ជារឿយ គេតែងឃើញ លោកឧកញ៉ា លាង ហ៊ី និង លោក ជំទាវ ហេង សុកគៀង ចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជាក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

សូមជម្រាបថា សម្រាប់សប្បុរសជនគ្រប់មជ្ឈដ្ឋានដែលមានសទ្ធាជ្រះថ្លាចូលរួមបរិច្ចាគថវិកា ជូនកាកបាទក្រហមក្រហមកម្ពុជា ក្នុងឱកាសខួបលើកទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ដើម្បីឱ្យសមាគមជាតិមួយនេះមានធនធានបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុតតាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម។

សូមអញ្ជើញទៅទីស្នាក់ការកណ្ដាលកាកបាទក្រហមកម្ពុជា ឬសូមវេរចូលគណនីធនាគាររបស់កាកបាទក្រហមកម្ពុជា នៅធនាគារពាណិជ្ជកម្មក្រៅប្រទេសនៃកម្ពុជា ដែលមានលេខគណនីដូចខាងក្រោម៖

• ប្រាក់រៀល៖ 100004348127 * ប្រាក់ដុល្លារអាមេរិក៖ 300001709996
  ចំពោះព័ត៌មានលម្អិត សូមទំនាក់ទំនង៖
• លោកជំទាវ ពុំ ចន្ទីនី លេខទូរស័ព្ទ៖ ០១២ ៩២១ ១០៥
• លោកជំទាវ មែន នារីសោភ័គ លេខទូរស័ព្ទ៖ ០១២ ៨១០ ៨៥៤
• ឯកឧត្តម ឌួង អេលីត លេខទូរស័ព្ទ៖ ០១៧ ២៤៨ ៨៨៨

The post ឧកញ៉ា លាង ហ៊ី និងលោកជំទាវ ហេង សុកគៀង បរិច្ចាគថវិកា 5000$ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ appeared first on .

ទិដ្ឋភាពនៃការចុះសំបុត្រអាពាហ៍ពិពាហ៍របស់កូនកំលោះ ហ៊ី សុវណ្ណ(ខេននី) និងកូនក្រមុំ ឆាយ សុគន្ធនីតា ធ្វើឡើងនៅថ្ងៃទី០៧ ខែមេសា ឆ្នាំ២០២៤ ក្រោមវត្ដមានមេបាចាស់ទុំទាំងសងខាង ព្រមទាំងវត្ដមានភ្ញៀវកិត្ដិយសជាច្រើនរូប ដូចជាលោក ស សុខា ឧបនាយករដ្ឋមន្រ្ដី រដ្ឋមន្រី្ដក្រសួងមហាផ្ទៃ,លោក អ៊ាង សុផល្លែត រដ្ឋមន្រ្ដីក្រសួងបរិស្ថាន, ឧកញ៉ា ហ៊ុន ស៊ីណាត ជាដើមបានអញ្ជើញចូលរួមធ្វើជាសាក្សីផងដែរ៕

ប្រភពរូបភាព៖ បាយសី

The post មកមើលទិដ្ឋភាពចុះសំបុត្រអាពាហ៍ពិពាហ៍របស់កូនប្រុសឧកញ៉ា លាង ហ៊ី និងកូនស្រីរដ្ឋមន្រ្ដីក្រសួងអភិវឌ្ឍន៍ជនបទ appeared first on .

ក្នុងកម្មវិធីបញ្ចុះបឋមសិលាបុកគ្រឹះសាងសង់សណ្ឋាគារដ៏ប្រណីតលំដាប់ផ្កាយ៥នេះ អញ្ជើញចូលរួមពីសំណាក់ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ, ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ, ឯកឧត្តម លោកជំទាវ, លោកឧកញ៉ាៗ ព្រមទាំងបងប្អូនសាច់ញាតិ និងភ្ញៀវកិត្តិយសជាច្រើនរូបទៀត។

ពិធីបញ្ចុះបឋមសិលាសាងសង់សណ្ឋាគារលំដាប់ផ្កាយ ៥ នេះ ត្រូវបាននិមន្តប្រោះព្រំរណ្តៅគ្រឹះដោយសម្តេចព្រះពោធិវ័ង្ស កិត្តិបណ្ឌិត អំ លីមហេង សម្តេចព្រះសង្ឃនាយករងទី១ នៃព្រះរាជាណាចក្រកម្ពុជា ផងដែរ។

សណ្ឋាគារលំដាប់ផ្កាយ៥ ដែលសាងសង់ដោយ ក្រុមហ៊ុន ឃូ ថៅអឺរ (Khou Tower) នឹងចាប់ផ្ដើមដំណើរការសាងសង់នៅចុងឆ្នាំ២០២៣ ដែលមានទីតាំងស្ថិតនៅ #54, មហាវិថីព្រះមុនីវង្ស កែងផ្លូវ 88 និងផ្លូវ 75 សង្កាត់ស្រះចក ខណ្ឌដូនពេញ រាជធានីភ្នំពេញ។

សណ្ឋាគារកម្រិតអន្តរជាតិ Marriott International Hotel នេះ មានគម្រោងសាងសង់បន្ទប់ជាង 200បន្ទប់, កន្លែងសន្និសីទ, កន្លែងហាត់ប្រាណ, ស្ប៉ា, កន្លែងទទួលភ្ញៀវ, ភោជនីយដ្ឋានឯកទេស (specialty restaurant), ស្កាយបារ និងអាងហែលទឹកប្រវែង 26 ម៉ែត្រ ,មានចំណតម៉ូតូ ជាង400 កន្លែង និងចំណតរថយន្ត ជាង200 កន្លែង ។ ជាមួយគ្នា គម្រោងនេះក៏រួមបញ្ចូលផងដែរនូវមជ្ឈមណ្ឌលការិយាល័យកម្រិត A និងកន្លែងជួល ធនាគារជាន់ផ្ទាល់ដី។

ជាមួយនឹងការបើកគម្រោងសាងសង់សណ្ឋាគារថ្មីនេះដែរ ស្ថាបនិក ឃូ ថៅអឺរ (Khou Tower) ឧកញ៉ា លាង ហ៊ី មានជំនឿចិត្តយ៉ាងមុតមាំថា សណ្ឋាគារកម្រិតអន្តរជាតិនេះ នឹងបានចូលចំណែកអភិវឌ្ឍជាតិ ផ្ដល់ការងារនិងអភិវឌ្ឍធនធានមនុស្ស ដែលស្របជាមួយយុទ្ធសាស្ត្របញ្ចកោណរបស់រាជរដ្ឋាភិបាលថ្មី។

គួរជម្រាបជូនផងដែរថា សណ្ឋាគារលំដាប់ផ្កាយ 5 អន្តជាតិ Marriott International Hotel ជាគម្រោងសណ្ឋាគារទី២ ហើយដែលបាននឹងសាងសង់បន្ទាប់ពីជោគជ័យ លើវិស័យសណ្ឋាគារទី១ ដែលមានឈ្មោះថា ខតយ៉ាត បាយ ម៉ារីត (Courtyard by Marriott) ក្រៅពីអាជីវកម្មសណ្ឋាគារ លោកឧកញ៉ា លាង ហ៊ី ក៏មានគម្រោងផ្សេងទៀតផងដែរ ដូចជា មជ្ឈមណ្ឌលការិយាល័យ និងបុរីLHL ៕

អត្ថបទ៖ សុកធា

The post ឧកញ៉ា លាង ហ៊ី បញ្ចុះបឋមសិលាបុកគ្រឹះសាងសង់សណ្ឋាគារលំដាប់ផ្កាយ៥ កណ្តាលបេះដូងរាជធានីភ្នំពេញ appeared first on .