ឧកញ៉ា ម៉ុក ទិព្វរាសី

ជំទាវឧកញ៉ា ម៉ុក ទិព្វរាសី និងស្វាមី នាំយកអំណោយនិងថវិកាសរុប ៣០លានរៀល ឧបត្ថម្ភដល់បញ្ជាការដ្ឋានកាំភ្លើងធំ ប្រចាំទិសទី៣ ខេត្តឧត្តរមានជ័យ

ឧកញ៉ាដែនដី — Wed, 04 Jun 2025 02:33:05 +0000

លោកជំទាវឧកញ៉ា ម៉ុក ទិព្វរាសី ដែលជានាយិកាក្រុមហ៊ុន ចាស្តស្ទីន មីរ៉ាខល (Justeen Miracle co.,ltd) និងស្វាមី ឯកឧត្តម តាំង គង់ស្រេង ទីប្រឹក្សាព្រឹទ្ធសភា បានចូលរួមឧបត្ថម្ភអំណោយ និងថវិកាសរុប ៣០លានរៀល ដល់បញ្ជាការដ្ឋានកាំភ្លើងធំប្រចាំទិសទី៣ ខេត្តឧត្តរមានជ័យ។

ការចូលរួមឧបត្ថម្ភថវិការបស់ លោកជំទាវឧកញ៉ា ម៉ុក ទិព្វរាសី និងស្វាមី ជាការចូលរួមចំណែកលើកទឹកចិត្តដល់កងទ័ពកម្ពុជា ដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈសេចក្តីថ្លែងការណ៍ នៅថ្ងៃទី២៩ ខែឧសភា ឆ្នាំ២០២៥ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជា ធ្លង់មួយនៃខឿនការពារជាតិកម្ពុជា។

ឆ្លៀតឱកាសនេះ យើងទាំងអស់គ្នា សូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post ជំទាវឧកញ៉ា ម៉ុក ទិព្វរាសី និងស្វាមី នាំយកអំណោយនិងថវិកាសរុប ៣០លានរៀល ឧបត្ថម្ភដល់បញ្ជាការដ្ឋានកាំភ្លើងធំ ប្រចាំទិសទី៣ ខេត្តឧត្តរមានជ័យ appeared first on .

អ្នកឧកញ៉ា យូ សាម៉េត ផ្ញើសារជូនលោកស្រី ម៉ុក ទិព្វរាសី ក្នុងឱកាសដែលព្រះមហាក្សត្រព្រះរាជទានគោរមងារជា «ឧកញ៉ា»

ឧកញ៉ាដែនដី — Wed, 29 May 2024 01:39:22 +0000

អ្នកឧកញ៉ា យូ សាម៉េត អគ្គនាយក ECON Group បានផ្ញើសារអបអរសាទរចំពោះ លោកស្រី ម៉ុក ទិព្វរាសី ក្នុងឱកាសដែលលោកស្រីត្រូវបាន ព្រះករុណា ព្រះបាទសម្តេចព្រះបរមនាថនរោត្តមសីហមុនីព្រះមហាក្សត្រនៃព្រះរាជាណាចក្រកម្ពុជា សព្វព្រះរាជហរទ័យព្រះរាជទាននូវគោរមងារជា «ឧកញ៉ា» នៅថ្ងៃទី២៤ ខែឧសភា ឆ្នាំ២០២៤។

អ្នកឧកញ៉ា បុគ្គលិក និងសហការគ្រប់ជាន់ថ្នាក់ មានសេចក្តីសោមនស្សរីករាយ សូមបួងសួងជូនពរជ័យ សិរីមង្គល ប្រាជ្ញាឈ្លាសវៃ វិបុលសុខមហាប្រសើរថ្លៃថ្លាគ្រប់ប្រការ ជូនចំពោះ លោកស្រីឧកញ៉ា និងក្រុមគ្រួសារ សូមមានសុខភាពល្អបរិបូរណ៍ ពលានុភាពមាំមួន ជន្មាយុយឺនយូរ និងទទួលបាននូវជោគជ័យរីកចម្រើន រុងរឿង ជានិរន្តរ៍៕

The post អ្នកឧកញ៉ា យូ សាម៉េត ផ្ញើសារជូនលោកស្រី ម៉ុក ទិព្វរាសី ក្នុងឱកាសដែលព្រះមហាក្សត្រព្រះរាជទានគោរមងារជា «ឧកញ៉ា» appeared first on .

ព្រះមហាក្សត្រ ចេញព្រះរាជក្រឹត្យផ្ដល់គោរមងារ «ឧកញ៉ា» ដល់លោកស្រី ម៉ុក ទិព្វរាសី នាយិកាក្រុមហ៊ុន ចាស្តស្ទីន មីរ៉ាខល

ឧកញ៉ាដែនដី — Tue, 28 May 2024 08:10:00 +0000

ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់ផ្ដល់គោរមងារ «ឧកញ៉ា» ដល់លោកស្រី ម៉ុក ទិព្វរាសី ដែលជានាយិកាក្រុមហ៊ុន ចាស្តស្ទីន មីរ៉ាខល (Justeen Miracle co.,ltd) នៅថ្ងៃទី២៤ ខែឧសភា ឆ្នាំ២០២៤។

លោកស្រី ម៉ុក ទិព្វរាសី ជាសហគ្រិនវ័យក្មេងមួយរូប ដែលកំពុងលេចធ្លោខ្លាំងក្នុងវិស័យទីផ្សារអនឡាញ ក្នុងការដឹកនាំ ក្រុមហ៊ុន Justeen Miracle ឆ្ពោះទៅកាន់គោលដៅ ប្រកបដោយភាពជោគជ័យ។

លោកស្រី ធ្លាប់បានបញ្ជាក់ឲ្យដឹងថា ការបង្កើតម៉ាកយីហោ “Justeen Miracle” នេះឡើង គឺដើម្បីផ្តល់នូវផលិតផលថែរក្សាសម្រស់ដែលមានគុណភាពល្អពិតប្រាកដ មានប្រសិទ្ធភាពយូរអង្វែង មិនប៉ះពាល់ដល់សុខភាពទៅថ្ងៃអនាគត ទោះបីជាឈប់ប្រើប្រាស់ក៏ដោយ។

បច្ចុប្បន្ន លោកស្រី ម៉ុក ទិព្វរាសី កំពុងរួមចំណែកយ៉ាងធំស្របជាមួយយុទ្ធសាស្ត្ររាជរដ្ឋាភិបាល ក្នុងការផ្តល់ឱកាសការងារ និង ជួយលើកកម្ពស់កម្រិតជីវភាព ប្រជាពលរដ្ឋរាប់ពាន់រាប់ម៉ឺននាក់ តាមរយៈការមប្រើការងារនៅក្រុមហ៊ុន Jusgteen Miracle ទាំងដោយផ្ទាល់ ដោយប្រយោល និងធ្វើជាតំណាងចែកចាយបន្ត ទូទាំង ២៥រាជធានី ខេត្ត៕

The post ព្រះមហាក្សត្រ ចេញព្រះរាជក្រឹត្យផ្ដល់គោរមងារ «ឧកញ៉ា» ដល់លោកស្រី ម៉ុក ទិព្វរាសី នាយិកាក្រុមហ៊ុន ចាស្តស្ទីន មីរ៉ាខល appeared first on .