ឋានន្តរស័ក្តិ « អ្នកឧកះញ៉ា ឧកញ៉ា» គឺជាគោរមងារសម្រាប់បុគ្គលណា ដែលបានបរិច្ចាគធនធានផ្ទាល់ខ្លួនក្នុងបរិមាណកំណត់ ដើម្បីកសាងសមិទ្ធផលជាប្រយោជន៍ដល់សង្គមជាតិ។ នៅ​កម្ពុជា បុគ្គលដែលបានទទួលងារជាឧកញ៉ា មានបរិមាណកើនឡើងជារៀងរាល់ឆ្នាំ។ ជាការកត់សម្គាល់ ពាណិជ្ជករដែលទើបទទួលគោរមងារ «អ្នកឧកញ៉ា ឧកញ៉ា» ពីព្រះមហាក្សត្រ នៅក្នុងខែមករា ឆ្នាំ២០២៣នេះ ភាគច្រើនសង្កេតឃើញសុទ្ធតែវិនិយោគិនជើងចាស់ ហើយក៏កំពុងគ្រប់គ្រងអាណាចក្រជំនួញប្រាក់ពាន់លាននៅក្នុងដៃ រួមមាន៖

ឧកញ៉ា ជា រតនា និងឧត្តមភរិយា គឺឧកញ៉ា លី លីហៀក ស្ថាបនិក និងជាអគ្គនាយកក្រុមហ៊ុន SUN & MOON Group ទទួលងារ «អ្នកឧកញ៉ា» តាមព្រះរាជក្រឹត្យ នស/រកត/០១២៣/០០៩ នៅថ្ងៃទី២ ខែមករា ឆ្នាំ២០២៣។ នៅថ្ងៃទី២ ខែមករា ឆ្នាំ២០២៣ អគ្គនាយករងក្រុមហ៊ុន SUN & MOON GROUP ដែលជាកូនស្រីបង្កើត និងកូនប្រសារ អ្នកឧកញ៉ា ជា រតនា គឺលោក រ៉ាត់ ដារ៉ារ័ត្ន និងលោកស្រី ជា ឡាក់គី ត្រូវបានព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» តាមព្រះរាជក្រឹត្យលេខ នស/រកត/០១២៣/០០៨។

អគ្គនាយកក្រុមហ៊ុន BS Land and Home និងជាអនុប្រធាន​សមាគម​អ្នកអភិវឌ្ឍន៍លំនៅឋាន​កម្ពុជា ឧកញ៉ា លី សេងឃាង ទទួលគោរមងារ «អ្នកឧកញ៉ា» នៅថ្ងៃទី៤ ខែមករា ឆ្នាំ២០២៣នេះ តាមរយៈព្រះរាជក្រឹត្យលេខ នស/រកត/០១២៣/០៣២។ ប្រធានក្រុមប្រឹក្សាភិបាល ក្រុមហ៊ុន ខាង ស៊ាងលី ប្រផឹធី ឌីវេឡុបម៉ិន ឯ.ក និង​ជាអនុប្រធាន​សមាគម​អ្នកអភិវឌ្ឍន៍លំនៅឋាន​កម្ពុជា ឧកញ៉ា ចាប ហុងលី ទទួលគោរមងារ «អ្នកឧកញ៉ា» តាមព្រះរាជក្រឹត្យលេខ នស/រកត/០១២៣/០៣១ ចុះ​ថ្ងៃទី​ថ្ងៃទី៤ ខែមករា ឆ្នាំ២០២៣។

ឧកញ៉ា លី ឃុនថៃ ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី និងអនុប្រធាន​សភាពាណិជ្ជកម្ម​កម្ពុជា ត្រូវបានព្រះមហាក្សត្រ ត្រាស់បង្គាប់ផ្តល់គោរមងារជា «អ្នកឧកញ៉ា» តាមរយៈព្រះរាជក្រឹត្យលេខ នស/ករត/០១២៣/០៣០ ចុះថ្ងៃទី៤ ខែមករា ឆ្នាំ២០២៣។ ជាមួយគ្នានេះ លោក លឹម តុង ជាប្រធានសមាគមផលិតផលធ្វើដំណើរ និងស្បែកនៅកម្ពុជា ទទួលបានគោរមងារ «ឧកញ៉ា» នៅថ្ងៃទី៤ ខែមករា ឆ្នាំ២០២៣ តាមព្រះរាជក្រឹត្យលេខ នស/រកត/០១២៣/០២៦។

បន្ថែមទៀតនោះ ពាណិជ្ជករវ័យក្មេងម្នាក់ គឺលោក កែវ សម្បត្តិ ម្ចាស់ហាងលក់មាសពេជ្រ ហង្សមាស ដ៏ល្បីល្បាញកណ្តាលទីក្រុងភ្នំពេញ ក៏ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ប្រទានគោរមងារ«ឧកញ៉ា» តាមព្រះរាជក្រឹត្យលេខ នស/រកត/០១២៣/០៦៧ ចុះថ្ងៃទី១០ ខែមករា ឆ្នាំ២០២២៣។

ដោយឡែក ​​កូនប្រសារ​​របស់​លោក មាស សុភា ទេសរដ្ឋមន្ត្រីទទួល​បន្ទុក​បេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ ​​គឺឧកញ៉ា ទៀ ណារ៉ាវុទ្ធ (ចាង យុនហ្វេង) ក៏​ត្រូវ​បាន​ព្រះមហាក្សត្រ​ផ្តល់​គោរមងារ​ជា «អ្នកឧកញ៉ា» ​តាម​ព្រះរាជក្រឹត្យ​លេខ នស/រកត/០១២៣/១៣៥ ចុះ​ថ្ងៃទី ២៣ ខែមករា ឆ្នាំ២០២៣។ លោក​ត្រូវ​បាន​គេ​ដឹង​ថា ​បច្ចុប្បន្ន​ជាអគ្គនាយកក្រុមហ៊ុន Golden Fortune Securities Plc និងក្រុមហ៊ុន Golden Fortune Derivatives Exchange Co.,Ltd។ បន្ថែមពី​នេះ លោក​ក៏​ជា​អនុប្រធាន​សមាគម​មិត្តភាព​កម្ពុជា-ចិន និង​​ជា​ទីប្រឹក្សា​ក្រសួង​ធម្មការ និងសាសនា។ លោក​ឧកញ៉ា ក៏​ធ្លាប់​ជា​មន្ត្រី​ជាន់​ខ្ពស់​មួយ​រូប​ នៅ​ក្នុង​ក្របខ័ណ្ឌ​ក្រសួង​ការពារ​ជាតិ​ផង​ដែរ។

ជាមួយ​គ្នា​នេះ​ដែរ ភរិយា​របស់​​ឧកញ៉ា ទៀ ណារ៉ាវុទ្ធ គឺ​លោកស្រី មាស សុភារី កូនស្រីលោក មាស សុភា ទេសរដ្ឋមន្ត្រីទទួលបន្ទុកបេសកកម្មពិសេស ​ក៏​ត្រូវ​បាន​ព្រះមហាក្សត្រ​ចេញ​ព្រះរាជក្រឹត្យ​ផ្តល់​គោរមងារ​ជា «ឧកញ៉ា» ​​តាម​រយៈ​ព្រះរាជក្រឹត្យ​លេខ នស/រកត/០១២៣/១៣៦ ក្នុង​ថ្ងៃ​​ដូច​គ្នាផងដែរ៕

The post សប្បុរសជន ដែលទទួលបានគោរមងារ «អ្នកឧកញ៉ា ឧកញ៉ា» ក្នុងខែមករា មាន១១រូបសុទ្ធតែមានជំនួញធំៗ appeared first on .

យោងតាមស្ថិតិនាំចេញមុខទំនិញសំខាន់ៗរបស់ក្រសួងពាណិជ្ជកម្មបានគូសបញ្ជាក់ថា នៅឆ្នាំ២០២២ការនាំចេញសម្លៀកបំពាក់មានទឹកប្រាក់ ៩០៣៥លានដុល្លារអាមេរិកបានកើឡើង ១៣%បើប្រៀបធៀបនឹងឆ្នាំ២០២១ការនាំចេញមានតែ ៨.០១៨លានដុល្លារអាមេរិក,ការនាំចេញស្បែកជើងក្នុងឆ្នាំ២០២២ មានទឹកប្រាក់១៧៣៧លានដុល្លារអាមេរិក បានកើនឡើង២៥% ប្រៀបធៀបទៅរយៈពេលដូចគ្នាឆ្នាំ២០២១មានតែ១៣៩២លានដុល្លារអាមេរិកនិងការនាំចេញសម្ភារៈធ្វើដំណើរក្នុងឆ្នំា២០២២មានទំហំសាច់ប្រាក់១៧៧៧លានដុល្លារអាមេរិក ពោលគឺមានាការកើនឡើង១៩% ប្រៀបធៀបនិងឆ្នាំ២០២១ ទំហំនៃការនាំចេញមានតែ១៤៩៥លានដុល្លារអាមេរិក។

ទន្ទឹងនិការនាំចេញផលិតទាំង៣ប្រភេទមានកំណើនកើនឡើងនៅឆ្នាំ២០២២ ប៉ុន្តែនៅឆ្នាំ២០២៣នេះមានការវាយតម្លៃជាបឋមថាការបញ្ជាទិញពីទីផ្សារខាងក្រៅអាចនិងមានការថមថយ។ អ្នកឧកញ៉ា លីឃុន ថៃ ប្រធានក្រុមប្រឹក្សាសមាគមផលិតស្បែកជើងកម្ពុជាធ្លាប់ប្រាប់ឱ្យដឹងថា«ការបញ្ជាទិញពីទីផ្សារខាងក្រៅនៅឆ្នាំ២០២៣នេះមើលទៅស្ថានភាពនៃការបញ្ជាទិញស្បែកជើង និងកាបូបមានការធ្លាក់ចុះ ហើយទំនោនៃការធ្លាក់ចុះនេះមានតាំងពីចុងឆ្នាំ២០២២។ ការធ្លាក់ចុះបរិមាណនៃការបញ្ជាទិញផលិតផលស្បែកជើងនិងកាបូបនៅឆ្នាំ២០២៣នេះយើងមើលទៅមានប្រហែល ៣០ឬ៤០%»។

អ្នកឧកញ៉ា គូសបញ្ជាក់ថា កត្តាដែលនាំឱ្យការបញ្ជាទិញមានការធ្លាក់ចុះនេះដោយសារបញ្ហាខាងក្រៅដូចជាសង្គ្រាមអ៊ុយក្រែនិងរុស្ស៊ី បានធ្វើឱ្យទំនិញនៅលើពិភពលោក វត្ថុធាតុដើមឡើងថ្លៃ។ បញ្ហាជំងឺកូវីដ១៩បានធ្វើឱ្យប៉ះពាល់ដល់សេដ្ឋកិច្ចពិភពលោក ជាហេតុធ្វើឱ្យប៉ះពាល់ទៅដល់ប្រាក់ចំណូលរបស់ប្រជាពលរដ្ឋនៅអឺរ៉ុប សហរដ្ឋអាមេរិកនិងនៅតាមបណ្តាប្រទេសផ្សេងៗ។ កាលណាប្រាក់ចំណូលពួកគាត់ធ្លាក់ចុះវាធ្វើឱ្យការលក់នៅលើទីផ្សារធ្លាក់ចុះតាម ហើយអ្នកបញ្ជាទិញដែលលក់ទំនិញមិនទាន់អស់ដល់អីចឹងការបញ្ជាទិញធ្លាក់ចុះ។

អ្នកឧកញ៉ា សង្កត់ធ្ងន់ថា«ការបញ្ជាទិញផលិតផលស្បែកជើងនិងកាបូបធ្លាក់ចុះនេះ ខ្ញុំគិតថានិងធ្វើឱ្យកម្មករកាត់បន្ថយប្រាក់ចំណូល ហើយការថែមម៉ោងធ្វើការអត់មាន។លើសពីនេះនៅកន្លែងខ្លះអាចនិងមានការកាត់បន្ថយបុគ្គលិកធ្វើការដោយសាររោងចក្រមិនទាន់បានការបញ្ជាទិញឬការបញ្ជាទិញមានតិចតួច»៕ អត្ថបទ៖សារេត

The post អ្នកឧកញ៉ា លី ឃុនថៃ៖ ការបញ្ជាទិញសម្លៀកបំពាក់ ស្បែកជើងនិងសម្ភារៈធ្វើដំណើរ ឆ្នាំ២០២៣មានការធ្លាក់ចុះ appeared first on .

បើតាមទស្សនៈឧកញ៉ា លី ឃុនថៃ ដែលទទួលបានគោរមងារជាឧកញ៉ាតាំងពី១០ឆ្នាំមុន ហើយថ្មីៗទើបទទួលបានគោរមងារជា«អ្នកឧកញ៉ា» ចុះថ្ងៃទី៤ ខែមករា ឆ្នាំ២០២៣ តាមរយៈព្រះរាជក្រឹត្យលេខ នស/ករត/០១២៣/០៣០ ថែមទៀតនេះ មានប្រសាសន៍ថា ខ្ញុំគិតថាគោរមងារដែលព្រះមហាក្សត្រផ្តល់ជូននេះវាមានកិត្តិយសណាស់សម្រាប់បុគ្គលដែលទទួលបាន មានន័យថា ក្រុមហ៊ុនក៏ដូចជាបុគ្គលបានជួយកសាងប្រទេសជាតិ។

លើសពីនេះគោរមងារជាឧកញ៉ា អ្នកឧកញ៉ាជួយធ្វើឱ្យអ្នកវិនិយោគ និងដៃគូរសហការគេគិតថាក្រុមហ៊ុនយើងបានជួយទៅដល់សង្គម។ ឧទាហរណ៍ប្រាក់ចំណូលដែលយើងរកបានពីមុខជំនួញ មួយចំណែកយើងយកជួយទៅដល់សង្គមបានកាន់តែច្រើនដើម្បីចូលរួមជួយអភិវឌ្ឍន៍ប្រទេសជាតិរួមគ្នា។ អ្នកឧកញ៉ាបន្ថែម។

អ្នកឧកញ៉ា លី ឃុនថៃ មានប្រសាសន៍ថា «ជាទស្សនៈខ្ញុំផ្ទាល់។ខ្ញុំគិតថាបើយើងទទួលបានគោរមងារហើយយើងធ្វើមុខរបរមិនស្របច្បាប់ឬខុសច្បាប់នៃព្រះរាជាណាចក្រកម្ពុជាវាធ្វើឱ្យក្រុមហ៊ុនយើងអាចមានការក្ស័យធុនលឿនជាងអ្នកអត់មានគោរមងារជាឧកញ៉ា»៕

សូមជម្រាបជូនថា អ្នកឧកញ៉ា លី ឃុនថៃ ជាទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្រ្តី អនុប្រធានសភាពាណិជ្ជកម្មកម្ពុជាប្រធានសមាគមស្បែកជើងកម្ពុជា, ប្រធានកិតិ្តយសសមាគមផលិតផលធ្វើដំណើរ និងស្បែកនៅកម្ពុជា (CTLA), សមាជិកក្រុមប្រឹក្សាធុរកិច្ចអាស៊ីខាងកើត, ប្រធានក្រុមហ៊ុន អាល់ហ្វា គ្រុប (ALPHA Group) និងប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ម.ក ៕ អត្ថបទ៖ ឧកញ៉ា សារេត

The post អ្នកឧកញ៉ា លី ឃុនថៃ៖ បុគ្គលមានគោរមងារជា«ឧកញ៉ា»បើធ្វើជំនួញមិនល្អក្ស័យធុនលឿនជាងអ្នករកស៊ីធម្មតា appeared first on .

ពាណិជ្ជករមានងារឧកញ៉ា  ត្រូវបានព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ អ្នកឧកញ៉ា រួមមាន៖ ស្ថាបនិក និងជាអគ្គនាយកក្រុមហ៊ុន SUN & MOON Group ឧកញ៉ា ជា រតនា និងឧត្តមភរិយា គឺឧកញ៉ា លី លីហៀក ទទួលងារ «អ្នកឧកញ៉ា» តាមព្រះរាជក្រឹត្យ នស/រកត/០១២៣/០០៩ នៅថ្ងៃទី២ ខែមករា ឆ្នាំ២០២៣។

ឧកញ៉ា លី សេងឃាង អគ្គនាយកក្រុមហ៊ុន BS Land and Home និងជាអនុប្រធាន​សមាគម​អ្នកអភិវឌ្ឍន៍លំនៅឋាន​កម្ពុជា ទទួលគោរមងារ «អ្នកឧកញ៉ា» នៅថ្ងៃទី៤ ខែមករា ឆ្នាំ២០២៣នេះ តាមរយៈព្រះរាជក្រឹត្យលេខ នស/រកត/០១២៣/០៣២។

ឧកញ៉ា ចាប ហុងលី ប្រធានក្រុមប្រឹក្សាភិបាល ក្រុមហ៊ុន ខាង ស៊ាងលី ប្រផឹធី ឌីវេឡុបម៉ិន ឯ.ក និង​ជាអនុប្រធាន​សមាគម​អ្នកអភិវឌ្ឍន៍លំនៅឋាន​កម្ពុជា ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» តាមព្រះរាជក្រឹត្យលេខ នស/រកត/០១២៣/០៣១ ចុះ​ថ្ងៃទី​ថ្ងៃទី៤ ខែមករា ឆ្នាំ២០២៣។

ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី គឺឧកញ៉ា លី ឃុនថៃ ត្រូវបានព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារជា «អ្នកឧកញ៉ា» តាមរយៈព្រះរាជក្រឹត្យលេខ នស/ករត/០១២៣/០៣០ ចុះថ្ងៃទី៤ ខែមករា ឆ្នាំ២០២៣។ បច្ចុប្បន្នឧកញ៉ាជាអនុប្រធាន​សភាពាណិជ្ជកម្ម​កម្ពុជា, ប្រធានសមាគមស្បែកជើងកម្ពុជា, ប្រធានកិតិ្តយសសមាគមផលិតផលធ្វើដំណើរ និងស្បែកនៅកម្ពុជា (CTLA), សមាជិកក្រុមប្រឹក្សាធុរកិច្ចអាស៊ីខាងកើត, ប្រធានក្រុមហ៊ុន អាល់ហ្វា គ្រុប (ALPHA Group) និងប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ម.ក ។

នៅថ្ងៃទី២ ខែមករា ឆ្នាំ២០២៣ អគ្គនាយករងក្រុមហ៊ុន SUN & MOON GROUP ដែលជាកូនស្រីបង្កើត និងកូនប្រសារ អ្នកឧកញ៉ា ជា រតនា គឺលោក រ៉ាត់ ដារ៉ារ័ត្ន និងលោកស្រី ជា ឡាក់គី ត្រូវបានព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» តាមព្រះរាជក្រឹត្យលេខ នស/រកត/០១២៣/០០៨។

យ៉ាងណាម៉ិញ ក្រៅតែពីការផ្តល់គោរមងារ ឧកញ៉ា អ្នកឧកញ៉ាជូនដល់ពាណិជ្ជករជាម្ចាស់ក្រុមហ៊ុនគ្រាក់ៗ ៧រូបហើយនោះ តាមដំណើររបស់ប្រមុខរាជរដ្ឋាភិបាលកម្ពុជា ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ ក៏បានចេញព្រះរាជក្រឹត្យតែងតាំងមុខដំណែង និងផ្តល់ឋានៈដល់មន្ត្រីជាន់ខ្ពស់រាជរដ្ឋាភិបាល នៅតាមបណ្តាក្រសួង ស្ថាប័ននានា ដូចជា ក្រសួងមហាផ្ទៃ ក្រសួងពាណិជ្ជកម្ម ក្រសួងការពារជាតិ ទីស្តីការគណៈរដ្ឋមន្ត្រី ព្រមទាំងខុទ្ទកាល័យសម្តេចតេជោនាយករដ្ឋមន្ត្រី ហ៊ុន សែន ៕

The post ត្រឹមពេលមិនដល់មួយសប្តាហ៍ មានពាណិជ្ជករខ្មែរប្រមាណ ៧រូបទទួលគោរមងារ«ឧកញ៉ា អ្នកឧកញ៉ា» appeared first on .

ព្រះរាជក្រឹត្យផ្តល់គោរម្យងារអ្នកឧកញ៉ាដល់ ឧកញ៉ា លី ឃុនថៃ ធ្វើឡើងតបតាមសំណើក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

បច្ចុប្បន្នឧកញ៉ា លី ឃុនថៃ ជាអនុប្រធាន​សភាពាណិជ្ជកម្ម​កម្ពុជា ហើយដែលកំពុង​កាន់​​​កាប់​មុខ​តំណែង និង​មាន​តួនាទី​ជា​ច្រើន​ ទាំង​វិស័យ​រដ្ឋ និង​ឯកជន ​​ដូចជាប្រធានសមាគមស្បែកជើងកម្ពុជា, ប្រធានកិតិ្តយសសមាគមផលិតផលធ្វើដំណើរ និងស្បែកនៅកម្ពុជា (CTLA), សមាជិកក្រុមប្រឹក្សាធុរកិច្ចអាស៊ីខាងកើត, ប្រធានក្រុមហ៊ុន អាល់ហ្វា គ្រុប (ALPHA Group) និងប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ម.ក ។

គួររំលឹកថា ឧកញ៉ា លី ឃុនថៃ ​ត្រូវ​បាន​គេ​កត់​សម្គាល់​ឃើញ​ថា ជា​ឧកញ៉ា​​មួយ​រូប​​ដែល​មាន​ភាព​​ជិត​ស្និទ​ជាមួយ​​​សម្តេច​តេជោ ហ៊ុន សែន។ ​ជាក់​ស្តែង ​​កាល​ចូល​ឆ្នាំ​ខ្មែរ​កន្លង​ទៅ លោក​ឧកញ៉ា​ បាន​អញ្ជើញ​ចូលរួម​ទទួល​ទេវតាឆ្នាំថ្មីជាមួយសម្តេច ហ៊ុន សែន នៅភូមិគ្រឹះលំហែកាយមាត់សមុទ្រ ក្រុងព្រះសីហនុ។ ​យ៉ាងណាមិញ ​​ថ្មីៗ​នេះ លោក​ឧកញ៉ា លី ឃុនថៃ ​ក៏​បាន​​​អញ្ជើញ​ចូល​រួម​អម​ដំណើរ សម្តេច​តេជោ ហ៊ុន សែន នាយករដ្ឋមន្ត្រី​នៃកម្ពុជា ​​ចូល​រួម​កិច្ច​ប្រជុំ​កំពូល​រំលឹក​ខួប​អនុស្សាវរីយ៍ ខួប​លើក​ទី​៤៥ អាស៊ាន-អឺរ៉ុប ផងដែរ៕

The post ឧកញ៉ា លី ឃុនថៃ ទីប្រឹក្សាផ្ទាល់សម្តេចតេជោ ហ៊ុន សែន ទទួលគោរម្យងារ «អ្នកឧកញ៉ា» appeared first on .

១. ឧកញ៉ា លី ឃុនថៃ

-ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រកម្ពុជា
-អនុប្រធានសភាពាណិជ្ជកម្មកម្ពុជា
-ប្រធានសមាគមស្បែកជើងកម្ពុជា
-ប្រធានកិតិ្តយសសមាគមផលិតផលធ្វើដំណើរ និងស្បែកនៅកម្ពុជា (CTLA)
-សមាជិកក្រុមប្រឹក្សាធុរកិច្ចអាស៊ីខាងកើត
-ប្រធានក្រុមហ៊ុន អាល់ហ្វា គ្រុប (ALPHA Group)
-ប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ម.ក ។

២. លោកស្រី ខា ឡេង (ភរិយាលោកឧកញ៉ា លី ឃុនថៃ)

-រដ្ឋលេខាធិការក្រសួងពាណិជ្ជកម្ម ទទួលបន្ទុក​កិច្ចការលើកស្ទួយស្រ្តី និងយេនឌ័រ ក្នុងវិស័យធុរកិច្ច ពាណិជ្ជកម្ម
-ភាគទុនិក និងជាប្រធានក្រុមប្រឹក្សាភិបាល គ្រឹះស្ថានមីក្រូហិរញ្ញវត្ថុ បរិបូរណ៌ ភីអិលស៊ី បង្កើតឡើងកាលពីខែធ្នូ ឆ្នាំ២០១១
-អគ្គនាយិកាក្រុមហ៊ុន The Gateway ស្ដីពី គុណភាពសំណង់អគារ និងបុរីនៅកម្ពុជា
-អគ្គនាយិការង​ ក្រុមហ៊ុន អាល់ហ្វា ប្រផឹធី ខនស្ត្រាក់សិន គ្រុប ជា​ក្រុមហ៊ុន​មានបទពិសោធច្រើនឆ្នាំ​ ខាង​ផ្នែក​អចលនទ្រព្យ​ និង​សំណង់
-ប្រធានសមាគមមូលនិធិទ្រទ្រង់ការអភិវឌ្ឍនៅកម្ពុជា
-ជាមេធាវី មិនប្រកបវិជ្ជាជីវៈ
-អនុប្រធាន​សមាគមអ្នកអភិវឌ្ឍន៍លំនៅឋានកម្ពុជា ដឹកនាំដោយអ្នកឧកញ៉ា លី ហួរ ជាប្រធាន
-អនុប្រធានក្រុមការងារចុះមូលដ្ឋានឃុំត្រពាំងព្រះ ស្រុកព្រៃឈរ ខេត្តកំពង់ចាម
-សមាជិកទីប្រឹក្សាសភាពាណិជ្ជកម្មកម្ពុជា
-សមាជិកានៃក្រុមការងារគ្រប់គ្រងនិស្សិត អាហាររូបករណ៍សម្តេចតេជោ ដឹកនាំដោយលោក ហ៊ុន ម៉ាណែត។

ក្រៅពីតួនាទីសំខាន់ៗ​ខាង​លើ ​​លោកឧកញ៉ា លី ឃុនថៃ ​​និង​ភរិយា ក៏​នៅ​មាន​​​តួនាទី​នៅ​​ក្នុង​វិស័យ​រដ្ឋ ឯកជន សមាគម និង​កិច្ចការងារ​សង្គមមួយ​ចំនួន​ទៀត ​ផងដែរ។

​សូម​ជម្រាប​ជូន​​ថា លោក​ឧកញ៉ា លី ឃុនថៃ ​ត្រូវ​បាន​គេ​កត់​សម្គាល់​ឃើញ​ថា ជា​ឧកញ៉ា​​មួយ​រូប​​ដែល​មាន​ភាព​​ជិត​ស្និទ​ជាមួយ​​​សម្តេច​តេជោ ហ៊ុន សែន។ ​ជាក់​ស្តែង ​​កាល​ចូល​ឆ្នាំ​ខ្មែរ​កន្លង​ទៅ លោក​ឧកញ៉ា​ បាន​អញ្ជើញ​ចូលរួម​ទទួល​ទេវតាឆ្នាំថ្មីជាមួយសម្តេច ហ៊ុន សែន នៅភូមិគ្រឹះលំហែកាយមាត់សមុទ្រ ក្រុងព្រះសីហនុ។ ​យ៉ាងណាមិញ ​​ថ្មីៗ​នេះ លោក​ឧកញ៉ា លី ឃុនថៃ ​ក៏​បាន​​​អញ្ជើញ​ចូល​រួម​អម​ដំណើរ សម្តេច​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រកម្ពុជា ​​ចូល​រួម​កិច្ច​ប្រជុំ​កំពូល​រំលឹក​ខួប​អនុស្សាវរីយ៍ ខួប​លើក​ទី​៤៥ អាស៊ាន-អឺរ៉ុប ផងដែរ៕

​

The post ឧកញ៉ា លី ឃុនថៃ និងភរិយា កំពុងកាន់មុខតំណែងនិងតួនាទី សរុបជិត២០ ទាំងរដ្ឋនិងឯកជន appeared first on .

ព្រះរាជពិធីផ្លូវការនៃទិវាបុណ្យឯករាជ្យជាតិលើកទី៦៩នេះ ក៏មានការយាង និងអញ្ជើញចូលរួមពីថ្នាក់ដឹកនាំ ភ្ញៀវជាតិ អន្តរជាតិ មន្ត្រីទូតនានា មន្រ្តីរាជការ កងកម្លាំងប្រដាប់អាវុធ យុវជន យុវតី សិស្សានុសិស្ស និងមហាជនយ៉ាងច្រើនកុះករ។

ទិវាបុណ្យឯករាជ្យជាតិ៩ វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់ព្រះករុណា ព្រះបាទ សម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូ ក្នុងក្របខ័ណ្ឌនៃព្រះរាជបូជណីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕

The post ឧកញ៉ា លី ឃុនថៃ ដឹកនាំសមាជិកដាក់កម្រងផ្កាទិវាបុណ្យឯករាជ្យជាតិ ៩ វិច្ឆិកា appeared first on .

លោកស្រីជាភាគទុនិក និងជាប្រធានក្រុមប្រឹក្សាភិបាល គ្រឹះស្ថានមីក្រូហិរញ្ញវត្ថុ បរិបូរណ៌ ភីអិលស៊ី បង្កើតឡើងកាលពីខែធ្នូឆ្នាំ២០១១។

លោកស្រី ខា ឡេង បានបញ្ចប់ការសិក្សាថ្នាក់បណ្ឌិត ផ្នែកច្បាប់។ បច្ចុប្បន្នអគ្គនាយិការង​ ក្រុមហ៊ុន អាល់ហ្វា ប្រផឹធី ខនស្ត្រាក់សិន គ្រុប ជា​ក្រុមហ៊ុន​មានបទពិសោធច្រើនឆ្នាំ​ ខាង​ផ្នែក​អចលនទ្រព្យ​ និង​សំណង់។ បទពិសោធន៍ដែ​ល​ក្រុមហ៊ុន​​បានវិនិយោគ​​គម្រោង​ធំជាងគេ គឺគម្រោង​ The Gate Way ជាដើម។

ក្រុមហ៊ុន អាល់ហ្វា គ្រុប គ្រប់គ្រងដោយផ្ទាល់ពីឧកញ៉ា លី ឃុនថៃ ប្រធានក្រុមហ៊ុន អាល់ហ្វា គ្រុប ជាប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ម.ក។ លោកឧកញ៉ាជានិច្ចកាលតែងតែបង្ហាញមុខក្នុងពិធីតូចធំអមដំណើរសម្តេចតេជោនាយករដ្ឋមន្ត្រី ខណៈដែលលោកឧកញ៉ាមានតួនាទីជាទីប្រឹក្សាផ្ទាល់នាយករដ្ឋមន្រ្តី។

ក្រឡែកមកភរិយាលោកវិញ ក្រៅពីការងារគ្រប់គ្រងក្នុងមុខជំនួញផ្ទាល់ លោកស្រីកាន់តួនាទីអនុប្រធាន​សមាគមអ្នកអភិវឌ្ឍន៍លំនៅឋានកម្ពុជា ដឹកនាំដោយអ្នកឧកញ៉ា លី ហួរ ជាប្រធាន។

ជាមួយគ្នានេះដែរ លោកស្រី ខា ឡេង ក៏ជាអនុប្រធានក្រុមការងារចុះមូលដ្ឋានឃុំត្រពាំងព្រះ ស្រុកព្រៃឈរ ខេត្តកំពង់ចាម និងជាប្រធានសមាគមមូលនិធិទ្រទ្រង់ការអភិវឌ្ឍនៅកម្ពុជា។

សម្រាប់ការងារយុវជន និងកិច្ចការងារមនុស្សធម៌ លោកស្រីជាសមាជិកានៃក្រុមការងារគ្រប់គ្រងនិស្សិត អាហាររូបករណ៍សម្តេចតេជោ ដឹកនាំដោយលោក ហ៊ុន ម៉ាណែត៕

The post មកស្គាល់លោកស្រី ខា ឡេង ភរិយាឧកញ៉ាម្នាក់ទីប្រឹក្សាផ្ទាល់នាយករដ្ឋមន្រ្តី appeared first on .

ក្នុងពិធីសម្ពោធសមាគមថ្មីនេះ មានការចូលរួមពីរដ្ឋមន្ត្រី​ក្រសួង​ទំនាក់ទំនង​ជាមួយ​រដ្ឋសភា​-​ព្រឹទ្ធសភា​ ​និង​អធិការកិច្ច​ ​លោកស្រី​ ​ម៉ែន​ ​សំ​អន អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ឧកញ៉ា វ៉ាន់ ឆារស៍ អគ្គនាយករងក្រុមហ៊ុន OCIC ឧកញ៉ា អ៉ឹង សែ អគ្គនាយកក្រុមហ៊ុន PTC Computer Co., Ltd និងអភិបាលខេត្តកណ្តាល លោក គង់ សោភ័ណ លោក វ៉ី សំណាង អភិបាលខេត្តកំពង់ស្ពឺ លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង ព្រមទាំងឥស្សរជន ថ្នាក់ដឹកនាំ សហគ្រិន វិនិយោគិន ប្រមាណជា ៥០០រូប កាលពី​ថ្ងៃសៅរ៍​ ​នៅ​សណ្ឋាគារ​មួយ​កន្លែង​ក្នុង​រាជធានី​ភ្នំពេញ​។

ក្រៅពី​នេះ​ ​ក៏មាន​វត្តមាន​លោក​ ​ជា​ ​សឿន​ ​អនុប្រធានសមាគម​ស​ម្ព័ន្ធ​ខ្មែរ​ចិន​នៅ​កម្ពុជា​ ​លោកស្រី​ J​e​nn​y​ ​An​n​e​ ​H​i​c​key​ ​អនុប្រធាន​កម្មវិធី​ ​I​L​O-B​F​C ​និង​វត្តមាន​តំណាង​ឯកអគ្គរដ្ឋទូត​សហភាព​អឺរ៉ុប​ ​រួម​ទាំង​សមាគម​អាជីវកម្ម​ជាង​ 20 ​សភា​ពាណិជ្ជកម្ម​នៅ​កម្ពុជា​ ​និង​ក្រុមហ៊ុន​ដៃគូ​ផ្សេងៗ​ជាច្រើន​ទៀត​។​

ប្រធានកិត្តិយសសមាគម​ C​T​L​A​ ​ឧកញ៉ា​ ​លី​ ​ឃុន​ថៃ​ ​បាន​លើកឡើង​ថា​៖​ ​«​ដោយសារ​ការ​កើន​ឡើង​នៃ​ចំនួន​រោងចក្រ​តូច​ ​និង​ធំ​នៅ​ក្នុង​ប្រទេស​កម្ពុជា​ ​ហើយ​តម្រូវ​ការ​បង្កើត​ឯករាជ្យ​ភាព​នៃ​វិ​ស័យ​​ផលិតកម្ម​នៃ​ផលិតផល​នីមួយៗ​មានការ​កើន​ឡើង​ ​ដូច្នេះ​ ​ចាំបាច់​បំផុត​ក្នុង​ការ​បង្កើត​សមាគម​នេះ​ឡើង​ឱ្យ​បាន​ទាន់ពេល​វេលា​ ​ដើម្បី​ផ្តោត​លើ​ផលិតផល​នីមួយៗ​ប្រកបដោយ​ប្រសិទ្ធ​ភាព»​។​

​បើតាមលោកឧកញ៉ា​ C​T​L​A​ ​នឹង​បម្រើ​ជា​វេទិកា​រួម​សម្រាប់​សមាជិក​ទាំងអស់​ ​ក្នុង​ការ​ផ្តល់​គំនិត​ ​និង​សម្របសម្រួល​ការ​ទំនាក់ទំនង​ក្នុង​ការ​ផ្តល់​នូវ​ដំណោះស្រាយ​ដ៏​សមស្រប​ដល់​ភាគី​ពាក់ព័ន្ធ​ទាំងអស់​ ​ដើម្បី​ផលប្រយោជន៍​ជា​រួម​ ​និង​រួមចំណែក​ដល់​ការ​អភិវឌ្ឍ​សេដ្ឋកិច្ច​របស់​កម្ពុជា​។

ប្រធាន​សមាគម C​T​L​A​ ​លោក​ លឹម តុង បានលើកឡើងដែរថា គោលបំណង​នៃ​សមាគម​នេះ​ ​ដើម្បី​ចូលរួម​ជាមួយ​រដ្ឋាភិបាល​ក្នុង​ការ​ទាក់ទាញ​វិនិ​យោគិន​ ​សម្របសម្រួល​បង្កើត​រោងចក្រ​ ​និង​ផ្តល់​ឱកាស​ការងារ​ដល់​កម្មករ​នៅ​កម្ពុជា​ ​ជាពិសេស​ ​ជំរុញ​កំណើន​សេដ្ឋកិច្ច​កម្ពុជា​ឱ្យ​កាន់តែ​រីក​ចម្រើន​។​

​លោក​ ​លឹម តុង ​សង្កត់ធ្ងន់​ថា​ ​សមាគម​នឹង​ខិតខំ​ឱ្យ​អស់ពី​សមត្ថភាព​ ​ក្នុង​ការ​បង្ហាញ​ ​និង​ណែនាំ​ដល់​រោងចក្រ​សមាជិក​ទាំងអស់​ឱ្យ​ប្រកាន់ខ្ជាប់​នូវ​តម្រូវ​ការ​របស់​ ​I​L​O-B​F​C ​ក្នុង​ការ​កែ​លម្អ​លក្ខខណ្ឌ​ការងារ​ ​ដើម្បី​រក្សា​ផលប្រយោជន៍​ទាំង​និយោជក​ ​និង​កម្មករ​ ​និង​ស្របតាម​យុទ្ធសាស្ត្រ​អភិវឌ្ឍន៍​របស់​រដ្ឋាភិបាល​កម្ពុជា​៕

The post ឧកញ៉ា លី ឃុនថៃ សម្ពោធសមាគម​ថ្មី ផ្តល់​នូវ​ដំណោះស្រាយ​ដ៏​សមស្រប​ដល់​ភាគី​ពាក់ព័ន្ធ​ appeared first on .

ឧកញ៉ា លី ឃុនថៃ អនុប្រធានសភាពាណិជ្ជកម្មកម្ពុជា និងជាសមាជិកក្រុមប្រឹក្សាធុរកិច្ចអាស៊ីខាងកើត បានលើកឡើងអំពីសារៈសំខាន់នៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ដែលស្ថិតនៅក្នុងកម្មវិធីអាទិភាពរបស់ក្រុមប្រឹក្សាធុរកិច្ចអាស៊ីខាងកើតចាប់តាំងពីឆ្នាំ២០១៣ រហូតដល់បច្ចុប្បន្ន។

បើតាមលោកឧកញ៉ា ឆ្នាំ២០២២ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ បានចូលរជាធរមានជាផ្លូវការ ដូច្នេះការបង្កើតក្រុមប្រឹក្សាពិគ្រោះយោបល់ធុរកិច្ចនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ពិតជាមានសារៈសំខាន់ ក្នុងការផ្តល់ជារបាយការណ៍អនុសាសន៍ដែលជាសម្លេងរួមរបស់វិស័យឯកជន ទៅកាន់ថ្នាក់ដឹកនាំ អាស៊ានបូកបី។

ជាមួយគ្នានេះ លោកឧកញ៉ា ក៏បានប្រកាសស្វាគមន៍សមាជិកថ្មីរបស់ក្រុមប្រឹក្សាពិគ្រោះយោបល់ធុរកិច្ចចំនួនពីរប្រទេស គឺប្រទេសអូស្ត្រាលី និង នូវែសេឡង់ និងបានដឹកនាំកិច្ចប្រជុំ ពិភាក្សា និងប្រមូលធាតុចូលបន្ថែមលើលក្ខន្តិកៈនៃក្រុមប្រឹក្សាពិគ្រោះយោបល់ធុរកិច្ចនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ សកម្មភាព និងទិសដៅចម្បង សម្រាប់ឆ្នាំ ២០២២។

សូមជម្រាបជូនថា ក្រុមប្រឹក្សាពិគ្រោះយោបល់ធុរកិច្ច នៃ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ត្រូវបានបង្កើតឡើងក្នុងគោលបំណងពិនិត្យ និងពង្រឹងលើការអនុវត្ត នៃ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់តាមរយៈការផ្តល់របាយការណ៍អនុសាសន៍ទៅកាន់ថ្នាក់ដឹកនាំ ក៏ដូចជារៀបចំវេទិកា សន្និសីទ និងព្រឹត្តិការណ៍ផ្សេងៗ ដើម្បីទាញយកផលប្រយោជន៍ជាអតិបរមាពីកិច្ចព្រមព្រៀមសេរីនេះផងដែរ៕

The post ឧកញ៉ា លី ឃុនថៃ៖ កិច្ចព្រមព្រៀងនេះជាសម្លេងរួមពីវិស័យឯកជន ទៅកាន់ថ្នាក់ដឹកនាំអាស៊ានបូកបី appeared first on .