ឧកញ៉ា ប៊ុន ណារី

ឧកញ៉ា ចេង ខេង និងឧកញ៉ា ប៊ុន ណាវី ទទួលបានវិញ្ញាបនបត្របណ្ដុះបណ្ដាលវិជ្ជាជីវៈ ពីវិទ្យាស្ថានអាជីវកម្មអន្តរជាតិ

ឧកញ៉ាដែនដី — Thu, 02 Apr 2026 02:56:04 +0000

ឧកញ៉ា ចេង ខេង អគ្គនាយកក្រុមហ៊ុនអចលទ្រព្យ CPL និងភរិយា គឺឧកញ៉ា ប៊ុន ណាវី បានទទួលវិញ្ញាបនបត្របណ្ដុះបណ្ដាលវិជ្ជាជីវៈ «ជំនាញការគ្រប់គ្រងស្ថាប័ន និងអនុលោមភាព» ជំនាន់ទី១១ ពីវិទ្យាស្ថានអាជីវកម្មអន្តរជាតិ កាលពីថ្ងៃទី០១ ខែមេសា ឆ្នាំ២០២៦។

លោកឧកញ៉ា ចេង ខេង បានគូសបញ្ជាក់លើបណ្តាញសង្គមបែបនេះថា៖ “នេះគឺជាសមិទ្ធផលដ៏ត្រចះត្រចង់ថ្មីមួយទៀត ដែលសបញ្ជាក់យ៉ាងច្បាស់ពីការប្តេជ្ញាចិត្តខ្ពស់ ក្នុងការអភិវឌ្ឍសមត្ថភាព និងចំណេះដឹងឥតឈប់ឈរ ដើម្បីឧត្តមភាពនៃវិជ្ជាជីវៈ និងការដឹកនាំស្ថាប័នឱ្យកាន់តែរីកចម្រើន រឹងមាំ និងប្រកបដោយអនុលោមភាព”។

សូមជម្រាបថា ឧកញ៉ា ចេង ខេង គឺជាអគ្គនាយកក្រុមហ៊ុនអចលទ្រព្យ CPL, សមាជិកសមាគមឧកញ៉ាកម្ពុជា និងជាសមាជិកក្រុមប្រឹក្សាភិបាលសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។ ចំណែក ឧកញ៉ា ប៊ុន ណាវី ក៏ជាអគ្គនាយិកាក្រុមហ៊ុន ស៊ីភីអែល ខេមបូឌា ប្រភើធី លីមីធីត និងជាសមាជិកសមាគមឧកញ៉ាកម្ពុជាផងដែរ៕

The post ឧកញ៉ា ចេង ខេង និងឧកញ៉ា ប៊ុន ណាវី ទទួលបានវិញ្ញាបនបត្របណ្ដុះបណ្ដាលវិជ្ជាជីវៈ ពីវិទ្យាស្ថានអាជីវកម្មអន្តរជាតិ appeared first on .

ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ជូនឧកញ៉ា ប៊ុន ណារី សមាជិកសមាគមឧកញ៉ាកម្ពុជា

រ៉េត សុកធា — Mon, 01 Jul 2024 07:35:23 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទានត្រាស់បង្គាប់ផ្តល់គោរមងារ លោកស្រី ឧកញ៉ា ប៊ុន ណារី សមាជិកនៃសមាគមឧកញ៉ាកម្ពុជា ជា «អ្នកឧកញ៉ា» នៅថ្ងៃទី២៥ ខែមិថុនា ឆ្នាំ២០២៤ តាមសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

លោកស្រីឧកញ៉ា ប៊ុន ណារី គឺជាអគ្គនាយិកាសាលាញូវហ្គេតវ៉េអន្តរជាតិ និងជាអគ្គនាយិកាមជ្ឈមណ្ឌលអាពាហ៍ពិពាហ៍ឈូកមាស។ សាលាញូវហ្គេតវ៉េអន្តរជាតិ ត្រូវបានបង្កើតឡើងនៅឆ្នាំ២០១១ ដោយឧកញ៉ា ប៊ុន ណារី ដែលមានបទពិសោធន៍ក្នុងតួនាទីជាអ្នកដឹកនាំទាំងកម្រិតក្នុងស្រុក និងអន្តរជាតិ រយៈពេលជាង ៣០ឆ្នាំ និងបានទទួលសញ្ញាបត្របណ្ឌិតកិត្តិយសពីប្រទេសអង់គ្លេស។ បច្ចុប្បន្នសាលាញូវហ្គេតវ៉េអន្តរជាតិ របស់ឧកញ៉ា ប៊ុន ណារី មាន២សាខា ដែលសាខាទី១ ស្ថិតនៅផ្លូវ ១៥៦ កែងផ្លូវ ២១១ សង្កាត់វាលវង់ ខណ្ឌ៧មករា និងសាខាទី២ នៅផ្លូវ២០១១ សង្កាត់គោកឃ្លាង ខណ្ឌសែនសុខ រាជធានីភ្នំពេញ។

ក្រោយទទួលបានគោរមងារ «អ្នកឧកញ៉ា» សមាគមឧកញ៉ាកម្ពុជា បានចេញសារសម្តែងការអបអរសាទរ យ៉ាងដូច្នេះថា៖ «ថ្នាក់ដឹកនាំ ក្រុមប្រឹក្សាភិបាល និងសមាជិកនៃសមាគមឧកញ៉ាកម្ពុជា សូមចូលរួមអបអរសាទរ ជំទាវឧកញ៉ា ប៊ុន ណារី សមាជិក នៃសមាគមឧកញ៉ាកម្ពុជា ក្នុងឱកាសដែលព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា» ។ សូមជូនពរ ជំទាវអ្នកឧកញ៉ា ប៊ុន ណារី ព្រមទាំងក្រុមគ្រួសារ ទទួលបាននូវភាពជោគជ័យគ្រប់ភារកិច្ចទាំងពួងនិងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ជូនឧកញ៉ា ប៊ុន ណារី សមាជិកសមាគមឧកញ៉ាកម្ពុជា appeared first on .

ឧកញ៉ា ប៊ុន ណារី ប្រកាសផ្ទេរឱ្យចៅស្រី ជាអ្នកស្នងតំណែង «អគ្គនាយិកា» សាលាញូវហ្គេតវ៉េអន្តរជាតិ

ឧកញ៉ាដែនដី — Thu, 07 Sep 2023 04:55:52 +0000

លោកស្រីឧកញ៉ា ប៊ុន ណារី អគ្គនាយិកាសាលាញូវហ្គេតវ៉េអន្តរជាតិ បានប្រកាសផ្ទេរតំណែង «អគ្គនាយិកា» សាលាញូវហ្គេតវ៉េអន្តរជាតិ ទៅឱ្យចៅស្រីរបស់ខ្លួនឈ្មោះ ណា អេនជីលីណារចនា (Angelina) នាពេលអនាគត។

ការប្រកាសផ្ទេរអ្នកស្នងតំណែងដ៏ធំ នាពេលអនាគតនេះ គឺធ្វើឡើងក្នុងពិធីខួបកំណើត កញ្ញា ណា អេនជីលីណារចនា វ័យ១៨ឆ្នាំ ដែលជាចៅស្រីសំណព្វចិត្តរបស់លោកស្រី ឧកញ៉ា ប៊ុន ណារី និងជាក្មេងស្រីឆ្លាតពូកែមួយរូប នៅមជ្ឈមណ្ឌលអាពាហ៍ពិពាហ៍ឈូកមាស កាលពីថ្ងៃអាទិត្យ ទី០៣ ខែកញ្ញា ឆ្នាំ២០២៣។

លោកស្រីឧកញ៉ា អគ្គនាយិកាមជ្ឈមណ្ឌលអាពាហ៍ពិពាហ៍ឈូកមាស និងជាអគ្គនាយិកាសាលាញូវហ្គេតវ៉េអន្តរជាតិ បានថ្លែងលើវេទិកាយ៉ាងដូច្នេះថា៖ “រីករាយថ្ងៃកំណើតចៅស្រី ជាទីស្រឡាញ់របស់ខ្ញុំ ហើយជាអ្នកស្នងតំណែងអគ្គនាយិកាសាលាញូវហ្គេតវ៉េទៅថ្ងៃមុខ។ សូមឱ្យចៅរឹងមាំ ឱ្យចៅបានជោគជ័យ និងសូមឱ្យចៅខ្លាំងជាងម៉ាក់យាយទៀត។ សូមឱ្យចៅមានសំណាងល្អ អាយុវែង”។

សូមជម្រាបថា សាលាញូវហ្គេតវ៉េអន្តរជាតិ ជាសាលាមួយដែលមានកម្មវិធីសិក្សា៖ ចំណេះទូទៅភាសាខ្មែរ ភាសាអង់គ្លេស និងភាសាចិន ចាប់ពីមត្តេយ្យសិក្សា រហូតដល់មធ្យមសិក្សាទុតិយភូមិ។ សាលាញូវហ្គេតវ៉េអន្តរជាតិ ត្រូវបានបង្កើតឡើងនៅឆ្នាំ២០១១ ដោយឧកញ៉ា ប៊ុន ណារី ដែលមានបទពិសោធន៍ក្នុងតួនាទីជាអ្នកដឹកនាំ ទាំងកម្រិតក្នុងស្រុក និងអន្តរជាតិ រយៈពេលជាង ៣០ឆ្នាំ និងបានទទួលសញ្ញាបត្របណ្ឌិតកិត្តិយសពីប្រទេសអង់គ្លេស។ បច្ចុប្បន្នសាលាញូវហ្គេតវ៉េអន្តរជាតិ របស់ឧកញ៉ា ប៊ុន ណារី មាន២សាខា ដែលសាខាទី១ ស្ថិតនៅផ្លូវ ១៥៦ កែងផ្លូវ ២១១ សង្កាត់វាលវង់ ខណ្ឌ៧មករា និងសាខាទី២ នៅផ្លូវ២០១១ សង្កាត់គោកឃ្លាង ខណ្ឌសែនសុខ រាជធានីភ្នំពេញ៕

The post ឧកញ៉ា ប៊ុន ណារី ប្រកាសផ្ទេរឱ្យចៅស្រី ជាអ្នកស្នងតំណែង «អគ្គនាយិកា» សាលាញូវហ្គេតវ៉េអន្តរជាតិ appeared first on .

ឧកញ៉ា អគ្គនាយិកាសាលាញូវហ្គេតវ៉េអន្តរជាតិ ក្លាយជាសមាជិកថ្មី នៃសហព័ន្ធសេវាអប់រំនៅកម្ពុជា

ឧកញ៉ាដែនដី — Thu, 20 Jul 2023 00:30:00 +0000

លោកស្រីឧកញ៉ា ប៊ុន ណារី អគ្គនាយិកាសាលាញូវហ្គេតវ៉េអន្តរជាតិ បានក្លាយជាសមាជិកថ្មី នៃសហព័ន្ធសេវាអប់រំនៅកម្ពុជា។ នេះបើតាមសេចក្តីប្រកាសព័ត៌មានរបស់សហព័ន្ធសេវាអប់រំនៅកម្ពុជា កាលដើមខែកក្កដា ឆ្នាំ២០២៣នេះ។

សាលាញូវហ្គេតវ៉េអន្តរជាតិ ជាសាលាមួយដែលមានកម្មវិធីសិក្សា៖ ចំណេះទូទៅភាសាខ្មែរ ភាសាអង់គ្លេស និងភាសាចិន ចាប់ពីមត្តេយ្យសិក្សា រហូតដល់មធ្យមសិក្សាទុតិយភូមិ។ សាលាញូវហ្គេតវ៉េអន្តរជាតិ ត្រូវបានបង្កើតឡើងនៅឆ្នាំ២០១១ ដោយឧកញ៉ា ប៊ុន ណារី ដែលមានបទពិសោធន៍ក្នុងតួនាទីជាអ្នកដឹកនាំ ទាំងកម្រិតក្នុងស្រុក និងអន្តរជាតិ រយៈពេលជាង ៣០ឆ្នាំ និងបានទទួលសញ្ញាបត្របណ្ឌិតកិត្តិយសពីប្រទេសអង់គ្លេស។ បច្ចុប្បន្នសាលាញូវហ្គេតវ៉េអន្តរជាតិ របស់ឧកញ៉ា ប៊ុន ណារី មាន២សាខា ដែលសាខាទី១ ស្ថិតនៅផ្លូវ ១៥៦ កែងផ្លូវ ២១១ សង្កាត់វាលវង់ ខណ្ឌ៧មករា និងសាខាទី២ នៅផ្លូវ២០១១ សង្កាត់គោកឃ្លាង ខណ្ឌសែនសុខ រាជធានីភ្នំពេញ។

សហព័ន្ធសេវាអប់រំនៅកម្ពុជា ជាស្ថាប័នមិនស្វែងរកប្រាក់ចំណេញមួយ ដែលបង្កើតឡើងនៅឆ្នាំ២០២០ ដោយមានគោលបំណង និងចក្ខុវិស័យ លើកកម្ពស់ស្តង់ដាអប់រំ និងលើកកម្ពស់គុណភាពអប់រំនៅកម្ពុជា តាមរយៈការចូលរួមសហការគ្នារវាងសាលាឯកជនជាង ១០០, មជ្ឈមណ្ឌលបណ្តុះបណ្តាល, សមាគមអប់រំ និងក្រុមហ៊ុនបច្ចេកវិទ្យាទាក់ទងនឹងការអប់រំ ជាដើម។ បច្ចុប្បន្ន សហព័ន្ធសេវាអប់រំនៅកម្ពុជា ដឹកនាំដោយលោក គង់ សំនៀង ជាប្រធានសហព័ន្ធ ក្នុងអាណត្តិឆ្នាំ២០២៣-២០២៥ ព្រមទាំងមានអនុប្រធាន និងសមាជិក ជាច្រើនរូបផ្សេងទៀត៕

The post ឧកញ៉ា អគ្គនាយិកាសាលាញូវហ្គេតវ៉េអន្តរជាតិ ក្លាយជាសមាជិកថ្មី នៃសហព័ន្ធសេវាអប់រំនៅកម្ពុជា appeared first on .