាដូ​ អនុប្រធាន​សភា​ពាណិជ្ជកម្ម​កម្ពុជា​​និង​ជា​ប្រធាន​សភា​ពាណិជ្ជកម្ម​ខេត្ត​ស្វាយរៀង​
7/​ ឧកញ៉ា​ ម៉េន​ កានី​ ម្ចាស់​បុរី​ GM
8/​ ឧកញ៉ា​ នួន​ អក​ ម្ចាស់​ រីសត​កំពត​ឋានសួគ៌​
ឯកឧត្តមបានបន្តទៀតថា៖ “យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង សូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង”៕

The post ឧកញ៉ា អុឹង ឃាង រួមជាមួយឧកញ៉ា ៧រូបទៀត នាំយកអំណោយជូនពលរដ្ឋរងគ្រោះដោយទឹកជំនន់នៅក្រុងប៉ោយប៉ែត appeared first on .